Barónsstígur 18, Flókagata 56, Grandagarður 5, Kárastígur 1, Rauðarárstígur 31/Þverholt 18, Eskihlíð 10-10A, Mýrarás 10, Þrastargata 1-11 vegna lóðar nr. 7b, Hlíðarendi 16, Hverfisgata 41, Sléttuvegur 25-27, Skógargerði 3, Laugavegur 73, Spítalastígur 10, Borgartún 32, Bríetartún 3-5, Bryggjuhverfi vestur, svæði 4, Funafold 5, Hallarmúli 2, Hólmgarður 34, Spöngin, Barmahlíð 14, Einarsnes 66-66A, Frakkastígsreitur 1.172.1, Kirkjusandur, Bjargargata 1, Kjalarnes, Esjumelar-Varmidalur, Óðinstorg reitur 1.181.0, Gamla höfnin - Vesturbugt, Heklureitur, Skeifan, Skerjafjörður Þ5, Aðalskipulag Reykjavíkur 2010-2030, efnisvinnslusvæði í Álfsnesvík, Mosfellsbær, aðalskipulag,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

670. fundur 2018
Ár 2018, föstudaginn 23. febrúar kl. 09:15, hélt skipulagsfulltrúi Reykjavíkur 670. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Marta Grettisdóttir Eftirtaldir embættismenn kynntu mál á fundinum: Dagný Harðardóttir, Ingvar Jón B. Gíslason, Guðlaug Erna Jónsdóttir, Lilja Grétarsdóttir, Borghildur S. Sturludóttir og Jón Kjartan Ágústsson. Ritari var Björgvin Rafn Sigurðarson
Þetta gerðist:

1.18 Barónsstígur 18, breyting á skilmálum deiliskipulags
Að lokinni auglýsingu er lögð fram að nýju umsókn VA arkitektar ehf., mótt. 22. ágúst 2017, varðandi breytingu á skilmálum deiliskipulags fyrir staðgreinireit 1.174.2 vegna lóðar nr. 18 við Barónsstíg. Í breytingunni felst að heimilt verður að hafa fjölbreyttari starfsemi á lóðinni, skv. tillögu VA arkitekta, dags. 8. ágúst 2017. Einnig er lagt fram bréf eiganda, dags. 13. nóvember 2017. Tillagan var auglýst frá 5. janúar 2018 til og með 16. febrúar 2018. Engar athugasemdir bárust.


Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
2.18 Flókagata 56, (fsp) sólskáli
Á embættisafgreiðslufundi skipulagsfulltrúa 19. janúar 2018 var lögð fram fyrirspurn Vektor, hönnun og ráðgjöf ehf. dags. 12. janúar 2017 um að setja sólskála ofan á bílskúr á lóð nr. 56 við Flókagötu. Erindið er lagt fram að nýju ásamt umsögn skipulagsfulltrúa dags. 22. febrúar 2018.

Neikvætt, með vísan til umsagnar skipulagsfulltrúa dags. 22. febrúar 2018.
3.18 Grandagarður 5, Veitingastaður fl. II F
Lagt fram erindi frá embættisafgreiðslufundi skipulagsfulltrúa frá 20. febrúar 2018 þar sem sótt er um leyfi til að innrétta veitingastað í flokki II, teg. F fyrir 80 gesti á fyrstu og annarri hæð og koma fyrir flóttastiga á norðurhlið húss á lóð nr. 5 við Grandagarð
Gjald kr. 11.000

Vísað til umsagnar verkefnisstjóra.
4.18 Kárastígur 1, (fsp) svalir
Lögð fram fyrirspurn Eiríks Jónssonar dags. 8. febrúar 2018 um að setja svalir á húsið á lóð nr. 1 við Kárastíg, samkvæmt skissu.

Vísað til umsagnar verkefnisstjóra.
5.18 Rauðarárstígur 31/Þverholt 18, (fsp) gististaður
Á embættisafgreiðslufundi skipulagsfulltrúa 9. febrúar 2018 var lögð fram fyrirspurn Kristjáns Bjarnasonar dags. 31. janúar 2018 ásamt greinargerð dags. 31. janúar 2018 varðandi rekstur gististaðar í húsinu nr. 18 við Þverholt á lóð nr. 31 við Rauðarárstíg og 18 við Þverholt, samkvæmt tillögu/skissu ódags. Einnig er lögð fram umsögn skipulagsfulltrúa dags. 22. febrúar 2018

Umsögn skipulagsfulltrúa dags. 22. febrúar 2018 samþykkt.
6.18 Eskihlíð 10-10A, (fsp) breyting á bílastæði
Lögð fram fyrirspurn Stefáns Pálssonar dags. 20. febrúar 2018 ásamt greinargerð dags. 20. febrúar 2018 um að skipta bílastæði lóðarinnar nr. 10-10A í tvennt og gera tvær útkeyrslur, samkvæmt tillögu dags. janúar 2018.

