Afgreiðslufundir skipulagsstjóra Reykjavíkur, Fylkisvegur 6, íþróttasvæði Fylkis, Fylkisvegur 6, íþróttasvæði Fylkis, Lambhagaland - 189563, Melar, reitur 1.540, Vogar sunnan Skeiðarvogs, Þingvað 13 og 15, Vínlandsleið 1, Afgreiðslufundur byggingarfulltrúa, Skaftahlíð 11, Barónsstígur 47, Borgartún 32, Slippareitur, Háteigsvegur 7, Unufell 21-35 (33), Laugarnestangi 65, Laugarnes, Þingholtsstræti 2-4 og Skólastræti 1, Bergstaðastræti 28A, Lofnarbrunnur 6-8, Lambhóll við Þormóðsstaðaveg, Skotfélag Reykjavíkur, Skotveiðifélag Reykjavíkur,

Skipulagsráð

205. fundur 2010
Ár 2010, miðvikudaginn 21. apríl kl. 10:05, var haldinn 205. fundur skipulagsráðs Reykjavíkur. Fundurinn var haldinn að Borgartúni 12 - 14, 7. hæð. Ráðssal. Viðstaddir voru: Júlíus Vífill Ingvarsson, Sigmundur Davíð Gunnlaugsson, Ragnar Sær Ragnarsson, Sóley Tómasdóttir, Stefán Benediktsson, Sigurður Kaiser Guðmundsson og áheyrnarfulltrúinn Magnús Skúlason. Eftirtaldir embættismenn sátu fundinn: Ólöf Örvarsdóttir, Magnús Sædal Svavarsson, Ágúst Jónsson, Ólafur Bjarnason og Marta Grettisdóttir Auk þess gerðu eftirtaldir embættismenn grein fyrir einstökum málum: Björn Axelsson, Björn Ingi Edvardsson, Lilja Grétarsdóttir og Þórarinn Þórarinsson. Fundarritari var Helga Björk Laxdal.
Þetta gerðist:

Umsókn nr. 10070
1. Afgreiðslufundir skipulagsstjóra Reykjavíkur, fundargerð
Lögð fram fundargerð afgreiðslufundar skipulagsstjóra Reykjavíkur frá 16. apríl 2010.

Umsókn nr. 100072 (04.36.3)
410604-3370 Erum Arkitektar ehf
Grensásvegi 3-5 108 Reykjavík
2. Fylkisvegur 6, íþróttasvæði Fylkis, breyting á deiliskipulagi, áhorfendastúka
Lagt fram erindi Erum arkitekta fh. Íþróttafélagsins Fylkis, dags. 25. febrúar 2010, varðandi breytingu á deiliskipulagi Íþróttasvæðis Fylkis við Fylkisveg. Í breytingunni felst breyting á fyrirkomulagi mannvirkja og færsla áhorfendastúku innan lóðarinnar samkvæmt uppdrætti dags. í febrúar, móttekin 25. febrúar 2010. Einnig lögð fram greinargerð, móttekin 25. febrúar 2010, og tölvubréf Arnars Hafsteinssonar framkvæmdastjóra Fylkis, dags. 15. apríl 2010.
Samþykkt að auglýsa framlagða tillögu. Jafmframt er samþykkt að upplýsa hagsmunaaðila á svæðinu sérstaklega um efni tillögunnar.
Vísað til borgarráðs.
Umsókn nr. 90131 (04.36.3)
470199-3189 Teiknistofan Storð ehf
Sunnuvegi 11 220 Hafnarfjörður
3. Fylkisvegur 6, íþróttasvæði Fylkis, breyting á deiliskipulag, grasæfingasvæði
Lögð fram tillaga Teiknistofunnar Storð ehf., dags. 10. júlí 2009, að breytingu á deiliskipulagi íþróttasvæðis Fylkis. Deiliskipulagssvæðið afmarkast af gervigrasvelli og lóð Árbæjarsundlaugar til norðurs, göngustíg neðan við Klapparás til austurs og göngustíg meðfram Elliðaám til vesturs samkvæmt uppdrætti, dags. 10. júlí 2009. Einnig eru lagðar fram umsagnir Veiðimálastofnunar, dags. 19. ágúst 2009 og 23. nóvember 2009, ásamt umsögn Umhverfisstofnunar, dags. 30. september 2009. Erindi er nú lagt fram að nýju ásamt umsögn umhverfis- og samgöngusviðs, dags. 9. mars 2010 og tölvubréfi Arnars Hafsteinssonar framkvæmdastjóra Fylkis, dags. 15. apríl 2010. Einnig lagt fram minnisblað skipualgsstjóra dags. 20. apríl 2010.
Samþykkt að auglýsa framlagða tillögu. Jafmframt er samþykkt að upplýsa hagsmunaaðila á svæðinu sérstaklega um efni tillögunnar.
Vísað til borgarráðs.

