Reitur 1.184.1, Reitur 1.184.0, Bergstaðastrætisreitir, Ármúli/Lágmúli, Suðurlandsbraut 14, Framnesreitur, reitur 1.133.2, Reitur 1.130.1 - Héðinsreitur, Reyrengi 49-51, Reitur 1.170.0, Grafarlækur-Stekkjarmóar-Djúpidalur, Stekkjarbrekkur, Bitruháls 1, Réttarháls 2, Reykjavíkurflugvöllur, Mýrargötusvæði, Vatnsmýrin, Hlemmur, Afgreiðslufundur byggingarfulltrúa, Sóleyjarimi 15-17, Tryggvagata 18, Afgreiðslufundir Skipulagsfulltrúa Reykjavíkur, Álagrandi 4, Elliðaárdalur, Langholtsvegur 109-115, Miðborgin, Naustabryggja 41, Reitir 1.151.4, Þjóðleikhússreitur, Sléttuvegur, Sævarhöfði 21, Sorpa, Þorláksgeisli 9, Geldinganes / Grafarvogur,

Skipulagsráð

7. fundur 2005
Ár 2005, miðvikudaginn 23. febrúar kl. 09:04, var haldinn 7. fundur skipulagsráðs Reykjavíkur. Fundurinn var haldinn að Borgartúni 3, 4. hæð. Viðstaddir voru: Dagur B. Eggertsson, Anna Kristinsdóttir, Óskar Dýrmundur Ólafsson, Ingibjörg Sólrún Gísladóttir, Hanna Birna Kristjánsdóttir, Guðlaugur Þór Þórðarson, Kristján Guðmundsson og áheynarfulltrúnn Ólafur F. Magnússon. Eftirtaldir embættismenn sátu fundinn: Salvör Jónsdóttir, Magnús Sædal Svavarsson, Ágúst Jónsson, Ágústa Sveinbjörnsdóttir, Ólafur Bjarnason, Guðrún Jónsdóttir og Sigríður Kristín Þórisdóttir. Auk þess gerðu eftirtaldir embættismenn grein fyrir einstökum málum: Nikulás Úlfar Másson, Margrét Leifsdóttir, Margrét Þormar, Jóhannes Kjarval, Björn Axelsson og Ólöf Örvarsdóttir. Fundarritari var Helga Björk Laxdal.
Þetta gerðist:

Umsókn nr. 40102 (01.18.41)
531200-3140 Teiknistofa ark Gylfi G/fél ehf
Skólavörðustíg 3 101 Reykjavík
1. Reitur 1.184.1, Spítalastígur, Óðinsgata, Bjargarstígur og Bergstaðastræti
Að lokinni auglýsingu eru lagðar fram nýjar tillögur Teiknistofu arkitekta Gylfa Guðjónssonar og félaga ehf, dags. 2.01.05 að deiliskipulagi reits 1.184.1, sem afmarkast af Spítalastíg, Óðinsgötu, Bjargarstíg og Bergstaðastræti. Eftirfarandi aðilar sendu inn athugasemdir: Jörgen ehf. og Sigurði Óla Sigurðssyni, dags. 12.08.04, undirskriftalistar með nöfnum 217 íbúa, eigenda, hagsmunaaðila dags. 06.09.04, Sigríður Jónsdóttir og Ólafur Örn Thoroddsen, Bjargarstíg 15, dags. 05.09.04, Atli Rafn Sigurðarson og Brynhildur Guðjónsdóttir, Bjargarstíg 15, dags. 05.09.04, Benedikt Benediktsson, Ingibjörg Friðriksdóttir, Guðrún Einarsdóttir, Díana C. Karlsdóttir, Sata Diel, Spítalastíg 7, dags. 06.09.04, Jenný Guðmundsdóttir og Kári Halldór, Bergstaðastræti 17, dags. 06.09.04 og Jenný Guðmundsdóttir, Bergstaðastræti 19B, dags. 06.09.04, Jenný Guðmundsdóttir og Kári Halldór, dags. 21.01.05, Haraldur Hauksson og Sigrún Kristjánsdóttir, dags. 21.01.05, Sigurborg Jónsdóttir, dags. 21.01.05, Ingibjörg Friðriksdóttir, dags. 21.01.05. Einnig lagðar fram umsagnir skipulagsfulltrúa, dags. 14. september 2004 og 25. janúar 2005.
Frestað á milli funda.

