Sóltún 2-4, Háskóli Íslands, Búseti / Hverafold, Staðahverfi, golfvöllur, Höfuðborgarsvæðið, samgöngur, Ármúli 23, Barðastaðir 1-5, Barðastaðir 1-5, Brautarholt 7, Eiríksgata 6, Dugguvogur 13-15, Grandavegur 47, Hagamelur 39-45, Iðunnarbrunnur 17-19, Lindargata 50, Sogavegur 3, Nýlendugata 5a, Suðurgata, Suðurlandsbraut 68-70, Sólvallagata 70 og Framnesvegur 31B, Óðinsgata 14, Gerðhamrar 19,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

368. fundur 2011
Ár 2011, föstudaginn 14. október kl. 11:15, hélt skipulagsstjóri Reykjavíkur 368. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Lilja Grétarsdóttir, Björn Ingi Edvardsson, Björn Axelsson, Haraldur Sigurðsson og Valný Aðalsteinsdóttir. Ritari var Harri Ormarsson
Þetta gerðist:

1.11 Sóltún 2-4, breyting á deiliskipulagi
Lagt fram erindi Öldunga hf. dags. 13. október 2011 varðandi breytingu á deiliskipulagi Ármannsreits vegna lóðarinnar nr. 2-4 við Sóltún. Í breytingunni felst aukning á byggingarmagni, breytingu á innra rými ásamt breytingu á bílastæðum og lögun byggingarreitar húshluta nr. fjögur og tengibyggingar o.fl., samkvæmt uppdrætti Nexus Arkitekta dags. 11. október 2011. Einnig er lagt fram skuggavarp Nexus Arkitekta ódags.

Vísað til skipulagsráðs.
2.11 Háskóli Íslands, breyting á deiliskipulagi
Að lokinni auglýsingu er lögð fram að nýju tillaga Landmótunar f.h. Háskóla Íslands dags. 20. júní 2011 varðandi breytingu á deiliskipulagi Háskóla Íslands í Vatnsmýri. Í breytingunni felst niðurfelling á áður samþykktri stækkun á tjörn og votlendisstæði ásamt að bæta umferð og dvöl á svæðinu með stígagerð, upplýsingaskiltum og fuglaskoðunarhúsi. Einnig er lögð fram umsögn Heilbrigðiseftirlits Reykjavíkur dags. 11. október 2011. Tillagan var auglýst frá 31. ágúst til og með 12. október 2011. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar
3.11 Búseti / Hverafold, orðsending skrifstofu borgarstjórnar, lóðarúthlutanir og greiðslufyrirkomulag
Lögð fram orðsending skrifstofu borgarstjórnar dags. 11. október 2011 þar sem óskað er eftir umsögnum Skipulags- og byggingarsviðs og Framkvæmda- og eignasviðs á erindum Búseta frá 21. f.m. og 10. þ.m. um drög að nýrri byggingarreglugerð og um lóðarúthlutanir og greiðslufyrirkomulag vegna lóða.
Vísað til umsagnar hjá verkefnisstjóra.
4.11 Staðahverfi, golfvöllur, framkvæmdaleyfi
Lagt fram erindi Golfklúbbs Reykjavíkur dags. 7. september 2011 varðandi framkvæmdaleyfi fyrir færslu á göngubrú yfir Úlfarsá við Leyninga í samræmi við gildandi deiliskipulag golfvallarins að Korpúlfsstöðum. Einnig er lögð fram umsögn Fiskistofu dags. 26. september 2011.
Vísað til skipulagráðs.
5.11 Höfuðborgarsvæðið, samgöngur, samgönguáætlun 2011-2022
Á fundi skipulagsstjóra 7. október 2011 var lagt fram bréf borgarstjóra dags. 30. september 2011 ásamt drögum að tillögu samgönguráðs að samgönguáætlun 2011-2022. Borgarráð samþykkti á fundi sínum þann 29. september 2011 að vísa drögum að tillögu samgönguráðs til umsagnar skipulagsráðs.
Vísað til skipulagsráðs.
6.11 Ármúli 23, (fsp) gistiheimili
Lögð fram fyrirspurn Guðmundar G. Þórarinssonar dags. 12. október 2011 varðandi gistiheimili á annarri hæð hússins á lóðinni nr. 23 við Ármúla.
Ekki er gerð athugasemd við erindið. Byggingarleyfisumsókn verður grenndarkynnt berist hún.
7.11 Barðastaðir 1-5, (fsp) réttingaverkstæði
Á fundi skipulagsstjóra 7. október 2011 var lagt fram bréf frá afgreiðslufundi byggingarfulltrúa frá 4. október 2011 þar sem spurt er hvort leyft yrði að innrétta réttingaverkstæði og koma fyrir innkeyrsludyrum á suðurhlið atvinnuhúss á lóð nr. 1-5 við Barðastaði. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 10. október 2011.
Neikvætt, með vísan til umsagnar skipulagsstjóra dags. 10. október 2011.
8.11 Barðastaðir 1-5, (fsp) breytt notkunn
Lögð fram fyrirspurn Jóhönnu Sólveigar B. Ólafsdóttur dags. 11. október 2011 um að breyta verslunarhúsnæði á lóðinni nr. 1-5 við Barðastaði í íbúðir.
Neikvætt. Samræmist ekki deiliskipulagi.
9.11 Brautarholt 7, uppbygging námsmannaíbúða, tillaga
Lagt fram bréf borgarstjóra dags. 6. október 2011 vegna samþykkt borgarráðs s.d. á svohljóðandi tillögu: Lagt er til að Félagsstofnun stúdenta verði veitt vilyrði um lóð að Brautarholti 7. Þar megi gera ráð fyrir 100 íbúðum, með fyrirvara um niðurstöðu deiliskipulags.

