Reykjavíkurflugvöllur, Flugfélag Íslands, Sorpa bs., Miklabraut, Hjólreiðaáætlun, Laugavegur, Sundlaugar í Reykjavík, Umhverfis- og skipulagssvið, Afgreiðslufundir skipulagsfulltrúa Reykjavíkur, Hagamelur 1, Melaskóli, Kjalarnes, Norðurgrund 1, 3, 5 og 7, Holtavegur 11, Guðrúnartún 1, Njálsgötureitur 3, Sogamýri, Sogamýri, Afgreiðslufundur byggingarfulltrúa, Barónsstígur, Sundhöllin, Miðborgin, Almenningssamgöngustefna Reykjavíkur, Earth 101, Umhverfis- og skipulagssvið, Umhverfis- og skipulagssvið, Umhverfis- og skipulagsráð, Umhverfis- og skipulagssvið, Umhverfis- og skipulagssvið, Betri Reykjavík, Betri Reykjavík, Betri Reykjavík, Betri Reykjavík, Betri Reykjavík, Betri Reykjavík, Sléttuvegur, Hrafnista, Rauðarárholt v/ Brautarholt 7, Mosfellsbær, aðalskipulag 2011-2030, Nýr Landspítali við Hringbraut, Ferjuvogur 2, Vogaskóli,

13. fundur 2013
Ár 2013, miðvikudaginn 10. apríl 2013 kl. 09:17, var haldinn 13. fundur umhverfis- og skipulagsráðs Reykjavíkur. Fundurinn var haldinn að Borgartúni 12 - 14, 7. hæð. Ráðssal. Viðstaddir voru: Páll Hjalti Hjaltason, Hjálmar Sveinsson, Elsa Hrafnhildur Yeoman, Karl Sigurðsson, Kristín Soffía Jónsdóttir, Sóley Tómasdóttir, Júlíus Vífill Ingvarsson og Gísli Marteinn Baldursson. Eftirtaldir embættismenn sátu fundinn: Ólöf Örvarsdóttir, Björn Axelsson, Ólafur Bjarnason og Marta Grettisdóttir Fundarritari var Örn Sigurðsson
Þetta gerðist:

Umsókn nr. 110156 (01.6)
530575-0209 Flugfélag Íslands ehf.
Reykjavíkurflugvelli 101 Reykjavík
691004-2790 Kurt og Pí ehf
Skólavörðustíg 2 101 Reykjavík
1. Reykjavíkurflugvöllur, Flugfélag Íslands, (fsp) breyting á byggingarmagni
Lögð fram fyrirspurn Flugfélags Íslands dags. 25. mars 2011 varðandi endurbætur og viðbyggingu flugstöðvar Flugfélags Íslands á Reykjavíkurflugvelli, samkvæmt tillögu Kurtogpí dags. 8. apríl 2013.

Dagur B. Eggertsson og Hrólfur Jónsson sátu fundinn undir þessu lið.

Hildur Sverrisdóttir tók sæti á fundinum kl. 9:25
Fulltrúar Besta flokksins Páll Hjaltason, Elsa Hrafnhildur Yeoman og Karl Sigurðsson og fulltrúar Samfylkingarinnar Hjálmar Sveinsson og Kristín Soffía Jónsdóttir og fulltrúi Vinstri hreyfingarinnar Græns framboðs Sóley Tómasdóttir bókuðu
"Umhverfis og skipulagsráð gerir ekki athugasemd við að unnin verði breyting á deiliskipulagi sem felur í sér stækkun á flugstöðinni í samræmi við drög að samkomulagi um endurbætur á aðstöðu fyrir farþega og þjónustuaðila á Reykjavíkurflugvelli. Jafnframt verður hafin vinna við deiliskipulag á nýrri íbúabyggð í Skerjafirði.
Einnig er lagt til að unnið verði að því að bæta öryggismál á flugvellinum með tilliti til lendingarljósa og trjágróðurs í Öskjuhlíð með það að markmiði að ásættanleg niðurstaða náist fyrir Isavia og fyrir Reykjavíkurborg. Ráðið vill þó árétta að umhverfis flugvöllinn eru mikilvæg útvistarsvæði sem brýnt er að vernda".

