Klettagarðar 7, Lindargata 14, Nethylur 2, Reykjavíkurflugvöllur flugvallargeiri 4, Snorrabraut 54, Haukdælabraut 78-92, Norðlingabraut 6, Vatnagarðar 28, Vættaborgir 31, Malarhöfði 8, Bergstaðastræti 49, Bjargarstígur 6, Fiskislóð 31, Bæjarflöt 9-11 og Gylfaflöt 15-17, Framnesvegur 40, 42 og 42a, Hlíðarendi 20-26, Keilugrandi/Boðagrandi/Fjörugrandi, Krókháls 5-5G, Reitur 1.174.0, Landsbankareitur, Dugguvogur 1B, Fiskislóð 53-69, Smiðshöfði 9, Lambhagavegur 8 og 10, Starhagi, Vesturgata 30, Bjarkargata 6, Heiðargerði 21, Nýlendugata 22, Sóleyjarimi 67-81, Garðabær, Laugavegur 55,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

610. fundur 2016
Ár 2016, fimmtudaginn 17. nóvember kl. 10:10 var haldinn 610. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:

1.16 Klettagarðar 7, (fsp) breyting á deiliskipulagi
Á fundi skipulagsfulltrúa 12. ágúst 2016 var lögð fram fyrirspurn Efnarás ehf., mótt. 29. júní 2016, varðandi breytingu á á notkun lóðarinnar nr. 7 við Klettagarða, samkvæmt meðfylgjandi greinargerð VSÓ ráðgjafa ódags. Fyrirspurninni var vísað til umsagnar Faxaflóahafna og er nú lögð fram að nýju ásamt bókun stjórnar Faxaflóahafna sf., dags. 11. nóvember 2016. EInnig lögð fram umsögn skipulagsfulltrúa dags. 17. nóvember 2016.

Neikvætt, með vísan til umsagnar skipulagsfulltrúa dags. 17. nóvember 2016.
2.16 Lindargata 14, breyting á notkun
Á embættisafgreiðslufundi skipulagsfulltrúa 11. nóvember 2016 var lögð fram umsókn Pökkun og flutningar ehf., mótt. 8. nóvember 2016, um breytingu á notkun rýmis 0101 í húsinu á lóð nr. 14 við Lindargötu úr iðnaðarhúsnæði í íbúðarhúsnæði, samkvæmt teikningu Plúsarkitekta ehf., dags. 11. júní 2013. Erindinu var vísað til meðferðar verkefnisstjóra og er nú lögð fram að nýju ásamt umsögn skipulagsfulltrúa dags. 17. nóvember 2016.
.

Neikvætt, með vísan til umsagnar skipulagsfulltrúa dags. 17. nóvember 2016.
3.16 Nethylur 2, (fsp) breyting á notkun
Lögð fram fyrirspurn Heimilisiðnaðarfélags Íslands, mótt. 1. nóvember 2016, um að breyta notkun rýmis 0101 í mhl. 5 úr verslun í kennslustofu/skóla.

Vísað til umsagnar verkefnisstjóra.
4.16 Reykjavíkurflugvöllur flugvallargeiri 4, breyting á deiliskipulagi
Á embættisafgreiðslufundi skipulagsfulltrúa 4. nóvember 2016 var lögð fram umsókn T.ark Arkitekta ehf., mótt. 30. september 2016, varðandi breytingu á deiliskipulagi Reykjavíkurflugvallar. Í breytingunni felst stækkun á flughlaði við Flugskýli 4, samkvæmt uppdr. T.ark Arkitekta ehf., dags. 27. september 2016. Erindinu var vísað til meðferðar hjá verkefnisstjóra og er nú lagt fram að nýju.
Vísað til umhverfis-og skipulagsráðs
5.16 Snorrabraut 54, (fsp) breyting á deiliskipulagi
Á embættisafgreiðslufundi skipulagsfulltrúa 11. nóvember 2016 var lögð fram fyrirspurn Páls Hjalta Hjaltasonar, mótt. 7. nóvember 2016, varðandi breytingu á deiliskipulagi Heilsuverndarreits vegna lóðarinnar nr. 54 við Snorrabraut sem felst í að byggja upp verslun, þjónustu og hótel, samkvæmt tillögu, ódags. Fyrirspurninni var vísað til umsagnar verkefnisstjóra og er nú lögð fram að nýju.
Kynna formanni umhverfis- og skipulagsráðs.
6.16 Haukdælabraut 78-92, breyting á deiliskipulagi
Að lokinni grenndarkynningu er lögð fram að nýju umsókn Jóns Guðmundssonar, mótt. 29. ágúst 2016, varðandi breytingu á deiliskipulagi Reynisvatnsás vegna lóðarinnar nr. 78-92 við Haukdælabraut. Breytingin felst í því að byggingareitur til norðausturs er stækkaður um 1,2 m, afmörkun lóðarhluta til einkanota húsa nr. 86-92 færist til um 1 m til norðausturs, byggingarmagn miðað við A rými er aukið um 8 m2, fyrir hvert hús, heimilt hlutfall útbygginga við gafl er aukið í 75%, fallið er frá kvöð um kennileiti á byggingum lóðarinnar, fyrirkomulagi bílastæða innan lóðar og í götu er breytt, samkvæmt uppdr. Jóns Guðmundssonar, dags. 23. ágúst 2016. Tillagan var grenndarkynnt frá 7. október til og með 4. nóvember 2016. Eftirtaldi aðilar sendu athugasemdir: Jón Ingi Lárusson, dags. 1. nóvember 2016 og Kristín Sigurey Sigurðardóttir, dags. 4. nóvember 2016. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 11. nóvember 2016 og er nú lagt fram að nýju ásamt umsögn skipulagsfulltrúa dags. 16. nóvember 2016.

