Bústaðavegur 130, söluskýli, Hlunnavogur 4, Suðurlandsbraut 2, Reynisvatnsheiði, Grófarsel 19, Katrínarlind 2-8, Kristnibraut 89, Þorláksgeisli 17-33, Þórðarsveigur 11-21, Þverás 49, Álagrandi, Baldursgata 36, Bjarnarstígur 4, Framnesvegur 23, Háahlíð 18, Keilugrandi 1, Mímisvegur 2, Nesvegur 51, Skildinganes 4, Sólvallagata 4,

Embættisafgreiðslufundur skipulagsfulltrúa Reykjavíkur samkvæmt samþykkt nr. 627/2000.

14. fundur 2003
Ár 2003, föstudaginn 25. apríl kl. 10:45 var haldinn 14. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru:
Þetta gerðist:

1.03 Bústaðavegur 130, söluskýli, stækkun
Lagt fram bréf Halldórs Más Sverrissonar, dags. 27.03.03, varðandi stækkun á húsnæði söluturnsins Póló, Bústaðavegi 130. Einnig lögð fram umsögn Verkfræðistofu, umhverfis- og tæknisviðs, dags. 10.04.03.
Frestað. Umsækjanda bent á að hafa samband við embættið.
2.03 Hlunnavogur 4, nýtt anddyri
Lagt fram bréf frá afgreiðslufundi byggingarfulltrúa, dags. 15. apríl 2003, þar sem sótt er um leyfi til að byggja anddyri með þaksvölum við vesturhlið hússins á lóðinni nr. 4 við Hlunnavog og rífa jafnframt núverandi svalir á sama stað, samkv. uppdr. Loga Einarssonar, dags. 23.03.03.
Stækkun: 6,6 ferm. og 19,3 rúmm.
Gjald kr. 5.100 + 928
Samþykkt að grenndarkynna umsóknina fyrir hagsmunaaðilum að Sigluvogi 3 og 5 og Hlunnavogi 6.
3.03 Suðurlandsbraut 2, bílageymsluhús
Lagt fram bréf byggingarfulltrúa, dags. 15.04.03, varðandi erindi Ásbrúar sf frá 09.04.03 um akstur frá Hótel Esju.
Hverfisstjóra falið að vinna umsögn.
4.03 Reynisvatnsheiði, afmörkun svæðis fyrir vatnsgeymi
Að lokinni auglýsingu er lagt fram að nýju bréf Magnúsar Skúlasonar arkitekts, dags. 17.09.02, varðandi umsókn um afmörkun svæðis fyrir vatnsgeymi á Reynisvatnsheiði, T4, samkv. uppdr. Teiknistofunnar Laufásvegi 34, dags. 18.10.02. Einnig lögð fram frumathugun og hönnun geymis gerða af Verkfræðistofu Sigurðar Thoroddsen hf, dags. í október 2001, ásamt bókun umhverfis- og heilbrigðisnefndar frá 14. nóvember s.l. Málið var í auglýsingu frá 28. febrúar til 11. apríl, athugsemdafrestur var til 11. apríl 2003. Engar athugasemdir bárust.
Samþykkt með vísan til 2. gr. samþykktar nr. 672/2000 um embættisafgreiðslur skipulagfulltrúa.
5.03 Grófarsel 19, (fsp) svalir, stækka bílskúr
Lagt fram bréf frá afgreiðslufundi byggingarfulltrúa, dags. 16. apríl 2003, þar sem spurt er hvort leyft yrði að fella niður tvö bílastæði á lóð og byggja steinsteypta viðbyggingu og svalir að suðvesturhlið hússins nr. 19 við Grófarsel.
Útskrift úr gerðabók skipulagsfulltrúa frá 31. janúar 2003 (vegna eldri umsóknar) fylgir erindinu.
Samþykki eigenda Heiðarsels 1. 3 og 5 (eigendur bílskúra) dags. 14. janúar 2003 fylgir erindinu ásamt samþykki nokkurra meðlóðarhafa dags. 4. september 2002.
Frestað. Vísað til umsagnar verkfræðistofu umhverfis- og tæknisviðs.
6.03 Katrínarlind 2-8, fjölbýli, 4.h, 28 íb., 28 bílg.
Lagt fram bréf frá afgreiðslufundi byggingarfulltrúa, dags. 9. apríl 2003, þar sem spurt er hvort leyft yrði að byggja 4. hæða steinsteypt fjölbýlishús með 28 íbúðum, tveimur stigahúsum og bílgeymslum fyrir samtals 28 bíla í líkingu við fyrirliggjandi uppdrætti, þar sem austasti húshlutinn fer 1m nær götu en deiliskipulag gerir ráð fyrir á lóð nr. 2-8 við Katrínarlind.
