Brúnastaðir 1-7, Búagrund 13, Framnesvegur 14, Grettisgata 22B, Háteigsvegur 19, Hrefnugata 4, Kirkjugarðsstígur 8, Kjalarnes, Saltvík, Skólavörðustígur 2, Templarasund 3, Mýrargata 26, Starhagi 11, Skipasund 13, Sogavegur 3, Tunguvegur 24, Borgartún 35-37, Hlíðargerði 6, Hraunbær 131, Langagerði 82, Selásbraut, Álfheimar 50-54, Haukdælabraut 98, Hólaberg 84, Suðurlandsbraut Steinahlíð, Háskóli Íslands, Vísindagarðar, Háskóli Íslands, Vísindagarðar, Kópavogur, Garðastræti 17, Menningarminjar,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

349. fundur 2011
Ár 2011, föstudaginn 13. maí kl. 10:20, hélt skipulagsstjóri Reykjavíkur 349. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir Eftirtaldir embættismenn kynntu mál á fundinum: Jóhannes S. Kjarval, Margrét Þormar, Margrét Leifsdóttir, Bragi Bergsson, Lilja Grétardóttir og Ágústa Sveinbjörnsdóttir. Ritari var Helga Björk Laxdal
Þetta gerðist:

1.11 Brúnastaðir 1-7, (fsp) sólskáli
Á fundi skipulagsstjóra 6. maí 2011 var lögð fram fyrirspurn Sigurðar Hafsteinssonar dags. 4. maí 2011 varðandi byggingu sólskála á suðaustur hlið hússins á lóð nr. 3 við Brúnastaði. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 12. maí 2011.

Ekki eru gerðar skipulagslegar athugasemdir við erindið með þeim skilyrðum sem fram koma í umsögn skipulagsstjóra.
2.11 Búagrund 13, (fsp) byggja skála
Á fundi skipulagsstjóra 6. maí 2011 var lagt fram bréf frá afgreiðslufundi byggingarfulltrúa frá 3. maí 2011 þar sem spurt er hvort leyft yrði að byggja kaldan skála úr timbri við suðausturhorn einbýlishúss á lóð nr. 13 við Búagrund. Erindinu var vísað til umsagnar hjá verkefnisstjóra svæðisins og er nú lagt fram að nýju.

Frestað. Lagfæra þarf uppdrætti.
3.11 Framnesvegur 14, breyting á deiliskipulagi
Að lokinni grenndarkynningu er lagt fram að nýju erindi THG Arkitekta dags. 15. mars 2011 varðandi breytingu á deiliskipulagi Framnesreits vegna lóðarinnar nr. 14 við Framnesveg. Í breytingunni felst að setja kvisti á þak rishæðar, einn á hvora hlið, samkvæmt uppdrætti THG Arkitekta dags. 23. febrúar 2011. Grenndarkynning stóð yfir frá 1. apríl til 4. maí 2011. Engar athugasemdir bárust. Bréf barst frá eigendum íbúðar á 2. hæð að Framnesvegi 14 þar sem lýst er yfir samþykki á kynntri breytingu.



Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
4.11 Grettisgata 22B, umferðarkvöð
Lagt fram bréf Lex lögmannsstofu f.h. Karls Axelssonar hrl. dags. 20. janúar 2011 móttekið 9. maí 2011 varðandi umferðarkvöð á lóð nr. 22B við Grettisgötu.

Vísað til umsagnar lögfræði og stjórnsýslu.
5.11 Háteigsvegur 19, (fsp) viðbygging
Á fundi skipulagsstjóra 6. maí 2011 var lögð fram fyrirspurn Rósu Sigrúnar Jónsdóttur dags. 5. maí 2011 varðandi viðbyggingu við húsið á lóðinni nr. 19 við Háteigsveg. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 12. maí 2011.
Neikvætt með vísan til umsagnar.
6.11 Hrefnugata 4, svalir (áframhald á erindi BN039861)
Lagt fram bréf frá afgreiðslufundi byggingarfulltrúa frá 10. maí 2011 þar sem sótt er um leyfi til að byggja svalir á rishæð og gerð er grein fyrir stækkun á kvisti á suðurhlið fjölbýlishússins á lóð nr. 4 við Hrefnugötu.
Erindi fylgir fsp. dags. 10. febrúar 2009. Jafnframt er erindi BN039861 dregið til baka. Meðfylgjandi er samþykki meðeigenda.
Áður gerð stækkun: 1 ferm., 3 rúmm.
Gjald kr. 8.000 + 240

