Höfðatorg, reitir 1.220.1 og 1.220.2, Skildinganes 26, Sléttuvegur, Kjalarnes, Álfsnes, Vesturlandsvegur, Hallar, Afgreiðslufundur byggingarfulltrúa, Austurbrún 31, Hraunberg 12, Afgreiðslufundir Skipulagsfulltrúa Reykjavíkur, Gufuneskirkjugarður, Skuggahverfi, Suðurhús 4,

Skipulagsráð

61. fundur 2006
Ár 2006, miðvikudaginn 16. ágúst kl. 09:10, var haldinn 61. fundur skipulagsráðs Reykjavíkur. Fundurinn var haldinn að Borgartúni 3, 4. hæð. Viðstaddir voru: Hanna Birna Kristjánsdóttir. Óskar Bergsson, Gísli Marteinn Baldursson, Stefán Þór Björnsson, Svandís Svavarsdóttir, Stefán Benediktsson, Oddný Sturludóttir og áheyrnarfulltrúinn Ásta Þorleifsdóttir. Eftirtaldir embættismenn sátu fundinn: Salvör Jónsdóttir, Magnús Sædal Svavarsson, Helga Bragadóttir, Ólafur Bjarnason, Ágúst Jónsson og Sigríður Kristín Þórisdóttir. Fundarritari var Helga Björk Laxdal.
Þetta gerðist:

Umsókn nr. 60320 (01.22.01)
680504-2880 PK-Arkitektar ehf
Lynghálsi 4 110 Reykjavík
1. Höfðatorg, reitir 1.220.1 og 1.220.2, breyting á aðalskipulagi
Lagt fram bréf PK arkitekta, dags. 18. júlí 2006, varðandi breytingu á deiliskipulagi Skúlatúnsreits eystri skv. uppdr., mótt. 19. júlí 2006. Erindinu fylgir beiðni um að landnotkun reitsins verði breytt úr miðsvæði M5 í miðborgarsvæði.
Ráðið felur skipulagsfulltrúa að láta vinna tillögu að breytingu á aðalskipulagi Reykjavíkur í samræmi við fyrirliggjandi erindi um breytingu á deiliskipulagi Höfðatorgs.
Umsókn nr. 60448 (01.67.13)
230158-6149 Ögmundur Skarphéðinsson
Skildinganes 26 101 Reykjavík
2. Skildinganes 26, breyting á deiliskipulagi
Að lokinni grenndarkynningu er lögð fram að nýju tillaga Ögmundar Skarphéðinssonar ark., dags. 22.06.06, að breytingu á deiliskipulagi á lóðinni nr. 26 við Skildinganes ásamt skuggavarpi. Lögð fram tillaga Ögmundar Skarphéðinssonar ark., dags. 22.06.06, að breytingu á deiliskipulagi á lóðinni nr. 26 við Skildinganes ásamt skuggavarpi. Samþykki barst frá eigendum að Skildinganesi 24, mótt. 25.07.06. Kynning stóð yfir frá 12.07.06 til og með 09.08.06. Engar athugasemdir bárust.
Samþykkt með vísan til a-liðar 12. gr. samþykktar um skipulagsráð.
Umsókn nr. 40539 (01.79)
3. Sléttuvegur, breyting á aðalskipulagi
Að lokinni auglýsingu er lögð fram að nýju tillaga skipulagsfulltrúa, dags. 26. apríl 2006, að breytingu á Aðalskipulagi Reykjavíkur 2001-2024 vegna svæðis Landspítalans í Fossvogi við Sléttuveg. Auglýsing stóð yfir frá 22. júní til og með 3. ágúst 2006. Engar athugasemdir bárust.
Samþykkt.
Vísað til borgarráðs.

