Alþingisreitur, Laugavegur 53B, Þórsgata 2, Dofraborgir 26, Fálkagata 20B, Fossvogsbakkar, Gautavík 11-23, Gautavík 11-15, Grandavegur/Framnesvegur, Gylfaflöt, lóðarafmarkanir, Hólaberg 74, Hverfisgata, Keilugrandi 1, Kjalarvogur 16, Kringlan, Kringlan 9, Landakot, Laugarnes, Skógrækt, Miklabraut/Vesturlandsvegur, Nauthólsvík/Öskjuhlíð, Reitur Menntaskólans í Reykjavík, Síðumúli 24-26, Skeljanes 10, Skógarás 14, Skólavörðustígur 22, Aðalskipulag Reykjavíkur, Vesturbæjarskóli, Umferðarmál, Vesturbæjarsundlaug, Vesturhlíð 7, Laugavegur 53B,

Skipulags- og umferðarnefnd

8. fundur 1998
Ár 1998, mánudaginn 6. apríl kl. 10:00, var haldinn 8. fundur skipulags- og umferðarnefndar í Borgartúni 3, 4. hæð. Þessir sátu fundinn: Guðrún Ágústsdóttir, Guðrún Jónsdóttir, Óskar Dýrmundur Ólafsson, Jóna Gróa Sigurðardóttir og Ágúst Jónsson. Fundarritari var Ágúst Jónsson.
Þetta gerðist:

Alþingisreitur, deiliskipulag
Lagt fram bréf borgarstjóra f.h. borgarráðs um samþykkt borgarráðs 24.03.1998 á bókun skipulags- og umferðarnefndar frá 23. s.m. um auglýsingu deiliskipulagsins. Borgarráð samþykkti að heimila auglýsingu, en gerir fyrirvara um frekari athugun á lausn bílastæðamála.

Laugavegur 53B, nýbygging
Lagt fram bréf borgarstjóra f.h. borgarráðs um samþykkt borgarráðs 24.03.1998 á bókun skipulags- og umferðarnefndar frá 23. s.m. um nýbyggingu að Laugavegi 53b.

Þórsgata 2, nýbygging
Lagt fram bréf borgarstjóra f.h. borgarráðs um samþykkt borgarráðs 24.03.1998 á bókun skipulags- og umferðarnefndar frá 23. s.m. um nýbyggingu að Þórsgötu 2.

