Afgreiðslufundir skipulagsstjóra Reykjavíkur, Þingholtsstræti 2-4 og Skólastræti 1, Hólmsheiði, jarðvegsfylling, Túnahverfi, Hlíðarendi, Valssvæði, Afgreiðslufundur byggingarfulltrúa, Flugvöllur 106746, Austurhöfn austan Ingólfsgarðs, Laugavegur 86-94, Þjóðhildarstígur, Hagamelur 1, Melaskóli, Hagamelur 1, Melaskóli, Landspítali Háskólasjúkrahús Hringbraut, Laufásvegur 7, Laufásvegur 58, Skipulags- og byggingarsvið, Skipulagsráð, Skipulagsráð, Skipulagsráð, Skipulagsráð, Skipulagsráð, Kynning skipulagstillagna, Urðarstígsreitir, Lambhóll við Þormóðsstaðaveg, Bergstaðastræti 28A, Lofnarbrunnur 6-8, Húsahverfi svæði C, Kjalarnes, Útkot, Hlyngerði 6, Skipulagsráð, Hafnarstræti 1-3,

Skipulagsráð

202. fundur 2010
Ár 2010, miðvikudaginn 24. mars kl. 09:05, var haldinn 202. fundur skipulagsráðs Reykjavíkur. Fundurinn var haldinn að Borgartúni 12 - 14, 7. hæð. Ráðssal. Viðstaddir voru: Júlíus Vífill Ingvarsson, Sigmundur Davíð Gunnlaugsson, Ragnar Sær Ragnarsson, Ásgeir Ásgeirsson, Sóley Tómasdóttir, Stefán Benediktsson, Björk Vilhelmsdóttir og áheyrnarfulltrúinn Magnús Skúlason. Eftirtaldir embættismenn sátu fundinn: Ólöf Örvarsdóttir, Magnús Sædal Svavarsson, Ágúst Jónsson, Stefán Finnsson og Marta Grettisdóttir. Auk þess gerðu eftirtaldir embættismenn grein fyrir einstökum málum: Bragi Bergsson og Ágústa Sveinbjörnsdóttir. Fundarritari var Helga Björk Laxdal.
Þetta gerðist:

Umsókn nr. 10070
1. Afgreiðslufundir skipulagsstjóra Reykjavíkur, fundargerð
Lagðar fram fundargerðir afgreiðslufundar skipulagsstjóra Reykjavíkur frá 12. og 19. mars 2010.

Umsókn nr. 100084 (01.17.02)
440703-2590 THG Arkitektar ehf
Faxafeni 9 108 Reykjavík
2. Þingholtsstræti 2-4 og Skólastræti 1, breyting á deiliskipulagi
Lagt fram erindi THG Arkitekta, dags. 5. mars 2010, varðandi breytingu á deiliskipulagi reits 1.170.1 og 2 vegna lóðanna nr. 2-4 við Þingholtsstræti og 1 við Skólastræti. Í breytingunni felst að lóðirnar verði sameinaðar samkvæmt uppdrætti THG Arkitekta, dags. 3. mars 2010.
Samþykkt að auglýsa framlagða tillögu.
Vísað til borgarráðs.

Fulltrúar Samfylkingarinnar og Vinstri hreyfingarinnar Græns framboðs óskuðu bókað: Fulltrúar Samfylkingarinnar og Vinstri hreyfingarinnar Græns framboðs samþykkja að senda tillöguna í auglýsingu með öllum hefðbundnum fyrirvörum um endanlega afstöðu.
Umsókn nr. 80657 (05.8)
3. Hólmsheiði, jarðvegsfylling, endurauglýsing deiliskipulags
Lögð fram að nýju tillaga Landmótunar, að deiliskipulagi á Hólmsheiði dags. 22. vegna afmörkunar á svæði til jarðvegsfyllingar á Hólmsheiði fyrir tímabundna losun á ómenguðum jarðvegi. Samhljóða deiliskipulag var fellt úr gildi með úrskurði úrskurðarnefndar skipulags- og byggingarmála frá 24. júlí 2008. Tillagan var auglýst frá 8. maí til og með 6. júlí 2009. Eftirtaldir aðilar sendu inn athugasemdir: Sigurjón Fjeldsted dags. 22. maí 2009, Lögmál f.h. Græðis félags landeigenda, dags. 19. júní, Helga Kristjánsdóttir, f.h. 4 landeigenda, dags. 6. júlí, íbúasamtök Grafarholts og Úlfarsárdals, dags. 6. júlí 2009 og Þóri J. Einarssyni og Guðbjarna Eggertssyni hdl. dags. 2. júlí 2009. Einnig er lögð fram umsögn skipulagsstjóra dags. 17. ágúst 2009.
Framlögð tillaga endursamþykkt með vísan til umsagnar skipulagsstjóra.
Vísað til borgarráðs.

