Bakkastaðir 1, Gullengi/Borgavegur, Laugarnes, Stangarholt, Aðalskipulag Reykjavíkur, Alþingisreitur, Austurstræti 8 - 10, Skeiðarvogur, Deiliskipulag, Bogahlíð 12-18, Landspítalalóð, Frostaskjól 2, Nóatún/Hátún, hringtorg, Kirkjutún, Spöng, lóð B, Ártúnshöfði, vesturhluti, Gullinbrú, Hverfisgata, Langholtsvegur 47, Laufásvegur, Norður-Mjódd/Stekkjarbakki, Aðalskipulag Reykjavíkur, Aðalskipulag Reykjavíkur,

Skipulags- og umferðarnefnd

2. fundur 1998
Ár 1998, mánudaginn 26. janúar kl. 10:00, var haldinn 2. fundur skipulags- og umferðarnefndar í Borgartúni 3, 4. hæð. Þessir sátu fundinn: Guðrún Ágústsdóttir, Margrét Sæmundsdóttir, Guðrún Jónsdóttir, Óskar Dýrmundur Ólafsson, Jóna Gróa Sigurðardóttir, Halldór Guðmundsson og Guðrún Zoëga. Fundarritari var Ágúst Jónsson.
Þetta gerðist:

Bakkastaðir 1, nýbygging, breyting á byggingarreit
Lagt fram bréf borgarstjóra f.h. borgarráðs um samþykkt borgarráðs 13.01.98 á bókun skipulags- og umferðarnefndar frá 12.01.98 um nýbyggingu og breytingu á byggingarreit að Bakkastöðum 1.


Gullengi/Borgavegur, lóðarafmörkun og aðkoma
Lagt fram bréf borgarstjóra f.h. borgarráðs um samþykkt borgarráðs 13.01.98 á bókun skipulags- og umferðarnefndar frá 12.01.98 um lóðarafmörkun og aðkomu að Gullengi-Borgavegi..


Laugarnes, deiliskipulag
Lagt fram bréf borgarstjóra f.h. borgarráðs um samþykkt borgarráðs 13.01.98 á tilnefningu Halldórs Guðmundssonar og Guðrúnar Ágústsdóttur í vinnuhóp varðandi deiliskipulag í Laugarnesi, sem samþykkt var á fundi skipulags- og umferðarnefndar 12.01.98. Einnig var tilkynnt að Árni Þór Sigurðsson hafi verið skipaður fulltrúi hafnarstjórnar í nefndina.

Stangarholt, umferð
Lagt fram bréf borgarstjóra f.h. borgarráðs um samþykkt borgarráðs 13.01.98 á bókun skipulags- og umferðarnefndar frá 12.01.98 um gerð miðeyjar á Lönguhlíð við Stangarholt þannig að lokað verði fyrir vinstri beygjur á gatnamótunum.


