Laufásvegur, Þingholtsstr., Hellusund, Skothúsvegur, Hálsasel 51, Fróðengi, kirkjulóð, Dyrhamrar 9, Hamraskóli, Heiðargerði 37, Hæðargarður, leikskóli, Ingólfsstræti 7B, Kringlan, Laufrimi 65-71, Melbær 30-36, Mururimi, miðsvæði, Skúlagata 18, Starhagi 11, Reitur 1.171.1, Grandavegur, Meistaravellir, Auglýsingaskilti/götugögn, Austurberg/Hraunberg, Ásgarður 22-24, Breiðavík 2-4, Efstaland 26/Bústaðavegur, Hagamelur 55, Kennaraháskólinn/Sjómannaskólinn, Háskóli Íslands, Náttúrufræðahús, Jötnaborgir 15, Krókháls/Lyngháls, Mjódd, skipulag, Reitur 1.191.1, Sigtún 42 og Ásmundarsafn, Skúlagata 18, Starmýri 2, Týsgata 8, Tröllaborgir 9, 11 og 13, Tröllaborgir 18, Vesturlandsvegur/Miklabraut,

Skipulags- og umferðarnefnd

17. fundur 1995
Ár 1995, mánudaginn 31. júlí kl. 11.00, var haldinn 17. fundur skipulagsnefndar í Borgartúni 3, 4. hæð. Þessir sátu fundinn: YYYYYY. Fundarritari var XXXXXX.
Þetta gerðist:

Laufásvegur, Þingholtsstr., Hellusund, Skothúsvegur, endurbætur á gatnamótum
Lagt fram bréf Hjörleifs B. Kvaran borgarlögmanns f.h. borgarráðs um samþykkt borgarráðs 11.7.95 á bókun skipulagsnefndar frá 20.3.95 um endurbætur á gatnamótum Laufásvegar, Þingholtsstrætis, Hellusunds og Skothúsvegar.


Hálsasel 51, lóðarstækkun
Lagt fram bréf Hjörleifs B. Kvaran borgarlögmanns f.h. borgarráðs um samþykkt borgarráðs 11.7.95 á bókun skipulagsnefndar frá 30.6.95 um lóðarstækkun að Hálsaseli 51.


Fróðengi, kirkjulóð, lóðarafmörkun
Lagt fram bréf borgarstjóra f.h. borgarráðs um samþykkt borgarráðs 4.7.95 á bókun skipulagsnefndar frá 30.6.95 um lóðarafmörkun fyrir kirkjulóð við Fróðengi.


Dyrhamrar 9, Hamraskóli, lóð
Lagt fram bréf borgarstjóra f.h. borgarráðs um samþykkt borgarráðs 4.7.95 á bókun skipulagsnefndar frá 30.6.95 um lóð Hamraskóla.


Heiðargerði 37, viðbygging og bílskúr
Lagt fram bréf borgarstjóra f.h. borgarráðs um samþykkt borgarráðs 4.7.95 á bókun skipulagsnefndar frá 30.6.95 um viðbyggingu að Heiðargerði 37, ásamt bílskúr.


">Hæðargarður, leikskóli, afmörkun lóðar
Lagt fram bréf borgarstjóra f.h. borgarráðs um samþykkt borgarráðs 4.7.95 á bókun skipulagsnefndar frá 26.6.95 um afmörkun lóðar leikskóla við Hæðargarð.


Ingólfsstræti 7B, viðbygging -lóðarbreyting
Lagt fram bréf borgarstjóra f.h. borgarráðs um samþykkt borgarráðs 20.6.95 á bókun skipulagsnefndar frá 19.6.95 um viðbyggingu og lóðarskiptingu að Ingólfsstræti 7B.


Kringlan, umferðarmál
Lagt fram bréf borgarstjóra f.h. borgarráðs um samþykkt borgarráðs 4.7.95 á bókun skipulagsnefndar frá 30.6.95 um deiliskipulag við Kringluna.


Laufrimi 65-71, nýbygging
Lagt fram bréf borgarstjóra f.h. borgarráðs um samþykkt borgarráðs 4.7.95 á bókun skipulagsnefndar frá 30.6.95 um nýbyggingu að Laufrima 65-71.


Melbær 30-36, nýbygging
Lagt fram bréf borgarstjóra f.h. borgarráðs um samþykkt borgarráðs 30.6.95 á bókun skipulagsnefndar frá 30.6.95 um nýbyggingu að Melbæ 30-36.


Mururimi, miðsvæði, breytt skipulag
Lagt fram bréf borgarstjóra f.h. borgarráðs um samþykkt borgarráðs 4.7.95 á bókun skipulagsnefndar frá 30.6.95 um breytt skipulag við Mururima.