Tillagan var áður samþykkt á fundi skipulagsráðs þann 19. ágúst sl. og var sú afgreiðsla staðfest á fundi borgarráðs þann 27. ágúst sl. samhliða auglýstri breytingu á Aðalskipulagi Reykjavíkur vegna málsins. Með vísan til þess að auglýsing um gildistöku aðalskipulagsbreytingarinnar birtist ekki í B-deild Stjórnartíðinda fyrr en 10. mars sl. telur skipulagsráð hyggilegt að endursamþykkja tillöguna og vísar afgreiðslunni til borgarráðs að nýju til endanlegrar staðfestingar.
Umsókn nr. 90135 (01.2)
4. Túnahverfi, deiliskipulag staðgreinireitir 1.221.3 og 1.221.4, 1.223.0, 1.223.1, 1.235.0 og 1.2351
Að lokinni hagsmunaaðilakynningu er lögð fram að nýju tillaga Arkhússins ehf. að deiliskipulagi Túnahverfis dags. 1. mars 2010. Einnig er lögð fram forsögn skipulags- og byggingarsviðs dags. apríl 2009. Skipulagssvæðið afmarkast af staðgreinireitum 1.221.3 og 1.221.4, 1.223.0 og 1.223.1, 1.235.0 og 1.2351, Samtúni, Nóatúni, Miðtúni, Hátúni og Höfðatúni. Kynning stóð til 20. janúar 2010. Eftirtaldir aðilar sendu ábendingar: Sigurður Harðarson, ark. f.h. Harðar Þorgilssonar, dags. 19. janúar, Málfríður Kristjánsdóttir, 19. janúar og Kristín Birna Bjarnadóttir, 20. janúar og Jakob Líndal, dags. 27. janúar 2010.
Samþykkt að auglýsa framlagða tillögu.
Vísað til borgarráðs.
Umsókn nr. 100098 (01.62)
5. Hlíðarendi, Valssvæði, breyting á deiliskipulagi
Lögð fram drög að tillögu að breytingu á deiliskipulagi Valssvæðis dags. í mars 2010.
Kynnt
Umsókn nr. 41283
6. Afgreiðslufundur byggingarfulltrúa, fundargerð
Fylgiskjal með fundargerð þessari er fundargerð nr. 579 frá 16. mars 2010 og nr. 580 frá 23. mars 2010.