Dofraborgir 26, lóðarstækkun
Lagt fram bréf eigenda að Dofraborgum 26, dags. 17.03.98, þar sem óskað er eftir stækkun lóðar. Einnig lagt fram samþykki nágranna dags. 17.03.98 og umsögn Borgarskipulags dags. 3.04.98.
Vísað til umhverfismálaráðs til umsagnar. Ennfremur er Borgarskipulagi falið að kynna málið sbr. 7. mgr. 43. gr. laga 73/1997 fyrir hagsmunaaðilum að Dofraborgum 1-15 (stök númer) og Dofraborgum 2-34 (jöfn númer).
Fálkagata 20B, endurbygging
Lagt fram bréf byggingarfulltrúa f.h. byggingarnefndar, dags. 16.03.98, varðandi endurbyggingu húss á lóðinni nr. 20B við Fálkagötu, samkv. uppdr. Arkitektastofunnar Aðalstræti 8, dags. 04.07.96, br. 02.09.96. Einnig lögð fram umsögn Borgarskipulags dags. 3.04.98.
Kynna málið sbr. 7. mgr. 43. gr. laga 73/1997 fyrir hagsmunaaðilum að Fálkagötu 18, 18a, 20, 20a, 22 og 24, Hjarðarhaga 11, 13 og 15 og Smyrilsvegi 28.
Fossvogsbakkar, friðlýsing
Lagt fram bréf garðyrkjustjóra f.h. umhverfismálaráðs dags. 15.01.98, varðandi friðlýsingu Fossvogsbakka ásamt bréfi Kristjáns Geirssonar jarðfræðings f.h. Náttúruverndar ríkisins dags. 11.12.97 og bréfi Náttúruverndarráðs dags. 22.02.95. Einnig lagt fram bréf borgarverkfræðings dags. 2.04.98 ásamt greinargerð og uppdr. Landmótunar ehf. dags. 31.03.98
Samþykkt.
Gautavík 11-23, skilmálar
Lagt fram bréf Húsvirkis hf og Húsafls hf, dags. 24.03.98, varðandi byggingu húsa á tveimur pöllum í stað fjögurra á lóðum við Gautavík nr. 20-26, 30-36, 17-23 og 33-39, jafnframt að hús á lóð nr. 11-15 við Gautavík verði á einum palli í stað þriggja. Einnig lagt fram samþykki hluthafa í Víkurhverfi ehf., dags. 24.03.98. Ennfremur lagt fram bréf skipulagshöfundar Árna Friðrikssonar dags. 31.3.98 og Borgarskipulags dags. 3.4.98.
Samþykkt að leggja til við borgarráð að tillagan verði auglýst samkv. 1. og 2. mgr. 18. gr. laga 73/1997 sem breyting á deiliskipulagi.
Gautavík 11-15, skilmálar
Lagt fram bréf Guðrúnar Stefánsdóttur arkitekts, dags. 27.03.98, varðandi breytingar á skipulagsskilmálum á Gautavík 11-15 og nýbyggingu samkv. uppdr. mótt. 3.04.98.
Tillögunni vísað til meðferðar við breytingu á deiliskipulagi við Gautavík og Ljósuvík, sbr. mál nr. 166.98.
Grandavegur/Framnesvegur, umferð
Lagt fram bréf íbúa við Framnesveg og Grandaveg, dags. 10.03.98, varðandi umferðarvanda í hverfinu og bréf íbúa við Framnesveg 55-68, dags. 10.03.98. Einnig lögð fram tillaga umferðardeildar borgarverkfræðings dags. 31.03.98
Skipulags- og umferðarnefnd samþykkir:
a) 7 bílastæði við Grandaveg að norðanverðu samkv. tillögu umferðardeildar, dags. 3.4.98.
b) Stöðvunarskyldu á Aflagranda gagnvart Grandavegi.
Tillögunni frestað að öðru leyti.
Gylfaflöt, lóðarafmarkanir,
Lagt fram bréf borgarstjóra f.h. borgarráðs, dags. 04.03.98, varðandi afmarkanir lóða við Gylfaflöt, ásamt tillögu Borgarskipulags dags. 3.04.98
Samþykkt.
Vísað til kynningar í umhverfismálaráði og hverfisnefnd Grafarvogs að því er varðar sparkvöll.
