Elliðaárdalur, Geirsgata, Laugarás, reitur 1.381, Reitur 1.131, Nýlendureitur, Afgreiðslufundur byggingarfulltrúa, Þórunnartún 4, Borgartún 8-16A, Reitur 1.171.1, Ferðavenjukönnun 2014, Umhverfis- og skipulagssvið, Umhverfis- og skipulagssvið, Laufásvegur 2, Þórsgata 13, Geirsgata 3, Kjalarnes, Melavellir, Borgartún 28, Bryggjuhverfi, Aðalskipulag Reykjavíkur 2010-2030,

79. fundur 2014
Ár 2014, miðvikudaginn 24. september kl. 09:05, var haldinn 79. fundur umhverfis- og skipulagsráðs Reykjavíkur. Fundurinn var haldinn að Borgartúni 12 - 14, 7. hæð. Ráðssal. Viðstaddir voru: Hjálmar Sveinsson, Magnea Guðmundsdóttir, Gísli Garðarsson, Páll Hjalti Hjaltason, Herdís Anna Þorvaldsdóttir, Sigurður Ingi Jónsson og Svafar Helgason árheyrnarfulltrúi. Eftirtaldir embættismenn sátu fundinn: Ólöf Örvarsdóttir, Björn Axelsson, Björn Stefán Hallsson, Ágústa Sveinbjörnsdóttir, Ólafur Bjarnason, Magnús Ingi Erlingsson og Helena Stefánsdóttir. Fundarritari var Harri Ormarsson.
Þetta gerðist:

Umsókn nr. 130123
1. Elliðaárdalur, hjóla- og göngustígur og brú yfir Elliðaár
Kynning á hjóla- og göngustíg í Elliðaárdal og brú yfir Elliðaár.
Samþykkt til fullnaðarhönnunar.

Börkur Gunnarsson tekur sæti á fundinum kl. 09:14.
Umsókn nr. 140150
2. Geirsgata, breyting á umferð
Lögð fram tillaga umhverfis- og skipulagssviðs dags. september 2014 um breytingu á umferð á Geirsgötu.

Kynnt.
Umsókn nr. 140132 (01.38.1)
510497-2799 Félagsbústaðir hf.
Hallveigarstíg 1 101 Reykjavík
420299-2069 ASK Arkitektar ehf.
Geirsgötu 9 101 Reykjavík
3. Laugarás, reitur 1.381, breyting á deiliskipulagi
Að lokinni auglýsingu er lögð fram að nýju umsókn Félagsbústaða hf. dags. 27. mars 2014 varðandi breytingu á deiliskipulagi reits 1.381, Laugarás. Í breytingunni felst breyting á afmörkun deiliskipulagsins og aukningu á byggingarmagni lóðarinnar nr. 6 við Austurbrún, samkvæmt uppdr. Ask arkitekta ehf. dags 25. mars 2014. Tillagan var auglýst frá 5. maí til og með 16. júní 2014. Eftirtaldir aðilar sendu athugasemdir: Eigendur og íbúar að Vesturbrún og Austurbrún dags. 14. júní 2014 og Jóhann G. Jóhannsson dags. 16. júní 2014. Einnig er lögð fram umsögn skipulagsfulltrúa dags. 23. júlí 2014.

Samþykkt með vísan til umsagnar skipulagsfulltrúa dags. 23. júlí 2014.
Vísað til borgarráðs.

Fulltrúi Sjálfstæðisflokksins Börkur Gunnarsson sitjur hjá við afgreiðslu málsins.
Umsókn nr. 130122 (01.13)
530269-7609 Reykjavíkurborg
Ráðhúsinu 101 Reykjavík
4. Reitur 1.131, Nýlendureitur, breyting á deiliskipulagi
Á fundi skipulagsfulltrúa 11. desember 2013 var lagt fram bréf borgarstjóra dags. 28. nóvember 2013 um samþykkt borgarráðs s.d. vegna breytinga á deiliskipulagi Nýlendureits, 1.131. Lögð var fram svohljóðandi tillaga Sjálfstæðisflokksins sem vísað var til meðferðar umhverfis- og skipulagsráðs: " Í því skyni að ná meiri sátt um kirkjubyggingu á Nýlendureit er lagt til að skoðað verði hvort unnt sé að koma byggingunni fyrir á nýjum og betri stað, á horni Mýrargötu og Seljavegar." Borgarráð óskar eftir upplýsingum ráðsins. Einnig er lögð fram umsögn eigna og atvinnuþróunar dags. 29. ágúst 2014 og umsögn skipulagsfulltrúa dags. 22. september 2014.

