Borgartún 8-16A, Elliðaárvogur, Helluland 1-19 2-24, Rauðarárstígur 35-39, Vesturlandsvegur, Kjalarnes, Árvellir, Kjalarnes, Hof, Kjalarnes, Saltvík, Kjalarnes, Skrauthólar, Kjalarnes, Sætún 1, Kjalarnes, Vallá, Kollagrund 2, Klébergsskóli, Almannadalur 17-23, Arnarnesvegur, Gufunes, samgöngutengingar, Hrossnes 10-16 - Almannadalur, Jöfursbás 7, Jöfursbás 9, Litlahlíð, Iðunnarbrunnur 6 og 8, Úlfarsbraut 22-24, Úlfarsbraut 100, Úlfarsbraut 106, Langholtsvegur 185, Borgartún og Snorrabraut, Brautarholt 16, Bárugata 14, Mýrargata 18, Nýlendugata 14, Víðimelur 46 og 48, Aragata 3, Grjótagata 5, Sægarðar 1 og 3, Bergþórugata 18, Kambsvegur 26, Suðurgata 35, Hofsvallagata 55, Hraunberg 4, Laugavegur 20B, Laugavegur 21, Laugavegur 31, Meðalholt 8, Njálsgata 64, Skeiðarvogur 13-23, Vagnhöfði 6, Vesturfold 15, Bæjarflöt 19, Hraunbær 133, Þverholt 3, Brúnavegur 13, Eiðsgrandi til móts við Keilugranda, Kjalarnes, Kalkslétta 1, Krókháls 5-5G, Viðarhöfði 2,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

813. fundur 2021
Ár 2021, föstudaginn 19. mars kl. 09:10, hélt skipulagsfulltrúi Reykjavíkur 813. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Ágústa Sveinbjörnsdóttir og Helena Stefánsdóttir. Eftirtaldir embættismenn kynntu mál á fundinum: Lilja Grétarsdóttir, Björn Ingi Edvardsson, Hrafnhildur Sverrisdóttir, Sólveig Sigurðardóttir, Ingvar Jón Bates Gíslason, Birkir Ingibjartsson, Haukur Hafliði Nínuson, Hildur Gunnarsdóttir og Ólafur Melsted. Ritari voru Vigdís Þóra Sigfúsdóttir og Erna Hrönn Geirsdóttir.
Þetta gerðist:

1.21 Borgartún 8-16A, breyting á deiliskipulagi
Lögð fram umsókn Pálmars Kristmundssonar dags. 11. mars 2021 ásamt bréfi dags. 10. mars 2021 varðandi breytingu á deiliskipulagi Höfðatorgs, með síðari breytingum, vegna lóðarinnar nr. 8-16A við Borgartún. Í breytingunni felst aukning á byggingarmagni ofanjarðar á byggingarreit H3.

Vísað til meðferðar hjá verkefnisstjóra.
2.21 Elliðaárvogur, framkvæmdaleyfi
Lögð fram umsókn skrifstofu framkvæmda og viðhalds dags. 15. mars 2021 um framkvæmdaleyfi vegna 1. áfanga landfyllingar í Elliðaárvogi. Einnig er lagt fram bréf Verkís dags. 10. mars 2021 ásamt uppdrætti dags. 11. mars 2021, álit Skipulagsstofnunar dags. 17. mars 2017 um mat á umhverfisáhrifum, matsskýrsla Mannvits dags. í desember 2016 og skýrsla Hafrannsóknarstofnunar dags. í mars 2021 um rannsóknir á laxfiskum í ósi Elliðaáa og Leirvogsár.

Vísað til umsagnar verkefnisstjóra.
3.21 Helluland 1-19 2-24, breyting á deiliskipulagi
Að lokinni grenndarkynningu er lögð fram að nýju umsókn Jakobs Emils Líndals dags. 17. desember 2020 varðandi breytingu á deiliskipulagi Fossvogshverfis, svæði 2, vegna lóðarinnar nr. 1-19 2-18 við Helluland. Í breytingunni felst stækkun á byggingarreit hússins nr. 1-5 við Helluland fyrir viðbyggingu, samkvæmt uppdr. ALARK arkitekta ehf. dags. 16. desember 2020. Einnig er lagt fram samþykki eigenda að Hellulandi 1, 3 og 5 mótt. 28. janúar 2021. Tillagan var grenndarkynnt frá 16. febrúar 2021 til og með 16. mars 2021. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.

4.21 Rauðarárstígur 35-39, (fsp) byggja yfir svalir efstu hæðar hússins
Á embættisafgreiðslufundi skipulagsfulltrúa 26. febrúar 2021 var lögð fram fyrirspurn Björns Skaptasonar dags. 12. febrúar 2021 ásamt greinargerð dags. 11. febrúar 2021 um að byggja yfir inndregnar svalir efstu hæðar hússins á lóð nr. 35-39 við Rauðarárstíg og þar með stækka herbergin á efstu hæð, samkvæmt tillögu Atelier Arkitekta ehf. dags. 2. febrúar 2021. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 19. mars 2021.