Vísað til umsagnar verkefnisstjóra.
7.18 Mýrarás 10, (fsp) stækkun á byggingarreit
Lögð fram fyrirspurn Halldórs Gunnlaugssonar dags. 16. febrúar 2018 um stækkun á byggingarreit hússins á lóð nr. 10 við Mýrarás um 40-60 cm. út frá bílskúr.

Vísað til umsagnar verkefnisstjóra.
8.18 Þrastargata 1-11 vegna lóðar nr. 7b, breyting á skilmálum deiliskipulags
Lögð fram tillaga umhverfis- og skipulagssviðs, skipulagsfulltrúa, varðandi breytingu á skilmálum deiliskipulags Fálkagötureita vegna lóðarinnar nr. 7b við Þrastargötu. Í breytingunni felst að heimilt er að koma fyrir kvisti á norðurhlið hússins, samkvæmt tillögu ARKHD ódags.
Samþykkt að grenndarkynna framlagða tillögu fyrir hagsmunaaðilum að Þrastargötu 1, 3, 3b, 4, 5, 7, 8, 9, 10, 11, Smyrilsvegi 29, 31, Fálkagötu 8, 10a.

Vakin er athygli á að erindið fellur undir gr. 8.1. í gjaldskrá nr. 1193/2016 um gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg. Grenndarkynning fer ekki fram fyrr en greitt hefur verið fyrir grenndarkynningu.
9.18 0">Hlíðarendi 16, breyting á deiliskipulagi
Lögð fram umsókn ASK arkitekta dags. 15. febrúar 2018 varðandi breytingu á deiliskipulagi Hlíðarenda vegna lóðar nr. 16 við Hlíðarenda (lóð H). Í breytingunni felst að fallið verði frá ákvæði í deiliskipulagi um gras á þaki hússins.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá nr. 1193/2016 vegna kostnaðar við skipulagsvinnu og útgáfu framkvæmdaleyfis í Reykjavíkurborg.
10.18 Hverfisgata 41, breyting á deiliskipulagi
Að lokinni auglýsingu er lagt fram fram að nýju erindi skrifstofu eigna og atvinnuþróunar mótt.2. nóvember 2017 varðandi breytingu á deiliskipulagi Skúlagötusvæðis vegna lóðarinnar nr. 41 við Hverfisgötu. Í breytingunni felst að nýtingarhlutfall lóðarinnar er hækkað, fjölga íbúðum í húsinu í þrjár, ein á hverri hæð (utan kjallara) og ein í risi, og koma fyrir svölum á norðurhlið hússins, samkvæmt uppdr. Teiknistofunnar Stiku dags. 1. nóvember 2017. Einnig er lagt fram samkomulag Reykjavíkurborgar og Sjens vegna byggingarréttar við Hverfisgötu 41 dags. 31. október 2016 og umsögn Minjastofnunar Íslands dags. 11. desember 2017. Tillagan var auglýst frá 5. janúar 2018 til og með 16. febrúar 2018. Eftirtaldir aðilar sendu athugasemdir: Sigurjón Gunnsteinsson dags. 27. janúar 2018.

Vísað til umsagnar verkefnisstjóra.
11.18 Sléttuvegur 25-27, (fsp) breyting á gólfkóta og fjölgun íbúða
Lögð fram fyrirspurn THG Arkitekta ehf. dags. 8. febrúar 2018 ásamt bréfi dags. 8. febrúar 2018 varðandi lækkun á gólfkóta á 1. og 2. hæð hússins nr. 27 á lóð nr. 25-27 við Sléttuveg ásamt fjölgun íbúða, samkvæmt tillögu THG Arkitekta ehf. dags. 8. febrúar 2018.

Vísað til umsagnar verkefnisstjóra.
12.18 Skógargerði 3, (fsp) uppbygging
Lögð fram fyrirspurn Gunnars Arnar Gunnarssonar dags. 21. febrúar 2018 varðandi uppbyggingu á lóð nr. 3 við Skógargerði, samkvæmt uppdr. Joni arkitekta ehf. dags. 21. febrúar 2018.

