Kleifarsel 49, Ármúli 8, Bryggjuhverfi, Bústaðablettur 10, Dverghamrar 7, Ofanleiti 14, Háaleitisbraut 19, Kirkjuteigur 21, Gefjunarbrunnur 7, Kjalarnes, Melavellir, Brautarland 1-3, Árvað 1, Grensásvegur 11, Látrasel 9, Ólafsgeisli 20 - 28, Sifjarbrunnur 10-16, Skipasund 15, Sogavegur 76, Sóleyjarimi 13, Skálagerði 9, Spöngin 3-5, Suðurlandsbraut 8 og 10, Þorláksgeisli, Baldursgata 39, Bragagata 34A, Bræðraborgarstígur 21B, Fjólugata 13, Grenimelur 46, Nönnugata 3A, Laugavegur 25, Laugavegur 61-63, Stýrimannastígur 10, Tjarnargata 12, Túngata 34, Vallarstræti og suðurhluti Ingólfstorgs, Vegamótastígur 9, Vesturvallagata 2, Bólstaðarhlíð, Hólmsheiði, Fisfélag Reykjavíkur, Suður Mjódd, Suður Mjódd, Víðidalur, Fákur, Sundabraut, Tryggvagata 13,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

214. fundur 2008
Ár 2008, föstudaginn 20. júní kl. 12:40, hélt skipulagsstjóri Reykjavíkur 214. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 3, 3. hæð. Fundinn sátu: Ólöf Örvarsdóttir og Elín Ósk Helgadóttir. Eftirtaldir embættismenn kynntu mál á fundinum: Ágústa Sveinbjörnsdóttir, Þórarinn Þórarinsson, Lilja Grétarsdóttir, Guðfinna Ósk Erlingsdóttir, Margrét Leifsdóttir og Margrét Þormar. Ritari var Helga Björk Laxdal.
Þetta gerðist:

1.08 Kleifarsel 49, breyting á deiliskipulagi
Lögð fram umsókn OG arkitektastofunnar dags. 8. maí 2008 að breyttu deiliskipulagi lóðarinnar nr. 49 við Kleifarsel. Í breytingunni felst stækkun byggingarreits vegna einnar hæðar viðbyggingar samkv. uppdrætti dags. 16. júní 2008.
Samþykkt að grenndarkynna framlagða tillögu fyrir hagsmunaaðilum að Kleifarseli 51 og 63 ásamt Kleifarsel 41, 43, 45 og 47.
2.08 Ármúli 8, breyting á deiliskipulagi
Að lokinni grenndarkynningu er lögð fram tillaga EA Fjárfestingafélag ehf. dags. 6. maí 2008 varðandi breytingu á deiliskipulagi lóðarinnar nr. 8 við Ármúla. Í breytingunni felst stækkun á byggingarreit samkvæmt meðfylgjandi uppdrætti dags.5. maí 2008. Grenndarkynning stóð frá 19. maí til 16. júní 2008. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra við samþykkt um stjórn Reykjavíkurborgar.
3.08 Bryggjuhverfi, orðsending borgarstjóra ásamt bréfi frá íbúa
Lögð fram orðsending frá borgarstjóra ásamt bréfi frá Páli Sigurðssyni dags. 9. júní 2008.
Vísað til meðferðar í austurteymi arkitekta hjá skipulagsstjóra.
4.08 Bústaðablettur 10, (fsp) endurbætur
Á fundi skipulagsstjóra 23. maí 2008 var lagt fram erindi frá afgreiðslufundi byggingarfulltrúa frá 20. maí 2008 þar sem spurt er hvort leyfi fengist til að endurnýja hús í samræmi við eldri uppdrætti á lóðinni nr. 10 við Bústaðablett.
Einnig lögð fram umsögn skipulagsstjóra dags. 27. maí 2008. Einnig er lagt fram bréf Jóns T. Halldórssonar dags. 18. júní 2008.
Vísað til umsagnar hjá skrifstofustjóra Framkvæmda- og eignasviðs vegna erindis Jóns T. Halldórssonar um möguleg kaup Reykjavíkurborgar á eigninni.
5.08 Dverghamrar 7, breyting á deiliskipulagi
Lögð fram tillaga Atelier arkitekta að breytingu á deiliskipulagi íbúðarbyggðar norðan Grafarvogs vegna lóðar nr. 7 við Dverghamra, dags. 11. júní 2008.
