Austurbrún 12, Dofraborgir 12-18, Framnesvegur 2, Rauðagerði 30, Norðlingaholt, deiliskipulag, Baughús 10, Brekkustígur 1, Fossvogsbakkar, Gullinbrú, Gylfaflöt, Dælutækni hf., Hólaberg 78, Hæðargarður, leikskóli, Jafnasel 6, Laufrimi 10-20, Klapparstígur 35, Óðinsgata 8,8a,8b,8c, Raufarsel 8, Sigtúnsreitur, Þrastargata 7, Reitur 1.171.1, Tilraunareitur/skjólmyndun,

Skipulags- og umferðarnefnd

9. fundur 1995
Ár 1995, mánudaginn 24. apríl kl. 11.00, var haldinn 9. fundur skipulagsnefndar í Borgartúni 3, 4. hæð. Þessir sátu fundinn. YYYYYY. Ritari var XXXXXX.
Þetta gerðist:

Austurbrún 12, viðbygging
Lagt fram bréf borgarstjóra f.h. borgarráðs um samþykkt borgarráðs 4.4.95 á bókun skipulagsnefndar frá 3.4.95 um nýbyggingu við Austurbrún 12.


Dofraborgir 12-18, breyting á skilmálum
Lagt fram bréf borgarstjóra f.h. borgarráðs um samþykkt borgarráðs 4.4.95 á bókun skipulagsnefndar frá 3.4.95 um breytingu á skilmálum á lóð nr. 12-18 við Dofraborgir.


Framnesvegur 2, skipting lóðar
Lagt fram bréf borgarstjóra f.h. borgarráðs um samþykkt borgarráðs 4.4.95 á bókun skipulagsnefndar frá 3.4.95 um skiptingu lóðar að Framnesvegi 2.


Rauðagerði 30, nýbygging
Lagt fram bréf borgarstjóra f.h. borgarráðs um samþykkt borgarráðs 4.4.95 á bókun skipulagsnefndar frá 3.4.95 um nýbyggingu við Rauðagerði 30.


Norðlingaholt, deiliskipulag, kynning
Kynnt staða deiliskipulagsvinnu í Norðlingaholti. Skipulagshöfundar komu á fundinn og gerðu grein fyrir tillögum sínum. Einnig var gerð grein fyrir tillögum að gatnamótum Suðurlandsvegar og Breiðholtsbrautar og nýrri tengingu við Suðurlandsveg við Baldurshaga.
Baughús 10, breyting á skilmálum
Lagt fram bréf Stefáns G. Óskarssonar, dags. 13.3.95 varðandi ósk um breytingu á skilmálum í Húsahverfi á þann veg að gera húsið Baughús 10 að tvíbýlishúsi.

Frestað.
Brekkustígur 1, kvistir
Lagt fram bréf Dagnýjar Helgadóttur, arkitekts, dags. 11.4.95, varðandi ósk um mænishækkun og kvisti á götu- og garðhlið hússins nr. 1 við Brekkustíg, samkv. uppdr. dags. 11.4.95.

Skipulagsnefnd er jákvæð gagnvart erindinu.
Fossvogsbakkar, friðlýsing
Lagt fram bréf borgarlögmanns f.h. borgarráðs, dags. 29.3.95, varðandi erindi Náttúrverndarráðs um friðlýsingu Fossvogsbakka.

Frestað.
Gullinbrú, breikkun
Lagt fram bréf íbúa við Fannafold 23-45 varðandi ósk um frágang svæðis, sem áður var ætlað fyrir "stóra" bíla og gerð hljóðmanar. Einnig lögð fram tillaga Borgarskipulags, dags. 19.4.95.

Samþykkt. Frágangur er ekki á framkvæmdaáætlun ársins 1995.
Gylfaflöt, Dælutækni hf., lóðarafmörkun
Lagt fram bréf borgarlögmanns f.h. borgarráðs, dags. 29.3.95, varðandi afmörkun lóðar fyrir Dælutækni hf. á Gylfaflöt austan Bæjarflatar. Einnig lögð fram tillaga Borgarskipulags, dags. 21.4.95.

Samþykkt.
Hólaberg 78, gistiheimili
Lagt fram bréf byggingarfulltrúa f.h. byggingarnefndar, dags. 31.3.95, varðandi erindi Bjarna Guðmundssonar um að breyta vinnuskála á lóð nr. 78 við Hólaberg í gistiheimili samkvæmt uppdr. Njáls Guðmundssonar, dags. í mars 1995.

Samþykkt.
Hæðargarður, leikskóli, afmörkun lóðar
Lögð fram að nýju tillaga Borgarskipulags, dags. 16.3.95, um afmörkun lóðar leikskóla við Hæðargarð á lóð Breiðagerðisskóla og breytt mörk grunnskólans. Einnig lögð fram bókun umhverfismálaráðs frá 12.4.95 og athugasemdir íbúa vegna kynningar.

Frestað. Vísað til skólamálaráðs til umsagnar.
Jafnasel 6, landnotkun
Lagt fram bréf borgarstjóra f.h. borgarráðs, dags. 15.3.95 varðandi veitingasölu á efri hæð húss nr. 6 við Jafnasel, sem er á iðnaðarsvæði.

Vísað til Borgarskipulags til meðferðar við endurskoðun aðalskipulags.
Laufrimi 10-20, skipting og fyrirkomulag lóðar
Lögð fram tillaga Borgarskipulags, dags. 19.4.95 að skiptingu og fyrirkomulagi lóðar nr. 10-18 við Laufrima.