Umsögn skipulagsfulltrúa, dags. 19. mars 2021, samþykkt.
5.21 Vesturlandsvegur, breyting á deiliskipulagi
Á embættisafgreiðslufundi skipulagsfulltrúa 12. mars 2021 var lögð fram umsókn Finns Kristinssonar dags. 9. mars 2021 varðandi breytingu á deiliskipulagi Vesturlandsvegar. Í breytingunni felst færsla á skipulagsmörkum á nokkrum stöðum, áætluð akstursundirgöng sunnan Grundarhverfis eru felld niður, almennar stígabreytingar, svæði fyrir hljóðvarnir skilgreindar o.fl., samkvæmt uppdr. Landslags ehf. dags. 8. mars 2021. Einnig er lögð fram greinargerð, skilmálar og umhverfisskýrsla dags. 7. júní 2018, br. 8. mars 2021, hljóðvistarskýrsla Eflu dags. 10. mars 2021 og hljóðvistarkort dags. í mars 2021. Erindinu var vísað til meðferðar hjá verkefnisstjóra og er nú lagt fram að nýju.


Vísað til skipulags- og samgönguráðs.
Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1472/2020.




6.21 Kjalarnes, Árvellir, breyting á deiliskipulagi
Á embættisafgreiðslufundi skipulagsfulltrúa 12. mars 2021 var lögð fram umsókn Finns Kristinssonar dags. 9. mars 2021 varðandi breytingu á deiliskipulagi Árvalla á Kjalarnesi. Í breytingunni felst að afmörkun deiliskipulags Árvalla er breytt, vegna breytingar á deiliskipulagi Vesturlandsvegar, þannig að skipulagsmörk sem snúa að vesturlandsvegi færast í átt að Esjunni um 8-13 metra, samkvæmt uppdr. Landslags ehf. dags. 8. mars 2021. Erindinu var vísað til meðferðar hjá verkefnisstjóra og er nú lagt fram að nýju.


Vísað til skipulags- og samgönguráðs.
7.21 Kjalarnes, Hof, breyting á deiliskipulagi
Á embættisafgreiðslufundi skipulagsfulltrúa 12. mars 2021 var lögð fram umsókn Finns Kristinssonar dags. 9. mars 2021 varðandi breytingu á deiliskipulagi Esjuhofs á Kjalarnesi. Í breytingunni felst að afmörkun deiliskipulags Esjuhofs hliðrast um 2-3 m til austurs, vegna breytingar á deiliskipulagi Vesturlandsvegar, samkvæmt uppdr. Landslags ehf. dags. 8. mars 2021. Erindinu var vísað til meðferðar hjá verkefnisstjóra og er nú lagt fram að nýju.

Vísað til skipulags- og samgönguráðs.
8.21 Kjalarnes, Saltvík, breyting á deiliskipulagi
Á embættisafgreiðslufundi skipulagsfulltrúa 12. mars 2021 var lögð fram umsókn Finns Kristinssonar dags. 9. mars 2021 varðandi breytingu á deiliskipulagi Saltvíkur á Kjalarnesi. Í breytingunni felst að afmörkun deiliskipulags Saltvíkur er breytt, vegna breytingar á deiliskipulagi Vesturlandsvegar, vegna breyttrar legu á nýjum stíg í tengslum við ný undirgögn undir Vesturlandsveg, samkvæmt uppdr. Landslags ehf. dags. 8. mars 2021. Erindinu var vísað til meðferðar hjá verkefnisstjóra og er nú lagt fram að nýju.

Vísað til skipulags- og samgönguráðs.
9.21 Kjalarnes, Skrauthólar, breyting á deiliskipulagi
Á embættisafgreiðslufundi skipulagsfulltrúa 12. mars 2021 var lögð fram umsókn Finns Kristinssonar dags. 9. mars 2021 varðandi breytingu á deiliskipulagi Skrauthóla á Kjalarnesi. Í breytingunni felst að afmörkun deiliskipulags Skrauthóla er færð til austurs um nokkra metra, vegna breytingar á deiliskipulagi Vesturlandsvegar, auk þess að stofnstíg er bætt við, samkvæmt uppdr. Landslags ehf. dags. 8. mars 2021. Erindinu var vísað til meðferðar hjá verkefnisstjóra og er nú lagt fram að nýju.

Vísað til skipulags- og samgönguráðs.
10.21 Kjalarnes, Sætún 1, breyting á deiliskipulagi
Á embættisafgreiðslufundi skipulagsfulltrúa 12. mars 2021 var lögð fram umsókn Finns Kristinssonar dags. 9. mars 2021 varðandi breytingu á deiliskipulagi Sætúns 1 á Kjalarnesi. Í breytingunni felst að afmörkun deiliskipulags Sætúns 1 er breytt, vegna breytingar á deiliskipulagi Vesturlandsvegar, þannig að skipulagsmörk sem snúa að Vesturlandsvegi færast í lóðarmörk milli svæðis F annars vegar og hins vegar svæða A og B, samkvæmt uppdr. Landslags ehf. dags. 4. mars 2021. Erindinu var vísað til meðferðar hjá verkefnisstjóra og er nú lagt fram að nýju.

Vísað til skipulags- og samgönguráðs.
11.21 Kjalarnes, Vallá, breyting á deiliskipulagi
Á embættisafgreiðslufundi skipulagsfulltrúa 12. mars 2021 var lögð fram umsókn Finns Kristinssonar dags. 9. mars 2021 varðandi breytingu á deiliskipulagi Vallár á Kjalarnesi. Í breytingunni felst að afmörkun vesturhluta deiliskipulags Vallá er færð vegna breytingar á deiliskipulagi Vesturlandsvegar, samkvæmt uppdr. Landslags ehf. dags. 8. mars 2021. Erindinu var vísað til meðferðar hjá verkefnisstjóra og er nú lagt fram að nýju.