Samþykkt að grenndarkynna framlagða tillögu fyrir hagsmunaaðilum að Dverghömrum 5, 9 og 11.
6.08 Ofanleiti 14, breyting á deiliskipulagi
Lögð fram umsókn GP arkitekta f.h. Hamborgarabúllu Tómasar ehf., dags. 19. júní 2008 um breytingu á deiliskipulagi lóðar nr. 14 við Efstaleiti skv. uppdrætti, dags. 19. júní 2008. Breytingin gengur út á að í stað söluturns verði reist tveggja hæða raðhús á lóðinni.
Vísað til meðferðar í austurteymi arkitekta hjá skipulagsstjóra.
7.08 Háaleitisbraut 19, breyting á deiliskipulagi
Að lokinni grenndarkynningu er lögð fram umsókn Einrúm arkitekta f.h Birnu Sigurðardóttur, dags. 3. mars 2008, um breytt deiliskipulag lóðar nr. 19 við Háaleitisbraut skv. uppdrætti, dags. 14. febrúar 2008. Breytingin felst í því að bætt verður við byggingarreit fyrir bílskúr á lóð. Grenndarkynning stóð til 12. júní 2008. Athugasemdir bárust frá Árna Gunnarssyni Háaleitisbraut 35, dags. 12. júní 2008, 10 íbúum að Háaleitisbraut 15, dags. 12. júní 2008, 9 íbúum að Háaleitisbraut 17, dags. 12. júní 2008
Vísað til umsagnar í austurteymi arkitekta hjá skipulagsstjóra.
8.08 Kirkjuteigur 21, breyting á deiliskipulagi
Lögð fram umsókn Ragnhildar Ingólfsdóttur ark. f.h. lóðarhafa Kirkjuteigs 21, um breytingu á deiliskipulagi Teigahverfis vegna lóðar nr. 21 við Kirkjuteig skv. uppdrætti, dags. 6. júní 2008.
Samþykkt að grenndarkynna framlagða tillögu fyrir hagsmunaaðilum að Kirkjuteigi 18, 19 og 23 ásamt Hraunteigi 14, 16 og 18.
9.08 Gefjunarbrunnur 7, einbýlishús
Lagt fram erindi frá afgreiðslufundi byggingarfulltrúa frá 18. júní 2008 þar sem sótt er um leyfi til að byggja tvílyft, staðsteypt einbýlishús með innbyggðri bílgeymslu á lóðinni nr. 7 við Gefjunarbrunn.
Útskrift úr gerðabók embættisafgreiðslufundar skipulagsfulltrúa frá 13. júní 2008 fylgir erindinu.
Stærð: 1. hæð íbúð 94,2 ferm., bílgeymsla 26,4 ferm., 2. hæð íbúð 155,5 ferm.
Samtals 276,1 ferm., 885,4 rúmm.
Gjald kr. 7.300 + 64.634
Leiðrétt bókun frá afgreiðslufundi skipulagsstjóra frá 13. júní 2008. Rétt bókun er; Frestað. Hluti byggingar stendur utan byggingarreits. Lagfæra þarf uppdrætti.
10.08 Kjalarnes, Melavellir, breyting á deiliskipulagi
Að lokinni auglýsingu er lögð fram umsókn Matfugls, dags. 21. nóv. 2007, um breytingu á deiliskipulagi á jörðinni Melavellir í Kjalarnesi skv. uppdr. Arkþings, dags. 20. nóv. 2007. Í breytingunni felst að heimila byggingu fjögurra alifuglahúsa sunnan við þegar samþykkt alifuglahús á lóðinni. Lagt fram bréf Umhverfissviðs, dags. 25. janúar 2008. Einnig lagt fram bréf Skipulagsstofnunar, dags. 28. janúar 2008 ásamt skýrslu Línuhönnunar, dags. janúar 2008: "frummatsskýrsla, stækkun kjúklingabús á Melavöllum Kjalarnesi". Einnig lagt fram bréf skrifstofu borgarstjórnar, dags. 29. okt. 2007 ásamt umsögn umhverfissviðs frá 23. s.m og bréf skipulagsstofnunar dags. 27. mars 2008. Auglýsing stóð yfir frá 23. apríl til og með 7. júní 2008 Athugasemdir bárust frá ábúendum á Bakka, dags. 19. maí 2008, Íbúasamtökum Kjalarness, dags. 21. maí 2008.
