Þangbakki 5, Skriðustekkur 17-23, Borgartún 28, Borgartún 32, Glaðheimar 16, Langholtsvegur 86, Nökkvavogur 34, Reykjavíkurflugvöllur, Reynisvatnsás Grafarholt, Sóltún 2-4, Hólmsheiði, Krosshamrar 13-13A, Austurhöfn Faxagarður, Baldursgötureitur 1, Bergstaðastræti 67, Grettisgata 8, Grettisgata 2, Skúlagata 15, Laugavegur 46A, Snorrabraut 58, Pósthússtræti 9, Rauðarárstígur 24, Hlíðarendi, Knattspyrnufélagið Valur, Miklabraut, Orkuveitan, Hverfisgata 50, Grensásvegur 1, Suður Mjódd, Lýsisreitur, Nesvegur 80, Nýlendureitur, deiliskipulag, Ránargata 12A, Þorragata, Elliðaárdalur, Vesturlandsvegur, Hallar,

Embættisafgreiðslufundur skipulagsfulltrúa Reykjavíkur samkvæmt viðauka 2.4 við samþykkt um stjórn Reykjavíkurborgar.

155. fundur 2007
Ár 2007, föstudaginn 9. mars kl. 10:00, hélt Skipulagsfulltrúi Reykjavíkur 155. embættisafgreiðslufund sinn til afgreiðslu mála án staðfestingar skipulags- og byggingarnefndar. Fundurinn var haldinn á skrifstofu skipulagsfulltrúa Borgartúni 3, 3. hæð. Ágústa Sveinbjörnsdóttir og Bergljót S. Einarsdóttir. Eftirtaldir embættismenn kynntu mál á fundinum: Margrét Leifsdóttir, Margrét Þormar, Nikulás Úlfar Másson, Ólöf Örvarsdóttir, Björn Axelsson, Jóhannes S. Kjarval og Lilja Grétarsdóttir Ritari var Harri Ormarsson.
Þetta gerðist:

1.07 Þangbakki 5, (fsp) viðbygging, lyfta
Lagt fram bréf frá afgreiðslufundi byggingarfulltrúa frá 6. mars 2007 þar sem spurt er hvort leyft yrði að byggja við 1. hæð og koma fyrir lyftu við kirkjubygginguna á lóðinni nr. 5 við Þangbakka.
Óskað er eftir frekari gögnum til skýringar á erindinu. Fyrirspyrjandi hafi samband við embættið.
2.07 Skriðustekkur 17-23, (fsp) viðbygging nr. 23
Lagt fram bréf frá afgreiðslufundi byggingarfulltrúa frá 20. febrúar 2007. Spurt er hvort leyft yrði að byggja um 10m langa viðbyggingu við suðurhlið einbýlishúss nr. 23 á lóð nr. 17-23 við Skriðustekk.
Frestað.
3.07 Borgartún 28, breyting á deiliskipulagi
Að lokinni auglýsingu er lögð fram að nýju umsókn ÞG verk, dags. 21. nóvember 2006, um breytingu á deiliskipulagi á lóð nr. 28 við Borgartún skv. uppdrætti Björns Ólafssonar ark., dags. 15. nóvember 2006. Einnig lögð fram yfirlýsing um kvöð, dags. 17. nóvember 2006. Auglýsing stóð yfir frá 24. janúar til og með 7. mars 2007. Athugasemdabréf bárust frá Þyrpingu hf., dags. 23, febrúar 2007, Guðmundi G. Jónssyni f.h. Jóns og Þorvaldar ehf., dags. 2. mars 2007, Hússtjórninni Sóltúni 5 fh. íbúa í Sóltúni 5 dags. 5. mars 2007, Hússtjórninni Sóltúni 7 fh. íbúa í Sóltúni 7 dags. 7. mars 2007, Hússtjórninni Sóltúni 9 fh. íbúa í Sóltúni 9 dags. 7. mars 2007, Hússtjórninni Mánatúni 6 fh. íbúa í Mánatúni 6 dags. 7. mars 2007, íbúum Mánatúns 4 dags. ódags.
