Snorrabraut/Borgartún, Úlfarsá, Hofsvallagata, Afgreiðslufundir skipulagsfulltrúa Reykjavíkur, Fiskislóð 11-13 og 47, Lindargata 28-32, Austurhöfn, Afgreiðslufundur byggingarfulltrúa, Flugvöllur 106745, Pósthússtræti 11, Háskóli Íslands, Vísindagarðar, Heiðmörk, Gvendarbrunnar, Heiðmörk, Myllulækur, Umhverfis- og skipulagsráð, Umhverfis- og skipulagsráð, Strætóskýli /AFA, Reykjanesfólkvangur, Heiðmörk, rampur fyrir hjólabretti og línuskauta, Forvarnarstefna Reykjavíkurborgar 2013-2017, Garðastræti 21, Grensásvegur 62, Umhverfis- og skipulagsráð, Betri Reykjavík, Betri Reykjavík, Betri Reykjavík, Betri Reykjavík, Betri Reykjavík, Betri Reykjavík, Betri Reykjavík, Betri Reykjavík, Betri Reykjavík, Rauðarárholt v/ Brautarholt 7, Rauðarárholt v/ Brautarholt 7, Suðurgata 18,

37. fundur 2013
Ár 2013, miðvikudaginn 9. október kl. 09:12, var haldinn 37. fundur umhverfis- og skipulagsráðs Reykjavíkur. Fundurinn var haldinn að Borgartúni 12 - 14, 7. hæð. Ráðssal. Viðstaddir voru: Páll Hjalti Hjaltason, Hjálmar Sveinsson, Elsa Hrafnhildur Yeoman, Sóley Tómasdóttir, Júlíus Vífill Ingvarsson , Óttarr Guðlaugsson og Hildur Sverrisdóttir. Eftirtaldir embættismenn sátu fundinn: Ólöf Örvarsdóttir, Björn Axelsson, Ólafur Bjarnason, Erna Hrönn Geirsdóttir og Marta Grettisdóttir. Fundarritari var Björgvin Rafn Sigurðarson.
Þetta gerðist:

Umsókn nr. 130259
1. Snorrabraut/Borgartún, Hjóla- og gönguleið
Lögð fram tillaga umhverfis- og skipulagssviðs dags. 7. október 2013 að hjóla- og gönguleið á Snorrabraut og Borgartúni.

Kristín Soffía Jónsdóttir tekur sæti á fundinum kl. 09:16.

Samþykkt með fyrirvara um samþykkt lögreglustjóra Höfuðborgarsvæðisins
Fulltrúar Sjálfstæðisflokksins Júlíus Vífill Ingvarsson, Hildur Sverrisdóttir og Óttarr Guðlaugsson sátu hjá við afgreiðslu málsins.

Umsókn nr. 130253
541170-0149 Veiðifélag Úlfarsár
Hlaðhömrum 2 270 Mosfellsbær
2. Úlfarsá, fleyga klöpp í árfarvegi
Lagt fram erindi stjórnar Veiðifélags Úlfarsár dags. 15. maí 2013 varðandi leyfi til að fleyga úr klöpp í árfarvegi Úlfarsár til að auðvelda uppgöngu laxa í ánni. Einnig er lögð fram umsögn Veiðimálastofnunar dags. 7. maí 2013.

Guðmundur B. Friðriksson tekur sæti á fundinum og kynnir.

Umhverfis- og skipulagsráð vísar erindinu til umsagnar hjá skrifstofu umhverfisgæða

Umsókn nr. 130246
3. Hofsvallagata, minnisblað frá borgarafundi
Lagt fram minnisblað umhverfis- og skipulagssviðs dags. 24. september 2013 sem kynnt var á almennum borgarafundi vegna breytinga sem voru gerðar á Hofsvallagötu.

Karl Sigurðsson tekur sæti á fundinum kl. 09:33.



