Dugguvogur 1B, Fiskislóð 53-69, Rafstöðvarvegur 7-9, Skotfélag Reykjavíkur og Skotreyn, Súðarvogur 2E-2F, Haukdælabraut 78-92, Hverfisgata 85-91 og 93, Barónsreitur, Rauðalækur 34, Skipholt 1, Viðarrimi 31, Bergstaðastræti 49, Eggertsgata 2-34 og Suðurgata 121, stúdentagarðar, Frakkastígur 7, Hátún 6A, Kárastígur 13, Meðalholt 10, Spítalastígur 8, Öldugata 7A, Álagrandi 6, Bergþórugata 23, Aðalskipulag Reykjavíkur 2010-2030, Hraunbær-Bæjarháls, Hraunbær-Bæjarháls, Hverfisgata 57 og 59, Jafnasel 6, Malarhöfði 8, Skútuvogur 2, Lautarvegur 38, 40, 42 og 44, Lindargata 14, Óðinsgata 4, Snorrabraut 54, Tunguvegur 19, Bjarkargata 6, Heiðargerði 21, Hverfisgata 106, Láland 18-24, Nýlendugata 22, Vesturgata 54, Bergstaðastræti 27 og 29, Háaleitisbraut 175, Hlíðarendi 20-26, Laugavegur 107, Njálsgata 26, Reitur 1.174.0, Landsbankareitur, Skipholt 27, Vesturgata 4, Ásvallagata 27, Bragagata 26A,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

609. fundur 2016
Ár 2016, föstudaginn 11. nóvember kl. 09:10 var haldinn 609. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:

1.16 Dugguvogur 1B, staðsetning ökutækjaleigu
Lagt fram bréf Samgöngustofu, dags. 8. nóvember 2016, þar sem óskað er eftir umsögn Reykjavíkurborgar á umsókn Andra Fannars Helgasonar f.h. Drive and sleep ehf. um rekstur ökutækjaleigu að Dugguvogi 1B. Sótt er um leyfi fyrir 5 ökutækjum til útleigu.
Vísað til umsagnar verkefnisstjóra.
2.16 Fiskislóð 53-69, nr. 53 - staðsetning ökutækjaleigu
Lagt fram bréf Samgöngustofu, dags. 8. nóvember 2016, þar sem óskað er eftir umsögn Reykjavíkurborgar á umsókn Sævars Baldurssonar f.h. Farmal ehf. um rekstur ökutækjaleigu að Fiskislóð 53. Sótt er um leyfi fyrir 4 ökutækjum í útleigu.

Vísað til umsagnar verkefnisstjóra.
3.16 Rafstöðvarvegur 7-9, Breyting inni - nýir gluggar, hurðir o.fl.
Lagt fram erindi frá afgreiðslufundi byggingarfulltrúa frá 8. nóvember 2016 þar sem sótt er um leyfi fyrir innri breytingum og ytri sem eru þær helstar að stækkað er milligólf, nýr flóttastigi, ný hurð og iðnaðarhurð er lokuð í mhl 01 í húsinu á lóð nr. 7 - 9 við Rafstöðvarveg.
Stækkun vegna milligólfs: 419,8 ferm. Gjald kr. 10.100

Vísað til umsagnar verkefnisstjóra.
4.16 Skotfélag Reykjavíkur og Skotreyn, (fsp) framkvæmdaleyfi
Lögð fram fyrirspurn Skotveiðifélags Reykjavíkur og nágrennis, mótt. 3. nóvember 2016, um framkvæmdaleyfi vegna æfingasvæðis Skotreynar í Álfsnesi sem felst í að slétta og tyrfa (eða sá í) æfingarvöll/skotvöll. Lögð fram umsögn skipulagsfulltrúa, dags. 11. nóvemberber 2016.