Vísað til skipulags- og samgönguráðs.
12.21 Kollagrund 2, Klébergsskóli, breyting á deiliskipulagi
Á embættisafgreiðslufundi skipulagsfulltrúa 12. mars 2021 var lögð fram umsókn Finns Kristinssonar dags. 9. mars 2021 varðandi breytingu á deiliskipulagi lóðar Klébergsskóla á Kjalarnesi, Kollagrund 2. Í breytingunni felst að afmörkun deiliskipulags Klébergsskóla er breytt, vegna breytingar á deiliskipulagi Vesturlandsvegar, þannig að skipulagsmörk sem snúa að vesturlandsvegi færast í átt að skólanum um u.þ.b. 5 metra, samkvæmt uppdr. Landslags ehf. dags. 8. mars 2021. Erindinu var vísað til meðferðar hjá verkefnisstjóra og er nú lagt fram að nýju.
Vísað til skipulags- og samgönguráðs.
13.21 Almannadalur 17-23, 19 - Svalir
Lagt fram erindi frá afgreiðslufundi byggingarfulltrúa frá 16. mars 2021 þar sem sótt er um leyfi til að breyta erindi, BN036042, þannig að svalir eru lengdar á suðurgafli á hesthúsi nr. 19 á lóð nr. 17-21 í Almannadal.
Gjald kr. 12.100


Vísað til umsagnar verkefnisstjóra.
14.21 Arnarnesvegur, skipulagslýsing
Lögð er fram skipulagslýsing verkfræðistofunnar EFLU fh. Reykjavíkurborgar og Kópavogs, dags. 19. mars 2021, fyrir nýtt deiliskipulag Arnarnesvegar 3. áfanga. Fyrirhugað deiliskipulag nær til hluta Arnarnesvegar frá gatnamótum Arnarnesvegar og Rjúpnavegar að fyrirhuguðum gatnamótum Breiðholtsbrautar og Arnarnesvegar og veghelgunarsvæða hans sem nær að jafnaði 30 metra út frá miðlínu vegarins. Hluti veghelgunarsvæðis Arnarnesvegar er innan sveitarfélagsmarka Reykjavíkur, en stærsti hluti vegarins liggur innan sveitarfélagsmarka Kópavogs. Arnarnesvegur sem liggur innan marka skipulagssvæðisins er um 1,9 km að lengd og liggur frá suðaustur hluta Leirdals að grænu opnu svæði norðan Breiðholtsbrautar.

Vísað til skipulags- og samgönguráðs.
15.21 Gufunes, samgöngutengingar, skipulagslýsing fyrir nýtt deiliskipulag
Lögð fram skipulagslýsing umhverfis- og skipulagssviðs, skipulagsfulltrúa, dags. 19. mars 2021 fyrir nýtt deiliskipulag. Um er að ræða tæplega 20 hektara svæði og er markmið skipulagsins m.a. að festa inn á deiliskipulag bráðabirgðatengingar fyrir innanhverfisveg og stígatengingar frá Gufunesinu upp á Strandveg í Grafarvogi, ásamt því að tryggja góð tengsl við umhverfið með fyrirkomulagi stíga, gatna og opinna svæða. Hafa þarf í huga fyrirhugaða lega Sundabrautar við skipulagsvinnuna. Jafnframt verður Hallsteinsgarður og nærumhverfi fest í sessi inn á deiliskipulag.

Vísað til skipulags- og samgönguráðs.
16.21 Hrossnes 10-16 - Almannadalur, (fsp) uppbygging
Lögð fram fyrirspurn Hestamannafélagsins Fáks dags. 17. mars 2021 ásamt bréfi dags. 16. mars 2021 um að byggja fjögur hesthús og reiðskemmu á lóð nr. 10-16 við Hrossnes í Almannadal.
Vísað til umsagnar verkefnisstjóra.
17.21 Jöfursbás 7, Fjölbýlishús - mhl. 01
Á embættisafgreiðslufundi skipulagsfulltrúa 26. febrúar 2021 var lagt fram erindi frá afgreiðslufundi byggingarfulltrúa frá 23. febrúar 2021 þar sem sótt er um leyfi til að byggja 3-5 hæða steinsteypt fjölbýlishús, einangrað að utan og klætt læstri málmklæðningu, með 29 íbúðum á bílakjallara sem er sameiginlegur með tveimur öðrum húsum á lóð nr. 7 við Jöfursbás. Erindinu var vísað til umsagnar verkefnisstjóra og er nú lagt fram að nýju.
Stærð, mhl. 01, A-rými: 2.680,2 ferm., 8.723,2 rúmm. B-rými: 181,7 ferm., 569,8 rúmm. Samtals mhl. 01, 2.861,7 ferm. Gjald kr. 12.100

Ekki eru gerðar skipulagslegar athugasemdir við erindið, samræmist deiliskipulagi.
18.21 Jöfursbás 9, breyting á deiliskipulagi
Lögð fram umsókn Júlíusar Þórs Júlíussonar dags. 25. janúar 2021 varðandi breytingu á deiliskipulagi Gufuness, áfanga 1, vegna lóðarinnar nr. 9 við Jöfursbás. Í breytingunni felst að svalir megi ganga 160 cm út fyrir byggingarlínu á götuhlið, fallið verði frá kröfu um aukna salarhæð á jarðhæðum, svalagangar að götum mega vera 50% að heildarlengd byggingarreits, leyfilegt verði að fækka bílastæðum með samkomulagi um deilibíla, stærðarviðmiðum íbúa breytt, aðalinngangur verður úr sameiginlegum miðgarði, heimilt verði að hafa opin stigahús ef brunahönnun leyfir og fallið verður frá kröfu um inndregna efstu hæð, samkvæmt uppdr. Teiknistofu arkitekta Gylfa Guðjónssonar og félaga ehf. dags. 3. febrúar 2021.