Vísað til umhverfis-og skipulagsráðs
7.16 Norðlingabraut 6, málskot
Lagt fram málskot Helga Mars Hallgrímssonar, dags. 11. nóvember 2016, vegna neikvæðrar afgreiðslu skipulagsfulltrúa frá 21. október 2016 varðandi breytingu á notkun lóðarinnar nr. 6 við Norðlingabraut úr atvinnustarfsemi í íbúðir, samkvæmt frumtillögu Arkþings ehf., ódags.

Vísað til umhverfis-og skipulagsráðs
8.16 Vatnagarðar 28, (fsp) breyting á deiliskipulagi
Lögð fram fyrirspurn XCO, Guðmundur Sigtryggson, dags. 7. nóvember 2016 varðandi breytingu á deiliskipulagi lóðarinnar nr. 28 við Vatnagarða sem felst í stækkun lóðarinnar.

Vísað til umsagnar verkefnisstjóra.
9.16 Vættaborgir 31, Stækka eldhús og reyndarteikning fyrir neðri hæð
Lagt fram erindi frá afgreiðslufundi byggingarfulltrúa frá 15. nóvember 2016 þar sem sótt er um leyfi til að stækka eldhús til suðurs á inngönguhæð einbýlishússins á lóð nr. 31 við Vættaborgir.
Umsögn burðarvirkishönnuðar dags. 7. nóv. 2016 og samþykki lóðarhafa aðliggjandi lóða dags. 26. okt. 2016 fylgir. Stækkun : 7,7 ferm., 17,7 rúmm. Gjald kr. 10.100

Vísað til umsagnar verkefnisstjóra.
10.16 Malarhöfði 8, (fsp) breyting á notkun
Á embættisafgreiðslufundi skipulagsfulltrúa 11. nóvember 2016 var lögð fram fyrirspurn Direktu lögmannsstofu, mótt. 4. nóvember 2016, um að breyta rými í húsinu á lóð nr. 8 við Malarhöfða sem innréttað er sem húsvarðaríbúð í íbúð. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 17. nóvember 2016.

Neikvætt, með vísan til umsagnar skipulagsfulltrúa dags. 17. nóvember 2016.
11.16 Bergstaðastræti 49, breyting á deiliskipulagi
Lögð fram umsókn Kanon arkitekta ehf., mótt. 1. nóvember 2016, varðandi breytingu á deiliskipulagi Urðarstígsreits, reitur 1.186.1, vegna lóðarinnar nr. 49 við Bergstaðastræti. Í breytingunni felst að fjarlægja núverandi timburverönd og viðbyggingu við suðurhlið hússins og byggja nýja, lága viðbyggingu á sama stað í hæð sem nemur hæð kjallara. Á þaki nýrrar viðbyggingar verður ný verönd í stað þeirrar núverandi. samkvæmt uppdr. Kanon arkitekta ehf., dags. 1. nóvember 2016. Umsögn Minjastofnunar dags. 10. október 2016 einnig lögð fram.

