Austurstræti 18, Bræðraborgarstígur 16/Drafnarstígur 9, Háaleitisbraut 19, Kjalarnes, Lykkja, Kjalarvogur , Langagerði 5, Miðborg, þróunaráætlun, Reynisvatnsvegur, Tröllaborgir 18, Traðarland 1, Víkingur, Fossvogsdalur, Stjörnugróf 18, Miðborg, þróunaráætlun, Hjallavegur 15 , Laugardalur, Laugarnes, Síðumúli 23 , Suðurlandsbraut 2, Bjargarstígur 14 , Borgartún 20 , Reykjanesbraut, Bræðraborgarst 16 , Kópavogur, Eggertsgata 24, Einarsnes 12-18, Keilugrandi 1, Borgir án bíla, Skerplugata 10, Bæjarháls, Hraunbær, Funafold 105, Langholtsvegur 3, Laxakvísl 2-6, Naustabryggja 12-22, Skaftahlíð 24 , Tómasarhagi 39 , Suður Mjódd, Mánatún 2-6, Gautavík, Þingholtsstræti, Gufunes, Skeljatangi 9, Kristnibraut 31-35, Vesturberg 195, Unufell 14, Hálsahverfi, Stórhöfði,

Skipulags- og umferðarnefnd

20. fundur 2000
Ár 2000, mánudaginn 11. september, var haldinn 20. fundur skipulags- og umferðarnefndar. Fundurinn var haldinn í Borgartúni 3, 4. hæð og hófst kl. 9:00. Viðstaddir voru: Steinunn Valdís Óskarsdóttir, Árni Þór Sigurðsson, Hrannar B. Arnarsson, Halldór Guðmundsson og Inga Jóna Þórðardóttir. Fundarritari var Ívar Pálsson.
Þetta gerðist:

685.00 Austurstræti 18,
Lagt fram bréf borgarstjóra f.h. borgarráðs um samþykkt borgarráðs 29.08.00 á bókun skipulags- og umferðarnefndar frá 21.08.00 varðandi viðbyggingu við Austurstræti 18, enda verði gler á vesturhlið viðbyggingarinnar ógegnsætt.

686.00 Bræðraborgarstígur 16/Drafnarstígur 9, sameining lóða, viðbygging
Lagt fram bréf borgarstjóra f.h. borgarráðs um samþykkt borgarráðs 29.08.00 á bókun skipulags- og umferðarnefndar frá 21.08.00 varðandi sameiningu lóðanna nr. 16 við Bræðraborgarstíg og nr. 9 við Drafnarstíg.

687.00 Háaleitisbraut 19, breytt deiliskipulag
Lagt fram bréf borgarstjóra f.h. borgarráðs um samþykkt borgarráðs 29.08.00 á bókun skipulags- og umferðarnefndar frá 21.08.00 varðandi byggingu sólskála á lóð nr. 19 við Háaleitisbraut og breytingu á deiliskipulagi.

688.00 Kjalarnes, Lykkja, afmörkun lóðar
Lagt fram bréf borgarstjóra f.h. borgarráðs um samþykkt borgarráðs 29.08.00 á bókun skipulags- og umferðarnefndar frá 21.08.00 varðandi afmörkun spildu úr landi Lykkju á Kjalarnesi.

689.00 Kjalarvogur , breyting á skipulagi
Lagt fram bréf borgarstjóra f.h. borgarráðs um samþykkt borgarráðs 29.08.00 á bókun skipulags- og umferðarnefndar frá 28.08.00 varðandi breytingu á skipulagi í Kleppsvík á lóðunum nr. 12 og 14 við Kjalarvog og auglýsingu þar um.

690.00 Langagerði 5, breytt deiliskipulag
Lagt fram bréf borgarstjóra f.h. borgarráðs um samþykkt borgarráðs 29.08.00 á bókun skipulags- og umferðarnefndar frá 21.08.00 varðandi byggingu laufskála á lóð nr. 5 við Langagerði ásamt breytingu á deiliskipulagi.