Umsókn nr. 41230 (01.65.--9.9)
530575-0209 Flugfélag Íslands ehf
Reykjavíkurflugvelli 101 Reykjavík
7. Flugvöllur 106746, bráðabirgða/gámahús
Lagt fram bréf frá afgreiðslufundi byggingarfulltrúa frá 9. mars 2010 þar sem sótt er um leyfi til að setja niður til bráðabirgða á austurhlið flugstöðvar fimm gámahús samhangandi sem eiga að hýsa flugumsjón og aðsetur áhafna í flugstöðinni við Reykjavíkurflugvöll.
Málinu fylgir béf frá flugvallarstjóra dags 2. mars 2010.
Stækkun: 97,5 fem., 250,8 rúmm.
Gjald kr. 7.700 + 19.312
Skipulagsráð gerir ekki athugasemdir við að stöðuleyfi fyrir fimm gámahús verði veitt til eins árs.
Umsókn nr. 100100 (01.11.9)
540898-2199 Tvítindar ehf
Ármúla 38 108 Reykjavík
8. Austurhöfn austan Ingólfsgarðs, (fsp) uppbygging
Lögð fram bréf og greinargerð Tvítinda ehf., dags. 16. október 2008, varðandi uppbyggingu austan Ingólfsgarðs. Einnig lagðar fram þrjár tillögur Arkforms merktar tillaga A, B og C, dags. 6. september 2006.
Neikvætt.
Ekki er fallist á uppbyggingaráform í samræmi við erindið.
Umsókn nr. 100114 (01.17.43)
070154-3829 Arnar Hannes Gestsson
Egilsgata 24 101 Reykjavík
9. Laugavegur 86-94, (fsp) sólstofa
Lögð fram fyrirspurn Arnars Gestssonar, dags. 17. mars 2010, um byggingu sólstofu í suðausturenda 4. hæðar húss nr. 86-94 við Laugaveg skv. skissu. Einnig lögð fram umsögn skipulagsstjóra dags. 19. mars 2010.
Neikvætt. Ekki er fallist á að breyta gildandi deiliskipulagi með vísan til umsagnar skipulagsstjóra. .
Umsókn nr. 80548 (04.11)
590602-3610 Atlantsolía ehf
Lónsbraut 2 220 Hafnarfjörður
10. Þjóðhildarstígur, (fsp) lóð fyrir sjálfsafgreiðslustöð Atlantsolíu
Á fundi skipulagsstjóra, dags. 22. ágúst 2008, var lögð fram fyrirspurn Atlantsolíu ehf, dags. 21. ágúst 2008, þar sem spurt er hvort leyft sé að koma fyrir lóð við Þjóðhildarstíg fyrir sjálfsafgreiðslustöð með tvær til þrjár dælur. Óskað er einnig eftir því að útbúin verði ný innkeyrsla frá Reynisvatnsvegi sem einnig getur nýst fyrir hverfisstöð og bílastæði sem gert er ráð fyrir að komið verði þar fyrir. Meðfylgjandi eru uppdrættir, dags.19. ágúst 2008. Erindinu var vísað til umsagnar hjá umhverfis- og samgöngusviði Reykjavíkur. Erindið nú lagt fram að nýju ásamt umsögn Umhverfis- og samgöngusviðs, dags. 13. október 2008, og umsögn skipulagsstjóra ,dags. 20. október 2008.
Frestað.

Umsókn nr. 100065 (01.54.21)
11. Hagamelur 1, Melaskóli, deiliskipulag
Lögð fram samþykkt menntaráðs Reykjavíkur, dags. 10. febrúar 2010, þar sem óskað er eftir því að skólalóð Melaskóla verði deiliskipulögð. Einnig lögð fram bókun menntaráðs, dags. 12. febrúar 2010, varðandi erindi foreldrafélags Melaskóla.
Skipulagsráð tekur undir þær skoðanir að skoða þurfi umhverfi Melaskóla í stærra samhengi og er slík athugun í samræmi við áætlanir um gerð hverfaskipulags á svæðinu. Skipulagsráð leggur því til að stofnaður verði samráðsvettvangur m.a. með fulltrúum úr stjórn foreldrafélagsins og vísar tillögunni til nánari vinnslu hjá embætti skipulagsstjóra.
Umsókn nr. 100111 (01.54.21)
590182-4279 Melaskóli
Hagamel 1 107 Reykjavík
12. Hagamelur 1, Melaskóli, lóðamál
Lagt fram bréf formanns menntaráðs, dags. 16. mars 2010, ásamt erindi Evu Björnsdóttur vegna lóðar Melaskólans.
Skipulagsráð tekur undir þær skoðanir að skoða þurfi umhverfi Melaskóla í stærra samhengi og er slík athugun í samræmi við áætlanir um gerð hverfaskipulags á svæðinu. Skipulagsráð leggur því til að stofnaður verði samráðsvettvangur m.a. með fulltrúum úr stjórn foreldrafélagsins og vísar tillögunni til nánari vinnslu hjá embætti skipulagsstjóra.
Umsókn nr. 100110 (01.19)
13. Landspítali Háskólasjúkrahús Hringbraut, tilmæli frá hverfisráði Hlíða
Lögð fram orðsending R09100192 skrifstofu borgarstjórnar, dags. 15. mars 2010 ásamt erindi hverfisráðs Hlíða frá 12. s.m. varðandi aðkomu ráðsins að fyrirhuguðum byggingarframkvæmdum við nýtt háskólasjúkrahús.