Aðalskipulag Reykjavíkur, þemahefti
Lagt fram þemahefti Aðalskipulags Reykjavíkur 1996-2016 um húsvernd.
Frestað. Vísað til umhverfismálaráðs.
Alþingisreitur, deiliskipulag
Lögð fram tillaga teiknistofunnar Batterísins að breyttu deiliskipulagi á Alþingisreit stgr. 1.141. dags. 22.1.98 ásamt greinargerð, skýringarmyndum og eldri gögnum.
Frestað.
Guðrún Jónsdóttir óskaði bókað:
"Ég óska eftir frestun:
Frestunin verði nýtt til þess að semja greinargerð þar sem sagt verði frá þeirri forsögn sem nú liggur fyrir. Þá komi einnig fram í þeirri greinargerð þær vangaveltur sem nefndarmenn hafa sett fram um ýmsa þætti. Eitt af því sem vantar í markmiðssetningu er hlutverk útivistarsvæðisins eða garðsins á milli húsanna. Núverandi Alþingishús og garður myndar órofaheild. Það þurfa nýbyggingar og ný garðsvæði einnig að gera. Greinargerðir Alþingis og fyrri tillögur um þetta mál þurfa að liggja frammi á meðan á kynningu stendur. Þá endurflyt ég bókun mína frá síðasta fundi."
Austurstræti 8 - 10,
Lögð fram að nýju gögn Teiknist. Skólavörðustíg 28 sf, vegna athugunar á endurbyggingu Ísafoldarhúss á upprunalegum stað, dags. nóv. 1997 ásamt greinargerð mótt. 04.12.97 og bréfi umhverfismálaráðs, dags. 14.11.97 og 15.01.98.
Frestað.
Skeiðarvogur, þrenging götu
Lögð fram að nýju tillaga Borgarskipulags, dags. 21.11.97 ásamt útfærslu gatnadeildar borgarverkfræðings, dags. 23.01.98, að fækkun akreina og bættum göngutengslum og bréfi gatnamálastjóra, dags. 23.1.98.
Samþykkt með 5 samhljóða atkvæðum að kynna tillögu að útfærslu, merkta nr. 3, fyrir foreldrafélögum og íbúum í hverfinu. (Jóna Gróa Sigurðardóttir og Halldór Guðmundsson sátu hjá)
Deiliskipulag, forsögn
Lagðar fram hugmyndir Borgarskipulags að aðferðafræði við gerð og kynningu deiliskipulags.
Skipulagsstjóri kynnti.
Bogahlíð 12-18, göngustígur
Lagt fram bréf Húsfélagsins Bogahlíð 12-18, dags. 26.09.97, varðandi göngustíg norðan hússins milli Bogahlíðar og Stakkahlíðar. Einnig lögð fram tillaga Borgarskipulags dags. 20.10.97 að lóðarafmörkun fyrir stíginn.
Borgarskipulagi falið að vinna tillöguna áfram í samvinnu við lóðarhafa.
Landspítalalóð, barnaspítali
Kynning á verðlaunatillögu að nýjum barnaspítala á Landspítalalóð.
Höfundur tillögunnar, Sigríður Magnúsdóttir, kom á fundinn og kynnti tillöguna.
Skipulags- og umferðarnefnd felur Borgarskipulagi að auglýsa verðlaunatillöguna til kynningar. Ennfremur ítrekar nefndin bókun sína frá 13.10.´97 varðandi færslu Hringbrautar.
Frostaskjól 2, nýbygging
Lagt fram bréf byggingarfulltrúa f.h. byggingarnefndar, dags. 13.01.98 ásamt teikningum Teiknistofunnar hf. Ármúla 6 að íþróttahúsi KR dags. 17.11.97. Einnig lagðir fram minnispunktar Borgarskipulags dags. 23.1.98.
Samþykkt með 6 atkv. að fela skipulagsstjóra að kynna tillöguna sbr. 7. mgr. 43. gr. skipulags- og byggingarlaga fyrir lóðarhöfum að Kaplaskjólsvegi 61, 67, 69, 71, 73, 75, 77, Frostaskjóli nr. 1-25 (oddatölur) og Granaskjól 1 og 4. (Guðrún Jónsdóttir sat hjá).
Nóatún/Hátún, hringtorg,
Lögð fram greinargerð umferðardeildar borgarverkfræðings dags 21.01.98 um hringtorg á mótum Nóatúns og Hátúns.
Umferðardeild borgarverkfræðings falið að gera tillögu að áhrifaríkari útfærslu hringtorgsins.
Kirkjutún, breytt skipulag
Að aflokinni kynningu er lögð fram að nýju tillaga Ingimundar Sveinssonar dags. 25. október 1997, br. 20.1.1998 að breyttu skipulagi á "Kirkjutúni". Einnig lagðar fram athugasemdir Guðmundar Jónassonar hf, dags. 19.12.97 og Aðalsteins Guðjohnsen, dags. 19.12.´97 ásamt svari og umsögn Borgarskipulags dags. 8.1. og 26.1.1998.
Skipulags- og umferðarnefnd samþykkir samhljóða tillögu Ingimundar Sveinssonar að breyttu deiliskipulagi á þeim reit sem markast af Sóltúni, Mánatúni og Borgartúni. Ennfremur samþykkt umsögn Borgarskipulags, dags. 26.1.´98.