Umsögn skipulagsfulltrúa samþykkt, dags. 11. nóvember 2016.
Framkvæmd telst óveruleg og ekki háð framkvæmdaleyfi, sbr. reglugerð um framkvæmdaleyfi nr. 772/2012.
5.16 Súðarvogur 2E-2F, Breytingar á innra skipulagi
Á embættisafgreiðslufundi skipulagsfulltrúa 30. september 2016 var lagt fram erindi frá afgreiðslufundi byggingarfulltrúa frá 27. september 2016 þar sem sótt er um leyfi til að breyta innra skipulagi og uppfæra eldvarnir, ásamt því að breyta fyrirkomulagi á lóð og nýta hana sem geymslusvæði fyrir sýru, gas og klór við atvinnuhúsnæði á lóð nr. 2E og 2F við Súðarvog. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 11. nóvember 2016.
Gjald kr. 10.100

Umsögn skipulagsfulltrúa samþykkt, dags. 11. nóvember 2016.
6.16 Haukdælabraut 78-92, breyting á deiliskipulagi
Að lokinni grenndarkynningu er lögð fram að nýju umsókn Jóns Guðmundssonar, mótt. 29. ágúst 2016, varðandi breytingu á deiliskipulagi Reynisvatnsás vegna lóðarinnar nr. 78-92 við Haukdælabraut. Breytingin felst í því að byggingareitur til norðausturs er stækkaður um 1,2 m, afmörkun lóðarhluta til einkanota húsa nr. 86-92 færist til um 1 m til norðausturs, byggingarmagn miðað við A rými er aukið um 8 m2, fyrir hvert hús, heimilt hlutfall útbygginga við gafl er aukið í 75%, fallið er frá kvöð um kennileiti á byggingum lóðarinnar, fyrirkomulagi bílastæða innan lóðar og í götu er breytt, samkvæmt uppdr. Jóns Guðmundssonar, dags. 23. ágúst 2016. Tillagan var grenndarkynnt frá 7. október til og með 4. nóvember 2016. Eftirtaldi aðilar sendu athugasemdir: Jón Ingi Lárusson, dags. 1. nóvember 2016 og Kristín Sigurey Sigurðardóttir, dags. 4. nóvember 2016.

Vísað til umsagnar verkefnisstjóra.
7.16 Hverfisgata 85-91 og 93, Barónsreitur, breyting á deiliskipulagi
Lögð fram umsókn Rauðsvíkur ehf., mótt. 8. nóvember 2016, varðandi breytingu á deiliskipulagi Barónsreits vegna lóðanna nr. 85-91 og 93 við Hverfisgötu. Í breytingunni sameining lóðanna og flytja íbúðarheimildir þriggja íbúða af Skúlagötu 30 yfir á Hverfisgötu 95-91, samkvæmt uppdr. Tark. ehf., dags. 7. nóvember 2016.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
8.16 Rauðalækur 34, (fsp) viðbygging
Lögð fram fyrirspurn Áslaugar Drafnar Sigurðardóttur, mótt. 10. október 2016, um að byggja bíslag við inngang kjallara hússins á lóð nr. 34 við Rauðalæk. EInnig lögð fram umsögn skipulagsfulltrúa dags. 10. nóvember 2016.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 10. nóvember 2016.
9.16 Skipholt 1, Hótel - Endurbygging og stækkun
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 20. september 2016 þar sem sótt er um leyfi til að byggja 4. hæð ofaná og 5. hæð yfir hluta húss, sameina í einn matshluta og innrétta gististað í flokki IV, teg. hótel, með 84 herbergjum fyrir 170 gesti í verslunar- og skrifstofuhúsi á lóð nr. 1 við Skipholt. Erindi var grenndarkynnt frá 4. október til og með 1. nóvember 2016. Eftirtaldir aðilar sendu athugasemdir: Rúnar Björgvinsson, dags. 8. október 2016, Gísli Jónsson f.h. PK arkitektar ehf., dags. 17. október 2016, Vilma Kinderyte, dags. 22. október 2016, Jóhanna Cortes Andrésdóttir, Theodóra Thoroddsen, Drífa Nadía Mechiat og Mark Anthony Rodriguez, dags. 28. október 2016, Unnur Egilsdóttir og Þorsteinn Þorsteinsson, dags. 30. október 3016, Gísli Guðni Hall hrl., frá Mörkinni lögmannsstofu f.h. 37 íbúða ehf., dags. 31. október 2016 og Nína Kristjánsdóttir, dags. 31. október 2016. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 4. nóvember 2016 og er nú lagt fram að nýju.
Erindi fylgir bréf hönnuða, greinargerð um ábyrgðarsvið hönnuða dags. 10. maí 2016, brunahönnun frá EFLU síðast uppfærð í september 2016, greinargerð I vegna hljóðvistar dags. í maí 2016 og greinargerð frá Lotu um burðarvirkishönnun ódagsett. Einnig útskrift úr gerðabók embættisafgreiðslufundar skipulagsfulltrúa frá 19. ágúst 2016 ásamt umsögn skipulagsfulltrúa dags. 18. ágúst 2016. Stækkun: 540,2 ferm., 2.095 rúmm. Eftir stækkun, A-rými: 3.478,4 ferm., 10.809,8 rúmm. B-rými: 121,3 ferm., 856,4 rúmm. C-rými: 156,1 ferm. Gjald kr. 10.100