Fulltrúi Vinstri hreyfingarinnar græns framboðs Sóley Tómasdóttir sat hjá við afgreiðslu málsins og óskaði bókað; "Fulltrúi Vinstri grænna telur ótækt að auglýsa tillögu að deiliskipulagi útivistarsvæðis í borginni án þess að umsögn frá umhverfis- og samgöngusviði liggi fyrir. Með þessu er skipurit og verksvið borgarstofnana virt að vettugi sem kann ekki góðri lukku að stýra."

Framlögð tillaga að breytingu á deiliskipulagi íþróttasvæðis Fylkis hefur þegar verið kynnt í Umhverfis og samgönguráði að mestu óbreytt. Hún verður aftur til umfjöllunar í Umhverfis og samgönguráði þriðjudaginn 27. apríl og að öllum líkindum lögð fyrir borgarráð tveimur dögum síðar . Áhyggjur fulltrúans eru því með öllu óþarfar. Auk þess er tillagan að fara í auglýsingu og því mun gefast nægur tími til að gera athugasemdir áður en
hún kemur aftur til afgreiðslu skipulagsráðs.

Umsókn nr. 80630 (02.68.41)
4. Lambhagaland - 189563, nýtt deiliskipulag
Að lokinn auglýsingu er lögð fram að nýju tillaga Landforms, dags. 4. desember 2009, breytt 20. apríl 2010 að deiliskipulagi Lambhagalands við Vesturlandsveg. Einnig lögð fram forsögn skipulags- og byggingarsviðs Reykjavíkur, dags. 8. ágúst 2008. Auglýsing stóð frá 13. janúar til 23. febrúar 2010. Eftirtaldir aðilar sendu athugasemdir: Dagbjört Ágústsdóttir, dags. 22. febrúar, og bókun Hverfisráðs Grafarholts og Úlfarsárdals, dags. 22. febrúar 2010. Einnig lögð fram umsögn Veiðimálastofnunar, dags. 24. febrúar 2010, og umsögn Umhverfisstofnunar, dags. 26. febrúar 2010. Einnig lögð fram umsögn skipulagsstjóra, dags. 5. mars 2010.

