Hverfisskipulag, Kanínur, Afgreiðslufundir skipulagsfulltrúa Reykjavíkur, Reykjavíkurflugvöllur, Starhagi, Hverfisgata 78, Afgreiðslufundur byggingarfulltrúa, Smiðjustígur 4, Hópferðabílar, Hópferðabílar, Rauðalækur, Umhverfis- og skipulagssvið, Hafnarfjörður, aðalskipulag, Umhverfis- og skipulagssvið, Suðurhlíðar 9, Klettaskóli, Hjálmholt 6, Vesturvallareitur 1.134.5, Reitur 1.171.3, Laugavegs- og Skólavörðustígsreitir, Skyggnisbraut 26-30, Mjölnisholt 12-14,

48. fundur 2013
Ár 2013, miðvikudaginn 18. desember kl. 09:10, var haldinn 48. fundur umhverfis- og skipulagsráðs Reykjavíkur. Fundurinn var haldinn að Borgartúni 12 - 14, 7. hæð. Ráðssal. Viðstaddir voru: Páll Hjalti Hjaltason, Hjálmar Sveinsson, Elsa Hrafnhildur Yeoman, Karl Sigurðsson, Kristín Soffía Jónsdóttir, Sóley Tómasdóttir, Júlíus Vífill Ingvarsson, Óttarr Örn Guðlaugsson og Marta Guðjónsdóttir. Auk þess gerðu eftirtaldir embættismenn grein fyrir einstökum málum: Ólöf Örvarsdóttir, Örn Sigurðsson, Björn Axelsson Harri Ormarsson Erna Hrönn Geirsdóttir og Marta Grettisdóttir Fundarritari var Örn Sigurðsson
Þetta gerðist:

Umsókn nr. 130324
1. Hverfisskipulag, Borgarhlutar 01 - Vesturbær, 03 Hlíðar og 07 Árbær
Kynnt skilagögn ráðgjafateymis hverfisskipulags borgarhluta 03 Hlíðar, 07 Árbær og 01 Vesturbær fyrir 1. áfanga, verkhluta A sem felur í sér að skipta borgarhlutanum í hverfi og hverfiseiningar, meta núverandi ástand í hverfinu samkvæmt Gátlista um mat á visthæfi byggðar og greina núgildandi deiliskipulagsáætlanir og skilmála.

Margrét Þormar, Hildur Gunnlaugsdóttir, Pálmi Freyr Randversson, Björg Helgadóttir, Guðlaug Erna Jónsdóttir, Gunnar Sigurðarson og Hildur Gunnarsdóttir verkefnisstjórar taka sæti á fundinum undir þessum lið.

Anna María Bogadóttir, Basalt arkitekta og Margrét Harðardóttir, Studio Granda ráðgjafateymi borgarhluta 01 Vesturbær kynna
Helga Bragadóttir, Kanon arkitektar og Sigríður Magnúsdóttir, Teiknistofan Tröð ráðgjafateymi borgarhluta 03 Hlíðar kynna
Gylfi Guðjónsson, Teiknistofa arkitekta Gylfi Guðjónsson og félagar ehf.Pétur Jónsson, Landark ehf.Guðbjörg Lilja Erlendsdóttir, Efla hf. ráðgjafateymi borgarhluta 07 Árbær kynna.



Umsókn nr. 130328
2. Kanínur, niðurstaða fundar SSH
Kynntar niðurstöður fundar á vettvangi SSH 27 nóvember síðastliðinn varðandi kanínur á höfuðborgarsvæðinu.
Snorri Sigurðsson verkefnisstjóri kynnti.

Hjálmar Sveinsson víkur af fundi kl 12:09 og Reynir Sigurbjörnsson tekur sæti á fundinum á sama tíma.
Umsókn nr. 10070
3. Afgreiðslufundir skipulagsfulltrúa Reykjavíkur, fundargerð
Lögð fram fundargerð afgreiðslufundar skipulagsfulltrúa Reykjavíkur dags. 13. desember 2013.


Umsókn nr. 130234 (01.6)
4. Reykjavíkurflugvöllur, nýtt deiliskipulag
Lögð fram tillaga umhverfis- og skipulagssviðs að nýju deiliskipulagi Reykjavíkurflugvallar frá 1999, samkvæmt uppdrætti T.ark Tdags. 17. desember 2013.

Halldóra Hrólfsdóttir verkefnisstjóri tekur sæti á fundinum undir þessum lið.

