Kambasel 1-21, Fálkagata, Frostaskjól 2-6, Háskóli Íslands, Hörpugata 7, Keilugrandi 1, Grensásvegur 1, Hólmgarður 48-50, Sogavegur 118, Sogavegur 133, Flugvallarvegur, Hraunteigur 3, Kirkjuteigur 11, Langholtsvegur 200, Skútuvogur 2, Skútuvogur 13, Sundlaugavegur 37, Friggjarbrunnur 34-40, Iðunnarbrunnur/Gefjunarbrunnur, Kjalarnes, Kistumelur 10, Nönnubrunnur 1, Freyjubrunnur 3-9, Þórðarhöfði, Baldursgötureitur 1, Grjótagata 9, Kirkjutorg 4, Sóleyjargata 27-33, Þingholtsstræti 1, Njálsgata 36, Elliðavatnsblettur 101, Fossaleynir 1, Fylkisvegur 6, íþróttasvæði Fylkis, Geldinganes, Laugardalur, Þróttur, Vesturlandsvegur, Hallar, Öskjuhlíð, Keiluhöll, Lóðarumsókn fyrir slökkvistöðvar, Norðlingaholt, Starengi 6, íbúðir námsmanna,

Embættisafgreiðslufundur skipulagsfulltrúa Reykjavíkur samkvæmt viðauka 2.4 við samþykkt um stjórn Reykjavíkurborgar.

150. fundur 2007
Ár 2007, föstudaginn 2. febrúar kl. 10:00, hélt Skipulagsfulltrúi Reykjavíkur 150. embættisafgreiðslufund sinn til afgreiðslu mála án staðfestingar skipulags- og byggingarnefndar. Fundurinn var haldinn á skrifstofu skipulagsfulltrúa Borgartúni 3, 3. hæð. Fundinn sátu: Ágústa Sveinbjörnsdóttir og Lilja Grétarsdóttir. Eftirtaldir embættismenn kynntu mál á fundinum: Jóhannes Kjarval, Margrét Leifsdóttir, Ólöf Örvarsdóttir, Bergljót S. Einarsdóttir, Margrét Þormar, Nikulás Úlfar Másson, Þórarinn Þórarinsson og Björn Axelsson. Ritari var Harri Ormarsson.
Þetta gerðist:

1.07 Kambasel 1-21, (fsp) viðbygging nr. 19
Lagt fram bréf frá afgreiðslufundi byggingarfulltrúa frá 30.01.07. Spurt er hvort leyft yrði að byggja viðbyggingu við norðausturhlið húss nr. 19 í líkingu við fyrirliggjandi skissu ásamt leyfi til þess að setja upp tröppur frá svölum að garði raðhússins á lóð nr. 1-21 við Kambasel, skv. uppdr. Gláma-kím, dags. 23.01.07.
Umsækjandi hafi samband við embættið.
2.07 Fálkagata, deiliskipulag
Lögð fram forsögn skipulagsfulltrúa, dags. febrúar 2007, að deiliskipulagi fyrir Fálkagötu reiti 1.553.0, 1.553.1, 1.553.2 og hluta af reit 1.554.2.
Kynna formanni skipulagsráðs.
3.07 Frostaskjól 2-6, (fsp) breyting á deiliskipulagi lóðar KR
Lögð fram fyrirspurn Andrúm arkitekta f.h. Knattspyrnufélags Reykjavíkur, dags. 7. nóvember 2006, varðandi breytingar á deiliskipulagi lóðar nr. 2-6 við Frostaskjól vegna knattspyrnuhúss. Lögð fram bókun hverfisráðs Vesturbæjar frá 7. nóvember 2006. Einnig lagt fram bréf ÍTR dags. 26.01.07.
Vísað til skipulagsráðs.
4.07 Háskóli Íslands, afmörkun friðlands og mögulegs byggingarreits
Lagt fram bréf rektors Háskóla Íslands, dags. 9. október 2006, varðandi afmörkun friðlands og mögulegs byggingarreits fyrir Listaháskólann á lóð Háskóla Íslands og staðsetningar nýbyggingar LHÍ á lóð HÍ eða í nágrenni við hana. Einnig lögð fram umsögn skipulagsfulltrúa dags. 29,01.07 ásamt tillögu að afmörkun friðlands dags. 26.11.06.
Kynna formanni skipulagsráðs.
5.07 Hörpugata 7, (fsp) breyting á lóð
Lögð fram fyrirspurn Ólafar Pind Aldísardóttur, dags. 11.01.07 og 24.01.07, varðandi skiptingu lóðarinnar nr. 7 við Hörpugötu og byggja nýtt hús. Einnig er lögð fram umsögn skipulagsfulltrúa dags. 17. janúar 2007. Einnig lögð fram drög að kynningargögnum mótt. 25. janúar 2007.
