Aragata 15, Flókagata 23, Goðheimar 14, Grundarstígsreitur, Hábær 41, Aðalstræti 7, Austurhöfn, Ásvallagata 75, Bragagata 29A, Einarsnes 64, Friggjarbrunnur 1, Hallgrímstorg 3 / Hnitbjörg, Háskóli Íslands, Hverfisgata 50, Kaplaskjólsvegur 57A, Laugavegur 15, Reitur 1.172.1, Laugavegur-Vatnsstígur, Skólavörðustígur 16, Stardalur 125879, Suðurhólar 35, Templarasund 3, Tjarnargata 46, Vesturberg 78, Gufunes, Áburðarverksmiðjan, Elliðavatn, Skólagarðar, Kirkjugarðsstígur 8, Dugguvogur 23, Kjalarnes, Móavík, Faxaskjól 26, Sjafnargata 11, Efstaleiti 5,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

340. fundur 2011
Ár 2011, föstudaginn 4. mars kl. 10:15, hélt skipulagsstjóri Reykjavíkur 340. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum:, Lilja Grétarsdóttir, Björn Ingi Edvardsson, Margrét Þormar, Bragi Bergsson og Jóhannes Kjarval. Ritari var Helga Björk Laxdal
Þetta gerðist:

1.11 Aragata 15, bílskúr
Lagt fram bréf frá afgreiðslufundi byggingarfulltrúa frá 22. febrúar 2011 þar sem sótt eru um leyfi til að byggja staðsteyptan bílskúr með sléttu þaki á lóð nr. 15 við Aragötu. Einnig er lögð fram umsögn skipulagsstjóra dags. 3. mars 2011.
Samþykki eigenda aðliggjandi lóða Oddagötu nr. 14 og 16 fylgja á fylgiskjali.
Stærð bílskúrs er: 50,3 ferm., 145,9 rúmm. Gjald kr. 8.000 + 11.672
Neikvætt með vísan til umsagnar skipulagstjóra.
2.11 Flókagata 23, stækka kvisti
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 18. janúar 2011 þar sem sótt er um leyfi til að breyta innra fyrirkomulagi í rishæð, bæta við kvist á suðurhlið og til að sameina og stækka kvisti á norðurhlið fjölbýlishússins á lóð nr. 23 við Flókagötu. Erindið var grenndarkynnt frá 28. janúar 2011 til og með 25. febrúar 2011. Eftirtaldir aðilar sendu inn athugasemdir: Fjóla Kristín Árnadóttir dags. 22. febrúar 2011. Einnig er lögð fram umsögn skipulagsstjóra dags. 1. mars 2011.
Erindi fylgja fsp. BN040938 dags. 16. febrúar 2010 og BN041275 dags. 11. maí 2010.Stækkun: xx rúmm. Gjald kr. 8.000 + xx
Frestað.
Lagfæra þarf uppdrætti með vísan til umsagnar skipulagsstjóra.
3.11 Goðheimar 14, (fsp) stækkun íbúðar
Á fundi skipulagsstjóra 25. febrúar 2011 var lögð fram fyrirspurn Arnars Þ. Jónssonar dags. 25. febrúar 2011 varðandi stækkun á íbúð á efstu hæð hússins nr. 17 við Goðheima. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 3. mars 2011.
Ekki eru gerðar athugasemdir við erindið með þeim skilyrðum og breytingum sem tilgreindar eru í umsögn skipulagsstjóra. Byggingarleyfisumsókn verður grenndarkynnt þegar hún berst.
4.11 Grundarstígsreitur, forsögn, deiliskipulag
Lögð fram tillaga skipulags- og byggingarsviðs að deiliskipulagi Grundarstígsreits dags. xxxx. Í tillögunni felst xxxx. Einnig er lögð fram forsögn skipulags- og byggingarsviðs Reykjavíkur dags. í júní 2010 ásamt ábendingum sem bárust við kynninguna.
Vísað til skipulagsráðs.