Fulltrúar Sjálfstæðisflokksins Júlíus Vífil Ingvarsson, Marta Guðjónsdóttir og Óttarr Guðlaugsson lögðu fram eftirfarandi tillögu:
"Lagt er til að stýrihópur sem skipaður var samkvæmt samkomulagi ríkis og borgar frá 25. október sl. fái drög að deiliskipulagi Reykjavíkurflugvallar til umfjöllunar og umsagnar áður en tillagan verður fullunnin og sett í lögbundið auglýsingarferli"
Tillagan var tekin til atkvæðagreiðslu og felld með 6 atkvæðum fulltrúa Besta flokksins Páls Hjaltasonar. Elsu Hrafnhildar Yeoman og Karls Sigurðssonar, fulltrúa Samfylkingarinnar Kristínar Soffíu Jónsdóttur og Reynis Sigurbjörnssonar og fulltrúa Vinstri hreyfingarinnar Græns framboðs Sóleyjar Tómasdóttur gegn þrem atkvæðum fulltrúa Sjálfstæðisflokks Júlíusar Vífils Ingvarssonar, Mörtu Guðjónsdóttur og Óttarrs Guðlaugssonar.

Tillaga umhverfis- og skipulagssviðs var því næst tekin til atkvæðagreiðslu og samþykkt að auglýsa framlagða tillögu með 6 atkvæðum fulltrúa Besta flokksins Páls Hjaltasonar. Elsu Hrafnhildar Yeoman og Karls Sigurðssonar, fulltrúa Samfylkingarinnar Kristínar Soffíu Jónsdóttur og Reynis Sigurbjörnssonar og fulltrúa Vinstri hreyfingarinnar Græns framboðs Sóleyjar Tómasdóttur gegn þrem atkvæðum fulltrúa Sjálfstæðisflokks Júlíusar Vífils Ingvarssonar, Mörtu Guðjónsdóttur og Óttarrs Guðlaugssonar.

Fulltrúar Sjálfstæðisflokksins Júlíus Vífil Ingvarsson, Marta Guðjónsdóttir og Óttarr Guðlaugsson bókuðu: " Með deiliskipulaginu er verið að auka flugöryggi með aðflugsljósum og bæta þjónustu við farþega með nýrri flugstöð fyrir innanlandsflug og það er til mikilla bóta.
Í samkomulagi ríkis og borgar frá 25. október sl. um framtíð innanlandsflugs stendur: Afstaða ríkisvaldsins er að tryggja öryggi í innanlandsflugi með þeim hætti að næstu ár geti innanlandsflugvöllur í Vatnsmýri sinnt því hlutverki sem honum er ætlað. Þetta er lykilsetning sem verður skilin þannig að veita eigi svigrúm til að fara yfir málefni flugvallarins og forðast að gera þær breytingar á Reykjavíkurflugvelli sem geta verið óafturkræfar og dregið úr öryggi hans og nýtingu.
Samkvæmt samkomulaginu hefur verið settur á stofn sérstakur stýrihópur. Með stýrihópnum mun starfa samráðshópur sem skipaður verður m.a. fulltrúum annarra sveitarfélaga, hagsmunaaðila úr fluginu, Landspítala, Háskóla Íslands og fulltrúum áhugahópa sem eru með og á móti staðsetningu flugvallarins í Vatnsmýrinni. Jafnframt er gert ráð fyrir að stýrihópurinn fái til starfa ráðgjafafyrirtæki með víðtæka reynslu af hönnun og skipulagi flugvalla til að draga fram valkosti og bestu lausnir fyrir mögulegan flugvöll. Á meðan stýrihópurinn er starfandi hlýtur að vera eðlilegt verklag að vísa skipulagstillögum sem snúa beint að flugvellinum til hópsins. Sérstaklega hlýtur það að eiga við um tillögur sem takmarka valmöguleika við mat á framtíðarstaðsetningu vallarins.
19. nóvember sl. sagði innanríkisráðherra í sjónvarpsfréttum að þriðja flugbraut Reykjavíkurflugvallar verði ekki lögð niður fyrr en sambærileg öryggisbraut á Keflavíkurflugvelli verði virkjuð. Ríkið túlkar samkomulagið með þessum hætti en það virðist ekki vera sameiginlegur skilningur.
Deiliskipulagið getur haft afgerandi og neikvæð áhrif á möguleika á flugrekstri á Reykjavíkurflugvelli og dregið úr flugöryggi.

