Baldursgötureitur 1, Ingólfstorg, Lindargata 28-32, Borgartúnsreitir- Norður, Arnarbakki 1-3, Breiðholtsskóli, Nauthólsvík, Hádegismóar, Suður Mjódd, Úlfarsárdalur, Afgreiðslufundur byggingarfulltrúa, Hafnarstræti 20, Höfðatorg, Friðun húsa, Lóðaúthlutanir, Reynisvatnsheiði, Orkuveita Reykjavíkur, Einholt/Þverholt, Hofsland I, Njálsgötureitur 3, reitur 1.190.3, Holtavegur 10, Klettagarðar 27, Sogavegur, Afgreiðslufundir Skipulagsstjóra Reykjavíkur,

Skipulagsráð

124. fundur 2008
Ár 2008, miðvikudaginn 13. febrúar kl. 09:15, var haldinn 124. fundur skipulagsráðs Reykjavíkur. Fundurinn var haldinn að Borgartúni 3, 4. hæð. Viðstaddir voru: Hanna Birna Kristjánsdóttir, Svandís Svavarsdóttir, Stefán Benediktsson, Björk Vilhelmsdóttir, Óskar Bergsson, Birgir Hlynur Sigurðsson, Ólöf Örvarsdóttir, Magnús Sædal Svavarsson, Ágúst Jónsson, Jóhannes Kjarval, Björn Axelsson, Helga Björk Laxdal, Marta Grettisdóttir og Jón Árni Halldórsson Auk þess gerðu eftirtaldir embættismenn grein fyrir einstökum málum: . Fundarritari var Helga Björk Laxdal.
Þetta gerðist:

Umsókn nr. 70031 (01.18.63)
660298-2319 Teiknistofan Tröð ehf
Hávallagötu 21 101 Reykjavík
1. Baldursgötureitur 1, deiliskipulag, reitur 1.186.3
Að lokinni hagsmunaaðilakynningu er lögð fram tillaga teiknistofunnar Traðar dags. 29. nóvember 2007, að deiliskipulagi Baldursgötureits ásamt skuggavarpi, forsögn og samantekt skipulagsfulltrúa, dags. 8. mars 2007 og húsakönnun Minjasafns Reykjavíkur nr. 138, dags. 2008. Reiturinn afmarkast af Freyjugötu, Baldursgötu, Þórsgötu og Njarðargötu. Hagsmunaaðilakynning stóð yfir frá 28. des. 2007 til 11. janúar 2008 og var framlengd til 28. janúar 2008. Athugasemdir bárust frá eftirtöldum aðilum: Björg Finnsdóttir Þórsgötu 20, dags. 7. jan., Áshildur Haraldsdóttir, dags. 7. jan., Helga Þorsteinsdóttir Freyjugata 17b, dags. 3. jan., Guðríður Jóhannesdóttir Þórsgötu 16, dags. 7. jan., Lára V. Júlíusdóttir Freyjugötu 17a, dags. 5. jan., Katla Sigurgeirsdóttir Þórsgötu 22a, dags. 9. jan., 10 íbúar að Þórsgötu 19, dags. 6. janúar 2008, Steinunn Jóhannesdóttir og Einar K. Haraldsson Þórsgötu 18, dags. 11. janúar, Kári Sölmundarson og Auður Þórsdóttir Þórsgötu 18a, dags. 10. janúar, Anna Pálsdóttir Lokastíg 24, dags. 11. janúar, Bergljót Haraldsdóttir og Sigtryggur Magnússon Lokastíg 5, dags. 11. janúar, Kristín B. Óladóttir Þórsgötu 16a, dags. 11. janúar, ályktun frá fundi 10 íbúa á reitnum, mótt. 11. janúar, Borgarlögmenn f.h. eiganda Freyjugötu 17a, dags. 12. janúar 2008.

Gísli Marteinn Baldursson mætti á fundinn kl. 9:40.
Athugasemdir kynntar.
Vísað til meðferðar skipulagsstjóra.
Umsókn nr. 70721 (01.14.0)
2. Ingólfstorg, breyting á deiliskipulagi
Lögð fram tillaga Björns Ólafs ark., dags. 26. október 2007, að breytingu á deiliskipulagi suðurhluta Ingólfstorgs, Vallarstrætis og lóðunum Thorvaldsensstræti 2, Vallarstræti 4 og Aðalstræti 7. Lögð fram umsögn Framkvæmdasviðs, dags. 21. janúar 2008.
Tillagan kynnt.
Frestað.

