Freyjugata 24, Hagamelur 47, Langholtsvegur 49, Laugavegur 103, Gamla höfnin - Alliance reitur, Klapparstígur 28 og 30, Blesugróf 30, 32 og 34, Laufásvegur 2A, Nönnubrunnur 1, Brekkustígur 5-5A, Búðagerði 10-12, Efstaland 26, Hverfisgata 100B og 102, Laugarnestangi 60, Selásbraut 98, Skipholt 15, Skipholt 50A, Snorrabraut 27-29, Eiríksgata 31, Fjólugata 19, Grettisgata 13, Hátún 2, Hvammsgerði 7, Laugavegur 66-68, Dunhagi 18-20, Gylfaflöt 2, Gylfaflöt 4, Hlíðarendi 16, Hlíðarendi 16, Mýrargata 27 og 29, Seljavegur 1A og 1B, Þverholt 15, Bræðraborgarstígur 38, Laugateigur 7, Ármúli 40, Miðhús 38, Móavegur 2, Skúlagata 28, Síðumúli 32, Blikastaðavegur 2-8, Frakkastígur - Skúlagata, Gufunes, Sorpa, Laugardalur, Lyngháls 10, Stórhöfði 32, Vogabyggð svæði 2 - Kugguvogur 5, Alþingisreitur, Mímisvegur 4, Nýlendugata 14, Mosfellsbær, breyting á svæðisskipulagi, Kvosin, Landsímareitur,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

662. fundur 2017
Ár 2017, föstudaginn 15. desember kl. 09:15, hélt skipulagsfulltrúi Reykjavíkur 662. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Helena Stefánsdóttir. Eftirtaldir embættismenn kynntu mál á fundinum: Dagný Harðardóttir, Jón Kjartan Ágústsson, Halldóra Hrólfsdóttir, Borghildur S. Sturludóttir, Ingvar Jón B. Gíslason, Björn Ingi Edvardsson, Lilja Grétarsdóttir og Hildur Gunnarsdóttir. Ritari var Harri Ormarsson.
Þetta gerðist:

1.17 Freyjugata 24, Svalir - brunamerkingar
Á embættisafgreiðslufundi skipulagsfulltrúa 8. desember 2017 var lagt fram erindi frá afgreiðslufundi byggingarfulltrúa frá 5. desember 2017 þar sem sótt er um leyfi til að koma fyrir flóttasvölum á norðvestur- og suðvesturhlið, uppfæra brunamerkingar og gerð er grein fyrir áður gerðum breytingum í norðausturhluta kjallara gististaðar í flokki II á lóð nr. 24 við Freyjugötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 11. desember 2017.
Gjald kr. 11.000

Neikvætt, með vísan til umsagnar skipulagsfulltrúa dags. 11. desember 2017.
2.17 Hagamelur 47, (fsp) - Breyta íbúð í tvær íbúðir
Lagt fram erindi frá afgreiðslufundi byggingarfulltrúa frá 12. desember 2017 þar sem spurt er hvort leyft yrði að skipta í tvennt íbúð 0102 í fjölbýlishúsi á lóð nr. 47 við Hagamel. Einnig er lögð fram umsögn skipulagsfulltrúa dags. 13. desember 2017.


Neikvætt, með vísan til umsagnar skipulagsfulltrúa dags. 13. desember 2017.
3.17 Langholtsvegur 49, breyting á deiliskipulagi
Á embættisafgreiðslufundi skipulagsfulltrúa 3. nóvember 2017 var lögð fram umsókn Gunnlaugs Jónassonar f.h. Írisar Georgsdóttur mótt. 30. október 2017 ásamt greinargerð dags. 20. október 2017 varðandi breytingu á deiliskipulagi reita 1.3 og 1.4, Sundin, vegna lóðarinnar nr. 49 við Langholtsveg. Í breytingunni felst að byggingarreitur fyrir viðbyggingu stækkar og færist til suðurs að lóðarmörkum Langholtsvegar 51 og að þakskegg nái allt að 0,5 metra út fyrir byggingarreit til austurs og vesturs. Flatt þak er leyft á viðbygginguna, samkvæmt uppdr. Teikning.is dags. 15. desember 2017. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Langholtsvegi 47 og 51 og Efstasundi 44, 46, og 48.
Vakin er athygli á að greiða þarf fyrir grenndarkynningu áður en kynning fer fram samkv. 7. 6.gr. gjaldskrá skipulagsfulltrúa nr. 1193/2016.

4.17 Laugavegur 103, (fsp) breyting á notkun íbúðar merkt 0502
Lögð fram fyrirspurn Ástu Guðlaugu Þorkelsdóttur mótt. 27. nóvember 2017 um að breyta notkun íbúðar merkt 0502 í húsinu á lóð nr. 103 við Laugaveg í gististað í flokki II. Einnig er lögð fram umsögn skipulagsfulltrúa dags. 13. desember 2017.