Kynna formanni umhverfis- og skipulagsráðs.
10.16 Viðarrimi 31, (fsp) stækkun húss, sólstofa
Lögð fram fyrirspurn Ögmundar Ásmundssonar Reykdal, mótt. 18. október 2016, um stækkun hússins á lóð nr. 31 við Viðarrima sem felst í byggingu sólstofu við suðurhlið hússins og stækkun á forstofu/þvottahúsi. Einnig lögð fram umsögn skipulagsfulltrúa dags. 10. nóvember 2016.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 10. nóvember 2016
11.16 Bergstaðastræti 49, breyting á deiliskipulagi
Lögð fram umsókn Kanon arkitekta ehf., mótt. 1. nóvember 2016, varðandi breytingu á deiliskipulagi Urðarstígsreits, reitur 1.186.1, vegna lóðarinnar nr. 49 við Bergstaðastræti. Í breytingunni felst að fjarlægja núverandi timburverönd og viðbyggingu við suðurhlið hússins og byggja nýja, lága viðbyggingu á sama stað í hæð sem nemur hæð kjallara. Á þaki nýrrar viðbyggingar verður ný verönd í stað þeirrar núverandi. samkvæmt uppdr. Kanon arkitekta ehf., dags. 1. nóvember 2016.

Vísað til umhverfis-og skipulagsráðs

Komi til auglýsingar á breytingu deiliskipulagi, þarf umsækjandi áður að greiða skv. 7.5. gr., sbr. 12. gr. gjaldskrá vegna kostnaðar við skipulagsvinnu nr. 1111/2014.
12.16 Eggertsgata 2-34 og Suðurgata 121, stúdentagarðar, (fsp) sorphirða, djúpgámar
Á embættisafgreiðslufundi skipulagsfulltrúa 4. nóvember 2016 var lögð fram fyrirspurn Félagsstofnunar Stúdenta, mótt. 6. október 2016, um að breyta fyrirkomulagi sorphirðu í Stúdentagörðum við Eggertsgötu 2-34 og Suðurgötu 121 og innleiða djúpgáma, samkvæmt uppdr. Arkþings, ódags. Einnig er lagt fram bréf Arkþings ehf., dags. 6. október 2016. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 10. nóvember 2016.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 10. nóvember 2016.
13.16 Frakkastígur 7, breyting á deiliskipulagi
Á embættisafgreiðslufundi skipulagsfulltrúa 28. október 2016 var lögð fram umsókn Sindra Gunnarssonar, mótt. 11. október 2016, um breytingu á deiliskipulagi reits 1.173.0 vegna lóðar nr. 7 við Frakkastíg. Sótt er um að deiliskipulagi lóðarinnar verði breytt þannig að ákvæði um niðurrif verði fellt út og heimilað verði að byggja ofan á matshluta 03. Erindinu var vísað til umsagnar verkefnisstjóra og er nú lagt fram að nýju.

Frestað.
Umsækjandi hafi samband við embætti skipulagsfulltrúa.
14.16 Hátún 6A, stækkun lóðar
Lagður fram tölvupóstur skrifstofu borgarsstjórnar, dags. 9. nóvember 2016, þar sem erindi Hálands ehf., dags. 8. febrúar 2016, varðandi stækkun lóðarinnar nr. 6A við Hátún er vísað til meðferðar umhverfis- og skipulagssviðs.