Ekki gerð athugasemd við umsótta breytingu enda láti umsækjandi, á eigin kostnað, vinna tillögu að breytingu á deiliskipulagi í samræmi við fyrirspurn.
7.03 Kristnibraut 89, fjölgun íbúða
Lagt fram bréf ARKÍS ehf, dags. 14.04.03, varðandi fyrirspurn um hvort fjölga megi íbúðum á lóðinni úr sex í átta, samkv. meðfylgjandi hugmynd.
Neikvætt, umsækjandi haldi sig við íbúðafjölda samkvæmt gildandi deiliskipulagi.
8.03 Þorláksgeisli 17-33, breyting á deiliskipulagi
Lagt fram bréf Arkitekta Skógarhlíð ehf, dags. 11. apríl 2003, varðandi breytingar á byggingarreit á lóðinni nr. 17-33 við Þorláksgeisla.
Frestað. Óskað eftir umsögn skipulagshöfunda um erindið.
9.03 Þórðarsveigur 11-21, breyting á deiliskipulagi
Lögð fram tillaga Vektors að breytingu á deiliskipulagi á lóðinni nr. 11-21 við Þórðarhöfða, dags. 18. apríl 2003.
Samþykkt að grenndarkynna tillöguna fyrir hagsmunaaðilum að Þórðarsveig 1-9 og Andrésarbrunni 1-7.
10.03 Þverás 49, bílastæði
Lagt fram bréf eigenda að Þverási 49, dags. 22. apríl 2003, varðandi gerð bílastæðis á lóðinni, samkv. meðfylgjandi mæliblaði. Einnig lagt fram samþykki eigenda húsanna að Þverási 43, 45 og 47, mótt. 23.04.03.
Frestað. Vísað til umsagnar gatnamálastofu umhverfis- og tæknisviðs.
11.03 Álagrandi, breyting á deiliskipulagi
Að lokinni grenndarkynningu er lögð fram að nýju tillaga skipulagsfulltrúa, dags. 13. mars 2003, að breytingu á deiliskipulagi við Álagranda. Málið var í kynningu frá 19. mars til 17. apríl 2003. Athugasemdabréf barst frá Árna H. Jóhannssyni, Aflagranda 18, dags. 14.04.03. Einnig lögð fram umsögn skipulagsfulltrúa, dags. 23. apríl 2003.
Kynnt. Vísað til skipulags- og bygginganefndar.
12.03 Baldursgata 36, breytingar
Að lokinni grenndarkynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa, dags. 5. febrúar 2003, þar sem sótt er um leyfi til þess að byggja svalir á austurhlið (bakhlið) annarrar og þriðju hæðar og breyta þakkanti hússins á lóðinni nr. 36 við Baldursgötu, samkv. uppdr. Vinnustofunnar Vesturvör 9, dags. 20.11.02. Jafnframt er gerð grein fyrir eignarhaldi í húsinu.
Samþykki eiganda fyrstu hæðar hússins dags. 9. janúar 2003 fylgir erindinu. Einnig lögð fram umsögn skipulagsfulltrúa, dags. 14. febrúar 2003. Málið var í kynningu frá 18. febrúar til 19. mars 2003. Athugasemdabréf barst frá íbúum að Lokastíg 16, dags. 14.03.03. Einnig lögð fram umsögn forvarnardeildar Slökkviliðs höfuðborgarsvæðisins, dags. 14.04.03.
Gjald kr. 4.800
Frestað. Hverfisstjóra falið að vinna umsögn.
13.03 Bjarnarstígur 4, byggja yfir útitröppur
Lagt fram bréf frá afgreiðslufundi byggingarfulltrúa, dags. 9. apríl 2003, þar sem sótt er um leyfi til að bygga yfir útitröppur við austurhlið hússins á lóðinni nr. 4 við Bjarnarstíg (matshl. 01), samkv. uppdr. Sigurðar Guðmundssonar, dags. í mars 2003.
Samþykki meðlóðarhafa fylgir áritað á teikingu.
Stækkun: xx
Gjald kr. 5.100 + xx
Samþykkt að grenndarkynna umsóknina fyrir hagsmunaaðilum að Njálsgötu 12a, 14, 16 og Bjarnarstíg 1, 3 og 5.
14.03 Framnesvegur 23, (fsp) íbúð á 1. h
Lagt fram bréf frá afgreiðslufundi byggingarfulltrúa, dags. 9. apríl 2003, þar sem spurt er hvort leyft yrði að innrétta 2. herbergja íbúð í líkingu við fyrirliggjandi uppdrætti á 1. hæð íbúðarhússins á lóð nr. 23 við Framnesveg.
Frestað. Hverfisstjóra falið að vinna umsögn.