Ekki eru gerðar skipulagslegar athugasemdir við erindið með vísan til umsagnar skipulagsfulltrúa dags. 13. desember 2017.
5.17 Gamla höfnin - Alliance reitur, breyting á deiliskipulagi
Lagt fram bréf Skipulagsstofnunar dags. 6. desember 2017 þar sem gerðar eru athugasemdir við að sveitarstjórn birti auglýsingu um samþykkt deiliskipulagsbreytingarinnar í B-deild Stjórnartíðinda þar sem gögn eru misvísandi varðandi hæðafjölda nýbyggingar milli Alliance hússins og Mýrargötu og viðbrögð við athugasemdum eru ófullnægjandi.

Vísað til meðferðar hjá verkefnisstjóra.
6.17 Klapparstígur 28 og 30, (fsp) sameining lóða
Á embættisafgreiðslufundi skipulagsfulltrúa 8. desember 2017 var lögð fram fyrirspurn Þingvangs ehf. mótt. 5. desember 2017 ásamt greinargerð dags. 5. desember 2017 um sameiningu lóðanna nr. 28 og 30 við Klapparstíg. Fyrirspurninni var vísað til umsagnar verkefnisstjóra og er nú lögð fram að nýju.

Kynna formanni umhverfis- og skipulagsráðs.
7.17 Blesugróf 30, 32 og 34, (fsp) breyting á deiliskipulagi
Lögð fram fyrirspurn Gests Ólafssonar mótt. 6. desember 2017 ásamt minnispunktum dags. 6. desember 2017 varðandi uppbyggingu á lóðunum nr. 30, 32 og 34 við Blesugróf, samkvæmt uppdr. Skipulags- arkitekta- og verkfræðistofunnar ehf. dags. 6. desember 2017. Einnig er lögð fram byggðakönnun Minjasafns Reykjavíkur frá 2014.

Vísað til umsagnar verkefnisstjóra.
8.17 Laufásvegur 2A, (fsp) stækkun húss
Lögð fram fyrirspurn Eignatorgs ehf. mótt. 4. desember 2017 um stækkun hússins á lóð nr. 2A við Laufásveg eins og samþykktar byggingarnefndarteikningar frá árinu 1987 gerðu ráð fyrir.

Vísað til umsagnar verkefnisstjóra.
9.17 Nönnubrunnur 1, (fsp) glerhýsi
Á embættisafgreiðslufundi skipulagsfulltrúa 8. desember 2017 var lögð fram fyrirspurn Ólafs Arnar Ingólfssonar mótt. 22. nóvember 2017 um að setja upp glerhýsi á svölum efstu hæðar hússins á lóð nr. 1 við Nönnubrunn. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 14. desember 2014.

Ekki eru gerðar skipulagslegar athugasemdir við erindið með vísan til umsagnar skipulagsfulltrúa dags. 14. desember 2017.
10.17 Brekkustígur 5-5A, (fsp) kvistir
Á embættisafgreiðslufundi skipulagsfulltrúa 27. október 2017 var lögð fram fyrirspurn Ilmar Maríu Stefánsdóttur, mótt. 14. mars 2017, um að setja tvo kvisti á götuhlið hússins nr. 5 á lóð nr. 5-5A við Brekkustíg. Einnig eru lagðir fram tölvupóstar skipulagsfulltrúa, dags. 7. apríl og 1. september 2017. Fyrirspurninni var frestað og er nú lögð fram að nýju. Einnig er lagt fram bréf skrifstofu sviðsstjóra dags. 15. desember 2017.

Lagt fram.
11.17 Búðagerði 10-12, (fsp) - 10 - Breyting og endurbætur
Á embættisafgreiðslufundi skipulagsfulltrúa 11. ágúst 2017 var lagt fram erindi frá afgreiðslufundi byggingarfulltrúa frá 4. júlí 2017 þar sem spurt er hvort leyft verði að breyta atvinnuhúsnæði í íbúð í húsi á lóð nr. 10 við Búðagerði. Erindinu var frestað, umsækjandi hafi samband við embætti skipulagsfulltrúa, og er nú lagt fram að nýju ásamt umsögn skipulagsfulltrúa, dags. 15. desember 2017.

Neikvætt, með vísan til umsagnar skipulagsfulltrúa dags. 15. desember 2017.
12.17 Efstaland 26, breyting á skilmálum deiliskipulags
Að lokinni auglýsingu er lögð fram að nýju umsókn THG Arkitekta ehf., mótt. 17. ágúst 2017, varðandi breytingu á skilmálum deiliskipulags fyrir lóðina nr. 26 við Efstaland. Í breytingunni felst að bætt er við texta skilmála ákvæði sem skilgreinir leyfilegan flokk gistiaðstöðu og veitingaþjónustu á 3. hæð hússins, samkvæmt tillögu THG Arkitekta ehf., dags. 2. október 2017. Tillagan var auglýst frá 20. október 2017 til og með 1. desember 2017. Eftirtaldir aðilar sendu athugasemdir: Björn Stefánsson f.h. Húsfélags Efstalands 20-24 dags. 30. nóvember 2017. Erindinu var vísað til umsagnar hjá verkefnisstjóra á embættisafgreiðslufundi skipulagsfulltrúa 8. desember 2017 og er nú lagt fram að nýju.