Auglýsing stóð frá 23. apríl til og með 7. júní 2008.
Vísað til umsagnar í austurteymi arkitekta hjá skipulagsstjóra.
11.08 Brautarland 1-3, breyting á deiliskipulagi Fossvogshverfis
Á fundi skipulagsstjóra 13. júní 2008 var lögð fram umsókn AVH f.h. Jóhanns Jóhannssonar, dags. 13. júní 2008 um breytingu á deiliskipulagi Fossvogshverfis vegna lóðar nr. 1-3 við Brautarland skv. uppdrætti, dags. 20. maí 2008, mótt. 20. júní 2008. Í breytingunni felst heimild til stækkunar húss. Erindinu var vísað til umfjöllunar hjá austurteymi og er nú lagt fram að nýju.
Samþykkt að grenndarkynna framlagða tillögu fyrir hagsmunaaðilum að Ánalandi 2 og 4, þegar umsækjendur hafa lagt fram samþykki allra meðlóðarhafa á lóðinni nr. 1-19 og 2-24 við Brautarland.
12.08 Árvað 1, (fsp) skipta upp lóð
Lögð fram fyrirspurn Glámu Kím f.h. Þ.G. verktaka, dags. 31. mars 2008 um hvort skipta megi atvinnu/þjónustulóð í tvennt, þ.e. þjónustulóð og lóð fyrir lítið fjölbýli skv. uppdráttum, dags. 31. mars 2008. Einnig er lögð fram umsögn skipulagsstjóra dags. 19. júní 2008.

Ekki eru gerðar athugasemdir við skiptingu lóðarinnar í tvennt, og breytingu á deiliskipulagi svæðisins, að teknu tilliti til þeirra skilyrða sem fram koma í umsögn skipulagsstjóra. Tillagan verður auglýst þegar hún berst.
13.08 Grensásvegur 11, stækka kjallara
Lagt fram erindi frá afgreiðslufundi byggingarfulltrúa frá 18. júní 2008 þar sem sótt er um leyfi til að stækka geymslurými á norðurhlið kjallarahæðar í húsi á lóð nr. 11 við Grensásveg.
Stærðir: Stækkun 68,5 ferm., og 236,2 rúmm.
Stærðir efitr stækkun: 6266,5 ferm., 24.892,3 rúmm.
Gjald kr 7.300+17.243
Vísað til meðferðar í austurteymi arkitekta hjá skipulagsstjóra.
14.08 Látrasel 9, breyting á deiliskipulagi
Lögð fram umsókn Einars Erlingssonar mótt. 20. júní 2008 um breytingu á deiliskipulagi Seljahverfis vegna lóðarinnar númer 9 við Látrasel skv. meðfylgjandi uppdráttum Ellerts Más Jónssonar mótt. 19. júní 2008.
Samþykkt að grenndarkynna framlagða tillögu fyrir hagsmunaaðilum að Látraseli 7 og 11, þegar uppdrættir hafa verið lagfærðir.
15.08 Ólafsgeisli 20 - 28, br. inn og úti á nr. 20
Lagt fram erindi frá afgreiðslufundi byggingarfulltrúa frá 18. júní 2008 þar sem sótt er um leyfi fyrir svalalokun á neðri hæð ásamt því að fjarlægja hringstiga milli hæða í tvíbýlishúsinu á lóð nr. 20 við Ólafsgeisla. Byggingarfulltrúi vísaði erindinu til umsagnar skipulagsstjóra og spurt hvort eignarhald á rými 0101 geti verið tengt eign 0301 af skipulagsástæðum.
Stærð svalalokunar 8,5 ferm. xx rúmm.
Meðfylgandi er samþykki meðlóðarhafa og aðliggandi lóðarhafa lóðanna nr. 22-24-26-og 28 við Ólafsgeisla.
Gjald kr. 7.300 + xx
Ekki eru gerðar athugasemdir við erindið. Eignarhald samræmist deiliskipulagi.
