Hringbraut Landsp.

Skjalnúmer : 9942
47. fundur 2001
Landspítalalóð, Barnaspítali Hringsins
Lagt fram álit umboðsmanns Alþingis dags. 18.10.01 á málsmeðferð vegna byggingar barnaspítala Hringsins, vegna úrskurðar úrskurðarnefndar skipulags- og byggingarmála í málinu.

3481. fundur 1999
Landspítalalóð, bílastæði
Spurt er hvort leyft verði að gera 182 bílastæði á lóð Landsspítalans neðan núverandi Hringbrautar samkvæmt meðfylgjandi uppdráttum.
Frestað.
Málinu vísað til umsagnar Borgarskipulags.
20. fundur 1999
Landspítalalóð, úrskurður úrskurðarnefndar
Lagður fram úrskurður úrskurðarnefndar skipulags- og byggingarmála, dags. 16. sept. 1999, varðandi kæru nágranna á ákvörðun byggingarnefndar Reykjavíkur frá 27. maí 1999 um að veita leyfi til að byggja sjúkrahús (barnaspítala) á lóð Landspítala við Hringbraut í Reykjavík samkvæmt uppdráttum dags. 20. janúar 1999.

14. fundur 1999
Landspítalalóð, Barnaspítali Hringsins
Lögð fram kæra íbúa í nágrenni við spítalann, til Úrskurðarnefndar um skipulags- og byggingarmál, dags. 4. júní 1999.

11. fundur 1999
Landspítalalóð, barnaspítali Hringsins/breytingar
Lagt fram bréf borgarstjóra f.h. borgarráðs um samþykkt borgarráðs 13.4.99 á bókun skipulags- og umferðarnefndar frá 12. s.m. um breytingar á Landspítalalóð vegna Barnaspítala Hringsins.

9. fundur 1999
Landspítalalóð, barnaspítali Hringsins/breytingar
Að lokinni kynningu er lagt fram að nýju bréf byggingarfulltrúa f.h. byggingarnefndar, dags. 29.01.99, varðandi breytta aðkomu sjúkrabíls og nýjan fyrirlestrarsal o.fl., samkv. uppdr. Teiknistofunnar Traðar, síðast br. 20.01.99 ásamt bréfi sömu teiknistofu, dags. 23.11.98, varðandi breytta sjúkrabílaaðkomu og greinargerð Ríkisspítala sama dag. Einnig lagt fram bréf Ríkisspítala, dags. 26.01.99 og bréf Framkvæmdasýslu ríkisins, dags. 03.02.99, umsögn umferðardeildar, dags. 01.12.98, umsögn Borgarskipulags, dags. 04.02.99 og bréf Úrskurðarnefndar, dags. 05.02.99. Einnig lagðir fram uppdr. Teiknistofunnar Traðar ehf, að deiliskipulagsbreytingu, dags. 20.01.99, og samkomulag ríkis og borgar dags. í des. 1998.
Ennfremur lögð fram bréf Ólafs Ísleifssonar, dags. 24.02.99, 02.03.99, 04.03.99, 08.03.99, 09.03.99, 10.03.99, 10.03.99, 15.03.99, 17.03.99, 22.03.99, 25.03.99 ásamt svörum Borgarskipulags dags.5.3.99, 15.3.99, 15.3.99,19.3.99, 24.3.99, 25.3.99, 31.3.99 og athugasemdir íbúa ásamt greinargerð, dags. 06.04.99, ásamt umsögn Borgarskipulags, dags. 09.04.1999.
Fulltrúar Reykjavíkurlista í skipulags- og umferðarnefnd samþykkja eftirfarandi bókun (fulltrúar Sjálfstæðisflokks sátu hjá).
#Vegna erindis Ólafs Ísleifssonar, er fram kemur í bréfi hans dags. 15. mars s.l., um aukinn frest til að skila inn athugasemdum vegna grenndarkynningar á fyrirhuguðum óverulegum breytingum á deiliskipulagi Landspítalalóðar og veitingu byggingarleyfis vegna barnaspítala Hringsins, samþykkir skipulags- og umferðarnefnd eftirfarandi bókun.
Með vísan til bréfs Borgarskipulags dags. 31. mars s.l. og þess að Ólafur Ísleifsson hefur þegar skilað inn athugasemdum vegna grenndarkynningar þeirrar sem sótt var um aukinn frest til að skila inn athugasemdum vegna, ákveður nefndin að synja framkominni beiðni greinds aðila um aukinn frest. Skipulags- og umferðarnefnd bendir á að hinn 15. mars s.l. eða áður en ósk Ólafs Ísleifssonar o.fl. barst um framlengingu umsagnarfrests, samþykkti nefndin að lengja frestinn um 2 vikur.#

