Borgartún 33, Grjótháls 8 og 10, Hlíðargerði 6, Kringlumýrarbraut 100, Miklabraut 32, Vesturhlíð 1, leikskóli, Klettasvæði, Skarfabakki, Álagrandi 6, Drápuhlíð 6, Ferjuvað 1-5, Grensásvegur 11, Grettisgata 18A, Hrefnugata 4, Laugavegur 105, Lyngháls 4, Nauthólsvegur 50, Rafstöðvarvegur 9-9A, Seljavegur 12 og Seljavegur 32, Sjafnargata 11, Skildinganes 30-32, Skúlagata 28, Sólvallagata 67, Tangarhöfði 13, Úlfarsbraut 126, Spítalastígur 8, Austurstræti 20, Háskóli Íslands, Úlfarsárdalur, Íþróttasvæði Fram, Úlfarsárdalur, Íþróttasvæði Fram, Öskjuhlíð, Keiluhöll, Bergstaðastræti 16, Grettisgata 22B,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

354. fundur 2011
Ár 2011, föstudaginn 1. júlí kl. 10:20, hélt skipulagsstjóri Reykjavíkur 354. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: : Ágústa Sveinbjörnsdóttir og Marta Grettisdóttir. Eftirtaldir embættismenn kynntu mál á fundinum: Lilja Grétarsdóttir, Valný Aðalsteinsdóttir, Björn Ingi Edvardsson, Margrét Leifsdóttir og Jóhannes Kjarval. Ritari var Helga Björk Laxdal.
Þetta gerðist:

1.11 Borgartún 33, breyting á deiliskipulagi
Lagt fram erindi Regins ehf. dags. 28. júní 2011 varðandi breytingu á deiliskipulagi Borgartúns, reitir 1.217 - 1.219 vegna lóðarinnar nr. 33 við Borgartún. Í breytingunni felst að byggingarreitur er dýpkaður um 6 metra til norðurs, samkvæmt uppdrætti T. ark dags. 28. júní 2011.
Samþykkt að grenndarkynna framlagða tillögu fyrir hagsmunaaðilum að Borgartúni 35 þegar uppdrættir hafa verið lagfærðir.
2.11 Grjótháls 8 og 10, (fsp) útfærsla lóðar
Lögð fram fyrirspurn Bón og þvottastöðvarinnar ehf. dags. 30. júní 2011 um ákvæði gildandi deiliskipulags varðandi fyrirkomulag á lóðum nr. 8 og 10 við Grjótháls, samkvæmt uppdrætti Atla Jóhanns Guðbjörnssonar dags. 30. júní 2011.
Ekki eru gerðar skipulagslegar athugasemdir við erindið.
3.11 Hlíðargerði 6, stækkun
Lagt fram bréf frá afgreiðslufundi byggingarfulltrúa frá 28. júní 2011 þar sem sótt er um leyfi til að byggja við á tveim hæðum til suðurs, stækka anddyri og byggja kvist og breyta fyrirkomulagi innanhúss í einbýlishúsinu á lóðinni nr. 6 við Hlíðargerði.
Stærðir: Upprunaleg fyrir stækkanir xxStækkun: xx ferm., xx rúmm.
Eftir stækkun: Íbúð 214,8 ferm., bílskúr 36,3 ferm. Samtals: 251,5 ferm.
Nýtingarhlutfall 0,54Gjald kr. 8.000 + xx

Samþykkt að grenndarkynna framlagða umsókn fyrir hagsmunaaðilum að Hlíðargerði 4 og 8 ásamt Melgerði 9, 11 og 13.
4.11 Kringlumýrarbraut 100, breytingar úti
Lagt fram bréf frá afgreiðslufundi byggingarfulltrúa frá 28. júní 2011 þar sem sótt er um leyfi til að koma fyrir metanafgreiðslu með því að breyta núverandi þvottaplani í stæði fyrir metangáma og byggja tæknirými úr steinsteypu með torfþaki yfir metanpressu á þjónustustöð olíufélagsins á lóð nr. 100 við Kringlumýrarbraut.
Stærðir: 60,4 ferm., 132,8 rúmm.
