Þverholt 11, Bragagata 38, Frakkastígur 6A, Laugavegur 20-20A, Lindargata 36, Óðinsgata 1, Óðinsgata 1, Aðalstræti 6, Barónsstígur 5, Eirhöfði 2-4, Haukdælabraut 70, Kringlan 5 og 7, Köllunarklettsvegur 3, Skerplugata 4, Smáragata 12, Tryggvagata, Árleynir 2-22 Keldnaholti, Barðavogur 32, Grjótháls 7-11, Grundarland 12, Ísleifsgata 2-34, Kirkjuteigur 21, Njarðargata 45, Norðlingaholt, Sogavegur 3, Lambhagavegur 23, Suðurlandsvegur, Lyngbrekka, Fossaleynir 1, Egilshöll, Starhagi, borgarland sunnan, Þórsgata 13, Kaplaskjól,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

411. fundur 2012
Ár 2012, föstudaginn 14. september kl. 10:15, hélt skipulagsstjóri Reykjavíkur 411. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ágústa Sveinbjörnsdóttir og Marta Grettisdóttir. Eftirtaldir embættismenn kynntu mál á fundinum: Hildur Gunnlaugsdóttir, Guðlaug Erna Jónsdóttir, Margrét Þormar, Lilja Grétarsdóttir, Björn Ingi Edvardsson og Björn Axelsson. Ritarar voru Einar Örn Thorlacius og Harri Ormarsson.
Þetta gerðist:

1.12 Þverholt 11, vegna bílastæða
Á fundi skipulagsstjóra 24. ágúst 2012 var lagt fram bréf Þ11 ehf. dags. 22. ágúst 2012 vegna bílastæða fyrir Þverholt 11. Vegna deilna um afnotarétt á 16 bílastæðum á lóð Þverholts 14 er farið fram á að Þverholt 11 fái tímabundinn aðgang að samsvarandi fjölda borgarstæða við húsið. Erindinu var vísað til meðferðar hjá verkefnisstjóra og er nú lagt fram að nýju.
Ekki er fallist á að samþykkja sérmerkt bílastæði á borgarlandi.
2.12 Bragagata 38, (fsp) kvistur
Lögð fram fyrirspurn Írisar S. Ragnarsdóttur dags. 13. september 2012 um að byggja kvist á húsið á lóðinni nr. 38 við Bragagötu.
Ekki er gerð athugasemd við erindið. Byggingarleyfisumsókn verður grenndarkynnt berist hún.
3.12 Frakkastígur 6A, (fsp) hækkun húss
Lögð fram fyrirspurn Zeppelin ehf. dags. 12. september 2012 varðandi hækkun hússins á lóðinni nr. 6A við Frakkastíg.
Vísað til umsagnar hjá verkefnisstjóra.
4.12 Laugavegur 20-20A, Léttur veggur
Lagt fram erindi frá afgreiðslufundi byggingarfulltrúa frá 11. september 2012 þar sem sótt er um samþykki fyrir áður gerðum vegg innan við glugga á 1. hæð á götuhlið veitingahúss á lóð nr. 20A við Laugaveg.
Gjald kr. 8.500
Vísað til umsagnar hjá verkefnisstjóra.
5.12 Lindargata 36, (fsp) - Sameina lóðir
Lagt fram erindi frá afgreiðslufundi byggingarfulltrúa frá 11. september 2012 þar sem spurt er hvort leyft yrði að sameina lóðirnar Lindargötu 36 og Vatnsstíg 11 eða byggja yfir lóðamörk fjölbýlishús, þrjár hæðir og ris, með tíu litlum herbergjum, eða íbúðum.á lóð nr. 36 við Lindargötu.
Brúttóstærðir beggja húsa 1413,8, lóðir 433,4, nýtingarhlutfall 3,26
Vísað til umsagnar hjá verkefnisstjóra.