Dagur B. Eggertsson vék af fundi við afgreiðslu málsins.
Umsókn nr. 30401 (01.18.40)
531200-3140 Teiknistofa ark Gylfi G/fél ehf
Skólavörðustíg 3 101 Reykjavík
2. Reitur 1.184.0, Bergstaðastrætisreitir, Óðinsgata, Bjargarstígur, Grundarstígur og Spítalastígur.
Að lokinni auglýsingu eru lagðar fram nýjar tillögur Teiknistofu arkitekta Gylfa Guðjónssonar og félaga ehf, dags. 22.11.04 að deiliskipulagi reits 1.184.0, sem afmarkast af Óðinsgötu, Bjargarstíg, Grundarstíg og Spítalastíg. Eftirfarandi aðilar sendu inn athugasemdir: Guðlaug María Bjarnadóttir, Spítalastíg 8, dags. 16.06.04, Guðný Stefanía Kristjánsdóttir, Bergstaðastræti 15, dags. 04.07.04, Sigurður Óli Sigurðsson f.h. Jörgen ehf, dags. 12.08.04, Jóhann Bjarni Pálmason, Spítalastíg 4, dags. 05.09.04, Aðalheiður Guðmundsdóttir og Guðvarður Már Gunnlaugsson, Grundarstíg 9, mótt. 06.09.04, Sigríður Jónsdóttir og Ólafur Örn Thoroddsen, Bjargarstíg 15, dags. 05.09.04, undirskriftalistar með nöfnum 217 íbúa, eigenda, hagsmunaaðilar dags. 06.09.04, Sigurborg Jónsdóttir, Spítalastíg 2B, dags. 03.09.04, M.Tumi Magnússon, Ráðhildur S. Ingadóttir, Friðrik E. Ólafsson, Bergstaðastræti 14, dags. 06.09.04, Benedikt Benediktsson, Ingibjörg Friðriksdóttir, Guðrún Einarsdóttir, Díana C. Karlsdóttir, Sata Diel, Spítalastíg 7, dags. 06.09.04, Jenný Guðmundsdóttir og Kári Halldór, Bergstaðastræti 17, dags. 06.09.04, Jenný Guðmundsdóttir, Bergstaðastræti 19B, dags. 06.09.04, Einar Árnason, Tjarnargötu 10, dags. 06.09.04, Atli Rafn Sigurðarson og Brynhildur Guðjónsdóttir, Bjargarstíg 15, dags. 05.09.04, Sigurbjörn Þorbergsson hdl. f.h. Sighvats Snæbjörnssonar, dags. 21.01.05, Sigurbjön Þorbergsson hdl. f.h. Þ.G. Verktaka, dags. 21.01.05, Hilmir Snær Guðnason, mótt. 25.01.05, undirskriftarlisti með 566 nöfnum, dags. 20.01.05, Geirharður Þorsteinsson, dags. 24.01.05, Ragnheiður Guðmundsdóttir og Karl Gíslason, dags. mótt. 24.01.05, Sigurborg Jónsdóttir, dags. 21.01.05, Ingibjörg Friðriksdóttir, dags. 21.01.05. Einnig lagðar fram umsagnir skipulagsfulltrúa, dags. 14. september 2004 og 25. janúar 2005.
Frestað. Skipulagsfulltrúa falið að láta vinna nýja tillögu að deiliskipulagi þar sem gert er ráð fyrir lóðum fyrir allt að þrjú flutningshús á lóðinni nr. 16-18 við Bergstaðastræti.

Dagur B. Eggertsson vék af fundi við afgreiðslu málsins.
Umsókn nr. 40523 (01.26.13)
450400-3510 VA arkitektar ehf
Skólavörðustíg 12 101 Reykjavík
3. Ármúli/Lágmúli, deiliskipulag
Að lokinni auglýsingu er lögð fram að nýju tillaga VA arkitekta, að deiliskipulagi á lóðunum Ármúla 1-3 og Lágmúla 5-9, dags. 14.10.04. Málið var í auglýsingu frá 29. desember til 9. febrúar 2005. Athugsemdabréf barst frá Ólafi Sigurðssyni arkitekt, dags. 31.01.05. Einnig lögð fram umsögn skipulagsfulltrúa, dags. 18. febrúar 2005.
Frestað á milli funda.
Umsókn nr. 50084 (01.23.61)
581298-3589 Kristinn Ragnarsson, arkitekt
Suðurlandsbraut 4A 108 Reykjavík
4. Suðurlandsbraut 14, breyting á deiliskipulagi
Lögð fram tillaga Kristins Ragnarssonar arkitekts, dags. 22.02.05, að breytingu á deiliskipulagi á lóðinni nr. 14 við Suðurlandsbraut.
Samþykkt að auglýsa fram lagða tillögu.
Vísað til borgarráðs.