Vísað til umsagnar verkefnisstjóra.
13.18 Laugavegur 73, (fsp) breyting á deiliskipulagi
Lögð fram fyrirspurn PKdM Arkitekta ehf. dags. 8. febrúar 2018 ásamt greinargerð PKdM Arkitekta ehf. ódags. og fyrirtækjasölunnar Suðurver dags. 8. febrúar 2018 um breytingu á deiliskipulagi fyrir lóðina nr. 73 við Laugaveg sem felst í að fjölga íbúðum í nýbyggingu um fjórar og starfrækja þar veitingastað í flokki II eða III, samkvæmt tillögu PKdM Arkitekta ehf. dags. 5. febrúar 2018.

Vísað til umsagnar verkefnisstjóra.
14.18 Spítalastígur 10, (fsp) stækkun húss
Lögð fram fyrirspurn Gests Ólafssonar dags. 14. febrúar 2018 um stækkun hússins á lóð nr. 10 við Spítalastíg, samkvæmt uppdr. Skipulags-, arkitekta og verkfræðistofunnar ehf. dags. 8. febrúar 2018. Einnig er lögð fram umsögn Minjastofnunar Íslands dags. 30. október 2017.

Vísað til umsagnar verkefnisstjóra.
15.18 Borgartún 32, breyting á skilmálum deiliskipulags
Lögð fram umsókn Rúnars Haukssonar f.h. Borgartúns 32 mótt. 12. desember 2017 varðandi breytingu á skilmálum deiliskipulags fyrir lóð nr. 32 við Borgartún. Í breytingunni felst að byggingarmagn á lóð breytist, sökklar vesturhluta eldra húss undir plötu 1. hæðar breytast í geymslusvæði í kjallara og breyting verður á nýtingarhlutfalli lóðar, samkvæmt tillögu Teiknistofu Garðars Halldórssonar, húsameistara dags. 8. desember 2017.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
16.18 Bríetartún 3-5, (fsp) uppbygging
Lögð fram fyrirspurn THG Arkitekta ehf. dags. 9. febrúar 2018 ásamt bréfi dags. 9. febrúar 2018 varðandi uppbyggingu á lóð nr. 3-5 við Bríetartún þar sem nú eru bílastæði, samkvæmt tillögu Ask Arkitekta ehf. dags. 5. febrúar 2018.

Vísað til umsagnar verkefnisstjóra..
17.18 Bryggjuhverfi vestur, svæði 4, nýtt deiliskipulag
Að lokinni auglýsingu er lögð fram að nýju tillaga umhverfis- og skipulagssviðs, dags. 13. desember 2017 sem unnin er af Arkís, Verkís og Landslagi, vegna gerðar deiliskipulags fyrir Bryggjuhverfi vestur, svæði 4. Svæðið er að mestu á núverandi landfyllingu og afmarkast af núverandi Bryggjuhverfi til austurs, Ártúnshöfða til suðurs og sjó til norðurs og vesturs. Í tillögunni er stefnt að uppbyggingu til að styrkja byggðamynstur núverandi Bryggjuhverfis og mæta þörf fyrir uppbyggingu nýrra íbúða auk þjónustu. Einnig er lögð fram almenn greinagerð og skilmálar fyrir innviði dags. 13. desember 2017 og greinargerð og skilmálar fyrir húsbyggingar og mannvirki á lóð dags. 13. desember 2017. Jafnframt eru lögð fram drög Borgarsögusafns Reykjavíkur að húsakönnun Ártúnshöfða dags. nóvember 2017. Tillagan var auglýst frá 5. janúar 2018 til og með 16. febrúar 2018. Eftirtaldir aðilar sendu athugasemdir: Magnús Þór Ásgeirsson dags. 5. janúar 2018, Þorsteinn Þorgeirsson 5. og 30. janúar 2018 og Veitur dags. 16. febrúar 2018.
Vísað til umsagnar verkefnisstjóra.
18.18 Funafold 5, (fsp) breyting á deiliskipulagi
Lögð fram fyrirspurn Sturla Þór Jónssonar dags. 15. febrúar 2018 um breytingu á deiliskipulagi fyrir lóðina nr. 5 við Funafold sem felst í að stækka byggingarreit á vesturhlið hússins svo hægt verði að byggja garðskála, samkvæmt uppdr. Sturlu Þórs Jónssonar arkitekts dags. 14. febrúar 2018.