Fulltrúar Sjálfstæðisflokksins Gísli Marteinn Baldursson og Hildur Sverrisdóttir bókuðu
"Það er fagnaðarefni að ríkið ætli loks að standa við gerða samninga um lokun þriðju flugbrautarinnar á Reykjavíkurflugvelli, svokallaðrar Norðaustur-suðvestur brautar. Hún er aðeins notuð í 1% tilvika á ári og ríkið hefur í þrígang lofað því að loka brautinni í undirrituðum samningum.
Með lokun brautarinnar opnast verðmætt byggingarland í Vatnsmýrinni, en borgarbúar hafa í könnunum um búsetuóskir lýst því yfir að Vatnsmýrin sé það nýbyggingaland sem þeir helst vilji búa á.
Fyrirætlanir ríkisins um betri aðstöðu fyrir innanlandsflug eru kunnar en skýrt er tekið fram að auðvelt sé að taka slíka byggingu niður þegar flugvöllurinn fer. Enn er þó rúmur áratugur í að A/V braut flugvallarins verði lögð niður og ný flugstöð nýtist að minnsta kosti í þann tíma.
Flugvöllurinn í Vatnsmýri uppfyllir ekki tilmæli Alþjóða flugmálastofnunarinnar um öryggismál og gildir það til dæmis um öryggissvæði við flugbrautarenda og öryggissvæði frá miðlínu. Sama gildir um aðflugsljós og hindrunarfleti. Þetta hafa flugmálayfirvöld verið treg til að viðurkenna. En kröfur þeirra um fellingu elsta hluta skógarins í Öskjuhlíðinni sem nú vakna upp á ný, og umfangsmikil lendingarljós á Ægisíðunni færa Reykvíkingum heim sanninn um að flugvöllurinn er of frekur í umhverfi sínu í miðborg Reykjavíkur. Borgaryfirvöld ættu að hafna slíkum kröfum, rétt eins og þau höfnuðu stórum ljósamöstrum í Hljómskálagarðinum þegar flugvallayfirvöld reyndu að fá þau í gegn".

Fulltrúi Sjálfstæðisflokksins Júlíus Vífill Ingvarsson bókaði:"Kaup borgarinnar á landi í Skerjafirði hafa ekki áhrif á framtíð flugvallarins í Vatnsmýrinni og því mikilvægt m.a. af flugöryggisástæðum að Reykjavíkurborg liðki fyrir endurnýjun nauðsynlegra mannvirkja á flugvallarsvæðinu. Sérstaklega er aðkallandi að reist verði ný flugstöð þar sem allir flugrekstraraðilar í innanlandsflugi geta fengið aðstöðu fyrir starfsemi sína.
Í áraraðir hefur staðið til að leggja niður gamla flugbraut sem snýr í norðaustur ¿ suðvestur. Brautin hefur af þessum ástæðum ekki hlotið eðlilegt viðhald og er lítið notuð. Samgöngumiðstöð sem ríkið vildi reisa í Vatnsmýrinni átti til dæmis að standa á brautarendanum. Nú þegar ákveðið hefur verið með samningum ríkis og borgar að brautin verði lögð af opnast tækifæri til að nýta land við Skerjafjörðinn með öðrum hætti.
Mikilvægt er að rammaskipulag Vatnsmýrarinnar verði endurskoðað. Þróa þarf hugmyndir um nýtingu þess hluta hennar sem Reykjavíkurborg er að festa kaup á og vinna deiliskipulag sem tekur mið af þeirri byggð sem stendur í Skerjafirði, yfirbragði hennar og sérstöðu. Samráð við íbúa er lykillinn að farsælu skipulagi en tækifæri geta falist í því að stækka byggðina og gera hverfið heildstæðara. Með því getur verið kominn grunnur fyrir byggingu nýs grunnskóla og fyrir aðra þjónustu fyrir íbúa. Ef vandað er til nýs skipulags svæðisins mun það geta aukið gæði gamla hverfisins en borgaryfirvöld verða að vera minnug þess að samráð í skipulagsmálum er lögbundið".

Umsókn nr. 130002
2. Sorpa bs., Fundargerðir
Lagðar fram fundargerðir Sorpu bs. nr. 316 frá 25. mars 2013 og nr. 317 frá 8. apríl 2013.



