Arnarholt 221217, Krókháls 13, Lambhagavegur 23, Kjalarnes, Fitjakot, Útilistaverk, Hverfisgata 12, Hverfisgata 78, Laugavegur 118, Lokastígur 3, Urðarstígur 8, Vatnsstígur 8, Þórsgata 29, Ægisgata 7, Brautarholt 4-4A, Gunnarsbraut 40, Hólavallagata 3, Ingólfsgarður, Brokey, Kjalarnes, Grundarhverfi - Vallargrund, Saltvík 125744, Skólavörðustígur 40, Völvufell 11a, Fossaleynir 19-23, Dofraborgir 12-18, Laugavegur 66-68, Laugavegur 100, Skólavörðustígur 23, Grundarstígur 10, Bauganes 40, Rauðagerði 74, Skerplugata 4 og 6, Reitur 1.171.1 Hljómalindarreitur, Fossagata 15, Hesthamrar 2, Hverfisgata 53, Hverfisgata 55, Langirimi 21-23, Logafold 118, Týsgata 4B,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

469. fundur 2013
Ár 2013, föstudaginn 22. nóvember kl. 09:20, hélt skipulagsfulltrúi Reykjavíkur 469. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir, Marta Grettisdóttir. Eftirtaldir embættismenn kynntu mál á fundinum: Björn Ingi Edvardsson, Margrét Þormar, Haraldur Sigurðsson, Margrét Leifsdóttir, Gunnar Sigurðsson, Guðlaug Erna Jónsdóttir og Lilja Grétarsdóttir. Ritari var Erna Hrönn Geirsdóttir
Þetta gerðist:

1.13 Arnarholt 221217, (fsp) - Breyting á innra skipulagi
Lagt fram erindi frá afgreiðslufundi byggingarfulltrúa frá 19. nóvember 2013 þar sem spurt er um og óskað er eftir nýrri umsögn skipulagsfulltrúa vegna nýrrar túlkunar á hlutverki starfsmannahúss sbr. erindi BN046140 við fyrrverandi sjúkrastofnun á Arnarholti.

Vísað til umsagnar verkefnisstjóra.
2.13 Krókháls 13, breyting á deiliskipulagi
Lögð fram umsókn Orkuveitu Reykjavíkur dags. 15. nóvember 2013 varðandi breytingu á deiliskipulagi Grafarlæks-Stekkjarmóa-Djúpadals vegna lóðarinnar nr. 13 við Krókháls. Í breytingunni felst að kvöð um lagnir sem nú er norðan/vestan við lóðina verði færð austur/suður fyrir lóðina, samkvæmt uppdr. Landmótunar dags. 13. nóvember 2013.

Vísað til meðferðar hjá verkefnisstjóra.
3.13 Lambhagavegur 23, (fsp) stækkun lóðar o.fl.
Á fundi skipulagsfulltrúa 1. nóvember 2013 var lögð fram fyrirspurn Helga Hafliðasonar dags. 31. október 2013 varðandi stækkun lóðarinnar nr. 23 við Lambhagaveg til austurs ásamt breytingu á byggingarreit, samkvæmt tillögu dags. 30. október 2013.

Kynna formanni umhverfis- og skipulagsráðs.
4.13 Kjalarnes, Fitjakot, niðurrifsheimild
Lagður fram tölvupóstur Ingibjargar R Þengilsdóttur og Jóns Jóhanns Jóhannssonar dags. 19. nóvember 2013 varðandi niðurrifsskilmála á einbýlishúsi í Perluhvammi í landi Fitjakots á Kjalarnesi. Einnig er lagt fram bréf Ingibjargar R Þengilsdóttur og Jóns Jóhanns Jóhannssonar dags. 4. nóvember 2013.

Vísað til umsagnar skipulagsfulltrúa.
5.13 Útilistaverk, eftir Kaivalya Torpy
Lögð fram fyrirspurn Guðnýjar Jónsdóttur dags. 18. nóvember 2013 um að reisa 13,35 metra hátt og 9,36 metra breitt listaverk eftir Kaivalya Torpy tileinkað friði í landi Mógilsár í Kollafirði.

Vísað til umsagnar skipulagsfulltrúa
6.13 Hverfisgata 12, (fsp) - Veitingastaður
Lagt fram erindi frá afgreiðslufundi byggingarfulltrúa frá 19. nóvember 2013 þar sem spurt er hvort leyft yrði að starfrækja veitingastað í húsinu nr. 12 við Hverfisgötu.