Skipulagsráð bókaði:
Skipulagsráð lýsir ánægju með fyrirliggjandi tillögu þar sem vel hefur tekist til, sérstaklega varðandi samspil uppbyggingar og verndun þess sem fyrir er. Tillagan er vel unnin í góðu samstarfi margra aðila og sýnir t.d. að öll eldri húsin á reitnum, eins og gamla sjálfstæðishúsið, Hótel Vík og Aðalstræti 7 fá að standa en þau áttu að fara samkvæmt fyrra skipulagi. Skipulagsráð er sammála um nauðsyn þess að nýta tillöguna til endurbóta á umræddu svæði, sérstaklega Vallastræti, en ítrekar þá afstöðu sína að umsækjendur skoði leiðir til að tryggja að sögufrægur salur, sem nú tilheyrir Nasa, fái að standa í sem upprunalegastri mynd.

Umsókn nr. 70569 (01.15.24)
441105-1340 Lindarbyggð ehf
Krókhálsi 5A 110 Reykjavík
581298-3589 Kristinn Ragnarsson,arkit ehf
Suðurlandsbraut 4A 108 Reykjavík
3. Lindargata 28-32, breyting á deiliskipulagi
Lögð fram umsókn KRark ehf f.h. Lindarbyggðar ehf., dags. 17. september 2007 varðandi breytt deiliskipulag lóðanna nr. 28-32 við Lindargötu skv. uppdrætti, dags. 27. september 2007. Í breytingunni felst að byggingarreitur er stækkaður inn á lóð og byggingarmagn aukið.
Samþykkt að auglýsa framlagða tillögu.
Vísað til borgarráðs.
Jafnframt samþykkti ráðið að leita umsagnar leikskólaráðs á auglýsingatímanum.
Umsókn nr. 70594
4. ">Borgartúnsreitir- Norður, forsögn og tillaga
Að lokinni forkynningu er lögð fram forsögn að deiliskipulagi Borgartúnsreita - Norður. Reitir 1.217.7, 1.218.0, 1.219.0 og 1.219.1 sem afmarkast af Sæbraut, Kringlumýrarbraut, Borgartúni og Höfðatúni. Forkynning stóð yfir frá 12. til 19. október 2007. Lögð fram ábending frá Samtökum Iðnaðarins, dags. 19. október 2007. Einnig lögð fram greinargerð og tillaga Hornsteina, mótt. 11. febrúar 2008.
Ögmundur Skarphéðinsson arkitekt og Ragnhildur Skarphéðinsdóttir arkitekt, kynntu tillögurnar.
Samþykkt að stofna vinnuhóp vegna verkefnisins þar sem fulltrúar frá umhverfis- og samgöngusviði og eignasjóði skulu eiga sæti ásamt fulltrúum skipulags- og byggingarsviðs.
Vísað til frekari meðferðar skipulagsstjóra.


Umsókn nr. 80094 (04.63.22)
570480-0149 Framkvæmdasvið Reykjavíkurborga
Skúlatúni 2 105 Reykjavík
5. Arnarbakki 1-3, Breiðholtsskóli, breytt deiliskipulag
Lagt fram erindi Framkvæmdsviðs dags. 8. febrúar 2008 ásamt uppdráttum varðandi breytt deiliskipulag á lóðinni nr. 1-3 við Arnarbakka. Í breytingunni felst aukið byggingarmagn við Breiðholtsskóla.
Samþykkt að auglýsa framlagða tillögu.
Vísað til borgarráðs.

Umsókn nr. 80091 (01.68)
6. Nauthólsvík, breytt deiliskipulag
Lögð fram tillaga Landmótunar að breyttu deiliskipulagi Nauthólsvíkur samkv. uppdrætti dags. 7. febrúar 2008. Í breytingunni felst aðallega aðlögun að deiliskipulagi Háskólans í Reykjavík.
Frestað.
Vísað til umfjöllunar hjá umhverfis- og samgöngusviði.

Umsókn nr. 70695 (04.1)
481173-0359 Íþróttafélagið Fylkir,aðalstj
Fylkisvegi 6 110 Reykjavík
7. Hádegismóar, íþróttasvæði Fylkis
Á fundi skipulagsstjóra 16. nóvember 2007 voru lögð fram bréf íþróttafélagsins Fylkis, dags. 31. október og 15. nóvember 2007, varðandi fyrirhugað athafnasvæði Fylkis við Hádegismóa ásamt uppdrætti Erum, dags. 14. nóvember 2007. Erindið er nú lagt fram að nýju ásamt bréfi íþrótta og tómstundaráðs, dags. 23. nóv. 2007.
Kynnt.
Vísað til umsagnar Íþrótta- og tómstundaráðs Reykjavíkur.
Umsókn nr. 70148 (04.91)
410604-3370 Erum Arkitektar ehf
Grensásvegi 3-5 108 Reykjavík
8. Suður Mjódd, breyting á deiliskipulagi
Lögð fram tillaga Erum arkitekta, dags. 6. febrúar 2008, að deiliskipulagi Suður Mjóddar.