Skúlagata 18, afmörkun lóðar og breyting á skilmálum
Lagt fram bréf borgarstjóra f.h. borgarráðs um samþykkt borgarráðs 4.7.95 á bókun skipulagsnefndar frá 30.6.95 um skilmála og lóð að Skúlagötu 18.


Starhagi 11, stækkun leikskóla
Lagt fram bréf borgarstjóra f.h. borgarráðs um samþykkt borgarráðs 20.6.95 á bókun skipulagsnefndar frá 22.5.95 um stækkun leikskóla að Starhaga 11.


Reitur 1.171.1,
Kynntar tillögur Borgarskipulags að skipulagsramma reits 1.171.1, sem markast af Smiðjustíg, Hverfisgötu, Klapparstíg og Laugavegi, dags. 10.4.95. Ennfremur greinargerð Borgarskipulags, dags. 18.7.95, um athugasemdir við tillöguna og umsagnir um þær.


Grandavegur, Meistaravellir, breyting á götu
Lögð fram tillaga Borgarskipulags að umbótum á Aflagranda og lækkun hámarkshraða, dags. 5.7.95

Skipulagsnefnd samþykkir tillöguna fyrir sitt leyti, en felur Borgarskipulagi að útfæra gestabílastæði við hringtorg við Aflagranda 40 og aðkomu þaðan að þjónustumiðstöð. Vísað til umferðarnefndar.
Auglýsingaskilti/götugögn,
Lagt fram erindi Þróunarfélags Reykjavíkur vegna auglýsingaskilta, dags. 27.7.95.


Austurberg/Hraunberg, malarstígur
Lagt fram bréf Rannveigar Haraldsdóttur f.h. margra íbúa við Austurberg, dags. 19.6.95, þar sem óskað er eftir frágangi á malarstíg við Austurberg/Hraunberg sem ekki er á skipulagi.

Skipulagsnefnd samþykkir erindið fyrir sitt leyti. Vísað til gatnamálastjóra og umhverfismálaráðs.
Ásgarður 22-24, breytt notkun
Lagt fram bréf byggingarfulltrúa f.h. byggingarnefndar, dags. 29.5.95, varðandi breytingu á verslunarhúsnæði að Ásgarði 22-24 í íbúðarhúsnæði, samkv. uppdráttum Arkitektastofunnar við Austurvöll, dags. 25.7.95. Óskað er eftir afstöðu skipulagsnefndar til fjölgunar íbúða á reitnum.
Frestað. Vísað til borgarlögmanns til umsagnar.
Breiðavík 2-4, breyting á skilmálum!!!!
Lagt fram bréf byggingarfulltrúa f.h. byggingarnefndar, dags. 31.7.95 varðandi erindi Arnljóts Guðmundssonar um byggingu fjölbýlishúsa við Breiðuvík 2-4, samkv. uppdr. Gísla Gíslasonar, dags. 1.7.95.

Synjað.
Efstaland 26/Bústaðavegur, aðkoma og umhverfi
Lagt fram bréf Gunnars Arnar Steingrímssonar, dags. 10.7.95, varðandi aðkomu að Efstalandi 26, Grímsbæ, frá Bústaðavegi og frágangi umhverfis, samkv. uppdr. Egils Guðmundssonar, arkitekts, dags. í júní 1995.

Frestað.
Skipulagsnefnd er jákvæð gagnvart erindinu, en gerir fyrirvara um staðsetningu biðstöðvar SVR sunnan Bústaðavegar. Vísað til umsagnar umferðarnefndar.
Hagamelur 55, sameining lóða og færsla á göngustíg
Lagt fram að nýju bréf forstöðumanns Dagvistar barna, dags. 2.6.95, varðandi flutning á göngustíg og sameiningu lóða leikskólans Vesturborgar og skóladagheimilisins Skála við Hagamel. Einnig bréf forstöðumanns Dagvistar barna, dags. 26.7.95 og uppdr. Kím sf., dags. 25.7.95.
Samþykkt.
Kennaraháskólinn/Sjómannaskólinn, skipulag lóða
Lagt fram bréf Ormars Þórs Guðmundssonar, arkitekts, f.h. nefndar til umfjöllunar skipulagi og nýtingu lóða Kennaraháskóla Íslands og Sjómannaskólans, dags. 21.7.95 ásamt teikningu, dags. 24.7.95. Einnig lagt fram skipunarbréf menntamálaráðherra til nefndarmanna, dags. 23.2.95.
Ormar Þór Guðmundsson kom á fundinn og gerði grein fyrir málinu og kynnti tillögu að deiliskipulagi lóða Sjómannaskólans og Kennaraháskóla Íslands, dags. 24.7.95.
Frestað.
Háskóli Íslands, Náttúrufræðahús,
Lögð fram tillaga dr. Magga Jónssonar, arkitekts, dags. í nóv. '94 að deiliskipulagi og náttúrufræðahúsi á lóð Háskóla Íslands. Ennfremur lögð fram athugasemd, sem barst eftir kynningu á tillögunum.