Frestað. Samþykkt að kynna tillöguna fyrir hagsmunaaðilum að Reykjavíkurvegi 25, 27 og 29, og Hörpugötu 3, 4a, 6, 8, 9 og 10.
6.07 Keilugrandi 1, breyting á aðalskipulagi
Lögð fram drög að breytingu á aðalskipulagi Reykjavíkur 2001-2024, dags. 02.02.07. Í tillögunni felst að skilgreina nýjan þéttingarreit við Keilugranda þar sem gert er ráð fyrir allt að 150 íbúðum.
Vísað til skipulagsráðs.
7.07 Grensásvegur 1, (fsp) breyting á deiliskipulagi
Lögð fram fyrirspurn Batterísins ehf. f.h. VGK hönnunar, dags. 23.01.07, um breytingu á deiliskipulagi lóðar nr. 1 við Grensásveg. Tillagan gerir ráð fyrir að byggja 8.310 fm skrifstofuhúsnæði ofanjarðar ásamt bílakjallara á tveimur niðurgröfnum hæðum, u.þ.b. 7.300 fm.
Vísað til umsagnar skipulagsfulltrúa.
8.07 Hólmgarður 48-50, (fsp) bílastæði
Lögð fram fyrirspurn Pálma Sigurðssonar, dags. 01.02.07, um að fjölga bílastæðum á lóðinni nr. 48-50 við Hólmgarð.
Ekki gerð athugasemd við fyrirspurnina, samræmist deiliskipulagi, enda verði sótt um leyfi til byggingarfulltrúa. Bent er á að lóðarhafar bera kostnað af framkvæmdum við gerð bílastæða.
9.07 Sogavegur 118, (fsp) bílskúr
Lagt fram bréf frá afgreiðslufundi byggingarfulltrúa frá 23.01.07. Spurt er hvort leyft yrði að byggja bílskúr sambærilegan að stærð og upp að bílskúr aðlægrar lóðar nr. 120 á lóð nr. 118 við Sogaveg.
Ekki gerð athugasemd við að umsækjandi láti vinna breytingu á deiliskipulagi á eigin kostnað í samræmi við fyrirspurn og í samráði við skipulagsfulltrúa sem síðan verður grenndarkynnt.
10.07 Sogavegur 133, (fsp) ofanábygging
Lagt fram bréf frá afgreiðslufundi byggingarfulltrúa frá 23.01.07. Spurt er hvort leyft yrði að hækka íbúðarhús um þakhæð með kvistum í líkingu við fyrirliggjandi skissu á lóð nr. 133 við Sogaveg.
Neikvætt, samræmist ekki deiliskipulagi m.a.vegna hæðatakmarkana.
11.07 Flugvallarvegur, (fsp) bílastæði
Lögð fram fyrirspurn Jóhanns Úlfarssonar f.h. Icelandair ehf., dags. 30.01.07, varðandi bílastæði við Flugvallarveg.
Ekki gerð athugasemd við að gefið verði út bráðabirgðaleyfi um afnot af svæðinu fyrir bílastæði með öllum fyrirvörum um hugsanlegar vegtengingar gangnamunna ofl. Málinu vísað til afgreiðslu Framkvæmdasviðs.
12.07 Hraunteigur 3, (fsp) breyting
Lagt fram bréf frá afgreiðslufundi byggingarfulltrúa frá 30.01.07. Spurt er hvot leyft yrði að hækka þak í líkingu við fyrirliggjandi skissu á lóð nr. 3 við Hraunteig.
Bréf fyrirspyrjanda dags. 20. desember 2006 fylgir fyrirspurn.
Neikvætt. Samræmist ekki deiliskipulagi. Heimilt er að hækka um eina hæð samkvæmt skipulagi Teigahverfis, en halda skal upprunalegu þakformi. Fyrispurnin samræmist því ekki skipulagi eins og hún er lögð fyrir.
13.07 Kirkjuteigur 11, (fsp) stækkun bílskúrs
Lagt fram bréf frá afgreiðslufundi byggingarfulltrúa frá 23. janúar 2007. Spurt er hvort leyft yrði að byggja um 35 ferm viðbyggingu norðan við núverandi bílskúr á lóð nr. 11 við Kirkjuteig.
Bréf fyrirspyrjenda dags. 15. janúar 2007 fylgir erindinu.
Heimilt er að stækka bílskúr eins og sýnt er á deiliskipulagi sbr. meðfylgjandi uppdrátt. Samræmist deiliskipulagi.