Vísað til umsagnar verkefnisstjóra.
19.18 Hallarmúli 2, breyting á deiliskipulagi
Á embættisafgreiðslufundi skipulagsfulltrúa 1. desember 2017 var lögð fram umsókn Yrki arkitekta ehf. mótt. 20. nóvember 2017 varðandi breytingu á deiliskipulagi Suðurlandsbrautar 2 vegna lóðarinnar nr. 2 við Hallarmúla. Breytingin felst í megin atriðum í því að auka leyfilegt byggingarmagn og auka hæðarfjölda á lóðinni með tilliti til aðliggjandi byggðar, í byggingunni verður hótel, leyfilegur hæðarfjöldi verður 5 hæðir með efstu hæðina inndregna frá Hallarmúla en til vesturs stallast byggingin niður í 1 hæð, bílastæði verða fjarlægð af yfirborði lóðarinnar og gerður er bílakjallari, samkvæmt uppdr. Yrki arkitekta ehf. dags. 15. nóvember 2017, síðast br. 1. febrúar . Erindinu var vísað til meðferðar hjá verkefnisstjóra og er nú lögð fram að nýju.

Vísað til umhverfis-og skipulagsráðs

Vakin er athygli á að erindið fellur undir gr. 7.5 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
20.18 Hólmgarður 34, breyting á deiliskipulagi
Lögð fram umsókn PKdM Arkitekta ehf. dags. 14. febrúar 2018 varðandi breytingu á deiliskipulagi Bústaðahverfis vegna lóðarinnar nr. 34 við Hólmgarð. Í breytingunni felst að halda í núverandi geymsluhúsnæði á lóðinni og breyta grein 5.3.1 í greinargerð, samkvæmt uppdr. PKdM Arkitekta ehf. dags. 12. febrúar 2018.

Vísað til meðferðar hjá verkefnisstjóra.

Vakin er athygli á að erinidð fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016
21.18 Spöngin, (fsp) grenndargámar
Lögð fram fyrirspurn skrifstofu eigna og atvinnuþróunar dags. 15. febrúar 2018 um staðsetningu grenndargáma við Spöngina, samkvæmt uppdr. Hornsteina arkitekta ehf. dags. 2017.

Vísað til umsagnar verkefnisstjóra.
22.18 Barmahlíð 14, málskot
Lagt fram málskot Baldurs Vilmundarsonar dags. 19. febrúar 2018 vegna neikvæðrar afgreiðslu skipulagsfulltrúa frá 7. apríl 2017 um hækkun hússins á lóð nr. 14 við Barmahlíð um eina hæð.
Vísað til umhverfis-og skipulagsráðs
23.18 Einarsnes 66-66A, breyting á deiliskipulagi
Að lokinni auglýsingu er lögð fram að nýju umsókn Aðalheiðar Atladóttur, mótt. 15. nóvember 2017, ásamt greinargerð dags. 8. júní 2017 varðandi breytingu á deiliskipulagi Einarsness vegna lóðar nr. 66 við Einarsnes. Breytingin felst í því að skipta lóðinni, Einarsnesi 66/66A uppí tvo hluta: Einarsnes 66/66A og Einarsnes 66B og koma fyrir byggingarreit fyrir hús og bílgeymslu, samkvæmt deiliskipulags- og skýringaruppdr. A2F arkitekta, dags. 10. október 2017. Tillagan var auglýst frá 5. janúar 2018 til og með 16. febrúar 2018. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
24.18 Frakkastígsreitur 1.172.1, (fsp) gististaður
Á embættisafgreiðslufundi skipulagsfulltrúa 9. febrúar 2018 var lögð fram fyrirspurn Baldurs Ólafs Svavarssonar dags, 22. janúar 2018 um heimild til að koma fyrir gististað sem stækkun/framlenging á þegar samþykktum gististað á Frakkastígsreit (við Laugaveg) í stað íbúða sem fyrirhugaðar eru, samkvæmt tillögu Úti og inni sf. dags. 22. janúar 2018. Einnig er lögð fram umsögn skipulagsfulltrúa dags. 23. febrúar 2018.

Umsögn skipulagsfulltrúa dags. 23. febrúar samþykkt.
25.18 Kirkjusandur, (fsp) ósk um endurskoðun á A og B fermetrum
Á embættisafgreiðslufundi skipulagsfulltrúa frá 16. febrúar 2018 var lögð fram fyrirspurn Önnu Sigríðar Jóhannsdóttur dags. 5. febrúar 2018 varðandi endurskoðun á A og B fermetrum. Einnig er lögð fram umsögn skipulagsfulltrúa dags. 23. febrúar 2018.