Vísað til meðferðar hjá verkefnisstjóra.
15.16 Kárastígur 13, Rishæð, anddyri, svalir, breyting inni
Lagt fram erindi frá afgreiðslufundi byggingarfulltrúa frá 8. nóvember 2016 þar sem sótt er um leyfi til að byggja rishæð ásamt tveimur nýjum anddyrum og svölum auk innanhússbreytinga í húsi á lóð nr. 13 við Kárastíg.
Stækkun A-rými x ferm., x rúmm. Gjald kr. 10.100

Ekki eru gerðar skipulagslegar athugasemdir við erindið.
16.16 Meðalholt 10, (fsp) kvistur
Á embættisafgreiðslufundi skipulagsfulltrúa 4. nóvember 2016 var lögð fram fyrirspurn Sigrúnar Erlu Sigurðardóttur og Jóhanns Egils Jóhannssonar, mótt. 19. október 2016, um að setja kvist á húsið á lóð nr. 10 við Melaholt. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 11. nóvember 2016.

Neikvætt, með vísan til umsagnar skipulagsfulltrúa dags. 11. nóvember 2016.
17.16 Spítalastígur 8, breyting á deiliskipulagi
Á embættisafgreiðslufundi skipulagsfulltrúa 4. nóvember 2016 var lögð fram umsókn Ásmundar Jóhannssonar, mótt. 27. október 2016, varðandi breytingu á deiliskipulagi reits 1.184.1 vegna lóðarinnar nr. 8 við Spítalastíg. Í breytingunni felst að stækka 2. hæð hússins að gafli spítalastígs 10 og hækka framhús um eina hæð þannig að framhús verði 3. hæðir, hækka bakbyggingu að gafli Bergstaðastætis 17B um eina hæð þannig að bakbygging verði 2. hæðir og nota hluta þaks bakbyggingar sem flóttaleið og til útivistar., samkvæmt uppdr. Arko., dags. 20. október 2016. Erindinu var vísað til meðferðar hjá verkefnisstjóra og er nú lagt fram að nýju.

Frestað.
Umsækjandi hafi samband við embætti skipulagsfulltrúa.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.


18.16 Öldugata 7A, Svalir - 0101
Lagt fram erindi frá afgreiðslufundi byggingarfulltrúa frá 8. nóvember 2016 þar sem sótt er um leyfi til að byggja svalir á suðurhlið við íbúð 0101 í fjölbýlishúsi á lóð nr. 7a við Öldugötu.
Útskrift úr gerðabók embættisafgreiðslufundar skipulagsfulltrúa frá 14. október 2016 fylgir erindinu ásamt umsögn skipulagsfulltrúa dags. 14. október 2016. Bréf hönnuðar dags. 03.09.2016 fylgir erindi ásamt samþykki meðlóðarhafa dags. 03.09.2016.
Gjald kr. 10.100

Samþykkt að grenndarkynna framlagða tillögu fyrir hagsmunaaðilum að Öldugötu 5, 7 og 9 og Túngötu 18 og 20.
19.16 Álagrandi 6, breyting á deiliskipulagi
Lögð fram fyrirspurn ASK Arkitekta ehf., mótt. 31. október 2016, varðandi breytingu á deiliskipulagi vegna lóðarinnar nr. 6 við Álagranda. Í breytingunni felst að bæta við nýjum byggingarreit á lóð fyrir hús sem nýtt verður sem vinnuherbergi/tómstundaherbergi, samkvæmt uppdr. ASK Arkitekta ehf., dags. 28. október 2016.

Vísað til umsagnar verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.


20.16 Bergþórugata 23, svalir
Á embættisafgreiðslufundi skipulagsfulltrúa 4. nóvember 2016 var lagt fram erindi frá afgreiðslufundi byggingarfulltrúa frá 1. nóvember 2016 þar sem sótt er um leyfi til að breyta erindi BN049455, að byggja fernar svalir að inngarði og einar franskar svalir á horni að götu í íbúðarhúsi á lóð nr. 23. við Bergþórugötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 11. nóvember 2016.
Samþykki meðeigenda fylgir erindi. Gjald kr. 10.100

Umsögn skipulagsfulltrúa samþykkt, dags. 11. nóvember 2016.
21.16 Aðalskipulag Reykjavíkur 2010-2030, Hraunbær-Bæjarháls, breyting á aðalskipulagi, breytt landnotkun og fjölgun íbúða
Lögð fram verklýsing umhverfis- og skipulagsviðs, dags. 11. nóvember 2016, vegna breytingar á aðalskipulagi Reykjavíkur 2010-2030 þar sem breytt er landnotkun og íbúðum fjölgað íbúða við Hraunbæ-Bæjarháls.