691.00 Miðborg, þróunaráætlun, verndun og uppbygging
Lagt fram bréf borgarstjóra f.h. borgarráðs um samþykkt borgarráðs 29.08.00 á að efna til opins kynningarfundar um verndun og uppbyggingu í tengslum við þróunaráætlun miðborgar.

692.00 Reynisvatnsvegur, Heiðarsel v/ Langavatn
Lagt fram bréf borgarstjóra f.h. borgarráðs um samþykkt borgarráðs 29.08.00 á bókun skipulags- og umferðarnefndar frá 21.08.00 varðandi leyfi fyrir áður gerðu frístundahúsi og útigeymslu við Langavatn.

693.00 Tröllaborgir 18, aukaíbúð
Lagt fram bréf borgarstjóra f.h. borgarráðs um samþykkt borgarráðs 29.08.00 á bókun skipulags- og umferðarnefndar frá 28.08.00 varðandi byggingu tveggja íbúða húss á lóð nr. 18 við Tröllaborgir og breytingu á deiliskipulagi.

694.00 Traðarland 1, Víkingur, deiliskipulag, br. á aðalskipulagi
Að lokinni auglýsingu er lagt fram að nýju bréf Teiknistofu Halldórs Guðmundssonar, dags. 15.09.99, ásamt deiliskipulagstillögu að íþróttasvæði Víkings í Fossvogi, dags. 28.02.00, síðast br. 03.03.00 ásamt yfirlitsuppdr. Landmótunar, dags. 03.03.00, af Fossvogsdal. Einnig lagt fram samkomulag Kópavogs og Reykjavíkurborgar, dags. í febr. ´99, sem samþykkt var í borgarráði 13.04.99 og bæjarráði Kópavogs 05.03.99. Ennfremur lögð fram tillaga Bæjarskipulags Kópavogs, dags. í mars 2000, að landnotkunarbreytingu á Aðalskipulagi Kópavogs og tillaga Borgarskipulags að breytingu á A.R. 1996-2016, dags. 2. mars 2000. Málið var í auglýsingu frá 26. maí til 23. júní, athugasemdafrestur var til 7. júlí 2000. Lagt fram bréf Náttúruverndar ríkisins, dags. 07.07.00 ásamt umsögn Borgarskipulags dags. 7.09.00 og umsögn Bæjarskipulags Kópavogs dags. 4.09.00.
Auglýst tillaga að deiliskipulagi og auglýst tillaga að breytingu á aðalskipulagi samþykktar. Vísað til borgarráðs.
695.00 Fossvogsdalur, Fagrilundur
Að lokinni auglýsingu er lögð fram að nýju tillaga Landslagsarkitekta ehf. dags. 4.03.2000 um breytt deiliskipulag Fagralundar í Fossvogsdal og stækkun lóðar H.K. yfir í land Reykjavíkur sem nemur 5300 m2. Málið var í auglýsingu frá 26. maí til 23. júní, athugasemdafrestur var til 7. júlí 2000. Lagt fram bréf Náttúruverndar ríkisins, dags. 07.07.00 ásamt umsögn Borgarskipulags dags. 7.09.00 og umsögn Bæjarskipulags Kópavogs dags.4.09.00.
Auglýst tillaga samþykkt. Vísað til borgarráðs.
696.00 Stjörnugróf 18, endurnýjun á leigusamningi
Lagt fram bréf skrifst.stj. borgarverkfræðings, dags. 14.07.00, varðandi endurnýjun og breytta aðild að samningi um lóðina Stjörnugróf 18. Einnig lagt fram bréf Atla Gíslasonar hrl., dags. 28.01.00 og bréf skipulagsstjóra til skrifstofustjóra borgarverkfræðings dags. 24.05.00.
Skipulags- og umferðarnefnd telur ekki æskilegt að framlengja leigusamningin að svo stöddu.
697.00 Miðborg, þróunaráætlun,
Lögð fram drög að stefnu, dags. 11.09.00, fyrir íbúðasvæði og hafnarsvæði miðborgarsvæðis.
Stefna um íbúðarsvæði samþykkt. Borgarskipulagi falið að samræma hugtakanotkun áður en málið fer í borgarráð. Vísað til borgarráðs.
Stefna um hafnarsvæði samþykkt. Vísað til hafnarstjórnar.
698.00 Hjallavegur 15 , anddyri fyrir 1.hæð og svalir fyrir 2.hæð. Klæðning að utan
Lagt fram bréf frá afgreiðslufundi byggingarfulltrúa, dags. 23.08.00, þar sem sótt er um leyfi til þess að byggja anddyri úr timbri að norðurhlið húss, koma fyrir svölum á suðurhlið annarrar hæðar og einangra og klæða að utan með hvítum stálpanel húsið á lóðinni nr. 15 við Hjallaveg, samkv. uppdr. Fjölhönnunar ehf, dags. í júlí 2000. Bréf hönnuðar dags. 1. ágúst 2000 og samþykki meðeigenda dags. 20. ágúst 2000 fylgja erindinu. Einnig lögð fram umsögn Borgarskipulags dags. 8.09.00.