6.12 Óðinsgata 1, breyting á deiliskipulagi
Lögð fram umsókn KJ hönnunar dags. 1. ágúst 2012 varðandi breytingu á deiliskipulagi reits 1.181.0 vegna lóðar nr. 1 við Óðinsgötu. Breytingin gengur út á að portbyggja hús, bæta við svölum á suðurhlið, lengja bílgeymslu að lóðarmörkum og bæta við inngang bakatil vegna aðkomu að rishæð, skv. uppdrætti dags. 12. júlí 2012. Einnig er lagt fram tölvubréf dags. 10. september 2012 þar sem óskað er eftir að daga erindið til baka.
Erindið dregið til baka með vísan til tölvubréfs dags. 10. september 2012.
7.12 Óðinsgata 1, breyting á deiliskipulagi
Lagt fram erindi Þuríðar Ottesen dags. 11. september 2012 varðandi breytingu á deiliskipulagi reits 1.181.0 vegna lóðar nr. 1 við Óðinsgötu. Í breytingunni felst að rífa geymslu á baklóð og byggja nýja sem nær að lóðarmörkum til austurs, samkvæmt uppdr. K.J. hönnunar
Samþykkt að grenndarkynna framlagða tillögu fyrir hagsmunaaðilum að Skólavörðustíg 16, 16a og 18, Týsgötu 4b og 4c. og Óðinsgötu 3.
8.12 Aðalstræti 6, Breyta veitingaflokki kaffihúss á 1. hæð
Lagt fram erindi frá afgreiðslufundi byggingarfulltrúa frá 11. september 2012 þar sem sótt er um leyfi til að breyta starfsemi úr flokki I í flokk II, í veitingaverslun á 1. hæð á lóð nr. 6 við Aðalstræti. Einnig er lögð fram umsögn skipulagsstjóra dags.13.september 2012. Gjald kr. 8.500.
Umsögn skipulagsstjóra samþykkt.
9.12 Barónsstígur 5, (fsp) - íbúð á 3. hæð
Á fundi byggingarfulltrúa 4. september 2012 var spurt er hvort leyft yrði að byggja svalir og innrétta íbúð í skrifstofurými 0302 á þriðju hæð hússins á lóðinni nr. 5 við Barónsstíg.
Vísað til umsagnar hjá verkefnisstjóra.
10.12 Eirhöfði 2-4, (fsp) notkun lóðar
Lögð fram fyrirspurn Snælands Grímssonar ehf. dags. 11. september 2012 varðandi starfsstöð fyrir ferðaskrifstofu og hópferðabíla á lóð nr. 2-4 við Eirhöfða.
Vísað til meðferðar hjá verkefnisstjóra.
11.12 Haukdælabraut 70, Einbýlishús
Lagt fram erindi frá afgreiðslufundi byggingarfulltrúa frá 11. september 2012 þar sem sótt er um leyfi til að byggja einbýlishús úr forsteyptum einingum með innbyggðum bílskúr og að hækka gólfkóta húss um 40 cm og flytja bílastæði á lóð miðað við skipulag á lóð nr. 70 við Haukdælabraut.
Vottun eininga dags. 4. maí 2012 fylgir.
Stærð húss: 322,9 ferm., 1077,9 rúmm.
Gjald kr. 8.500 + 91.621
Vísað til umsagnar hjá verkefnisstjóra.
12.12 Kringlan 5 og 7, breyting á deiliskipulagi
Lögð fram tillaga teiknistofu Ingimundar Sveinssonar dags. 1. ágúst 2012 breytt 1. ágúst 2012 að breytingu á deiliskipulagi Kringlunnar vegna lóða nr. 5 og 7 við Kringluna. Um er að ræða færslu á kvöð um gönguleið. Einnig er lagt fram samþykki húseigenda að Kringlunni 7 dags. 12. júlí 2012.
Frestað.
13.12 Köllunarklettsvegur 3, (fsp) matvöruverslun
Lögð fram fyrirspurn Reginn Þr1 ehf. dags. 13. september 2012 um að opna matvöruverslun í húsinu á lóðinni nr. 3 við Köllunarklettsveg.
Kynna formanni skipulagsráðs.