Vísað til umhverfis- og skipulagsráðs.
13.17 Hverfisgata 100B og 102, (fsp) breyting á skilmálum deiliskipulags
Á embættisafgreiðslufundi skipulagsfulltrúa 8. desember 2017 var lögð fram fyrirspurn Gríms Bjarnasonar mótt. 9. nóvember 2017 ásamt bréfi Réttar lögmannsstofu f.h. Gríms Bjarnasonar dags. 9. nóvember 2017 um breytingu á skilmálum deiliskipulags reits 1.174.1 vegna lóðanna nr. 100B og 102 við Hverfisgötu sem felst í að heimilt verður að reka gististað í flokki II í fasteignunum. Fyrirspurninni var vísað til umsagnar verkefnisstjóra.
Vísað til umsagnar skrifstofu sviðsstjóra.
14.17 Laugarnestangi 60, (fsp) breyting á deiliskipulagi
Lögð fram fyrirspurn Guðrúnar Eyjólfsdóttur mótt. 11. desember 2017 um breytingu á deiliskipulagi Laugarnes vegna lóðarinnar nr. 60 við Laugarnestanga sem felst í að heimila gististað í flokki II í húsinu.

Vísað til umsagnar hjá verkefnisstjóra.
15.17 Selásbraut 98, breyting á deiliskipulagi
Lögð fram umsókn Bergþórs Ólafssonar, mótt. 28. febrúar 2017, varðandi breytingu á deiliskipulagi Suður Selás vegna lóðarinnar nr. 98 við Selásbraut. Í breytingunni felst að hækka núverandi byggingu um eina hæð og stækka 1. hæð til vesturs svo gera megi ráð fyrir svölum á 2. og 3. hæð ásamt hjóla- og vagnageymslu fyrir íbúðir, samkvæmt uppdr. A2 arkitektur ehf., dags. 20. febrúar 2017.
Málinu vísað á ný til meðferðar hjá verkefnisstjóra.
16.17 Skipholt 15, (fsp) gististaður
Lögð fram fyrirspurn Inex ehf. mótt. 9. desember 2017 ásamt bréfi dags. 7. desember 2017 um rekstur gististaðar í íbúð merkt 01-0105 í húsinu á lóð nr. 15 við Skipholt.

Vísað til umsagnar verkefnisstjóra.
17.17 Skipholt 50A, Svalir - 0201, 0209, 0302 - bílageymsla breytt í snyrtistofu
Lagt fram erindi frá afgreiðslufundi byggingarfulltrúa frá 12. desember 2017 þar sem sótt er um leyfi til að stækka svalir 0216, 0217 og 0314 og til að innrétta snyrtistofu í bílgeymslu 0101 í húsi á lóð nr. 50A við Skipholt. Einnig er lögð fram umsögn skipulagsfulltrúa dags. 14. desember 2017.
Erindi fylgir samþykki meðeigenda áritað á uppdrátt.
Gjald kr. 11.000

Umsögn skipulagsfulltrúa dags. 14. desember 2017 samþykkt.
18.17 Snorrabraut 27-29, Breyta rýmum - 0103 og 0203
Lagt fram erindi frá afgreiðslufundi byggingarfulltrúa frá 5. desember 2017 þar sem sótt erum að leyfi til að aðskilja rými 0103 og 0203, hafa rými 0103 áfram sem verslun en breyta 0203 í íbúð og setja svalir á gluggahlið í húsi á lóð nr. 27-29 við Snorrabraut. Einnig er lögð fram umsögn skipulagsfulltrúa dags. 14. desember 2017.
Gjald kr. 11.000

Umsögn skipulagsfulltrúa dags. 14. desember 2017 samþykkt.
19.17 Eiríksgata 31, (fsp) stækkun húss, fjölgun íbúða o.fl.
Lögð fram fyrirspurn Ragnars Helga Róbertssonar mótt. 5. desember 2017 um að fjarlægja svalir og kolageymslu sem snúa í norður og stækka húsið á lóð nr. 31 við Eiríksgötu, setja svalir á vesturhlið, fjölga íbúðum í húsinu og starfrækja gististað í flokki II. Einnig eru lagðar fram teikningar Thelmu Guðmundsdóttur dags. 20. nóvember 2017.