14.07 Langholtsvegur 200, (fsp) stækkun kvista og fl..
Lagt fram bréf frá afgreiðslufundi byggingarfulltrúa frá 23.01.07. Spurt er hvort leyft yrði að stækka kvisti á suður- og norðurþekju og byggja svalir framan við nýjan kvist suðurhliðar íbúðarhússins á lóð nr. 200 við Langholtsveg.
Ekki gerð athugasemd við að kvistir verði stækkaðir en gæta þarf þess að lengd þeirra nái ekki yfir meira en 2/3 þaklengdar. Grenndarkynna þarf byggingarleyfisumsókn berist hún.
15.07 Skútuvogur 2, hjólaskýli afdrep ofl
Lagt fram bréf frá afgreiðslufundi byggingarfulltrúa frá 23.01.07. Sótt er um að breyta innra skipulagi annarrar hæðar og bæta við fundaraðstöðu við stigahús og barnahorni í mötuneyti og byggja afdrep fyrir reykingafólk og hjólaskýli í tengslum við atvinnuhús á lóð nr. 2 við Skútuvog, skv. uppdr. Ask arkitekta, dags. 04.04.06 síðast breytt 16.01.07.
Gjald kr. 6.800

Vísað til umsagnar skipulagsfulltrúa.
16.07 Skútuvogur 13, gistiheimili
Lagt fram bréf frá afgreiðslufundi byggingafulltrúa frá 09.01.07. Sótt er um leyfi til þess að breyta bráðabirgða svefnaðstöðu langferðabílstjóra á millilofti yfir 0102 í gistiheimili á lóð nr. 13 við Skútuvog.
Gjald kr. 6.100
Neikvætt. Samræmist ekki landnotkun aðalskipulags.
17.07 Sundlaugavegur 37, og borgarland austan við, fsp um uppbyggingu
Lögð fram fyrirspurn Arkþings f.h. 501 ehf., dags. 7.11.06, varðandi uppbyggingu á lóðinni Sundlaugarvegur 37 og á borgarlandi sunnan og austan þeirrar lóðar skv. uppdr., dags. 2.11.06. Lagður fram uppdr. Arkþing, dags. 29.01.07 ásamt bréfi dags. 30.01.07.
Kynna formanni.
18.07 Friggjarbrunnur 34-40, (fsp) raðhús - fjölgun íbúða
Lagt fram bréf frá afgreiðslufundi byggingarfulltrúa frá 16.01.07. Spurt er hvort leyfi fengist fyrir íbúðum í kjallara húsanna á lóð nr. 34 og 40 í raðhúsi við Friggjarbrunn, skv. uppdr. Vektor, hönnun og ráðgjöf, dags. 09.01.07.
Neikvætt. Samræmist ekki deiliskipulagi.
19.07 Iðunnarbrunnur/Gefjunarbrunnur, breyting á deiliskipulagi
Að lokinni auglýsingu er lögð fram tillaga skipulagshöfunda VA arkitekta, mótt. 20. nóvember 2006 að breytingu á deiliskipulagi vesturhluta Úlfarsárdals, vegna byggingarreita við Iðunnarbrunn og Gefjunarbrunn. Auglýsingin stóð yfir frá 6. desember 2006 til 17. janúar 2007. Athugasemdarbréf barst frá Snorra Sigurjónssyni, dags. 2. janúar 2007. Lögð fram umsögn skipulagsfulltrúa dags. 02.02.2007.
Vísað til skipulagsráðs.
20.07 Kjalarnes, Kistumelur 10, breyting á deiliskipulagi
Að lokinni grenndarkynningu er lögð fram tillaga Vektor, hönnun og ráðgjöf ehf., dags. 03.01.07, að breytingu á deiliskipulagi lóðarinnar nr. 10 við Kistumel á Kjalarnesi. Engar athugasemdir bárust. Samþykki nágranna áritað á uppdrátt.
Vísað til skipulagsráðs.
21.07 Nönnubrunnur 1, (fsp) fjölbýlishús - hækkun
Lagt fram bréf frá afgreiðslufundi byggingarfulltrúa frá 16. janúar 2007. Spurt er hvort leyfi fengist fyrir hækkun á gólfkóta hússins á lóð nr. 1 við Nönnubrunn, skv. uppdr. Vektor, hönnun og ráðgjöf, dags. 9. janúar 2007.
Meðfylgjandi er greingerð aðalhönnuðar dags. 9. jan. 2007.
Neikvætt. Stærð húss samræmist ekki deiliskipulagi.