14.12 Skerplugata 4, breyting á deiliskipulagi
Á fundi skipulagsstjóra 31. ágúst 2012 var lagt fram erindi Gunnlaugs Jónassonar f.h Ísleifs Ottesen og Friðriks Ottesen dags. 28. ágúst 2012 varðandi breytingu á deiliskipulagi Skerplugötu 4 og 6 vegna lóðarinnar nr. 4 við Skerplugötu. Í breytingunni felst breikkun á byggingarreit bílskúrs, samkvæmt uppdrætti Gunnlaugs Jónassonar dags. 27. ágúst 2012. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsstjóra dags. 13.september 2012
Neikvætt, með vísan til umsagnar skipulagsstjóra dags.13.september 2012
15.12 Smáragata 12, Þak, kvistur og svalir
Lagt fram erindi frá afgreiðslufundi byggingarfulltrúa frá 28. ágúst 2012 þar sem sótt er um leyfi til að gera breytingar innanhúss, endurnýja þak og byggja þrjá kvisti, byggja nýjar svalir til vesturs, fjarlægja skorstein, byggja úr steinsteypu með timburþaki geymsluskúr á lóð, gera nýjan sérinngang á austurhlið og útgang úr kjallara, sbr. fyrirspurn BN043116, á íbúðarhúsi á lóð nr. 12 við Smáragötu.
Meðfylgjandi er samkomulag eigenda dags. 12. desember 2011, þinglýstur eignaskiptasamningur frá apríl 1992 og afsal frá júní 1992 og íbúðarskoðun byggingarfulltrúa dags. 3. febrúar 2012. Einnig meðfylgjandi samþykki eigenda á smækkuðum (A-3) teikningum.
Stækkun húss: 8,96 rúmm.
Geymsluskúr: 25 ferm., 67,3 rúmm.
Útskrift úr gerðabók embættisafgreiðslufundar skipulagsstjóra frá 20. apríl 2012 ásamt umsögn skipulagsstjóra frá 18. apríl 2012 fylgja erindinu.
Gjald kr. 8.000 + 5.384 + 762
Ítrekuð er bókun afgreiðslufundar skipulagsstjóra frá 27. april 2012 þar sem samþykkt var að grenndarkynna framlagða tillögu fyrir hagsmunaaðilum að Smáragötu 10 og 14 og Sóleyjargötu 35 og 37 þegar uppdrættir hafa verið lagfærðir í samræmi við umsögn skipulagsstjóra dags. 18. apríl 2012.
16.12 Tryggvagata, (fsp) veitingavagn
Á fundi skipulagsstjóra 31. ágúst 2012 var lögð fram fyrirspurn Nadege Francois dags. 24. ágúst 2012 varðandi staðsetningu veitingavagns í miðbæ Reykjavíkur. Fyrirspurninni var vísað til meðferðar hjá verkefnisstjóra og er nú lögð fram að nýju.
Vísað til umsagnar hjá lögfræði og stjórnsýslu.
17.12 Árleynir 2-22 Keldnaholti, (fsp) vegna nr. 4
Lögð fram fyrirspurn Tækniskólans, dags. 10. sept. 2012, vegna húss nr. 4 á lóðinni Árleyni 2-22 í Keldnaholti. Vegna lóðarleigusamnings Tækniskólans og ríkissjóðs er farið fram á að lóðinni verði skipt þannig að leigulóðin fái sjálfstætt landnúmer.
Vísað til umsagnar hjá lögfræði og stjórnsýslu.
18.12 Barðavogur 32, (fsp) Svalir á bílskúrsþaki
Lagt fram erindi frá afgreiðslufundi byggingarfulltrúa frá 11. september 2012 þar sem spurt er hvort leyft yrði að koma fyrir svalahurð á norðurvegg annarrar hæðar og útbúa svalir með 120cm háu glerhandriði ofan á þaki bílskúrs á lóðinni nr. 32 við Barðavog. Lögð fram umsögn skipulagsstjóra dags. 13. september 2012
Neikvætt, með vísan til umsagnar skipulagsstjóra dags.13. september 2012.
19.12 Grjótháls 7-11, (fsp) viðbygging
Lögð fram fyrirspurn Ölgerðarinnar dags. 4. september 2012 um viðbyggingu á suðurhluta lóðar nr. 7-11 við Grjótháls, skv. bréfi og uppdrætti Arkþings dags. 3. september 2012.