Samþykkt að grenndarkynna framlagða tillögu fyrir hagsmunaaðilum að Hrefnugötu 2 og 6.
7.11 Kirkjugarðsstígur 8, (fsp) viðbygging
Á fundi skipulagsstjóra 6. maí 2011 var lögð fram fyrirspurn Valdimars Harðarsonar dags. 5. maí 2011 varðandi viðbyggingu við húsið á lóðinni nr. 8 við Kirkjugarðsstíg, samkvæmt uppdr. ASK Arkitekta ehf. dags. 3. maí 2011. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 13. maí 2011.

Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi, á eigin kostnað, sem síðar verður grenndarkynnt. Taka skal mið af þeim athugasemdum sem fram koma í umsögn skipulagsstjóra við vinnslu endanlegrar tillögu.
8.11 Kjalarnes, Saltvík, breyting á deiliskipulagi
Lagt fram erindi Atla Jóhanns Guðbjörnssonar f.h. Stjörnugrís hf. dags. 11. maí 2011 varðandi breytingu á deiliskipulagi Saltvíkur á Kjalarnesi. Í breytingunni felst að byggja við núverandi áhaldahús, samkvæmt uppdrætti Teiknistofunnar Stórhöfða 17 dags. 11. maí 2011.

Vísað til skipulagsráðs.
9.11 Skólavörðustígur 2, (fsp) veitingarekstur
Lögð fram fyrirspurn Íslenska eignafélagsins ehf. dags. 10. maí 2011 varðandi rekstur á Subway samlokustað á lóð nr. 10 við Skólavörðustíg.
Vísað til umsagnar hjá verkefnisstjóra svæðisins.
10.11 Templarasund 3, (fsp) útiborð við kaffihús
Lagt fram bréf frá afgreiðslufundi byggingarfulltrúa frá 10. maí 2011 þar sem spurt er hvort staðsetja megi 10 útiborð á gangstétt vestan megin við Templarasund við Alþingisgarðinn fyrir barnakaffihúsið Iðunnareplið á lóð nr. 3 við Templarasund.

Vísað til umsagnar hjá verkefnisstjóra svæðisins.
11.11 Mýrargata 26, (fsp) breyting á deiliskipulagi
Á fundi skipulagsstjóra 15. apríl 2011 var lögð fram fyrirspurn Glámu Kím dags. 11. apríl 2011 varðandi breytingu á deiliskipulagi reits 1.116 og 1.115.3, Slippa- og Ellingsenreits vegna lóðarinnar nr. 26 við Mýrargötu. Í breytingunni felst að íbúðareiningum er fjölgað, umfang byggingarinnar er breytt, íbúðir eru minnkaðar og fleira, samkvæmt uppdr. Gláma Kím dags. 7. apríl 2011. Einnig lögð fram umsögn skipulagsstjóra dags. 13. maí 2011.

Umsögn skipulagsstjóra samþykkt.
12.11 Starhagi 11, (fsp) færanleg leikstofa
Á fundi skipulagsstjóra 16. maí 2011 var lögð fram fyrirspurn Framkvæmda- og eignasviðs Reykjavíkur dags. 24. mars 2011 um hvort hægt sé að staðsetja færanlega leikstofu við lóðarmörk leikskólans Sæborgar samkvæmt uppdrætti dags. 18. mars 2011. Fyrirspurninni var frestað og er nú lögð fram að nýju.
Frestað.
13.11 Skipasund 13, (fsp) kvistar
Lagt fram bréf frá afgreiðslufundi byggingarfulltrúa frá 10. maí 2011 þar sem spurt er hvort leyfi fengist til að koma fyrir 2 kvistum á austurhlið hússins á lóð nr. 13 við Skipasund.

