Bryggjuhverfi, Gjaldskyld bílastæði, Bíldshöfði 8-18, Borgartún 1a, Bólstaðarhlíð, Dunhagi 5, Miðborgin, Laugavegur 21/Klapparstígur 30, Hljóðvist, Kringlan, Kringlan 4-6 og 8-12, Landspítalalóð, Miðborg, þróunaráætlun, Nóatún/Hátún, hringtorg, Síðumúli 28, Skildinganes 10, Smiðshöfði 7-19, Vesturlandsvegur, Reynisvatn, Víðidalur, D-Tröð 2,

Skipulags- og umferðarnefnd

20. fundur 1997
Ár 1997, mánudaginn 13. október kl. 10:00, var haldinn 20. fundur skipulags- og umferðarnefndar í Borgartúni 3, 4. hæð. Þessir sátu fundinn: Guðrún Ágústsdóttir, Margrét Sæmundsdóttir, Óskar Dýrmundur Ólafsson, Guðrún Jónsdóttir, Guðrún Zoëga, Halldór Guðmundsson og Jóna Gróa Sigurðardóttir. Fundarritari var Ágúst Jónsson.
Þetta gerðist:

Bryggjuhverfi, skipulag
Lagt fram bref borgarstjóra f.h. borgarráðs um samþykkt borgarráðs 30.09.97 á bókun skipulags- og umferðarnefndar frá 29. s.m. um skipulag Bryggjuhverfis, skilmála og umferðartengingar.

Gjaldskyld bílastæði, miðborg
Lagt fram bréf framkv.stj. Bílastæðasjóðs, dags. 23.09.97, varðandi gjaldskyldu á 38 bílastæðum á svæði milli Bergstaða og Ingólfsstrætis, sbr. uppdr. Vinnustofunnar Þverár, dags. í sept. 1997.
Samþykkt.
Bíldshöfði 8-18, lóðabreyting, aðkoma, bílastæði
Lagt fram bréf eigenda og umráðamanna fyrirtækja og iðnaðarhúsa við Bíldshöfða 14-18, dags. 24.07.96, varðandi bílastæði við húsagötu sunnan Bíldshöfða. Einnig lögð fram tillaga Borgarskipulags, samkv. uppdr. Landslagsarkitekta, dags. 08.10.97 að breyttum lóðamörkum aðkomugötu og bílastæðum ásamt drögum að skilmálum.

Borgarskipulagi falið að kynna málið.
Borgartún 1a, uppbygging
Lögð fram til kynningar tillaga Borgarskipulags, dags. 10.10.97 að afmörkun lóðar og skilmálum að uppbyggingu á lóðinni Borgartúni 1a, sem afmarkast af Sæbraut, Snorrabraut, Sætúni og Borgartúni.


Borgarskipulagi falið að vinna tillöguna frekar og jafnframt að kynna hana.
Bólstaðarhlíð, lokun
Kynnt staða máls vegna lokunar Bólstaðarhlíðar. Ennfremur lögð fram fundargerð íbúa við Bólstaðarhlíð, aðila frá foreldrafélagi og umferðaröryggishóp Háteigsskóla, dags. 10.09.97, bréf hóps um umferðarmál í Bólstaðarhlíð, dags. 06.10.97 ásamt fundargerðum frá 15.09.97, 30.09.97 og 06.10.97.

Dunhagi 5, nýbygging
Lagt fram bréf Ormars Þórs Guðmundssonar, dags. 01.10.97, varðandi Tæknigarð 2, nýbyggingu Endurmenntunarstofnunar og Tölvuskorar H.Í., samkv. uppdr, Arkitektastofunnar, Borgartúni 17, dags. 01.10.97.
Samþykkt, enda kynni byggingarnefnd málið fyrir nágrönnum.
Miðborgin, næturstæði leigubíla
Lögð fram bréf borgarstjóra f.h. borgarráðs um samþykktir borgarráðs 16.09.97 og 30.09.97, vegna aðstöðu leigubíla í miðborginni.
Skipulags- og umferðarnefnd undirstrikar að varðandi aðstöðu fyrir næturstöðu leigubíla verði megin áhersla lögð á aðstöðu við Miðborgarstöð SVR við Kalkofnsveg og þar verði séð fyrir allri nauðsynlegri aðstöðu. Einnig er lögð áhersla á að ekki verði skýli við Mæðragarðinn né önnur aðstaða. Nefndin gerir þó ekki athugasemd við að á þeim dögum sem stæði eru við garðinn séu settar upp "stýrigrindur".
Laugavegur 21/Klapparstígur 30, sameining lóða, nýbygging
Lagt fram bréf Húsaness ehf, dags. 02.10.97, varðandi sameiningu lóðanna Klapparstígs 30 og Laugavegar 21 og nýbyggingu verslunar-skrifstofu og íbúðarhúsnæðis, samkv. uppdr. og líkani Einars V. Tryggvasonar ark., dags. 01.10.97. Einnig lögð fram bréf borgarstjóra f.h. borgarráðs, dags. 12.03.97 og 16.05.97. Ennfremur lögð fram umsögn Borgarskipulags, dags. 13.10.97.
Skipulags- og umferðarnefnd samþykkir umsögn Borgarskipulags, dags. 13.10.97 og þar með að kynna mállið í 4 vikur.
Hljóðvist,
Kynning á breytingu á mengunarvarnareglugerð og reglum varðandi málið á hinum Norðurlöndunum. Byggingarfulltrúi og Steindór Guðmundsson verkfræðingur á Rannsóknastofnun byggingariðnaðarins kynntu.