Ásgeir Ásgeirsson tók sæti á fundinum kl. 10:45.
Samþykkt með þeim breytingum sem fram koma í umsögn skipulagsstjóra.
Vísað til borgarráðs.
Umsókn nr. 90134
5. Melar, reitur 1.540, deiliskipulag
Lögð fram tillaga Teiknistofunnar Gláma Kím að deiliskipulagi Mela reitur 1.540, samkvæmt deiliskipulagsuppdrætti og skýringamynd dags. í janúar 2010 Skipulagssvæðið afmarkast af Hagamel, Hofsvallagötu, Hringbraut og Furumel. Einnig er lögð fram forsögn að deiliskipulagi Mela, dags. apríl 2009 og ábendingar sem bárust við forkynningunni.
Samþykkt að auglýsa framlagða tillögu þegar uppdrættir hafa verið lagfærðir.
Vísað til borgarráðs.
Umsókn nr. 90101 (01.4)
6. ">Vogar sunnan Skeiðarvogs, forsögn, deiliskipulag
Að lokinni hagsmunaaðilakynningu er lögð fram að nýju tillaga Húss og skipulags ehf. að deiliskipulagi Voga, sunnan Skeiðarvogs, mótt. 8. janúar 2010. Kynning stóð til og með 15. febrúar 2010. Eftirtaldir aðilar sendu ábendingar: Guðlaugur Einarsson, dags. 21. janúar, Árni I. Jónsson, dags. 26. janúar, Vigdís Jónsdóttir, dags. 2. febrúar, Hrund Einarsdóttir, dags. 10. og 24. febrúar, Börkur Valdimarsson, 24. febrúar og viðbótargögn vegna eldri samskipta, dags. 1. mars 2010, Linda B. Jóhannsdóttir, dags. 24. febrúar, Ragnar S. Bjarnason, dags. 24. febrúar, Sigurjón P. Ísaksson, dags. 24. febrúar, Anna Ragna Alexandersdóttir, dags. 26. febrúar, Hrund Einarsdóttir f.h. 69 aðila á undirskriftarlista, dags. 26. febrúar, Hólmfríður Einarsdóttir og Sigurður Sigurðsson, dags. 26. febrúar, Gísli Jónsson, dags. 28. febrúar, Ingibjörg R. Hjálmarsdóttir, dags. 2. mars 2010 ,Ragnar Jónasson, f.h. Sumargjafar, dags. 3. mars 2010, Guðrún Kristjónsdóttir, dags. 4. mars 2010, Hanna Magnúsdóttir, dags. 4. mars 2010, Kristján Kristjánsson, dags. 4. mars 2010, Kristín S. Hjálmtýsdóttir, dags. 4. mars. 2010, Þorgerður Guðmundsdóttir, dags. 25. feb. 2010 og athugasemdir stjórnar LHM, dags. 4. mars 2010. Einnig lögð fram húsakönnun fyrir Vogahverfi, dags. apríl 2010.
Athugasemdir kynntar.
Frestað.
Umsókn nr. 100149 (04.77.38)
270274-3239 Silja Traustadóttir
Lynghagi 4 107 Reykjavík
100536-2779 Sigríður Júlíusdóttir
Klifvegur 2 108 Reykjavík
090363-5069 Árni Vignir Pálmason
Þingvað 15 110 Reykjavík
7. Þingvað 13 og 15, breyting á deiliskipulagi
Lagt fram erindi Silju Traustadóttur arkitekts, dags. 15. apríl 2010, varðandi breytingu á deiliskipulagi Norðlingaholts vegna lóðanna nr. 13 og 15 við Þingvað. Í breytingunni felst að lóðarmörkin á milli lóðanna er breytt þannig að lóð nr. 13 minnkar og lóð nr. 15 stækkar, samkvæmt uppdrætti Silju Traustadóttur, dags. mars 2010. Einnig lagt fram undirritað samþykki lóðarhafa að Þingvaði 13 og 15, dags. 27. mars 2010.
Samþykkt með vísan til heimilda í 12. gr. samþykktar um skipulagsráð.
Samþykkt að falla frá grenndarkynningu þar sem breytingin varðar einungis hagsmuni lóðarhafa.
Umsókn nr. 90452 (04.11.14)
671197-2919 Arkís ehf
Aðalstræti 6 101 Reykjavík
520171-0299 Húsasmiðjan ehf
Holtavegi 10 104 Reykjavík
8. Vínlandsleið 1, breyting á deiliskipulagi
Að lokinni auglýsingu er lagt fram að nýju erindi Arkís, dags. 9. desember 2009, varðandi breytingu á deiliskipulagi Grafarholts, athafnasvæðis vegna lóðarinnar nr. 1 við Vínlandsleið. Breytingin felur í sér að koma fyrir byggingarreit fyrir timburlager á suðausturhorni lóðarinnar samkvæmt uppdrætti, dags. 2. desember 2009. Auglýsing stóð yfir frá 13. janúar 2010 til og með 24. febrúar 2010. Eftirtaldir aðilar sendu inn athugasemdir: bréf Hverfisráðs Grafarholts og Úlfarsárdals, dags. 22. febrúar og 18. mars 2010, G. Jón Bjarnason, dags. 24. febrúar 2010. Einnig lögð fram umsögn skipulagsstjóra, dags. 19. mars 2010 ásamt umsögn umhverfis- og samgöngusviðs, dags. 19. mars 2010.
Synjað með vísan til umsagnar skipulagsstjóra.
Vísað til borgarráðs.