15.03 Háahlíð 18, hækkun
Lagt fram bréf Guðna Pálssonar arkitekts, dags. 11.04.03, varðandi ofanábyggingu á húsið Háuhlíð 18, samkv. uppdr. dags. 10.04.03.
Jákvætt að uppfylltum skilyrðum. Grenndarkynna þarf endanlega tillögu berist hún.
16.03 Keilugrandi 1, sala
Lagt fram bréf Grýtu-Hraðhreinsun ehf, dags. 16. apríl 2003, varðandi sölu á húsnæðinu að Keilugranda 1 og heimild til að opna þar verslun.
Frestað. Hverfisstjóra falið að vinna umsögn.
17.03 Mímisvegur 2, fsp. íbúð í risi og fl.
Lagt fram bréf frá afgreiðslufundi byggingarfulltrúa, dags. 25.09.02, þar sem spurt er hvort leyft yrði að hækka þak yfir stigahúsi, byggja viðbyggingar á vesturhlið þakhæðar og útbúa íbúð á þakhæð hússins nr. 2 við Mímisveg, samkv. uppdr. AN2 arkitekta, dags. 20.08.02.
Bréf hönnuðar (ódags.) fylgir erindinu. Einnig lögð fram umsögn Árbæjarsafns, dags. 16.04.03.
Jákvætt. Grenndarkynna þarf umsókn berist hún.
18.03 Nesvegur 51, hækkun á risi
Lagt fram bréf frá afgreiðslufundi byggingarfulltrúa, dags. 9. apríl 2003, þar sem sótt er um leyfi til þess að byggja hæð ofan á húsið á lóðinni nr. 51 við Nesveg, samkv. uppdr. Nýju teiknistofunnar ehf, dags. 24.01.03.
Þakhæðin verður hluti íbúðar á fyrstu hæð.
Samþykki meðeigenda dags. 1. apríl 2003 fylgir erindinu. Einnig lögð fram umsögn skipulagsfulltrúa, dags. 24.04.02 og skuggavarp Nýju teiknistofunnar ehf, dags. 16.04.03.
Stærð: Stækkun þakhæð xx
Gjald kr. 5.100 + xx
Samþykkt að grenndarkynna umsóknina fyrir hagsmunaaðilum að Nesvegi 49, 53, 52, 58 og 60 og Sörlaskjóli 62, 64 og 70.
19.03 Skildinganes 4, breyting á deiliskipulagi
Að lokinni grenndarkynningu er lögð fram að nýju tillaga Málfríðar Kristjánsdóttur arkitekts, dags. 4. mars 2003, að breytingu á deiliskipulagi á lóðinni nr. 4 við Skildinganes. Málið var í kynningu frá 19. mars til 17. apríl 2003. Athugasemdabréf bárust frá Höskuldi Hrafni Ólafssyni, Skildinganesi 6, dags. 14.04.03 og 12 nágranna, dags. 15.04.03. Einnig lögð fram umsögn skipulagsfulltrúa, dags. 22. apríl 2003.
Vísað til skipulags- og bygginganefndar.
20.03 Sólvallagata 4, bílgeymsla ofl.
Að lokinni grenndarkynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa, dags. 13. mars 2003, þar sem sótt er um leyfi til þess að byggja kjallaratröppur og viðbyggingu að kjallara og fyrstu hæð norðurhliðar húss, fella niður kjallaratröppur á austurhlið húss og byggja bílskúr í norðausturhorni lóðar.
Jafnframt er sótt um leyfi til þess að reisa steinsteyptan garðvegg að götu og breyta innra fyrirkomulagi á fyrstu hæð hússins á lóðinni nr. 4 við Sólvallagötu, samkv. uppdr. Teiknistofunnar Skólavörðustíg 28, dags. 15.02.03. Umsögn Árbæjarsafns dags. 3. mars 2003 fylgir erindinu. Samþykki eiganda Sólvallagötu 2 (á teikn.) fylgir erinidinu. Einnig lagt fram skuggavarp, dags. 10.03.03. Málið var í kynningu frá 25. mars til 23. apríl 2003. Athugasemdabréf bárust frá Herdísi Þorgeirsdóttur, Hávallagötu 9, dags. 15.04.03, Auði Ólafsdóttur, Hávallagötu 11, dags. 12.04.03. Einnig lagðar fram athugasemdir Einars Þórs Sverrissonar hdl. f.h. húseigenda Sólvallagötu 4, dags. 22.04.03, varðandi athugasemdabréf sem bárust vegna grenndarkynningar.
Stærð: Bílskúr (matshl. 02) 40,2 ferm. og 123,6 rúmm. Viðbygging húss xx ferm. og xx rúmm.
Gjald kr. 5.100 + xx
Frestað. Hverfisstjóra falið að vinna umsögn.