Fulltrúar Samfylkingar Hjálmar Sveinsson og Kristín Soffía Jónsdóttir , fulltrúar Besta flokksins, Páll Hjaltason, Elsa Hrafnhildur Yeoman og Karl Sigurðsson og fulltrúi Vinstri grænna Sóley Tómasdóttir samþykkja minnisblað með þeim breytingum sem fram koma í eftirfarandi bókun: "Samráðshópi íbúa er þakkað kærlega fyrir góðar ábendingar um hönnun og útfærslu á Hofsvallagötu og fallast á þær tillögur sem fram koma í umsögn minnisblaðs Umhverfis- og skipulagssviðs og hafa verið kynntar samráðshópi íbúa, þó með þeirri undantekningu að hjólastígurinn verði óbreyttur að gatnamótum Hofsvallagötu og Hringbrautar og ein akrein verði áfram að gatnamótunum. Fyrirkomulag hjólastígsins er tilraun fram að endanlegri hönnun götunnar sem fyrirhuguð er á næsta ári og því mikilvægt að fá reynslu á fyrirkomulagið áður en framkvæmt er til lengri framtíðar. Þær breytingar sem nú eru fyrirhugaðar skulu kynntar samráðshópi og íbúum.
Í drögum að fjárhagsáætlun árið 2014 er gert ráð fyrir varanlegum framkvæmdum á Hofsvallagötu. Lögð er áhersla á að samráð skuli haft við íbúa og hverfisráð Vesturbæjar við hönnun og undirbúning þeirrar framkvæmdar."

Fulltrúar Sjálfstæðisflokksins Júlíus Vífill Ingvarsson, Hildur Sverrisdóttir og Óttarr Guðlaugsson sitja hjá við afgreiðslu málsins og bóka:"Tekið er undir þakkir til íbúa sem hafa unnið með Umhverfis og skipulagssviði í framhaldi af opnum fundi í Hagaskóla. Rétt er að halda til haga að fyrsta tillaga samráðshóps íbúa var að framkvæmdin yrði tekin til baka og gatan endurhönnuð frá grunni.
Breytingar á umferðarskipulagi Hofsvallagötu koma nú í fyrsta skipti inn í Umhverfis og skipulagsráð til afgreiðslu. Íbúum var ekki gefinn kostur á að gera athugasemdir áður en ráðist var í framkvæmdir en fengu fyrst tækifæri til að tjá sig á opnum fjölmennum íbúafundi í Hagaskóla þar sem andstaða við breytingarnar kom mjög skýrt fram. Ekki er lagst gegn því að fjarlægja flögg og eyjur til að auðvelda umferð og skýra betur akstursleiðir. Réttara væri þó að viðurkenna að hér voru gerð mistök sem betra er að leiðrétta með því að stíga til baka og byrja á byrjuninni. Eðlilegt er að kynningarfundur verði haldinn í hverfinu um þær tímabundnu aðgerðir sem gerðar verða áður en farið verður í endanlega hönnun götunnar sem mikilvægt er að verði í víðtæku samráði."


Umsókn nr. 10070
4. Afgreiðslufundir skipulagsfulltrúa Reykjavíkur, fundargerð
Lögð fram fundargerð afgreiðslufundar skipulagsfulltrúa Reykjavíkur dags. 4. október 2013.