Vísað til umsagnar verkefnisstjóra.
20.17 Fjólugata 19, Innan- og utanhússbreytingar
Lagt fram erindi frá afgreiðslufundi byggingarfulltrúa frá 12. desember 2017 þar sem sótt er um leyfi til að hækka þak, stækka og endurnýja bílskúr og útbúa svalir á hluta þaks, lækka gólf í kjallara, grafa frá suðurhlið og innrétta nýja íbúð þar, breyta aðkomu, byggja nýjar svalir á 2. hæð og í risi, breyta gluggum og innra skipulagi, einangra að utan og klæða með flísum hús á lóð nr. 19 við Fjólugötu.
Lögð fram umsögn skipulagsfulltrúa dags. 29. september 2017. Erindi fylgir bréf hönnuðar dags. 5. desember 2017, umsögn Minjastofnunar Íslands dags. 4. desember 2017 og minnisblað um brunavarnir dags, 9. nóvember 2017. Gjald kr. 11.000

Vísað til umsagnar verkefnisstjóra.
21.17 Grettisgata 13, (fsp) breyting á deiliskipulagi
Á embættisafgreiðslufundi skipulagsfulltrúa 24. nóvember 2017 var lögð fram fyrirspurn DARK STUDIO ehf., mótt. 9. október 2017, um breytingu á deiliskipulagi fyrir lóðina nr. 13 við Grettisgötu sem felst í hækkun hússins um eina hæð þannig að húsið verði fjórar hæðir, samkvæmt uppdr. DARK STUDIO ehf., dags. 5. október 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 15. desember 2017.

Neikvætt, með vísan til umsagnar skipulagsfulltrúa dags.15. desember 2017.
22.17 Hátún 2, (fsp) breyting á bílastæði
Lögð fram fyrirspurn Hvítasunnukirkjunnar Fíladelfía RV mótt. 7. desember 2017 um breytingu á bílastæði lóðarinnar nr. 2 við Hátún, samkvæmt tillögu Brynjars Ólafssonar ódags.

Vísað til umsagnar verkefnisstjóra.
23.17 Hvammsgerði 7, breyting á deiliskipulagi
Að lokinni grenndarkynningu er lögð fram að nýju umsókn Arkís arkitekta ehf., mótt. 27. september 2017, varðandi breytingu á deiliskipulagi Heiðargerðisreits vegna lóðarinnar nr. 7 við Hvammsgerði. Í breytingunni felst að byggingarreitur er stækkaður á hluta suðurhliðar um 12 fm. og nýtingarhlutfall hækkað úr 0,45 í 0,48, samkvæmt uppdr. Arkís askitekta ehf., dags. 31. ágúst 2017, breytt 16.10. 2017. Einnig er lagt fram bréf Arkís arkitekta ehf., dags. 27. september 2017. Tillagan var grenndarkynnt frá 9. nóvember 2017 til og með 7. desember 2017. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
24.17 Laugavegur 66-68, breyting á skilmálum deiliskipulags
Á embættisafgreiðslufundi skipulagsfulltrúa 8. desember 2017 var lögð fram umsókn Reynis Adamssonar f.h. Reita - hótels ehf. mótt. 12. desember 2017 ásamt greinargerð dags. 12. desember 2017 um breytingu á skilmálum deiliskipulags fyrir lóðina nr. 66-68 við Laugaveg. Í breytingunni felst að heimilt er að hafa verslun og/eða þjónustu í rými 01-0104 á jarðhæð, samkvæmt uppdr. Adamssonar ehf. dags. 5. október 2015. Erindinu var vísað til meðferðar hjá verkefnisstjóra og er nú lagt fram að nýju.
Frestað. Umsækjandi hafi samband við embætti skipulagsfulltrúa.
25.17 Dunhagi 18-20, Ofanábygging - viðbygging- fjölgun íbúða
Á embættisafgreiðslufundi skipulagsfulltrúa 8. desember 2017 var laagt fram erindi frá afgreiðslufundi byggingarfulltrúa frá 5. desember 2017 þar sem sótt er um leyfi til að byggja inndregna 4. hæð, byggja viðbyggingu við fyrstu hæð og kjallara, minnka og fjölga íbúðum úr 8 í 20, koma fyrir lyftu utan á húsinu og sorpgerði fyrir verslunarrými innan í rými 0106 á lóð nr. 18 - 20 við Dunhaga. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 15. desember 2017.
Útskrift úr gerðabók embættisafgreiðslufundar skipulagsfulltrúa frá 16. júní 2017 fylgir erindinu ásamt umsögn skipulagsfulltrúa dags. 16. júní 2017.
Útskrift úr gerðabók fundar umhverfis- og skipulagsráðs frá 15. nóvember 2017 fylgir erindinu ásamt umsögn skipulagsfulltrúa dags. 13. október 2017, (13. nóvember 2017). Erindið var grenndarkynnt frá 22. ágúst 2017 til og með 3. október 2017 fyrir hagsmunaaðilum að Dunhaga 19, 21,23. Fálkagötu 29, Arnargötu 14. Tómasarhagi 28, 32, 34, 36,38, 40, 42,44, 46. Hjarðarhaga 27, 29, 31 og 33. Eftirtaldir aðilar sendu inn athugasemdir: Ásta Logadóttir, dags. 24. ágúst 2017 og 3. október 2017, Hildur Þórisdóttir, dags. 10. september 2017, Eyþór Mar Halldórsson, dags. 11. september 2017, Ásdís Schram, dags. 18. sept. 2017, Sólveig K. Jónsdóttir f.h. eigendur og íbúa að Hjarðarhaga 27, dags. 27. september 2017, Áslaug Árnadóttir hdl. f.h. hagsmunaaðila, dags. 2. október 2017 og Einar Ólafsson, dags. 3. október 2017. Stækkun viðbyggingu kjallara, 1. hæð og 4 hæð : 903,0 ferm., 2.459,0 rúmm. Gjald kr. 11.000