Ráðið felur skipulagsfulltrúa að vinna forsögn að deiliskipulagi svæðisins að undanskildu svæði suðaustan Sléttuvegar.
Umsókn nr. 50574
4. Kjalarnes, Álfsnes, Sorpa, breyting á aðalskipulagi
Að lokinni auglýsingu er lögð fram að nýju tillaga skipulagsfulltrúa að breytingu á aðalskipulagi vegna afmörkunar á urðunarstað í Álfsnesi, dags. 23. september 2005. Málið var í auglýsingu frá 14. febrúar til og með 28. mars 2006. Engar athugasemdir bárust. Lagt fram bréf Skipulagsstofnunar, dags. 11. maí 2006.
Samþykkt.
Vísað til borgarráðs.
Umsókn nr. 60061 (04.30.12)
5. Vesturlandsvegur, Hallar, deiliskipulag
Lögð fram tillaga skipulags- og byggingarsviðs að deiliskipulagi athafnasvæðis Halla, austan Vesturlandsvegar, dags. 11. ágúst 2006. Einnig lögð fram að nýju forsögn skipulagsfulltrúa dags. 2. maí 2006.
Samþykkt að auglýsa framlagða tillögu.
Vísað til borgarráðs. Ráðið felur skipulagsfulltrúa að láta fara fram athugun á auglýsingatímanum, á því hvort unnt er að útvíkka skilmála vegna lóða sem merktar eru 9.1D og 9.1E þannig að hægt sé að gera ráð fyrir minni lóðar- og eða byggingarhlutum.
Umsókn nr. 34501
6. Afgreiðslufundur byggingarfulltrúa, fundargerð
Fylgiskjal með fundargerð þessari er fundargerð nr. 407 frá 15. ágúst 2006.

Umsókn nr. 34060 (01.35.410.4)
580690-2389 Félag aðstandenda alzheimersj
Brekkuhvammi 18 220 Hafnarfjörður
7. Austurbrún 31, Nýbygging
Að lokinni grenndarkynningu er lagt fram bréf frá afgreiðslufundi byggingarfulltrúa frá 30. maí 2006. Sótt er um leyfi til að byggja hús á einni hæð á baklóð Austurbrúnar 31, skv. uppdr. Teiknistofu Halldórs Guðmundssonar, dags. 10. maí 2006. Grenndarkynning stóð yfir frá 12. júní til 10. júlí 2006. Athugasemdir bárust frá Sigrúnu Sigurjónsdóttur, dags. 5. júlí 2006 og íbúum Austurbrún 29, dags. 7. júlí 2006. Einnig lögð fram umsögn skipulagsfulltrúa dags. 10. ágúst 2006.
Stærðir 64,5 ferm., 219,3 rúmm.
Gjald kr. 6.100 + 13.377
Samþykkt.
Samræmist ákvæðum laga nr. 73/1997.
Frágangur á lóðamörkum verði gerður í samráði við lóðarhafa aðliggjandi lóða.
Með vísan til samþykktar borgarráðs frá 1. september 1998 skal utanhúss- og lóðarfrágangi vera lokið eigi síðar en innan tveggja ára frá útgáfu byggingarleyfis að viðlögðum dagsektarákvæðum 57. gr. skipulags- og byggingarlaga nr. 73/1997.

Óskar Bergsson sat hjá við afgreiðslu málsins.

Umsókn nr. 34427 (04.67.420.2)
530269-7609 Reykjavíkurborg
Ráðhúsinu 101 Reykjavík
8. Hraunberg 12, færanleg kennslustofa
Sótt er um leyfi til þess að bæta við þriðju færanlegu kennslustofunni fyrir Waldorfskólann við þær tvær sem fyrir eru og að þær fái að vera næstu þrjú árin á lóð nr. 12 við Hraunberg.
Stærð: Færanlegar kennslustofur samtals 214,5 ferm., 712 rúmm.
Gjald kr. 6.100 + 43.432
Ráðið gerir ekki athugasemd við bráðabirgðastaðsetningu kennslustofanna.
Málinu vísað til afgreiðslu byggingarfulltrúa.
Umsókn nr. 10070
9. Afgreiðslufundir Skipulagsfulltrúa Reykjavíkur, fundargerð
Lögð fram fundargerð afgreiðslufundar skipulagsfulltrúa Reykjavíkur frá 11. ágúst 2006.

