Funafold 43, Hólmsheiði, Fisfélag Reykjavíkur, Hólmsheiði, jarðvegsfylling, Hólmsheiði, Fisfélag Reykjavíkur, Hólmsheiði, jarðvegsfylling, Reynisvatnsás, Útilistaverk, Gufunesvegur 108950, Gufunes, útivistarsvæði, Brávallagata 8, Faxaskjól 26, Mjóstræti 4, Háteigsvegur 22, Úthlíð 3, Bólstaðarhlíð, lokun, Fiskislóð 39, Skólavörðustígur 11, Listaháskóli Íslands, Varmadalur 4, Brautarholt 1 125660, Brekknaás 5, Síðumúli 34,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

264. fundur 2009
Ár 2009, föstudaginn 24. júlí kl. 09:00 var haldinn 264. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:

1.09 Funafold 43, (fsp) viðbygging
Lagt fram erindi frá afgreiðslufundi byggingarfulltrúa frá 21. júlí 2009 þar sem spurt er hvort leyfi fengist til að byggja litla viðbyggingu við vesturhlið hússins á lóð nr. 43 við Funafold.
Ekki gerð athugasemd við að fyrirspyrjandi láti vinna tillögu að breytingu á deiliskipulagi í samræmi við fyrirspurn, á eigin kostnað, sem síðan verður grenndarkynnt.
2.09 Hólmsheiði, Fisfélag Reykjavíkur, Breyting á Aðalskipulagi Reykjavíkur 2001-2024
Að lokinni auglýsingu er lögð fram tillaga skipulags- og byggingarsviðs dags. 23. janúar 2009 að breytingu á Aðalskipulagi Reykjavíkur 2001-2024 vegna aðstöðu fyrir fisflug á Hólmsheiði samkv. meðfylgjandi uppdrætti dags. 23. janúar 2009, ásamt umhverfisskýrslu dags. í janúar 2009. Einnig lögð fram umsögn Skipulagsstofnunar um umhverfisskýrslu, dags. 12. júní 2009. Athugasemdarfrestur var framlengdur til 6. júlí 2009. Athugasemdir bárust frá: Þóri Einarssyni dags. 21. júní, Magnúsi Gunnlaugssyni dags. 19. júní, Lögmál f.h. Græðis félags landeigenda, dags. 19. júní, Kristínu Harðardóttur og Herði Jónssyni dags. 25. júní og Þóri J. Einarssyni og Guðbjarna Eggertssyni hdl. dags. 2. júlí 2009.
Athugasemdir kynntar. Vísað til til umsagnar verkefnisstjóra aðalskipulags.
3.09 Hólmsheiði, jarðvegsfylling, Breyting á Aðalskipulagi Reykjavíkur 2001-2024
Að lokinni auglýsingu er lögð fram tillaga skipulags- og byggingarsviðs að breytingu á Aðalskipulagi Reykjavíkur dags. 29. ágúst 2008. Í breytingunni felst afmörkun á svæði til jarðvegsfyllingar á Hólmsheiði fyrir tímabundna losun á ómenguðum jarðvegi samkv. meðfylgjandi uppdrætti dags. 29. ágúst 2008. Einnig er lagt fram bréf Skipulagsstofnunar dags. 29. október 2008 og bréf Skógræktarfélags Garðabæjar dags. 24. nóvember 2008. Auglýsing stóð yfir frá 8. maí til 6. júlí 2009. Athugasemdir bárust frá: Magnúsi Gunnlaugssyni dags. 19. júní, Lögmál f.h. Græðis félags landeigenda, dags. 19. júní og íbúasamtök Grafarholts og Úlfarsárdals, dags. 6. júlí 2009.
Athugasemdir kynntar. Vísað til til umsagnar verkefnisstjóra aðalskipulags.