Samþykkt að grenndarkynna fyrir hagsmunaaðilum að Ásvegi 15 og 16 og að Hjallavegi 17 og 30.
699.00 Laugardalur, breyting á deiliskipulagi vesturhluta
Að lokinni auglýsingu er lögð fram að nýju tillaga Reynis Vilhjálmssonar landslagsarkitekts ásamt greinargerð, dags. 07.09.00, að breytingu á deiliskipulagi vesturhluta Laugardals. Einnig lögð fram umsögn frá fundi umhverfis- og heilbrigðisnefndar 6. júlí 2000. Málið var í auglýsingu frá 26. júlí til 23. ágúst, athugasemdafrestur var til 6. sept. 2000. Tvær athugasemdir bárust: frá Íþrótta- og Ólympíusambandi Íslands dags. 24.07.00 og minnisblað ÍTR dags. 31.07.00.
Auglýst tillaga samþykkt með þeim breytingum sem fram koma á uppdrætti og getið er í greinargerð.
700.00 Laugarnes, deiliskipulag
Að lokinni auglýsingu er lögð fram að nýju tillaga Borgarskipulags að deiliskipulagi Laugarness samkv. uppdr. og greinargerð, dags. 26.05.99 ásamt endurskoðuðu deiliskipulagi dags. 22.06.00, síðast breytt 24.08.00. Málið var í auglýsingu frá 5. júlí til 2. ágúst, athugasemdafrestur var til 16. ágúst 2000. Athugasemdabréf bárust frá: Þorsteini H. Gunnarssyni, dags. 12.08.00, Magnúsi M. Norðdahl, dags. 10.08.00 ásamt greinargerð Hrafns Gunnlaugssonar, dags. 09.08.00, Grétari Bernódussyni, dags. 15.08.00, Listasafni Sigurjóns Ólafssonar, dags. 15.08.00. Einnig lagðar fram umsagnir Borgarskipulags dags. 22.06.00 og 24.08.00 ásamt bókun heilbrigðis- og umhverfisnefndar frá 31.08.00.
Inga Jóna Þórðardóttir bar upp eftirfarandi tillögu:
"Deiliskipulagstillagan verði samþykkt með þeirri breytingu að gert verði ráð fyrir byggingarreit fyrir vinnustofu listamanns, á lóðinni nr. 65, í samræmi við uppdrátt sem samþykktur var í skipulagsnefnd þann 22.11.93."

Tillagan var felld með þremur atkvæðum fulltrúa R-lista gegn tveimur atkvæðum fulltrúa D-lista.



Fulltrúar R-lista óskuðu að eftirfarandi yrði bókað:
"Um alllanga hríð hefur deiliskipulag Laugarness verið til umfjöllunar innan borgarkerfisins. Í þeirri endurskoðun hefur verið lögð áhersla á mikilvægi svæðisins sem almenns útivistarsvæðis með góðu aðgengi almennings. Meirihluti skipulags- og umferðarnefndartelur tillögur um aukið byggingarmagn á kostnað almenns útivistarsvæðis því ekki koma til greina."