Fulltrúar Sjálfstæðisflokks óskuðu bókað:
Fulltrúar Sjálfstæðisflokks samþykkja að senda tillöguna í auglýsingu með öllum hefðbundnum fyrirvörum um endanlega afstöðu.
Umsókn nr. 30494 (01.13.32)
5. Framnesreitur, reitur 1.133.2, deiliskipulag
Að lokinni auglýsingu fyrir hagsmunaaðilum er lagt fram að nýju líkan og tillaga, dags. í nóvember 2004, að deiliskipulagi reits 1.133.2, sem markast af Framnesvegi, Holtsgötu, Seljavegi og Vesturgötu. Auglýsingin stóð yfir frá 29.12.04 til 9.02.05. Þessir sendu inn athugasemdir: Leifur Eysteinsson Framnesvegi 32, mótt. 1.02.05, Laufey G. Sigurðardóttir, Framnesvegi 22b, dags. 4.02.05, 7 eigendur eignarinnar að Framnesvegi 6 og lóða að Framnesvegi 4 og 6, dags. 7.02.05, Hugo Þórisson og Ragnheiður Hermannsdóttir, Framnesvegi 8, dags. 07.02.05, Geirfinna G. Óladóttir og Tinna Gunnlaugsdóttir, Framnesvegi 24b, dags. 04.02.05. Einnig lögð fram umsögn skipulagsfulltrúa um athugasemdir, dags. 17. febrúar 2005.
Auglýst tillaga samþykkt með fjórum atkvæðum fulltrúa Reykjavíkurlista, með þeim breytingum sem fram koma í umsögn skipulagsfulltrúa.
Vísað til borgarráðs.

Fulltrúar Sjálfstæðisflokks sátu hjá við afgreiðslu málsins.
Umsókn nr. 40433 (01.13.01)
6. Reitur 1.130.1 - Héðinsreitur, deiliskipulag
Að lokinni kynningu fyrir hagsmunaaðilum er lögð fram að nýju forsögn að reit 1.130.1 (Héðinsreit). Einnig lögð fram tillaga V.A. arkitekta, dags. 10.12.04, að deiliskipulagi reitsins. Málið var í kynningu frá 30. desember ´04 til 14. janúar 2005. Þessir sendu inn athugasemdir: Þormóður Sveinsson f.h. Sjálfsstæðs fólks ehf, dags. 14.01.04, Hallur Helgason f.h. Héðinshúsa ehf, dags. 14.01.04. Athugasemdafrestur framlengdur til 8. febrúar 2005. Athugasemdabréf bárust frá Teiknistofun Halldórs Guðmundssonar, dags. 07.02.05 og GP arkitektum, dags. 08.02.05. Einnig lögð fram umsögn skipulagsfulltrúa, dags. 28. janúar, breytt 17. febrúar 2005.
Frestað.

