Bauganes 13 og 19, Dalbraut 16, Skólabær, leikskóli, Strandvegur, Suðurgata, Bjarg, Sæbraut, Umferðaröryggisáætlun, 30 km svæði, Umferðarmál, Kringlumýrarbraut/Hamrahlíð, Bólstaðarhlíð, Kleppsvegur 62, Selvogsgrunn/Dalbraut, Kvistaland, Borgarskipulag Rvk. og umferðardeild borgarverkfr., Deiliskipulagsvinna, Engjateigur 7-9, Hörpugata 2, Klettagarðar 13 og 15, Korngarðar 2, Laugavegur 20A, Laugavegur 53B, Laugarnes, Sogavegur 3, Norðlingabraut/Bugða, Vatnsmýrarvegur 9, Reitur Menntaskólans í Reykjavík, Laugavegur,

Skipulags- og umferðarnefnd

22. fundur 1997
Ár 1997, mánudaginn 10. nóvember kl. 10:00, var haldinn 22. fundur skipulags- og umferðarnefndar í Borgartúni 3, 4. hæð. Þessir sátu fundinn: Guðrún Ágústsdóttir, Margrét Sæmundsdóttir, Halldór Guðmundsson, Óskar Dýrmundur Ólafsson, Gunnar Jóhann Birgisson og Guðrún Jónsdóttir. Fundarritari var Ágúst Jónsson.
Þetta gerðist:

Bauganes 13 og 19, breytt skipulag
Lagt fram bréf borgarstjóra f.h. borgarráðs um samþykkt borgarráðs 28.10.97 á bókun skipulags- og umferðarnefndar frá 27. s.m. um breytt skipulag að Bauganesi 13 og 19.


Dalbraut 16, lóðarstækkun
Lagt fram bréf borgarstjóra f.h. borgarráðs um samþykkt borgarráðs 28.10.97 á bókun skipulags- og umferðarnefndar frá 27. s.m. um stækkun lóðar nr. 16 við Dalbraut 16.

Skólabær, leikskóli, lóðarafmörkun, breytt landnotkun
Lagt fram bréf borgarstjóra f.h. borgarráðs um samþykkt borgarráðs 14.10.97 á bréfi skipulagsstjóra frá 13. s.m. um breytingu á landnotkun á lóð við leikskóla við Skólabæ á grundvelli 19. gr. skipulagslaga.

Strandvegur, aðalbrautarréttur
Lagt fram bréf borgarstjóra f.h. borgarráðs um samþykkt borgarráðs 28.10.97 á bókun skipulags- og umferðarnefndar frá 27. s.m. um að Strandvegur verði aðalbraut gagnvart Vættaborgum, Melavegi og Víkurvegi með biðskyldu. Erindið hefur verið sent lögreglustjóra til staðfestingar.

Suðurgata, Bjarg, stækkun lóðar
Lagt fram bréf borgarstjóra f.h. borgarráðs um samþykkt borgarráðs 28.10.97 á bókun skipulags- og umferðarnefndar 27. þ.m. um stækkun lóðar Bjargs við Suðurgötu

Sæbraut, útskot
Lagt fram bréf borgarstjóra f.h. borgarráðs um samþykkt borgarráðs frá 28.10.97 á bókun skipulags- og umferðarnefndar frá 27. s.m. um gerð útskots við Kirkjusand.

Umferðaröryggisáætlun,
Lögð fram umferðaröryggisáætlun Reykjavíkur, dags. í nóv. 1997, ásamt framkvæmda- og fjárhagsáætlun vegna umferðaröryggisáætlunarinnar, dags. 7.11.´97.

Samþykkt
30 km svæði, hraðamælingar
Lögð fram greinargerð umferðardeildar, dags. 10.11.97, um 30 km hverfi í Hlíðunum og Lækjunum fyrir og eftir breytingu á hverfunum í 30 km hverfi.

Umferðarmál, umferðartalningar
Lagt fram bréf umferðardeildar borgarverkfræðings, dags. 10.11.97, ásamt niðurstöðum árlegra sniðtalninga í borginni.

Kringlumýrarbraut/Hamrahlíð, talningar
Lagt fram bréf umferðardeildar, dags. 05.11.97, varðandi hlutfall bíla í vinstri beygju af Kringlumýrarbraut vestur Hamrahlíð.