Brunos Hjaltested fh. Húsfélaganna Borgartúni 30a og Borgartúni 30b, Sóltúni 1-13, Sóltúni 5, 7 og 9 og Mánatúni 4 og 6 dags. 6. mars 2007, Geirmundi Kristinssyni fh. Víka ehf dags. 2. mars 2007, Vífli Oddssyni, dags. 5. mars 2007,

Kynna formanni skipulagsráðs.

Lilja Grétarsdóttir tók sæti á fundinum kl. 11:00

4.07 Borgartún 32, breyting á deiliskipulagi
Lögð fram tillaga teiknistofu Garðars Halldórssonar húsameistara, dags. 28.02.07, að breytingu á deiliskipulagi Borgartúns 32. Tillagan gerir m.a. ráð fyrir stækkun lóðar til austurs.
Vísað til skipulagsráðs.
5.07 >Glaðheimar 16, (fsp) ofanábygging
Lagt fram bréf frá afgreiðslufundi byggingarfulltrúa frá 27. febrúar 2007. Spurt er hvort leyft yrði að byggja hæð ofan á núverandi fjölbýlishús á lóð nr. 16 við Glaðheima, skv. uppdr. Kristins Sveinbjörnssonar, dags. 21. febrúar 2007. Einnig lögð fram umsögn hverfisarkitekts dags. 07.03.07.
Ekki gerð athugasemd við fyrirspurnina með vísan til umsagnar hverfisarkitekts.
6.07 Langholtsvegur 86, (fsp) hækka ris, kvistir
Lagt fram bréf frá afgreiðslufundi byggingarfulltrúa frá 27. febrúar 2007. Spurt er hvort leyft yrði að hækka ris með kvistum á hvorri langhlið íbúðarhússins á lóð nr. 86 við Langholtsveg.
Samþykki meðeiganda ódags. fylgir erindinu.
Ekki gerð athugasemd við að húsið verði hækkað en þá innan þess ramma sem deiliskipulag Sundahverfis, samþykkt í borgarráði 10.11. 2005 gerir ráð fyrir varðandi hækkanir húsa.
7.07 Nökkvavogur 34, (fsp) bílskúr
Lagt fram bréf frá afgreiðslufundi byggingarfulltrúa frá 6. mars 2007 þar sem spurt er hvort leyft yrði að byggja bílskúr við tvíbýlishúsið á lóðinni nr. 34 við Nökkvavog.
Ekki gerð athugasemd við byggingu bílskúrs. Gera þarf betur grein fyrir erindinu. Fyrirspyrjandi hafi samband við embættið.
8.07 ">Reykjavíkurflugvöllur, (fsp) fjögur gámahús til bráðabirgða
Lögð fram fyrirspurn Gíslínu Guðmundsdóttur f.h. Landhelgisgæslu ríkisins og Framkvæmdasýslu ríkisins, dags. 28. febrúar 2007, varðandi leyfi til að setja upp fjögur gámahús til bráðabirgða á flugvallargeira 2 við Reykjavíkurflugvöll.
Kynna formanni skipulagsráðs.
9.07 Reynisvatnsás Grafarholt, deiliskipulag
Lögð fram tillaga Teiknistofu Arkitekta, dags. 9.03.07, að deiliskipulagi íbúðarbyggðar á Reynisvatnsási
Kynna formanni skipulagsráðs.
10.07 Sóltún 2-4, breyting á deiliskipulagi Ármannsreit
Lögð fram tillaga Nexus arkitekta, dags. 9.03.07 að breytingu á deiliskipulagi Ármannsreits vegna Sóltúns 2-4.
Kynna formanni skipulagsráðs.
11.07 Hólmsheiði, lóðarumsókn fyrir bílasölu
Lögð fram lóðarumsókn Birgis Reynissonar um 200 þúsund fermetra lóð fyrir bílasölu í Hólmsheiði.
Frestað. Jafnframt er erindið sent til skrifstofustjóra framkvæmdasviðs til upplýsingar.