Inga Jóna Þórðardóttir og Júlíus Vífill Ingvarsson óskuðu bókað.
#Eðlilegt hefði verið af skipulags- og umferðarnefnd að verða við óskum íbúa um frekari frest til að koma á framfæri athugasemdum þar sem ekki var um að ræða nema nokkra daga við þann viðbótarfrest sem nefndin hafði þegar samþykkt.#

Fulltrúar Reykjavíkurlistans óskuðu bókað.
#Bréf Ólafs Ísleifssonar barst sama dag og skipulags- og umferðarnefnd hafði ákveðið að lengja athugasemdarfrest um 2 vikur, sem vegna páskahátiðarinnar urðu að þremur vikum. Þar með fékk viðkomandi lengri tíma til að vinna að athugasemdum sínum eins og óskað var eftir.#

Skipulags- og umferðarnefnd samþykkir ennfremur samhljóða svofellda bókun.
#Að lokinni grenndarkynningu skv. 2. mgr. 26. gr. og 7. mgr. 43. gr. laga nr. 73/1997, skipulags- og byggingarlaga, með vísan til umsagnar Borgarskipulags, dags. 9. apríl 1999, um athugasemdir íbúa vegna grenndarkynningarinnar, bókun nefndarinnar frá 29.6.1998, og samkomulags ríkis og borgar, dags. í desember 1998, leggur nefndin til við borgarráð að samþykkt verði óveruleg breyting á deiliskipulagi Landspítalalóðar á byggingarreit merktum X skv. deiliskipulagi lóðarinnar frá 1976, í samræmi við teikningar teiknistofunnar Traðar, dags. 20. janúar 1999. Jafnframt gerir nefndin ekki athugasemdir við að veitt verði byggingarleyfi á grundvelli ofangreindra teikninga. Ljóst er að vinna af hálfu ríkisins við deiliskipulag Landspítalalóðar hefur frestast eins og verkefnið í heild.#
7. fundur 1999
Landspítalalóð, barnaspítali Hringsins/breytingar
Lögð fram tillaga og greinargerð Borgarskipulags, dags. 15.3.1999 um að yfirstandandi grenndarkynning skv. 2. mgr. 26. gr. og 7. mgr. 43. gr. laga nr. 73/1997 að byggingu barnaspítala á Landspítalalóð verði framlengd um tvær vikur frá 18.3. til 1.4.1999.
Samþykkt
3. fundur 1999
Landspítalalóð, barnaspítali Hringsins/breytingar
Lagt fram bréf byggingarfulltrúa f.h. byggingarnefndar, dags. 29.01.99, varðandi breytta aðkomu sjúkrabíls og nýjan fyrirlestrarsal o.fl., samkv. uppdr. Teiknistofunnar Tröð, síðast br. 20.01.99 ásamt bréfi sömu teiknistofu, dags. 23.11.98, varðandi breytta sjúkrabílaaðkomu og greinargerð Ríkisspítala sama dag. Einnig lagt fram bréf Ríkisspítala, dags. 26.01.99 og bréf Framkvæmdasýslu ríkisins, dags. 03.02.99. Ennfremur lögð fram umsögn umferðardeildar, dags. 01.12.98 og umsögn Borgarskipulags, dags. 04.02.99.
Skipulags- og umferðarnefnd samþykkir að kynna málið fyrir hagsmunaaðilum að Mímisvegi 2 og 2a, Fjölnisvegi 16, 18 og 20, Bergstaðastræti 78, 79, 80, 81, 82, 83, 84, og 86 og Laufásvegi 79 og 81, samkv. 2. mgr. 26. gr. sbr. einnig 7. mgr. 43. gr. laga nr 73/1997. Ennfremur er Borgarskipulagi falið að auglýsa tillöguna í dagblöðum.
18. fundur 1998
Landspítalalóð, barnaspítali
Lagt fram bréf borgarstjóra f.h. borgarráðs um samþykkt borgarráðs 01.09.98 á bókun skipulags- og umferðarnefndar frá 29.06.98 um byggingu barnaspítala á Landspítalalóð, með fyrirvara um að samkomulag verði um samningsdrög, dags. 27.08.98, um þróunaráætlun fyrir Landspítalann, færslu Hringbrautar o.fl.