16.08 Sifjarbrunnur 10-16, breytt deiliskipulag
Á fundi skipulagsstjóra 6. maí 2008 lagt fram bréf Skipulagsstofnunar dags. 28. maí 2008 þar sem stofnunin gerir athugasemdir við birtingu auglýsingu í B-deild Stjórnartíðinda. Erindið er nú lagt fram að nýju.
Frestað.
17.08 Skipasund 15, (fsp) viðbygging
Lagt fram erindi frá afgreiðslufundi byggingarfulltrúa frá 18. júní 2008 þar sem spurt er hvort byggja megi við núverandi dýralækningastofu. Samþykki nágranna fylgir.
Vísað til umsagnar í austurteymi arkitekta hjá skipulagsstjóra.
18.08 Sogavegur 76, (fsp) kvistur
Lagt fram erindi frá afgreiðslufundi byggingarfulltrúa frá 18. júní 2008 þar sem spurt er hvort leyft yrði að byggja kvist á norðurþekju einbýlishússins á lóð nr. 76 við Sogaveg.
Neikvætt. Samræmist ekki byggðamynstri svæðisins.
19.08 Sóleyjarimi 13, breyting á deiliskipulagi
Lögð fram umsókn Pálma Guðmundssonar ark. f.h. Laugarnes ehf., dags. 16. júní 2008 um breytingu á deiliskipulagi lóðar nr. 13 við Sóleyjarima skv. uppdrætti, dags. 17. júní 2008.
Frestað.
20.08 Skálagerði 9, (fsp) svalir,pallur - bílskúr
Lagt fram erindi frá afgreiðslufundi byggingarfulltrúa dags. 10. júní 2008 þar sem spurt er hvort stækka megi svalir út fyrir gafl með það í huga að loka þeim síðar og byggja bílskúr/-skýli við hliðina á göngustíg og rafmagnshúsi við fjölbýlishús á lóð nr. 9 við Skálagerði. Einnig er lögð fram umsögn skipulagsstjóra dags. 19. júní 2008.
Neikvætt gagnvart útbyggingu á gafli. Vísað er til umsagnar skipulagsstjóra varðandi nánari skilyrði.
21.08 Spöngin 3-5, breytt deiliskipulag
Að lokinni auglýsingu er lögð fram að nýju tillaga Ask arkitekta fh. Félagsbústaða og Reykjavíkurborgar dags. 3. maí 2007 varðandi breytingu á deiliskipulagi vegna uppbyggingar fyrir íbúðabyggð á lóðinni nr. 3-5 við Spöngina. Tillagan var auglýst frá 18. júlí til og með 29. ágúst 2007 einnig lagðar fram athugasemdir frá eftirtöldum aðilum: Steinn Sigurðsson Dísaborgum 3, dags. 28. ágúst 2007, Emil Kristjánsson Smárarima 6, dags. 29. ágúst 2007, Íbúasamtök Grafarvogs, dags. 29. ágúst 2007 og hverfisráð Grafarvogs, dags. 31. ágúst 2007. Ennfremur er lagt fram bréf hverfisráðs Grafarvogs dags. 21. febrúar 2008. Lögð fram umsögn Umhverfis- og samgöngusviðs, dags. 5. mars 2008, um skilmála deiliskipulags vegna umferðarhávaða.
Athugasemdir kynntar. Frestað.
22.08 Suðurlandsbraut 8 og 10, (fsp) breyting á deiliskipulagi
Lögð fram fyrirspurn Einars Tryggvasonar arkitekts dags. 18. júní 2008 fh. Avion Properties ehf. varðandi breytingu á deiliskipulagi lóðanna nr. 8-10 við Suðurlandsbraut samkv. meðfylgjandi tillögu.dags.12. júní 2008
Neikvætt. Ekki er hægt að fallast á svo mikla uppbyggingu á einni lóð án þess að endurskoða skipulagsheimildir á reitnum í heild sinni. Ekki hefur verið gert ráð fyrir endurskoðun á gildandi deiliskipulagi á fjárhagsáætlun skipulags- og byggingarsviðs á árinu og því er ekki hægt að fallast á erindið.