Bólstaðarhlíð, lokun
Lagt fram að nýju bréf borgarverkfræðings, dags. 23.10.97, með tillögu vegna lokunar Bólstaðarhlíðar. Einnig lagt fram að nýju bréf hóps um umferðarmál í Bólstaðarhlíð, dags. 06.10.97 ásamt bréfi forstjóra SVR, dags 27.09.97. Ennfremur lagt fram bréf borgarstjóra um samþykkt borgarráðs frá 28.10.97.
Tillaga borgarverkfræðings samþykkt með 4 samhljóða atkvæðum (fulltrúar Sjálfstæðisflokks í nefndinni sátu hjá).
Kleppsvegur 62, umferð
Lagt fram bréf stjórnar húsfélagsins Kleppsvegi 62, dags. 26.05.97, varðandi umferð um Kleppsveginn. Einnig lagt fram bréf umferðardeildar, dags. 04.11.97.

Skipulags- og umferðarnefnd samþykkti svofellda bókun: "Því miður eru ekki fyrirhugaðar úrbætur í umferðarmálum á Sæbraut í nánustu framtíð samkvæmt núverandi vegaáætlun ríkisins. Borgaryfirvöld munu óska eftir því að þessi endurbót á Sæbraut komist inn á framkvæmdaáætlun næstu ára. Þegar sú breyting kemur til framkvæmda verður aðkoma betri heldur en er í dag um húsagötu meðfram Sæbraut. Samkvæmt reglum um styrki vegna hljóðvistar samþykktum í borgarráði 22. júlí 1997, geta íbúar að Kleppsvegi 62 sótt um styrk til borgarinnar til aðgerða gegn umferðarhávaða."
Selvogsgrunn/Dalbraut, gatnamót
Lagt fram bréf Maríu Gunnarsdóttur og Harðar Kristjánssonar, dags. 24.08.97, varðandi gatnamót Selvogsgrunns og Dalbrautar. Einnig lagt fram bréf umferðardeildar, dags. 05.11.97.
Svofelld bókun var samþykkt samhljóða. "Hverfið sem Selvogsgrunn tilheyrir er eitt af þeim hverfum sem til álita koma að gera að 30 km hverfum á næstu árum. Gatnamótin við Dalbraut verða skoðuð í því samhengi."
Kvistaland, hraðahindrun
Lagt fram bréf Auðar Ólafsdóttur f.h. Foreldrafélags Fossvogsskóla, dags. 15.08.97, varðandi hraðahindrun við Kvistaland. Einnig lagt fram bréf umferðardeildar, dags. 05.11.97.
Umferðardeild falið að svara erindinu með framlögðu bréfi.
Borgarskipulag Rvk. og umferðardeild borgarverkfr., starfsáætlanir
Lagðar fram starfsáætlanir Borgarskipulags og umferðardeildar fyrir 1998.
Nefndin gerir ekki athugasemdir við starfsáætlanirnar.
Deiliskipulagsvinna,
Lögð fram til kynningar drög Borgarskipulags að áætlun að deiliskipulagsvinnu á reitum vestan Reykjanesbrautar, dags. í nóv. 1997.