Kringlan, umferðarmál
Lagt fram bréf Gísla Þórs Gíslasonar, Guðlaugs Einarssonar og Jakobs Hafstein, dags. 05.11.96, varðandi umferðarþunga vegna fyrirhugaðra bygginga við Efstaleiti og bréf Ólafs Ó. Guðmundssonar, dags. 3.1.97, varðandi ástand umferðarmála við íbúðargötuna Kringluna. Einnig lagt fram bréf stjórnar Íbúafélags Kringlunnar 15-41, dags. 12.05.97, varðandi bílastæði við eystri gatnamót Listabrautar og Kringlunnar og breytingar á Kringlutorgi. Ennfremur lögð fram tillaga Gunnars I. Ragnarssonar, dags. 08.10.97, að umferðarbreytingum í hverfinu ásamt bréfi borgarverkfr. og skipulagsstj. og greinargerð umferðardeildar borgarverkfr., dags. 10.10.97.
Skipulags- og umferðarnefnd fellst á fyrirliggjandi tillögu umferðardeildar um aðgerðir ásamt fyrirkomulagi bílastæða við Kringlutorg. Nefndin samþykkir að kynna tillöguna sem breytingu á deiliskipulagi reitsins, sbr. einnig mál nr. 409.97.
Kringlan 4-6 og 8-12, tengibygging
Lagt fram bréf Halldórs Guðmundssonar ark., dags. 26.09.97, varðandi tengibyggingu milli Kringlunnar 4-6 og 8-12, samkv. uppdr. sama, dags. 07.10.97.
Skipulags- og umferðarnefnd fellst á fyrirliggjandi tillögu um uppbyggingu, dags. 7.10.97. Nefndin samþykkir að kynna tillöguna sem breytingu á deiliskipulagi reitsins.
Landspítalalóð, barnaspítali, hljóðstig
Lagt fram að nýju bréf Björns H. Skúlasonar f.h. Framkvæmdasýslu ríkisins, dags. 23.07.97, varðandi niðurstöðu Verkfræðistofu Sigurðar Thoroddsen um hljóðstig frá umferð við spítala, dags. 30.06.97. Einnig lagt fram að nýju bréf skrifst.stj. borgarverkfræðings, dags. 19.09.97. Ennfremur lagt fram minnisblað borgarverkfræðings og skipulagsstjóra vegna skipulags á lóðinni, dags. 10.10.97

Skipulags- og umferðarnefnd samþykkti samhljóða svofellda bókun: "Vegna fyrirhugaðrar byggingar barnaspítala á lóð Landspítalans vill SKUM undirstrika nauðsyn þess að flutningur Hringbrautar komi til framkvæmda á næstu árum og að framkvæmdin verði tímasett hið fyrsta ekki síst vegna umferðarhávaða vegna Hringbrautar. Flutningur Hringbrautar þarf að haldast í hendur við opnun barnaspítalans. Bílastæðamál og innri umferð á lóðinni er sprungin og mikið álag er á nærliggjandi íbúðagötum á álagstímum. Það er því grundvallaratriði að flutningi Hringbrautar sé hraðað og um leið að deiliskipulag lóðarinnar verði endurskoðað til að bæta umhverfi sjúkrahússins og íbúðahverfanna í nágrenninu.
Þegar verðlaunatillaga að húsi fyrir barnaspítala hefur verið valin af dómnefnd þarf að fjalla um hana á venjulegan hátt í nefndum borgarinnar og kynna tillöguna síðan fyrir nágrönnum og einnig almennt sem skipulagsbreytingu". Ennfremur samþykkti nefndin með 5 samhljóða atkvæðum umsögn skrifstofustjóra borgarverkfræðings frá 19.9.´97 (Guðrún Jónsdóttir sat hjá).
Guðrún Jónsdóttir óskaði bókað: "Hætta er á því að í samþykkt SKUM á umsögn Ágústar Jónssonar felist samþykkt á ýtrustu undanþágu frá ákvæðum mengunarvarnarreglugerðar sbr. frávik II. Ég óttast einnig að með samþykktinni verði torveldara að ná fram þeim samningum við ríkið um flutning Hringbrautar og öðrum úrbótum sem bókun SKUM frá í dag gefur til kynna. Þegar í húfi er jafn mikilvæg og viðkvæm stofnun og barnaspítali tel ég mér ekki fært að styðja afgreiðslu þessa máls með þeim hætti sem hér hefur orðið ofan á. Að því vil ég ekki standa og sit því hjá."
Guðrún Ágústsdóttir og Margrét Sæmundsdóttir bókuðu: "Í umsögn Ágústar Jónssonar felst eingöngu túlkun á breytingu á mengunarvarnarreglugerð nr. 273/1997 um að hér sé um að ræða nýbyggingu í eldri byggð. Hér er því ekki verið að samþykkja neins konar undanþágu að öðru leyti vísast til bókunar SKUM um nauðsyn flutnings Hringbrautar vegna nýs barnaspítala og einnig vegna þeirra sjúkradeilda sem þegar eru á Landspítalalóðinni."
Miðborg, þróunaráætlun,
Hafdís Hafliðadóttir og Ingibjörg R. Guðlaugsdóttir frá Borgarskipulagi kynntu stöðu vinnu við þróunaráætlun miðborgarinnar.