Fulltrúar D-lista óskuðu að eftirfarandi yrði bókað:
"Það er misskilningur að tillagan feli í sér aukið byggingarmagn á kostnað almenns útivistarsvæðis. Tillagan felur í sér að skipulags- og umferðarnefnd staðfesti ákvörðun frá 22. nóv. 1993. Sú ákvörðun byggist á samkomulagi við lóðarhafa þar sem borgaryfirvöld höfðu frumkvæði að því að breyta lóðarmörkum til að færa byggingarreit sem sýndur hafði verið norðan við húsið en talið var að innan þess svæðis væri verið að finna fornminjar".

Fulltrúar R-lista óskuðu að eftirfarandi yrði bókað:
"Vakin er athygli á að umrædd samþykkt frá 1993 hlaut aldrei samþykki borgarráðs og telst því ekki endanleg samþykkt borgaryfirvalda".

Framlögð tillaga að deiliskipulagi samþykkt með þremur atkvæðum fulltrúa R-lista. Fulltrúar D-lista sátu hjá.
Vísað til borgarráðs.
701.00 Síðumúli 23 , Breyting inni
Lagt fram bréf frá afgreiðslufundi byggingarfulltrúa, dags. 27.07.00, þar sem sótt er um leyfi til þess að opna milli matshluta 01 og 02 á fyrstu hæð hússins á lóðinni nr. 23 við Síðumúla. Jafnframt er afstöðumynd leiðrétt og gluggum og útihurðum breytt á fyrstu hæð og í kjallara í matshl. 01, samkv. uppdr. M3 arkitekta, dags. 17.07.00. Samþykki Gafls ehf., dags. 17. júlí 2000 fylgir erindinu. Einnig lögð fram umsögn Borgarskipulags dags. 8.09.00.