5.11 Hábær 41, breyting á deiliskipulagi
Lagt fram erindi Stefáns Thors dags. 1. mars 2011 varðandi breytingu á deiliskipulagi Árbæjar vegna lóðarinnar nr. 41 við Hraunbæ. Í breytingunni felst að byggingarreitur er stækkaður, samkvæmt uppdrætti Studio strik ehf. dags. 28. febrúar 2011.
Vísað til umsagnar hjá verkefnisstjóra svæðisins.
6.11 Aðalstræti 7, borð utandyra
Lagt fram bréf frá afgreiðslufundi byggingarfulltrúa frá 1. mars 2011 þar sem sótt er um leyfi fyrir útiveitingum fyrir 30 gesti á Aðalstræti og Vallarstræti við hús á lóð nr. 7 við Aðalstræti.
Gjald kr. 8.000
Vísað til umsagnar hjá verkefnisstjóra svæðisins.
7.11 Austurhöfn, breyting á deiliskipulagi
Á fundi skipulagsstjóra 5. nóvember 2010 var lagt fram bréf Skipulagsstofnunar dags. 28. október 2010 þar sem gerðar eru athugasemdir við birtingu auglýsingar í B-deild Stjórnartíðinda. Erindinu var vísað til meðferðar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 3. mars 2011.
Frestað.
8.11 Ásvallagata 75, (fsp) svalalokun
Lagt fram bréf frá afgreiðslufundi byggingarfulltrúa frá 1. mars 2011 þar sem spurt er hvort byggja megi svalalokun á efri hæð einbýlishúss á lóð nr. 75 við Ásvallagötu.
Með vísan til rammaskilmála af Jóhannstúni eru ekki gerðar athugasemdir við erindið. Vísað er til skilmála A og B þar sem sagt er að byggja megi yfir svalir, en taka verði tillit til stíls hússins. Grenndarkynna þarf byggingarleyfisumsókn berist hún.
9.11 Bragagata 29A, (fsp) færa innistiga út
Lagt fram bréf frá afgreiðslufundi byggingarfulltrúa frá 1. mars 2011 þar sem spurt er hvort leyft yrði að byggja útitröppur við bakhlið þríbýlishúss á lóð nr. 29A við Bragagötu.
Vísað til umsagnar hjá verkefnisstjóra svæðisins.
10.11 Einarsnes 64, breyting á deiliskipulagi
Lagt fram bréf Skipulagsstofnunar dags. 23. febrúar 2011 þar sem gerð er athugasemd við birtingu auglýsingar í B-deild Stjórnartíðinda.
Vísað til meðferðar hjá verkefnisstjóra svæðisins.
11.11 Friggjarbrunnur 1, (fsp) breyting á deiliskipulagi
Á fundi skipulagsstjóra 25. febrúar 2011 var lögð fram fyrirspurn Jóns H. Hlöðverssonar dags. 23. febrúar 2011 varðandi breytingu á deiliskipulagi Hallar, Hamrahlíðarlönd og suðurhlíðar Úlfarsfells, vegna lóðarinnar nr. 1 við Friggjarbrunn. Í breytingunni felst fjölgun íbúða ásamt fjölgun bílastæða. Einnig lagður fram tölvupóstur Jóns H. Hlöðverssonar dags. 24. febrúar 2011. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 2. mars 2011.

Neikvætt með vísan til umsagnar skipulagsstjóra.
12.11 Hallgrímstorg 3 / Hnitbjörg, (fsp) viðbygging
Á fundi skipulagsstjóra 21. janúar 2011 var lögð fram fyrirspurn Listasafns Einars Jónssonar dags. 18. nóvember 2010 varðandi leyfi til að byggja viðbyggingu við húsið nr. 3 við Hallgrímstorg Hnitbjörg samkvæmt tillögu Studio Granda dags. í september 2010. Einnig er lagt fram bréf Borgarminjavarðar dags. 4. nóvember 2010, bréf Húsafriðunarnefndar dags. 12. nóvember 2010 og tölvubréf Júlíönu Gottskálksdóttur dags. 20. janúar 2011. Á fundi skipulagsráðs þann 23. febrúar 2011 var umsögn lögfræði og stjórnsýslu samþykkt og erindi frestað. Lagt fram að nýju ásamt bréfi Skipulagsstofnunar dags. 28. febrúar 2011.