Vísað til meðferðar hjá verkefnisstjóra.
19.21 Litlahlíð, framkvæmdaleyfi
Lögð fram umsókn skrifstofu framkvæmda og viðhalds dags. 12. mars 2021 um framkvæmdaleyfi vegna breytingu/ þrengingu á götum í Litluhlíð, gerð undirganga undir Litluhlíð og göngu- og hjólastíg um undirgögn, stígtengingar og stofnlagnir vatns-, hita-, raf- og fráveitu. Einnig er gert ráð fyrir gróðursvæðum, landmótun, lýsingu við götu, stíga og undirgöngum, umferðarljósum, skiltum og merkingum. Einnig er lagt fram teikningasett dags. í febrúar 2021.

Vísað til umsagnar verkefnisstjóra.
20.21 Iðunnarbrunnur 6 og 8, breyting á skilmálum deiliskipulags
Lögð fram tillaga umhverfis- og skipulagssviðs, skipulagsfulltrúa, að breytingu á skilmálum deiliskipulags Úlfarsárdals vegna lóðanna nr. 6 og 8 við Iðunnarbrunn. Í breytingunni felst lagfæring á heimiluðu byggingarmagni, samkvæmt tillögu umhverfis- og skipulagssviðs dags. 18. mars 2021.

Vísað til skipulags- og samgönguráðs.
21.21 Úlfarsbraut 22-24, 22 - Reyndarteikningar
Lagt fram erindi frá afgreiðslufundi byggingarfulltrúa frá 16. mars 2021 þar sem sótt er um leyfi til að breyta erindi, BN034985, þannig að gerð er grein fyrir að innréttuð hafa verið óuppfyllt rými í kjallara í parhúsi nr. 22 á lóð nr. 22-24 við Úlfarsbraut.
Stækkun vegna óuppfyllt rýmis er: XX ferm. XX rúmm. Gjald kr. 12.100


Vísað til umsagnar verkefnisstjóra.
22.21 Úlfarsbraut 100, Fjölbýlishús
Lagt fram erindi frá afgreiðslufundi byggingarfulltrúa frá 16. mars 2021 þar sem sótt er um leyfi til að byggja sex íbúða fjölbýlishús á þremur hæðum á lóð nr. 100 við Úlfarsbraut.
Stærð: 688,5 ferm., 1.915,6 rúmm. Erindi fylgir orkureikningur á fylgiblaði, aðaluppdrættir nr. A.01.1, A.01.2, A.01.3, A.01.4, A.02.1, A.03.1 og A.03.2 dags. 3. mars 2021. Gjald kr.12.100

Vísað til umsagnar verkefnisstjóra.
23.21 Úlfarsbraut 106, Fjölbýlishús
Lagt fram erindi frá afgreiðslufundi byggingarfulltrúa frá 16. mars 2021 þar sem sótt er um leyfi til að byggja sex íbúða fjölbýlishús á þremur hæðum á lóð nr. 106 við Úlfarsbraut.
Stærð: 688,5 ferm., 1.915,6 rúmm.
Erindi fylgir orkureikningur á fylgiblaði dags.4. mars 2021, aðaluppdrættir nr. A.01.1, A.01.2, A.01.3, A.01.4, A.02.1, A.03.1, A.03.2 og A.04.1 dags. 9. mars 2021. Gjald kr.12.100

Vísað til umsagnar verkefnisstjóra.
24.21 Langholtsvegur 185, breyting á deiliskipulagi
Á embættisafgreiðslufundi skipulagsfulltrúa 20. nóvember 2020 var lögð fram umsókn Bjarka Gunnars Halldórssonar dags. 15. október 2020 varðandi breytingu á deiliskipulagi Vogahverfis vegna lóðarinnar nr. 185 við Langholtsveg. Í breytingunni felst stækkun á byggingarreit, samkvæmt uppdr. VA arkitekta ehf. dags. 17. september 2020. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Langholtsvegi 183 og 187 og Eikjuvogi 26 og 28.
Vakin er athygli á að greiða þarf fyrir grenndarkynningu áður en kynning fer fram samkv. 7. 6.gr. sbr. gr. 12 í gjaldskrá skipulagsfulltrúa nr. 1231/2018.
25.21 Borgartún og Snorrabraut, framkvæmdaleyfi
Á embættisafgreiðslufundi skipulagsfulltrúa 5. mars 2021 var lögð fram umsókn skrifstofu framkvæmda og viðhalds dags. 1. mars 2021 um framkvæmdaleyfi vegna upphækkaðra ljósastýrðra gatnamóta Borgartúns og Snorrabrautar, gerð tengingar Bríetartúns við Snorrabraut og tengingu Bríetartúns að Borgartúni ásamt breytingum á tengingu Hverfisgötu 113 við Snorrabraut og gerð göngu- og hjólastíga. Einnig eru lagðar fram útboðsteikningar umhverfis- og skipulagssviðs dags. í janúar 2021 og útboðs- og verklýsing umhverfis- og skipulagssviðs dags. í febrúar 2021. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 19. mars 2021.