Fulltrúar Besta flokksins Páll Hjaltason. Elsa Hrafnhildur Yeoman og Karl Sigurðsson, fulltrúar Samfylkingarinnar Kristín Soffía Jónsdóttir og Reynir Sigurbjörnsssn og fulltrúi Vinstri hreyfingarinnar Græns framboðs Sóley Tómasdóttir bókuðu:"Fulltrúar Samfylkingar, Besta flokks og Vinstri Grænna leggja áherslu á að sú deiliskipulagsbreyting sem hér er samþykkt er unnin á grundvelli samkomulags borgarstjóra og innanríkisráðherra sem staðfest var af fulltrúum allra flokka í borgarráði.

Samþykkt að auglýsa framlagða tillögu sbr. 41. gr. skipulagslaga.

Vísað til borgarráðs.


Umsókn nr. 130597 (01.55.5)
470199-3189 Teiknistofan Storð ehf
Laugavegi 168 105 Reykjavík
5. Starhagi, breyting á deiliskipulagi
Lögð fram tillaga Teiknistofunnar Storð ehf. varðandi breytingu á deiliskipulag Starhaga vegna aðflugsljósa fyrir Reykjavíkurflugvöll, samkvæmt uppdr. Teiknistofunnar Storð dags. 12. desember 2013.

Björn Ingi Edvardsson verkefnisstjóri tekur sæti á fundinum undir þessum lið.
Samþykkt að auglýsa framlagða tillögu sbr. 1. mgr. 43. gr. skipulagslaga

Umhverfis og skipulagsráð leggur áherslu á að lendingarljósin munu fara yfir viðkvæmt náttúruverndarsvæði sem er jafnframt eitt vinsælasta útivistarsvæði borgarinnar. Það er mikilvægt að lágmarka umhverfisáhrif ljósanna þó að deiliskipulagsbreytingin sé nú samþykkt í kynningu. Gert er ráð fyrir að áfram verði unnið að einföldun þeirra og minnkun þannig að sjónræn áhrif verði sem minnst á meðan á auglýsingartíma stendur í samræmi við samkomulag borgarstjóra og innanríkisráðherra.

Fulltrúar Besta flokksins Páll Hjaltason, Elsa Hrafnhildur Yeoman og Karl Sigurðsson, fulltrúar Samfylkingarinnar Kristín Soffía Jónsdóttir og Reynir Sigurbjörnsson og fulltrúi Vinstri hreyfingarinnar Græns framboðs Sóley Tómasdóttir óska bókað: Krafa flugmályfirvalda um að setja lendingarljós á þennan fallega stað undirstrikar það hversu frekur flugvöllurinn er í borgarlandslaginu.

Vísað til borgarráðs.


Umsókn nr. 130578 (01.17.3)
690903-4070 Hverfi ehf.
Hverfisgötu 78 101 Reykjavík
6. Hverfisgata 78, breyting á deiliskipulagi
Lögð fram umsókn Hverfis ehf. dags. 5. desember 2013 varðandi breytingu á deiliskipulagi reits 1.173.0 vegna lóðarinnar nr. 78 við Hverfisgötu. Í breytingunni felst að byggðar verði þrjár hæðir ofan á hús sem stendur í bakgarði ásamt leyfi til að hafa hótel eða gistiheimili á lóðinni, samkvæmt uppdr. Gunnlaugs Jónassonar ark. dags. 5. desember 2013.

Margrét Þormar verkefnisstjóri tekur sæti á fundinum undir þessum lið
Samþykkt að auglýsa framlagða tillögu.
Vísað til borgarráðs.

Umsókn nr. 45423
7. Afgreiðslufundur byggingarfulltrúa, Fundargerð
Fylgiskjöl með fundargerð þessari er fundargerð nr. 760 frá 17. desember 2013.