23.08 Þorláksgeisli, stöðuleyfi
Lagt fram erindi frá afgreiðslufundi byggingarfulltrúa frá 18. júní 2008 þar sem ÍTR sækir um stöðuleyfi fyrir 27 ferm vinnuskúr við enda Þorláksgeisla milli nr. 35 og 43. Skúrnum er ætlað að vera afdrep fyrir börn sem stunda íþróttir og leiki á vegur Fram í Leirdal. Notkunartími 1. júní - 1. september árlega meðan Fram nýtir svæðið.
Málinu fylgir bréf dags. 4. júní 2008.
Málinu vísað til umsagnar skipulagsstjóra.
Ekki eru gerðar athugasemdir við erindið.
24.08 Baldursgata 39, hótelíbúðir
Lagt fram bréf frá afgreiðslufundi byggingarfulltrúa þ. 10. júní 2008. Sótt er um leyfi til að byggja ofan á og innrétta átta hótelíbúðir í íbúðarhúsinu á lóð nr. 39 við Baldursgötu. Einnig lögð fram umsögn skipulagsstjóra dags. 20. júní 2008.

Frestað. Lagfæra þarf uppdrætti í samræmi við skilyrði í umsögn skipulagsstjóra.
25.08 Bragagata 34A, svalir
Að lokinni grenndarkynningu er lagt fram erindi frá afgreiðslufundi byggingarfulltrúa frá 22. apríl 2008 þar sem sótt er um leyfi til stækka svalir með burðarvirki úr stáli á húsinu á lóð nr. 34A við Bragagötu. Erindinu var vísað til umfjöllunar í vesturteymi arkitekta hjá skipulagsstjóra og er nú lagt fram að nýju. Grenndarkynning stóð yfir frá 15. maí til 12. júní 2008. Athugasemd barst frá Einari Möinichen Bragagötu 34, dags. 9. júní 2008
Gjald kr. 7.300
Vísað til skipulagsráðs.
26.08 Bræðraborgarstígur 21B, viðbygging, breyting inni
Lagt fram erindi frá afgreiðslufundi byggingarfulltrúa frá 18. júní 2008 þar sem sótt er um leyfi til að byggja yfir svalir á vesturgafli og gera herbergi þar á 2. hæð auk minni háttar breytinga á fyrirkomulagi innanhúss í tvílyfta einbýlishúsinu á steypta sökklinum frá 1916 á lóð nr. 21B við Bræðraborgarstíg.
Stærðir: Eftir stækkun 221,7 ferm., 697,5 rúmm.
Stækkun 65,8 rúmm. Gjald kr. 7.300 + 4.803

Vísað til umfjöllunar í vesturteymi arkitekta hjá skipulagsstjóra.
27.08 Fjólugata 13, (fsp) anddyri og bílskúr
Lögð fram fyrirspurn er varðar byggingu anddyris á norðurhlið húss og áður samþykktan bílskúr skv. meðfylgjandi teikningum
Vísað til umfjöllunar í vesturteymi arkitekta hjá skipulagsstjóra.
28.08 Grenimelur 46, lækka hús
Lagt fram erindi frá afgreiðslufundi byggingarfulltrúa frá 18. júní 2008 þar sem sótt er um leyfi til að lækka um 53 cm. með því að lækka salarhæð efstu hæðar nýsamþykkts, BN035089, þríbýlishúss á lóð nr. 46 við Grenimel.
Jafnframt er erindi BN037089 dregið til baka.
Hús var samtals 631,3 ferm., 1938,5 rúmm., verður 631,3 ferm. og 1853,6 rúmm.
Minnkun: 84,9 rúmm.
Gjald kr. 7.300
Ekki eru gerðar athugasemdir við erindið. Samræmist deiliskipulagi.
29.08 Nönnugata 3A, Endurnýjun á byggingaleyfi.
Að lokinni grenndarkynningu er lagt fram erindi frá afgreiðslufundi byggingarfulltrúa frá 22. apríl 2008 þar sem sótt er um endurnýjun á byggingaleyfi þar sem sótt er um leyfi til þess að hækka þak lítillega (15cm við þakkant, 34cm við mæni), setja franskar svalir á suðvesturgafl, koma fyrir þakglugga á suðausturþekju og innrétta svefnloft á rishæð hússins á lóðinni nr. 3A við Nönnugötu. Grenndarkynning stóð frá 16. maí til 13. júní 2008. Engar athugasemdir bárust.