Skipulagsnefnd samþykkir svohljóðandi bókun með 3 atkv. gegn 2. (Gunnar J. Birgisson og Guðrún Zoega á móti):
"Skipulagsnefnd samþykkir tillöguna fyrir sitt leyti með fyrirvara um samþykki félagsmálaráðs og leggur til við borgarráð, að að því fengnu verði sótt um landnotkunarbreytingu samkv. 19. gr. skipulagslaga á vestari hluta lóðarinnar (hluti B)".
Vísað til félagsmálaráðs.
Guðrún Zoega og Gunnar J. Birgisson óskuðu bókað:
"Mikið hefur verið rætt um skort á hjúkrunarrýmum í Reykjavík. Með þessari breytingu eru fulltrúar R-listans í skipulagsnefnd að samþykkja skerðingu á lóð fyrir hjúkrunarheimili. Þarna er um stefnubreytingu að ræða, en samkv. samþykkt borgarstjórnar er félagsmálaráð rétti aðilinn til að móta stefnu í þessum málum. Því er ekki hægt að fallast á þessa málsmeðferð".
Guðrún Ágústsdóttir óskaði bókað:
"Erindið hefur aldrei verið til umfjöllunar í félagsmálaráði. Borgarráð vísaði erindinu því til skipulagsnefndar, en ekki félagsmálaráðs. Það er að minni tillögu hér sem erindið er afgreitt með fyrirvara um samþykki félagsmálaráðs. Það er fráleitt að gefa það í skyn að skipting á þessari lóð sé yfirlýsing um að ekki verði byggð hjúkrunarheimili í borginni. Verið er að finna lóðir víðs vegar um borgina fyrir væntanleg hjúkrunarheimili. Enda brýnt að hraða uppbyggingu þeirra miðað við það ástand, sem skapast hefur á undanförnum árum í tíð meirihluta Sjálfstæðisflokksins í þessum mikilvæga málaflokki. Vilji félagsmálaráð nýta allt svæðið undir hjúkrunarheimili þá verður orðið við því. Um það snýst fyrirvari í afgreiðslu skipulagsnefndar".












Guðrún Zoega óskaði bókað:
"Bókun meirihlutans staðfestir, að skipulagsnefnd er að taka fram fyrir hendurnar á félagsmálaráði varðandi stefnumótun í þessum málaflokki. Má furðu sæta að formaður félagsmálaráðs láti sér slík vinnubrögð lynda, ef aftur og aftur gerist það, að félagsmálaráð er hundsað varðandi þessi mál".
Guðrún Ágústsdóttir óskaði bókað:
"Stefnumótun í málefnum aldraðra er að sjálfsögðu í höndum félagsmálaráðs. Um það er ekki ágreiningur. Bókun Guðrúnar Zoega er því óþörf".
Klapparstígur 35, nýbygging
Lagt fram bréf Gunnars Rósinkranz, dags. 7.4.95, varðandi nýbyggingu að Klapparstíg 35, samkv. uppdr. teiknistofunnar Arkþing, dags. í apríl 1995.

Skipulagsnefnd samþykkir erindið en fellst þó ekki á staðsetningu bílastæðis sunnan við húsið við Klapparstíg. Vegghæð suðurenda hússins verði ekki meiri en 8, 5 m.
Óðinsgata 8,8a,8b,8c, lóðamörk
Lögð fram tillaga Borgarskipulags að breytingu á lóðamörkum og frágangi lóðanna Óðinsgata 8, 8a, 8b og 8c, dags. 27.3.95.

Samþykkt. Frágangur er ekki á framkvæmdaáætlun ársins 1995.
Raufarsel 8, staðsetning listaverks
Lagt fram bréf menningarmálanefndar, dags. 6.4.95, varðandi staðsetningu listaverksins "Næpan" eftir Gerði Helgadóttur við Seljakirkju.

Samþykkt.
Sigtúnsreitur, breytt lóðamörk/ torg
Lögð fram tillaga Borgarskipulags, dags. 21.4.95, að breytingu á deiliskipulagi Sigtúnsreits. Tillagan felur í sér breytingar á torgi og mörkum aðliggjandi lóða (Sigtúns 40 og Engjateigs 9).

Samþykkt.
Þrastargata 7, nýbygging
Lagt fram bréf Karls Jónssonar, mótt. 21.3.95, varðandi ósk um að rífa hús á lóð nr. 7 við Þrastargötu og reisa nýtt hús, samkv. teikningu, dags. 16.3. 1995. Einnig lögð fram umsögn Árbæjarsafns, dags. 19.4.95.

Frestað. Vísað til umhverfismálaráðs.
Reitur 1.171.1, skipulagsrammi
Margrét Þormar frá Borgarskipulagi kynnti tillögur Borgarskipulags að skipulagsramma reits 1.171.1, sem markast af Smiðjustíg, Hverfisgötu, Klapparstíg og Laugavegi, dags. 10.4.95.


>Tilraunareitur/skjólmyndun, afmörkun
Lagt fram bréf Sigurðar Harðarsonar arkitekts FAÍ, dags. 13.3.95, varðandi tilraunaverkefni í skipulagi.

Skipulagsnefnd er jákvæð gagnvart erindinu og vísar því til meðferðar Borgarskipulags, m.a. til undirbúnings tillögu að afmörkun tilraunareits.