Umsókn nr. 41433
9. Afgreiðslufundur byggingarfulltrúa, fundargerð
Fylgiskjal með fundargerð þessari er fundargerð nr. 583 frá 20. apríl 2010.

Umsókn nr. 30972 (01.27.301.3)
220177-5219 Ragnheiður Bogadóttir
Auðarstræti 13 105 Reykjavík
200285-2559 Vilhjálmur Ásmundsson
Skaftahlíð 11 105 Reykjavík
10. Skaftahlíð 11, br. risíbúð ,kvistir o.fl.
Að lokinni grenndarkynningu er lagt fram að nýju bréf byggingarfulltrúa, dags. 2. mars 2010, þar sem óskað er eftir að skipulagsstjóri grenndarkynni erindið að nýju vegna endurnýjaðra umsóknar á breytingu kvista á þakhæð og svölum á suður- og norðurhlið hússins nr. 11 við Skaftahlíð. Grenndarkynningin stóð frá 11. mars til og með 8. apríl 2010. Eftirtaldir aðilar sendu inn athugasemdir: Þorsteinn Sæmundsson og Guðný Sigrún Hjaltadóttir dags. 21. mars 2010. Einnig lögð fram umsögn skipulagsstjóra dags. 15. apríl 2010.
Samþykkt með vísan til umsagnar skipulagsstjóra.
Samræmist ákvæðum laga nr. 73/1997.
Áskilin lokaúttekt byggingarfulltrúa.
Umsókn nr. 40980 (01.19.310.1)
710304-3350 Álftavatn ehf
Kringlunni 7 103 Reykjavík
11. Barónsstígur 47, (fsp) breyta í hótel
Lagt fram bréf frá afgreiðslufundi byggingarfulltrúa 26. janúar þar sem spurt er hvort leyft verði að innrétta húsnæði áður Heilsuverndarstöð Reykjavíkur sem hótel fyrir Icelandair Hótel á lóðinni nr. 47 við Barónsstíg. Málinu fylgir bréf fyrirspyrjanda, dags. 21. janúar 2010. Einnig lögð fram umsögn Minjasafns Reykjavíkur, dags. 4. febrúar 2010. Einnig lagt fram bréf Arkþing, dags. 11. febrúar 2010, ásamt uppdráttum, dags. 12. febrúar 2010.
Húsið við Barónsstíg 47 er fyrsta sérhannaða húsið fyrir heilsuvernd á Íslandi og gegnir sem slíkt veigamiklu menningarsögulegu hlutverki. Ráðið telur því æskilegast að það gegni áfram því hlutverki sem því var ætlað upprunalega.

Skipulagsráð telur þó að hótelstarfsemi sé ekki í andstöðu við gildandi deiliskipulag. Ráðið leggur ríka áherslu á að fyrirspyrjendur vandi afar vel til vinnslu byggingarleyfisumsóknar og er lögð áhersla á að haft verði gott samráð við Minjasafn Reykjavíkur. Um er að ræða friðað hús og eina af perlum byggingarlistar í Reykjavík. Bent er sérstaklega á niðurlag umsagnar borgarminjavarðar vegna málsins en þar stendur m.a.; ...því er áréttað að þar sem húsið er friðað þarf samþykki Húsafriðunarnefndar fyrir öllum breytingum. Ráðið leggur einnig áherslu á að varlega verði farið í allar breytingar sem þarf að ráðast í vegna breyttrar starfsemi.