Vísað til umsagnar hjá verkefnisstjóra.
20.12 Grundarland 12, (fsp) bílskúr, bílastæði á lóð
Lögð fram fyrirspurn Baldurs Svavarssonar ark. dags. 10. september 2012, varðandi bílskúr og tvö viðbótar bílastæði á lóð nr. 12 við Grundarland, skv. uppdr. Úti og Inni dags. 25. ágúst 2012. Lögð fram umsögn skipulagsstjóra dags. 14. september 2012.
Umsögn skipulagsstjóra dags.14. september 2012 samþykkt.
21.12 Ísleifsgata 2-34, breyting á deiliskipulagi
Að lokinni auglýsingu er lagt fram að nýju erindi Búseta hsf. dags. 12. desember 2011 varðandi breytingu á deiliskipulagi Reynisvatnsáss vegna lóðanna nr. 2-34 við Ísleifsgötu. Í breytingunni felst fjölgun og smækkun íbúða, samkvæmt uppdrætti Teiknistofu Arkitekta Gylfa Guðjónssonar og félaga ehf. dags. 10. apríl 2007 síðast breytt 15. nóvember 2011. Tillagan var auglýst frá 27. janúar til og með 9. mars 2012. Eftirtaldir aðilar sendu inn athugasemdir: Kristín Sigurey Sigurðardóttir og Hjörtur Lúðvíksson dags. 6. febrúar, Rúnar Lárusson dags. 7. febrúar, Sylvía Lárusdóttir dags. 27. febrúar, Gunnar Ás Vilhjálmsson dags. 4. mars, Fjóla Agnarsdóttir og Sigurður Ólafsson dags. 5. mars, Atli Björnsson dags. 7. mars, Baldvin Þ. Svavarsson og Harpa Sigmarsdóttir dags. 8. mars, Guðbjörn Guðmundsson og Ingibjörg Th. Hreiðarsdóttir dags. 8. mars, Róbert Jónasson og Heiðrún Níelsdóttir dags. 8. mars, Árni Viðar Sigurðsson dags. 9. mars og Kristín S. Sigurðardóttir dags. 9. mars 2012 ásamt lista 28 íbúa við Reynisvatnsás., Einnig er lögð fram umsögn hverfisráðs Grafarholts og Úlfarsárdals dags. 9. mars 2012 og umsögn skipulagsstjóra dags. 13. september 2012.
Vísað til skipulagsráðs.
22.12 Kirkjuteigur 21, breyting á deiliskipulagi
Að lokinni auglýsingu er lagt fram að nýju erindi Erlendar Jónssonar og Hönnu Maríu Siggeirsdóttur dags. 19. júní 2012 varðandi breytingu á deiliskipulagi Teigahverfis vegna lóðarinnar nr. 21 við Kirkjuteig. Í breytingunni felst hækkun á nýtingarhlutfalli, fjölgun á íbúðum ofl. samkvæmt uppdrætti Teiknilistar ehf. dags. 30. maí 2012. Einnig er lagt fram skuggavarp ódags. Tillagan var auglýst frá 25. júlí til 5. september 2012. Eftirtaldir aðilar sendu athugasemdir: Hverfisráð Laugardals, dags. 29. ágúst 2012, Leó E. Löve f.h. eig. Hraunteigi 16 dags. 28. ágúst 2012 og bréf 17 eigenda/íbúa í Teigahverfi dags. mótt. 5. september 2012.
Vísað til umsagnar hjá verkefnisstjóra.
23.12 Njarðargata 45, Gistiheimili
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 24. júlí 2012. Sótt er um leyfi til þess að innrétta gistiheimili með átta gistiherbergjum og níu rúmum og koma fyrir svölum á vesturhlið annarrar hæðar hússins á lóðinni nr. 45 við Njarðargötu. Erindi var í grenndarkynningu frá 23. júlí til og 21. ágúst 2012 kynningin var framlengd til 4. september 2012. Eftirtaldir hagsmunaaðilar sendu athugasemdir: Guðrún Friðriksdóttir, 2. athugasemdir dags. 31. júlí 2012, Sigurður Gunnarsson og Aude Busson dags. 20. ágúst 2012 og Gunnar Jónsson dags. 21. ágúst 2012, Þórir Benediktsson og Guðrún Laufey Guðmundsdóttir dags. 28. ágúst 2012, Björg Eva Erlendsdóttir og Þóra Kristín Ásgeirsdóttir dags. 30. ágúst 2012 og Sigríður Guðjónsdóttir dags. 3. september 2012.