Ekki eru gerðar skipulagslegar athugasemdir við erindið. Útlit kvista þarf að samræmast húsagerð. Byggingarleyfisumsókn verður grenndarkynnt þegar hún berst.
14.11 Sogavegur 3, (fsp) viðbygging
Lagt fram bréf frá afgreiðslufundi byggingarfulltrúa frá 10. maí 2011 þar sem spurt er hvort leyft yrði að byggja við til vesturs, breyta aðkomu og fjölga bílastæðum á lóð nr. 3 við Sogaveg.

Vísað til meðferðar hjá verkefnisstjóra svæðisins.
15.11 Tunguvegur 24, lóð stækkuð
Lagt fram bréf frá afgreiðslufundi byggingarfulltrúa frá 10. maí 2011 þar sem spurt er h.f. lóðarhafa lóðar nr. 24 við Tunguveg hvort Reykjavíkurborg heimili að lóðarspildu samsíða Langagerði verði bætt við lóð nr. 24 við Tunguveg. Spildan er 3.04 m á breidd og 78.2 m2 að flatarmáli og hafi hún verið í umhirðu lóðarhafa Tunguvegar 24 frá árinu 1969. Málinu fylgir tölvubréf fyrirspyrjanda dags. 6. maí 2011, afrit mæliblaða nr. 1.831.1, og 1.831.2 ásamt útprenti úr borgarvefsjá.

Ekki eru gerðar skipulagslegar athugasemdir við erindið. Sækja þarf um lóðastækkun til embættis byggingarfulltrúa.
16.11 Borgartún 35-37, breyting á deiliskipulagi
Á fundi skipulagsstjóra 29. apríl 2011 var lagt fram erindi Hlutdeildar, deild vinnudeilusjóðs dags. 20. apríl 2011 varðandi breytingu á deiliskipulagi Borgartúns, reitir 1.217 - 1.219 vegna lóðarinnar nr. 35-37 við Borgartún. Í breytingunni felst að lóðinni er skipt í tvær lóðir ásamt breytingu á byggingarmagni, samkvæmt uppdr. GP-arkitekta ehf. dags. 20. apríl 2011. Erindinu var frestað og er nú lagt fram að nýju ásamt lagfærðum uppdr. GP-arkitekta ehf. dags. 5. maí 2011.

Frestað. Lagfæra þarf bílastæðabókhald.
17.11 Hlíðargerði 6, (fsp) viðbygging
Lögð fram fyrirspurn Orra Árnasonar dags. 12. maí 2011 varðandi tveggja hæða viðbyggingu sunnan við húsið á lóð nr. 6 við Hlíðargerði, samkvæmt uppdr. Zeppelin arkitekta dags. 6. maí 2011.

Vísað til meðferðar hjá verkefnisstjóra svæðisins.
18.11 Hraunbær 131, reyndarteikningar v/bílskúra
Lagt fram bréf frá afgreiðslufundi byggingarfulltrúa frá 10. maí 2011 þar sem sótt er um samþykki á reyndarteikningum þar sem hætt var við að hafa glugga í bílskúrshurðum, sameinaðir voru bílskúrar þannig að þeim fækkar úr 22 í 15 bílskúra, sett er hurð á milli rýma 0109 og 0110 og aðrar smá breytingar í bílgeymslum á lóðinni nr. 131 við Hraunbæ.
Samþykki á fylgiriti fylgir ódags.
Gjald kr. 8.000

Ekki eru gerðar skipulagslegar athugasemdir við erindið.
19.11 Langagerði 82, (fsp) hækun á ris (fsp) hækka ris, kvistur
Lagt fram bréf frá afgreiðslufundi byggingarfulltrúa frá 10. maí 2011 þar sem spurt er hvort stækka megi útbyggingu til suðurs, hækka risið á henni, koma fyrir nýjum kvisti á norðurhlið og breyta innanhússskipulagi í einbýlishúsi á lóð nr. 82 við Langagerði. Einnig er lögð fram umsögn skipulagsstjóra dags. 13. maí 2011.

Ekki eru gerðar athugasemdir við erindið með vísan til umsagnar skipulagsstjóra. Byggingarleyfisumsókn verður grenndarkynnt þegar hún berst.
20.11 >Selásbraut, stæði stórra bíla við Norðurás
Lagt fram erindi Arndísar Ósk Jónsdóttur dags. 11. maí 2011 vegna bílastæða fyrir stór ökutæki á Selásbraut við Norðurás.