Samþykkt að gefa út framkvæmdaleyfi með vísan til umsagnar skipulagsfulltrúa dags. 19. mars 2021. Vísað til skrifstofu sviðsstjóra til útgáfu framkvæmdaleyfis. Vakin er athygli á að greiða þarf fyrir útgáfu framkvæmdaleyfis skv. gr. 5.2 í gjaldskrá skipulagsfulltrúa nr. 1472/2020.
26.21 Brautarholt 16, (fsp) hækkun húss um tvær hæðir o.fl.
Lögð fram fyrirspurn Jóhönnu Kristínar Björnsdóttur dags. 9. mars 2021 um að hækka hússið á lóð nr. 16 við Brautarholt um tvær hæðir, innrétta sem íbúðir, koma fyrir svölum, stækka glugga og byggja stiga- og lyftuhús og hjóla- og vagnageymslur.

Vísað til umsagnar verkefnisstjóra.
27.21 Bárugata 14, Breyta og hækka mæni og útveggi
Lagt fram erindi frá afgreiðslufundi byggingarfulltrúa frá 12. janúar 2021 þar sem sótt er um leyfi til að breyta og hækka mæni og útveggi á þakrými þannig að fáist portbyggð hæð í risi í húsi á lóð nr. 14 við Bárugötu, samkvæmt uppdr. Stáss arkitekta ehf. dags. 30. september 2020. Einnig eru lagðir fram eftirfarandi uppdr. Stáss arkitekta ehf.; götumynd og útlit húss ódags. og skuggavarp ódags. Einnig er lagður fram tölvupóstur Friðriks Friðrikssonar dags. 18. ferbúar 2021 þar sem óskað er eftir framlengingu á athugasemdafresti. Einnig er lagður fram skuggavarpsuppdráttur ódags. mótt 17. mars 2021.
Stækkun: 36.3 ferm., 181.9 rúmm. Erindi fylgir umsögn Minjastofnunar Íslands dags. 6. október 2020. Útskrift úr gerðabók embættisafgreiðslufundar skipulagsfulltrúa frá 6. nóvember 2020 fylgir erindi, ásamt umsögn skipulagsfulltrúa dags. 6. nóvember 2020. Einnig fylgir bréf skipulagsfulltrúa dags. 9. nóvember 2020. Gjald kr. 11.200

Samþykkt er að framlengja athugasemdafrest til og með 7. apríl 2021.
28.21 Mýrargata 18, breyting á deiliskipulagi
Lögð fram umsókn THG Arkitekta ehf. dags. 11. mars 2021 varðandi breytingu á deiliskipulagi Vesturbugtar vegna lóðarinnar nr. 18 við Mýrargötu. Í breytingunni felst að lóðarmörk Mýrargötu eru rýmkuð um 2 metra til norðurs og 3 metra til austurs auk þess að kvöð um göngustíg á milli Mýrargötu 18 og Mýrargötu 16 er felld niður, samkvæmt uppdr. THG Arkitekta ehf. dags. 2. mars 2021.

Vísað til meðferðar hjá verkefnisstjóra.
29.21 Nýlendugata 14, breyting á deiliskipulagi
Lögð fram umsókn THG Arkitekta ehf. dags. 11. mars 2021 varðandi breytingu á deiliskipulagi Nýlendureits 1.131 vegna lóðarinnar nr. 14 við Nýlendugötu. Í breytingunni felst að heimilt verði að hækka þak hússins og að þakhalli verði hærri við Mýrargötu í stað Nýlendugötu. Koma fyrir lyftu í húsinu og að lyftuhús fari út fyrir byggingarreit. gera þakbyggingu á lágþaki núverandi húss. Setja franskar svalir á norðurhlið húss við Mýrargötu og að svalir á suðurhlið húss megi almennt kraga 40 cm út fyrir lóðarmörk, fyrir utan svalir við flóttaleið á 2. hæð sem mega fara 160 cm út fyrir byggingarreit. Handrið á þakvölum vestan megin skal vera inndregið 150 cm frá lóðamörkum, samkvæmt deiliskipulags- og skýringaruppdráttum THG Arkitekta ehf. dags. 5. mars 2021.

Vísað til meðferðar hjá verkefnisstjóra.
30.21 Víðimelur 46 og 48, (fsp) breytingar vegna þakviðgerða
Lögð fram fyrirspurn Sigurðar Ragnarssonar dags. 15. mars 2021 ásamt greinargerð ódags. um að þakrenna á húsinu á lóðunum nr. 46 og 48 verði færður út fyrir steyptan þakkant.