Fyrirvari er gerður um tölusetningu lóða.
Hólaberg 74, breyting á notkun
Lagt fram bréf Huldu Ólafsdóttur, dags. 23.03.98, varðandi breytingar á skipulagi og notkun á einbýlishúsinu við Hólaberg 74, vegna fyrirhugaðs reksturs leikskóla í húsnæðinu. Einnig lögð fram umsögn frkvstj. Dagvistar barna dags. 1.04.98 ásamt minnispunktum Borgarskipulags dags. 3.04.98.
Borgarskipulagi falið að kynna málið fyrir hagsmunaaðilum að Hólabergi 66-72 og 76 (jöfn númer) og að Lágabergi 1-9, 2-4 og að Neðstabergi 5.
Hverfisgata, tvístefna
Lagt fram bréf hagsmuna- og rekstraraðila við Laugaveg dags. 19.03.98 varðandi fyrirkomulag tvístefnu á Hverfisgötu.
Vísað til umsagnar umferðardeildar borgarverkfræðings.
Keilugrandi 1, breytingar
Lagt fram að nýju bréf Grýtu-Hraðhreinsunar, dags. 18.03.98, ásamt teikningum Halldórs Guðmundssonar ark. dags. 19.03.98. Einnig lagðar fram athugasemdir Eiríks Sigurgeirssonar, Magnúsar Guðmundssonar og Árna Guðmundssonar dags. 31.03.98, ásamt eldri athugasemdum og umsögn Borgarskipulags dags. 20.03.98, bréfi byggingarfulltrúa dags. 30.01.98 og fylgigögnum.
Frestað.
Kjalarvogur 16, deiliskipulag
Lagt fram bréf Reykjavíkurhafnar, dags.19.03.98, varðandi fyrirkomulag lóðarinnar Kjalarvogur 16, samkv. uppdr. Arkitekta Gunnars og Reynis sf, dags. 25.02.98. Einnig lagðir fram minnispunktar Borgarskipulags dags. 3.04.98.
Samþykkt að leggja til við borgarráð að tillagan verði auglýst deiliskipulagstillaga samkv. 1. og 2. mgr. 18. gr. laga nr. 73/1997.
Kringlan, skipulag
Að lokinni kynningu eru lagðir fram að nýju deiliskipulagsuppdrættir Teiknistofu Halldórs Guðmundssonar, dags. 4.2.1998. Einnig lagðar fram athugasemdir Húsfélagsins Ofanleiti 7, dags 26.03.98, Húsfélagsins Ofanleiti 3-9 og 19-21 bílskýli dags. 26.03.98, Húsfélagsins Ofanleiti 9 dags. 26.03.98, Húsfélagsins Ofanleiti 19 dags. 26.03.98, Ágústs Jónatanssonar Ofanleiti 19 dags. 26.03.98 og Húsfélagsins Ofanleiti 21 dags. 26.03.98 ásamt umsögn Borgarskipulags, dags. 3.04.98. Ennfremur lagt fram bréf umhverfismálaráðs, dags. 12.03.98.
Skipulags- og umferðarnefnd samþykkir umsögn Borgarskipulags um þær athugasemdir sem bárust eftir grenndarkynningar. Ennfremur samþykkir nefndin deiliskipulagstillöguna.
Kringlan 9, nýbygging
Lagt fram bréf Húss verslunarinnar, dags.23.3.98. varðandi nýbyggingu vestan við núverandi byggingu samkv. teikningum Ingimundar Sveinssonar arkitekts dags. 20.03.98. Einnig lögð fram umsögn Borgarskipulags, dags. 23.03.98.
Samþykkt að kynna tillöguna samkv. 7. mgr. 43. gr. laga nr. 73/1997 fyrir hagsmunaaðilum að Kringlunni 1-3 og 5.
Landakot, deiliskipulag á reit Sjúkrahúss Reykjavíkur
Lögð fram endurunnin tillaga Borgarskipulags skv. uppdr. Ólafar G. Valdemarsd. að breyttu deiliskipulagi á reit Sjúkrahúss Reykjavíkur, Landakot, dags. 04.06.97, br. 3.04.98 í samræmi við athugasemdir íbúa.