22.07 Freyjubrunnur 3-9, stækkun á byggingarreit
Lögð fram umsókn Guðmundar Benediktssonar, dags. 04.01.06, um stækkun á byggingarreit um 2 m. til suðurs á lóðunum nr. 3-9 við Freyjubrunn. Einnig lagður fram uppdr. ódags.
Neikvætt. Samræmist ekki deiliskipulagi.
23.07 Þórðarhöfði, lóðarafmörkun
Lagt fram bréf Framkvæmdasviðs, dags. 23.01.07, þar sem óskað er eftir að lóð við Þórðarhöfða verði afmörkuð með formlegum hætti.
Vísað til skipulagsráðs.
24.07 Baldursgötureitur 1, forsögn að deiliskipulagi reits 1.186.3
Lögð fram forsögn að deiliskipulagi Baldursgötureits 1, sem afmarkast af Freyjugötu, Baldursgötu, Þórsgötu og Njarðargötu.
Kynna formanni.
25.07 Grjótagata 9, (fsp) viðbyggingu
Lögð fram fyrirspurn Þorsteins Bergssonar, f.h. Minjaverndar, dags. 25.01.07, ásamt uppdr. Argos, dags. 12.01.07, varðandi viðbyggingu við húsið á lóðinni nr. 9 við Grjótagötu.
Ekki gerð athugasemd við að unnin sé tillaga að breytingu á deiliskipulagi í samræmi við fyrirspurn sem síðan verður grenndarkynnt. Ekki er þó mælt með séríbúð í kjallara.
26.07 Kirkjutorg 4, (fsp) breytingar inni og úti
Lagt fram bréf teiknistofu Halldórs Guðmundssonar, dags. 28.11.06 ásamt bréfi sama til húsafriðunarnefndar, dags. 20.11.06 og uppdrætti, dags. 27.11.06. Óskað er eftir málskoti, að erindið verði lagt fyrir skipulagsráð. Spurt er hvort leyfi yrði að breyta lágu þakrými í nýtanlegt rými á efstu hæð og gera núverandi flatt þak yfir 3. hæð að svölum, stækka glugga á framhlið húss og bæta við litlum svölum á 2. og 3. hæð húss á lóð nr. 4 við Kirkjutorg.
Umsögn Húsafriðunarnefndar ríkisins dags. 15. maí 2006, bréf hönnuðar dags. 23. júní 2006 og útskrift úr gerðabók embættisafgreiðslufundar skipulagsfulltrúa frá 14. júlí 2006 fylgja erindinu.
Vísað til skipulagsráðs.
27.07 Sóleyjargata 27-33, (fsp) fjölgun bílastæða
Lögð fram fyrirspurn Frank A. Cassata, dags. 24.08.06, varðandi fjölgun bílastæða á svæði sunnan Sóleyjargötu 27-33 m.a. vegna gistihúsastarfsemi. Lögð fram umsögn hverfisarkitekts dags. 30.01.07.
Málinu vísað til afgreiðslu Framkvæmdasviðs.
28.07 Þingholtsstræti 1, (fsp) hækkun húss o.fl.
Lögð fram fyrirspurn Davíðs Kristjáns Pitt, dags. 25.01.07, um að hækka húsið á lóðinni nr. 1 við Þingholtsstræti um tvær hæðir þannig að efsta hæð yrði inndregin, dýpka hús að aftan og bæta við nýjum stigagangi þar.
Vísað til umsagnar hverfisarkitekts.
29.07 Njálsgata 36, (fsp) viðbygging
Lagt fram bréf frá afgreiðslufundi byggingarfulltrúa frá 16. janúar 2007. Spurt er hvort leyft yrði að byggja tvær hæðir og kjallara við austurhlið húss nr. 36 í líkingu við það hús nema spegilmynd, en einnig er á lóð lítið einlyft timburhús á steinsteyptri kjallarahæð nr. 36B á lóð nr. 36 við Njálsgötu.
Bréf fyrir hönd fyrirspyrjanda dags. 20. desember 2006 fylgir erindinu.
Fyrirspurn vísað til fyrirliggjandi deiliskipulagsvinnu á Njálsgötureit. 1.190.2
30.07 Elliðavatnsblettur 101, (fsp) stækka sumarbústað
Lagt fram bréf frá afgreiðslufundi byggingarfulltrúa 14.11.06. Spurt er hvort leyft verði að stækka sumarbústað á lóðinni nr. 101 við Elliðavatnsblett um 2,5 m í norðurátt frá Helluvatn. Einnig lögð fram umsögn Umhverfisráðs frá 11. desember 2006.
Sumarbústaðurinn stækkar um 9 ferm.