Vísað til umsagnar verkefnisstjóra.
31.21 Aragata 3, Viðbygging - svalir
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 26. janúar 2021 þar sem sótt er um leyfi til að stækka kjallara og gera svalir ofaná þaki hans á suðvesturhorni einbýlishúss á lóð nr. 3 við Aragötu. Erindi var grenndarkynnt frá 15. febrúar 2021 til og með 15. mars 2021. Eftirtaldir sendu athugasemdir: Helgi Björnsson og Þóra Ellen Þórhallsdóttir dags. 14. mars 2021 og Ragnheiður Harðardóttir og Jón Scheving Thorsteinsson dags. 15. mars 2021.
Viðbygging: 28,2 ferm., 79,2 rúmm. Erindi fylgir bréf hönnuðar dags. 8. janúar 2021 og lögð fram umsögn skipulagsfulltrúa dags. 20. nóvember 2020. Gjald kr. 12.100

Vísað til umsagnar verkefnisstjóra.
32.21 Grjótagata 5, breyting á deiliskipulagi
Á embættisafgreiðslufundi skipulagsfulltrúa 26. febrúar 2021 var lögð fram umsókn Sei ehf. dags. 2. febrúar 2021 varðandi breytingu á deiliskipulagi Grjótaþorps vegna lóðarinnar 5 við Grjótagötu. Í breytingunni felst breyting á byggingarreit og nýtingarhlutfalli lóðarinnar auk þess að heimilt verði að byggja við húsið til vestur sem nemur núverandi viðbyggingu, samkvæmt uppdr. Sei ehf. dags. 18. mars 2021. Einnig er lögð fram umsögn Minjastofnunar Íslands dags. 29. janúar 2021. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu fyrir hagsmunaaðilum að Grjótagötu 4, 6, 9, 12 og 14, Túngötu 6 (Grjótagötu 7) og Aðalstræti 16.
Erindið verður grenndarkynnt þegar umsækjandi hefur greitt fyrir grenndarkynningu sbr. 7.6. gr., sjá gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1472/2020.

33.21 Sægarðar 1 og 3, breyting á deiliskipulagi
Að lokinni auglýsingu er lögð fram að nýju umsókn Faxaflóahafna sf. dags. 5. október 2020 varðandi breytingu á deiliskipulagi Sundahafnar norðan Vatnagarða vegna lóðanna nr. 1 og 3 við Sægarða. Í breytingunni felst að færa lóðarmörk Sægarða 1 og 3 til suðausturs, stækka lóð Sægarða 3, stækka byggingarreit, hækka hámarkshæð byggingar á lóð Sægarða 1 og færa lagnaleið Veitna, samkvæmt uppdr. Arkís arkitekta ehf. dags. 2. október 2020. Tillagan var auglýst frá 29. janúar 2021 til og með 15. mars 2021. Eftirtaldir sendu athugasemdir: Gylfi Gunnarsson og Guðmundur R. Sigtryggsson dags. 12. mars 2021.

Vísað til umsagnar verkefnisstjóra.
34.21 Bergþórugata 18, Fjölbýlishús nýbygging
Lagt fram erindi frá afgreiðslufundi byggingarfulltrúa frá 16. mars 2021 þar sem sótt er um leyfi til að byggja tveggja hæða fjölbýlishús með þremur íbúðum úr forsteyptum samlokueiningum á lóð nr. 18 við Bergþórugötu.
Erindi fylgir brunahönnun frá Örugg, verkfræðistofa dags. 12. janúar 2021. Stærð, A-rými: 240,2 ferm., 731,9 rúmm. Stærð B-rými: 7,1 ferm. Samtals: 247,3 ferm. Gjald kr. 12.100

Vísað til umsagnar verkefnisstjóra.
35.21 Kambsvegur 26, (fsp) breytingar vegna fyrirhugaðs bílskúrs
Lögð fram fyrirspurn Kristins Más Karlssonar og Sveins Óskars Hafliðasonar dags. 9. mars 2021 um færslu og stækkun á fyrirhuguðum bílskúr á lóð nr. 26 við Kambsveg ásamt því að hækka þak skúrsins og setja glugga á norðurhlið, samkvæmt tillögu/skissu á byggingarnefndarteikningum.

Vísað til umsagnar verkefnisstjóra.
36.21 Suðurgata 35, Ýmsar breytingar
Lagt fram erindi frá afgreiðslufundi byggingarfulltrúa frá 16. mars 2021 þar sem sótt er um leyfi til þess að gera breytingar á garðvegg að Skothúsvegi til þess að koma fyrir sorptunnugeymslu og þremur bílastæðum, breyta útliti bílskúrshurðar mhl.02 og gera nýja svalahurð og svalir með aðgengi að garði við suðvesturhlið einbýlishúss á lóð nr. 35 við Suðurgötu.
Erindi fylgir mæliblað 1.142.2 útgefið 31. janúar 1984 og yfirlit breytinga á skýringaruppdráttum Glámu Kím dags. 21. janúar 2021. Gjald kr. 12.100

Vísað til umsagnar verkefnisstjóra.
37.21 Hofsvallagata 55, Skipta upp í tvær eignir - 0201 og 0301
Lagt fram erindi frá afgreiðslufundi byggingarfulltrúa frá 16. mars 2021 þar sem sótt er um leyfi til þess að fjölga eignum með því að breyta íbúð 0201, sem er á tveimur hæðum, í tvær íbúðir, 0201 og 0301 í fjölbýlishúsi á lóð nr. 55 við Hofsvallagötu.
Erindi fylgir samþykki eigenda íbúða 0001 og 0101 á afriti af teikn. nr. 1 og 2 dags. 25. febrúar 2021 og mæliblað1.543.0 síðast breytt 7. ágúst 1978. Gjald kr. 12.100

Vísað til umsagnar verkefnisstjóra.
38.21 Hraunberg 4, breyting á deiliskipulagi
Að lokinni auglýsingu er lögð fram að nýju umsókn Ívars Arnar Guðmundssonar dags. 19. nóvember 2020 varðandi breytingu á skilmálum deiliskipulags Breiðholts III, austurdeild, vegna lóðarinnar nr. 4 við Hraunberg. Í breytingunni felst að bætt er við heimild til að gera íbúðir á efri hæðum, samkvæmt tillögu Nexus arkitekta ehf. dags. 8. desember 2020. Einnig er lögð fram grunnmynd Nexus arkitekta ehf. dags. 4. nóvember 2020. Tillagan var auglýst frá 29. janúar 2021 til og með 15. mars 2021. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.