Gjald kr. 7.300

Samþykkt með vísan til heimilda um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
30.08 Laugavegur 25, (fsp) matsölustaður
Lagt fram erindi frá afgreiðslufundi byggingarfulltrúa frá 18. júní 2008 þar sem spurt er hvort leyfi fáist til að breyta núverandi verslunarhúsnæði í matsölustað með opnunartíma frá kl 11 - 23 (á 1. hæð væntanlega) í húsi á lóð nr. 25 við Laugaveg.
Vísað til umsagnar lögfræði og stjórnsýslu.
31.08 Laugavegur 61-63, breyting á deiliskipulagi reits 1.173.0
Lögð fram umsókn Jóns Sigurjónssonar dags. 12. júní 2008 um breytingu á deiliskipulagi lóðanna nr. 61-63 við Laugaveg skv. uppdrætti Arnars Sigurðssonar arkitekts mótt. 13. júní 2008. Í breytingunni felst að byggð verði viðbygging á súlum á baklóð norðan við húsið.
Vísað til skipulagsráðs þegar uppdrættir hafa verið lagfærðir.
32.08 Stýrimannastígur 10, (fsp) bílageymsla
Lagt fram erindi frá afgreiðslufundi byggingarfulltrúa frá 18. júní 2008 þar sem spurt er hvort byggja megi nýja 68,8 ferm. bílageymslu í stað núverandi 43,1 ferm. geymslu (öfugt í texta) á lóð nr. 10 við Stýrimannastíg.
Vísað til umfjöllunar í vesturteymi arkitekta hjá skipulagsstjóra.
33.08 Tjarnargata 12, br. innanhúss, nýbygging, stækkun lóðar
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 22. apríl 2008 þar sem sótt er um leyfi til að breyta innra skipulagi og byggja við inn í porti ásamt því að fá lóð stækkaða í átt að Tjarnargötu fyrir stigahús nýbyggingarinnar sem er steinsteypt á tveimur hæðum með gler þaki að hluta í húsinu Tjarnarbíó á lóð nr. 12 við Tjarnargötu. Erindinu var vísað til umfjöllunar í vesturteymi arkitekta hjá skipulagsstjóra og er nú lagt fram að nýju.
Grenndarkynning stóð frá 22. maí til 19. júní 2008.
Eftirtaldar athugasemdir bárust: Gústaf Þór Tryggvason hrl. Tjarnargötu 10 d. dags 29.maí 2008, Sergiy Okhremchuk og Olha Dushynska, dags. 13. júní 2008.
Stærðir stækkunar: 1. hæð xx ferm., 2. hæð xx ferm. samtals xx ferm. xx rúmm. Gjald kr. 7.300 + xx
Vísað til umsagnar í vesturteymi arkitekta hjá skipulagsstjóra.
34.08 Túngata 34, nýr bílskúr.
Að lokinni grenndarkynningu er lagt fram erindi frá afgreiðslufundi byggingarfulltrúa frá 22. apríl 2008 þar sem sótt er um leyfi til að endurbyggja bílgeymslu og stækka við tvíbýlishúsið á lóð nr. 34 við Túngötu. Erindinu var vísað til umfjöllunar í vesturteymi arkitekta hjá skipulagsstjóra og er nú lagt fram að nýju. Grenndarkynning stóð frá 16. maí til 13. júní 2008. Engar athugasemdir bárust.
Stærð stækkunar: xx ferm. xxx rúmm.