Vísað til umsagnar skipulagsfulltrúa.
7.13 Hverfisgata 78, (fsp) bygging á baklóð
Á fundi skipulagsfulltrúa 15. nóvember 2013 var lögð fram fyrirspurn Hverfis ehf. dags. 14. nóvember 2013 varðandi byggingu fimm hæða bygging á baklóð hússins nr. 78 við Hverfisgötu, samkvæmt uppdr. Teikning.is dags. 13. nóvember 2013. Í húsinu verður gististarfssemi.
Kynna formanni umhverfis- og skipulagsráðs.
8.13 Laugavegur 118, Björgunarhurð út á þak
Lagt fram erindi frá afgreiðslufundi byggingarfulltrúa frá 19. nóvember 2013 þar sem sótt er um leyfi til að koma fyrir 127,8 ferm. verönd á þaki 1. hæðar og hurð út á hana í í húsinu nr. 116 á lóð nr. 118 við Laugarveg.
Ljósmyndir fylgja. Gjald kr. 9.000

Ekki gerðar skipulagslegar athugasemdir við erindið.
9.13 Lokastígur 3, breyting á deiliskipulagi
Lögð fram umsókn Actactor ehf. dags. 20. nóvember 2013 varðandi breytingu á deiliskipulagi reits 1.181.2, Lokastígsreitur vegna lóðarinnar nr. 3 við Lokastíg. Í breytingunni felst hækkun hússins, samkvæmt uppdr. THG Arkitekta ehf. dags. 5. nóvember 2013

Samþykkt að grenndarkynna fyrir Lokastíg 2, 4 og 5, Týsgötu 1,3 og 5, Skólavörðustígur 22 og 22a.
10.13 Urðarstígur 8, Ofanábygging - stækkun til austurs o.fl.
Lagt fram erindi frá afgreiðslufundi byggingarfulltrúa frá 19. nóvember 2013 þar sem sótt er um leyfi til að stækka grunnflöt til austurs, dýpka kjallara, byggja hæð og rishæð og svalir á norðurhlið hússins á lóð nr. 8 við Urðarstíg.
Stærðir: kjallari 66,5 ferm., 1. hæð 63,6 ferm., 2. hæð 63,6 ferm., þakhæð 57,0 ferm., Samtals 250,7 ferm. A rými, B og C rými samtals 28,8 ferm. 656,2 rúmm. samtals. Gjald kr. 9.000

Vísað til umsagnar verkefnisstjóra.
11.13 Vatnsstígur 8, Gistiheimili
Lagt fram erindi frá afgreiðslufundi byggingarfulltrúa frá 19. nóvember 2013 þar sem sótt er um leyfi til þess að innrétta gistiheimili í flokki II með 7 gistirýmum í húsinu á lóðinni nr. 8 við Vatnsstíg.
Gistiheimilið verður rekið í samvinnu við fyrirhuguð gistiheimili að Vatnsstíg 10B og Hverfisgötu 53 og 55. Næturvarsla og þjónusta við gistiheimilin verður staðsett að Vatnsstíg 10B. Gjald kr. 9.000

Ekki eru gerðar skipulagslegar athugasemdir við erindið.
12.13 Þórsgata 29, (fsp) - Svalalokun
Lagt fram erindi frá afgreiðslufundi byggingarfulltrúa frá 19. nóvember 2013 þar sem spurt er hvort leyft yrði að byggja skýli yfir svalir á suðurhlið annarrar hæðar hússins nr. 29 við Þórsgötu vegna leka frá svölum.

Vísað til umsagnar verkefnisstjóra.
13.13 Ægisgata 7, (fsp) niðurrif og uppbygging
Lögð fram fyrirspurn Draupnir Lögmannsþjónustu ehf. dags. 19. nóvember 2013 varðandi niðurrif hússins á lóðinni nr. 7 við Ægisgötu og byggja nýtt.

Kynna formanni umhverfis- og skipulagsráðs.
14.13 Brautarholt 4-4A, (fsp) - Gistiheimili
Á fundi skipulagsfulltrúa 15. nóvember 2013 var lagt fram erindi frá afgreiðslufundi byggingarfulltrúa frá 12. nóvember 2013 þar sem spurt er hvort innrétta megi gistiheimili á 1. hæð og hluta 2. hæðar í húsi á lóð nr. 4 við Brautarholt.
Frestað.
Umsækjandi hafi samband við embætti skipulagsfulltrúa.
15.13 Gunnarsbraut 40, (fsp) - Þak - endurnýjun og hækkun
Lagt fram erindi frá afgreiðslufundi byggingarfulltrúa frá 19. nóvember 2013 þar sem spurt er hvort leyft yrði að hækka þak og innrétta íbúðarrými í fjölbýlishúsi á lóð nr. 40 við Gunnarsbraut.
Neikvæð niðurstaða frá skipulagsfulltrúa dags. 18. apríl 2013 fylgir.