Spöng, lóð B, breyting á byggingarreit
Lagt fram bréf Hrafnkels Thorlacius ark., dags. 20.01.98, varðandi breytingu á byggingarreit lóðar B í deiliskipulagi Spangar, samkv. uppdrætti sama, dags. 01.08.96, síðast br. 16.01.98.
Samþykkt.
Ártúnshöfði, vesturhluti, lóðir Reykjavíkurborgar
Skipulags- og umferðarnefnd samþykkir samhljóða svofellda bókun:
"Vegna endurskoðunar skipulags á Ártúnshöfða óskar skipulags- og umferðarnefnd eftir því að Borgarskipulag í samvinnu við embætti borgarverkfræðings láti gera úttekt á lóðum borgarinnar á Ártúnshöfða. Í framhaldi úttektar verði unnin þarfagreining og forsögn að deiliskipulagi. Gert er ráð fyrir að kynna þessa vinnu í lok mars."
Gullinbrú, breikkun
Lagt fram bréf borgarstjóra f.h. borgarráðs, dags. 14.01.98, varðandi breikkun Gullinbrúar frá Stórhöfða að Hallsvegi.
Samþykkt að vísa tillögunni til hverfisnefndar Grafarvogs til kynningar í nefndinni og fyrir hagsmunaaðilum. Fulltrúar Sjálfstæðisflokks óskuðu bókað: "Við lýsum ánægju með að R-listinn skuli nú loksins hafa fallist á tillögu sem Sjálfstæðismenn fluttu í skipulags- og umferðarnefnd 21.4.´97 varðandi breikkun Gullinbrúar. Að öðru leyti vísum við til bókunar Sjálfstæðismanna í borgarráði." Fulltrúar Reykjavíkurlistans vísa til bókunar fulltrúa Reykjavíkurlistans í borgarráði varðandi Gullinbrú.
Hverfisgata, tvístefna
Lagt fram bréf borgarstjóra f.h. borgarráðs, dags. 14.01.98 varðandi bréf Miðborgarsamtakanna dags. 06.01.98 um tvístefnu á Hverfisgötu.
Vísað til umsagnar SVR, gatnamálastjóra, umferðardeildar og Borgarskipulags.
Langholtsvegur 47, bílastæðalóð
Lagt fram bréf byggingarfulltrúa f.h. byggingarnefndar dags. 16.06.97 varðandi fyrirspurn Landsbanka Íslands um hvort leyft verði að rífa húseignina Langholtsveg 47 og nýta lóðina sem bílastæði fyrir útibúið á Langholtsvegi 43, samkv. uppdr. Hauks Harðarsonar ark., dags. 17.10.97, mótt. 5.1.98. Einnig lagt fram bréf Árbæjarsafns, dags. 03.09.97 ásamt umsögn Borgarskipulags, dags. 23.01.98. og bréfi umferðardeildar dags. 22.1.98.
Skipulags- og umferðarnefnd samþykkir umsögn Borgarskipulags með 3 samhljóða atkvæðum. (Jóna Gróa Sigurðardóttir og Guðrún Zoëga sátu hjá).
Laufásvegur, biðskylda
Lagt fram bréf ásamt tillögu yfirverkfræðings umferðardeildar dags. 21.01.98 varðandi biðskyldu á Laufásvegi við Barónsstíg.
Samþykkt.
Norður-Mjódd/Stekkjarbakki, deiliskipulag
Lögð fram tillaga Borgarskipulags að lóðarafmörkun, byggingarreit og skilmálum dags. 23.1.98 á stgr. 4.602 sem markast af Reykjanesbraut, Stekkjarbakka og Álfabakka. Einnig lögð fram bréf borgarstjóra f.h. borgarráðs dags. 27.08.97 og 24.12.97 ásamt bréfum Gísla H. Sigurðssonar f.h. Gróðurvara ehf, dags. 20.08.97 og 23.11.95 varðandi lóðarumsókn á svæðinu fyrir gróðrarstöð og bréf Þórarins Ragnarssonar dags. 15.12.97 varðandi stækkun lóðar við verslunina Staldrið.
Skipulags- og umferðarnefnd vísar málinu til borgarráðs og leggur til að deiliskipulagstillagan verði auglýst samkvæmt 25. gr. , sbr. 1. og 2. mgr. 18. gr. laga nr. 73/1997.
Aðalskipulag Reykjavíkur, umferð og umhverfi, umhverfi og útivist
Lögð fram tvö þemahefti Aðalskipulags Reykjavíkur 1996-2016: þemahefti um umferð og umhverfi og þemahefti um umhverfi og útivist.
Frestað. Þemahefti um umhverfi og útivist vísað til umhverfismálaráðs.
Óskar D. Ólafsson lagði fram svohljóðandi tillögu: "Stefnt verði að því að í nánustu framtíð verði fellt inn í samræmt heildarskipulag útivistarsvæða Reykjavíkurborgar skipulag útivistar á Esjunni og í Bláfjöllum. Í þeirri vinnu verði sýnt fram á hvernig tengja megi þessi svæði við Græna vefinn, m.a. með tengingu við stofnstígakerfi Reykjavíkur".
Aðalskipulag Reykjavíkur, endurskoðun
Lagður fram endurskoðaður kafli um miðborgina í Aðalskipulag Reykjavíkur 1996-2016.