Umsókn nr. 130290 (01.08.91)
530269-7529 Faxaflóahafnir sf.
Tryggvagötu 17 101 Reykjavík
5. Fiskislóð 11-13 og 47, breyting á deiliskipulagi
Að lokinni auglýsingu er lögð fram að nýju umsókn Faxaflóahafna dags. 7. júní 2013 varðandi breytingu á deiliskipulagi Vesturhafnar vegna lóðanna nr. 11-13 og 47 við Fiskislóð . Í breytingunni felst m.a. hækkun á nýtingarhlutfalli og skilgreining kvaðar um staðsetningu spennistöðvar á lóðinni Fiskislóð 47, samkvæmt uppdr. Teiknistofu arkitekta Gylfa Guðjónssonar og félaga ehf. dags. 26.6.2013. Tillagan var auglýst frá 19. júlí til og með 30. ágúst 2013. Eftirtaldir aðilar sendu athugasemdir: Geymsla eitt ehf, Jón D. Ólafsson dags. 26. ágúst 2013, Exton ehf, Sverrir Hreiðarsson dags. 27. ágúst 2013 og HF fasteignir ehf. og Hólshús ehf. dags. 30. ágúst 2013. Einnig er lögð fram umsögn skipulagsfulltrúa dags. 25. september 2013.

Margrét Þormar verkefnastjóri og Harri Ormarsson lögfr. taka sæti á fundinum og kynna.

Samþykkt með vísan til umsagnar skipulagsfulltrúa dags. 25. september 2013
Vísað til borgarráðs.

Umsókn nr. 130311 (01.15.24)
691111-1480 L28 ehf.
Borgartúni 28 105 Reykjavík
711293-2139 Vinnustofan Þverá ehf
Laufásvegi 36 101 Reykjavík
6. Lindargata 28-32, breyting á deiliskipulagi
Að lokinni auglýsingu er lögð fram að nýju umsókn L28 ehf. dags. 21. júní 2013 varðandi breytingu á deiliskipulagi Skúlagötusvæðis vegna lóðanna nr. 28, 30 og 32 við Lindargötu. Í breytingunni felst sameining lóða, dýpkun á byggingarreit o.fl., samkvæmt uppdr. Vinnustofunnar Þverá ehf. dags. 20. júní 2013. Einnig er lögð fram umsögn Minjastofnunar Íslands dags. 17. júlí 2013. Tillagan var auglýst frá 15. júlí til og með 27. ágúst 2013. Eftirtaldir aðilar sendu athugasemdir: Húsfélagið 101 Skuggahverfi dags. 25. ágúst 2013, Ingvar Sveinbjörnsson hrl. f.h. Runólfs Valdimarssonar dags. 26. ágúst 2013, Þorsteinn Steingrímsson dags. 26. ágúst 2013 og athugasemd íbúa að Lindargötu 27 mótt. 27. ágúst 2013. Einnig lagt fram bréf Hverfisráðs Miðborgar dags. 26. ágúst 2013 ásamt bókun dags. 22. ágúst 2013 og
umsögn skipulagsfulltrúa dags. 27. september 2013.

Margrét Þormar verkefnastjóri tekur sæti á fundinum og kynnir.



Samþykkt með þeim skilyrðum sem fram koma í umsögn skipulagsfulltrúa dags. 27. september 2013
Vísað til borgarráðs

Fulltrúi Vinstri grænna Sóley Tómasdóttir situr hjá við afgreiðslu málsins.


Umsókn nr. 130248
7. Austurhöfn, Hótel / íbúðir
Kynntar hugmyndir Tark dags. október 2013 að uppbyggingu á reit 5 við Austurhöfn.

Ásgeir Ásgeirsson tekur sæti á fundinum og kynnir.
Kynnt
Umsókn nr. 45423
8. Afgreiðslufundur byggingarfulltrúa, Fundargerð
Fylgiskjöl með fundargerð þessari er fundargerð nr. 750 frá 8. október 2013.