Umsögn skipulagsfulltrúa dags. 15. desember 2017 samþykkt.
26.17 Gylfaflöt 2, Reisa skemmu
Lagt fram erindi frá afgreiðslufundi byggingarfulltrúa frá 12. desember 2017 þar sem sótt er um leyfi til að byggja skemmu sem á að vera með tólf sjálfstæðar eignir með millilofti og verður burðargrind úr stáli klædd með steinullar samlokueiningum á lóð nr. 2.
Stærð húss er: 1.465,2 ferm., 8.038,5 rúmm. Gjald kr. 11.000

Vísað til umsagnar verkefnisstjóra.
27.17 Gylfaflöt 4, Reisa skemmu
Lagt fram erindi frá afgreiðslufundi byggingarfulltrúa frá 12. desember 2017 þar sem sótt er um leyfi til að byggja skemmu sem á að vera með sjálfstæðar eignir með millilofti og verður burðargrind úr stáli klædd með steinullar samlokueiningum á lóð nr. 4.
Stærð húss er: 1.829,0 ferm., 8.038,5 rúmm.
Gjald kr. 11.000

Vísað til umsagnar verkefnisstjóra.
28.17 Hlíðarendi 16, (fsp) breyting á deiliskipulagi
Á embættisafgreiðslufundi skipulagsfulltrúa 1. desember 2017 var lögð fram fyrirspurn Ask Arkitekta ehf. mótt. 24. nóvember 2017 ásamt bréfi ódags. varðandi breytingu á deiliskipulagi Hlíðarenda vegna lóðarinnar nr. 16 við Hlíðarenda se, felst í að breyta hæðarkóta þakbrúnar og að fallið verði frá ákvæði um gras á þaki, samkvæmt uppdr. Ask Arkitekta ehf. dags. 21. nóvember 2017. Erindinu var frestað og er nú lagt fram að nýju.

Vísað til umsagnar verkefnisstjóra.
29.17 Hlíðarendi 16, (fsp) - Hótel
Lagt fram erindi frá afgreiðslufundi byggingarfulltrúa frá 12. desember 2017 þar sem spurt er hvort leyft yrði að byggja fjögurra hæða, 446 herbergja hótel, kjallari og plata 1. hæðar verður steinsteypt og herbergjahlutinn úr tilbúnum einingum á lóð nr. 16 við Hlíðarenda.
Erindi fylgir bréf frá hönnuði ódagsett, áfangaumsögn frá Nýsköpunarmiðstöð Íslands dags. í október 2017, greinargerð frá Verkís um umsögn NMÍ dags. í september 2017 og drög að brunahönnun dags. 21. nóvember 2017.

Vísað til umsagnar verkefnisstjóra.
30.17 Mýrargata 27 og 29, Seljavegur 1A og 1B, (fsp) fjölgun íbúða
Á embættisafgreiðslufundi skipulagsfulltrúa 8. desember 2017 var lögð fram fyrirspurn Þorleifs Eggertssonar f.h. Arwen Holdings ehf. mótt. 14. nóvember 2017, um fjölgun íbúða í húsunum á lóðunum nr. 27 og 29 við Mýrargötu og 1A og 1B við Seljaveg þannig að heimilt verði að vera með tvær íbúðir á hverri lóð í stað einnar, skv. uppdrætti Hughrifs ehf., dags. 7. nóvember 2017. Fyrirspurninni var vísað til umsagnar verkefnisstjóra .

Kynna formanni umhverfis- og skipulagsráðs.
31.17 Þverholt 15, (fsp) breyting á deiliskipulagi
Á embættisafgreiðslufundi skipulagsfulltrúa 10. nóvember 2017 var lögð fram fyrirspurn Búseta húsnæðissamvinnufélags mótt. 30. október 2017 ásamt bréfi dags. 26. október 2017 um að fella niður kvöð um gönguleið yfir hluta lóðarinnar nr. 15 við Þverholt. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 30. nóvember 2017. Einnig er lögð fram umsögn skipulagsfulltrúa dags. 15. desember 2017.