Vísað til meðferðar hjá verkefnisstjóra svæðisins.
21.11 Álfheimar 50-54, (fsp) bílskýli
Á fundi skipulagsstjóra 29. apríl 2011 var lögð fram fyrirspurn Jóhanns Bergs Þorgeirssonar dags. 26. apríl 2011 varðandi neðanjarðar bílskýli á lóðinni nr. 50-54 við Álfheima. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 13. maí 2011.

Neikvætt með vísan til umsagnar skipulagsstjóra.
22.11 Haukdælabraut 98, (fsp) hæð húss
Á fundi skipulagsstjóra 29. apríl 2011 var lögð fram fyrirspurn Sylvíu G. Walthersdóttur dags. 18. apríl 2011 varðandi fyrirhugaða hæð húss á lóð nr. 98 við Haukdælabraut. Fyrirspurninni var frestað og er nú lögð fram að nýju ásamt umsögn Gylfa Guðjónssonar mótt. 13. maí 2011.
Samþykkt að vinna tillögu að breytingu á deiliskipulagi til samræmis við umsögn skipulagshöfundar.
Tillagan verður grenndarkynnt þegar hún berst.
23.11 Hólaberg 84, breyting á deiliskipulagi
Lagt fram erindi Ögmundar Skarphéðinssonar dags. 12. maí 2011 varðandi breytingu á deiliskipulagi Gerðuberg/Hólaberg vegna lóðarinnar nr. 84 við Hólaberg. Í breytingunni felst stækkun á byggingarreit bílageymslu ásamt breytingu á ákvæðum um fjölda bílastæða í bílageymslu, samkvæmt uppdr. Hornsteina arkitekta ehf. dags. 9. maí 2011.

Frestað.
Lagfæra þarf uppdrætti.
24.11 Suðurlandsbraut Steinahlíð, breytt deiliskipulag Vogahverfis vegna leikskólalóðar
Lagt fram erindi Framkvæmda- og eignasviðs Reykjavíkur varðandi breytingu á deiliskipulagi Vogahverfis vegna lóðarinnar Steinahlíð við Suðurlandsbraut. Breytingin felst í gerð reits fyrir færanlega leikstofu og fyrirkomulagi bílastæða á lóð, samkvæmt uppdrætti Framkvæmda- og eignasviðs Reykjavíkur dags. 10. maí 2011.