Vísað til meðferðar hjá verkefnisstjóra.
16.13 Hólavallagata 3, (fsp) hækkun húss o.fl.
Á fundi skipulagsfulltrúa 15. nóvember 2013 var lögð fram fyrirspurn Dap ehf. dags. 14. nóvember 2013 varðandi hækkun hússins á lóðinni nr. 3 við Hólavallagötu, byggingu svala og kvista ásamt nýjum inngangi í kjallaraíbúð sunnan megin, samkvæmt uppdr. Dap ehf. dags. 14. nóvember 2013. Einnig er lögð fram greinargerð dags. 113. nóvember 2013. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 21.nóvember 2013.

Neikvætt, með vísan til umsagnar skipulagsfulltrúa dags. 21. nóvember 2013.
17.13 Ingólfsgarður, Brokey, bréf hafnarstjóra
Á fundi skipulagsfulltrúa 15. nóvember 2013 var lagt fram bréf hafnarstjóra dags. 8. nóvember 2013 varðandi bókun stjórnar Faxaflóahafna sf. s.d. vegna tillögu VA arkitekta, ódags. að deiliskipulagi á Ingólfsgarði vegna félagsaðstöðu Brokeyjar o.fl. Einnig lagt fram minnisblað hafnarstjóra dags. 4. nóvember 2013.
Kynna formanni umhverfis- og skipulagsráðs.
18.13 Kjalarnes, Grundarhverfi - Vallargrund, breyting á deiliskipulagi
Á fundi skipulagsfulltrúa 15. nóvember 2013 var lögð fram umsókn Orkuveitur Reykjavíkur dags. 22. október 2013 varðandi breytingu á deiliskipulagi Grundarhverfis á Kjalarnesi, Í breytingunni felst að afmarka lóð fyrir spennustöð, samkvæmt uppdr. Orkuveitu Reykjavíkur dags. 17. október 2013. Umsókninni var frestað og er nú lögð fram að nýju.

Samþykkt að grenndarkynna framlagða tillögu fyrir hagsmunaaðilum að Vallargrund 3, Esjugrund 16 og 16A, 18, 32 og 34, Jöfragrund 21, 28,30 og 32.
19.13 Saltvík 125744, Frystigeymsla
Lagt fram erindi frá afgreiðslufundi byggingarfulltrúa frá 19. nóvember 2013 þar sem sótt er um leyfi til þess að byggja frystigeymslu úr timbri að austurhlið slátur- og matvinnsluhúss (matshl. 15) á lóðinni Saltvík 125744.
Stærð: Viðbygging 132,7 ferm. og 651.6 rúmm. Gjald kr. 9.000

Vísað til meðferðar hjá verkefnisstjóra.
20.13 Skólavörðustígur 40, (fsp) varðveita gamalt hesthús
Lögð fram fyrirspurn Zeppelin ehf. dags. 21. nóvember 2013 um að varðveita gamalt hesthús sem stendur á bakhluta lóðarinnar nr. 40 við Skólavörðustíg. Einnig er lagt fram bréf Minjastofnunar dags. 28. október 2013.

Vísað til umsagnar verkefnisstjóra.
21.13 Völvufell 11a, (fsp) lóðarúthlutun
Lögð fram fyrirspurn Karls Georg Ragnarssonar, dags. 20.nóv. 2013 um að fá lóð nr. 11a við Völvufell úthlutaða með það í huga að sameina lóðir nr. 11 og 11a við Völvufell.
Vísað til umsagnar verkefnisstjóra.
22.13 Fossaleynir 19-23, breyting á deiliskipulagi
Að lokinni auglýsingu er lögð fram að nýju umsókn Arkþings dags. 17. júlí 2013 varðandi breytingu á deiliskipulagi lóðarinnar nr. 19-23 við Fossaleyni. Í breytingunni felst stækkun lóðar, aukning á byggingarmagni, fjölgun á innkeyrslum o.fl., samkvæmt uppdrætti Arkþings dags. í september 2013. tillagan var auglýsr frá 4. október 2013 til og með 15. nóvember 2013. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
23.13 Dofraborgir 12-18, (fsp) - Viðbygging ofan á bílskúr
Lagt fram erindi frá afgreiðslufundi byggingarfulltrúa frá 19. nóvember 2013 þar sem spurt er hvort byggja megi hæð úr timbri með hallandi þaki út frá kvisti ofan á bílskýli við hús nr. 10 í raðhúsalengjunni á lóð nr. 12 - 18 við Dofraborgir.