Umsókn nr. 46564 (01.17.111.4)
671106-0750 Þingvangur ehf.
Hlíðasmára 9 201 Kópavogur
8. Smiðjustígur 4, Hljómalindarreitur, hótel - 1.áfangi
Sótt er um leyfi til að byggja 1. áfanga hótels á Hljómalindarreit, mhl. 01 sem er fimm hæða steinsteypt hús með 55 herbergjum og móttöku og mhl. 02 sem er einnar hæðar bílgeymslukjallari fyrir 25 bíla á lóð nr. 4 við Smiðjustíg.
Meðfylgjandi er minnisblað vegna eldvarna frá Eflu dags. 6. september 2013 ásamt útskrift úr gerðabók embættisafgreiðslufundar skipulagsfulltrúa frá 4. október 2013.
Stærð mhl. 01: 1. hæð 322,2 ferm., 2. hæð 435,9 ferm., 3. og 4. hæð 488 ferm. og 5. hæð 349,5 ferm.Samtals: 2.083,6 ferm., 7.429,5 rúmm.
B-rými 162 ferm.Mhl. 02: 649,3 ferm., 2.247,4 rúmm.Gjald 9.000

Gunnar Sigurðarson verkefnisstjóri tekur sæti á fundinum undir þessum lið.
Kynnt.
Umsókn nr. 130266
9. Hópferðabílar, litlir strætisvagnar
Lagt fram erindi frá Hverfisráði Miðborgar dags. 11. október 2013 varðandi notkun lítilla strætisvagna um miðborgina og fjölgun ferða. Einnig óskar Hverfisráðið eftir viðræðum við umhverfis- og skipulagsráð um miðborgarstrætó og ferðir hópferðabíla um miðborgina. Einnig er lagt fram erindi Hverfisráðs Miðborgar dags. 13. október 2013 og umsögn umhverfis- og skipulagssviðs dags. 13. desember 2013.


Umsókn nr. 130265
10. Hópferðabílar, takmarkanir í Miðborg
Lagt fram erindi frá Hverfisráði Miðborgar dags. 11. október 2013 varðandi akstur hópferðabifreiða um miðborgina. Einnig óskar Hverfisráðið eftir viðræðum við umhverfis- og skipulagsráðs um miðborgarstrætó og ferðir hópferðabíla um miðborgina. Einnig er lagt fram erindi Hverfisráðs Miðborgar dags. 13. desember 2013 og umsögn umhverfis- og skipulagssviðs dags. 13. desember 2013.



Umsókn nr. 130035
11. Rauðalækur, lokun fyrir gegnumakstri eða hægaksturs/vistgata.
Lögð fram tillaga verkfræðistofunnar Hnit dags. 16. maí 2013 varðandi breytingu á lokun Rauðalækjar. Einnig lögð fram bókun hverfisráðs Laugardals dags. 26. ágúst 2013 og athugasemd Þóru Friðriksdóttur dags. 30. ágúst 2013. Jafnframt er lagt fram minnisblað umhverfis- og skipulagssviðs dags. 3. desember 2013.



Umsókn nr. 130185
12. Umhverfis- og skipulagssvið, mánaðaruppgjör janúar til ágúst 2013
Kynnt uppgjör umhverfis- og skipulagssviðs ES og RK fyrir janúar til október 2013.


Umsókn nr. 130536
590169-7579 Hafnarfjarðarkaupstaður
Pósthólf 100 222 Hafnarfjörður
13. Hafnarfjörður, aðalskipulag, endurskoðun aðalskipulags Hafnarfjarðar 2005-2025
Lagt fram bréf Hafnarfjarðarbæjar dags. 11. nóvember 2013 ásamt tillögu að endurskoðun aðalskipulags Hafnarfjarðar 2005-2025. Tillagan ásamt greinargerð og umhverfisskýrslu er send til kynningar og umsagnar skv. 35. gr. skipulagslaga nr. 123/2010. Erindinu var vísað til umsagnar hjá verkefnisstjóra aðalskipulags og er nú lagt fram að nýju ásamt minnisblað Samtaka sveitarfélaga Höfuðborgarsvæðisins varðandi umsögn fagráðs svæðisskipulagsnefndar dags. 11. desember 2013 og umsögn verkefnisstjóra aðalskipulags dags. 13. desember 2013.

Umsögn verkefnisstjóra aðalskipulags dags. 13. desember 2013 samþykkt.


Umsókn nr. 130329
14. Umhverfis- og skipulagssvið, þróun á hækkun tilboðsfjárhæða í verklegum framkvæmdum
Lagt fram bréf fjármálaskrifstofu dags. 9. desember 2013 vegna afgreiðslu innkauparáðs frá 6. desember 2013 um að vísa minnisblaði umhverfis- og skipulagssviðs varðandi þróun á hækkun tilboðsfjárhæða miðað við kostnaðaráætlanir í verklegum framkvæmdum fyrir tímabilið janúar - nóvember 2013 til kynningar í umhverfis- og skipulagsráði.