Umsókn nr. 130088
530269-7609 Reykjavíkurborg
Ráðhúsinu 101 Reykjavík
3. Miklabraut, áhrif lækkunar hámarkshraða
Lögð fram skýrsla Mannvits dags. í mars 2013 varðandi áhrif lækkunar hámarkshraða á Miklubraut.



Þorsteinn Hermannsson frá Mannvit kynnti
Umhverfis -og skipulagsráð bókaði:
"Skýrsla Mannvits um áhrif lækkunar hámarkshraða á hluta Miklubrautar var unnin fyrir Reykjavíkurborg og Vegagerðina. Niðurstöður skýrslunnar eru þær að lækkun hámarkshraða skilar betri hljóðvist, betri umhverfisgæðum og auknu öryggi. Umhverfis og skipulagsráð felur skipulagsfulltrúa að hefja viðræður við Vegargerðina um viðbrögð við skýrslunni en lækkun umferðarhraða hefur óumdeilda kosti fyrir nærliggjandi hverfi".



Umsókn nr. 130082
4. Hjólreiðaáætlun, staða á verkefnum
Kynnt staða á verkefnum varðandi hjólreiðaáætlun Reykjavíkurborgar.


Ámundi V. Brynjólfsson kynnti.
Umsókn nr. 130057
530269-7609 Reykjavíkurborg
Ráðhúsinu 101 Reykjavík
5. Laugavegur, erindisbréf vegna endurbóta og breytinga á Laugavegi
Lagt fram erindisbréf umhverfis-og skipulagssviðs dags. 13. mars 2013 varðandi skipan starfshóps vegna endurbóta og breytinga á Laugavegi.


Samþykkt.
Umsókn nr. 130048
530269-7609 Reykjavíkurborg
Ráðhúsinu 101 Reykjavík
6. Sundlaugar í Reykjavík, skýrsla starfshóps
Lagt fram bréf borgarráðs ásamt skýrslu stafshóps um framtíðarsýn fyrir sundlaugarnar í Reykjavík til 20. ára. Óskað er eftir umsögn umhverfis- og skipulagsráðs Einnig er lögð fram umsögn heilbrigðiseftirlits Reykjavíkur dags. 8. apríl 2013.




Umsókn nr. 130096
530269-7609 Reykjavíkurborg
Ráðhúsinu 101 Reykjavík
7. Umhverfis- og skipulagssvið, úrgangsmál
Kynnt staða á stöðu ýmissa mála sem snerta úrgangsmál borgarinnar
Eygerður Margrétardóttir kynnti
Umsókn nr. 10070
8. Afgreiðslufundir skipulagsfulltrúa Reykjavíkur, fundargerð
Lagðar fram fundargerðir afgreiðslufunda skipulagsfulltrúa Reykjavíkur dags. 22. mars 2013 og 4. apríl 2013.

Hildur Sverrisdóttir vék af fundi kl. 12:05 og tók Marta Guðjónsdóttir sæti á fundinum

Umsókn nr. 120099 (01.54.21)
570480-0149 Framkvæmda- og eignasvið Reykja
Borgartúni 10-12 105 Reykjavík
9. Hagamelur 1, Melaskóli, breyting á deiliskipulagi
Lagt fram erindi umhverfis- og skipulagssviðs, frumathugana mannvirkjagerðar dags. 1. mars 2012 varðandi breytingu á deiliskipuagi Mela og Grímsstaðaholts vegna lóðarinnar nr. 1 við Hagamel, Melaskóla. Í breytingunni felst að staðsetja boltagerði á lóðinni við Melaskóla, samkvæmt uppdrætti dags. 3. apríl 2013.

Júlíus Vífill Ingvarsson vék af fundi við afgreiðslu málsins

Rúnar Gunnarsson tók sæti á fundinum undir þessum lið.

Samþykkt að auglýsa framlagða tillögu.
Vísað til borgarráðs.