Leiðrétt bókun frá fundi skipulagsfulltrúa dags. 11. nóvember 2016.
Rétt bókun er: Samþykkt að grenndarkynna framlagða tillögu fyrir hagsmunaaðilum að Bergstaðastræti 48, 48A, 50 og 51. Urðarstíg 2 og 4. Baldursgötu 8.

Vakin er athygli á að erindið fellur undir lið 7.6 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.


12.16 Bjargarstígur 6, (fsp) hækkun á þaki o.fl.
Lögð fram fyrirspurn Studio F ehf., mótt. 4. nóvember 2016, um að hækka þak húsanna á lóð nr. 6 við Bjargarstíg og gera rishæð og þaksvalir á viðbyggingu til suðurs, samkvæmt uppdr. Studio F ehf., dags. 24. október 2016.

Vísað til umsagnar verkefnisstjóra.
13.16 Fiskislóð 31, breyting á deiliskipulagi
Á embættisafgreiðslufundi skipulagsfulltrúa 4. nóvember 2016 var lögð fram umsókn GP-arkitekta ehf., mótt. 27. október 2016, varðandi breytingu á deiliskipulagi Örfiriseyjar vegna lóðarinnar nr. 31 við Fiskislóð. Í breytingunni felst breytingu á hámarksnýtingarhlutfalli lóðar úr 0,6 í 1,0, samkvæmt uppdr. GP-arkitekta ehf., dags. 11. október 2016. Erindinu var vísað til umsagnar verkefnisstjóra og er nú lagt fram að nýju.

Vísað til umhverfis-og skipulagsráðs
14.16 Bæjarflöt 9-11 og Gylfaflöt 15-17, breyting á deiliskipulagi
Að lokinni auglýsingu er lögð fram umsókn skrifstofu eigna og atvinnuþróunar, mótt. 29. ágúst 2016, varðandi breytingu á deiliskipulagi Gylfaflatar vegna lóðanna nr. 9-11 við Bæjarflöt og 15-17 við Gylfaflöt. Í breytingunni felst að byggt verði athafnahúsnæði á lóðunum þar sem áður var gert ráð fyrir bílastæði fyrir stóra bíla. Þá er gert ráð fyrir göngustíg meðfram lóðunum á milli Bæjarflatar og Gylfaflatar, samkvæmt uppdr. Landslags ehf., mótt. 6. júlí 2016. Tillagan var auglýst frá 29. september til og með 10. nóvember 2016.

Vísað til meðferðar verkefnisstjóra.
15.16 Framnesvegur 40, 42 og 42a, breyting á deiliskipulagi
Að lokinni auglýsingu er lögð fram að nýju umsókn Arkþings, dags. 1. júlí 2016 um breytingu á deiliskipulagi Sólvallagötureits vegna lóðanna nr. 40, 42 og 42a við Framnesveg skv. uppdrætti, dags. 30. júní 2016. Breytingin gengur út á aukið byggingarmagn. Einnig er lögð fram umsögn Minjastofnunar Íslands, dags. 7. janúar 2016. Tillagan var auglýst frá 29. september 2016 til og með 11. nóvember 2016. Eftirtaldir aðilar sendu athugasemdir: Atli Þór Jóhannsson f.h Húsfélagsins að Framnesvegi 44, dags. 30. október 2016 og Ásgeir Baldursson, dags. 11. nóvember 2016.

Vísað til umsagnar verkefnisstjóra.
16.16 Hlíðarendi 20-26, (fsp) fjölgun íbúða
Á embættisafgreiðslufundi skipulagsfulltrúa 4. nóvember 2016 var lögð fram fyrirspurn Sigurðar Hallgrímssonar, mótt. 1. nóvember 2016, varðandi fjölgun íbúða á lóð nr. 20-26 við Hlíðarenda, merkt E á gildandi deiliskipulagsuppdrætti. Einnig er lögð fram greinargerð Arkþings ehf., dags. 28. október 2016. Fyrirspurninni var vísað til umsagnar verkefnisstjóra og er nú lögð fram að nýju.

Vísað til umhverfis-og skipulagsráðs
17.16 Keilugrandi/Boðagrandi/Fjörugrandi, breyting á deiliskipulagi
Lagt fram bréf Gylfa Gunnarssonar, Magdalenu S. Ingimundardóttur og Margrétar Matthíasdóttur f.h. húsf. Boðagranda 2, dags. 14. nóvember 2016, þar sem líst er yfir óánægju með samþykkt á breytingu á deiliskipulagi Keilugranda, Boðagranda og Fjörugranda.