Salvör Jónsdóttir vék af fundi við afgreiðslu málsins.
Umsókn nr. 50029 (02.38.77)
300856-5789 Ellert Már Jónsson
Miðhús 32 112 Reykjavík
7. Reyrengi 49-51, breyting á deiliskipulagi
Að lokinni grenndarkynningu er lögð fram að nýju tillaga Ellerts Más Jónssonar, mótt. 06.01.05, að breytingu á deiliskipulagi á lóðinni nr. 49-51 við Reyrengi. Kynningin stóð yfir frá 20. janúar til 17. febrúar 2005. Engar athugasemdir bárust.
Samþykkt, sbr. 4. gr. samþykktar fyrir skipulags- og byggingarnefnd.
Umsókn nr. 20015 (01.17.00)
600169-7509 Herbertsprent ehf
Bankastræti 3 101 Reykjavík
521291-1259 Batteríið ehf
Trönuhrauni 1 220 Hafnarfjörður
8. Reitur 1.170.0, Lækjargata/Hverfisgata/Ingólfsstræti/Bankastræti
Að lokinni auglýsingu er lögð fram að nýju tillaga Batterísins ehf arkitekta, að deiliskipulagi fyrir staðgreinireit 1.170.0, sem afmarkast af Lækjargötu, Hverfisgötu, Ingólfsstræti og Bankastræti, dags. 26.11.04. Auglýsingin stóð yfir frá 29. desember til 9. febrúar 2005. Eftirfarandi aðilar sendu inn athugasemdir: Halldór Halldórsson f.h. Húseigendafélagsins Hverfisgötu 4-6, 4a og 6a, dags. 08.02.05, Edda Hauksdóttir f.h. Herbertsprents ehf, dags. 03.02.05. Einnig lögð fram umsögn skipulagsfulltrúa um athugasemdir, dags. 18.02.05.
Athugasemdir kynntar. Frestað.
Umsókn nr. 50087 (04.1)
560994-2069 Landmótun ehf
Hamraborg 12 5h 200 Kópavogur
9. Grafarlækur-Stekkjarmóar-Djúpidalur, breyting á deiliskipulagi, v/Krókháls 16
Lögð fram tillaga Landmótunar ehf, dags. 09.02.05, að breytingu á deiliskipulagi í Grafarlæk, Stekkjarmóum, Djúpadal, vegna lóðarinnar nr. 16 við Krókháls. Einnig lagt fram bréf Vélavers hf, dags. 23.12.04.
Samþykkt, sbr. 4. gr. samþykktar fyrir skipulags- og byggingarnefnd. Ekki talin þörf á grenndarkynningu þar sem breytingin varðar einungis hagsmuni lóðarhafa.
Umsókn nr. 40487 (02.4)
500191-1049 Arkþing ehf
Bolholti 8 105 Reykjavík
10. Stekkjarbrekkur, deiliskipulag atvinnulóða
Að lokinni auglýsingu er lögð fram tillaga Arkþings, dags. 20.09.04, breytt 11.02.05, að deiliskipulagi atvinnulóða á miðsvæði við Vesturlandsveg í Stekkjarbrekkum ásamt drögum skipulagsfulltrúa að greinargerð og skilmálum, dags. 29.09.04, br. 11.10.04. Lagt fram bréf bæjarverkfræðings Mosfellsbæjar, dags. 28.12.04, um framlengingu athugasemdarfrests til 14.01.05.
Auglýst tillaga samþykkt.

Fulltrúar Sjálfstæðisflokks sátu hjá við afgreiðslu málsins.
Umsókn nr. 50094 (04.30.30)
500191-1049 Arkþing ehf
Bolholti 8 105 Reykjavík
11. Bitruháls 1, breyting á deiliskipulagi
Lögð fram tillaga Landslags ehf og Arkþings ehf, dags. 03.02.05, að breytingu á deiliskipulagi á lóð Mjólkursamsölunnar við Bitruháls.
Samþykkt, sbr. 4. gr. samþykktar fyrir skipulags- og byggingarnefnd. Ekki talin þörf á grenndarkynningu þar sem breytingin varðar einungis hagsmuni lóðarhafa.
Umsókn nr. 50036 (04.30.94)
580582-0609 Rekstrarvörur ehf
Réttarhálsi 2 110 Reykjavík
12. Réttarháls 2, breyting á deiliskipulagi
Lagt fram bréf skrifstofu borgarstjórnar, dags. 14. janúar 2005 ásamt bréfi forstjóra Rekstrarvara frá 5. s.m. varðandi breytingu á deiliskipulagi lóðar nr. 2 við Réttarháls. Einnig lögð fram umsögn Verkfræðistofu, dags. 15. febrúar 2005.
Frestað.
Umsókn nr. 30549 (01.6)
550169-6819 Flugmálastjórn Íslands
Reykjavíkurflugvelli 101 Reykjavík
13. Reykjavíkurflugvöllur, aðflugslýsing
Lagt fram að nýju bréf borgarverkfræðings, dags. 16. desember 2003, varðandi erindi Flugmálastjórnar frá 9. s.m. um aðflugslýsingu úr norðri inn á Reykjavíkurflugvöll ásamt skýrslu, dags. nóvember 2003 og bréfi Flugmálastjórnar, dags. 9.12.03.
Frestað.
Umsókn nr. 40418 (01.13)
14. Mýrargötusvæði, staða rammaskipulags
Staða rammaskipulags Mýrargötu - Slippasvæði kynnt.