Vísað til skipulagsráðs.
13.11 Háskóli Íslands, deiliskipulag vestan Suðurgötu, Árnastofnun
Að lokinni auglýsingu er lögð fram að nýju erindi Háskóla Íslands dags. 25. nóvember 2008 varðandi breytingu á deiliskipulagi Háskóla Íslands vestan Suðurgötu. Í breytingunni felst að á reit A3 verður byggingarmagn aukið, nýtingarhlutfall á lóð hækkað og hámarkshæð byggingar aukin auk þess sem gert er ráð fyrir þakgarði á húsinu samkvæmt uppdrætti Teiknistofu arkitekta Gylfa Guðjónssonar og félaga ehf. dags. 15. nóvember 2008. Tillagan var áður auglýst frá 19. desember 2008 til og með 5. febrúar 2009. Athugasemd barst frá: Kristínu Björgu Helgadóttur dags. 5. febrúar 2009 f.h. húsfélagsins að Birkimel 8, 8A og 8B. Einnig eru lögð fram bréf fulltrúa Háskóla Íslands, Félagsstofnun stúdenta og Þjóðminjasafns Íslands dags. 17. febrúar 2009, bréf Teiknistofu Gylfa Guðjónssonar og félaga dags. 2. febrúar 2009, umsögn skipulagsstjóra dags. 27. febrúar 2009, umsögn umhverfis- og samgöngusviðs dags. 26. febrúar 2009 ásamt bréfi Háskóla Íslands dags. 10. mars 2009 með drögum af samgöngustefnu HÍ. Tillagan var endurauglýst frá 29. desember 2011 til og með 9. febrúar 2011. Engar nýjar athugasemdir bárust. Einnig er lögð fram umsögn skipulagsstjóra um eldri athugasemdir dags. 4. mars 2011.
Leiðrétt bókun frá embættisafgreiðslufundi skipulagsstjóra þann 18. febrúar sl. Rétt bókun er: Vísað til skipulagsráðs.
14.11 Hverfisgata 50, (fsp) breyting á þaki
Á fundi skipulagsstjóra 25. febrúar 2011 var lögð fram fyrirspurn Dóru Takefusa dags. 23. febrúar 2011 um að setja þaksvalir á húsið að Hverfisgötu 50. Fyrirspurninni var vísað til meðferðar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags.3. mars 2011.
Ekki eru gerðar skipulagslegar athugasemdir við erindið með vísan til umsagnar skipulagsstjóra.
15.11 Kaplaskjólsvegur 57A, (fsp) bílastæðamál
Lögð fram fyrirspurn Ólafs Gunnarssonar dags. 25. febrúar 2011 varðandi fyrirkomulag og fjölgun bílastæða á lóðinni nr. 57A við Kaplaskjólsveg.
Vísað til umsagnar hjá verkefnisstjóra svæðisins.
16.11 Laugavegur 15, klæðning götuhæð
Á fundi skipulagsstjóra 25. febrúar 2011 var sótt um leyfi til að klæða götuhæð að Laugavegi með póleruðu graniti í svipuðum lit og steining er nú á húsi nr. 15 við Laugaveg. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 3. mars 2011. Meðfylgjandi er bréf arkitekts dags. 10. desember 2010 og 14. febrúar 2011 ásamt skýringarmyndum Hjalta Sigmundssonar, byggingatæknifræðings dags. 20. janúar 2011.
Gjald kr. 7.700
Neikvætt, með vísan til umsagnar skipulagsstjóra dags.
17.11 Reitur 1.172.1, Laugavegur-Vatnsstígur, breyting á deiliskipulagi vegna Laugavegur 33, 33a og 35 ásamt Vatnsstíg 4
Lögð fram tillaga arkiBúllunar dags. 18. október 2010 að breytingu á deiliskipulagi Laugavegar/Vatnsstígs. Í breytingunni felst möguleg uppbygging á horni Laugavegs og Vatnsstígs samkvæmt meðfylgjandi deiliskipulags- og skýringaruppdrætti dags. 18. október 2010.