Vísað til umsagnar skrifstofu sviðsstjóra.
18.16 Krókháls 5-5G, (fsp) breyting á notkun
Lögð fram fyrirspurn Ólafs Stefáns Sveinssonar, mótt. 6. október 2016, varðandi breytingu á notkun hússins nr. 5D og E á lóð nr. 5-5G við Krókháls úr iðnaðar- og athafnarhúsnæði í gististað fyrir farand-verkafólk og mögulega hælisleitendur.

Vísað til umsagnar verkefnisstjóra.
19.16 Reitur 1.174.0, Landsbankareitur, breyting á skilmálum deiliskipulags
Á embættisafgreiðslufundi skipulagsfulltrúa 11. nóvember 2016 var lögð fram umsókn Rauðsvíkur, mótt. 8. nóvember varðandi breytingu á skilmálum deiliskipulags reits 1.174.0, Landsbankareits, vegna lóðanna nr. 92 við Hverfisgötu og 73 við Laugaveg. Í breytingunni felst að lagfærð er stærð kjallara hússins í skilmálatöflu o.fl., samkvæmt uppdr. Tark. dags. 7. nóvember 2016. Erindinu var vísað til meðferðar hjá verkefnisstjóra og er nú lagt fram að nýju.
Vísað til umhverfis-og skipulagsráðs

Vakin er athygli á að erindið fellur undir lið 7.6 , sbr. 12.. gr. í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
20.16 Dugguvogur 1B, staðsetning ökutækjaleigu
Á embættisafgreiðslufundi skipulagsfulltrúa 11. nóvember 2016 var lagt fram bréf Samgöngustofu, dags. 8. nóvember 2016, þar sem óskað er eftir umsögn Reykjavíkurborgar á umsókn Andra Fannars Helgasonar f.h. Drive and sleep ehf. um rekstur ökutækjaleigu að Dugguvogi 1B. Sótt er um leyfi fyrir 5 ökutækjum til útleigu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 17. nóvember 2016.

Umsögn skipulagsfulltrúa samþykkt, dags. 17. nóvember 2016.
21.16 Fiskislóð 53-69, nr. 53 - staðsetning ökutækjaleigu
Á embættisafgreiðslufundi skipulagsfulltrúa 11. nóvember 2016 var lagt fram bréf Samgöngustofu, dags. 8. nóvember 2016, þar sem óskað er eftir umsögn Reykjavíkurborgar á umsókn Sævars Baldurssonar f.h. Farmal ehf. um rekstur ökutækjaleigu að Fiskislóð 53. Sótt er um leyfi fyrir 4 ökutækjum í útleigu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 17.nóvember 2016.

Jákvætt með vísan til umsagnar skipulagsfulltrúa dags. 17. nóvember 2016.
22.16 Smiðshöfði 9, staðsetning ökutækjaleigu
Lagt fram bréf Samgöngustofu, dags. 15. nóvember 2016, þar sem óskað er eftir umsögn skipulagsfulltrúa á umsókn Jens Jenssonar f.h. Northern Lights car rental um að reka ökutækjaleigu að Smiðshöfða 9. Einnig lögð fram umsögn skipulagsfulltrúa dags. 17. nóvember 2016.

Neikvætt, með vísan til umsagnar skipulagsfulltrúa dags. 17. nóvember 2016.
23.16 Lambhagavegur 8 og 10, (fsp) breyting á deiliskipulagi
Lögð fram fyrirspurn skrifstofu eigna og atvinnuþróunar, mótt. 10. nóvember 2016, varðandi breytingu á deiliskipulagi við Vesturlandsveg, Hallar, vegna lóðanna nr. 8 og 10 við Lambhagaveg sem felst í sameiningu og stækkun lóðanna.

Vísað til meðferðar hjá verkefnisstjóra.
24.16 Starhagi, breyting á deiliskipulagi
Lagt fram bréf Skipulagsstofnunar dags. 9. nóvember 2016 með athugasemdum varðandi erindið.
Vísað til meðferðar hjá verkefnisstjóra.
25.16 Vesturgata 30, (fsp) niðurrif og uppbygging
Á embættisafgreiðslufundi skipulagsfulltrúa 21. október 2016 var lögð fram fyrirspurn Grímu arkitekta ehf. f.h. Hafnarstræti 1 ehf., mótt. 13. október 2016, varðandi niðurrif og uppbyggingu á lóð nr. 30 við Vesturgötu sem felst m.a. í að rífa gamla skúra á reitnum, byggja ný hús í stað þeirra og þar með auka byggingarmagn og nýtingarhlutfall skv. uppdráttum, dags. 10. október 2016. Einnig lögð fram greinargerð hönnuða, dags. 13. október 2016 og bréf eigenda, dags. 22. september 2016.