Gjald kr. 8.000 + 10,624
Frestað.
5.11 Miklabraut 32, breyta bílskúr í gróðurskála
Á fundi skipulagsstjóra 22. júní 2011 var lagt fram bréf frá afgreiðslufundi byggingarfulltrúa frá 21. júní 2011 þar sem sótt er um leyfi til að breyta hluta bílskúrs í gróðurskála og til að byggja glerhús aftan við sama bílskúr á lóð nr. 32 við Miklubraut. Erindinu var vísað til umsagnar hjá verkefnisstjóra svæðisins.
Stækkun: 8,4 ferm., xx rúmm.
Gjald kr. 8.000 + xx
Samþykkt að grenndarkynna framlagða umsókn fyrir hagsmunaaðilum að Miklubraut 30 og 34 þegar uppdrættir hafa verið lagfærðir til samræmis við athugasemdir byggingarfulltrúa og þegar samþykki lóðarhafa að Miklubraut 30 liggur fyrir vegna uppbyggingar í lóðarmörkum.
6.11 Vesturhlíð 1, leikskóli, breyting á deiliskipulagi
Að lokinni auglýsingu er lagt fram að nýju erindi Framkvæmda- og eignasviðs dags. 24. mars 2011 varðandi breytingu á deiliskipulagi Suðurhlíða vegna lóðarinnar nr. 1 við Vesturhlíð. Í breytingunni felst að stækka lóðina við leikskólann Sólborg og gera byggingarreit fyrir færanlegar kennslustofur, samkvæmt uppdrætti dags. 23. mars 2011. Tillagan var auglýst frá 10. maí til og með 23. júní 2011. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
7.11 Klettasvæði, Skarfabakki, breyting á deiliskipulagi
Að lokinni auglýsingu er lagt fram að nýju erindi Faxaflóahafna dags. 28. mars 2011 varðandi breytingu á deiliskipulagi Klettasvæðis, Skarfabakka vegna lóðanna nr. 1-3 við Korngarða og 4 við Klettagarða. Í breytingunni felst að stækka lóðina nr. 4 við Klettagarða til austurs, skipta lóðinni nr. 1-3 við Korngarða í tvær lóðir, lengja Skarfabakka um 200 metra með landfyllingu ásamt því að sjóvarnargarðurinn Ábóti er fjarlægður, samkvæmt uppdrætti ASK arkitekta dags. 23. mars 2011. Tillagan var auglýst frá 10. maí til og með 23. júní 2011. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
8.11 Álagrandi 6, (fsp) viðbygging
Á fundi skipulagsstjóra 22. júní 2011 var lögð fram fyrirspurn Sigurjóns Ólafssonar dags. 14. júní 2011 varðandi viðbyggingu við húsið á lóðinni nr. 6 við Álagranda. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 23. júní 2011.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi, á eigin kostnað, í samræmi við leiðbeiningar í umsögn skipulagsstjóra. Tillagan verður grenndarkynnt eða auglýst þegar hún berst.
9.11 Drápuhlíð 6, (fsp) snyrtistofa
Lagt fram bréf frá afgreiðslufundi byggingarfulltrúa frá 28. júní 2011 þar sem spurt er hvort leyfi fengist til að innrétta snyrtistofu í bílskúr á lóð nr. 6 við Drápuhlíð.
Samþykki meðeigenda Drápuhlíð 6 og 8
Neikvætt. Ekki er fallist á breytta notkun bílgeymslunnar.
10.11 Ferjuvað 1-5, (fsp) bílastæði
Lögð fram fyrirspurn Norður íbúða ehf. dags. 28. júní 2011 varðandi breytingu á skilmálum á lóðinni nr. 1-5 við Ferjuvað vegna fjölda íbúða og bílastæða.
Vísað til meðferðar hjá verkefnisstjóra svæðisins.
11.11 Grensásvegur 11, (fsp) stækkun húss
Lögð fram fyrirspurn Steinunnar Guðmundsdóttur dags. 30. júní 2011 varðandi stækkun hússins í bakporti á milli austur og vestur húss á lóðinni nr. 11 við Grensásveg, samkvæmt uppdrætti Ask arkitekta dags. 30. júní 2011.