Frestað.
Lagfæra þarf uppdrætti.
25.11 Háskóli Íslands, Vísindagarðar, Aðalskipulag Reykjavíkur
Að lokinni auglýsingu er lögð fram að nýju tillaga skipulags- og byggingarsviðs að breytingu á Aðalskipulagi Reykjavíkur 2002-2024 dags. 9. desember 2010. Í breytingunni felst heimild um byggingu nemendaíbúða á svæði Vísindagarða við Háskóla Íslands. Einnig lagt fram bréf skipulagsstofnunar dags. 11. mars 2011 þar sem ekki er gerð athugasemd við að erindi verði auglýst. Jafnframt lagðar fram umsagnir Kópavogsbæjar dags. 16. febrúar, Seltjarnarnesbæjar dags. 24. febrúar, Mosfellsbæjar dags. 10. mars, umsögn Garðarbæjar dags. 22. mars 2011. Tillagan var auglýst frá 16. mars 2011 til og með 2. maí 2011. Eftirtaldir aðilar sendu inn athugasemdir: Þorkell Jóhannesson dags. 29. mars 2011, Snorri Bergmann og Védís Húnbogadóttir dags. 10. maí, Helgi Björnsson og Þóra Ellen Þórhallsdóttir dags. 10. maí, Jón Sch. Thorsteinsson fh. íbúa við Aragötu og Oddagötu dags. 10. maí, Jón Sch. Thorsteinsson og Ragnheiður Harðardóttir dags. 10. maí 2011 og Valgerður Hallgrímsdóttir og Jens A. Guðmundsson dags. 10. maí 2011.
Athugasemdir kynntar.
Frestað.
26.11 Háskóli Íslands, Vísindagarðar, breyting á deiliskipulagi HÍ
Að lokinni auglýsingu er lagt fram að nýju erindi Ask Arkitekta dags. 11. desember 2009 f.h. Vísindagarða Háskóla Íslands ehf. vegna breytinga á deiliskipulagi Háskóla Íslands vegna Vísindagarða. Í breytingunni felst m.a. að lóðinni er skipt upp í sjö lóðir fyrir Vísindagarða, Stúdentagarða og spennistöð Orkuveitu Reykjavíkur samkvæmt uppdrætti Ask Arkitekta dags. 23. mars 2010 ásamt greinargerð og skilmálum dags. 29. mars 2010. Einnig voru lagðir fram minnispunktar skipulags- og byggingarsviðs dags. 9. júní 2010 af kynningarfundi vegna málsins sem haldinn var þann 3. júní sl. og bréf frá stúdentaráði Háskóla Íslands dags. 14. apríl 2011 þar sem lýst er yfir mikilli ánægju með deiliskipulagið. Tillagan var auglýst frá 16. mars til og með 2. maí 2011. Lagður fram tölvupóstur Jóns Sch. Thorsteinssonar dags. 20. apríl 2011 þar sem óskað er eftir að frestur til athugasemda verði framlengdur. Frestur var framlengdur til og með 10. maí 2011. Eftirtaldir aðilar sendu athugasemdir: Þorkell Jóhannesson dags. 29. mars, Vigdís Finnbogadóttir ódags., Orkuveita Reykjavíkur, dags. 14. apríl 2011, Max Dager, f.h. Norræna hússins, dags. 2. maí, íbúar að Aragötu 7, dags. 8. maí, Pétur H. Ármannsson, dags. 9. maí, Helgi Björnsson og Þóra Ellen Þórhallsdóttir, dags. 10. maí, Helga Þorkelsdóttir og Páll Þorgeirsson, dags. 10. maí, Valgerður Hallgrímsdóttir og Jens A. Guðmundsson, dags. 10. maí, Baldur Símonarson dags. 10. maí, 2011, Snorri Bergmann og Védís Húnbogadóttirdags. 10. maí, Jón Sch. Thorsteinsson og Ragnheiður Harðardóttir dags. 10. maí og Jón Sch. Thorsteinsson f.h íbúa við Aragötu og Oddagötu dags. 10. maí ásamt fylgiskjölum: álitsgerð Ingibjargar Þórðardóttur fasteignasala, dags. 9. maí 2011 og álitsgerð Glámu-Kím, dags. 20. júní 2010. Einnig lögð fram umsögn Heilbrigðiseftirlits Reykjavíkur, dags. 10. maí 2011.

Athugasemdir kynntar.
Frestað.
27.11 Kópavogur, endurskoðun aðalskipulags Kópavogs 2000-2012
Lagt fram bréf skipulagsstjóra Kópavogsbæjar dags. 2. maí 2011 varðandi endurskoðun aðalskipulags Kópavogs 2000-2012. Einnig er lögð fram verklýsing dags. 15. apríl 2011 og umhverfismat dags. 15. apríl 2011

Vísað til skipulagsráðs.
28.11 Garðastræti 17, lóðaafmörkun
Á fundi skipulagsstjóra 15. apríl 2011 var lagt fram bréf byggingarfulltrúa dags. 14. mars 2011 varðandi erindi Gests Ólafssonar dags. 11. mars 2011 vegna afmörkunar lóðarinnar nr. 17 við Garðastræti. Einnig er lögð fram umsögn lögfræði og stjórnsýslu dags. 28. mars 2011 og bréf Gests Ólafssonar f.h. eigenda Garðastrætis 17 dags. 6. apríl 2011. Erindinu var vísað til umsagnar og er nú lagt fram að nýju ásamt umsögn lögfræði og stjórnsýslu dags. 13. maí 2011.

Umsögn lögfræði og stjórnsýslu samþykkt.
29.11 Menningarminjar, frumvarp til laga
Á fundi skipulagsstjóra 6. maí 2011 var lagt fram erindi borgarlögmanns dags. 4. maí 2011 varðandi umsögn um frumvarp til laga um menningarminjar, þingmál nr. 651. Erindinu var vísað til umsagnar hjá yfirlögfræðingi skipulags- og byggingarsviðs og er nú lagt fram að nýju ásamt umsögn dags. 13. maí 2011.

Umsögn skipulags- og byggingarsviðs samþykkt.