Vísað til umhverfis-og skipulagsráðs
26.16 Bjarkargata 6, Kjallaratröppur á norðurhlið
Á embættisafgreiðslufundi skipulagsfulltrúa 11. nóvember 2016 var lagt fram erindi frá afgreiðslufundi byggingarfulltrúa frá 8. nóvember 2016 þar sem sótt er um leyfi til að byggja kjallaratröppur í innkeyrslu á norðurhlið á íbúðarhúsi á lóð nr. 6 við Bjarkagötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 16. nóvember 2016.
Erindi BN051676 jafnframt dregið til baka. Gjald kr. 10.100

Neikvætt, með vísan til umsagnar skipulagsfulltrúa dags.16. nóvember 2016.
27.16 Heiðargerði 21, Viðbygging
Á embættisafgreiðslufundi skipulagsfulltrúa 11. nóvember 2016 var lagt fram erindi frá afgreiðslufundi byggingarfulltrúa frá 8. nóvember 2016 þar sem sótt er um leyfi til að byggja tveggja hæða viðbyggingu á vesturhlið og einnar hæðar viðbyggingu austan við raðhúsið á lóð nr. 21 við Heiðargerði. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 17. nóvember 2016..
Stækkun: 33,2 ferm., 93,8 rúmm. Gjald kr. 10.100

Neikvætt, með vísan til umsagnar skipulagsfulltrúa dags.17. nóvember 2016.
28.16 Nýlendugata 22, (fsp) svalir
Á embættisafgreiðslufundi skipulagsfulltrúa 11. nóvember 2016 var lögð fram fyrirspurn Ögmundar Ásbjörnssonar Reykdal, mótt. 18. október 2016, um að setja svalir á austurhlið hússins á lóð nr. 22 við Nýlendugötu. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 16. nóvember 2016.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 16. nóvember 2016.
29.16 Sóleyjarimi 67-81, breyting á deiliskipulagi
Að lokinni grenndarkynningu er lögð fram að nýju umsókn Ingvars Karlssonar dags. 26. júní 2016 varðandi breytingu á deiliskipulagi Sóleyjarima 67-81 vegna húss nr. 81 samkv. uppdr. VSÓ ráðgjafa dags. 20. júní 2016. Í breytingunni fellst stækkun lóðar. Einnig er lagt fram samþykki meðeigenda, ódags. Tillagan var grenndarkynnt frá 18. október til og með 15. nóvember 2016. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
30.16 Garðabær, tillaga að aðalskipulagi Garðabæjar 2016-2030, forkynning
Á embættisafgreiðslufundi skipulagsfulltrúa 4. nóvember 2016 var lagt fram bréf skipulagsstjóra Garðabæjar, dags. 26. október 2016, þar sem óskað er eftir umsögn Reykjavíkurborgar um tillögu að aðalskipulagi Garðabæjar 2016-2030. Einnig eru lögð fram drög að uppdr., dags. 7. október, greinargerð, dags. í október 2016 og umhverfisskýrsla, dags. í október 2016. Erindinu var vísað til umsagnar deildarstjóra aðalskipulags og er nú lagt fram að nýju.

Vísað til umhverfis- og skipulagsráðs.
31.16 Laugavegur 55, breyting á deiliskipulagi
Lögð fram tillaga Gunnars Bergmanns Stefánssonar arkitekts, dags. 11. nóvember 2016, að breytingu á deiliskipulagi vegna lóðarinnar nr. 55 við Laugaveg. Í breytingunni felst að núverandi byggingu er lyft upp um eina hæð, nýjum kvistum verði bætt við á þak núverandi byggingar, verslunarrými skal vera á jarðhæð undir núverandi byggingu, aðrir byggingarhlutar hýsi hótel og aðra starfsemi tengda hótelrekstri og hóteliðnaði, nýbygging verði byggð á aftari hluta lóðarinnar og verði að mestu leyti fimm hæðir og lækkar í fjórar hæðir við lóðarmörk sem snúa að Hverfisgötu o.fl.
Vísað til umhverfis- og skipulagsráðs.