Vísað til umhverfis-og skipulagsráðs
22.16 Hraunbær-Bæjarháls, deiliskipulag
Lögð fram lýsing umhverfis- og skipulagssviðs, dags. 11. nóvember 2016 vegna gerðs nýs deiliskipulags fyrir Hraunbæ-Bæjarháls við Tunguháls sem felst í breytingu á hagnýtingu lóðarinnar úr opnu svæði í íbúðarbyggð og fjölgun íbúða.

Vísað til umhverfis-og skipulagsráðs
23.16 Hverfisgata 57 og 59, (fsp) breyting á deiliskipulagi
Á embættisafgreiðslufundi skipulagsfulltrúa 4. nóvember 2016 var lögð fram fyrirspurn Ingunnar Helgu Hafstað, mótt. 15. september 2016, varðandi breytingu á deiliskipulagi Skúlagötusvæðis sem felt í rýmkun heimilda um gistiþjónustu við Hverfisgötu. Einnig er lögð fram greinargerð Ingunnar Helgu Hafstað, dags. 14. september 2016. Fyrirspurninni var vísað til umsagnar verkefnisstjóra og er nú lögð fram að nýju.

Vísað til umhverfis-og skipulagsráðs
24.16 Jafnasel 6, (fsp) stækkun lóðar, fjölgun bílastæða o.fl.
Lögð fram fyrirspurn Elízabetar Guðnýjar Tómasdóttur, mótt. 26. október 2016, um að stækka lóðina nr. 6 við Jafnasel í norðvestur að lóðarmörkum Krónunnar að Jafnaseli 2-4, fjölga bílastæðum í 40 og fækka innkeyrslum á lóð úr tveimur í eina, samkvæmt tillögu Landslags ehf., dags. í október 2016.

Vísað til umsagnar verkefnisstjóra.
25.16 Malarhöfði 8, (fsp) breyting á notkun
Lögð fram fyrirspurn Direktu lögmannsstofu, mótt. 4. nóvember 2016, um að breyta rými í húsinu á lóð nr. 8 við Malarhöfða sem innréttað er sem húsvarðaríbúð í íbúð.

Vísað til umsagnar verkefnisstjóra.
26.16 Skútuvogur 2, (fsp) breyting á aðalskipulagi, matvöruverslun
Lögð fram fyrirspurn ASK arkitekta ehf., mótt. 1. nóvember 2016, um rekstur matvöruverslunar í húsinu á lóð nr. 2 við Skútuvog. Einnig er lagt fram bréf ASK Arkitekta ehf., dags. 1. nóvember 2016.
Vísað til meðferðar hjá verkefnisstjóra.
27.16 Lautarvegur 38, 40, 42 og 44, breyting á deiliskipulagi
Að lokinni auglýsingu er lögð fram að nýju umsókn Fimra ehf., mótt. 9. ágúst 2016, varðandi breytingu á deiliskipulagi Neðan Sléttuvegar vegna lóðanna nr. 38, 40, 42 og 44 við Lautarveg. Í breytingunni felst breyting á húsgerð úr raðhúsi (4 íbúðir) í tvíbýlishús (8 íbúðir) og færslu á lóðarmörkum Lautarvegar 34, 40 og 42 um 0,5 m. til vesturs þannig að lóðin Lautarvegur 38 minnkar um 0,5 m., en lóðin Lautarvegur 44 stækkar um 0,5 m., lóðirnar Lautarvegur 40 og 42 eru jafn breiðar og áður, samkvæmt uppdr. Rúnars Gunnarssonar, dags. 7. ágúst 2016. Tillagan var auglýst frá 9. september til og með 21. október 2016. Eftirtaldir aðilar sendu athugasemdir: Jón Ólafsson, dags. 18. október 2016, Jón Ómar Finnsson, dags. 18. október 2016, Kristján Hilmarsson, dags. 19. október 2016 og Hilmar Gunnarsson hdl. frá Mörkinni lögmannsstofu f.h. Helgu Sigmundsdóttur og Ragnars Þórs Hannessonar, dags. 20. október 2016. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 28. október 2016 og er nú lagt fram að nýju.

Vísað til umhverfis-og skipulagsráðs
28.16 Lindargata 14, breyting á notkun
Lögð fram umsókn Pökkun og flutningar ehf., mótt. 8. nóvember 2016, um breytingu á notkun rýmis 0101 í húsinu á lóð nr. 14 við Lindargötu úr iðnaðarhúsnæði í íbúðarhúsnæði, samkvæmt teikningu Plúsarkitekta ehf., dags. 11. júní 2013.