Málinu fylgir bréf fyrirspyrjanda dags. 2. nóvember 2006 og uppdráttur A4 dags. 11. október 2006.
Neikvætt með vísan til fyrri umsagnar skipulagsfulltrúa dags. 02.12.05
31.07 Fossaleynir 1, Egilshöll, breyting á deiliskipulagi
Lögð fram tillaga Alark arkitekta, dags. 01.02.07, að breytingu á deiliskipulagi vegna lögunar byggingarreits c, við austanvert húsið nr. 1 við Fossaleyni og að gera 5 m háa girðingu umhverfis geymslusvæði.
Samþykkt að grenndarkynna fyrirliggjandi tillögu fyrir hagsmunaaðila þ.e. Golfklúbbi Reykjavíkur.
32.07 Fylkisvegur 6, íþróttasvæði Fylkis, breyting á deiliskipulagi
Að lokinni auglýsingu er lögð fram að nýju tillaga Erum arkitektar, dags. 31. október 2006, að breytingu á deiliskipulagi á lóðinni nr. 6 við Fylkisveg, íþróttasvæði Fylkis. Auglýsing stóð yfir frá 29. nóvember 2006 til og með 10. janúar 2007. Athugasemdabréf barst frá Magnúsi Magnússyni og E. Kristrúnu Guðbergsdóttur, dags. 8. janúar 2007 og Ástu Bárðardóttur og Páli K. Ísberg, dags. 8. janúar 2007. Einnig lögð fram umsögn skipulagsfulltrúa dags. 31. janúar 2007.
Vísað til skipulagsráðs.
33.07 Geldinganes, framkvæmdaleyfi vegna æfingaakstursbrautar
Lagt fram bréf Jeppaklúbbs Reykjavíkur, dags. 29.01.07, varðandi framkvæmdaleyfi fyrir æfingaakstursbraut á Geldinganesi.
Ekki lagst gegn erindinu. Athygli vakin á að fyrirhuguð framkvæmd er ekki framkvæmkvæmdaleyfisskyld.
34.07 Laugardalur, Þróttur, uppbygging vallarmála
Lagt fram bréf sviðsstjóra ÍTR, dags. 16.01.07, varðandi erindi Knattspyrnufélagsins Þróttar, dags. 12.12.06 sem íþrótta- og tómstundaráð vísaði til umsagnar skipulags- og byggingarsviðs á fundi sínum 12.01.07.
Vísað til umsagnar umhverfisstjóra.
35.07 Vesturlandsvegur, Hallar, br. á deiliskipulagi
Lögð fram drög, dags. 1 febrúar 2007 að tillögu skipulags- og byggingarsviðs að breytingu á deiliskipulagi athafnasvæðis Halla, austan Vesturlandsvegar. Einnig lögð fram að nýju forsögn skipulagsfulltrúa dags. 2. maí 2006.
Kynna formanni skipulagsráðs.
36.07 Öskjuhlíð, Keiluhöll, breyting á deiliskipulagi
Lögð fram drög að tillögu GP arkitekta, dags. 01.02.07, að breytingu á deiliskipulagi Öskjuhlíðar, Keiluhöll vegna viðbyggingar.
Kynna formanni skipulagsráðs.
37.07 Lóðarumsókn fyrir slökkvistöðvar, við Vesturlandsveg og við Stekkjarbakka
Lagt fram bréf skrifstofu borgarstjórnar, dags. 30.01.07, ásamt bréfi SHS fasteigna, dags. 19.01.07, varðandi tvær lóðir fyrir nýjar slökkvistöðvar, annars vegar lóð undir Úlfarsfelli við Vesturlandsveg, Hallar og hins vegar við Stekkjarbakka. Einnig lögð fram frumdrög Arkþing, ódags.
Vísað til umsagnar umhverfisstjóra.
38.07 Norðlingaholt, nýr grunn og leikskóli í Norðlingaholti
Kynntar hugmyndir að nýjum skóla og leikskóla í Norðlingaholti.
Kynna formanni Skipulagsráðs.
39.07 Starengi 6, íbúðir námsmanna, breyting á deiliskipulagi
Lögð fram tillaga Sóleyjar Jónsdóttur arkitekts, dags. 01.02.07, að breytingu á deiliskipulagi lóðarinnar Starengis 6. Breytingin felst í því að gerður er byggingarreitur fyrir áhaldahús og bílastæða fyrirkomulagi er breytt.
Samþykkt að grenndarkynna fyrirliggjandi tillögu fyrir hagsmunaaðilum að Starengi 4, Starengi 8 til 20b og Breiðuvík 2-6, þegar uppdráttur hefur verið lagfærður.