Vísað til umsagnar verkefnisstjóra.
24.13 Laugavegur 66-68, breyting á deiliskipulagi
Að lokinni auglýsingu er lögð fram umsókn L66-68 fasteignafélags, dags. 30. júlí 2013 varðandi breytingu á deiliskipulagi reits 1.174.2 vegna lóðar nr. 66-68 við Laugaveg samkvæmt uppdrætti Adamsson ehf., dags. 26. júlí 2013. Breytingin tekur til texta um notkun og starfsemi í skilmálum. Tillagan var auglýst frá 4. október til og með 15. nóvember 2013. Eftirtaldir aðilar sendu athugasemdir: Martin Gunnar Stange dags. 12. nóvember 2013, Miriam Óskarsdóttir dags. 13. nóvember 2013, Páll Ólafur Eggerz dags. 14. nóvember 2013, Gunnar Örn Jónsson og Jóna G. Arthúrsdóttir dags. 14. nóvember 2013, Dirk Zehender dags. 15. nóvember 2013 og Pálmi Bergmann dags. 14. nóvember 2013,

Vísað til umsagnar verkefnisstjóra.
25.13 Laugavegur 100, (fsp) - Gistiheimili
Lagt fram erindi frá afgreiðslufundi byggingarfulltrúa frá 19. nóvember 2013 þar sem spurt er hvort leyft yrði að byggja lyftuturn og flóttastiga að bakhlið og starfrækja gistiheimili í húsinu nr. 100 við Laugaveg.
Umsögn skipulagsfulltrúa dags 30. júlí 2012 (sbr. erindi BN044756) fylgir erindinu. Lögð fram umsögn skipulagsfulltrúa dags. 22. nóvember 2013.

Umsögn skipulagsfulltrúa samþykkt. dags. 22. nóvember 2013.
26.13 Skólavörðustígur 23, (fsp) - Veitingastaður
Á fundi skipulagsfulltrúa 15. nóvember 2013 var lagt fram erindi frá afgreiðslufundi byggingarfulltrúa frá 12. nóvember 2013 þar sem spurt er hvort veitingaleyfi fengist fyrir veitingahúsi og endurskoðun á veitingahúss kóta á 1. hæð í húsi á lóð nr. 23 við Skólavörðustíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 21. nóvember 2013.

Neikvætt, með vísan til umsagnar skipulagsfulltrúa dags. 21.nóvember 2013.
27.13 Grundarstígur 10, (fsp) veitingaleyfi í flokki II
Lögðfram fyrirspurn Hannesarholts dags. 20. nóvember 2013 varðandi veitingarleyfi í flokki II í húsinu á lóðinni nr. 10 við Grundarstíg.

Vísað til umsagnar verkefnisstjóra.
28.13 Bauganes 40, breyting á deiliskipulagi
Að lokinni grenndarkynningu er lögð fram að nýju umsókn lóðarhafa dags. 11. október 2013 varðandi breytingu á deiliskipulagi Skildinganes vegna lóðarinnar nr. 40 við Bauganes. Í breytingunni felst hækkun á þaki samkvæmt uppdrætti Andrésar Narfa Andréssyni dags. 8. október 2013. Tillagan var grenndarkynnt frá 18. október 2013 til og með 15. nóvember 2013. Eftirtaldir aðilar sendu inn athugasemd: Herdís Hallvarðsdóttir og Gísli Helgason dags. 15. nóvember 2013.


Vísað til umhverfis-og skipulagsráðs
29.13 Rauðagerði 74, (fsp) - Viðbygging og kvistir
Á fundi skipulagsfulltrúa 8. nóvember 2013 var lagt fram erindi frá afgreiðslufundi byggingarfulltrúa frá 5. nóvember 2013 þar sem spurt er hvort leyft yrði að byggja u.þ.b. sex fermetra anddyrisviðbyggingu að norðurhlið, u.þ.b. sjö fermetra sólstofu að suðurhlið og tvo kvisti á norður- og suðurþekju einbýlishúss á lóðinni nr. 74 við Rauðagerði. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 14. nóvember 2013.

Jákvætt með vísan til umsagnar skipulagsfulltrúa dags. 14. nóvember 2013.
30.13 Skerplugata 4 og 6, þakhalli skúra
Lagt fram bréf lóðarhafa lóðanna nr. 4 og 6 við Skerplugötu dags. 22. október 2013 varðandi afgreiðslu byggingarfulltrúa frá 22. nóvember 2011 um þakhalla skúra, samkvæmt uppdr. G4 arkitekta dags. 8. nóvember 2013.