Marta Guðjónsdóttir sat hjá við afgreiðslu málsins og bókaði"Marta Guðjónsdóttir fulltrúi Sjálfstæðisflokksins fagnar því að nú hylli loksins í að battavelli verði komið upp við Melaskóla en hefði kosið að reynt hefði verið til þrautar að finna heppilegri staðsetningu fyrir völlinn þar sem hann hefur ekki áhrif á ásýnd skólans sem er einstaklega falleg bygging og merkileg út frá arkitekttónískum sjónarmiðum".

Sóley Tómasdóttir sat hjá við afgreiðslu málsins



Umsókn nr. 130171 (03.24.722)
10. Kjalarnes, Norðurgrund 1, 3, 5 og 7, breyting á deiliskipulagi
Lögð fram tillaga umhverfis- og skipulagssviðs að breytingu á deiliskipulagi Grundarhverfis vegna lóðanna nr. 1, 3, 5 og 7 við Norðurgrund á Kjalarnesi. Í breytingunni felst afmörkun nýrra byggingarreita, breyting á húsgerð o.fl., samkvæmt uppdr. umhverfis- og skipulagssviðs dags. 27. mars 2013.

Björn Ingi Eðvaldsson tók sæti á fundinum undir þessum lið.

Samþykkt að auglýsa framlagða tillögu.
Vísað til borgarráðs.

Umsókn nr. 130143 (01.41.11)
510402-2940 Umhverfis- og samgöngusvið Reyk
Borgartúni 10-12 105 Reykjavík
11. Holtavegur 11, breyting á deiliskipulagi
Lagt fram erindi umhverfis- og skipulagssviðs, frumathugana mannvirkja deildar að breytingu á deiliskipulagi Þróttarsvæðis vegna lóðarinnar Holtavegur 11. Í breytingunni felst að koma fyrir færanlegri kennslustofu skv. uppdr. dags. 19. mars 2013.

Rúnar Gunnarsson tók sæti á fundinum undir þessum lið.

Samþykkt að auglýsa framlagða tillögu.
Vísað til borgarráðs.


Umsókn nr. 130152 (01.21.62)
561000-2550 Húsfélagið Sætúni 1
Sætúni 1 105 Reykjavík
440703-2590 THG Arkitektar ehf.
Faxafeni 9 108 Reykjavík
12. Guðrúnartún 1, breyting á deiliskipulagi
Lagt fram erindi Húsfélagsins Sætúni 1 dags. 21. mars 2013 varðandi breytingu á deiliskipulagi Borgartúnsreits vesturs vegna lóðarinnar nr. 1 við Guðrúnartún. Í breytingunni felst stækkun á tengibyggingu samkvæmt uppdr. THG Arkitekta ehf. dags. 31. mars 2013.

Margrét Þormar tók sæti á fundinum undir þessum lið.

Samþykkt með vísan til 12. gr. samþykktar um skipulagsráð. Samþykkt að falla frá grenndarkynningu þar sem breytingin varðar einungis hagsmuni lóðarhafa.
Umsókn nr. 130157 (01.19.03)
13. Njálsgötureitur 3, lýsing fyrir reit 1.190.3
Lögð fram lýsing umhverfis- og skipulagssviðs dags. 8. apríl 2013 vegna deiliskipulags reits 1.190.3, Njálsgötureits. Skipulagssvæðið afmarkast af Njálsgötu, Barónsstíg, Bergþórugötu og Vitastíg.

Margrét Þormar tók sæti á fundinum undir þessum lið.
Lýsing samþykkt til kynningar og umsagnar með vísan til 1. mgr. 40. gr. skipulagslaga nr. 123/2010. Samþykkt að vísa lýsingunni til umsagnar Skipulagsstofnun, Hverfisráð Miðborgar-Hlíða, Minjastofnunar og Borgarminjavarða og annara hagsmunaaðila.

Lýsingin verður aðgengileg á vef umhverfis- og skipulagssviðs.

Umsókn nr. 120218
14. Sogamýri, breyting á aðalskipulagi
Lagt fram til endursamþykktar erindi umhverfis- og skipulagssviðs dags. 21. nóvember 2012 varðandi breytingu á aðalskipulagi Sogamýrar. Í breytingunni felst breytt landnotkun, samkvæmt uppdr. umhverfis- og skipulagssviðs dags. 14. september 2012.