Umsögn skipulagsfulltrúa dags. 15. desember 2017 samþykkt. Fyrri umsögn dags. 30. nóvember 2017 dregin til baka.
32.17 Bræðraborgarstígur 38, (fsp) bílastæði
Lögð fram fyrirspurn Karls Helga Gíslasonar mótt. 12. desember 2017 um að setja tvö til þrjú bílastæði á lóð nr. 38 við Bræðraborgarstíg.

Vísað til umsagnar verkefnisstjóra.
33.17 Laugateigur 7, (fsp) hækkun á risi
Á embættisafgreiðslufundi skipulagsfulltrúa 8. desember 2017 var lögð fram fyrirspurn Sigvalda Árnasonar mótt. 5. desember 2017 um að hækka ris hússins á lóð nr. 7 við Laugateig. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 12. desember 2017.

Ekki eru gerðar skipulagslegar athugasemdir við erindið með vísan til umsagnar skipulagsfulltrúa dags. 12. desember 2017.
34.17 Ármúli 40, (fsp) breyting á deiliskipulagi
Lögð fram fyrirspurn Studio F ehf. mótt. 7. desember 2017 um breytingu á deiliskipulagi Múla vegna lóðarinnar nr. 40 við Ármúla sem felst í að gera byggingarreit fyrir inndregna hæð ofan á núverandi frambyggingu og byggingarreit fyrir tvær hæðir ofan á bakbyggingu, í húsinu verða allt að 16 íbúðir, samkvæmt uppdr. Studio F. ehf dags. 28. nóvember 2017.

Vísað til umsagnar verkefnisstjóra.
35.17 Miðhús 38, Reyndarteikningar
Á embættisafgreiðslufundi skipulagsfulltrúa 8. desember 2017 var lagt fram erindi frá afgreiðslufundi byggingarfulltrúa frá 5. desember 2017 þar sem sótt er um leyfi fyrir áður gerðum breytingum sem felast í því að tekið hefur verið í notkun útgrafið rými undir bílgeymslu, grafið frá suðaustur hlið að lóðarmörkum, bætt við gluggum og hurðum á þremur hliðum auk þess sem eldhús hefur veri fært í húsi á lóð nr. 38 við Miðhús. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 15. desember 2017.
Stækkun: A-rými 88,2 ferm., 214,7 rúmm. Gjald kr. 11.000

Neikvætt, með vísan til umsagnar skipulagsfulltrúa dags. 15. desember 2017.
Samræmist ekki deiliskipulagi.
36.17 Móavegur 2, Fjölbýlishús
Á embættisafgreiðslufundi skipulagsfulltrúa 8. desember 2017 var lagt fram erindi frá afgreiðslufundi byggingarfulltrúa frá 5. desember 2017 þar sem sótt er um leyfi til að byggja 7 fjölbýlishús með 155 íbúðum á bílakjallara fyrir 68 bíla á lóð nr. 2 við Móaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 15. desember 2017.
Erindi fylgir greinargerð um hljóðvist dags. í nóvember 2017.
Stærðir: Mhl. 01, A-rými: 1.779,6 ferm., 5.421,1 rúmm. Mhl. 02, A-rými: 1.824,5 ferm., 5.684,4 rúmm. Mhl. 03, A-rými: 5.285,6 ferm., 15.811,5 rúmm. Mhl. 04, A-rými: 2.437,2 ferm., 7.379,6 rúmm. Mhl. 05, A-rými: 1.523,5 ferm., 4.753,7 rúmm. A-rými samtals: 10.887,4 ferm., 39.050,3 rúmm. B-rými samtals: 2.734,4 ferm. Gjald kr, 11.000

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 15. desember 2017.
37.17 Skúlagata 28, (fsp) breyting á deiliskipulagi
Á embættisafgreiðslufundi skipulagsfulltrúa 29. september 2017 var lögð fram fyrirspurn Magnúsar Alberts Jenssonar, mótt. 21. september 2017 um breytingu á deiliskipulagi Barónsreits vegna lóðar nr. 28 við Skúlagötu sem felst m.a. í breytingu á byggingarmagni og byggingarreit ásamt breytingu á bílastæðum við lóð. skv. tillögu, ódags. Fyrirspurninni var vísað til umsagnar verkefnisstjóra.
Frestað. Fyrirspyrjandi hafi samband við embættið.
38.17 Síðumúli 32, Endurinnrétta 2.hæð - svalir suðurhlið
Lagt fram erindi frá afgreiðslufundi byggingarfulltrúa 7. nóvember 2017 þar sem sótt er um leyfi til að setja svalir á suðurhlið og innrétta dagvist fyrir aldraða á annarri hæð starfsemi í húsi á lóð nr. 32 við Síðumúla. Einnig er lagt fram samþykki hagsmunaaðila mótt. 14. desember 2017.
Gjald kr. 11.000