4.09 Hólmsheiði, Fisfélag Reykjavíkur, deiliskipulag athafnasvæðis Fisfélagsins
Að lokinni auglýsingu er lögð fram að nýju umsókn Fisfélags Reykjavíkur, dags. 18. janúar 2008, um deiliskipulag athafnasvæðis Fisfélagsins á Hólmsheiði skv. uppdrætti Skapa og Skerpa arkitekta, dags. 6. mars 2009. Í tillögunni er gert ráð fyirr tímabundinni afmörkun svæðis fyrir starfsemi Fisfélags Reykjavíkur. Um er að ræða þrískipt svæði, flugbrautir og æfingaaðstaða fyrir vélknúin fis, svæði fyrir bílastæði og flugskýli og svæði fyrir félagsheimili og útivist. Samhljóða tillaga var áður auglýst frá 13. febrúar 2007 til og með 28. mars 2008. Lagt er fram bréf frá Skipulagsstofnun dags. 16. júní 2008 þar sem gerð er athugasemd við birtingu á samþykkt deiliskipulagsins, eldri athugasemdir vegna fyrri auglýsingar: Orkuveita Reykjavíkur, dags. 30. janúar, Fjáreigendafélag Reykjavíkur, dags. 17. mars 2008, hestamannafélagið Fákur, dags. 25. mars 2008, Flugmálastjórn Íslands, dags. 26. mars 2008, Lögmál f.h. Græðis, dags. 26. mars 2008, Þórir Einarsson Skaftahlíð 38, dags. 27. mars 2008 og umsögn umhverfisstjóra skipulags- og byggingarsviðs dags. 15. apríl 2008. Einnig er lagt fram bréf Skipulagsstofnunar dags. 6. ágúst 2008 og umsagnir Flugmálastjórnar Íslands dags. 29. júlí og 23. október 2008. Auglýsing stóð frá 8. maí til 22. júni 2009. Eftirtaldir aðilar sendu athugasemdir: Orkuveita Reykjavíkur, dags. 8. maí, Sigurður Fjeldsted og Ragnheiður Fjeldsted dags 7. júní, Lögmál f.h. Græðis félags landeigenda, dags. 19. júní 2009, Árni Ingason dags. 19. júní, Þórir Einarsson dags. 21. júní, Magnús Gunnlaugsson dags. 19. júní, Kristín Harðardóttir og Hörður Jónsson dags 25. júní, Þóri J. Einarssyni og Guðbjarna Eggertssyni hdl. dags. 2. júlí og Helga Kristjánsdóttir, f.h. 4 landeigenda, dags. 6. júlí 2009.
Athugasemdir kynntar. Vísað til til umsagnar umhverfisstjóra.
5.09 Hólmsheiði, jarðvegsfylling, endurauglýsing deiliskipulags
Að lokinni auglýsingu er lagt fram að nýju tillaga Landmótunar, að deiliskipulagi á Hólmsheiði dags. 22. vegna afmörkunar á svæði til jarðvegsfyllingar á Hólmsheiði fyrir tímabundna losun á ómenguðum jarðvegi. Samhljóða deiliskipulag var fellt úr gildi með úrskurði úrskurðarnefndar skipulags- og byggingarmála frá 24. júlí 2008. Tillagan var auglýst frá 8. maí til og með 6. júlí 2009. Eftirtaldir aðilar sendu inn athugasemdir: Sigurjón Fjeldsted dags. 22. maí 2009, Lögmál f.h. Græðis félags landeigenda, dags. 19. júní, Helga Kristjánsdóttir, f.h. 4 landeigenda, dags. 6. júlí og íbúasamtök Grafarholts og Úlfarsárdals, dags. 6. júlí 2009.
Athugasemdir kynntar. Vísað til til umsagnar umhverfisstjóra.
6.09 Reynisvatnsás, mótvægisaðgerðir vegna skógareyðingar
Á fundi skipulagsstjóra 28. mars 2008 var lagt fram bréf Skógræktar ríkisins, dags. 26. mars 2008, varðandi mótvægisaðgerðir vegna skógareyðingar sem tengjast framkvæmdum í Reynisvatnsási. Erindinu var vísað til umsagnar umhverfis- og samgöngusviðs. Á fundi skipulagsstjóra dags. 3. júlí 2009 var erindið lagt fram að nýju ásamt umsögn Umhverfis- og samgöngusviðs dags. 19. mars 2009. Erindi var vísað til meðferðar hjá umhverfisstjóra skipulags- og byggingarsviðs og er nú lagt fram að nýju.