Samþykkt að framlengja frest til að gera athugasemdir við auglýsta tillögu til 8. apríl nk.
18.11 Skólavörðustígur 16, (fsp) stækkun byggingarreits
Lögð fram fyrirspurn Söru Axelsdóttur dags. 3. mars 2011 varðandi stækkun á byggingarreit á lóð nr. 16 við Skólavörðustíg.
Neikvætt. Samkvæmt gildandi deiliskipulagi er lóðin fullbyggð. Ekki er fallist á að breyta samþykktu deiliskipulagi.
19.11 Stardalur 125879, (fsp) afmörkun spildu
Á fundi skipulagsstjóra dags. 25. febrúar 2011 var lagt fram bréf Ingu Fanneyjar Egilsdóttur dags. 21. febrúar 2011 varðandi afmörkun tæplega eins hektara spildu úr landi Stardals. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 4. mars 2011.
Vísað til skipulagsráðs.
20.11 Suðurhólar 35, (fsp) breyting á skilmálum vegna 35E
Lögð fram fyrirspurn Kollgátu ehf. dags. 1. mars 2011 varðandi breytingu á skilmálum lóðarinnar nr. 35E við Suðurhóla.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.
21.11 Templarasund 3, (fsp) Templarasund 3/Kirkjutorg 4 - hótelíbúðir
Á fundi skipulagsstjóra 18. febrúar 2011 var lagt fram bréf frá afgreiðslufundi byggingarfulltrúa frá 15. febrúar 2011 þar sem spurt er hvort leyft yrði að stækka 4. hæð Kirkjuhvols um 18,3 ferm., koma fyrir lyftu, innrétta 10 hótelíbúðir á 2. 3. og 4. hæð í því húsi, einnig að breyta tveimur íbúðum í hótelíbúðir á 3. hæð húss nr. 3 við Templarasund. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 2. mars 2011
Erindi fylgir minnisblað um brunavarnir frá verkfræðistofunni Mannvit dags. 9. febrúar 2011.
Ekki eru gerðar athugasemdir við innréttingu hótelíbúða en ekki er fallist á stækkun hússins með vísan til umsagnar skipulagsstjóra.
22.11 Tjarnargata 46, (fsp) áður gerð íbúð
Lagt fram bréf frá afgreiðslufundi byggingarfulltrúa frá 1. mars 2011 þar sem spurt er hvort leyft yrði að grafa frá kjallara og samþykkt fengist fyrir íbúð í kjallara einbýlishússins á lóð nr. 46 við Tjarnargötu.
Neikvætt. Ekki er unnt að fallast á gerð nýrrar íbúðar í kjallara.
23.11 Vesturberg 78, málskot
Lagt fram málskot Vektor, hönnun og ráðgjöf ehf. dags. 3. mars 2011 vegna neikvæðrar afgreiðslu skipulagsstjóra frá 19. nóvember 2010 varðandi fjölgun bílastæða á lóðinni nr. 78 við Vesturberg.
Vísað til skipulagsráðs.
24.11 Gufunes, Áburðarverksmiðjan, afmörkun lóðar
Lagt fram erindi Orkuveitu Reykjavíkur dags. 25. febrúar 2011 varðandi afmörkun lóðar fyrir dreifistöð við Áburðarverksmiðjuna í Gufunesi.
Vísað til skipulagsráðs.
25.11 Elliðavatn, afmörkun lóðar
Lagt fram bréf byggingarfulltrúa dags. 28. febrúar 2011 ásamt bréfi Orkuveitu Reykjavíkur dags. 18. febrúar 2011 varðandi skráningu lóðar fyrir véla- og verkfærageymslu Skógræktarfélags Reykjavíkur við Elliðavatn.
Vísað til meðferðar hjá verkefnisstjóra svæðisins.
26.11 Skólagarðar, breytt notkun
Á fundi skipulagsstjóra 25. febrúar 2011 var lögð fram fyrirspurn Framkvæmda- og eignasviðs dags. 17. febrúar 2011 varðandi breytta notkun á húsunum sem standa við skólagarðana við Logafold 106b, Holtaveg 32 og Bjarmaland. Í stað aðstöðu fyrir skólagarða yrði húsnæðið nýtt fyrir dagforeldra. Fyrirspurninni var frestað og er nú lögð fram að nýju.