Samþykkt að leggja til við borgarráð að tillagan verði auglýst samkv. 1. og 2. mgr. 18. gr. laga 73/1997 sem deiliskipulagstillaga.
Laugarnes, deiliskipulag
Lögð fram til kynningar frumdrög að deiliskipulagi Laugarness dags 5.4.98. Einnig lagt fram bréf umhverfismálaráðs, dags. 13.02.98, varðandi legu skólplagnar yfir Laugarnes, samkv. teikningu frá 04.11.97.

Skógrækt, friðun lands
Lagt fram til kynningar bréf skrifstofustjóra borgarstjórnar, dags. 30.3.98, ásamt bréfi Skógræktarélags Íslands dags. 20.03.98 varðandi friðun lands og ráðstöfun lands til skógræktar.

Miklabraut/Vesturlandsvegur, hækkuð hraðamörk
Lagt fram að nýju bréf borgarstjóra f.h. borgarráðs, dags. 12.11.97, ásamt fylgibréfum, varðandi hækkuð hraðamörk á hluta Miklubrautar og Vesturlandsvegar, ásamt umsögn umferðardeildar dags. 19.11 ´97. Einnig lögð fram umsögn hverfisnefndar Grafarvogs, dags. 23.03.98.
Skipulags- og umferðarnefnd leggur til við borgarráð að það beini því til Vegagerðarinnar að hraðamörk, þ.e. breyttur hámarkshraði á Vesturlandsvegi og Miklubraut á milli lögsögumarka Mosfellsbæjar og Reykjavíkur og göngubrúar yfir Miklubraut austan Skeiðarvogs verði 70 km/klst.
Samþykkt samhljóða (Óskar D. Ólafsson og Guðrún Ágústsdóttir sátu hjá).
Nauthólsvík/Öskjuhlíð, veitingasala
Lagt fram bréf Ingvars Á. Þórissonar, dags. 30.01.98, varðandi stækkun á áður samþykktu húsi undir veitingasölu í Nauthólsvík samkvæmt teikningum dags. 20.03.98 og 25.03.98.
Frestað. Vísað til umhverfismálaráðs.
Reitur Menntaskólans í Reykjavík, leiðrétting
Lögð fram að nýju til kynningar breytt verðlaunatillaga Teiknistofunnar Óðinstorgi, mótt. 6.4.1998 um skipulag reits Menntaskólans í Reykjavík. Einnig lagt fram bréf umhverfismálaráðs, dags. 13.02.98 og umsögn húsfriðunarnefndar dags. 3.4.1998. Ennfremur lagt fram bréf eigenda Þingholtsstrætis 16 og bréf Sverris Ólafssonar og Ingibjargar Hauksdóttur, Þingholtsstræti 14, dags. 09.03.98.
Skipulags- og umferðarnefnd samþykkir að kynna málið, að því er varðar tengibyggingu á milli Þingholtsstrætis 18 og Casa Nova, samkv. 7. mgr. 43. gr. laga 73/1997 fyrir hagsmunaaðilum að Þingholtsstræti 14, 16, 15, 17 og 21, 22, Bókhlöðustíg 10 og íbúasamtökum á svæðinu.
Fyrirvari er gerður um útfærslu og efnisval á útveggjum tengibyggingarinnar.
Síðumúli 24-26, nýbygging
Að lokinni kynningu er lagt fram að nýju bréf Páls Gunnlaugssonar arkitekts, dags. 19.02.98, varðandi fyrirhugaða nýbyggingu á lóðinni, samkv. uppdr. Arkitekta sf. dags. 08.02.98 móttekið 20.02.98. Einnig lagt fram bréf umferðardeildar, dags. 05.11.97 og umsögn Borgarskipulags dags. 18.02.98. Ennfremur lagt fram bréf Lögfræðistofu Sóleyjargötu 17 sf, dags. 26.03.98 ásamt umsögn Borgarskipulags dags. 3.04.98.
Skipulags- og umferðarnefnd samþykkir umsögn Borgarskipulags um þá athugasemd sem barst í kjölfar grenndarkynningar. Ennfremur samþykkir nefndin tillögu Arkitekta sf. að uppbyggingu á lóðinni.
Skeljanes 10, breyting á byggingarreit
Að lokinni kynningu er lagt fram að nýju bréf Helga S. Helgasonar, dags. 21.01.98, varðandi breytingu á byggingarreit Skeljaness 10 skv. uppdr. Teiknistofunnar Kvarða dags. janúar 1997. Einnig lagt fram bréf Radiovirkjans, dags. 18.02.98 ásamt umsögn Borgarskipulags, dags. 04.02.98.
Skipulags- og umferðarnefnd samþykkir umsögn Borgarskipulags um þær athugasemdir sem bárust við grenndarkynningu. Ennfremur samþykkir nefndin erindið.
Skógarás 14, breyting á byggingarreit