12.07 Krosshamrar 13-13A, (fsp) sólstofa
Lagt fram bréf frá afgreiðslufundi byggingarfulltrúa frá 27. febrúar 2007. Spurt er hvort leyft yrði að byggja um 16 ferm. sólstofu framan við stofur við vesturhlið parhúss á lóð nr. 13-13A við Krosshamra. Einnig lögð fram umsögn skipulagsfulltrúa dags. 8. mars 2007
Ekki gerð athugasemd við að fyrirspyrjandi láti vinna tillögu að breytingu á deiliskipulagi, á eigin kostnað, sem síðan yrði grenndarkynnt með þeim fyrirvörum sem fram koma í umsögn skipulagsfulltrúa.
13.07 Austurhöfn Faxagarður, deiliskipulag
Lagt fram bréf Faxaflóahafna, dags. 8.03.07, vegna deiliskipulags á Faxagarði í Austurhöfn skv. uppdrætti Ask arkitekta, dags. 6.03.07. Gert er ráð fyrir vakthúsi Landhelgisgæslu og rafmagns- og vatnsdreifistöð.
Vísað til skipulagsráðs.
14.07 Baldursgötureitur 1, forsögn að deiliskipulagi reits 1.186.3
Að lokinni hagsmunaaðilakynningu er lögð fram að nýju forsögn að deiliskipulagi Baldursgötureits 1, sem afmarkast af Freyjugötu, Baldursgötu, Þórsgötu og Njarðargötu. Kynning stóð yfir frá 21. febrúar til og með 8. mars 2007. Athugasemdir bárust frá Kristínu Hafsteinsdóttur, dags. 21.febrúar 2007, Guðríði Jóhannesdóttur dags. 6. mars 2007, Elís Péturssyni dags. 7. mars 2007, Kára Sólmundarsyni, dags. 5. mars 2007, Ólafi Hanssyni, dags. 8. mars 2007.
Vísað til skipulagsráðs.
15.07 Bergstaðastræti 67, lyfta
Lagt fram bréf frá afgreiðslufundi byggingarfulltrúa frá 6. mars 2007 þar sem sótt er um leyfi til að byggja lyftu sem tengir niðurgrafinn bílskúr við þrjár af fjórum hæðum fjöleignahússins á lóðinni nr. 67 við Bergstaðastræti.
Samþykkt að grenndarkynna erindið fyrir hagsmunaaðilum að Bergstaðastræti 69 og Fjölnisvegi 4.
16.07 Grettisgata 8, (fsp) stækkun og br.
Lagt fram bréf frá afgreiðslufundi byggingarfulltrúa frá 27. febrúar 2007. Spurt er hvort leyfi fengist fyrir stækkun á bakhúsi lóðarinnar nr. 8 við Grettisgötu.
Ekki gerð athugasemd við að fyrirspyrjandi láti vinna tillögu að breytingu á deiliskipulagi, á eigin kostnað, sem síðan yrði grenndarkynnt í samræmi við fyrirspurn. Vakin er athygli á að samþykki aðliggjandi lóðarhafa að Njálsgötu 7 þarf að liggja fyrir.
17.07 Grettisgata 2, (fsp) ofanábygging
Lögð fram fyrirspurn Teiknistofunnar Tak, dags. 1. mars 2007, um að byggja eina hæð ofan á bakhús á lóðinni nr. 2 við Grettisgötu.
Neikvætt að hækka bakhúsið eins og tillagan liggur fyrir.
18.07 Skúlagata 15, breyting á deiliskipulagi
Að lokinni auglýsingu er lögð fram að nýju tillaga, dags. 3. október 2006, að breytingu á deiliskipulagi lóðarinnar nr. 15 við Skúlagötu. Einnig lagt fram umboð eigenda Skúlagötu 15, mótt. 13. október 2006. Lögð fram umsögn Framkvæmdarsviðs, dags. 7. september 2006 og umsögn Umhverfissviðs, dags. 30. október 2006. Lagt fram bréf Ego ehf., dags. 26. október 2006. Auglýsing stóð yfir frá 29. nóvember til og með 10. janúar 2007. Athugasemdarbréf barst frá Franz Jezorski þann 10. janúar 2007.