Umsókn nr. 100120 (01.23.20)
711296-5069 Borgartún ehf
Hegranesi 22 210 Garðabær
12. Borgartún 32, (fsp) bílastæðakvöð fyrir hótel Cabin
Á fundi skipulagsstjóra 26. mars 2010 var lagt fram bréf Gunnars Jóhannssonar f.h. Borgartúns ehf., dags. 23. mars 2010, varðandi bílastæðakvöð á lóð hótels Cabin að Borgartúni 32. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra, dags. 15. apríl 2010. Einnig lagt fram bréf Jóhanns Sigurðssonar framkvæmdastjóra Hótel Cabin, dags. 13. apríl 2010.
Ráðið gerir ekki athugasemdir við að fyrirspyrjandi láti vinna tillögu að breytingu á deiliskipulagi til samræmis við þau skilyrði sem fram koma í umsögn skipulagsstjóra.
Umsókn nr. 100133
700485-0139 Minjavernd hf
Pósthólf 1358 121 Reykjavík
13. Slippareitur, (fsp) lóð fyrir flutningshúsið Sólfell
Lögð fram fyrirspurn Minjaverndar, dags. 30. mars 2010, um lóð fyrir saltfiskþurrkunarhúsið Sólfell sem áður stóð að Borgartúni 41. Einnig lögð fram tillaga Argos arkitektastofu, dags. í mars 2010, að staðsetningu þess og endurbyggingu á Slippasvæðinu í Reykjavíkurhöfn.
Kynnt.

Umsókn nr. 100141 (01.24.43)
670308-1380 Catch the Fire Reykjavík
Háteigsvegi 7 105 Reykjavík
14. Háteigsvegur 7, málskot
Lagt fram málskot Guðbjarts Guðbjartssonar f.h Catch the Fire Reykjavík, dags. 9. apríl 2010, vegna neikvæðrar afgreiðslu embættisafgreiðslufundar byggingarfulltrúa 30. mars 2010 á fyrirspurn varðandi rekstur og nýtingu kirkjunnar á húsnæðinu að Háteigsvegi 7.
Fyrri afgreiðsla skipulagsstjóra frá 26. mars 2010 staðfest.
Umsókn nr. 41432 (04.68.340.1)
15. Unufell 21-35 (33), bréf byggingarfulltrúa
Lagt fram bréf byggingarfulltrúa dags. 14. apríl 2010 vegna óleyfisframvæmda á lóð nr. 33 við Unufell
Bréf byggingarfulltrúa samþykkt.
Umsókn nr. 100091 (01.31.44)
16. Laugarnestangi 65, vegna óleyfisframkvæmda
Lagt fram bréf borgarstjóra, dags. 26. mars 2010. þar sem samþykkt var á fundi borgarráðs 25. s.m. að vísa eftirfarandi tillögu til umhverfis- og samgöngusviðs, framkvæmda- og eignasviðs og skipulags- og byggingarsviðs: Borgarráðsfulltrúi VG leggur til að framkvæmda- og eignasviði Reykjavíkurborgar verði falið að koma borgarlandinu við Laugarnestanga í viðunandi ástand á kostnað eiganda Laugarnestanga 65. Framkvæmdum verði lokið fyrir varptíma fugla á svæðinu. Einnig lagt fram bréf Hrafns Gunnlaugssonar dags. 5. apríl 2010 til byggingarfulltrúa ásamt fylgiskjölum, verkefni Háskólanema Náttúrugallerí Hrafns Gunnlaugssonar á Laugarnesinu dags. í apríl 2002, bréf byggingarfulltrúa dags. 19. apríl 2010, ásamt ljósmyndum.
Tillaga um málsmeðferð í bréfi byggingarfulltrúa dags. 19. apríl 2010 samþykkt
Umsókn nr. 100154 (01.32.85)
011059-2799 Steingerður Steinarsdóttir
Hljóðalind 2 201 Kópavogur
17. Laugarnes, lagt fram bréf
Lagt fram bréf Steingerðar Steinarsdóttur f.h. 24 aðila, dags. 7. apríl 2010, varðandi Laugarnes. Spurt er um umhirðu svæðisins, gróðurfarsáætlun, lagfæringu jarðrasks og aðgengi að strandlengju Laugarnessins.