Vísað til meðferðar hjá verkefnisstjóra svæðisins.
12.11 Grettisgata 18A, (fsp) stækkun húss
Á fundi skipulagsstjóra 22. júní 2011 var lögð fram fyrirspurn Richards Ó. Briem dags. 10. júní 2011 varðandi stækkun hússins á lóðinni nr. 18A við Grettisgötu, samkvæmt uppdrætti VA arkitekta ódags. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 28. júní 2011.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi, á eigin kostnað, í samræmi við leiðbeiningar í umsögn skipulagsstjóra. Tillagan verður grenndarkynnt eða auglýst þegar hún berst.
13.11 Hrefnugata 4, svalir (áframhald á erindi BN039861)
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 10. maí 2011 þar sem sótt er um leyfi til að byggja svalir á rishæð og gerð er grein fyrir stækkun á kvisti á suðurhlið fjölbýlishússins á lóð nr. 4 við Hrefnugötu. Erindi var grenndarkynnt frá 18. maí til og með 20. júní 2011. Engar athugasemdir bárust.
Erindi fylgir fsp. dags. 10. febrúar 2009. Jafnframt er erindi BN039861 dregið til baka. Meðfylgjandi er samþykki meðeigenda.
Áður gerð stækkun: 1 ferm., 3 rúmm.
Gjald kr. 8.000 + 240
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
14.11 Laugavegur 105, (fsp) stúdíóíbúðir
Lögð fram fyrirspurn G. Oddar Víðissonar dags. 24. júní 2011 varðandi breytta notkun þriðju til fimmtu hæðar hússins nr. 105 við Laugaveg í stúdíóíbúðir.

Vísað til umsagnar hjá verkefnisstjóra svæðisins.
15.11 Lyngháls 4, br. úr veitingaleyfi 2 í leyfi 3
Lagt fram bréf frá afgreiðslufundi byggingarfulltrúa frá 28. júní 2011 þar sem sótt er um leyfi til að fjölga gestum, lengja opnunartíma og breyta veitingaleyfi úr II í III á Takeaway Thai matstofu í húsi á lóð nr. 4 við Lyngháls.
Gjald kr. 8.000
Frestað. Ekki er unnt að taka afstöðu til erindisins án frekari gagna.
16.11 Nauthólsvegur 50, (fsp) hækkun á skrifstofuálmu
Lagt fram bréf frá afgreiðslufundi byggingarfulltrúa frá 28. júní 2011 þar sem spurt er hvort hækka megi um eina hæð skrifstofuálmu hótels Loftleiða á lóð nr. 50 við Nauthólsveg.
Vísað til umsagnar hjá verkefnisstjóra svæðisins.
17.11 Rafstöðvarvegur 9-9A, (fsp) húsvarðaíbúð
Lagt fram bréf frá afgreiðslufundi byggingarfulltrúa frá 28. júní 2011 þar sem spurt er hvort leyfi fengist til að koma fyrir í rými 0201 húsvarðaríbúð í safnahúsinu sem var smíðað fyrir fornbílaklúbbinn á lóð nr. 9A við Rafstöðvarveg.
Neikvætt. Samræmist ekki deiliskipulagi.
18.11 Seljavegur 12 og Seljavegur 32, breyting á deiliskipulagi
Lagt fram erindi Framkvæmda- og eignasviðs dags. 30. júní 2011 varðandi breytingu á deiliskipulagi reits 1.133.1 vegna lóðarinnar Seljavegur 12 og Seljavegur 32. Í breytingunni felst að gerður er byggingarreitur fyrir færanlega leikstofu og bílastæðum fjölgað, samkvæmt uppdrætti Framkvæmda- og eignasviðs dags. 30. júní 2011.
Samþykkt að grenndarkynna framlagða tillögu fyrir hagsmunaaðilum að Vesturgötu 69 til 75, þegar uppdrættir hafa verið lagfærðir.