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

39.17 Blikastaðavegur 2-8, breyting á deiliskipulagi
Lögð fram umsókn Arkís arkitekta ehf. f.h. Korputorgs ehf. mótt. 20. nóvember 2017 varðandi breytingu á deiliskipulagi fyrir lóðina nr. 2-8 við Blikastaðaveg. Í breytingunni felst að notkunarskilgreining byggingarreita innan lóðar breytist. Byggingarreitir sem áður voru skilgreindir fyrir vara aflsstöðvar verði skilgreindir fyrir netþjónabú og vara aflsstöðvar, samkvæmt uppdrætti Arkís arkitekta ehf. dags. 16. nóvember 2017.

Vísað til umhverfis- og skipulagsráðs.
Vakin er athygli á að erindið fellur undir lið 8.2 , sbr. 12.. gr. í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
40.17 Frakkastígur - Skúlagata, breyting á deiliskipulagi
Að lokinni auglýsingu er lögð fram að nýju tillaga umhverfis- og skipulagssviðs að breytingu á deiliskipulagi fyrir hluta Skúlagötusvæðis. Um er að ræða tæplega 1 hektara svæði sem nær yfir óbyggða lóð á horni Skúlagötu og Frakkastígs og óbyggt borgarland milli Skúlagötu og Sæbrautar, samkvæmt deiliskipulags- og skýringaruppdr. umhverfis- og skipulagssviðs og VA arkitektadags, dags. 3. október 2017. Tillagan var auglýst frá 1. nóvember 2017 til og með 13. desember 2017. Eftirtaldir aðilar sendu athugasemdir/ábendingar: Samúel Torfi Pétursson dags. 1. nóvember 2017, undirskriftalisti íbúa að Skúlagötu 20 dags. 8. nóvember 2017, Björgvin Þórðarson hrl. f.h. húsfélagsins Skúlagötu 20, dags. 12. desember 2017, Ingrid Björnsdóttir, tvö athugasemdabréf, dags. 12. desember 2017, Sólveig Jónsdóttir, dags. 12. desember 2017 og Páll Gunnlaugsson f.h. stjórnar Skuggahverfis 2-3 dags. 13. desember 2017.

Vísað til umsagnar verkefnisstjóra.
41.17 Gufunes, Sorpa, (fsp) stækkun móttöku- og flokkunarstöðvar
Lögð fram fyrirspurn Axels Vals Birgissonar mótt. 4. desember 2017 ásamt bréfi Mannvits dags. 4. desember 2017 varðandi stækkun móttöku- og flokkunarstöðvar Sorpu í Gufunesi, samkvæmt teikningu Mannvits, ódags.
Kynna formanni umhverfis- og skipulagsráðs.
42.17 1">Laugardalur, samstarf um gerð heildarskipulags Laugardals.
Lagt fram bréf borgarstjóra dags. 7. desember 2017 vegna samþykktar borgarráðs s.d. að vísa erindi íþróttabandalags Reykjavíkur um samstarf um gerð heildarskipulags Laugardals til meðferðar umhverfis- og skipulagssviðs og íþrótta- og tómstundasviðs.

Vísað til meðferðar hjá verkefnisstjóra.
43.17 Lyngháls 10, breyting á deiliskipulagi
Lögð fram umsókn Hermanns Georgs Gunnlaugssonar mótt. 12. desember 2017 ásamt bréfi dags. 12. desember 2017 varðandi breytingu á deiliskipulagi Hálsahverfis vegna lóðarinnar nr. 10 við Lyngháls. Í breytingunni felst að nýtingarhlutfall á lóðinni verði 1,00 og stækkun á byggingarreit á norðausturhorni lóðarinnar að lóðarmörkum, samkvæmt uppdrætti Teiknistofunnar Storð ehf. dags. 12. desember 2017.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
44.17 Stórhöfði 32, breyting á deiliskipulagi
Að lokinni grenndarkynningu er lögð fram að nýju umsókn Gunnars Arnar Sigurðssonar, mótt. 15. nóvember 2017, varðandi breytingu á deiliskipulagi Ártúnshöfða eystri vegna Stórhöfða 32. Í breytingunni felst stækkun á byggingarreit til austurs, samkvæmt uppdrætti ASK arkitekta ehf. dags. 13. nóvember 2017. Tillagan var grenndarkynnt frá 5. desember 2017 til og með 2. janúar 2018 en þar sem samþykki hagsmunaaðila barst 11. desember 2017 er erindi nú lagt fram að nýju.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
45.17 Vogabyggð svæði 2 - Kugguvogur 5, (fsp) breyting á deiliskipulagi
Á embættisafgreiðslufundi skipulagsfulltrúa 8. desember 2017 var lögð fram fyrirspurn ASK Arkitekta ehf. mótt. 30. nóvember 2017 ásamt bréfi ódags. um breytingu á deiliskipulagi Vogabyggðar svæði 2 vegna lóðar 2-13-2 við Kugguvog sem felst í lítilsháttar stækkun á byggingarreit og breytingu á hæðarkótum innan byggingarreits, samkvæmt kynningargögnum ASK Arkitekta ehf. ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 15. desember 2017.