Lagt fram bréf byggingarfulltrúa f.h. byggingarnefndar dags. 27.03.98 varðandi umsókn Emils Þórs Ásgeirssonar um breytingu á byggingarreit á lóð nr. 14 við Skógarás skv uppdr. Húseyjar ehf. dags. í marz 1998. Einnig lögð fram umsögn Borgarskipulags dags. 3.04.98.
Samþykkt.
Skólavörðustígur 22, ofanábygging, breyting
Að lokinni kynningu er lagt fram að nýju bréf byggingarfulltrúa f.h. byggingarnefndar, dags. 13.02.98, varðandi ofanábyggingu og breytingu á innra fyrirkomulagi hússins á lóðinni nr. 22 við Skólavörðustíg, samkv. uppdr. Baldvins Einarssonar bygg.fr., dags. 14.09.89, br. í jan. 1998. Einnig lögð fram umsögn Borgarskipulags dags. 17.02.98 og umsögn borgarminjavarðar, dags. 20.02.98, en engar athugasemdir bárust við grenndarkynningu.
Skipulags- og umferðarnefnd samþykkir umsögn Borgarskipulags. Ennfremur er framlagt erindi samþykkt samhljóða (Guðrún Jónsdóttir sat hjá).
Aðalskipulag Reykjavíkur, þemahefti
Lögð fram þemaheftin með Aðalskipulagi Reykjavíkur 1996-2016 um húsvernd í Reykjavík og um umferð og umhverfi.
Skipulags- og umferðarnefnd lýsir ánægju sinni með gerð og frágang þemaheftanna.
Vesturbæjarskóli, leiðrétting
Lagt fram bréf Rúnars Gunnarssonar f.h. byggingadeildar borgarverkfræðings dags. 30.03.98 varðandi viðbyggingu við Vesturbæjarskóla og rif á Vesturvallagötu 10-12 skv. uppdr. Ingimundar Sveinssonar ark. dags. 30.03.98. Einnig lögð fram umsögn Árbæjarsafns dags. 2.4.98 og minnispunktar Borgarskipulags dags. 4.04.98.
Skipulags- og umferðarnefnd samþykkir samhljóða að kynna tillögu að viðbyggingu við Vesturbæjarskóla samkv. 7. mgr. 43. gr. laga 73/1997 fyrir hagsmunaaðilum að Sólvallagötu 62, 64 og 66 og Ásvallagötu 64 og 81, en leggst gegn niðurrifi húsanna að Vesturvallagötu 10 og 12.
(Gunnar Jóh. Birgisson og Vilhjálmur Þ. Vilhjálmsson sátu hjá). Fulltrúar Sjálfstæðisflokks í nefndinni lýstu sig fylgjandi viðbyggingu við Vesturbæjarskóla.
Ennfremur vísað til umhverfismálaráðs.
Umferðarmál, staðbundnar aðgerðir
Lagt fram bréf borgarverkfræðings dags. 17.03.98 varðandi staðbundnar aðgerðir í umferðarmálum. Ennfremur lagt fram yfirlit umferðardeildar, dags. 27.1.98 um valkosti í umferðaröryggismálum 1998.
Skipulags- og umferðarnefnd samþykkir að leggja til við borgarráð að það samþykki tillögu borgarverkfræðings um að á þessu ári komi til framkvæmda þær aðgerðir í umferðarmálum, sem skipulags- og umferðarnefnd hefur þegar samþykkt, sem samtals er áætlað að kosti um 13.0 milljónir króna.
Vesturbæjarsundlaug, staðsetning söluskála
Lagt fram bréf byggingarfulltrúa f.h. byggingarnefndar dags. 27.03.98 varðandi umsókn Hjalta Hjaltasonar um leyfi til að byggja söluskála á lóð Vesturbæjarsundlaugar skv. uppdr. Málfríðar Kristjánsdóttur ark. dags. 02.03.98. Einnig lögð fram umsögn Borgarskipulags dags. 1.04.98
Samþykkt að kynna málið í borgarráði og jafnframt hagsmunaaðilum að Hagamel 45, Hofsvallagötu 49 og Melhaga 20-22.
Nefndin tekur fram að hún tekur enga afstöðu til málsins að svö stöddu.
Vesturhlíð 7, bílskúr
Lagt fram bréf byggingarfulltrúa f.h. byggingarnefndar dags. 27.03.98 varðandi umsókn Jóns Péturssonar ehf. um að byggja bílskúr á lóð nr. 7 við Vesturhlíð skv. uppdr. Ferdinands Alfreðssonar dags. í mars 1990, br. mars 1998. Einnig lögð fram umsögn Borgarskipulags dags. 31.03.98.
Skipulags- og umferðarnefnd fellst ekki á byggingu bílskúrs en vísar málinu að öðru leyti til athugunar Borgarskipulags.
Laugavegur 53B, nýbygging