Umsögn skipulagsfulltrúa dags. 23. febrúar samþykkt.
26.18 Bjargargata 1, framkvæmdaleyfi
Lögð fram umsókn Framkvæmdafélagsins Arnarhv. ehf. dags. 5. febrúar 2018 um framkvæmdaleyfi vegna tímabundinnar settjarnar að Bjargargötu 1 sem felst í lagningu dælulagna fyrir grunnvatn frá gatnamótum Bjargargötu og Sturlugötu, meðfram Sturlugötu að sunnanverðu, liggur norður meðfram gömlu Njarðargötu að olíuskilju sem komið er þar fyrir. Við olíuskilju er gerð 600 m2 settjörn sem grunnvatn er leitt í og þaðan er lögð yfirfallslögn í skurð vestan við gömlu Njarðargötu, samkvæmt uppdr. Eflu dags. 18. janúar 2018. Einnig er lagt fram minnisblað EFLU dags. 30. janúar 2018.

Vísað til meðferðar hjá verkefnisstjóra.
27.18 Kjalarnes, Esjumelar-Varmidalur, breyting á deiliskipulagi
Að lokinni auglýsingu er lögð er fram að nýju tillaga Landmótunar að breyttu deiliskipulagi athafnasvæðis Esjumela á Kjalarnesi, dags. 1. nóvember 2017 ásamt skýringaruppdr. og greinargerð dags. 1. nóvember 2017. Í breytingartillögu felast m.a. breytingar á lóðarstærðum og afmörkunum, breytingar á samgöngutengingum innan svæðis ásamt auknu plássi fyrir ofanvatnslausnir og settjarnir. Einnig eru skipulagsmörkin stækkuð lítillega, greinargerð yfirfarin og eldri skilmálatöflu skipt út fyrir nýja o.fl. Tillagan var auglýst frá 5. janúar 2018 til og með 16. febrúar 2018. Eftirtaldir aðilar sendu athugasemdir/umsagnir: Minjavernd hf. f.h. Hafnareyjar ehf. dags. 8. janúar 2018, Lex lögmannsstofa f.h. Ottós Ólafssonar og Þorbjargar Gígja dags. 15. febrúar 2018, umhverfisnefnd Mosfellsbæjar dags. 19. janúar 2018, skipulagsnefnd Mosfellsbæjar dags. 22. janúar 2018, Veiðifélag Leirvogsár dags. 12. febrúar 2018, Heilbrigðiseftirlits Reykjavíkur, dags. 23. febrúar 2018,

Vísað til umsagnar verkefnisstjóra.
28.18 Óðinstorg reitur 1.181.0, breyting á deiliskipulagi
Lögð er fram tillaga Teiknistofu Arkitekta Gylfa Guðjónssonar og félaga ehf dags. 21. febrúar 2018 að breytingu á deiliskipulagi fyrir reit 1.181.0.
Tillagan gengur út á skilgreina borgartorg á skilgreindu svæði við Óðinstorg þar sem bílastæði eru í dag og fella niður lóðina 8a við Týsgötu sem verður hluti af nýja torginu.

Vísað til umhverfis-og skipulagsráðs.
29.18 Gamla höfnin - Vesturbugt, breyting á deiliskipulagi svæði 5 og 6
Að lokinni auglýsingu er lögð fram að nýju umsókn Yrki arkitekta mótt. 5. júlí 2017 um breytingu á deiliskipulagi Vesturbugtar svæði 5 og 6. Sótt er um breytingu á deiliskipulagi Vesturbugtar fyrir einnar hæðar verslunar- og þjónustuhúsum (einingar) fyrir Faxaflóahafnir á Ægisgarði og við Hafnargötu ásamt uppbyggingu stærra þjónustuhúss við Ægisgarð, samkvæmt uppdráttum Yrki arkitekta ehf. dags. 14. nóvember 2017. Tillagan var auglýst frá 5. janúar 2018 til og með 16. febrúar 2018. Engar athugasemdir bárust. Einnig er lagt fram erindi Minjastofnunar Íslands dags. 10. janúar 2018 þar sem stofnunin minnir á að mannvirki við Reykjavíkurtjörn eru friðlýst og óskar eftir að hið friðlýsta mannvirki verði auðkennt á uppdrættinum.