Vísað til skipulagsráðs.
10.11 Eiríksgata 6, garðskáli og br. innanhúss
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 6. september 2011 þar sem sótt er um leyfi fyrir þegar byggðum garðskála á lóðamörkum við Eiríksgötu 8 og breytingum innanhúss á 2. hæð sem felast í tilfærslum á innveggjum og snyrtingum í gistiheimili á lóð nr. 6 við Eiríksgötu. Erindið var grenndarkynnt frá 14. september til og með 12. október 2011. Engar athugasemdir bárust.
Meðfylgjandi er bréf arkitekts ódags. og samþykki nágranna á nr. 8 dags. 12. júní 2011.
Stærðir: 15,7 ferm., 41,6 rúmm
Gjald kr. 8.000 + 3.328

Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

11.11 Dugguvogur 13-15, (fsp) nr.15 hækka þak
Á fundi skipulagsstjóra 7. október 2011 var lagt fram bréf frá afgreiðslufundi byggingarfulltrúa frá 4. október 2011 þar sem spurt er hvort leyft yrði að hækka með því að byggja inndregna þakhæð ofan á atvinnuhús nr. 15 á lóð nr. 13-15 við Dugguvog. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 11. október 2011.
Neikvætt, með vísan til umsagnar skipulagsstjóra dags. 11. október 2011.
12.11 0">Grandavegur 47, málskot
Lagt fram málskot Ragnheiðar Hrafnkelsdóttur ódags. varðandi afgreiðslu byggingarfulltrúa frá 6. september 2011 á fyrirspurn að breyta atvinnuhúsnæði í íbúðir.
Vísað til skipulagsráðs.
13.11 Hagamelur 39-45, (fsp) breyting á notkun vegna 39-41
Lögð fram fyrirspurn Hauks Viktorssonar dags. 14. október 2011 varðandi breytingu á notkun og stækkun á innra rými hússins nr. 39-41 á lóðinni nr. 39-45 við Hagamel.
Vísað til umsagnar hjá verkefnisstjóra.
14.11 Iðunnarbrunnur 17-19, steypa stoðveggi og fl.
Lagt fram bréf frá afgreiðslufundi byggingarfulltrúa frá 11. október 2011 þar sem sótt er um leyfi til að steypa stoðveggi á hluta lóðamarka , setja upp heitan pott á nr. 17 og færa forsteyptar sorpgeymslur á lóð nr. 17 til 19 við Iðunnarbrunn.
Samþykki meðlóðarhafa ódags.
Gjald kr. 8.000
Vísað til umsagnar hjá verkefnisstjóra .
15.11 Lindargata 50, (fsp) samþykki iðnaðarhúsnæðis
Lagt fram bréf frá afgreiðslufundi byggingarfulltrúa frá 11. október 2011 þar sem spurt er hvort leyft yrði að innrétta hönnunar- og prentstofu í mhl. 02 og 03 á lóð nr. 50 við Lindargötu.
Ekki eru gerðar athugasemdir við erindið.
16.11 Sogavegur 3, viðbygging