Bókun Guðrúnar Jónsdóttur:

#Vegna bókunar minnar á síðasta fundi SKUM um Laugaveg 53b sem ekki var tæmandi vegna þröngra tímamarka sem mér voru sett vil ég taka fram eftirfarandi.
Skv. 2. gr. skipulags- og byggingarlaga nr. 73/1997 er nýtingarhlutfall skilgreint sem hlutfall milli brúttógólfflatar á lóð eða reit og flatarmáls lóðar eða reits.
Í skipulagsreglugerð nr. 318/1985 með síðari breytingum gr. 4.3.4. sem enn er í gildi er hvergi getið um að heimilt sé að undanskilja stærð bifreiðageymslu við útreikning nýtingarhlutfalls. Heimild er til hækkunar staðfests nýtingarhlutfalls sbr. 4. mgr. sömu greinar en þar stendur:
"Sé í deiliskipulagi gert ráð fyrir bifreiðageymslum neðanjarðar getur byggingarnefnd heimilað hækkun á staðfestu nýtingarhlutfalli með hliðsjón af því".
Hér er hins vegar ekki fyrir hendi deiliskipulag þannig að málsgreinin á ekki við í þessu tilviki. Auk þess er bílageymslan að töluverðu leyti ofanjarðar.
Í AR 1996-2016 segir á bls. 29: "Ef tillaga kemur fram sem borgaryfirvöld geta fallist á, þar sem farið er verulega yfir það nýtingarhlutfall sem aðalskipulag gerir ráð fyrir, skal unnið deiliskipulag og það auglýst skv. skipulagslögum."
Skv. uppdráttum arkitekts af bílageymslu dags. 22.1.1998, sem voru til sýnis í kynningarsal Borgarskipulags þegar grenndarkynning fór fram virðist vera gert ráð fyrir lokuðu rými skv. skilgreiningu fylgiskjals með reglugerð nr. 471/1997 um eignaskiptayfirlýsingar o.fl. Slík rými falla þar undir flokk A og reiknast því með í skráningartöflu.
Af framangreindu tel ég að nýtingarhlutfall á lóðinni nr. 53 B sé hærra en AR 1996-2016 kveður á um jafnvel þótt bílageymslustærð sé breytt úr 660 fm í 566 fm.#

Bókun Guðrúnar Ágústsdóttur:

#Farið er með umsókn um leyfi til uppbyggingar á lóð þar sem ekki er til deiliskipulag fyrir, eins og um deiliskipulag væri að ræða, þ.e. það er auglýst opinberlega. Á grundvelli þess er m.a. gr. 4.3.4 talin gilda. Einnig hefur áður komið fram að heimild er í aðalskipulagi Reykjavíkur til að hækka leyfilegt nýtingarhlutfall, ef bílastæði eru að hluta eða öllu leyti innan byggingarreits. Athygli er vakin á reglugerð um skráningartöflur bygginga um útreikning á brúttóflatarmáli húss, en skv. henni telst samsvarandi rými ekki til brúttóflatarmáls húss. Að öðru leyti er vísað til fyrri bókana.#