Umhverfisstjóra falið að svara með vísan til umsagnar Umhverfis- og samgöngusviðs dags. 19. mars 2009.
7.09 Útilistaverk, minnisvarði um knattspyrnufélagið Þrótt
Lagt fram bréf framkvæmdastjóra Þróttar, dags. 21. júlí 2009, með ósk um að reisa minnisvarða um stofnun knattspyrnufélagsins Þróttar við Ægissíðu/Skerjafjörð. Um er að ræða þrjá sexhyrnda stuðlabergssteina, 30-40 cm. á breidd og 80-120 cm. á hæð.
Vísað til garðyrkjustjóra umhverfis- og samgöngusviðs og borgarminjavarðar. Kynna formanni.
8.09 Gufunesvegur 108950, (fsp) frístundahús
Lagt fram að nýju erindi frá afgreiðslufundi byggingarfulltrúa frá 14. júlí 2008 þar sem spurt er hvort leyfi fengist til að reisa bráðabirgða þjónustuhús sem verður úr stáli og er 647,2 ferm. að stærð. Einnig er spurt um heimild til að staðsetja færanlega skrifstofu á einni hæð, 80 ferm að stærð og koma fyrir bílastæðum innan byggingarreits á lóð með landnúmer 108950 við Gufunesveg.
Bréf frá hönnuði dags.6. júlí 2009. Erindi var lagt fram á fundi skipulagsstjóra þann 17. júlí 2009 og vísað til umfjöllunar verkefnisstjóra svæðisins og er nú lagt fram að nýju.
Fyrispurninni er vísað inn í vinnu við endurskoðun deiliskipulags Gufuness.
9.09 Gufunes, útivistarsvæði, breyting á deiliskipulagi
Á fundi skipulagsstjóra 26. júní 2009 var lagt fram erindi Fjöreflis ehf. mótt. 7. maí 2009 um breytingu á deiliskipulagi Gufunes útivistarsvæði vegna skemmtigarðs. Í breytingunni felst að færa og stækka byggingarreit samkvæmt uppdrætti Landarks dags. 5. maí 2009. Einnig er lögð fram eldri umsögn umhverfis- og samgöngusviðs Reykjavíkurborgar dags. 1. apríl 2009 ásamt umsögn Umhverfis- og samgöngusviðs dags. 12. júní 2009 og fundargerð af samráðsfundi dags. 11. júní 2009. Einnig lagðir fram lagfærðir uppdrættir dags. 16. júní 2009, breytt 7. júlí 2009. Erindinu var vísað til umsagnar umhverfis - og samgöngusviðs og er nú lagt fram að nýju ásamt umsögn umhverfis - og samgöngusviðs dags. 12. júní 2009. Erindi er nú lagt fram að nýju.
Vísað til skipulagsráðs.
10.09 Brávallagata 8, þrennar svalir
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 9. júní 2009 þar sem sótt er um leyfi til þess að byggja úr stáli svalir við austurhlið 1. 2. og 3. hæðar fjölbýlishússins á lóð nr. 8 við Brávallagötu. Með umsókninni fylgir bréf dagsett 15.07.08 frá arkitekt þar sem óskað er eftir að málið verði grenndarkynnt. Einnig fylgir bréf eigenda Brávallagötu 10 dags. 5. ágúst 2008.Tillagan var grenndarkynnt frá 18. júní til og með 16. júlí 2009. Eftirtaldir aðilar sendu inn athugasemdir:
Áslaug Sigurðardóttir og Pétur H. Stefánsson, dags. 15. júlí 2009.
Erindi var lagt fyrir fund skipulagsstjóra þann 17. júlí 2009 og vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 24. júlí 2009
Vísað til skipulagsráðs.