39.21 Laugavegur 20B, Útiveitingar
Á embættisafgreiðslufundi skipulagsfulltrúa 12. mars 2021 var lagt fram erindi frá afgreiðslufundi byggingarfulltrúa frá 9. mars 2021 þar sem sótt er um leyfi til þess að vera með útiveitingar fyrir 20 gesti á baklóð veitingastaðar í flokki ll, teg. f, krá, fyrir samtals 114 gesti á 1. hæð verslunar- og þjónustuhúss á lóð nr. 22B við Laugaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 15. mars 2021.
Erindi fylgir umboð eiganda dags 3. mars 2021 sem gildir til 1. apríl 2021, og samþykki lóðarhafa Laugavegi 20A og Klapparstíg 38.
Gjald kr. 12.100


Umsögn skipulagsfulltrúa, dags. 15. mars 2021, samþykkt.
40.21 Laugavegur 21, (fsp) gróðurhús
Á embættisafgreiðslufundi skipulagsfulltrúa 12. mars 2021 var lögð fram fyrirspurn Jóns Ágústs Hreinssonar dags. 1. mars 2021 um að koma fyrir ca. 12 fm gróðurhúsi tímabundið á núverandi útisvæði lóðarinnar nr. 21 við Laugaveg. Einnig er lögð fram yfirlitsmynd. Fyrirspurninni var vísað til umsagnar verkefnisstjóra og lagt fram að nýju.

Frestað. Fyrirspyrjandi hafi samband við embætti skipulagsfulltrúa.
41.21 Laugavegur 31, Mhl.01 - Breytingar - Lyfta, gluggar, gólf risi o.fl.
Á embættisafgreiðslufundi skipulagsfulltrúa 12. mars 2021 var lagt fram erindi frá afgreiðslufundi byggingarfulltrúa frá 9. mars 2021 þar sem sótt er um leyfi til þess að breyta innra skipulagi, sem felst m.a. í að endurnýja lyftu, bæta snyrtiaðstöðu, fjarlægja létta innveggi og gólf milli 4. hæðar og rishæðar auk þess sem gluggar eru endurnýjaðir, þakgluggum er bætt við, kvistir eru stækkaðir og svalir settar á norðurhlið efstu hæðar og bætt er við svölum á norðurhlið efstu hæðar skrifstofuhúss , mhl.01, á lóð nr. 31 við Laugaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 18 mars 2021.
Stækkun: x.xx ferm., x.xx rúmm. Erindi fylgir greinargerð Verkfræðistofu Reykjavíkur um breytingar á burðarvirki dags. 1. mars 2021, greinargerð verkfræðistofunnar Örugg um brunahönnun dags. 2. mars 2021, bréf frá hönnuði dags. 2. mars 2021. og skýringarmynd 002 útg. B00 dags. 1. mars 2021. Gjald kr. 12.100

Umsögn skipulagsfulltrúa, dags. 18. mars 2021, samþykkt.
42.21 Meðalholt 8, (fsp) - Hurð út í garð - tröppur
Lagt fram erindi frá afgreiðslufundi byggingarfulltrúa frá 16. mars 2021 þar sem spurt er hvort leyfi fengist til þess að síkka glugga, gera hurð og tröppur frá íbúð og niður í garð frá íbúð á suðurhlið 1. hæðar í fjölbýlishúsi á lóð nr. 8 við Meðalholt.

Vísað til umsagnar verkefnisstjóra.
43.21 Njálsgata 64, Br. - Lyfta fjarlægð, íbúð á 1. hæð
Lagt fram erindi frá afgreiðslufundi byggingarfulltrúa frá 16. mars 2021 þar sem sótt er um leyfi til að fjarlægja lyftu, gera glugga að porti, koma fyrir fellistiga frá herbergi á 3. hæð og byggja svalir á rishæð húss á lóð nr. 64 við Njálsgötu.
Útskrift úr gerðabók embættisafgreiðslufundar skipulagsfulltrúa frá 5. mars 2021 fylgir erindi, ásamt umsögn skipulagsfulltrúa dags. 2. mars 2021. Einnig fylgir bréf skipulagsfulltrúa dags. 8. mars 2021. Stækkun: 3,3 ferm., 6,4 rúmm. Gjald kr. 12.100

Vísað til umsagnar verkefnisstjóra.
44.21 Skeiðarvogur 13-23, (fsp) - Breyta í tvö fastanúmer
Lagt fram erindi frá afgreiðslufundi byggingarfulltrúa frá 16. mars 2021 þar sem spurt er hvort leyft yrði að gera íbúð í kjallara raðhúss nr. 19 að séreign á lóð nr. 13-23 við Skeiðarvog. Einnig lögð fram umsögn skipulagsfulltrúa dags. 19. mars 2021.