Synjað vegna bílastæða. Samþykkt að endurskoða deiliskipulag svæðisins m.t.t. bílastæðamála o.fl.
702.00 Suðurlandsbraut 2, deiliskipulag
Lagt fram bréf Klappar Arkitekta - Verkfræðinga ehf, dags. 23.08.00, varðandi deiliskipulag lóðarinnar nr. 2 við Suðurlandsbraut, Hótel Esja - Penninn, samkv. uppdr. Arkitekta Skógarhlíð/Klappar, dags. 12.05.00, br. 06.09.00.
Samþykkt að auglýsa tillöguna sem deiliskipulag þegar unnir hafa verið formlegir uppdrættir.
Vísað til borgarráðs.
703.00 Bjargarstígur 14 , Stækkun
Að lokinni kynningu er lagt fram að nýju bréf frá afgreiðslufundi byggingarfulltrúa, dags. 12.07.00, þar sem sótt er um leyfi til þess að stækka og breyta húsinu á lóðinni nr. 14 við Bjargarstíg, samkv. uppdr. Teiknistofunnar ARKO, dags. 27.07.00.
Breytingarnar eru þær helstar að húsið verður hækkað um eina hæð og ris, einnig verður byggð viðbygging við húsið að lóðarmörkum Bjargarstígs 14 og16. Húsið verður eftir breytingar kjallari, tvær hæðir og ris. Kjallari viðbyggingar er steyptur eða hlaðinn, að öðru leyti er húsið byggt úr bárujárnsklæddu timbri. Samþykki eiganda Bjargarstígs 16, dags. 4. júní 2000 fylgir erindinu. Málið var í kynningu frá 3. ágúst til 1. sept. 2000. Tvö athugasemdarbréf bárust: frá Einari Val Ingimundarsyni dags. 29.08.00 og Guðrúnu Margréti Árnadóttur dags. 29.08.00. Einnig lögð fram umsögn Borgarskipulags dags. 7.09.00.
Fallist á umsögn Borgarskipulags. Nefndin gerir ekki athugasemd við að veitt verði byggingarleyfi á grundvelli kynntra teikninga.
704.00 Borgartún 20 , Atvinnuhúsnæði - breyting inni og úti
Lögð fram bréf frá afgreiðslufundi byggingarfulltrúa, dags. 12.07.00 og 27.07.00 varðandi lóðina Borgartún 20. Einnig lagt fram minnisblað V.S.Ó Ráðgjöf dags. 21.08.00 varðandi bílastæðaútreikning ásamt deiliskipulagsuppdr. Arkitektastofu Finns Björgvinssonar og Hilmars Þórs Björnssonar, dags. 05.09.00. Einnig lögð fram umsögn Borgarskipulags dags. 7.09.00.
Samþykkt að grenndarkynna erindið fyrir hagsmunaaðilum við Samtún sem og við Nóatún 4 og Borgartún 18, 22 og 24.
705.00 Reykjanesbraut, aðalskipulags- og deiliskipulagsbreyting.
Að lokinni auglýsingu er lögð fram að nýju tillaga Borgarskipulags, dags. 19.05.00, að breytingu á A.R. 1996-2016 við Mjódd. Einnig lagður fram uppdr. Línuhönnunar, dags. 15.05.00. Málið var í auglýsingu frá 21. júlí til 18. ágúst, athugasemdafrestur var til 1. sept. 2000. Lagt fram athugasemdarbréf frá OLÍS dags. 24.08.00 ásamt umsögn umferðardeildar dags. 7.09.00.
Frestað.
706.00 Bræðraborgarst 16 , Endurbygging og sameining mhl
Lagt fram bréf frá afgreiðslufundi byggingarfulltrúa dags. 30.08.00 ásamt uppdr.M3 arkitekta dags. 20 ágúst 2000. Sótt er um leyfi til að sameina matshluta 01 og matshluta 02 á lóðinni nr. 16 við Bræðraborgarstíg. Jafnframt er sótt um leyfi til að breyta notkun, innra fyrirkomulagi og útliti hins sameinaða matshluta, sem mun verða nýttur fyrir íbúð, sýningarsal og vinnustofu listamanns. Breytingar á byggingunni fela m.a. í sér að hún verður einangruð, gluggum verður breytt í átt til upprunalegrar gerðar, þaki og kvistum verður breytt á ýmsa vegu án þess að þakið í heild verði hækkað og nýjir byggingarhlutar gerði aftan við hús. Ennfremur er sótt um leyfi til að sameina lóðirnar nr. 16 við Bræðraborgarstíg og nr. 9 við Drafnarstíg og rífa matshluta 03, sem að mestu stendur á lóð nr. 9 við Drafnarstíg og koma fyrir þremur bílastæðum. Einnig lögð fram umsögn Árbæjarsafns dags. 8.09.00 og umsögn Borgarskipulags, dags. 05.09.00.
Lóðasameiningu synjað að svo stöddu. Ekki er gerð athugasemd við að veitt verði byggingarleyfi á grundvelli teikninganna. Ekki er talin þörf á grenndarkynningu.
707.00 Kópavogur, deiliskipulag Vatnsendalands
Lögð fram til kynningar tillaga að deiliskipulagi íbúðabyggðar á Vatnsenda í landi Kópavogs. Einnig lagt fram bréf skipulagsstjóra Kópavogsbæjar, dags. 07.09.00, og umsögn Borgarskipulags, dags. 11.09.00.
Fallist á umsögn Borgarskipulags. Vísað til borgarráðs.
708.00 Eggertsgata 24, br. á deiliskipulagi
Lagt fram að nýju bréf ARKÍS ehf, dags. 07.07.00, ásamt deiliskipulagsuppdrætti dags. 08.09.00 að breyttu deiliskipulagi stúdentagarða Eggertsgötu 24.
Samþykkt að auglýsa tillöguna sem breytingu á deiliskipulagi. Vísað til borgarráðs.
709.00 Einarsnes 12-18, #18 -Sólstofa
Lagt fram bréf frá afgreiðslufundi byggingarfulltrúa, dags. 23.08.00, þar sem sótt er um leyfi til þess að byggja einlyfta viðbyggingu úr timbri og gleri að vesturhlið húss nr. 18 (matshl. 04) á lóðinni nr. 12-18 við Einarsnes, samkv. uppdr. Tækniþjónustunnar sf, dags. í júlí 2000. Samþykki meðlóðarhafa (á teikn.) fylgir erindinu. Einnig lögð fram umsögn Borgarskipulags dags. 1.09.00.