Umsókn nr. 100084 (01.17.02)
440703-2590 THG Arkitektar ehf
Faxafeni 9 108 Reykjavík
18. Þingholtsstræti 2-4 og Skólastræti 1, breyting á deiliskipulagi
Lagt fram bréf borgarstjóra dags. 9. apríl 2010 um samþykkt borgarráðs þann 8. apríl 2010 um auglýsingu á breytingu á deiliskipulagi fyrir reiti 1.170.1 og 2 vegna sameiningu lóðanna Þingholtsstræti 2-4 og Skólastræti 1.

Umsókn nr. 100102 (01.18.43)
621299-4179 Úrskurðarnefnd skipul/byggmál
Skúlagötu 21 101 Reykjavík
19. Bergstaðastræti 28A, kæra, umsögn
Lagt fram bréf Úrskurðarnefndar skipulags- og byggingarmála, dags. 11. mars 2010, ásamt kæru, dags. 9. mars 2010, þar sem kærð er synjun á beiðni um afturköllun á samþykki byggingarfulltrúa fyrir innréttingu og nýtingu íbúðar á annarri hæð að Bergstaðastræti 28A í Reykjavík fyrir gististað. Einnig lögð fram umsögn lögfræði- og stjórnsýslu, dags.14. apríl 2010.
Umsögn lögfræði og stjórnsýslu samþykkt.
Umsókn nr. 100105 (02.69.58)
621299-4179 Úrskurðarnefnd skipul/byggmál
Skúlagötu 21 101 Reykjavík
20. Lofnarbrunnur 6-8, kæra, umsögn
Lagt fram bréf Úrskurðarnefndar skipulags- og byggingarmála, dags. 11. mars 2010, ásamt kæru, dags. 20. febrúar 2010, þar sem kærð er ákvörðun borgaryfirvalda um að krefja lóðarhafa Lofnarbrunns 6-8 í Reykjavík um úrbætur í greindri lóð. Einnig lögð fram umsögn lögfræði- og stjórnsýslu, dags. 14. apríl 2010.
Umsögn lögfræði og stjórnsýslu samþykkt.
Umsókn nr. 100104 (01.53.93)
621299-4179 Úrskurðarnefnd skipul/byggmál
Skúlagötu 21 101 Reykjavík
21. Lambhóll við Þormóðsstaðaveg, kæra, umsögn
Lagt fram bréf Úrskurðarnefndar skipulags- og byggingarmála, dags. 11. mars 2010, ásamt kæru, dags. 5. mars 2010, þar sem kærð er synjun byggingarleyfis fyrir breyttu innra skipulagi og gluggum Lambhóls við Starhaga í Reykjavík ásamt innréttingu tómstundaherbergis í bílskúr við húsið. Einnig lögð fram umsögn lögfræði- og stjórnsýslu, dags. 16. apríl 2010.
Umsögn lögfræði og stjórnsýslu samþykkt.
Umsókn nr. 100151 (04.1)
22. Skotfélag Reykjavíkur, Skotveiðifélag Reykjavíkur, úrskurðir ráðuneytis um útgáfu starfsleyfis
Lagt fram bréf umhverfisráðuneytisins til umhverfis- og samgöngusviðs, dags 16. mars 2010, ásamt úrskurðum vegna annars vegar ákvörðunar Heilbrigðisnefndar Reykjavíkur um útgáfu starfsleyfis fyrir Skotveiðifélag Reykjavíkur og nágrennis dags. 4. maí 2009 og hins vegar vegna ákvörðunar Heilbrigðisnefndar Reykjavíkur um útgáfu starfsleyfis fyrir Skotfélag Reykjavíkur dags. 8. mars 2008.
Frestað.