Haraldur Sigurðsson tók sæti á fundinum undir þessum lið.
Samþykkt að auglýsa framlagða tillögu skv. 31. gr. skipulagslaga, sbr. 3. mgr. 30 gr. með atkvæðum fulltrúar Besta flokksins Páls Hjaltasonar Elsu Hrafnhildar Yeoman og Karls Sigurðssonar, fulltrúa Samfylkingarinnar Hjálmars Sveinssonar og Kristínar Soffíu Jónsdóttur og fulltrúa Vinstri hreyfingarinnar Græns framboðs Sóleyjar Tómasdóttur
Fulltrúar Sjálfstæðisflokksins Júlíus Vífill Ingvarsson, Gísli Marteinn Baldursson, og Marta Guðjónsdóttir sátu hjá og bókuðu: " Nú stendur yfir vinna við nýtt aðalskipulag Reykjavíkur sem tekur til áranna 2010-2030. Meginregla í skipulagi borgarinnar hefur verið að vinna aðalskipulagið heildstætt og marka heildarsýn fyrir borgina. Það er á skjön við vinnubrögð skipulagsráðs að taka einstakar lóðir út fyrir sviga með þessum hætti og láta heildarhugsun í skipulagi víkja."
Vísað til borgarráðs.
Umsókn nr. 110157
15. Sogamýri, breyting á deiliskipulagi
Lagt fram til endursamþykktar erindi umhverfis- og skipulagssviðs dags. 21. nóvember 2012 varðandi breytingu á deiliskipulagi Sogamýri. Breytingin felur í sér þrjár nýjar lóðir austan, lóðanna við Suðurlandsbraut 68-70, ásamt hliðrun á göngustíg, samkvæmt uppdrætti umhverfis- og skipulagssviðs dags. 21. nóvember 2012.


Haraldur Sigurðsson tók sæti á fundinum undir þessum lið.

Samþykkt að auglýsa framlagða tillögu skv. 41. gr., sbr. 4. mgr. 40 gr. með atkvæðum fulltrúar Besta flokksins Páll Hjaltason, Elsa Hrafnhildur Yeoman og Karl Sigurðsson, fulltrúa Samfylkingarinnar Hjálmar Sveinsson og Kristín Soffía Jónsdóttir og fulltrúa Vinstri hreyfingarinnar Græns framboðs Sóleyjar Tómasdóttur
Fulltrúar Sjálfstæðisflokksins Júlíus Vífill Ingvarsson Gísli Marteinn Baldursson, og Marta Guðjónsdóttir sátu hjá við afgreiðslu málsins.
Vísað til borgarráðs.

Umsókn nr. 45423
16. Afgreiðslufundur byggingarfulltrúa, Fundargerð
Fylgiskjal með fundargerð þessari er fundargerð nr. 724 frá 26. mars 2013. Ásamt fundargerð nr. 725 frá 9. apríl 2013.


Umsókn nr. 130179 (01.19.10)
530269-7609 Reykjavíkurborg
Ráðhúsinu 101 Reykjavík
17. Barónsstígur, Sundhöllin, Samkeppni
Lögð fram drög að forsögn að opinni samkeppni vegna viðbyggingar á Sundhöll Reykjavíkur.

Rúnar Gunnarsson tók sæti á fundinum undir þessum lið.
Frestað
Umsókn nr. 130184
18. Miðborgin, Við eigum von á gestum
Lagt fram bréf umhverfis- og skipulagssviðs til rekstraraðila í miðborg Reykjavíkur um mikilvægi samvinnu um ásýnd og fegurð miðborgarinnar.


Umsókn nr. 130098
530269-7609 Reykjavíkurborg
Ráðhúsinu 101 Reykjavík
19. Almenningssamgöngustefna Reykjavíkur, almenningssamgöngur
Lagt fram bréf borgarstjóra dags. 4. apríl 2013 ásamt almenningssamgöngustefnu Reykjavíkur sem samþykkt var í borgarstjórn 19. mars sl. Einnig er lagt fram erindisbréf starfshóps um stefnumörkun í almenningssamgöngum í Reykjavík.