Umsókn nr. 130589 (01.78.04)
701211-0140 Úrskurðarnefnd umhverfis/auðlin
Skuggasundi 3 101 Reykjavík
15. Suðurhlíðar 9, Klettaskóli, kæra
Lagt fram bréf úrskurðarnefndar umhverfis- og auðlindamála ásamt kæru vegna samþykktar borgarráðs 7. nóvember 2013 um breytingu á deiliskipulagi Suðurhlíða vegna lóðar nr. 9 við Suðurhlíð.
Vísað til umsagnar skrifstofu sviðsstjóra
Umsókn nr. 120417 (01.25.52)
701211-0140 Úrskurðarnefnd umhverfis/auðlin
Skuggasundi 3 101 Reykjavík
16. Hjálmholt 6, kæra 86/2012, umsögn, úrskurður
Lagt fram bréf úrskurðarnefndar umhverfis- og auðlindamála dags. 11. september 2012 ásamt kæru dags. 7. september 2012 þar sem kærð er veiting byggingarleyfis fyrir framkvæmdum í fjöleignarhúsi á lóð nr. 6 við Hjálmholt. Einnig lögð fram umsögn lögfræði og stjórnsýslu, dags. 10. október 2012. Jafnframt er lagður fram úrskurður umhverfis- og auðlindamála dags. 12. desember 2013. Úrskurðarorð: "Hafnað er kröfu um ógildingu ákvörðunar byggingarfulltrúans í Reykjavík frá 7. ágúst 2012 um að veita byggingarleyfi til að grafa frá gluggum, gera dyr úr stofu kjallaraíbúðar og útbúa verönd út í garð á lóðinni nr. 6 við Hjálmholt í Reykjavík."


Umsókn nr. 120355 (01.13.45)
701211-0140 Úrskurðarnefnd umhverfis/auðlin
Skuggasundi 3 101 Reykjavík
17. Vesturvallareitur 1.134.5, kæra, umsögn, úrskurður
Lagt fram bréf úrskurðarnefndar umhverfis- og auðlindamála, dags. 19. júlí 2012 ásamt kæru, dags. 13. júlí 2012, vegna ákvörðunar skipulagsráðs frá 11. apríl 2012 að samþykkja deiliskipulag fyrir Vesturvallareit. Einnig lögð fram umsögn lögfræði og stjórnsýslu, dags. 11. sept. 2012. Jafnframt er lagður fram úrskurður umhverfis- og skipulagssviðs dags. 12. desember 2013. Úrskurðarorð: "Hafnað er kröfu um ógildingu hinnar kærðu ákvörðunar borgarráðs frá 26. apríl 2012 um að samþykkja deiliskipulag fyrir Vesturvallareit."


Umsókn nr. 120039 (01.17.13)
18. Reitur 1.171.3, Laugavegs- og Skólavörðustígsreitir, breyting á deiliskipulagi lóðanna nr. 4 og 6 við Laugaveg og 3 við Skólavörðustíg
Lagt fram bréf borgarstjóra dags. 31. október 2013 um samþykkt borgarráðs s.d. um auglýsingu á breytingu á deiliskipulagi lóðanna að Laugavegi 4 og 6 við Laugaveg.


Umsókn nr. 130496 (05.05.41)
570394-2079 Mansard - Teiknistofa ehf
Hraunbrún 30 220 Hafnarfjörður
19. Skyggnisbraut 26-30, breyting á deiliskipulagi
Lagt fram bréf borgarstjóra dags. 31. október 2013 um samþykkt borgarráðs s.d. um auglýsingu á breytingu á deiliskipulagi Úlfarsárdals vegna lóðarinnar að Skyggnisbraut 26-30.


Umsókn nr. 130425 (01.24.11)
620509-1670 Mjölnisholt ehf
Ögurhvarf 6 201 Kópavogur
420502-2140 Teiknistofa GSÓ ehf
Laugavegi 8 101 Reykjavík
20. Mjölnisholt 12-14, breyting á deiliskipulagi
Lagt fram bréf borgarstjóra dags. 31. október 2013 um samþykkt borgarráðs s.d. um auglýsingu á breytingu á deiliskipulagi Hampiðjureits vegna lóðarinnar að Mjölnisholti 12-14.