Vísað til meðferðar hjá verkefnisstjóra.
29.16 Óðinsgata 4, (fsp) svalir
Lögð fram fyrirspurn Ögmundar Ásmundssonar reykdal, mótt. 18. október 2016, um að setja svalir á húsið á lóð nr. 4 við Óðinsgötu.

Vísað til umsagnar verkefnisstjóra.
30.16 Snorrabraut 54, (fsp) breyting á deiliskipulagi
Lögð fram fyrirspurn Páls Hjalta Hjaltasonar, mótt. 7. nóvember 2016, varðandi breytingu á deiliskipulagi Heilsuverndarreits vegna lóðarinnar nr. 54 við Snorrabraut sem felst í að byggja upp verslun, þjónustu og hótel, samkvæmt tillögu, ódags.

Vísað til umsagnar verkefnisstjóra.
31.16 Tunguvegur 19, breyting á deiliskipulagi
Að lokinni grenndarkynningu er lögð fram að nýju umsókn Guðmundar Gunnlaugssonar, mótt. 17. ágúst 2016, varðandi breytingu á deiliskipulagi vegna lóðar nr. 19 við Tunguveg. Í breytingunni felst að heimilað er að innrétta nýja íbúð (baka til) og kaffihús (meðfram götuhlið) á 1. hæð hússins auk gistirýmis til útleigu ferðamanna á 1. hæð í bílskúr ásamt hækkun á þaki hússins með kvisti, samkvæmt uppdr. Guðmundar Gunnlaugssonar ehf., dags. 10. ágúst 2016. Tillagan var grenndarkynnt frá 28. september 2016 til og með 26. október 2016. Eftirtaldir aðilar sendu athugasemdir: Guðmundur Þór Jónsson, dags. 11. október 2016, Sigrún Sigfúsdóttir og Gunnar Böðvarsson, dags. 21. október 2016, Auðun Sæmundsson, 21. október 2016, Guðmundur H. Sigurðsson og Montree Sakulkeaw, dags. 24. október 2016, Karen Hauksdóttir og Hildur Jónsdóttir, dags. 25. október 2016 og Þórhildur Guðjónsdóttir og Erlingur Ellertsson, dags. 25. október 2016. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 28. október 2016 og er nú lagt fram að nýju ásamt skuggavarpi, dags. 11. nóvember 2016.


Vísað til umhverfis-og skipulagsráðs
32.16 Bjarkargata 6, Kjallaratröppur á norðurhlið
Lagt fram erindi frá afgreiðslufundi byggingarfulltrúa frá 8. nóvember 2016 þar sem sótt er um leyfi til að byggja kjallaratröppur í innkeyrslu á norðurhlið á íbúðarhúsi á lóð nr. 6 við Bjarkagötu.
Erindi BN051676 jafnframt dregið til baka. Gjald kr. 10.100

Vísað til umsagnar verkefnisstjóra.
33.16 Heiðargerði 21, Viðbygging
Lagt fram erindi frá afgreiðslufundi byggingarfulltrúa frá 8. nóvember 2016 þar sem sótt er um leyfi til að byggja tveggja hæða viðbyggingu á vesturhlið og einnar hæðar viðbyggingu austan við raðhúsið á lóð nr. 21 við Heiðargerði.
Stækkun: 33,2 ferm., 93,8 rúmm. Gjald kr. 10.100

Vísað til umsagnar verkefnisstjóra.
34.16 Hverfisgata 106, (fsp) gildandi deiliskipulag og breytingar
Á embættisafgreiðslufundi skipulagsfulltrúa 14. október 2016 var lögð fram fyrirspurn Noland arkitekta ehf., mótt. 9. september 2016, um gildandi deiliskipulag vegna lóðarinnar nr. 106 við Hverfisgötu sem snýr að útbyggingu og/eða svölum innan byggingarreits lóðarinnar og nýtingarhlutfalli lóða nr. 104, 104A og 106 við Hverfisgötu. Einnig er spurt um möguleika á stækkun og hækkun hússins og hvort leyft yrði að færa friðað hús inn á lóðina, samkvæmt fyrirspurnargögnum, ódags. Fyrirspurninni var vísað til umsagnar verkefnisstjóra og er nú lögð fram að nýju.


