Grettisgata 2A, Háaleitisbraut 66 og 70, Miðborgin, Borgarlína og fluglest, Miðborgin, Samgöngu- og þróunarás, Strætó, Miklabraut, Strætó, Afgreiðslufundir skipulagsfulltrúa Reykjavíkur, Afgreiðslufundur byggingarfulltrúa, Borgargötur, Umhverfis- og skipulagssvið, Fyrirspurn fulltrúa Sjálfstæðisflokksins, Reglur um framkvmdir í miðborgum Evrópu, Fyrirspurn fulltrúa Sjálfstæðisflokksins,

138. fundur 2016
Ár 2016, miðvikudaginn 17. febrúar kl. 9:12 var haldinn 138. fundur umhverfis- og skipulagsráðs Reykjavíkur. Fundurinn var haldinn að Borgartúni 12 - 14, 7. hæð. Ráðssal. Viðstaddir voru: Hjálmar Sveinsson, Magnea Guðmundsdóttir, Gísli Garðarsson, Sverrir Bollason, Júlíus Vífill Ingvarsson, Hildur Sverrisdóttir, Sigurður Ingi Jónsson og Sigurborg Ó Haraldsdóttir áheyrnarfulltrúi. Eftirtaldir embættismenn sátu fundinn: Ólöf Örvarsdóttir, Örn Sigurðsson, Björn Axelsson, Ágústa Sveinbjörnsdóttir, Stefán Finnsson og Marta Grettisdóttir Fundarritari er Erna Hrönn Geirsdóttir. Þetta gerðist:
Þetta gerðist:

Umsókn nr. 160040
1. Grettisgata 2A, bílastæði fyrir hreyfihamlaða (USK2016020041)
Lagt fram bréf umhverfis- og skipulagssviðs, samgöngur dags. 11. febrúar 2016 þar sem lagt er til að afmarkað verði eitt almennt bifreiðastæði fyrir hreyfihamlaða við Grettisgötu 2A næst Klapparstíg.

Samþykkt með fyrirvara um samþykki lögreglustjóra höfuðborgarsvæðisins.
Umsókn nr. 160041 (01.72.710.1)
2. Háaleitisbraut 66 og 70, stöðubann (USK2016020043)
Lagt fram bréf umhverfis- og skipulagssviðs, samgöngudeildar, dags. 12. febrúar 2016, þar sem lagt er til að sett verði stöðubann við suður- og norðurkant aðkomugötu að Háaleitisbraut 66 og 70, þ.e. að Grensáskirkju, leikskólanum Austuborg og Austurveri.
Samþykkt með fyrirvara um samþykki lögreglustjóra höfuðborgarsvæðisins.
Umsókn nr. 140187
3. Miðborgin, sleppistæði fyrir hópbifreiðar (USK2013020026)
Kynning á vinnu um sleppistæði í miðborginni fyrir rútur.

Kynnt.
Umsókn nr. 160052
4. Borgarlína og fluglest, kynning
Kynning á vinnu við borgarlínu samanber stefnumörkun svæðisskipulags höfuðborgarsvæðisins og hugmynd um svokallaða fluglest til Keflavíkur.

Hrafnkell Proppe svæðisskipulagsstjóri kynnir.
Umsókn nr. 160036
5. Miðborgin, framkvædir á götum.
Kynning á framkvæmdum í miðborg Reykjavíkur.

Ámundi V. Brynjólfsson skrifstofustjóri framkvæmda og viðhalds kynnir.
Umsókn nr. 160043
6. Samgöngu- og þróunarás, kynning
Kynning á undirbúningi vinnu við skipulag á samgöngu- og þróunarás.

Jón Kjartan Ágústsson verkefnisstjóri kynnir.
Umsókn nr. 160037
7. Strætó, forgangsreinar fyrir Strætó
Kynning á forgangsreinum fyrir Strætó.

Þorsteinn Hermannsson fagstjóri samgangna hjá Mannvit kynnir.
Umsókn nr. 160038
8. Miklabraut, Miklabraut í stokk
Kynning á framkvæmd að færa Miklubraut í stokk.

Fulltrúar Vegagerðarinnar Magnús Einarsson, Jónas Snæbjörnsson og Eiríkur Bjarnason taka sæti á fundinum undir þessum lið.

Baldvin Einarsson verkfræðingur hjá Eflu kynnir


Umsókn nr. 160042
9. Strætó, leiðarkerfi Strætó
Kynning á leiðarkerfi Strætó.
Ragnheiður Einarsdóttir sérfræðingur í samgönguskipulagi kynnir.
Umsókn nr. 10070
10. Afgreiðslufundir skipulagsfulltrúa Reykjavíkur, fundargerð
Lögð fram fundargerð afgreiðslufundar skipulagsfulltrúa Reykjavíkur, dags. 12. febrúar 2016.




Umsókn nr. 45423
11. Afgreiðslufundur byggingarfulltrúa, Fundargerð
Fylgiskjal með fundargerð þessari eru fundargerð afgreiðslufundar byggingarfulltrúa nr. 863 frá 16. febrúar 2016.