Gjald kr. 8.500
Vísað til skipulagsráðs.
24.12 Norðlingaholt, (fsp) umferð
Lögð fram útskrift úr fundargerð borgarráðs frá 6. september 2012 vegna fyrirspurnar borgarráðsfulltrúa Sjálfsstæðisflokksins varðandi kvartanir sem borist hafi frá íbúum í Norðlingaholti vegna mikillar umferðar langferðabifreiða og lagningar þeirra á stórt malarplan, sem er milli Norðlingabrautar og fjölbýlishúsa við Bjallavað. Einnig er lögö fram umsögn skipulagsstjóra dags.12.september 2012
Umsögn skipulagsstjóra samþykkt.
25.12 Sogavegur 3, Stækka port
Lagt fram erindi frá afgreiðslufundi byggingarfulltrúa frá 11. september 2012 þar sem sótt er um leyfi til stækka port á vesturhlið hússins sbr. BN043651, 5 metra til suður á lóð nr. 3 við Sogaveg.
Gjald kr. 8.500
Ekki eru gerðar skipulagslegar athugasemdir við erindið.
26.12 Lambhagavegur 23, (fsp) breyting á byggingarreit
Lögð fram fyrirspurn Helga Hafliðasonar dags. 3. september 2012 um breyttan byggingarreit gróðurhúss vestan til á lóð nr. 23 við Lambhagaveg. Sótt er um stækkun byggingarreits til suðurs en reitur austanmegin minnki að sama skapi.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi í samræmi við erindið, á eigin kostnað.
27.12 Suðurlandsvegur, Lyngbrekka, (fsp) uppbygging á lóð
Lögð fram fyrirspurn Bent Frisbæk dags.6. september 2012 varðandi uppbyggingarmöguleika á lóðinni Lyngbrekku við Suðurlandsveg, landnr. 112536. Einnig lagt fram bréf Lex lögmannsstofu dags. 4. september 2012.
Kynna formanni skipulagsráðs.
28.12 Fossaleynir 1, Egilshöll, (fsp) gámar og skýli
Lögð fram fyrirspurn Alark arkitekta ehf. dags. 11. janúar 2012 um hvort breyta þurfi deiliskipulagi vegna fyrirhugaða staðsetningu á gámum og skýlum á lóðinni nr. 1 við Fossaleyni.
Ekki þarf að breyta deiliskipulagi vegna tímabundinnar staðsetningar gáma og skýla eins og fyrirhugað er. Sækja þarf um stöðuleyfi til byggingarfulltrúa.
29.12 Starhagi, borgarland sunnan, (fsp) aðflugslýsing vestan Suðurgötu
Lögð fram fyrirspurn Isavia mótt. 10. september 2010 vegna uppsetningar aðflugsljósa á borgarlandi vestan flugbrautarenda við Suðurgötu, sunnan við Starhaga. Einnig lagðir fram uppdrættir Bjarna Snæbjörnssonar ark. dags. 4. júlí 2012.
Kynna formanni skipulagsráðs.
32.12 Þórsgata 13, (fsp) breyting á deiliskipulagi
Lögð fram tillaga skipulagsstjóra dags. 14. september 2012 um að skipulagsráð endurupptaki neikvæða afgreiðslu skipulagsráðs frá 22. febrúar 2012 á grundvelli 24. gr. stjórnsýslulaga nr. 37/1993.
Vísað til skipulagsráðs.
33.12 Kaplaskjól, breyting á deiliskipulagi
Lagt fram bréf Skipulagsstofnunar dags. 5. september 2012 þar sem gerðar eru athugasemdir við málsmeðferð.
Vísað til meðferðar verkefnisstjóra.