Umsókn nr. 60528 (02.55.0)
10. Gufuneskirkjugarður, kæra
Lögð fram kæra (tölvupóstur úrskurðarnefndar skipulags- og byggingarmála) , dags. 2. ágúst 2006, vegna byggingar líkbrennslu, skorsteins og þjónustuhúss við Gufuneskirkjugarð í Reykjavík. Í kærunni er gerð krafa um stöðvun framkvæmda.
Vísað til umsagnar lögfræði og stjórnsýslu.

Ásta Þorleifsdóttir áheyrnarfulltrúi Frjálslyndra- og óháðra óskaði bókað:
F-listinn gerir alvarlegar athugasemdir við þá fyrirætlan að ætla að flytja Líkbrennslu Kirkjugarðanna úr Fossvogi í Grafarvog. Eðli þessara starfsemi er með þeim hætti að ekki samræmist því að hafa hana í miðri íbúabyggð í nágrenni við heimili, fjölsótt íþróttasvæði, barna og öldrunarheimili. Íbúar og starfsmenn fyrirtækja og stofnana í nágrenni Líkbrennslunnar í Fossvogi hafa ítrekað kvartað vegna mengunar frá starfseminni. Því er ólíklegt að friður skapist með því að færa þessa starfsemi í annað og mun fjölmennara íbúasvæði án samráðs við íbúa en samkvæmt athugasemdum þeirra hefur engin grenndarkynning farið fram, né annað samráð við íbúa eða aðra hagsmunaaðila á svæðinu.
Þá ber þess að geta að framkvæmdin kann að vera matsskyld á grundvelli staðsetningar sinnar og hugsanlegra mengunar, sbr. lög nr. 106/2000 um mat á umhverfisáhrifum en í 1. gr. a-lið er markmið laganna skilgreint svo:

"að tryggja að áður en leyfi er veitt fyrir framkvæmd sem kann vegna staðsetningar, starfsemi sem henni fylgir, eðlis eða umfangs að hafa í för með sér umtalsverð umhverfisáhrif, hafi farið fram mat á umhverfisáhrifum viðkomandi framkvæmdar"

Og því ber að láta fara fram ítarlega grenndarkynningu.

Skipulagsráð óskaði bókað:
Vegna bókunar fulltrúa F-listans vill skipulagsráð minna á að umrætt deiliskipulag Gufuneskirkjugarðs fór allar lögbundnar leiðir og endanlega samþykkt í janúar 2006 án þess að nokkrar athugasemdir hefðu borist. Kirkjugarðar Reykjavíkurprófastdæma unnu verkið af miklum metnaði og skipulagsráð telur að vel hafi verið að því staðið og verði áfram.
Umsókn nr. 60533 (01.15.2)
11. Skuggahverfi, endurskoðun deiliskipulags
Lögð fram tillaga skipulagssviðs um endurskoðun deiliskipulags Skuggahverfis vegna götumyndar.
Ráðið felur skipulagsfulltrúa að hefja endurskoðun á deiliskipulagi Skuggahverfis í því skyni að endurskoða ákvæði um verndun götumyndar við Lindargötu.
Umsókn nr. 60527 (02.84.88)
12. Suðurhús 4, kæra
Lögð fram kæra (tölvupóstur úrskurðarnefndar skipulags- og byggingarmála), dags. 9. ágúst 2006, vegna byggingarleyfis, dags. 28. júlí 2006, fyrir viðbyggingu á lóðinni að Suðurhúsum 4 Reykjavík. Í kærunni er gerð krafa um stöðvun framkvæmda.
Vísað til umsagnar lögfræði og stjórnsýslu.