Lagt fram að nýju. Einnig lögð fram umsögn skipulagsfulltrúa dags. 16.03.07.
Vísað til skipulagsráðs.
19.07 Laugavegur 46A, (fsp) kvistir, svalir, stækka 1.h o.fl.
Lagt fram bréf frá afgreiðslufundi byggingarfulltrúa frá 27. febrúar 2007. Spurt er hvort leyft yrði að stækka 1. hæð, stækka kvisti, stækka útihús og byggja flóttasvalir á hús á lóð nr. 46A við Laugaveg, skv. uppdr. Sverris Norðfjörð, dags. febrúar 2007.
Frestað. Umsögn Húsafriðunarnefndar ríkisins og Borgarminjavarðar vantar.
20.07 Snorrabraut 58, breyting á deiliskipulagi Heilsuverndarreits
Lögð fram umsókn Framkvæmdasviðs Reykjavíkurborgar, dags. 7. mars 2007, að breytingu á deiliskipulagi Heilsuverndarreits vegna lóðar nr. 58 við Snorrabraut skv. uppdrætti Hornsteina, dags. 7. mars 2007. Breytingin gengur út á stækkun á byggingarreit á lóð Droplaugastaða.
Ekki gerð athugasemd við að tillagan verði grenndarkynnt þegar að samþykki aðliggjandi lóðarhafa liggur fyrir.
21.07 Pósthússtræti 9, (fsp) endurbygging götuhliðar
Lögð fram fyrirspurn Plúsarkitekta f.h. hótel Borg ehf, dags. 7. mars 2007, um endurbyggingu götuhliðar húss nr. 9 við Pósthússtræti. Um er að ræða glerveggjaklæðningu auk breytinga á inngöngum 1. hæðar.
Kynna formanni skipulagsráðs.
22.07 Rauðarárstígur 24, (fsp) samþ. geymslu sem íbúð
Lagt fram bréf frá afgreiðslufundi byggingarfulltrúa frá 6. mars 2007 þar sem spurt er hvort samþykki fengist til að breyta geymsluhúsnæði á lóð fjölbýlishússins á lóðinni nr. 24 við Rauðarárstíg í íbúð.
Neikvætt að breyta útigeymslu í íbúðarhúsnæði, samræmist ekki byggðamynstri.
23.07 Hlíðarendi, Knattspyrnufélagið Valur, breyting á deiliskipulagi
Lögð fram drög ALARK arkitekta ehf, dags. 07.03.07, að breytingu á deiliskipulagi á lóð Knattspyrnufélagsins Vals að Hlíðarenda. Breytingin tekur til aukins byggingarmagns og breyttrar aðkomu.
Kynna formanni skipulagsráðs.
24.07 Miklabraut, Orkuveitan, (fsp) staðsetning smádreifistöð
Lagt fram erindi Orkuveitu Reykjavíkur dags. 5. mars 2007 varðandi nýja lóð fyrir smádreifistöð á svæðinu við Miklubraut / Eskihíð.
Kynna formanni skipulagsráðs.
25.07 Hverfisgata 50, breyting á deiliskipulagi reits 1.172.0
Lögð fram umsókn Plúsarkitekta f.h. lóðarhafa, dags. 7. mars 2007, um breytingu á deiliskipulagi reits 1.172.0 vegna lóðar nr. 50 við Hverfisgötu skv. uppdrætti, dags. 1. mars 2007. Farið er fram á heimild til gerðar heillar hæðar í stað samþykktrar rishæðar og gerð þaksvala.
Vísað til umsagnar hverfisarkitekts.
26.07 Grensásvegur 1, breyting á deiliskipulagi
Lögð fram tillaga Batterísins ehf., dags. 27. febrúar 2007, að breytingu á deiliskipulagi lóðarinnar nr. 1 við Grensásveg. Í breytingunni felst að byggingarreitur fyrir helstu stækkun verður á austurhluta í stað vesturhluta, bílakjallari verður undir stórum hluta hússins.