Vísað til meðferðar hjá verkefnisstjóra.
31.13 Reitur 1.171.1 Hljómalindarreitur, (fsp) breyting á deiliskipulagi
Lögð fram fyrirspurn Þingvangs ehf. dags. 14. nóvember 2013 um að færa og fjölga íbúðir, svalir á efri hæðum húsa gangi út fyrir byggingarreit, möguleika á svalalokun yfir svalir að Hverfisgötu 26 og 28, hækkun þaks að Klapparstíg 28 ofan á núverandi burðarvegg og hækkun á nýtingarhlutfalli Smiðjustígs 4 úr 1,61 í 1,65 svo hýsa megi tæknirými.

Kynna formanni umhverfis- og skipulagsráðs.
32.13 Fossagata 15, (fsp) bílastæði
Lögð fram fyrirspurn Gísla Þorsteinssonar dags. 18. nóvember 2013 varðandi bílastæði við lóðina nr. 15 við Fossagötu. Einnig er lagt fram bréf Gísla Þorsteinssonar dags. 19. nóvember 2013.

Vísað til umsagnar verkefnisstjóra.
33.13 Hesthamrar 2, Viðbygging - Sólskáli
Lagt fram erindi frá afgreiðslufundi byggingarfulltrúa frá 19. nóvember 2013 þar sem sótt er um leyfi til að byggja sólskála sem viðbyggingu við húsið á lóð nr. 2 við Hesthamra.
Stækkun viðbyggingar : XX ferm. XX rúmm. Gjald kr. 9.000

Vísað til umsagnar verkefnisstjóra.
34.13 Hverfisgata 53, Gistiheimili
Á fundi skipulagsfulltrúa 15. nóvember 2013 var lagt fram erindi frá afgreiðslufundi byggingarfulltrúa frá 12. nóvember 2013 þar sem sótt er um leyfi til þess að innrétta gistiheimili í flokki II með 14 gistirýmum í húsinu á lóðinni nr. 53 við Hverfisgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 20. nóvember 2013.
Gistiheimilið verður rekið í samvinnu við fyrirhuguð gistiheimili að Vatnsstíg 8 og 10B og Hverfisgötu 55. Næturvarsla og þjónusta við gistiheimilin verður staðsett að Vatnsstíg 10B. Gjald kr. 9.000

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 20. nóvember 2013.
35.13 Hverfisgata 55, Gistiheimili
Á fundi skipulagsfulltrúa 15. nóvember 2013 var lagt fram erindi frá afgreiðslufundi byggingarfulltrúa frá 12. nóvember 2013 þar sem sótt er um leyfi til þess að innrétta gistiheimili í flokki II með 14 gistirýmum í húsinu á lóðinni nr. 55 við Hverfisgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 20. nóvember 2013.
Gistiheimilið verður rekið í samvinnu við fyrirhuguð gistiheimili að Vatnsstíg 8 og 10B og Hverfisgötu 53. Næturvarsla og þjónusta við gistiheimilin verður staðsett að Vatnsstíg 10B. Gjald kr. 9.000

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 20. nóvember 2013.
36.13 Langirimi 21-23, (fsp) - Gistiheimili
Lagt fram erindi frá afgreiðslufundi byggingarfulltrúa frá 19. nóvember 2013 þar sem spurt er hvort leyft yrði að starfrækja gistiheimili í kjallara og á annarri hæð atvinnuhússins á lóðinni nr. 21-23 við Langarima.

Vísað til umsagnar verkefnisstjóra.
37.13 Logafold 118, (fsp) - Sólstofa
Lagt fram erindi frá afgreiðslufundi byggingarfulltrúa frá 19. nóvember 2013 þar sem spurt er hvort leyfi fengist til að byggja sólstofu við suðurhlið hússins á lóð nr. 118 við Logafold

Vísað til umsagnar verkefnisstjóra.
38.13 Týsgata 4B, (fsp) - Kvistur
Á fundi skipulagsfulltrúa 15. nóvember 2013 var lagt fram erindi frá afgreiðslufundi byggingarfulltrúa frá 12. nóvember 2013 þar sem spurt er hvort leyfi fengist til að setja kvist á suðvestur rishæð með frönskum svölum á fjölbýlishúsið á lóð nr. 4 b við Týsgötu. Erindinu var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 20. nóvember 2013.

Jákvætt með vísan til umsagnar skipulagsfulltrúa dags. 20. nóvember 2013.