Gjald kr. 7.300 + xx

Samþykkt með vísan til heimilda um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
35.08 Vallarstræti og suðurhluti Ingólfstorgs, breyting á deiliskipulagi
Að lokinni auglýsingu er lögð fram tillaga Björns Ólafs ark., dags. 26. október 2007, að breytingu á deiliskipulagi Kvosarinnar vegna suðurhluta Ingólfstorgs, Vallarstrætis og lóðunum Thorvaldsensstræti 2, Vallarstræti 4 og Aðalstræti 7. Lögð fram umsögn Framkvæmdasviðs, dags. 21. janúar 2008, umsagnir húsafriðunarnefndar, dags. 4. og 29. febrúar 2008, umsögn umhverfis- og samgönguráðs, dags. 14. febrúar. Auglýsing stóð frá 30. apríl til og með 11. júní 2008. Athugasemdir bárust frá eftirfarandi aðilum: Guðrún Sveinbjarnardóttir Skálholtsstíg 2, dags. 9. júní, Heimir Þorleifsson Skólabraut 14, mótt. 10. júní, Margrét Ragnarsdóttir Pósthússtræti 13, dags. 10. júní, Gestur Ólafsson f.h. Jóns Hermannssonar, dags. 9. júní, Gestur Ólafsson f.h. ýmissa eigenda við Ingólfstorg, dags. 9. júní, Þór Whitehead Barðastöðum 7, mótt. 10. júní, Sunna Ingólfsdóttir Brekkustíg 8, dags. 10. júní, Ingólfur Steinsson, dags. 10. júní, Ólafur Ólafsson, dags. 10. júní, Þórunn Valdimarsdóttir Bárugötu 5, dags. 10. júní, Björgvin Jónsson hrl. f.h. Stúdíó 4 ehf., dags. 8. júní, Árni Guðjónsson, dags. 10. júní, Edda Einarsdóttir Hávallagötu 48, dags. 11. júní, Eyjólfur Karlsson, dags. 11. júní, Gísli Ólafsson, dags. 10. júní, Þorlákur Jónsson, dags. 10. júní, Gunnar Ólason, dags. 10. júní, Helgi Þorláksson, dags. 10. júní, Norma MacCleave, dags. 10. júní, Bjargmundur Kjartansson, dags. 10. júní, Haraldur Haraldsson og Erna Ludvigsdóttir, dags. 10. júní, Kristján Karlsson, dags. 10. júní, Björn Hallgrímsson, dags. 11. júní, Sylvía Guðmundsdóttir, dags. 11. júní, Grímur Sigurðarson og Guðrún Helgadóttir, dags. 11. júní, Auður Guðjónsdóttir, mótt. 10. júní, 3 íbúar Aðalstræti 9, dags. 11. júní, Forum lögmenn f.h. eigenda fasteigna að Aðalstræti 6 og 8, dags. 11. júní, Grímur Sigurðsson, dags. 11. júní, Snorri Hilmarsson formaður Torfusamtakanna, dags. 11. júní, Þórður Magnússon, dags. 11. júní, Áshildur Haraldsdóttir dags. 11. júní, Guðný Jónsdóttir, dags. 11. júní, Davíð Sigurðarson, dags. 11. júní, María Jensen, dags. 11. júní, Guðríður Ragnarsdóttir, dags. 12. júní, Elísabet Gunnarsdóttir og Sighvatur Arnmundsson, dags. 12. júní, Guðrún Jónsdóttir, dags. 12. júní, Auglýsing stóð frá 30. apríl til og með 11. júní 2008.
Vísað til skipulagsráðs.
36.08 Vegamótastígur 9, breytt deiliskipulag
Að lokinni auglýsingu er lögð fram tillaga Studio Granda ehf., dags. í apríl 2008 að breytingu á deiliskipulagi lóðarinnar nr. 9 við Vegamótastíg. Breytingin felur í sér nýbyggingu upp á þrjár hæðir og kjallara og endurbyggingu gamla hússins sem turnbyggingu á horninu. Auglýsingin stóð yfir frá 23. apríl til og með 7. júní 2008. Athugasemdir bárust frá eftirfarandi aðilum: Ingvar Sveinbjörnsson hrl. f.h. Runólfs Valdimarssonar, dags. 5. júní 2008, Andri Björnsson dags. 7. júní 2008, Gunnar S. Óskarsson dags. 6. júní 2008, Arnar Jónsson og Þórhildur Þorleifsdóttir dags. 7. júní 2008, Valdís Bjarnadóttir og Gunnar Ingi Ragnarsson dags. 6. júní 2008, Elín G. Gunnarsdóttir fh eigenda og íbúa að Grettisgötu 3 og 3a dags. 6. júní 2008, Bjarki Júlíusson f.h. Kaupangs ehf. dags. 6. júní 2008.
Vísað til skipulagsráðs.
37.08 Vesturvallagata 2, (fsp) bílastæði
Lagt fram erindi frá afgreiðslufundi byggingarfulltrúa frá 18. júní 2008 þar sem ofanrituð spyr hvort leyft verði að gera tvö bílastæði inn á lóð hússins nr. 2 við Vesturvallagötu. Málinu fylgir bréf fyrirspyrjanda dags. 13. júní 2008 ásamt útprentun úr Borgarsjá.