Vísað til umhverfis-og skipulagsráðs
35.16 Láland 18-24, breyting á deiliskipulagi
Lögð fram umsókn Jóns Hrafns Hlöðverssonar, mótt. 3. nóvember 2016, varðandi breytingu á deiliskipulagi Fossvogshverfis, svæði 3, vegna lóðarinnar nr. 18-24 við Láland. Í breytingunni felst að byggingarreitur er stækkaður um 1,5 metra til suðurs á hluta byggingarreits, samkvæmt uppdr. Mansard teiknistofu ehf. dags. 12. október 2016. Einnig er lögð fram greinargerð Mansard teiknistofu ehf., dags. 12. september 2016 og samþykki meðlóðarhafa, mótt. 3. nóvember 2016.

Samþykkt að grenndarkynna framlagða tillögu fyrir hagsmunaaðilum að Lálandi 14,16,17 og 23.

Vakin er athygli á að erindið fellur undir lið 7.6 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
36.16 Nýlendugata 22, (fsp) svalir
Lögð fram fyrirspurn Ögmundar Ásbjörnssonar Reykdal, mótt. 18. október 2016, um að setja svalir á austurhlið hússins á lóð nr. 22 við Nýlendugötu.

Vísað til umsagnar verkefnisstjóra.
37.16 Vesturgata 54, (fsp) hækkun húss
Á embættisafgreiðslufundi skipulagsfulltrúa 28. október 2016 var lögð fram fyrirspurn Sigurðar Hallgrímssonar, mótt. 16. október 2016, varðandi hækkun hússins á lóð nr. 54 við Vesturgötu um eina hæð og ris. Fyrirspurninni var vísað til umsagnar verkefnisstjóra og er nú lögð fram að nýju.

Vísað til umhverfis-og skipulagsráðs
38.16 Bergstaðastræti 27 og 29, (fsp) uppbygging
Lögð fram fyrirspurn Gests Ólafssonar f.h. eigenda/lóðarhafa Bergstaðastrætis 27 og 29, mótt. 14. október 2016, varðandi uppbyggingu á lóðunum nr. 27 og 29 við Bergstaðastræti, samkvæmt uppdr. Skipulags-, arkitekta- og verkræðistofunnar ehf., dags. 29. apríl 2016. Einnig lagt fram bréf hönnuðar, dags. 12. október 2016.

Vísað til umsagnar verkefnisstjóra.
39.16 Háaleitisbraut 175, (fsp) stækkun á bráðabirgðar bílastæði
Lögð fram fyrirspurn Sindra Sveinbjörnssonar, mótt. 28. október 2016, um að stækka bráðabirgðar malar bílastæði sem er við Landspítalann í Fossvogi að Háaleitisbraut 175.

Vísað til umsagnar verkefnisstjóra.
40.16 Hlíðarendi 20-26, (fsp) fjölgun íbúða
Á embættisafgreiðslufundi skipulagsfulltrúa 4. nóvember 2016 var lögð fram fyrirspurn Sigurðar Hallgrímssonar, mótt. 1. nóvember 2016, varðandi fjölgun íbúða á lóð nr. 20-26 við Hlíðarenda, merkt E á gildandi deiliskipulagsuppdrætti. Einnig er lögð fram greinargerð Arkþings ehf., dags. 28. október 2016. Fyrirspurninni var vísað til umsagnar verkefnisstjóra og er nú lögð fram að nýju.
Kynna formanni umhverfis- og skipulagsráðs.
41.16 Laugavegur 107, Breyta Hlemmi í matarmarkað
Á embættisafgreiðslufundi skipulagsfulltrúa 4. nóvember 2016 var lagt fram erindi frá afgreiðslufundi byggingarfulltrúa frá 1. nóvember 2016 þar sem sótt er um leyfi til breytinga innanhúss fyrir Hlemm matarmarkað í strætóbiðstöð á lóð nr. 107 við Laugaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 11. nóvember 2016.
Útskrift úr gerðabók embættisafgreiðslufundar skipulagsfulltrúa frá 4. mars 2016 fylgir erindi BN050623, ásamt umsögn skipulagsfulltrúa dags. 3. mars 2016. Einnig greinargerð Mannvits frá 26.7. 2016, hljóðvistarskýrsla Eflu dags. 27.7. 2016, brunahönnun Eflu dags. 26.7. 2016, sem og gátlisti, bréf arkitekts dags. 25.10. 2016 og skema yfir fyrirtæki, tímasetning, áhöld, tæki og hráefni. Gjald kr. 10.100