Neikvætt, með vísan til umsagnar skipulagsfulltrúa dags. 19. mars 2021
45.21 Vagnhöfði 6, Viðbygging
Á embættisafgreiðslufundi skipulagsfulltrúa 12. mars 2021 var lagt fram erindi frá afgreiðslufundi byggingarfulltrúa frá 9. mars 2021 þar sem sótt er um leyfi til að byggja einnar hæðar viðbyggingu úr timbri með einhalla þaki við norðvesturenda, breyta innra skipulagi þannig að millipallur er stækkaður og breyta skráningu á 2. hæð í millipall, í húsi á lóð nr. 6 við Vagnhöfða. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 19. mars 2021.
Stækkun : XX ferm., XX rúmm. Gjald kr. 12.100

Umsögn skipulagsfulltrúa, dags. 19. mars 2021, samþykkt.
46.21 Vesturfold 15, Sólskáli
Lagt fram erindi frá afgreiðslufundi byggingarfulltrúa frá 16. mars 2021 þar sem sótt er um leyfi til að byggja sólskála við hús á lóð nr. 15 við Vesturfold. Einnig er lögð fram umsögn skipulagsfulltrúa dags. 19. mars 2021.
Stækkun: 17,6 ferm., 48,4 rúmm. Stærð eftir breytingu: 235,4 ferm. og 811,5 rúmm. Erindi fylgja aðaluppdrættir nr. 01, 02, 03 og 04. dags. 7. mars 2021. Gjald kr.12.100

Umsögn skipulagsfulltrúa, dags. 19. mars 2021, samþykkt.
47.21 Bæjarflöt 19, (fsp) breyting á byggingarreitum
Á embættisafgreiðslufundi skipulagsfulltrúa 26. febrúar 2021 var lögð fram fyrirspurn Vektors, hönnun og ráðgjöf ehf. dags. 18. febrúar 2021 um breytingu á byggingarreitum lóðarinnar nr. 19 við Bæjarflöt þannig að þeir verði allir jafnbreiðir ásamt því að setja sameiginlegar svalir á aðra hlið húsanna, samkvæmt uppdr. Vektors, hönnun og ráðgjöf ehf. dags. 12. febrúar 2021. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 19. mars 2021.


Umsögn skipulagsfulltrúa, dags. 19. mars 2021, samþykkt.
48.21 Hraunbær 133, (fsp) uppbygging
Lögð fram fyrirspurn Teiknistofu arkitekta Gylfa Guðjónssonar og félaga ehf. dags. 19. janúar 2021 um uppbyggingu þriggja stakstæðra húsa á lóð nr. 133 við Hraunbæ með 64 íbúðum af fjölbreyttum stærðum, samkvæmt uppdr. Teiknistofu arkitekta Gylfa Guðjónssonar og félaga ehf. dags. 15. janúar 2021.

Vísað til umsagnar verkefnisstjóra.
49.21 Þverholt 3, (fsp) - Samþykkja íbúð
Á embættisafgreiðslufundi skipulagsfulltrúa 12. febrúar 2021 var lagt fram erindi frá afgreiðslufundi byggingarfulltrúa frá 9. febrúar 2021 þar sem spurt er hvort íbúð í rými 0301, sem er skráð geymsla F2010492, fengist samþykkt, í húsi á lóð nr. 3 við Þverholt. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 19. mars 2021.

Umsögn skipulagsfulltrúa, dags. 19. mars 2021, samþykkt.
50.21 Brúnavegur 13, (fsp) skipting lóðar
Lögð fram fyrirspurn Sjómannadagsráðs dags. 12. mars 2021 ásamt bréfi dags. 10. mars 2021 um að skipta lóðinni nr. 13 við Brúnaveg upp í smærri lóðir.

Vísað til umsagnar verkefnisstjóra.
51.21 Eiðsgrandi til móts við Keilugranda, framkvæmdaleyfi
Lögð fram umsókn skrifstofu framkvæmda og viðhalds dags. 17. mars 2021 um framkvæmdaleyfi vegna uppsetningu á listaverki við Eiðsgranda til móts við Keilugranda, vestan megin við dælustöð. Einnig er lögð fram greinargerð og tillaga ódags.

Vísað til umsagnar verkefnisstjóra.
52.21 Kjalarnes, Kalkslétta 1, ósk um umsögn
Lagt fram erindi Heilbrigðiseftirlits Reykjavíkur dags. 12. mars 2021 þar sem óskað er eftir umsögn vegna umsóknar Íslenska Gámafélagsins um starfsleyfi fyrir móttökustað fyrir úrgang að Kalksléttu 1 á Kjalarnesi. Óskað er eftir umsögn um hvort starfsemin samræmist skipulagi og hvort fyrirhugaðar séu breytingar sem geta komi í veg fyrir starfsleyfi í 12 ár.

Vísað til umsagnar verkefnisstjóra.
53.21 Krókháls 5-5G, staðsetning ökutækjaleigu
Lagt fram bréf Samgöngustofu dags. 16. mars 2021 þar sem óskað er eftir umsögn vegna umsóknar Jovita Marcikoniene f.h. Rijo Campers ehf. um að reka ökutækjaleigu að Krókhálsi 5A, lóð nr. 5-5G við Krókháls.

Vísað til umsagnar verkefnisstjóra.
54.21 Viðarhöfði 2, (fsp) breyting á notkun hússins
Lögð fram fyrirspurn RVK MMA ehf. dags. 4. mars 2021 ásamt bréfi og fylgiskjölum dags. 4. mars 2021 um breytingu á notkun rýmis merkt 01 0205 í húsinu á lóð nr. 2 við Viðarhöfða úr iðnaði í heilsurækt og bardagalist.

Vísað til umsagnar verkefnisstjóra.