14. fundur 1998
Landspítalalóð, barnaspítali
Að lokinni grenndarkynningu er lögð fram að nýju verðlaunatillaga síðast br. 18.05.98 að nýjum barnaspítala á Landspítalalóð. Einnig lögð fram athugasemdabréf frá Kennarasambandi Íslands dags. 20.04.98, 05.05.98 og 12.05.98, Ólafi Ísleifssyni dags. 28.04.98 og Kristínu Guðmundsdóttur dags 24.04.98 ásamt umsögn Borgarskipulags, dags 08.05.98, br. 26.06.98. Ennfremur lögð fram bréf VSÓ dags 07.05.98 og Framkvæmdasýslu ríkisins dags. 17.05.98.
Skipulags- og umferðarnefnd samþykkir eftirfarandi bókun:
#Í samræmi við samþykkt SKUM 23. mars s.l. eru lagðar fram athugasemdir sem bárust vegna grenndarkynningar og umsögn Borgarskipulags.
Tillagan var kynnt með auglýsingu 4. febr. - 4. mars 1998 og síðan send út grenndarkynning til nágranna í samræmi við samþykkt skipulags- og umferðarnefndar 23. mars með athugasemdafresti til 24. apríl.
Skipulags- og umferðarnefnd samþykkir umsögn Borgarskipulags um athugasemdir. Nefndin samþykkir framlagðar teikningar að viðbyggingu barnaspítalans sem eru í megin atriðum í samræmi við áætlaðan byggingarreit á gildandi deiliskipulagi frá 1976.
Skipulags- og umferðarnefnd vísar til fyrri bókana varðandi þetta mál á fundum nefndarinnar 9. júní 1997, 13. október 1997, 26. janúar 1998 og 23. mars 1998. Vill nefndin undirstrika skilyrði þau sem felast í þessum bókunum varðandi samþykkt málsins:
#Í fyrsta lagi: Færsla Hringbrautar. Í samræmi við tilvitnaðar bókanir í skipulags- og umferðarnefnd og borgarráði undirstrikar nefndin að skilyrði fyrir samþykkt endanlegra teikninga í byggingarnefnd og útgáfu framkvæmdaleyfis eru að fyrir liggi tímasett framkvæmdaáætlun um færslu Hringbrautar og að hún haldist í hendur við opnun barnaspítalans.
Í öðru lagi: Unnið verði deiliskipulag af allri lóð Landspítalans sem liggi fyrir í lok þessa árs. Í deiliskipulaginu verði tekið á öllum helstu skipulagsmálum varðandi lóðina s.s.: Sbr. einnig verkefnalýsingu VSÓ, dags. 07.05.98.
a) Byggingarmál. Framtíðar byggingarmagn á lóð. Nýbyggingar og hús sem hverfa. Hæðir og fyrirkomulag nýbygginga.
b) Umferðarmál og bílastæði. Gerð verði grein fyrir aðkomum að lóð, fjölda og fyrirkomulagi bílastæða gangandi/hjólandi umferð um svæðið og tengslum við aðliggjandi umferðaræðar. Fullnægja þarf þeim kröfum um fjölda bílastæða sem fram verða sett af borgaryfirvöldum í sameiginlegri vinnu að deiliskipulaginu.
c) Græn svæði. Gerð verði grein fyrir útivistarsvæðum á lóðinni, trjágróðri og öðru sem til fegrunar má verða. Einnig að fram komi tengsl útivistarsvæða við stígakerfi innan og utan lóðar.
d) Hljóðvist. Gerð verði grein fyrir hvernig fullnægt verður kröfum varðandi hljóðvist á lóðinni og í vistarverum.
e) Strax verði gerðar ráðstafanir til þess að útbúa bílastæði (178 stæði fyrir starfsfólk) sunnan Hringbrautar sbr. teikn. Péturs Jónssonar, landslagsarkitekt, HR01, dags 26.05.1997.#