Umsókn nr. 41316 (01.18.310.4)
14. Laufásvegur 7, friðun
Lagt fram bréf Húsafriðunarnefndar dags. 11. mars 2010 þar sem tilkynnt er ákvörðun menntamálaráðherra frá 22. febrúar 2010 um friðun á ytra byrði hússins, útskorina hurða og lágmynda í stofum hússins ásamt aðalhurð og stiga hússins nr. 7 við Laufásveg.
Einnig lagt fram bréf Menntamálaráðuneytisins dags. 22. febrúar 2010 vegna friðunar hússins nr. 7 við Laufásveg.

Umsókn nr. 41317 (01.19.720.1)
15. 7">Laufásvegur 58, bréf byggingarfulltrúa
Lagt fram bréf byggingarfulltrúa dags. 23. mars 2010 vegna óleyfisframkvæmda á lóð nr. 58 við Laufásveg.
Bréf byggingarfulltrúa samþykkt
Umsókn nr. 41255
16. Skipulags- og byggingarsvið, ársskýrsla
Lögð fram ársskýrsla skipulags- og byggingarsviðs Reykjavíkur yfir byggingarframkvæmdir í Reykjavík árið 2009.

Umsókn nr. 100094
420169-3889 Alþingi
Kirkjustræti 150 Reykjavík
17. Skipulagsráð, frumvarp til skipulagslaga
Lagt fram til umsagnar frá Umhverfisnefnd Alþingis frumvarp til skipulagslaga. Einnig er lagt fram bréf skipulags- og byggingarsviðs dags. 22. mars 2010 og umsögn um frumvarpið dags. 22. mars 2010.
Umsögn skipulags- og byggingarsviðs samþykkt.
Umsókn nr. 100092
420169-3889 Alþingi
Kirkjustræti 150 Reykjavík
18. Skipulagsráð, frumvarp til laga um mannvirki
Lagt fram til umsagnar frá Umhverfisnefnd Alþingis frumvarp til laga um mannvirki. Einnig lögð fram drög að umsögn Skipulags- og byggingarsviðs dags. 22. mars 2010.
Drög að umsögn skipulags- og byggingarsviðs samþykkt.
Umsókn nr. 100093
420169-3889 Alþingi
Kirkjustræti 150 Reykjavík
19. Skipulagsráð, frumvarp til laga um breytingu á lögum um brunavarnir nr. 75/2000 með síðari breytingum.
Lagt fram til umsagnar frá Umhverfisnefnd Alþingis frumvarp til laga um breytingu á lögum um brunavarnir nr. 75/2000 með síðari breytingum. Einnig eru lögð fram drög að umsögn Skipulags- og byggingarsviðs dags. 22. mars 2010.
Drög að umsögn skipulags- og byggingarsviðs samþykkt.
Umsókn nr. 100087
20. Skipulagsráð, staðfesting fundargerða án umræðu
Lagt fram bréf Skipulagsstofnunar dags. 1. mars 2010 þar sem vakin er athygli sveitarfélaga á að ekki nægir fyrir sveitarstjórnir að staðfesta fundargerðir án umræðu.
Kynnt
Umsókn nr. 100075
21. Skipulagsráð, bréf Íbúasamtaka miðborgar Reykjavíkur v/ framkvæmd byggingareftirlits
Lagt fram bréf Íbúasamtaka miðborgar Reykjavíkur, dags. 25. febrúar 2010, varðandi framkvæmd byggingareftirlits
Frestað.
Umsókn nr. 100095
22. Kynning skipulagstillagna, orðsending borgarstjóra
Lögð fram orðsending frá skrifstofu borgarstjóra, dags. 8. mars 2010, vegna erindis Skipulagsstofnunar, dags. 23. febrúar 2010, varðandi kynningu á skipulagstillögu með fullnægjandi hætti, sbr. 1. mgr. 17. gr. skipulags- og byggingarlaga.