Samþykkt að grenndarkynna erindið fyrir hagsmunaaðilum að Skildinganesi 12, 14, 16 og 18 sem og að Einarsnesi 1-10 og 20-26.
710.00 Keilugrandi 1, starfsemi
Lagt fram bréf Árna R. Guðmundssonar f.h. húseigenda húsa nr. 2-18 við Fjörugranda varðandi húsnæði og starfsemi þvottahússins Grýtu að Keilugranda 1.
Vísað til byggingarfulltrúa.
711.00 Borgir án bíla, Evrópudagur 22. september 2000
Lögð fram tillaga Borgarskipulags um framkvæmd bíllauss dags í Reykjavík þann 22. september n.k
Samþykkt með þremur atkvæðum fulltrúa R-lista. Inga Jóna Þórðardóttir sat hjá.
712.00 Skerplugata 10, (fsp) Bílskúr- stækkun og tilfærsla á bygg.reit.
Lagt fram bréf byggingarfulltrúa, dags. 07.09.00 þar sem spurt er hvort leyft yrði að byggja bílskúr á lóðinni nr. 10 við Skerplugötu. Einnig lögð fram umsögn Borgarskipulags, dags. 07.09.00.
Samþykkt. Ekki er talin þörf á grenndarkynning. Vísað til borgarráðs.
713.00 Bæjarháls, Hraunbær, miðsvæði, skátalóð
Að lokinni auglýsingu er lögð fram að nýju tillaga, dags. 07.07.00, að breytingu á deiliskipulagi við Bæjarháls/Hraunbæ. Málið var í auglýsingu frá 26. júlí til 23. ágúst, athugasemdafrestur var til 6. sept. 2000. Engar athugasemdir bárust.
Auglýst tillaga samþykkt.
714.00 Funafold 105, (fsp.) Sólstofa ofan á bílsk.
Lagt fram bréf frá afgreiðslufundi byggingarfulltrúa, dags. 30.08.00, þar sem sótt er um leyfi til að byggja sólstofu ofan á bílgeymslu hússins á lóðinni nr. 105 við Funafold, samkv. uppdr. Erlings Pedersen ark. dags. 23.08.00. Einnig lögð fram umsögn Borgarskipulags dags. 24.05.00.
Samþykkt að grenndarkynna erindið fyrir hagsmunaaðilum að Funafold 103 - 107.
715.00 86">Langholtsvegur 3, Stækkun og breytingar
Lagt fram bréf frá afgreiðslufundi byggingarfulltrúa, dags. 23.08.00, þar sem sótt er um leyfi til þess að byggja viðbyggingar vestur-, austur- og suðurhlið, klæða hús með standandi viðarklæðningu (húsið er forskalað að hluta og hlaðið að hluta) og setja reykháf á þak hússins á lóðinni nr. 3 við Langholtsveg, samkv. uppdr. Einars Ingimarssonar arkitekts, dags. 10.08.00. Ástandsskýrsla vegna útveggja dags. 16. ágúst 2000 fylgir erindinu. Einnig lögð fram umsögn Borgarskipulags dags. 8.09.00.