19.11 Sjafnargata 11, kjallararými
Lagt fram bréf frá afgreiðslufundi byggingarfulltrúa frá 28. júní 2011 þar sem sótt er leyfi fyrir kjallara sem geymslu og tæknirými undir hluta viðbyggingar sbr. erindi BN042400 í einbýlishúsi á lóð nr. 11 við Sjafnargötu.
Stækkun: 27,2 ferm., 54,6 rúmm.
Samtals hús eftir stækkun 387,9 ferm., 1.155,2 rúmm.
Gjald kr. 8.000 + 4.368
Ekki eru gerðar skipulagslegar athugasemdir við erindið.
20.11 Skildinganes 30-32, nr. 30 garðhús
Lagt fram bréf frá afgreiðslufundi byggingarfulltrúa frá 28. júní 2011 þar sem sótt er um leyfi til að byggja sólstofu við suðurhlið parhúss nr. 30 á lóð nr. 30-32 við Skildinganes.
Stækkun: 22,4 ferm., xx rúmm.
Gjald kr. 8.000 + xx

Ekki eru gerðar skipulagslegar athugasemdir við erindið. Samræmist deiliskipulagi.
21.11 Skúlagata 28, veitingaleyfi í flokki 3
Lagt fram bréf frá afgreiðslufundi byggingarfulltrúa frá 28. júní 2011 þar sem sótt er um leyfi til að breyta flokki veitingahúss úr flokki II í flokk III í húsi á lóð nr. 28 við Skúlagötu.
Gjald kr. 8.000
Ekki eru gerðar skipulagslegar athugasemdir við veitingaleyfi í flokki III, enda er landnotkun blönduð byggð samkvæmt Aðalskipulagi Reykjavíkur. Gæta þarf að hljóðvistarkröfum og skilyrðum samkvæmt málsmeðferðarreglum borgarráðs.
22.11 Sólvallagata 67, (fsp) færanlegar kennslustofur
Lögð fram fyrirspurn Framkvæmda- og eignasviðs dags. 15. júní 2011 varðandi bráðabirgðarstaðsetningu á færanlegum kennslustofum á lóð Vesturbæjarskóla að Sólvallagötu 67. Einnig er lögð fram umsögn skipulagsstjóra dags. 27. júní 2011.
Neikvætt með vísan til umsagnar skipulagsstjóra.
23.11 Tangarhöfði 13, viðbygging / hurð
Lagt fram bréf frá afgreiðslufundi byggingarfulltrúa frá 28. júní 2011 þar sem sótt er um leyfi til að opna yfir á lóð nr. 18 við Vagnhöfða og samþykki fyrir áður gerðum viðbyggingum við iðnaðarhúsið nr. 13 á lóðinni 9-15 við Tangarhöfða.
Áður gerð stækkun: xx ferm., xx rúmm.
Gjald kr. 8.000 + xx
Ekki eru gerðar skipulagslegar athugasemdir við erindið.
24.11 Úlfarsbraut 126, tvö flutningshús
Lagt fram bréf frá afgreiðslufundi byggingarfulltrúa frá 28. júní 2011 þar sem sótt er um leyfi til að staðsetja tvö flutningshús ásamt nýrri tengibyggingu á milli þeira til bráðabirgða sem hýsa á félagsaðstöðu og búningsaðstöðu fyrir íþróttafélag Fram á lóð nr. 126 við Úlfarsbraut.
Stærð: 304,3 ferm., 1046,1 rúmm
Gjald kr. 8.000 + 83.688
Ekki eru gerðar skipulagslegar athugasemdir við erindið.
25.11 Spítalastígur 8, breyting á deiliskipulagi
Að lokinni auglýsingu er lagt fram að nýju erindi Ólafar H. Símonarsonar og Guðlaugar M. Bjarnadóttur dags. 14. apríl 2011 varðandi breytingu á deiliskipulagi reits 1.184.1 vegna lóðarinnar nr. 8 við Spítalastíg. Í breytingunni felst að rífa núverandi skúrbyggingu milli Spítalastígs 8 og 10 og byggja þriggja hæða byggingu í hennar stað næst Spítalastíg og eina hæð bakatil næst Bergstaðastræti 17b, samkvæmt uppdrætti Egg arkitekta dags. 14. apríl 2011. Tillagan var auglýst frá 10. maí til og með 23. júní 2011. Eftirtaldir aðilar sendu inn athugasemdir: Júlíana Ingram dags. 22. júní 2011.