Samþykkt að auglýsa framlagða tillögu.
Vísað til borgarráðs.

Umsókn nr. 30406 (02.6)
560994-2069 Fasteignafélagið Landmótun ehf
Hamraborg 12 5h 200 Kópavogur
9. Úlfarsárdalur, deiliskipulag útivistarsvæðis
Lögð fram tillaga Landmótunar ehf., dags. 2. október 2007 br. 1. febrúar 2008 að deiliskipulagi útivistarsvæði Úlfarsárdals, ásamt greinargerð, dags. 6. júlí 2007. Einnig lögð fram forsögn skipulagsfulltrúa dags. 16. júní 2004. Einnig er lögð fram orðsending borgarstjóra, dags. 6. nóvember 2007.


Kynnt.
Vísað til umsagnar Íþrótta- og tómstundaráðs Reykjavíkur.
Umsókn nr. 37735
10. Afgreiðslufundur byggingarfulltrúa, fundargerð
Fylgiskjal með fundargerð þessari er fundargerð nr. 479 frá 12. febrúar 2008.

Umsókn nr. 37745 (00.00.000.0)
631204-3330 Landsbankinn eignarhaldsfél ehf
Austurstræti 11 101 Reykjavík
11. Hafnarstræti 20, (fsp) breytt notkun 4. hæðar
Landsbankinn spyr hvort leyft verði að breyta notkun 4. hæðar hússins nr. 20 við Hafnarstræti í gestastofu á vegum eignarhaldsfélgsins Porkis ehf. og jafnframt hvort leyft verði að gera bráðabirgðastigahús út á Lækjartorg sem standa skal til ársloka 2010,
Málinu fylgir bréf fyrirspyrjanda dags. 8. febrúar 2008.
Skipulagsráð tekur jákvætt í erindið og vísar því til fullnaðarafgreiðslu byggingarfulltrúa.
Þeim þætti málsins sem varðar tímabundin afnot af borgarlandi er vísað til ákvörðunar Eignarsjóðs Reykjavíkurborgar. Ekki er tekin afstaða til staðsetningar á sýningarkössum þar
nægar upplýsingar liggja ekki fyrir. Er þeim hluta málsins vísað til afgreiðslu byggingarfulltrúa og
Eignarsjóðs Reykjavíkur.


Umsókn nr. 80093 (01.22.01)
681205-3220 Höfðatorg ehf
Lynghálsi 4 110 Reykjavík
680504-2880 PK-Arkitektar ehf
Höfðatúni 12 105 Reykjavík
12. Höfðatorg, (fsp) kvikmyndahús
Lögð fram fyrirspurn PK arkitekta f.h. Höfðatorgs ehf., dags. 7. febrúar, um breytingu á skilmálum deiliskipulags Höfðatorgs til að leyfa þar rekstur kvikmyndahúss.
Tillagan kynnt.
Frestað.
Umsókn nr. 70161
13. Friðun húsa, fasteignagjöld, niðurfelling
Lagt fram bréf borgarstjóra, dags. 4. febrúar 2008, vegna samþykktar borgarráðs frá 31. janúar 2008, varðandi niðurfellingu fasteignagjalda af friðuðum húsum til ársloka 2008. Jafnframt felur borgarráð skipulagsráði að ljúka tillögu um framtíðarfyrirkomulag fasteignagjalda vegna friðaðra húsa að höfðu samráði við Árbæjarsafn og menningar- og ferðamálaráð.
Vísað til meðferðar skipulagsstjóra.
Umsókn nr. 80099
14. Lóðaúthlutanir, fyrirheit til stúdenta og eldri borgara
Lagt fram bréf borgarstjóra, dags. 1. febrúar 2008, vegna samþykktar borgarráðs 31. f.m. á að vísa tillögu um fyrirheit lóðaúthlutana til Stúdentaráðs Háskóla Íslands, Félagsstofnunar stúdenta, Félags eldri borgara og Samtaka aldraðra til skipulagsráðs og stjórnar eignasjóðs.

Jórunn Frímannsdóttir vék af fundi kl. 11:28.
Vísað til meðferðar skipulagsstjóra.
Ráðið leggur áherslu á að vinnslu málins verði hraðað eins og kostur er.


