Baugatangi 4, Vesturbæjarsundlaug, Njálsgötureitur, Skipholt 19, Skúlatún 6, Breiðavík 59-63, Skógarsel 11-15, Æsufell 2-4-6, Víkurvegur, Tunguháls 1-3, Kjalarnes, Brautarholt,

Embættisafgreiðslufundur skipulagsstjóra Reykjavíkur samkvæmt samþykkt nr. 627/2000.

34. fundur 2001
Ár 2001, föstudaginn 12. október kl. 14:00 var haldinn 41. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 3. 3. hæð. Viðstaddir voru: Þorvaldur S. Þorvaldsson, Helga Bragadóttir, Þórarinn Þórarinsson og Bjarnfríður Vilhjálmsdóttir. Eftirtaldir embættismenn gerðu grein fyrir einstölum málum: Margrét Þormar, Úlfar Másson og Ágústa Sveinbjörnsdóttir. Fundarritari var Ívar Pálsson.
Þetta gerðist:

1.01 Baugatangi 4, einbýlishús - breytt
Að lokinni grenndarkynningu er lögð fram að nýju tillaga Teiknistofu Halldórs Guðmundssonar, dags. 21.08.01, að breytingu á deiliskipulagi Skildingarness, vegna lóðarinnar nr. 4 við Baugatanga. Málið var í kynningu frá 4. sept. til 3. okt. 2001. Athugasemdabréf bárust frá Ingibjörgu G. Jónsdóttur, Baugatanga 1, dags. 02.10.01, Ólafi Erlingsyni, Baugatanga 5, dags. 02.10.01, Guðmundi Hjaltasyni og Elísabetu Kristbergsdóttur, Baugatanga 2, dags. 03.10.01, Guðmundir Hjaltasyni Baugatanga 2, dags. 03.10.01.
Samþykkt að veita eigendum Baugatanga 2 frest til 19. október til þess að skila athugasemdum.
2.01 Vesturbæjarsundlaug,
Lögð fram tillaga Jes Einars Þorsteinssonar arkitekts, dags. í október 2001 að skipulagi við Vesturbæjarsundlaug.
Kynnt.
3.01 Njálsgötureitur, deiliskipulag
Lögð fram tillaga Teiknistofunnar Traðar, dags. 12.10.01, að deiliskipulagi Njálsgötureits.
Lagfæra þarf uppdrætti.
4.01 Skipholt 19, (fsp) stækkun 1.hæðar
Lagt fram bréf frá afgreiðslufundi byggingarfulltrúa, dags. 04.10.01, þar sem spurt er hvort leyft yrði að stækka 1. hæð veitingarstaðarins Ruby Tuesday í suður og vestur í líkingu við fyrirliggjandi uppdrætti af húsinu á lóð nr. 19 við Skipholt, samkv. uppdr. ALARK arkitekta, dags. 18.09.01.
Jákvætt að uppfylltum skilyrðum.
5.01 Skúlatún 6, (fsp) Byggja í skarð við Skúlagötu
Lagt fram bréf frá afgreiðslufundi byggingarfulltrúa, dags. 26.09.01, þar sem spurt er hvort leyft yrði að byggja eina hæð og aðra inndregna ofan á aðra hæð suðurhluta hússins nr. 6 við Skúlatún. Jafnframt yrði húsið tengt húsinu Skúlagata 57 með glerbyggingu á fjórðu (efstu) hæð, samkv. uppdr. Arkform, dags. 15.03.01. Samsvarandi erindi fékk jákvæða afgreiðslu á afgreiðslufundi byggingarfulltrúa 21. mars 2000.
Frestað milli funda.
6.01 Breiðavík 59-63, br. á lóðarmörkum
Lagt fram bréf íbúa við Breiðuvík 59-63, dags. 16.05.00, varðandi breytingu á suðurmörkum lóðar nr. 59-63 við Breiðuvík. Einnig lagt fram bréf Pálínu G. Guðmundsdóttur, dags. 25.09.00 og bréf Frímanns Ferdinandssonar f.h. húsfélaganna í Breiðuvík 37 og 39 dags. 16.10.00 og bréf Borgarskipulags dags. 30.07.01.
Boða þarf fulltrúa húsfélaganna að Breiðuvík 35, 37 og 39 á fund vegna málsins.
7.01 Skógarsel 11-15, uppbygging á lóð
Lagt fram bréf Teiknistofunnar ehf, dags. 25.09.01 ásamt tillögu, dags. 24.09.01, að uppbyggingu á lóðinni nr. 11-15 við Skógarsel.
Hverfisstjóra falið að óska eftir ítarlegri gögnum.
8.01 Æsufell 2-4-6, gróður
Lagt fram bréf Óttarrs Guðlaugssonar f.h. húsfélagsins Æsufelli 2-4-6, dags. 03.10.01, varðandi gróðursetningu trjáplantna á svæði fyrir framan fasteignina.
Embættið er jákvætt gagnvart erindinu. Framsent til garðyrkjustjóra til afgreiðslu.
9.01 Víkurvegur, hljóðmön
Lagt fram að nýju bréf Guðríðar Guðmundsdóttir leiksk.stjóra í Fossakoti, dags. 17.09.01, varðandi hljóðmön við Víkurveg. Einnig lagt fram bréf gatnamálastjóra, dags. 5. okt. 2001.
Umsögn gatnamálstjóra kynnt.
10.01 Tunguháls 1-3, breyting á deiliskipulagi
Lögð fram tillaga Gunnlaugs Ó. Johnsen arkitekts, ódags. að breytingu á deiliskipulagi í Hálsahverfi á lóðinni nr. 1-3 við Tunguháls vegna stækkunar byggingarreits.
Frestað.
11.01 Kjalarnes, Brautarholt, deiliskipulag
Lögð fram deiliskipulagstillaga Einars Ingimarssonar ark. dags. 12.10.01
Samþykkt að grenndarkynna tillöguna fyrir eigendum Brautarholts I.