Vísað til skipulagsráðs.
26.11 Austurstræti 20, (fsp) útiveitingar
Á fundi skipulagsstjóra dags. 22. júní 2011 var lögð fram fyrirspurn Hressingarskálans ehf. dags. 21. júní 2011 varðandi leyfi til að vera með útiveitingar á borgarlandi, samkvæmt meðfylgjandi skissu. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 22. júní 2011.

Umsögn skipulagsstjóra samþykkt.
27.11 Háskóli Íslands, breyting á deiliskipulagi
Lögð fram tillaga Landmótunar f.h. Háskóla Íslands dags. 20. júní 2011 varðandi breytingu á deiliskipulagi Háskóla Íslands í Vatnsmýri. Í breytingunni felst niðurfelling á áður samþykktri stækkun á tjörn og votlendisstæði ásamt að bæta umferð og dvöl á svæðinu með stígagerð, upplýsingaskiltum og fuglaskoðunarhúsi.
Vísað til skipulagsráðs.
28.11 Úlfarsárdalur, Íþróttasvæði Fram, (fsp) framkvæmdaleyfi
Á fundi skipulagsstjóra 10. júní 2011 var lögð fram fyrirspurn Framkvæmda- og eignasviðs dags. 8. júní 2011 um að flytja sigpúða af gervigrasvelli yfir á fjölnota grasvöll á íþróttasvæði Fram í Úlfarsárdal. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 22. júní 2011.
Umsögn skipulagsstjóra samþykkt.
29.11 Úlfarsárdalur, Íþróttasvæði Fram, framkvæmdaleyfi
Lagt fram erindi Framkvæmda og eignasviðs dags. 28. júní 2011 varðandi framkvæmdaleyfi til að flytja sigpúða af gervigrasvelli yfir á fjölnota grasvöll á íþróttasvæði Fram í Úlfarsárdal samkvæmt meðfylgjandi uppdrætti dags. í júní 2011.
Vísað til skipulagsráðs.
30.11 Öskjuhlíð, Keiluhöll, (fsp) breyting á deiliskipulagi
Lögð fram fyrirspurn Guðna Pálssonar ark. f.h. Keiluhallarinnar ehf dags. 30. júní 2011 varðandi stækkun húsnæðis Keiluhallarinnar við Öskjuhlíð og breytingar á þaki samkvæmt uppdr. dags. 26. maí 2011.
Vísað til meðferðar hjá verkefnisstjóra svæðisins.
31.11 Bergstaðastræti 16, bréf
Á fundi skipulagsstjóra 22. júní 2011 var lagt fram bréf borgarlögmanns dags. 15. júní 2011, vegna Bergstaðastrætis 16, þar sem óskað er eftir umsögn vegna skaðabótakröfu Leiguíbúða ehf. og BBH byggingafélags ehf. Erindinu var vísað til umsagnar hjá lögfræði og stjórnsýslu og er nú lagt fram að nýju ásamt umsögn lögfræði og stjórnsýslu dags. 29. júní 2011.
Umsögn lögfræði og stjórnsýslu samþykkt.
32.11 Grettisgata 22B, umferðarkvöð
Á fundi skipulagsstjóra 27. maí 2011 var lagt fram bréf Lex lögmannsstofu f.h. Karls Axelssonar hrl. dags. 20. janúar 2011 móttekið 9. maí 2011 varðandi umferðarkvöð á lóð nr. 22B við Grettisgötu. Einnig er lagt fram bréf Forum Lögmanna dags. 24. maí 2011 f.h. eigenda að Grettisgötu 22B. Erindinu var vísað til umsagnar lögfræði og stjórnsýslu og er nú lagt fram að nýju ásamt umsögn lögfræði- og stjórnsýslu dags. 28. júní 2011.
Umsögn lögfræði og stjórnsýslu samþykkt.