Jákvætt er tekið í við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 11. nóvember 2016.
42.16 59">Njálsgata 26, (fsp) svalir
Lögð fram fyrirspurn Guðrúnar Maríu Finnbogadóttur og Fergus Quentin Livingstone, mótt. 2. nóvember 2016, um að setja salir á austurgafl hússins á lóð nr. 26. við Njálsgötu, samkvæmt uppdr. Arko, dags. 14. október 2016.

Vísað til umsagnar verkefnisstjóra.
43.16 Reitur 1.174.0, Landsbankareitur, breyting á skilmálum deiliskipulags
Lögð fram umsókn Rauðsvíkur, mótt. 8. nóvember varðandi breytingu á skilmálum deiliskipulags reits 1.174.0, Landsbankareits, vegna lóðanna nr. 92 við Hverfisgötu og 73 við Laugaveg. Í breytingunni felst að lagfærð er stærð kjallara hússins í skilmálatöflu o.fl., samkvæmt uppdr. Tark. dags. 7. nóvember 2016

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
44.16 Skipholt 27, breyting á deiliskipulagi
Á embættisafgreiðslufundi skipulagsfulltrúa 28. október 2016 var lögð fram umsókn Kjartans Hafsteins Rafnssonar, mótt. 17. október 2016, varðandi breytingu á deiliskipulagi Skipholtsreits vegna lóðarinnar nr. 27 við Skipholt. Í breytingunni felst hækkun á framhúsi um eina hæð, samkvæmt uppdr. K.J. hönnunar ehf., dags. 3. október 2016. Erindinu var vísað til meðferðar hjá verkefnisstjóra og er nú lagt fram að nýju.

Vísað til umhverfis-og skipulagsráðs

Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1111/2014.
45.16 Vesturgata 4, (fsp) fjölgun íbúða, gististaður
Lögð fram fyrirspurn Davíðs Kr. Pitt, mótt. 25. október 2016, um fjölgun íbúða á 2. hæð hússins á lóð nr. 4 við Vesturgötu úr einni í tvær og reka þar gististað. Einnig er lagt fram bréf Davíðs Kr. Pitt
Vísað til umsagnar verkefnisstjóra.
46.16 ">Ásvallagata 27, endurnýja þak og byggja tvö kvisti
Lagt fram bréf frá afgreiðslufundi byggingarfulltrúa frá 23. ágúst 2016 þar sem sótt er um leyfi til að byggja tvo kvisti samhliða endurnýjun á þaki, ásamt veggsvölum á bakhlið á 1. og 2. hæð og rishæð í fjölbýlishúsi á lóð nr. 27 við Ásvallagötu. Einnig lögð fram umsögn skipulagsfulltrúa dags. 26. ágúst 2016.
Stækkun A-rými x ferm. x rúmm. B-rými x ferm. og x rúmm. C-rými. Gjald kr. 10.100

Leiðrétt bókun af fundi 26. ágúst 2016: Umsögn skipulagsfulltrúa dags. 26. ágúst 2016 dregin til baka og rétt bókun er : Samþykkt að grenndarkynna framlagða tillögu fyrir hagsmunaaðilum að Ásvallagötu 18, 20, 25 og 29 og Brávallagötu 40.
47.16 Bragagata 26A, Endurnýjun - BN035456
Lagt fram erindi frá afgreiðslufundi byggingarfulltrúa frá 17. maí 2016 þar sem sótt er um leyfi til að byggja nýjar svalir á suðvesturgafli, koma fyrir þaksvölum og skjólgirðingu ofan á geymsluskúr og reisa skjólvegg á lóðarmörkum við raðhús á lóðinni nr. 26A við Bragagötu.
Sjá erindi BN035456 sem samþykkt var 29. ágúst 2007. Meðfylgjandi er samþykki meðeiganda dags. 23. maí 2014 og samþykki nágranna á nr. 24 og 26 dags. 23. maí 2014. Gjald kr 9.500

Málið er fellt niður þar sem umsækjandi hefur ekki brugðist við bréfi byggingarfulltrúa dags. 16. október 2015.