Umsókn nr. 40666 (01.6)
15. Vatnsmýrin,
Kynnt möguleg staðsetning á lóð fyrir Háskólann í Reykjavík og tengda þekkingarstarfsemi í Vatnsmýri og athugun á staðsetningu samgöngumiðstöðvar.

Umsókn nr. 40563 (01.2)
16. Hlemmur, /Borgartún
Lögð fram að nýju forsögn skipulagsfulltrúa, dags. 04.02.05.
Frestað.
Umsókn nr. 31051
17. Afgreiðslufundur byggingarfulltrúa, fundargerð
Fylgiskjal með fundargerð þessari er fundargerð nr. 336 frá 22. febrúar 2005.

Umsókn nr. 30995 (02.53.610.5)
631203-2990 Sóleyjabyggð ehf
Blikanesi 2 210 Garðabær
18. Sóleyjarimi 15-17, nr. 15 fjölbýlish. m. 22 íb.
Sótt er um leyfi til þess að byggja fimm hæða fjölbýlishús með 22 íbúðum ásamt geymslukjallara allt úr forsteyptum einingum með steindri áferð í ljósum og svörtum lit á lóð nr. 15-17 við Sóleyjarim.
Stærð: Geymslukjallari 316 ferm., íbúðir 1. - 4. hæð 470,6 ferm. hver hæð, 5. hæð 361,7 ferm., samtals 2560,1 ferm., 7375,6 rúmm. Svalagangar o.fl. (B-rými) samtals 184 ferm., 506 rúmm.
Gjald kr. 5.700 + 449.251
Ráðið gerir ekki athugasemd við að veitt verði byggingarleyfi þegar teikningar hafa verið lagfærðar í samræmi við athugasemdir á umsóknareyðublaði.
Málinu vísað til afgreiðslu byggingarfulltrúa.
Umsókn nr. 30978 (01.13.210.5)
630785-0309 Kirkjuhvoll sf
Kirkjutorgi 4 101 Reykjavík
19. Tryggvagata 18, (fsp) fjölbýlishús
Spurt er hvort leyft yrði að byggja sex hæða fjöleignahús með fjórum stigahúsum á sameinaðri lóð nr. 6-10A við Vesturgötu og nr. 18-18C við Tryggvagötu.
Á fyrstu hæð hússins eru verslunar- og þjónusturými en tuttugu og fjórar íbúðir á efri hæðum.
Bréf hönnuða ásamt spurningum til skipulags- og byggingaryfirvalda dags. 2. nóvember 2004 fylgir erindinu.
(v. fyrri fyrirspurnarerindis). Svarbréf byggingarfulltrúa (v. sama erindis) dags. 8. nóvember 2004 fylgir erindinu.
Frestað.
Skipulagsráð óskar eftir gögnum sem sýnir ásýnd hússins í borgarmyndinni frá fleiri hliðum, t.d úr Garðastræti og úr neðri enda Vesturgötu.
Jafnframt er óskað eftir upplýsingum um efnisval utanhúss.

Salvör Jónsdóttir vék af fundi við afgreiðslu málsins.
Umsókn nr. 10070
20. Afgreiðslufundir Skipulagsfulltrúa Reykjavíkur, fundargerð
Lögð fram fundargerð afgreiðslufundar skipulagsfulltrúa Reykjavíkur frá 18. febrúar 2005.

Umsókn nr. 31053 (01.52.160.5)
21. Álagrandi 4, lagt fram bréf
Lagt fram bréf yfirverkfræðings byggingarfulltrúa dags. 16. febrúar s.l.
Stöðvun byggingarfulltrúa staðfest.
Umsókn nr. 50103 (04.2)
22. Elliðaárdalur,
Lagt fram bréf borgarstjóra, dags. 16. febrúar 2005, varðandi samþykkt borgarstjórnar á svohljóðandi tillögu borgarstjóra, dags. 8. þ.m.:
Borgarstjórn Reykjavíkur samþykkir að skilyrði þess að breytt sé skipulagi í Elliðaárdal, hvort sem er aðalskipulagi eða deiliskipulagi, eða heimilaðar framkvæmdir, verði að liggja fyrir umsögn umhverfisráðs. Þetta eigi þó ekki við um framkvæmdir sem séu í samræmi við gildandi skipulag, enda sé um að ræða eðlilega úrvinnslu og framkvæmd á skipulagsi svæðisins og verkið unnið í samræmi við Umhverfissvið. Samþykkt þessi komi í stað samþykktar borgarstjórnar um þetta efni 7. júlí 1994.