7. fundur 1998
Landspítalalóð, barnaspítali
Að lokinni auglýsingu er lögð fram að nýju verðlaunatillaga að nýjum barnaspítala á Landspítalalóð. Einnig lagðir fram minnispunktar Borgarskipulags, dags. í febr. 1998.
Samþykkt að kynna tillöguna skv. 7. mgr. 43. gr. laga nr. 73/1997 fyrir hagsmunaaðilum að Mímisvegi 2a og 2, Fjölnisvegi 20, Bergstaðastræti 81, 83 og 86 og Laufásvegi 79 og 81.
2. fundur 1998
Landspítalalóð, barnaspítali
Kynning á verðlaunatillögu að nýjum barnaspítala á Landspítalalóð.
Höfundur tillögunnar, Sigríður Magnúsdóttir, kom á fundinn og kynnti tillöguna.
Skipulags- og umferðarnefnd felur Borgarskipulagi að auglýsa verðlaunatillöguna til kynningar. Ennfremur ítrekar nefndin bókun sína frá 13.10.´97 varðandi færslu Hringbrautar.
20. fundur 1997
Landspítalalóð, barnaspítali
Lagt fram að nýju bréf Björns H. Skúlasonar f.h. Framkvæmdasýslu ríkisins, dags. 23.07.97, varðandi niðurstöðu Verkfræðistofu Sigurðar Thoroddsen um hljóðstig frá umferð við spítala, dags. 30.06.97. Einnig lagt fram að nýju bréf skrifst.stj. borgarverkfræðings, dags. 19.09.97. Ennfremur lagt fram minnisblað borgarverkfræðings og skipulagsstjóra vegna skipulags á lóðinni, dags. 10.10.97

Skipulags- og umferðarnefnd samþykkti samhljóða svofellda bókun: "Vegna fyrirhugaðrar byggingar barnaspítala á lóð Landspítalans vill SKUM undirstrika nauðsyn þess að flutningur Hringbrautar komi til framkvæmda á næstu árum og að framkvæmdin verði tímasett hið fyrsta ekki síst vegna umferðarhávaða vegna Hringbrautar. Flutningur Hringbrautar þarf að haldast í hendur við opnun barnaspítalans. Bílastæðamál og innri umferð á lóðinni er sprungin og mikið álag er á nærliggjandi íbúðagötum á álagstímum. Það er því grundvallaratriði að flutningi Hringbrautar sé hraðað og um leið að deiliskipulag lóðarinnar verði endurskoðað til að bæta umhverfi sjúkrahússins og íbúðahverfanna í nágrenninu.
Þegar verðlaunatillaga að húsi fyrir barnaspítala hefur verið valin af dómnefnd þarf að fjalla um hana á venjulegan hátt í nefndum borgarinnar og kynna tillöguna síðan fyrir nágrönnum og einnig almennt sem skipulagsbreytingu". Ennfremur samþykkti nefndin með 5 samhljóða atkvæðum umsögn skrifstofustjóra borgarverkfræðings frá 19.9.´97 (Guðrún Jónsdóttir sat hjá).
Guðrún Jónsdóttir óskaði bókað: "Hætta er á því að í samþykkt SKUM á umsögn Ágústar Jónssonar felist samþykkt á ýtrustu undanþágu frá ákvæðum mengunarvarnarreglugerðar sbr. frávik II. Ég óttast einnig að með samþykktinni verði torveldara að ná fram þeim samningum við ríkið um flutning Hringbrautar og öðrum úrbótum sem bókun SKUM frá í dag gefur til kynna. Þegar í húfi er jafn mikilvæg og viðkvæm stofnun og barnaspítali tel ég mér ekki fært að styðja afgreiðslu þessa máls með þeim hætti sem hér hefur orðið ofan á. Að því vil ég ekki standa og sit því hjá."
Guðrún Ágústsdóttir og Margrét Sæmundsdóttir bókuðu: "Í umsögn Ágústar Jónssonar felst eingöngu túlkun á breytingu á mengunarvarnarreglugerð nr. 273/1997 um að hér sé um að ræða nýbyggingu í eldri byggð. Hér er því ekki verið að samþykkja neins konar undanþágu að öðru leyti vísast til bókunar SKUM um nauðsyn flutnings Hringbrautar vegna nýs barnaspítala og einnig vegna þeirra sjúkradeilda sem þegar eru á Landspítalalóðinni."
14. fundur 1997
Landspítalalóð, barnaspítali
Lagt fram bréf borgarstjóra f.h. borgarrráðs um samþykkt borgarráðs 10.06.97 á bókun skipulags- og umferðarnefndar frá 9. s.m. um fyrirhugaða byggingu barnaspítala á lóð Landspítalans.