Nóatún/Hátún, hringtorg, umferðarréttur
Lagt fram bréf umferðardeildar borgarverkfræðings, dags. 09.10.97, ásamt tillögu samkv. uppdr. Verkfræðistofunnar Hnit, dags. júní 1997 að hringtorgi á mótum Nóatúns og Hátúns.
Samþykkt
Síðumúli 28, lóðarafnot
Lagt fram bréf skrifstofustj. borgarverkfræðings, dags. 19.09.97, varðandi afnot af lóð við Síðumúla 28, samkv. uppdr. Teiknist. Ármúla 6, dags. 03.09.97, br. 01.10.97 ásamt bréfi Skúla Bjarnasonar hdl. f.h. Mótáss ehf, dags. 05.09.97. Einnig lagt fram bréf umhverfismálaráðs, dags. 02.10.97 og umsögn Borgarskipulags, dags. 07.10.97.
Skipulags- og umferðarnefnd fellst á erindið fyrir sitt leyti enda kynni byggingarnefnd málið fyrir nágrönnum. Nefndin leggur áherslu á að ekki verði settar auglýsingar á fjarskiptamastur eða önnur mannvirki á lóðarskikanum.
Skildinganes 10, nýbygging
Lagt fram bréf byggingarfulltrúa f.h. byggingarnefndar frá fundi dags. 09.10.97, varðandi byggingu einbýlishúss á lóðinni nr. 10 við Skildinganes, samkv. nýjum uppdr. Arnar Sigurðssonar arkitekts, dags. okt.´97. Einnig lagt fram að nýju bréf húseigenda að Skildinganesi 12, dags. 21.09.97 og bréf Gísla Gestssonar, dags. 28.09.97, ásamt minnispunktum Borgarskipulags, dags. 25.09.97.
Skipulags- og umferðarnefnd gerir ekki athugasemdir við erindið.
Smiðshöfði 7-19,
Lögð fram tillaga Borgarskipulags, samkv. uppdr. Landslagsarkitekta, dags. 09.10.97, að lóðarstækkun, breytingu á bílastæðum og aðkomu frá Stórhöfða ásamt drögum að skilmálum. Einnig lögð fram tillaga að færslu Stórhöfða og aðkomu að Stórhöfða 15.
Samþykkt að kynna fyrir lóðarhöfum viðkomandi lóða.
Vesturlandsvegur, Reynisvatn, fiskeldisstöð, stækkun
Lagt fram bréf byggingarfulltrúa f.h. byggingarnefndar dags. 15.09.97 varðandi umsókn Laxins ehf um leyfi til að byggja aðgerðar- og þjónustuhús á lóð við Reynisvatn skv. uppdr. Erling G. Pedersen arkitekts dags. 3.09.97. Einnig lögð fram umsögn Borgarskipulags, dags. 10.10.97.
Skipulags- og umferðarnefnd fellst á erindið fyrir sitt leyti og vísar málinu til umhverfismálaráðs.
Víðidalur, D-Tröð 2, breyting á hesthúsi
Lagt fram bréf byggingarfulltrúa f.h. byggingarnefndar, dags. 15.08.97, varðandi breytingu á hesthúsi á lóðinni D-Tröð 2. Einnig lögð fram umsögn skipulagshöfundar, Reynis Vilhjálmssonar, dags. 29.09.97.
Synjað með vísan í umsögn skipulagshöfundar.