Margrét Þormar verkefnisstjóri situr fundinn undir þessum lið
Umsögn skipulagsfulltrúa dags. 22. september samþykkt.
Umsókn nr. 45423
5. Afgreiðslufundur byggingarfulltrúa, Fundargerð
Fylgiskjöl með fundargerð þessari eru nr. 795 frá 23. september 2014.






Umsókn nr. 47985 (01.22.000.4)
470314-0520 Þórunnartún 4 slf.
Bolholti 4 105 Reykjavík
6. Þórunnartún 4, Viðbygging - hótel
Sótt er um leyfi til að byggja viðbyggingu á bakhlið, byggja inndregna 5. hæð ofan á og til að innrétta gististað með 93 herbergjum í flokki V, teg. a á lóð nr. 4 við Þórunnartún. Einnig er lögð fram umsögn fagrýnihóps ódags.
Stækkun: 1.817 ferm., 5.759,7 rúmm. Útskrift úr gerðabók skipulagsfulltrúa frá 25. júlí 2014 ásamt umsögn skipulagsfulltrúa dags. 22. júlí 2014 fylgja með erindinu. Gjald kr. 9.500

Kynnt.
Umsókn nr. 140465 (01.22.01)
520613-1370 Höfðatorg ehf.
Stórhöfða 34-40 110 Reykjavík
7. Borgartún 8-16A, (fsp) breyting á deiliskipulagi
Lögð fram fyrirspurn Höfðatorgs ehf. dags. 4. september 2014 um að bæta við hæð ofan á hótelbyggingu á lóð nr. 8-16A við Borgartún.

Lilja Grétarsdóttir verkefnisstjóri situr fundinn undir þessum lið.

Frestað.
Umsókn nr. 140388 (01.17.11)
671106-0750 Þingvangur ehf.
Hlíðasmára 9 201 Kópavogur
8. Reitur 1.171.1, (fsp) Hljómalindarreitur
Á fundi skipulagsfulltrúa 25. júlí 2014 var lögð fram fyrirspurn Þingvangs ehf. dags 21. júlí 2014 ásamt bréfi dags. s.d. um breytingu á deiliskipulagi reits 1.171.1, Hljómalindarreits. Í breytingunni felst að íbúðir sem samþykktar eru á efstu hæðum húsanna að Hverfisgötu 30, 32 og 34 og íbúð á efstu hæð hússins að Smiðjustíg 4 verði breytt í hótelherbergi.

Borghildur Sölvey Sturludóttir verkefnisstjóri situr fundinn undir þessum lið.
Sigurður Hallgrímsson frá Arkþing ehf. kynnir.
Frestað.
Umsókn nr. 140161
9. Ferðavenjukönnun 2014, kynning
Kynning á ferðavenjukönnun 2014.

Kynnt.
Umsókn nr. 140160
10. Umhverfis- og skipulagssvið, starfs- og fjárhagsáætlun fyrir árið 2015
Kynning á starfs- og fjárhagsáætlun umhverfis- og skipulagssviðs Reykjavíkurborgar fyrir árið 2015.

Kynnt.
Umsókn nr. 130045
11. Umhverfis- og skipulagssvið, innkaupaskýrsla
Lagt fram yfirlit yfir viðskipti umhverfis- og skipulagssviðs við innkaupadeild í ágúst 2014.


Umsókn nr. 140472 (01.18.30)
701211-0140 Úrskurðarnefnd umhverfis/auðlin
Skuggasundi 3 101 Reykjavík
12. Laufásvegur 2, kæra 98/2014, umsögn
Lagt fram bréf úrskurðarnefndar umhverfis- og auðlindamála frá 2. september 2014 ásamt kæru, dags. 1. september 2014 þar sem kærð er synjun byggingarfulltrúa 26. ágúst 2014 á umsókn um byggingarleyfi til að innrétta gististað í flokki I að Laufásvegi 2. Einnig lögð fram umsögn umhverfis- og skipulagssviðs, dags. 17. september 2014.