19. fundur 1997
Landspítalalóð, barnaspítali
Lagt fram bréf Björns H. Skúlasonar f.h. Framkvæmdasýslu ríkisins, dags. 23.07.97, varðandi niðurstöðu Verkfræðistofu Sigurðar Thoroddsen um hljóðstig frá umferð við spítala, dags. 30.06.97. Einnig lagt fram bréf skrifst.stj. borgarverkfræðings, dags. 19.09.97.
Frestað.
12. fundur 1997
Landspítalalóð, barnaspítali
Lagt fram bréf Björns H. Skúlasonar f.h. Framkvæmdasýslu ríkisins, dags. 21.03.97, 16.04.97 og 5.06.97 varðandi byggingu barnaspítala á Landspítalalóð ásamt samkeppnislýsingu,. Einnig lagt fram bréf Verkfræðistofu Sig. Thoroddsen hf, dags. 14.04.97 og minnisblöð frá Aðalsteini Pálssyni, Tæknideild Ríkisspítala, dags. 15.04.97 og 04.06.97. Einnig lagt fram bréf borgarverkfræðings, dags. 9.6.97.
Eftirfarandi bókun samþykkt:
"Skipulags- og umferðarnefnd fellst fyrir sitt leyti á erindi um tveggja þrepa samkeppni vegna byggingar barnaspítala við Kvennadeild spítalans. Varðandi umferð og aðkomu vísast til bréfs borgarverkfræðings "Minnisblað um aðkomu að lóð Landspítala vegna barnaspítala", dags. 09.06.´97. SKUM bendir á nauðsyn þess að gengið verði frá áætlun um flutning Hringbrautar vegna þessara áforma og frekari uppbyggingar á lóð Landspítalans. Áfram er vakin athygli á ákvæðum um hljóðvist."
7. fundur 1997
Landspítalalóð, barnaspítali
Lagt fram bréf Björns H. Skúlasonar f.h. Framkvæmdasýslu ríkisins, dags. 21.03.97, varðandi byggingu barnaspítala á Landspítalalóð.

Frestað. Kynnt drög að bókun, dags. 7.4.97.
"Skipulags- og umferðarnefnd er jákvæð gagnvart hugmynd um samkeppni vegna hönnunar barnaspítala í tengslum við núverandi fæðingardeild.
Óskað er eftir að haft verði samráð við Borgarskipulag/Borgarverkfræðing varðandi forsögn og að heilbrigðisráðuneytinu verði gerð grein fyrir að líta verði svo á að samkomulag um tímasetningu á flutningi Hringbrautar sé forsenda frekari uppbyggingar á Landspítalalóðinni. Einnig verði hugað að umferðarhávaða frá Hringbraut í samræmi við nýjar reglur varðandi hljóðstig frá umferð".