Skipulags- og umferðarnefnd, Skipulags- og umferðarnefnd, Skipulags- og umferðarnefnd, Dalhús 2, Aðalskipulag Reykjavíkur, Ársskýrsla gatnamálastjóra, Barónsstígur 2-4, Dugguvogur 4, Bílastæði í götustæði, Skúlagata 21 og 42,

Skipulags- og umferðarnefnd

24. fundur 1996
Ár 1996, föstudaginn 15. nóvember kl. 12.00, var haldinn 1. fundur skipulags- og umferðarnefndarnefndar í Borgartúni 3, 4. hæð. Þessir sátu fundinn: Guðrún Ágústsdóttir, Halldór Guðmundsson, Margrét Sæmundsdóttir, Óskar Dýrmundur Ólafsson og Guðrún Zoëga. Fundarritari var Ágúst
Þetta gerðist:

Skipulags- og umferðarnefnd, samþykkt
Lögð fram samþykkt fyrir skipulags- og umferðarnefnd.


Skipulags- og umferðarnefnd, fulltrúar
Lagt fram bréf borgarstjóra, dags. 8.11.96, varðandi kosningu fulltrúa í skipulags- og umferðarnefnd, sem fram fór í borgarstjórn 7.11.96.

Þessir voru kjörnir:
Guðrún Ágústsdóttir, Margrét Sæmundsdóttir, Guðrún Jónsdóttir, Óskar Dýrmundur Ólafsson, Gunnar J. Birgisson, Guðrún Zoëga og Halldór Guðmundsson
Varamenn:
Birgir Jónsson, Guðrún Ögmundsdóttir, Óskar Bergsson, Sigurður Harðarson
Vilhjálmur Þ. Vilhjálmsson, Ólafur F. Magnússon og Þórunn Pálsdóttir.
Formaður var kjörin Guðrún Ágústsdóttir.
Formaður bauð nefndarmenn og embættismenn velkomna til starfa.
Skipulags- og umferðarnefnd, kosning varaformanns
Kjör varaformanns skipulags- og umferðarnefndar

Að tillögu formanns var Margrét Sæmundsdóttir kjörin varaformaður skipulags- og umferðarnefndar með samhljóða aðkvæðum.
Dalhús 2, sundlaug
Lagt fram bréf borgarstjóra f.h. borgarráðs um samþykkt borgarráðs 29.10.96 á bókun skipulagsnefndar frá 28.10.96 um breytt fyrirkomulag sundlaugarbyggingar við Dalhús 2.


Aðalskipulag Reykjavíkur, athugasemdir
Lagt fram yfirlit um ábendingar og athugasemdir nefnda og ráða við greinargerð aðalskipulags.


Ársskýrsla gatnamálastjóra, kynning
Lögð fram áætlun gatnamálastjóra um nýbyggingu gatna og holræsa 1997, dags. 13.11.96.

Borgarverkfræðingur og gatnamálastjóri kynntu.
Skipulags- og umferðarnefnd samþykkir samhljóða svofellda bókun: "Skipulags- og umferðarnefnd beinir því til embættis borgarverkfræðings að við framkvæmdir í Staðahverfi verði haft í huga að hverfið verði svokallað "30 km hverfi" og að jafnframt verði tekið tillit til þarfa fatlaðra."
Barónsstígur 2-4, aðkoma
Lagt fram að nýju bréf Sverris Hermannssonar, f.h. Neskjörs h.f., dags. 18.09.96, varðandi ósk um breytingu á innakstri frá Barónsstíg, í innakstur frá Hverfisgötu. Einnig lagðir fram uppdr. Arkitektaþjónustunnar, dags. 18.09.96, greinargerð umferðardeildar borgarverkfræðings, ódags., bréf umferðardeildar, dags. 7.10.96 og bréf SVR, dags. 9.10.96.
Frestað.
Vísað til borgarráðs til kynningar. Fulltrúar Sjálfstæðisflokks í skipulags- og umferðarnefnd óskuðu bókað: "Mál þetta hefur verið í rækilegri skoðun síðan um miðjan september. Við teljum ekki verjandi að draga umsækjanda lengur á svari og heimila ekki aðkomu að lóðinni frá Hverfisgötu í samræmi við samþykkt umferðarnefndar og umsögn embættismanna borgarverkfræðings. Í staðinn er gert ráð fyrir innkeyrslu frá gatnamótunum". Fulltrúar Reykjavíkurlistans óskuðu bókað: "Fyrir liggur staðfest deiliskipulag af reitnum þar sem gert er ráð fyrir að tengibygging neðan við Barónsfjós sé rifin og þar verði aðkoma ökutækja að reitnum. Ekki er gert ráð fyrir aðkomu frá Hverfisgötu inn á reitinn. Beiðni um breytingu á innkeyrslu er því breyting á staðfestu deiliskipulagi og þarf að sækja um það sérstaklega til þar til bærra yfirvalda. Fulltrúar þeir, sem nú hafa tekið sæti í skipulagsnefnd, en áður sátu í umferðarnefnd, eru að koma að þessu máli með nýjum hætti og fá um það fjölþættari upplýsingar, sem breyta grunnforsendum. Þá skal þess getið, að SVR hefur andmælt aðkomu að reitnum frá Hverfisgötu. Þar sem staðfest deiliskipulag liggur fyrir er hægt að leita annarra lausna við framkvæmd á staðfestu deiliskipulagi. Nauðsynlegt er því að athuga þetta mál betur. Ljóst er að um málið eru skiptar skoðanir meðal embættismanna.


Dugguvogur 4, viðbygging
Lagt fram bréf byggingarfulltrúa, f.h. byggingarnefndar, dags. 27.09.96, varðandi viðbyggingu við 2. hæð á lóðinni nr. 4 við Dugguvog, samkv. uppdr. Arnar Sigurðssonar, ark., dags. 18.09.96.

Skipulags- og umferðarnefnd samþykkir viðbygginguna, en telur að bæta megi útfærslu hennar.
Bílastæði í götustæði,
Guðrún Jónsdóttir óskaði bókað: "Ég ítreka ósk mína um yfirlit frá gatnamálastjóra og byggingarfulltrúa yfir þá staði þar sem lóðarhafi hefur látið land undir gangstétt gegn því að fá bílastæði úti í götustæði (þ.e.a.s. á lóð gatnamálastjóra)".
Skúlagata 21 og 42, uppbygging
Lagt fram til kynningar bréf Ólafar Flygenring arkitekts f.h. Viðars ehf., dags. 06.11.96, varðandi uppbyggingu lóðanna Skúlagata 21 og 42, samkv. uppdr, dags. í október 1996. Ennfremur lagt fram bréf Almennu verkfræðistofunnar hf., dags. 28.10.96, varðandi umferðarhávaða. Einnig lagt fram líkan.
Frestað.