Umsögn skipulagsfulltrúa dags. 15. desember 2017 samþykkt.
46.17 Alþingisreitur, breyting á deiliskipulagi
Að lokinni auglýsingu er lögð fram að nýju umsókn Sigurðar Einarssonar, mótt. 4. október 2017, varðandi breytingu á deiliskipulagi Alþingisreits. Í breytingunni felst að skilmálum verður breytt í samræmi við vinningstillögu í hönnunarsamkeppni um nýbyggingu Alþingis, varðandi hæðir og lögun nýbygginga, samkvæmt deiliskipulags- og skýringaruppdr. Batterísins Arkitekta ehf., dags. 4. október 2017. Einnig er m.a. gert ráð fyrir að byggja litla tveggja hæða byggingu á mótum tengiganga sunnan Kirkjustrætis 10A, auk þess sem fallið verður frá því að gera sýnilegar þær fornminjar, sem búið er að fjarlægja, en varðveittar fornminjar verða áfram í núverandi kjallara Kirkjustrætis 4. Einnig er lögð fram umsögn Minjastofnunar Íslands, dags. 25. ágúst 2017, varðandi fornleifar. Tillagan var auglýst frá 1. nóvember 2017 til og með 13. desember 2017. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
47.17 Mímisvegur 4, Ofanábygging og ris (Endurnýjun á erindi sem fellt var úr gildi)
Lagt fram erindi frá afgreiðslufundi byggingarfulltrúa frá 12. desember 2017 þar sem sótt er um leyfi til að byggja 3. hæð og ris, innrétta nýja íbúð í risi, byggja svalir á suðurgafli 1. 2. 3. hæðar, gera nýjan inngang og innrétta íbúðarherbergi í kjallara tvíbýlishúss á lóð nr. 4 við Mímisveg.
Erindi var áður samþykkt 15. desember 2015 sem erindi BN049682 en var fellt úr gildi 1. desember sl.
Stækkun: 100,8 ferm., 241,8 rúmm.

Samþykkt að grenndarkynna framlagða byggingarleyfisumsókn fyrir hagsmunaaðilum að Mímisveg 2, 2a, 6 og 8, Fjölnisvegi 15, Sjafnargötu 14, Barónsstíg 78 og 80 og Freyjugötu 42, 44 og 46.

48.17 Nýlendugata 14, (fsp) breyting á deiliskipulagi
Lögð fram fyrirspurn THG Arkitekta ehf. mótt. 8. desember 2018 ásamt greinargerð dags. 8. desember 2017 um breytingu og stækkun á húsinu á lóð nr. 14 við Nýlendugötu. Á efri hæðum hússins verða smáíbúðir til skammtímaleigu (gististaður) og á jarðhæð verður veitingarekstur, verslun og/eða þjónusta, samkvæmt tillögu THG Arkitekta ehf. dags. í nóvember 2017.

Vísað til umsagnar verkefnisstjóra.
49.17 Mosfellsbær, breyting á svæðisskipulagi, verkefnislýsing - vaxtamörk innan Mosfellsbæjar
Lagt fram erindi skrifstofu borgarstjórnar dags. 12. desember 2017 þar sem óskað er eftir umsögn umhverfis- og skipulagssviðs á erindi samtaka sveitarfélaga á höfuðborgarsvæðinu dags. 12. desember 2017 á verkefnislýsingu vegna breytingar á svæðisskipulagi Höfuðborgarsvæðisins 2040 varðandi vaxtamörk innan Mosfellsbæjar.

Vísað til umsagnar deildarstjóra aðalskipulags.
50.17 Kvosin, Landsímareitur, breyting á deiliskipulagi
Lagt fram bréf Skipulagsstofnunar dags. 14. desember 2017 þar sem ekki er gerð athugasemd við að sveitarstjórn birti auglýsingu um samþykkt deiliskipulagsbreytingarinnar í B-deild Stjórnartíðinda þegar lagfærð gögn hafa borist stofnuninni sbr. bréfi. Einnig eru lagðir fram uppdr. THG Arkitekta ehf. dags. 3. júlí 2017 lagfærðir eftir ábendingar Skipulagsstofnunar 15. desember 2017.

Samþykkt.