Umsókn nr. 10007 (01.41.40)
500191-1049 Arkþing ehf
Bolholti 8 105 Reykjavík
701294-3199 Gerpir ehf
Laugavegi 22A 101 Reykjavík
23. Langholtsvegur 109-115, deiliskipulag/aðalskipulag
Lagt fram bréf úrskurðarnefndar skipulags- og byggingarmála dags. 31.07.02 vegna kæru á samþykkt deiliskipulags fyrir Langholtsveg 109-115. Einnig lögð fram umsögn lögfræði og stjórnsýslu, dags. 21. febrúar 2005.
Umsögn lögfræði- og stjórnsýslu samþykkt.
Umsókn nr. 50106
24. Miðborgin, rýnihópur um uppbyggingu í miðborg
Lögð fram tillaga formanns skipulagsráðs um skipun rýnihóps um útlit nýbygginga og viðbygginga við Laugaveg.
Frestað. Vísað til kynningar í hverfisráði miðborgar.

Ólafur F. Magnússon fulltrúi Frjálslyndra og óháðra lagði fram svohljóðandi bókun:
Að loknum borgarráðsfundi 10. febrúar s.l., tilkynnti undirritaður að hann myndi flytja tillögu á borgarstjórnarfundi 15. febrúar um að komið yrði á fót nýjum starfshópi um endurskoðun deiliskipulags við Laugaveg. Fyrri starfshópur hafði árið 2002 lagt til að heimilað yrði niðurrif á þriðja tug gamalla húsa sem standa við Laugaveg og eru hluti götumyndar hans.
Að eindreginni ósk borgarstjóra var flutningi tillögunnar frestað til borgarstjórnarfundar 1. mars n.k. þar eð borgarstjóri gæti ekki verið til andsvara á fundinum 15. febrúar og formaður skipulagsráðs tæki ekki þátt í störfum borgarstjórnar vegna barneignaleyfis. Hét borgarstjóri því að R-listinn myndi ekki nota frestunina til að flytja aðrar tillögur um málið eða reyna að ýta tillögu F-listans til hliðar.
Nú hefur það gerst að formaður skipulagsráðs hefur tilkynnt í fjölmiðlum að hann muni flytja tillögu á fundi skipulagsráðs í dag um að koma á fót rýnihóp íbúasamtaka og fagaðila til að segja álit sitt á nýbyggingum við Laugaveg áður en gömul hús verði rifin.
Að mati undirritaðs er hér ekki aðeins um að ræða tilraun til að klæða fyrirhugað niðurrif R-listans við Laugaveg í faglegan búning heldur er einnig verið að svíkja það heiðursmannasamkomulag sem lá til grundvallar frestun á tillögu F-listans um að koma á fót nýjum starfshópi um endurskoðun á deiliskipulagi við Laugaveg.
Formaður skipulagsráðs hlýtur nefnilega að flytja þessa tillögu í samráði við borgarstjóra.
Undirritaður krefst þess að sú tillaga sem formaður skipulagsráðs hefur boðað að hann muni flytja verði látin bíða fram yfir næsta borgarstjórnarfund í samræmi við áðurnefnt samkomulag.