Vísað til umsagnar hjá verkefnisstjóra svæðisins.
27.11 Kirkjugarðsstígur 8, (fsp) viðbygging
Lögð fram fyrirspurn ASK Arkitekta ehf. dags. 4. mars 2011 varðandi viðbyggingu við húsið nr. 8 við Kirkjugarðsstíg, samkvæmt uppdrætti dags. 1. mars 2011.
Vísað til umsagnar hjá verkefnisstjóra svæðisins.
28.11 Dugguvogur 23, svalir á 3. hæð
Lagt fram bréf frá afgreiðslufundi byggingarfulltrúa frá 1. mars 2011 þar sem sótt er um leyfi til að byggja svalir úr járni við rými 0304 sbr. fyrirspurn BN042178 á 3. hæð í húsi á lóð nr. 23 við Dugguvog.
Meðfylgjandi er svar skipulagsstjóra dags. 25. október 2010 og samþykki meðeigenda.
Gjald kr. 8.000.
Samþykkt að grenndarkynna framlagða tillögu fyrir hagsmunaaðilum að Súðarvogi 54
29.11 Kjalarnes, Móavík, orðsending skrifstofu borgarstjóra
Á fundi skipulagsstjóra 27. janúar 2011 var lagt fram bréf Framkvæmda- og eignasviðs dags. 20. janúar 2011 ásamt orðsendingu skrifstofu borgarstjóra dags. 18. janúar 2011 varðandi bréf Lex lögmannsstofu dags. 13. janúar 2011 um skiptingu á landi Móavíkur á Kjalarnesi. Erindinu var vísað til umsagnar hjá lögfræði og stjórnsýslu.
Vísað til skipulagsráðs.
30.11 Faxaskjól 26, (fsp) niðurrif og bygging nýs bílskúrs
Á fundi skipulagsstjóra 25. febrúar 2011 var lögð fram fyrirspurn Snorra Petersen dags. 24. febrúar 2011 varðandi niðurrif og byggingu nýs bílskúrs á lóðinni nr. 26 við Faxaskjól. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 4. mars 2011.
Umsögn skipulagsstjóra samþykkt.
31.11 Sjafnargata 11, viðbygging og endurbætur
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 11. janúar 2011 þar sem sótt er um leyfi til að byggja við úr steinsteypu nýja innganga til austurs og vesturs, byggja flatt þak yfir svalir, lækka gólf í hluta kjallara og fjarlægja klæðningu utan af húsinu og múra með múrkerfi í ljósum lit, sbr. fyrirspurn BN042289, einbýlishúsið á lóð nr. 11 við Sjafnargötu. Lagt fram bréf Þórdísar Arnljótsdóttur dags. 17. febrúar 2011 þar sem óskað er eftir framlengingu á fresti vegna grenndarkynningar. Erindið var grenndarkynnt frá 20. janúar 2011 til og með 1. mars 2011. Eftirtaldir aðilar sendu inn athugasemdir: Þórdís Arnljótsdóttir dags. 23. febrúar 2011. Einnig er lögð fram umsögn skipulagsstjóra dags. 3.mars 2011.
Meðfylgjandi er bréf arkitekts dags. 2. nóvember 2010, umsögn skipulagsstjóra dags. 18. nóvember 2010 ásamt útskrift úr gerðabók embættisafgreiðslufundar skipulagsstjóra dags. 19. nóvember 2010.
Stækkun 68 ferm., xx rúmm.
Gjald kr. 7.700 + xx
Vísað til skipulagsráðs.
32.11 Efstaleiti 5, (fsp) hækkun húss
Á fundi skipulagsstjóra 25. febrúar 2011 var lögð fram fyrirspurn Fagfélagsins dags. 23. febrúar 2011 varðandi hækkun hússins nr. 5 við Efstaleiti um eina hæð. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 2. mars 2011.
Umsögn skipulagsstjóra samþykkt