Umsókn nr. 160026
12. Borgargötur, starfshópur
Lögð fram tillaga að starfshópi um borgargötur í Reykjavík. Einnig er lagt fram erindisbréf starfshópsins dags. í febrúar 2016.

Samþykkt að skipa Sigurborgu Ósk Haraldsdóttur, Sverrir Bollason, Herdísi Önnu Þorvaldsdóttur, Kristinn Jón Eysteinsson, Halldóru Hrólfsdóttur og Hildi Gunnlaugsdóttur í starfshópinn.
Umsókn nr. 130118
13. Umhverfis- og skipulagssvið, yfirlit yfir innkaup
Lagt fram yfirlit yfir innkaup umhverfis- og skipulagssviðs á verkum yfir milljón í desember 2015.



Umsókn nr. 160053
14. Fyrirspurn fulltrúa Sjálfstæðisflokksins, Stór atvinnu- og iðnaðarsvæði verða tekin undir íbúðabyggð.
Fulltrúar Sjálfstæðisflokksins Júlíus Vífill Ingvarsson og Hildur Sverrisdóttir leggja fram eftirfararndi fyrirspurn:
Stór atvinnu- og iðnaðarsvæði verða tekin undir íbúðabyggð á þessu og næstu árum. Nægir að nefna Vogabyggð (Elliðaárvog), Höfðann, Skeifuna, Laugaveg og Múlana en á þessum reitum eru skráð mjög mörg og rótgróin fyrirtæki. Ljóst er að atvinnustarfsemi margra þessara félaga samræmist ekki fyrirhugaðri íbúðabyggð þannig að þau eiga ekki annarra kosta völ en að undirbúa flutning og sækja um nýjar lóðir fyrir starfsemi sína á höfuðborgarsvæðinu. Hvaða atvinnusvæði innan borgarmarkanna hefur verið deiliskipulagt fyrir þessi fyrirtæki? Hver hefur undirbúningur á þeim svæðum verið og hvenær verður vegagerð og framkvæmdum við aðra grunnþjónustu lokið? Hvenær mun úthlutun atvinnulóða hefjast?
Frestað.
Umsókn nr. 160054
15. Reglur um framkvmdir í miðborgum Evrópu, Tillaga fulltrúa Sjálfstæðisflokksins
Að undanförnu hafa íbúar og rekstraraðilar í miðborg Reykjavíkur og á svonefndum þéttingarreitum í eldri hverfum orðið að þola mikið ónæði vegna byggingarframkvæmda . Oft hafa skapast aðstæður sem ekki verður lýst öðruvísi en sem óþolandi fyrir þau sem næst eru byggingarstað.
Óskað er eftir því að umhverfis- og skipulagssvið taki saman greinargerð um þær reglur sem gilda um framkvæmdir í miðborgum Evrópu. Einkanlega skal athyglinni beint að þeim borgum þar sem uppbygging í sögulegum miðborgum hefur verið mikil á undanförnum árum. Jafnframt verði gerð samantekt á þeirri tæknilegu þróun sem orðið hefur á tækjum sem notuð eru við jarðvinnu við þessar aðstæður. Þessar upplýsingar verði notaðar til að fara yfir og endurskoða reglur sem gilda um framkvæmdir í eldri íbúðahverfum og svæðið sem er innan Hringbrautar og Snorrabrautar en ýmislegt bendir til þess að þær séu of rúmar. Niðurstöður verði lagðar fyrir umhverfis- og skipulagsráð sem mun taka ákvarðanir um endurskoðun og breytingar á reglum borgarinnar hvað þetta varðar í framhaldinu. Vegna mikillar uppbyggingar sem einkum tengist aukinni ferðaþjónustu er mikilvægt að hraða þessari vinnu.

Frestað.
Umsókn nr. 160055
16. Fyrirspurn fulltrúa Sjálfstæðisflokksins, rýmka reglur um hollustuhætti og matvæli
Fulltrúar Sjálfstæðisflokksins Júlíus Vífill Ingvarsson og Hildur Sverrisdóttir leggja fram eftirfarandi fyrirspurn:
Á fundi borgarstjórnar þann 19. maí 2015 var svohljóðandi tillaga samþykkt: "Borgarstjórn samþykkir að beina þeim tilmælum til ríkisvaldsins að rýmka reglur um hollustuhætti og matvæli svo það sé hverju sveitarfélagi í sjálfsvald sett hvernig það kýs að haga reglum um á hvaða stöðum sé leyfilegt að hafa dýr, svo sem á kaffihúsum, veitingastöðum, líkamsræktarstöðvum, samkomuhúsum o.s.frv. Það er réttlætismál að sveitarfélög hafi svigrúm gagnvart eigendum slíkra staða að leyfa dýrahald ef þeir óska." Bréf þessa efnis var sent Umhverfisráðuneytinu í maí 2015. Óskað er upplýsinga um hvar þetta mál er statt og eftir atvikum að rekið sé á eftir viðbrögðum.

Frestað.