11.09 Faxaskjól 26, viðbygging, kvistir og bílskúr
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 2. júní 2009 þar sem sótt er um leyfi til að rífa núverandi bílskúr og byggja nýjan úr steinsteypu, byggja við íbúðarhús til norðurs og einnig til suðurs og byggja tvo nýja kvisti og útbúa íbúð í kjallara einbýlishúss á lóð nr. 26 við Faxaskjól. Grenndarkynning stóð frá 11. júní til og með 10. júlí 2009. Eftirtaldir aðilar sendu inn athugasemdir: íbúar að Sörlaskjóli 17, Kristína Ragnarsdóttir, Finnbogi Pétursson, Ari Eldjárn og Linda Guðrún Karlsdóttir, dags. 9. júlí ásamt ítrekun á fyrri athugasemdum frá Ara Eldjárn og Lindu G. Karlsdóttur, dags., 16. júlí 2009. Erindi var lagt fram á fundi skipulagsstjóra þann 17. júlí 2009 og vísað til umsagnar hjá verkefnisstjóra svæðisins og er nú lagt fram að nýju.
Frestað.
12.09 Mjóstræti 4, breyting á deiliskipulagi
Að lokinni grenndarkynning er lagt fram að nýju erindi lóðarhafa mótt. 25. júní varðandi breytingu á deiliskipulagi Grjótaþorps vegna lóðarinnar nr. 4 við Mjóstræti. Í breytingunni felst að byggja skúr á lóðinni samkvæmt uppdrætti dags. 22. júní 2009. Tillagan var grenndarkynnt frá 7. júlí til og með 5. ágúst 2009. Athugasemdir bárust frá Gesti Ólafssyni dags. 9. júlí 2009. Erindi var lagt fram á fundi skipulagsstjóra þann 17. júlí 2009 og vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 22. júlí 2009.
Vísað til skipulagsráðs.
13.09 Háteigsvegur 22, (fsp) þakhæð
Lögð fram að nýju fyrirspurn Vektors f.h. Júlíu Björgvinsdóttur, dags. 10. júlí 2009, um hvort rífa megi núverandi þakhæð og byggja nýja á húsi nr. 22 við Háteigsveg skv. skissum. Erindi var lagt fram á fundi skipulagsstjóra þann 17. júlí 2009 og vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 22. júlí 2009
Neikvætt með vísan til umsagnar skipulagsstjóra.
14.09 Úthlíð 3, byggja stærri kvist
Lagt fram að nýju erindi frá afgreiðslufundi byggingarfulltrúa frá 14. júlí 2008 þar sem sótt er um leyfi til að stækka kvist á vesturhlið, koma fyrir kaminu, reykröri og gera inni breytingar á íbúð í fjölbýlishúsi á lóð nr. 3 við Úthlíð. Erindinu fylgir bréf frá hönnuði dags. 6. júlí 2009 og samþykki meðeigenda dags. 1. júlí 2009. Erindi var lagt fram á fundi skipulagsstjóra þann 17. júlí 2009 og vísað til umfjöllunar verkefnisstjóra svæðisins og er nú lagt fram að nýju ásamt umsögn skipulagsstjóra dags. 21. júlí 2009.
Lagfæra þarf uppdrætti með vísan til umsagnar skipulagsstjóra dags. 21. júlí 2009.
15.09 Bólstaðarhlíð, lokun, breyting á deiliskipulagi
Að lokinn auglýsingu er lögð fram að nýju tillaga skipulags- og byggingarsviðs Reykjavíkur dags. 6. maí 2009 að breyttu deiliskipulagi Bólstaðarhlíðar. Í breytingunni felst að Bólstaðarhlíðinni verður lokað á móts við Bólstaðarhlíð 38 samkvæmt uppdætti dags. 6. maí 2009. Auglýsing stóð frá 10. júní til 23. júlí 2009. Engar athugasemdir bárust.
Samþykkt með vísan til heimildar um embættisafgreiðslur skipulagstjóra í viðauka við samþykkt um stjórn Reykjavíkurborgar.
16.09 Fiskislóð 39, breytingar á útliti
Lagt fram erindi frá afgreiðslufundi byggingarfulltrúa frá 21. júlí 2009 þar sem spurt er um leyfi til að breyta fyrirkomulagi innanhúss, endurskoða brunahönnun og breyta útliti á húsi á lóð nr. 39 við Fiskislóð.
Meðfylgjandi er tölvupóstur skipulagsfulltrúa Faxaflóahafnar dags. 20. júlí 2009.