Vísað til umhverfis-og skipulagsráðs
30.18 Heklureitur, lýsing
Lögð fram umsókn Yrki arkitekta ehf. dags. 8. febrúar 2018 ásamt tillögu dags. 8. febrúar 2018 að deiliskipulagi fyrir Heklureit. Í tillögunni felst í megin atriðum að allur götureiturinn er skipulagður sem heildstæð byggð á sex lóðum í stað þriggja lóða áður. Lagt er til breytt fyrirkomulag og gerð 2-8 hæða bygginga sem allar hafa inngarð, með verslun á jarðhæðum og íbúðum á efri hæðum. Íbúðum á reitnum er að hámarki fjölgað um 400.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá nr. 1193/2016 um gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg
31.18 Skeifan, rammaskipulag
Að lokinni kynningu er lögð fram að nýju tillaga að rammaskipulagi Kanon arkitekta ehf. fyrir Skeifuna dags. 13. desember 2017. Einnig er lögð fram greinargerð Kanon arkitekta ehf. dags. 13. desember 2017, húsakönnun Borgarsögusafns Reykjavíkur og minnisblað EFLU um hljóðvist dags. 4. desember 2017. Kynning stóð til og með 27. febrúar 2018. Eftirtaldir sendu inn athugasemdir/ábendingar: Elías Theodórsson dags. 17. janúar 2017, 8 fulltrúar lóðarhafa og eigenda um helmings fasteigna í Skeifunni dags. 31. janúar 2018,

Einnig er lögð fram umsögn Veitna ohf. dags. 1. febrúar 2018,

Vísað til umhverfis-og skipulagsráðs
32.18 Skerjafjörður Þ5, forsögn fyrir rammaskipulag
Að lokinni kynningu er lögð fram að nýju forsögn fyrir rammaskipulag fyrir þróunarsvæði 5 Nýja Skerjafjörð dags. í nóvember 2017. Kynning stóð til og með 18. desember 2017. Eftirtaldir aðila sendu inn umsagnir/ábendingar/athugasemdir: íþrótta og tómstundasviðs dags. 29. nóvember 2017, Vegagerðin dags. 11. desember 2017, skrifstofa umhverfisgæða dags. 12. desember 2017, Veðurstofa Íslands dags. 12. desember 2017, Heilbrigðiseftirlits Reykjavíkur, dags. 14. desember 2017, Veitur dags. 18. desember 2017, Samgöngustofa dags. 21. desember 2017, Isavia dags. 21. desember 2017 og Kópavogsbær dags. 21. desember 2017.
Einnig er lögð fram umsögn Minjastofnunar Íslands dags. 10. janúar 2018, umsögn Umhverfisstofnunar, dags. 12. janúar 2018 og bréf Prýðifélagsins Skjaldar, íbúasamtök Skerjafjarðar sunnan flugvallar, dags. 13. janúar 2018.

Vísað til umhverfis-og skipulagsráðs
33.18 Aðalskipulag Reykjavíkur 2010-2030, efnisvinnslusvæði í Álfsnesvík, breyting á aðalskipulagi
Að lokinni kynningu er lögð fram að nýju verklýsing umhverfis- og skipulagssviðs dags. janúar 2018 vegna breytingu á aðalskipulagi Reykjavíkur 2010-2030 og nýs deiliskipulags fyrir efnisvinnslusvæði í Álfsnesvík. Kynning stóð til og með 20. febrúar 2018. Eftirtaldir sendu umsagnir: Umhverfisstofnun dags. 5. febrúar 2018, Minjastofnun Íslands dags. 12. febrúar 2018, Seltjarnarnesbær dags. 13. febrúar 2018, Skipulagsstofnun dags. 16. febrúar 2018, Heilbrigðiseftirlit Reykjavíkur dags. 19. febrúar 2018 og Náttúrufræðistofnunar Íslands dags. 19. febrúar 2018.

Vísað til umsagnar deildarstjóra aðalskipulags Reykjavíkur.
34.18 Mosfellsbær, aðalskipulag, tillaga að breytingu á aðalskipulagi, athafnasvæði í Flugumýri/Desjamýri
Lagt fram erindi Mosfellsbæjar dags. 19. febrúar 2018 þar sem kynnt er tillaga að breytingu á aðalskipulagi Mosfellsbæjar 2011-2030 fyrir athafnasvæði í Flugumýri/Desjamýri sem felst í breyttri landnotkun, samkvæmt uppdr. teiknistofu arkitekta Gylfa Guðjónssonar og félaga ehf. dags. 8. janúar 2018. Óskað er eftir að athugasemdir/umsagnir berist fyrir 12. mars 2018.

Vísað til umsagnar deildarstjóra aðalskipulags Reykjavíkur.