Umsókn nr. 130091
20. Earth 101, styrkumsókn
Lagt fram bréf borgarráðs dags. 24. mars 2013 varðandi umsókn um styrk fyrir Earth 101 verkefnið. Óskað er umsagnar umhverfis- og skipulagsráðs.

Erindinu vísað til skrifstofu sviðsstjóra.
Umsókn nr. 130045
21. Umhverfis- og skipulagssvið, innkaupaskýrsla
Lagt fram yfirlit yfir viðskipti umhverfis- og skipulagssviðs við innkaupadeild í mars 2013.


Umsókn nr. 130094
22. Umhverfis- og skipulagssvið, reglur um styrki og ferðalög
Lagðar fram til kynningar reglur um styrki og ferðalög á vegum Reykjavíkurborgar.


Umsókn nr. 130093
23. Umhverfis- og skipulagsráð, ferð
Kynnt fyrirhuguð ferð fulltrúa úr umhverfis-og skipulagsráði á ráðstefnu í Chicago.

Umsókn nr. 130071
24. Umhverfis- og skipulagssvið, fjárhagsáætlun 2014
Kynnt drög að fjárhagsáætlun umhverfis- og skipulagssviðs 2014.

Gísli Marteinn Baldursson vék af fundi kl. 13:31

Kristín Soffía Jónsdóttir vék af fundi kl. 13:59


Umsókn nr. 130095
530269-7609 Reykjavíkurborg
Ráðhúsinu 101 Reykjavík
25. Umhverfis- og skipulagssvið, kynjuð fjárhags- og starfsáætlanagerð
Lagt fram minnisblað dags. 25. mars 2013 vegna tilraunaverkefnis USK vegna kynjaðrar fjárhags- og starfsáætlanagerðar

Marta Guðjónsdóttir vék af fundi kl. 14:40.

Ráðið þakkar starfshópnum fyrir vel unnin störf og tekur undir að verkefni I í minnisblaði væri það sem best myndi henta sviðinu að þessu sinni. Því er starfshópnum falið að vinna áfram að verkefninu.

Fulltrúi vinstri hreyfingarinnar Græns framboðs Sóley Tómasdóttir lagi fram eftirfarandi tillögu:
Umhverfis- og skipulagsráð samþykkir að til viðbótar við þegar samþykkt tilraunaverkefni, verði áhrif hverfisskipulagsvinnu borgarinnar á konur og karla metin. Ljóst er að hverfisskipulagsáætlanir og aukin nærþjónusta mun hafa umtalsverð áhrif á hagi barnafjölskyldna og má leiða að því líkum að í kjölfarið muni verkaskipting á heimilum breytast til batnaðar sem svo aftur hefur áhrif á tækifæri kynjanna á vinnumarkaði.
Frestað

Umsókn nr. 130160
530269-7609 Reykjavíkurborg
Ráðhúsinu 101 Reykjavík
27. Betri Reykjavík, Götumarkaðir út um alla miðborg
Lögð fram efsta hugmynd á samráðsvefnum Betri Reykjavík í málaflokknum Ýmislegt frá 28. febrúar 2013 "Götumarkaðir út um alla miðborg" ásamt samantekt af umræðum og rökum. Einnig er lögð fram umsögn skipulagsfulltrúa dags. 4. apríl 2013.
Umsögn skipulagsfulltrúa samþykkt
Umsókn nr. 130161
530269-7609 Reykjavíkurborg
Ráðhúsinu 101 Reykjavík
28. Betri Reykjavík, Gróðursetja fleiri tré meðfram Bústaðavegi við Fossvog
Lögð fram ein af fimm efstu hugmyndum á samráðsvefnum Betri Reykjavík í málaflokknum Umhverfismál frá 28. febrúar 2013 "Gróðursetja fleiri tré meðfram Bústaðavegi við Fossvog" ásamt samantekt af umræðum og rökum.

Vísað til umsagnar umhverfis- og skipulagssviðs, skrifstofu umhverfisgæða.
Umsókn nr. 130162
530269-7609 Reykjavíkurborg
Ráðhúsinu 101 Reykjavík
29. Betri Reykjavík, Að setja upp fleiri og burðugri ruslatunnur á gönguleiðum.
Lögð fram ein af fimm efstu hugmyndum á samráðsvefnum Betri Reykjavík og jafnframt efsta hugmynd í málaflokknum Umhverfismál frá 28. febrúar 2013 "Að setja upp fleiri og burðugri ruslatunnur á gönguleiðum" ásamt samantekt af umræðum og rökum.