Skipulagsnefnd samþykkir samhljóða svofellda bókun:
"Varðandi skipulag Háskólasvæðisins gerir nefndin fyrirvara um:
1) Að gerð verði sjálfstæð umferðargata að kennsluhúsnæði og bílastæðum sunnan Oddagötu þannig að götur íbúðahverfisins ("Prófessorsbústaða") verði hreinar húsagötur með 30 km hámarkshraða.
2) Vísað er til bókunar nefndarinnar varðandi skipulag friðlandsins og tjarnarsvæðis í Vatnsmýri".
Jötnaborgir 15, lóðarstækkun
Lagt fram bréf Magnúsar V. Árnasonar, dags. 24.7.95, varðandi stækkun lóðar nr. 15 við Jötnaborgir.

Samþykkt.
Krókháls/Lyngháls, afmörkun lóðar
Lagt fram bréf borgarstjóra f.h. borgarráðs, dags. 28.6.95, varðandi erindi skrifstofustjóra borgarverkfræðings um afmörkun lóðar fyrir Háfell hf. við Krókháls/Lyngháls.

Frestað.
Mjódd, skipulag, frágangur
Lögð fram tillaga Borgarskipulags, unnin af Landslagsarkitektum, að frágangi svæðis vestan SVR húss í N-Mjódd, dags. 26.7.95.

Samþykkt. Vísað til umhverfismálaráðs.
Reitur 1.191.1, lokun gangvegar með hliði
Lagt fram bréf Bolla R. Valssonar f.h. íbúa fjölbýlishúsa við Barónsstíg, Njálsgötu, Snorrabraut og Bergþórugötu, dags. 12.7.95, varðandi ósk um að setja opnanlegt hlið sitt hvoru meginn á gangveg, sem liggur um lóðir húsanna, þ.e. við Snorrabraut og Barónsstíg.
Skipulagsnefnd samþykkir erindið fyrir sitt leyti og vísar því til byggingarnefndar.
Sigtún 42 og Ásmundarsafn, lóðaskipulag
Lagt fram bréf stjórnar Ásmundarsafns, dags. 5.7.95 og tillaga Landmótunar hf., dags. 7.6.95, um fyrirkomulag lóðamarka Ásmundarsafns og Sigtúns 42.

Samþykkt. Vísað til umhverfismálaráðs.
Skúlagata 18, leiðrétting
Á fundi skipulagsnefndar 30. 6. 95 var samþykkt afmörkun lóðarinnar Skúlagata 18. Númer lóðarinnar misritaðist og á að vera nr. 13 við Skúlagötu.

Samþykkt.
Starmýri 2, hækkun húsa
Lagt fram bréf Aðalsteins Richter, arkitekts, f.h. Ísflex hf. og Viggós Benediktssonar o.fl., dags. 20.7.95 varðandi hækkun húsanna nr. 2 A, B og C við Starmýri um eina hæð fyrir íbúðarhúsnæði, innkeyrslu í kjallara húss A og tengingu milli húsa B og C samkv. uppdr., dags. 28.6.95.
Skipulagsnefnd samþykkir innkeyrslu í kjallara húss A og er jákvæð gagnvart erindinu að öðru leyti.
Týsgata 8, afnám gönguréttar
Lagt fram bréf Lúðvíks E. Gústafssonar f.h. húsfélagsins Týsgötu 8, dags. 27.6.95, varðandi ósk um að felld verði niður kvöð um aðgengi um lóðina Týsgata 8 inn á lóð nr. 8A.

Samþykkt.
Tröllaborgir 9, 11 og 13, breyting á skilmálum
Lagt fram bréf Ólafar Örvarsdóttur f.h. Nýbýlis hf, dags. 24.7.95, varðandi ósk um að breyta skilmálum fyrir hús nr 9,11 og 13 við Tröllaborgir þannig að dýpt þeirra verði 13-14m í stað 10m og breiddin 8m í stað 7,5m.

Samþykkt.
Tröllaborgir 18, nýbygging
Lögð fram fyrirspurn Dóru Ingólfsdóttur um hvort bílskúr megi fara út fyrir byggingareit á lóð nr. 18 við Tröllaborgir.

Synjað.
Vesturlandsvegur/Miklabraut, mat á umhverfisáhrifum
Lagður fram til kynningar úrskurður skipulagsstjóra ríkisins um breikkun Miklubrautar og Vesturlandsvegar vegna frumathugunar um mat á umhverfisáhrifum.