Umsókn nr. 140386 (01.18.11)
701211-0140 Úrskurðarnefnd umhverfis/auðlin
Skuggasundi 3 101 Reykjavík
13. Þórsgata 13, kæra 76/2014, umsögn
Lagt fram bréf úrskurðarnefndar umhverfis- og auðlindamála dags. 18. júlí 2014 ásamt kæru dags. 11. júlí 2014 þar sem kærð er synjun borgarráðs 3. júlí s.l. á beiðni um breytingu deiliskipulags vegna Þórsgötu 13. Einnig er lögð fram umsögn umhverfis- og skipulagssviðs dags. 15. september 2014.


Umsókn nr. 140412 (01.11.6)
701211-0140 Úrskurðarnefnd umhverfis/auðlin
Skuggasundi 3 101 Reykjavík
14. Geirsgata 3, kæra 87/2014, umsögn, úrskurður
Lagt fram bréf úrskurðarnefndar umhverfis- og auðlindamála, dags. 5. ágúst 2014 ásamt kæru, dags. s.d. þar sem kærð er samþykkt afgreiðslufundar byggingarfulltrúa frá 24. september 2013 um breytta nýtingu á verbúð að Geirsgötu 3 þannig að m.a. verði heimilað að hafa 58 gesti utan húss, breyta gluggum o.fl. Einnig lögð fram umsögn umhverfis- og skipulagssviðs, dags. 11. ágúst 2014. Lagður fram úrskurður úrskurðarnefndar umhverfis- og auðlindamála frá 16. september 2014. Úrskurðarorð: Hafnað er kröfu kærenda um ógildingu á ákvörðun byggingarfulltrúa að veita leyfi fyrir breyttri nýtingu á verbúð að Geirsgötu 3.


Umsókn nr. 140198
701211-0140 Úrskurðarnefnd umhverfis/auðlin
Skuggasundi 3 101 Reykjavík
15. Kjalarnes, Melavellir, kæra 28/2014, umsögn, úrskurður
Lagt fram bréf úrskurðarnefndar umhverfis- og auðlindamála, dags. 11. apríl 2014 ásamt kæru, dags. 9. apríl 2014, þar sem kærð er ákvörðun borgarráðs Reykjavíkur frá 3.apríl 2014 um að synja breytingu á deiliskipulagi, jarðarinnar Melavalla á Kjalarnesi. Einnig er lögð fram umsögn umhverfis- og skipulagssviðs dags. 2. maí 2014. Lagður fram úrskurður úrskurðarnefndar umhverfis- og auðlindamála frá 19. september 2014. Úrskurðarorð: Hafnað er kröfu kærenda um ógildingu á ákvörðun borgarráðs Reykjavíkur frá 3.apríl 2014 um að synja breytingu á deiliskipulagi jarðarinnar Melavalla á Kjalarnesi.


Umsókn nr. 140139 (01.23.01)
690612-0970 HEK ehf.
Pósthólf 8814 128 Reykjavík
621097-2109 Zeppelin ehf
Skeifunni 19 108 Reykjavík
16. Borgartún 28, breyting á deiliskipulagi
Lagt fram bréf borgarstjóra dags. 18. september 2014 um samþykkt borgarstjórnar dags. 16. september 2014 um breytingu á deiliskipulagi Kirkjutúns vegna lóðar númer 28 við Borgartún.


Umsókn nr. 140301 (04.0)
581198-2569 ÞG verktakar ehf.
Fossaleyni 16 112 Reykjavík
611004-2570 Arcus ehf
Fossaleyni 16 112 Reykjavík
17. Bryggjuhverfi, breyting á deiliskipulagi
Lagt fram bréf borgarstjóra dags. 19. september 2014 um samþykkt borgarráðs dags. 18. september 2014 varðandi auglýsingu um breytingu á deiliskipulagi Bryggjuhverfis vegna lóða við Tangabryggju og Naustabryggju.


Umsókn nr. 140478
18. Aðalskipulag Reykjavíkur 2010-2030, óveruleg breyting
Lagt fram bréf borgarstjóra dags. 19. september 2014 um samþykkt borgarráðs dags. 18. september 2014 varðandi staðfestingu borgarráðs á breytingu á aðalskipulagi Reykjavíkur 2010-2030. Í breytingunni felst að bætt verður við texta í kafla um landnotkun um túlkun sérstakra ákvæða um starfsemi innan landnotkunar.