Vísað til umsagnar umhverfis- og skipulagssviðs, skrifstofu umhverfisgæða.
Umsókn nr. 130163
530269-7609 Reykjavíkurborg
Ráðhúsinu 101 Reykjavík
30. Betri Reykjavík, Strætó frá Mjódd og í Árbæjarhverfi
Lögð fram ein af fimm efstu hugmyndum á samráðsvefnum Betri Reykjavík í málaflokknum Samgöngur frá 28. febrúar 2013 "Strætó frá Mjódd og í Árbæjarhverfi" ásamt samantekt af umræðum og rökum.

Frestað.
Umsókn nr. 130164
530269-7609 Reykjavíkurborg
Ráðhúsinu 101 Reykjavík
31. Betri Reykjavík, Gangbrautarljós á Arnarbakka fyrir skólabörn
Lögð fram ein af fimm efstu hugmyndum á samráðsvefnum Betri Reykjavík í málaflokknum Samgöngur frá 28. febrúar 2013 "Gangbrautarljós á Arnarbakka fyrir skólabörn" ásamt samantekt af umræðum og rökum.

Frestað.
Umsókn nr. 130165
530269-7609 Reykjavíkurborg
Ráðhúsinu 101 Reykjavík
32. Betri Reykjavík, Norðlingaholt- ný göngubrú yfir Bugðu
Lögð fram efsta hugmynd á samráðsvefnum Betri Reykjavík í málaflokknum Skipulagsmál frá 28. febrúar 2013 "Norðlingaholt- ný göngubrú yfir Bugðu" ásamt samantekt af umræðum og rökum.

Vísað til umsagnar skipulagsfulltrúa.
Umsókn nr. 120500 (01.79)
440703-2590 THG Arkitektar ehf.
Faxafeni 9 108 Reykjavík
570269-2679 Sjómannadagsráð Rvíkur/Hafnarfj
Laugarási Hrafnistu 104 Reykjavík
33. Sléttuvegur, Hrafnista, breyting á deiliskipulagi
Lagt fram bréf borgarstjóra dags. 22. mars 2013 um samþykkt borgarráðs 21. mars 2013 um breytingu á deiliskipulagi Sléttuvegar, lóðar Hrafnistu.


Umsókn nr. 120514
540169-6249 Félagsstofnun stúdenta
Háskólatorgi Sæmundar 101 Reykjavík
34. Rauðarárholt v/ Brautarholt 7, breyting á deiliskipulagi
Lagt fram bréf borgarstjóra dags. 22. mars 2013 um samþykkt borgarráðs 21. mars 2013 um breytingu á deiliskipulagi Rauðarárholts vegna lóðarinnar nr. 7 við Brautarholt.


Umsókn nr. 130147
470269-5969 Mosfellsbær
Þverholti 2 270 Mosfellsbær
35. Mosfellsbær, aðalskipulag 2011-2030, auglýsing
Lagt fram bréf borgarstjóra dags. 22. mars 2013 um samþykkt borgarráðs 21. mars 2013 varðandi athugasemdir við auglýsta tillögu að aðalskipulag Mosfellsbæjar


Umsókn nr. 110037 (01.19)
36. Nýr Landspítali við Hringbraut, nýtt deiliskipulag
Lagt fram bréf borgarstjóra dags. 22. mars 2013 um samþykkt borgarráðs 21. mars 2013 á umsögn skipulagsfulltrúa vegna athugasemda Skipulagsstofnunar.


Umsókn nr. 130142 (01.44.01)
530269-7609 Reykjavíkurborg
Ráðhúsinu 101 Reykjavík
37. Ferjuvogur 2, Vogaskóli, breyting á deiliskipulagi
Lagt fram bréf borgarstjóra dags. 4. apríl 2013 um samþykkt borgarráðs 4. apríl 2013 um auglýsingu á tillögu að breyttu deiliskipulagi lóðar Vogaskóla við Ferjuvog 2.