Lagt fram bréf frá afgreiðslufundi byggingarfulltrúa frá 11. október 2011 þar sem sótt er um leyfi til að byggja viðbyggingar við austur- og vesturhlið með lagnakjallara undir vestari viðbyggingu við verslunarhús á lóð nr. 3 við Sogaveg.
Erindi fylgir jákvæð fyrirspurn dags. 24. maí 2011 og neikvæð fyrirspurn dags. 29. mars 2011.
Stækkun: 62 ferm., ?? rúmm.
Gjald kr. 8.000 + ??
Samþykkt að grenndarkynna framlagða tillögu fyrir hagsmunaaðilum að Sogavegi 16 og 26 og Akurgerði 1,2,4,6 og 8.
17.11 Nýlendugata 5a, ófrágengið svæði
Lagður fram tölvupóstur Sveins S. Kjartanssonar og Stellu Sæmundsdóttur dags. 11. október 2011 varðandi ófrágengið port hjá lóðinni nr. 5A við Nýlendugötu.
Vísað til umsagnar hjá verkefnisstjóra .
18.11 Suðurgata, (fsp) undirgöng
Á fundi skipulagsstjóra 7. október 2011 var lögð fram fyrirspurn Háskóla Íslands dags. 4. október 2011 varðandi göng undir Suðurgötu á milli Háskólatorgs og húss Stofnunar Vigdísar Finnbogadóttur í erlendum tungumálum.
Kynna formanni skipulagsráðs.
19.11 Suðurlandsbraut 68-70, (fsp) úthlutun lóða
Lögð fram fyrirspurn Grundar - Markar dags. 12. október 2011 um að fá lóðunum nr. 68 og 70 úthlutað til að byggja þjónustuíbúðir fyrir aldraða.
Vísað til umsagnar hjá verkefnisstjóra.
20.11 Sólvallagata 70 og Framnesvegur 31B, (fsp) sameining lóða o.fl.
Lögð fram fyrirspurn Þorgeirs Jónssonar dags. 12. október 2011 varðandi breytingu á innra rými hússins á lóðunum nr. 70 við Sólvallagötu og 31B við Framnesveg ásamt sameiningu lóðanna. Einnig að kvöð um heimild til niðurrifs verði afnumin.
Vísað til meðferðar í yfirstandandi deiliskipulagsvinnu.
22.11 Óðinsgata 14, reyndarteikningar
Á fundi skipulagsstjóra 30. september 2011 var lagt fram bréf frá afgreiðslufundi byggingarfulltrúa frá 27. september 2011 þar sem sótt er um samþykkt á áður gerðum breytingum og stækkun á einbýlishúsi á lóð nr. 14 við Óðinsgötu. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 11.október 2011.
Stækkun: xx ferm., xx rúmm.
Gjald kr. 8.000 + xx
Samþykkt að grenndarkynna framlagða tillögu fyrir hagsmunaaðilum að Óðinsgötu 14A og Bjargarstíg 14 og 16.
23.11 Gerðhamrar 19, breyting á deiliskipulagi
Lagt fram erindi Plúsarkiteta dags. 14. október 2011 varðandi breytingu á deiliskipulagi Hamrahverfis vegna lóðarinnar nr. 19 við Gerðhamra. Í breytingunni felst stækkun á byggingarreit samkvæmt uppdrætti Plúsarkitekta dags. 12. október 2011.
Samþykkt að grenndarkynna framlagða tillögu fyrir hagsmunaaðilum að Gerðhömrum 13, 17 og 21 og Dverghömrum 36.