Engjateigur 7-9, lóðarskipting, lóðarbreyting
Lagt fram bréf Egils Guðmundssonar f.h. Verkfræðingafélagsins og Lífeyrissjóðs VFÍ, mótt. 27.10.1997 um skiptingu lóðarinnar að Engjateig 7-9 í tvær sjálfstæðar lóðir. Einnig lögð fram tillaga Borgarskipulags að lóðarbreytingu, dags. 24.04.95, breytt 07.11.97.
Samþykkt.
Hörpugata 2, nýbygging
Lagt fram bréf Páls V. Bjarnasonar arkitekts, dags. 29.9.97, varðandi tillögu að breytingu á skipulagi lóðarinnar Hörpugötu 2, samkv. uppdr. sama dags., 12.10.97. Einnig lögð fram umsögn Borgarskipulags, dags. 29.10.97.
Samþykkt.
Klettagarðar 13 og 15, skipulag
Lagt fram bréf hafnarstjóra 31.10.97 ásamt greinargerð Vignis Albertssonar, dags. 27.10.97, varðandi skipulag lóðanna Klettagarðar 13 og 15. Einnig lagðir fram minnispunktar Borgarskipulags, dags. 05.11.97.
Samþykkt.
Korngarðar 2, skipulag
Lagt fram bréf hafnarstjóra, dags. 31.10.97, ásamt greinargerð Vignis Albertssonar, dags. 27.10.97, varðandi breytingu á gildandi skipulagi við Korngarða 2. Einnig lagðir fram minnispunktar Borgarskipulags, dags. 05.11.97.
Samþykkt.
Laugavegur 20A, viðbygging
Lagt fram bréf og uppdrættir Guðna Pálssonar arkitekts f.h. Serina ehf. dags. 16.09.97, varðandi viðbyggingu við hús á lóð nr. 20A við Laugaveg.
Borgarskipulagi falið að kynna málið.
Laugavegur 53B, nýbygging
Lögð fram að nýju umsögn Borgarskipulags um athugasemdir sem borist hafa. Einnig lögð fram breytt tillaga að nýbyggingu á Laugavegi 53B, dags. í nóv. 1997. Ennfremur lögð fram bréf Jóns Sigurjónssonar, dags. 7.11.97 og Elínar Ebbu Ásmundsdóttur og Jon Kjell Seljeseth, dags. 9.11.97.
Frestað.
Laugarnes, deiliskipulag
Lögð fram skýrsla Náttúrufræðistofnunar Íslands um náttúrufar í Laugarnesi, dags. í nóv. 1997.
Skipulags- og umferðarnefnd samþykkir að unnið skuli deiliskipulag á grundvelli skýrslunnar.
Sogavegur 3, viðbygging
Lagt fram bréf byggingarfulltrúa f.h. byggingarnefndar, dags. 14.10.97, varðandi viðbyggingu við núverandi veitingaskála á lóðinni nr. 3 við Sogaveg, samkv. uppdr. Teiknist. Úti og inni, dags. í okt. 1997. Einnig lagt fram bréf Atla Rúnars Halldórssonar, dags. 16.10.97, bréf skrifst.stj. borgarstj., dags. 22.10.97 og umsögn umferðardeildar, mótt. 05.11.97 ásamt umsögn Borgarskipulags, dags. 05.11.97.
Frestað.
Norðlingabraut/Bugða, viðbygging
Lagt fram bréf Þuríðar Fannberg, dags. 14.09.97, varðandi gerð viðbyggingar við hús við enda Norðlingabrautar. Einnig lögð fram umsögn Borgarskipulags, dags. 07.11.97.
Samþykkt eftirfarandi bókun: "Þar sem landið er utan framtíðarbyggðarsvæðis Reykjavíkur er hægt að fallast á lagfæringar og minniháttar breytingar á húsinu enda falli þær vel að húsi og umhverfi en með eftirfarandi skilyrðum. Niðurrifskvöð verði sett á viðbyggingu. Sækja þarf um leyfi fyrir þegar byggðum geymsluskúr til byggingarnefndar. Samráð verði haft við Borgarskipulag um fyrirhugaðar breytingar." Vísað til umhverfismálaráðs.
Vatnsmýrarvegur 9, færsla á byggingarreit, aðkoma
Lagt fram bréf Einars Eiríkssonar, dags. 25.09.97, varðandi breytingar á lóðinni Vatnsmýrarvegur 9, samkv. uppdr. Teiknist. Smiðjuvegi 11, dags. 09.08.97, br. 25.09.97. Einnig lögð fram umsögn Borgarskipulags, dags. 06.11.97.
Synjað með vísan til umsagnar Borgarskipulags.
Reitur Menntaskólans í Reykjavík, skipulag
Sagt frá lóðamálum og uppbyggingaráætlunum við húsið Þingholtsstræti 18 á reit Menntaskólans í Reykjavík
Höfundar komu á fundinn ásamt Ágústi Þór Jónssyni verkefnisstjóra. Skipulags- og umferðarnefnd fagnar því að hafist skuli handa við heildarskipulag M.R. reitsins og leggur áherslu á náið samráð við Borgarskipulag varðandi vinnuna. Frekari kynningu málsins frestað.
Laugavegur, endurnýjun
Gatnamálastjóri kynnti fyrirkomulag við endurnýjun Laugavegs.