Fulltrúar Reykjavíkurlistans óskuðu bókað:

Með stofnun rýnihóps um uppbyggingu við Laugaveg er brugðist við þeim eðlilegu áhyggjum að mikilvægt sé að standa vörð um að uppbygging í hjarta borgarinnar verði í góðu samræmi við umhverfi sitt og viðhaldi sérkennum þessarar hjartfólgnu götu. Hópnum er ætlað að vera skipulagsráði til stuðnings við mat á útliti, efnisnotkun og öðrum atriðum sem máli skipta til að sómi verði af endurnýjun á lykilreitum Laugavegar. Engin hús verða flutt eða rifin án þess að slíkt mat sé lagt á. Í umræðunni undanfarna daga hefur verið alið á ótta við uppbyggingu til að koma höggi á gott skipulag sem varð að niðurstöðu eftir víðtækt samráð og vandaða vinnu. Það eru því hártoganir að telja tillögu sem staðfestir að enn eigi að standa vel að verki við eflingu miðborgarinnar tengjast málatilbúnaði Ólafs F. Magnússonar. Boðuð tillaga Ólafs F. Magnússonar lýtur að allt öðru, nefnilega því að taka deiliskipulagið við Laugarveg til endurskoðunar. Hún hlýtur að vekja nokkra athygli enda hefur Ólafur F. Magnússon haft gullið tækifæri til að hafa rík áhrif á mótun deiliskipulagsins á undirbúnings- og vinnslustigi sem áheyrnarfulltrúi með málfrelsi og tillögurétt bæði í skipulagsnefnd og borgarráði. Þar hafa 17 af 19 reitum þegar verið afgreiddir í góðri sátt á síðustu þremur árum. Engin breytingartillaga hefur verið lögð fram af Ólafi F. Magnússyni í þeirri málsmeðferð og raunar engar bókanir verið lagðar fram sem bent gætu til að andstöðu hans við fyrirhugaða uppbyggingu á einstökum reitum.
Umsókn nr. 31054 (00.00.000.0 01)
25. Naustabryggja 41, Lagt fram bréf
Lagt fram bréf yfirverkfræðings byggingarfulltrúa dags. 16. febrúar s.l.
Stöðvun byggingarfulltrúa staðfest.
Umsókn nr. 40055 (01.15.14)
26. Reitir 1.151.4, Þjóðleikhússreitur,
Lagt fram bréf borgarstjóra f.h. borgarráðs um samþykkt borgarráðs 10. febrúar 2005 á bókun skipulagsráðs frá 2. s.m., varðandi auglýsingu deiliskipulags reits 1.151.4, Þjóðleikhússreits.
Borgarráð samþykkti erindið og bókaði eftirfarandi:
Borgarráð áréttar mikilvægi þess að vel takist til með arkitektúr og útlit viðbyggingu við merkisbyggingar á borð við Þjóðleikhúsið.

Umsókn nr. 40539 (01.79)
27. Sléttuvegur, breyting á aðalskipulagi
Lagt fram bréf borgarstjóra f.h. borgarráðs um samþykkt borgarráðs 10. febrúar 2005 á bókun skipulagsráðs frá 2. s.m., varðandi breytingu á aðalskipulagi Sléttuvegar.

Umsókn nr. 40696 (04.04.21)
510588-1189 SORPA bs
Pósthólf 12100 132 Reykjavík
29. Sævarhöfði 21, Sorpa, breyting á deiliskipulagi
Lagt fram bréf borgarstjóra f.h. borgarráðs um samþykkt borgarráðs 10. febrúar 2005 á bókun skipulags- og byggingarnefndar frá 22. desember 2004, varðandi auglýsingu á breyttu deiliskipulagi á lóð Sorpu að Sævarhöfða 21. Jafnframt lögð fram umsögn Umhverfissviðs frá 31. f.m. sbr. samþykkt umhverfisráðs 7. þ.m.

Umsókn nr. 50102 (05.13.62)
30. >Þorláksgeisli 9, kæra
Lagt fram bréf úrskurðarnefndar skipulags- og byggingarmála, dags. 16. febrúar 2005, ásamt afriti af kæru, dags. 12. janúar 2005, þar sem kærð er samþykkt borgarráðs um að heimila endurupptöku á tillögu að breytingu á deiliskipulagi fyrir Þorláksgeisla 9 frá 7. desember 2004.
Málinu vísað til umsagnar lögfræði- og stjórnsýslu.
Umsókn nr. 50001
31. Geldinganes / Grafarvogur, tillaga Sjálfstæðismanna
Fulltrúar Sjálfstæðisflokks lögðu fram svohljóðandi bókun:
Fulltrúar Sjálfstæðisflokks leggja til að nú þegar verði hafin undirbúningur að skipulagi íbúðasvæðis í Geldinganesi og landi Keldna við Grafarvog í samræmi við fyrri tillögur Sjálfstæðismanna.
Frestað.