Vísað til umsagnar skipulagsráðs.
38.08 Bólstaðarhlíð, lokun
Á fundi skipulagsstjóra 18. júní 2008 var lögð fram bókun umhverfis- og samgönguráðs frá 13. maí 2008 ásamt bréfi samgöngustjóra, dags. 8. s.m. varðandi lokun Bólstaðarhlíðar. Erindinu var vísað til meðferðar skipulagsstjóra og er nú lagt fram að nýju.
Vísað til meðferðar í vesturteymi arkitekta hjá skipulagsstjóra.
39.08 Hólmsheiði, Fisfélag Reykjavíkur, deiliskipulag athafnasvæðis Fisfélagsins
Lagt fram bréf frá Skipulagsstofnun dags. 16. júní 2008 þar sem gerð er athugasemd við birtingu á samþykkt deiliskipulagsins þar sem form og efni deiliskipulagsins uppfyllir ekki ákvæði laga um umhverfismat áætlana. Auk þess eru nokkur atriði sem skýra þarf í skipulagsgögnum sem stofnunin mun gera betur grein fyrir þegar samráð verður haft við Skipulagsstofnun um efni og umfang umhverfismatsins skv. 2 mgr. 6. gr. laganna.
Vísað til meðferðar umhverfisstjóra skipulags- og byggingarsviðs.
40.08 Suður Mjódd, breyting á Aðalskipulagi Reykjavíkur
Að lokinni auglýsingu er lögð fram að nýju tillaga skipulags- og byggingarsviðs dags. 18. febrúar 2008 að breytingu á Aðalskipulagi Reykjavíkur 2001-2024 vegna Suður- Mjóddar. Í tillögunni er gert ráð fyrir breyttri landnotkun og aukningu á byggingarmagni. Auglýsing stóð yfir til 9. júní 2008. Engar athugasemdir bárust.
Vísað til skipulagsráðs.
41.08 Suður Mjódd, nýtt deiliskipulag
Að lokinni auglýsingu er lögð fram tillaga Erum arkitekta, dags. 6. febrúar 2008, að deiliskipulagi Suður Mjóddar. Í tillögunni felst uppbygging íbúða fyrir eldri borgara, verslun, þjónusta ásamt íþróttahúsi og stúku fyrir Íþróttafélag Reykjavíkur. Einnig er lagt fram bréf Íþrótta- og tómstundasviðs, dags. 22. febrúar 2008. Athugasemdir bárust frá: Arndísi Ólafsdóttur, dags. 7. maí 2008, Íþróttafélagi Reykjavíkur, dags. 15. maí 2008 og Hirti Hjartarsyni og Steinunni Káradóttur, dags. 28. maí 2008, Óskari Maríussyni dags. 29. maí 2008, Skógarbær, hjúkrunarheimili dags. 6. júní 2008.
Auglýsing stóð frá 4. apríl til og með 9. júní 2008.
Vísað til skipulagsráðs.
42.08 Víðidalur, Fákur, breyting á deiliskipulagi
Á fundi skipulagsstjóra 6. júní 2008 var lögð fram tillaga Landslags, dags. 6. júní 2008 að breytingu á deiliskipulagi Fákssvæðis í Víðidal.
Vísað til skipulagsráðs.
43.08 Sundabraut, breyting , Aðalskipulag Reykjavíkur 2001-2024
Lögð fram umsögn Siglingastofnunar dags. 11. júní 2008 þar sem fram kemur að ekki eru gerðar athugasemdir af hálfu Siglingastofnunar.

44.08 Tryggvagata 13, bréf Ungmennafélags Íslands
Á fundi skipulagsstjóra 6. júní 2008 var lagt fram bréf borgarstjóra, dags. 29. maí 2008 vegna samþykktar borgarráðs s.d. að vísa bréfi Ungmennafélags Íslands frá 21. s.m. til framkvæmda- og eignasviðs og skipulagssviðs. Erindinu var vísað til skipulagsráðs og er nú lagt fram að nýju til meðferðar.
Vísað til umsagnar lögfræði og stjórnsýslu.