Aukið nýtingarhlutfall skýrist að mestu leyti vegna bílakjallarans. Einnig lagt fram skuggavarp dags. 08.03.07.
Kynna formanni skipulagsráðs.
27.07 Suður Mjódd, breyting á deiliskipulagi
Lögð fram drög að forsögn á breytingu á deiliskipulagi fyrir Suður-Mjódd dags. í mars 2007.
Kynna formanni skipulagsráðs.
28.07 Lýsisreitur, deiliskipulag, reitur 1.520,
Lagt fram tölvubréf Birgis Sigurðssonar sviðstjóra dags. 05.03.07 vegna tölvubréfs Hróbjarts Ö. Guðmundssonar dags.03.02.07
Vísað til umsagnar lögfræði- og stjórnsýslu.
29.07 Nesvegur 80, (fsp) viðbygging
Lögð fram fyrirspurn lóðarhafa, dags. 28. febrúar 2007, varðandi leyfi til að byggja ca. 20 fm. við neðri hæð hússins nr. 80 við Nesveg. Lögð fram umsögn hverfisarkitekts dags. 08.03.07.
Ekki gerð athugasemd við að byggingarleyfisumsókn verði grenndarkynnt berist hún með vísan til fyrirvara í umsögn hverfisarkitekts.
30.07 Nýlendureitur, deiliskipulag, Reitur 1.115.3.
Að lokinni hagsmunaaðilakynningu er lögð fram að nýju tillaga VA arkitekta, dags. 20.01.06, að deiliskipulagi stækkaðs Nýlendureits ásamt forsögn skipulagsfulltrúa dags. 2005. Málið var í kynningu frá 05.10 til 20.10.06. Eftirtaldir aðilar sendu inn athugasemdir: Vikar Pétursson f.h. húsfélagsins að Vesturgötu 54A, dags. 19.10.06. Jafnframt er lögð fram samantekt skipulagsfulltrúa dags. 2. nóvember 2006 og umsögn Umhverfissviðs, dags. 24.10.06. Lagt fram bréf Reykjaprents, dags. 7.02.07. Einnig lögð fram ný deiliskipulagstillaga stækkaðs Nýlendureits VA arkitekta, mótt. 9.03.07.
Kynna formanni skipulagsráðs.
31.07 Ránargata 12A, (fsp) bakbygging
Lagt fram bréf frá afgreiðslufundi byggingarfulltrúa frá 6. mars 2007 þar sem spurt er hvort byggja megi einnar hæðar bakbyggingu á norðurhluta lóðar svipað og á lóðum austan við lóðina nr. 12 við Ránargötu.
Vísað til umsagnar hverfisarkitekts.
32.07 Þorragata, lóðarumsókn
Lagt fram bréf skrifstofu borgarstjórnar, dags. 22.01.07, varðandi umsókn Eddu Heiðrúnu Backman um lóð við Þorragötu í Litla-Skerjafirði.
Kynna formanni skipulagsráðs.
33.07 Elliðaárdalur, breyting á deiliskipulagi vegna stígs við Stekkjarbakka
Lögð fram tillaga Landslags ehf, dags. 27.02.07, að breytingu á deiliskipulagi Elliðaárdals vegna stíga við Stekkjarbakka og mislægra gatnamóta Stekkjarbakka og Reykjanesbrautar.
Samþykkt að grenndarkynna tillöguna fyrir hagsmunaaðilum að Skálará í Elliðaárdal.
34.07 Vesturlandsvegur, Hallar, br. á deiliskipulagi
Lögð fram drög, dags. 1 febrúar 2007 að tillögu skipulags- og byggingarsviðs að breytingu á deiliskipulagi athafnasvæðis Halla, austan Vesturlandsvegar. Breytingin gengur út á fjölgun lóða. Einnig lögð fram að nýju forsögn skipulagsfulltrúa dags. 2. maí 2006.
Kynna formanni skipulagsráðs.