Umsókn nr. 80092 (05.1)
551298-3029 Orkuveita Reykjavíkur
Bæjarhálsi 1 110 Reykjavík
15. Reynisvatnsheiði, Orkuveita Reykjavíkur, framkvæmdaleyfi
Lögð fram umsókn Orkuveitu Reykjavíkur, dags. 31. janúar 2008, um framkvæmdaleyfi fyrir vegum, breikkun vegar og færslu, nýju vegstæði og hækkun á plani auk framkvæmdaleyfis fyrir lögnum frá stýrishúsi að tönkum og dæluhúsi á Reynisvatnsheiði. Framkvæmdir tengjast beint lögn Hellisheiðaræðar frá Hellisheiðarvirkjun að Reynisvatnsheiði.
Samþykkt með vísan til d-liðar 12. gr. samþykktar um skipulagsráð.


Umsókn nr. 80090 (01.24.43)
621299-4179 Úrskurðarnefnd skipul/byggmál
Skúlagötu 21 101 Reykjavík
16. ">Einholt/Þverholt, kæra, úrskurður
Lagður fram úrskurður úrskurðarnefndar skipulags- og byggingarmála frá 5. febrúar 2008 vegna kæru á ákvörðun byggingarfulltrúans í Reykjavík frá 8. janúar 2008 um að veita takmarkað byggingarleyfi á lóðunum nr. 15-19 við Þverholt og nr. 6-8 við Einholt. Úrskurðarorð: Ákvörðun byggingarfulltrúans í Reykjavík frá 8. janúar 2008 um að veita takmarkað byggingarleyfi á lóðunum nr. 15-19 við Þverholt og nr. 6-8 við Einholt í Reykjavík er felld úr gildi.

Umsókn nr. 80017
621299-4179 Úrskurðarnefnd skipul/byggmál
Skúlagötu 21 101 Reykjavík
17. Hofsland I, kæra, umsögn
Lögð fram umsögn lögfræði og stjórnsýslu, dags. 7. febrúar 2008, vegna kæru á synjun skipulagsráðs þ. 1. ágúst 2007 á byggingarleyfisumsókn vegna spildu úr Hofslandi, Hof I, á Kjalarnesi.
Umsögn lögfræði- og stjórnsýslu samþykkt.
Umsókn nr. 80013 (01.19.03)
621299-4179 Úrskurðarnefnd skipul/byggmál
Skúlagötu 21 101 Reykjavík
18. Njálsgötureitur 3, reitur 1.190.3, kæra, umsögn
Lögð fram umsögn lögfræði og stjórnsýslu, dags. 8. febrúar 2008, vegna kæru á samþykkt skipulagsráðs frá 13. júní 2007 á deiliskipulagi fyrir reit 1.190.3, Njálsgötureit 3.
Umsögn lögfræði- og stjórnsýslu samþykkt.
Umsókn nr. 70472 (01.40.81)
450599-3529 Landic Property hf
Kringlunni 4-12 103 Reykjavík
440703-2590 THG Arkitektar ehf
Faxafeni 9 108 Reykjavík
19. Holtavegur 10, auglýsingaskilti, breyting á deiliskipulagi
Lagt fram bréf borgarstjóra, dags. 1. febrúar 2008, vegna samþykktar borgarráðs 31. f.m. á afgreiðslu skipulagsráðs 16. s.m., varðandi breytingu á deiliskipulagi Holtavegar vegna uppsetningar auglýsingaskilta að Holtavegi 10.

Umsókn nr. 70797 (01.32.42)
530269-7529 Faxaflóahafnir sf
Tryggvagötu 17 101 Reykjavík
20. Klettagarðar 27, breyting á deiliskipulagi
Lagt fram bréf borgarstjóra, dags. 1. febrúar 2008, vegna samþykktar borgarráðs 31. f.m. á afgreiðslu skipulagsráðs 16. s.m., varðandi auglýsingu á breytingu á deiliskipulagi lóðar nr. 27 við Klettagarða.

Umsókn nr. 70688
21. Sogavegur, textabreyting á skilmálum
Lagt fram bréf borgarstjóra, dags. 1. febrúar 2008, vegna samþykktar borgarráðs 31. f.m. á afgreiðslu skipulagsráðs 16. s.m., varðandi auglýsingu á tillögu að textabreytingu á skilmálum deiliskipulags Sogavegar.

Umsókn nr. 10070
22. Afgreiðslufundir Skipulagsstjóra Reykjavíkur, fundargerðir
Lagðar fram fundargerðir afgreiðslufunda skipulagsstjóra Reykjavíkur frá 18. janúar til og með 8. febrúar 2008.