Samþykkt að grenndarkynna erindið fyrir hagsmunaaðilum að Langholtsvegi 1 og 5 sem og að Efstasundi 2 og 4.
716.00 Laxakvísl 2-6, 6 bílgeymslur
Að lokinni kynningu er lagt fram að nýju bréf byggingarfulltrúa f.h. byggingarnefndar, dags. 30.06.00, þar sem sótt er um leyfi til að byggja sex sambyggðar bílgeymslur úr steinsteypu á lóðinni nr. 2-6 við Laxakvísl, samkv. uppdr. ASK arkitekta, dags. 14.06.00. Jafnframt verði þrjú bílastæði flutt til innan lóðar. Einnig lögð fram umsögn Borgarskipulags, dags. 14.07.00. Málið var í kynningu frá 3. ágúst til 1. sept. 2000. Engar athugasemdir bárust.
Nefndin gerir ekki athugasemd við að veitt verði byggingarleyfi á grundvelli kynntra teikninga.
717.00 Naustabryggja 12-22, fjölgun íbúða
Lagt fram bréf byggingarfulltrúa dags. 25.08.00 varðandi fjölgun íbúða á lóðinni Naustabryggju 12-22. Einnig lögð fram umsögn Borgarskipulags dags. 4.09.00.
Samþykkt ekki er talin þörf á grenndarkynningu. Vísað til borgarráðs.
718.00 Skaftahlíð 24 , Breyting á útl.og innrask.
Að lokinni kynningu er lagt fram að nýju bréf byggingarfulltrúa f.h. byggingarnefndar, dags. 27.07.00, þar sem sótt er um leyfi til að breyta skipulagi lóðar og endurbyggja hluta húsa (matshluta 01 og 02, Tónabæ) á lóðinni nr. 24 við Skaftahlíð. Í umsókninni felst að matshluti 01 verði notaður fyrir skrifstofu- og starfsmannaaðstöðu og útliti breytt, að matshluti 02 verði notaðir fyrir lager (kjallari) og verslun (1. og 2. hæð) og útliti breytt, m.a.að byggt verði anddyri við norðurhlið og að suðurhlið endurgerð og byggð út til suðurs, samkv. uppdr. Halldórs Guðmundssonar, dags. 12.07.00. Erindinu fylgir bréf hönnuðar dags. 16. júní og 19. júlí 2000, umsögn Péturs H. Ármannssonar dags. 23. júní, umsögn Borgarskipulags dags. 29. júní 2000, umsögn gatnamálastjóra dags. 3. apríl 2000. Málið var í kynningu frá 3. ágúst til 1. sept. 2000. Engar athugasemdir bárust.
Nefndin gerir ekki athugasemd við að veitt verði byggingarleyfi á grundvelli kynntra teikninga.
719.00 Tómasarhagi 39 , Tvær sambygg bílgeymslur
Að lokinni kynningu er lagt fram að nýju bréf byggingarfulltrúa f.h. byggingarnefndar, dags. 30.06.00, þar sem sótt er um leyfi til að byggja tvær sambyggðar bílgeymslur úr steinsteypu á lóðinni nr. 39 við Tómasarhaga, samkv. uppdr. Teiknistofunnar ehf, Ármúla 6, dags. 12.06.00. Erindinu fylgja yfirlýsingar nokkurra nágranna ásamt ódags. bréfi umsækjanda, fyrirvari nágranna að Tómasarhaga 37 dags. 20. júní 2000 og umsögn Borgarskipulags dags. 23. febrúar 2000 vegna fyrirspurnar um sama málefni. Einnig lögð fram umsögn Borgarskipulags, dags. 03.07.00. Málið var í kynningu frá 3. ágúst til 1. sept. 2000. Engar athugasemdir bárust.
Nefndin gerir ekki athugasemd við að veitt verði byggingarleyfi á grundvelli kynntra teikninga.
720.00 Suður Mjódd, aðalskipulags- og deiliskipulagsbreyting
Að lokinni auglýsingu er lagt fram að nýju bréf borgarstjóra f.h. borgarráðs um samþykkt borgarráðs 9. nóv. 1999 á bókun skipulags- og umferðarnefndar frá 21. okt.. varðandi deiliskipulag í Suður - Mjódd ásamt bréfi borgarverkfræðings frá 18. okt. um skipulag og kostnað við gatnagerð. Borgarráð samþykkti að vísa erindinu til meðferðar Borgarskipulag að því er varðar nýtingu atvinnulóðar. Einnig lagðir fram uppdrættir Þórarins Þórarinssonar dags. 12.04.99, breytt 20.02.00 og tillaga Borgarskipulags að breytingu á Aðalskipulagi Reykjavíkur 1996-2016. Málið var í auglýsingu frá 21. júlí til 18. ágúst, athugasemdafrestur var til 1. sept. 2000. Engar athugasemdir bárust.