Umsókn nr. 100103 (01.18.6)
621299-4179 Úrskurðarnefnd skipul/byggmál
Skúlagötu 21 101 Reykjavík
23. Urðarstígsreitir, kæra
Lagt fram bréf Úrskurðarnefndar skipulags- og byggingarmála, dags. 11. mars 2010, ásamt kæru, dags. 2. mars 2010, þar sem kærð er deiliskipulagsákvörðun varðandi Urðarstígsreit í Reykjavík.
Vísað til umsagnar lögfræði- og stjórnsýslu.
Umsókn nr. 100104 (01.53.93)
621299-4179 Úrskurðarnefnd skipul/byggmál
Skúlagötu 21 101 Reykjavík
24. Lambhóll við Þormóðsstaðaveg, kæra
Lagt fram bréf Úrskurðarnefndar skipulags- og byggingarmála, dags. 11. mars 2010, ásamt kæru, dags. 5. mars 2010, þar sem kærð er synjun byggingarleyfis fyrir breyttu innra skipulagi og gluggum Lambhóls við Starhaga í Reykjavík ásamt innréttingu tómstundaherbergis í bílskúr við húsið.
Vísað til umsagnar lögfræði- og stjórnsýslu.
Umsókn nr. 100102 (01.18.43)
621299-4179 Úrskurðarnefnd skipul/byggmál
Skúlagötu 21 101 Reykjavík
25. Bergstaðastræti 28A, kæra
Lagt fram bréf Úrskurðarnefndar skipulags- og byggingarmála, dags. 11. mars 2010, ásamt kæru, dags. 9. mars 2010, þar sem kærð er synjun á beiðni um afturköllun á samþykki byggingarfulltrúa fyrir innréttingu og nýtingu íbúðar á annarri hæð að Bergstaðastræti 28A í Reykjavík fyrir gististað.
Vísað til umsagnar lögfræði- og stjórnsýslu.
Umsókn nr. 100105 (02.69.58)
621299-4179 Úrskurðarnefnd skipul/byggmál
Skúlagötu 21 101 Reykjavík
26. Lofnarbrunnur 6-8, kæra
Lagt fram bréf Úrskurðarnefndar skipulags- og byggingarmála, dags. 11. mars 2010, ásamt kæru, dags. 20. febrúar 2010, þar sem kærð er ákvörðun borgaryfirvalda um að krefja lóðarhafa Lofnarbrunns 6-8 í Reykjavík um úrbætur í greindri lóð.
Vísað til umsagnar lögfræði- og stjórnsýslu.
Umsókn nr. 100101 (02.84)
621299-4179 Úrskurðarnefnd skipul/byggmál
Skúlagötu 21 101 Reykjavík
27. Húsahverfi svæði C, kæra
Lagt fram bréf Úrskurðarnefndar skipulags- og byggingarlaga, dags. 11. mars 2010, ásamt kæru, dags. 9. mars 2010, þar sem kærð er breyting á deiliskipulagi Húsahverfis í Reykjavík.
Vísað til umsagnar lögfræði- og stjórnsýslu.
Umsókn nr. 90287
621299-4179 Úrskurðarnefnd skipul/byggmál
Skúlagötu 21 101 Reykjavík
28. Kjalarnes, Útkot, kæra, umsögn
Lögð fram umsögn lögfræði og stjórnsýslu, dags. 8. mars 2010, vegna kæru á synjun afgreiðslufundar byggingarfulltrúa þ. 9. júní 2009 á umsókn um sameiningu spildna D og E í landi Útkots í Kjalarnesi.
Umsögn lögfræði- og stjórnsýslu samþykkt.
Umsókn nr. 90088 (01.80.62)
621299-4179 Úrskurðarnefnd skipul/byggmál
Skúlagötu 21 101 Reykjavík
29. Hlyngerði 6, kæra, umsögn
Lögð fram umsögn lögfræði og stjórnsýslu, dags. 15. mars 2010, vegna kæru á samþykkt skipulagsráðs 24. sept. 2008 á deiliskipulagi vegna Hlyngerði 6.
Umsögn lögfræði- og stjórnsýslu samþykkt.
Umsókn nr. 100108
30. Skipulagsráð, dómur vegna skerðingar á lóðarleiguréttindum
Lagður fram dómur Hæstaréttar nr. 334/2009 frá 25. febrúar 2010 vegna skerðingar á lóðarleiguréttindum í Vatnsenda.

Umsókn nr. 100119 (01.14.00)
31. Hafnarstræti 1-3, Skipulagsráð
Skipulagsráð óskar eftir að byggingarfulltrúinn í Reykjavík afli upplýsinga um ástand hússins nr. 1-3 við Hafnarstræti sem varð eldi að bráð 23. mars sl. Óskað er eftir að minnisblað um málið verði lagt fyrir á næsta fundi ráðsins.