Gjald kr. 7.700. Málið er nú lagt fram að nýju ásamt umsögn skipulagsstjóra dags. 21. júlí 2009.
Ekki er gerð athugasemd við erindið með vísan til umsagnar skipulagsstjóra dags. 21. júlí 2009.
17.09 Skólavörðustígur 11, br. innra skipulags 1. h + kjallari
Lagt fram erindi frá afgreiðslufundi byggingarfulltrúa frá 21. júlí 2009 þar sem spurt er um leyfi til að breyta innra skipulagi á 1. hæð þar sem verður bókaverslun og kaffisala og í kjallara þar sem verður starfsmannarými og geymslur í húsi á lóð nr. 11 við Skólavörðustíg.
Gjald kr. 7.700
Ekki er gerð athugasemd við erindið.
18.09 Listaháskóli Íslands, uppbygging
Lagt fram bréf skrifstofu borgarstjóra, dags. 15. júlí 2009, ásamt bæklingi um stöðu og hugmyndir um uppbyggingu Listaháskóla Íslands.
Kynna formanni skipulagsráðs.
19.09 Varmadalur 4, stálgrindarskemma
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 2. júní 2009 þar sem sótt er um leyfi til að byggja stálgrindarskemmu klæddri með yleiningum í Varmadal 4 í Reykjavík.
Meðfylgjandi er bréf hönnuðar dags. 11. maí 2009
Stærðir: 334 ferm., 1.612,2 rúmm.Gjald kr. 7.700 + 12.414
Grenndarkyning stóð frá 19. júlí til 17. júlí 2009. Engar athugasemdir bárust.
Samþykkt með vísan til heimildar um embættisafgreiðslur skipulagstjóra í viðauka við samþykkt um stjórn Reykjavíkurborgar.
Vísað til fullnaðarafreiðslu byggingarfulltrúa.
20.09 Brautarholt 1 125660, viðbygging, bílskúr
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 16. júní 2009 þar sem sótt er um leyfi til að stækka núverandi einbýlishús og byggja bílskúr á jörðinni Brautarholt 1 með landnúmer 125660 á Kjalarnesi.
Bréf frá hönnuði fylgir erindinu dags. 5. maí 2009 og 18. maí 2009
Bréf frá burðarvirkishönnuði dags. 25. maí 2009
Útskrift úr gerðabók embættisafgreiðslufundar skipulagsstjóra frá 15. maí 2009 fylgir erindinu.
Stækkun: Einbýlishús 90,6 ferm. 454,6 rúmm.
Bílskúr 65,2 ferm. og 203,8 rúmm.
Samtals stækkun: 155,8 ferm og 658,4 rúmm.
Gjald kr. 7.700 + 7.700 + 50.697 Grenndarkynning stóð frá 24. júní til 22. júlí 2009. Engar athugasemdir bárust.
Samþykkt með vísan til heimildar um embættisafgreiðslur skipulagstjóra í viðauka við samþykkt um stjórn Reykjavíkurborgar.
Vísað til fullnaðarafreiðslu byggingarfulltrúa.
21.09 Brekknaás 5, (fsp) veitingasalur
Lagt fram erindi frá afgreiðslufundi byggingarfulltrúa frá 21. júlí 2009 þar sem spurt er hvort starfrækja megi veitingastað í fl. III í sal á efri hæð reiðhallar í Víðidal á lóð nr. 5 við Brekknaás.
Kynna formanni skipulagsráðs.
22.09 Síðumúli 34, (fsp) stækkun á húsnæði
Á fundi skipulagsstjóra 5. júní 2009 var lagt fram erindi frá afgreiðslufundi byggingarfulltrúa frá 26. maí 2009 þar sem spurt er hvort leyft yrði að byggja nýja, stærri þakhæð og innrétta tvær íbúðir í stað einnar í atvinnuhúsinu á lóð nr. 34 við Síðumúla. Erindinu var vísað til umfjöllunar hjá lögfræði- og stjórnsýslu og er nú lagt fram að nýju ásamt umsögn lögfræði- og stjórnsýslu dags. 24. júli 2009.
Neikvætt með vísan til umsagnar lögfræði og stjórnsýslu dags. 24. júlí 2009.