Frestað.
721.00 Mánatún 2-6, lóðarafmörkun
Lagt fram bréf Ingimundar Sveinssonar ark. dags. 7.09.00 varðandi lóðarafmörkun vegna húsanna nr.2, 4 og 6 við Mánatún. Einnig lögð fram umsögn Borgarskipulags, dags. 7.09.00.
Frestað.
722.00 Gautavík, hraðahindrun
Lagt fram bréf Benedikts Sigurðssonar og Hörpu Ríkharðsdóttur dags. 15.08.00 ásamt undirskriftalista 95 íbúa við Gautavík varðandi ósk um hraðahindrun á götunni.
Frestað.
723.00 ">Þingholtsstræti, gjaldskyld bílastæði
Lagt fram bréf bílastæðasjóðs, dags. 06.04.00, varðandi bílastæði við götukanta Þingholtsstrætis frá Amtmannsstíg í norðri að Hellusundi í suðri verði gjaldskyld.
Frestað.
724.00 Gufunes, lóð Símans
Lögð fram samantekt Borgarskipulags dags. 7.09.00 um mögulega uppbyggingu á lóð Símans á Gufunesi.
Frestað.
725.00 Skeljatangi 9, breyting á deiliskipulagi lóðar
Að lokinni kynningu er lagt fram að nýju bréf Hjörleifs Stefánssonar arkitekts, dags. 06.07.00 ásamt tillögu að stækkun byggingarreits lóðarinnar nr. 9 við Skeljatanga, dags. 06.07.00. Einnig lögð fram umsögn Borgarskipulags, dags. 06.07.00. Málið var í kynningu frá 3. ágúst til 1. sept. 2000. Lagt fram athugasemdarbréf 8 íbúa að Skildingatanga 6 og Fáfnisnesi 8 og 10 dags. 29.08.00. Einnig lögð fram umsögn Borgarskipulags dags. 7.09.00.
Frestað.
726.00 Kristnibraut 31-35, Fjölb.h. á 3-4 h. og 17 íbúðum
Lagt fram bréf byggingarfulltrúa f.h. byggingarnefndar dags. 1.09.00 ásamt uppdr. Gunnars Óskarssonar ark. dags. 23.08.00. Sótt er um leyfi til að byggja fjölbýlishús með sautján íbúðum á þremur hæðum með kjallara undir hluta húss á lóðinni nr. 31-35 við Kristnibraut. Húsið verði pússað og steinað með kvarzmulningi að utan. Jafnframt er sótt um leyfi til að byggja opið og óupphitað bílageymsluhús úr steinsteypu fyrir 12 bíla á lóðinni. Húsið verði málað að utan.
Frestað.
727.00 Vesturberg 195, deiliskipulag lóðar
Lagt fram bréf Kristins Ragnarssonar ark. dags. 1.09.00 varðandi breytingu á skipulagi lóðarinnar Vesturberg 195 skv. uppdr. sama dags. 27.08.00. Einnig lögð fram umsögn Borgarskipulags dags. 7.09.00.
Frestað.
728.00 Unufell 14, göngustígar og trjábeð
Lagt fram bréf Torfa Karls Karlssonar, mótt. 14.07.00, varðandi göngustíga og trjábeð við enda raðhúsanna, Völvufell 14, Unufell 14 og Torfufell 14.
Frestað.
729.00 Hálsahverfi, endurskoðun deiliskipulags
Að lokinni auglýsingu lögð fram að nýju tillaga ARKÍS ehf, dags. 16.06.00, að endurskoðuðu deiliskipulagi Hálsahverfis ásamt skýringarmyndum og greinargerð dags. í júní 2000. Málið var í auglýsingu frá 7. júlí til 4. ágúst, athugasemdafrestur var til 18. ágúst 2000. Athugasemdabréf bárust frá: Kögun hf, dags. 20.07.00, Áfengis- og Tóbaksverslun ríkisins, dags. 01.08.00 og pk-hönnun, dags. 04.09.00. Einnig lögð fram umsögn Borgarskipulags, dags. 06.09.00.
Frestað.
730.00 Stórhöfði, lóð Vegagerðarinnar
Lagt fram bréf Vegagerðarinnar, dags. 23.06.00, varðandi breytingar á lóðarmörkum Vegagerðarinnar við Stórhöfða. Einnig lagt fram bréf skrifst.stj. borgarverkfræðings, dags. 28.06.00 ásamt uppdr. Almennu Verkfræðistofunnar dags. 22.12.97..
Frestað.