Umsókn nr. 46510 (01.64.--9.9)
651174-0239 Höldur ehf
Pósthólf 10 602 Akureyri
9. Flugvöllur 106745, Breyting úti
Á fundi skipulagsfulltrúa 13. september 2013 var lagt fram erindi frá afgreiðslufundi byggingarfulltrúa frá 10. september 2013 þar sem sótt er um leyfi til að koma fyrir vegtengingu til bráðabirgða frá bílastæðum við Njarðargötu, koma fyrir nýrri girðingu 60 m langri á austurhlið og aksturshliði á norðurhlið lóðar með landnr. 106745 Flugvöllur. Einnig lagt fram bréf Isavia dags. 7. maí 2013.
Gjald kr. 9.000

Umhverfis og skipulagsráð gerir ekki athugasemd við erindið.
Vísað til fullnaðarafgreiðslu byggingarfulltrúa.
Umsókn nr. 46537 (01.14.051.4)
620698-2889 Hótel Borg ehf
Borgartúni 26 105 Reykjavík
10. Pósthússtræti 11, Viðbygging
Sótt er um leyfi til að byggja steinsteypta viðbyggingu, fjórar hæðir og kjallara, með 43 hótelherbergjum að hluta ofan á einnar hæðar byggingu á baklóð Hótels Borgar á lóð nr. 11 við Pósthússtræti.
Erindi fylgir brunahönnun frá VSI dags. 26. september 2013.
Niðurrif: xx ferm., xx rúmm. Stækkun: 1.846 ferm., 5.206,8 rúmm. Gjald kr. 9.000

Margrét Þormar verkefnastjóri tekur sæti á fundinum og kynnir.

Kynnt
Umsókn nr. 130438 (01.63)
710113-0410 Alvogen Bio Tech ehf.
Smáratorgi 3 200 Kópavogur
420104-2350 Vísindagarðar Háskóla Ísl ehf
Dunhaga 5 107 Reykjavík
11. Háskóli Íslands, Vísindagarðar, (fsp) færsla á bráðabirgða bílastæðum
Lögð fram fyrirspurn Vísindagarða Háskóla Íslands ehf. dags. 17. september 2013 varðandi tilfærslu á bráðabirgða bílastæðum á lóð Vísindagarða Háskóla Íslands vegna byggingar húss fyrir lyfjafyrirtækið Alvogen, samkvæmt uppdr. Verkfræðistofunnar Eflu dags. 4. september 2013.



Frestað.
Umsókn nr. 130409 (08.1)
551298-3029 Orkuveita Reykjavíkur
Bæjarhálsi 1 110 Reykjavík
12. Heiðmörk, Gvendarbrunnar, (fsp) afmörkun lóðar O.R.
Á fundi skipulagsfulltrúa 30. ágúst 2013 var lögð fram fyrirspurn Orkuveitu Reykjavíkur, dags. 22. ágúst 2013, um stofnun lóðar á jörð sinni að Elliðavatnslandi landnúmer 113489 skv. lóðarblaði, dags. 4. júlí 2013. Svæðið sem um ræðir eru svokallaðir Gvendarbrunnar, afgirt vatnstökusvæði.

Björn Ingi Edvardsson verkefnastjóri tekur sæti á fundinum og kynnir.

Frestað.


Umsókn nr. 130410 (08.1)
551298-3029 Orkuveita Reykjavíkur
Bæjarhálsi 1 110 Reykjavík
13. Heiðmörk, Myllulækur, (fsp) afmörkun lóðar O.R.
Á fundi skipulagsfulltrúa 30. ágúst 2013 var lögð fram fyrirspurn Orkuveitu Reykjavíkur, dags. 22. ágúst 2013, um stofnun lóðar á jörð sinni að Elliðavatnslandi landnúmer 113489 skv. lóðarblaði, dags. 4. júlí 2013. Svæðið sem um ræðir er umhverfis Myllulækjartjörn, afgirt vatnstökusvæði.

Björn Ingi Edvardsson verkefnastjóri tekur sæti á fundinum og kynnir.

Frestað.
Umsókn nr. 130471
14. Umhverfis- og skipulagsráð, kosning nýs fulltrúa
Lagt fram bréf borgarstjóra, dags. 2. okt. 2013 vegna samþykktar borgarstjórnar 1. okt. 2013 að Marta Guðjónsdóttir taki sæti Gísla Marteins Baldurssonar í umhverfis- og skipulagsráði og að Óttarr Guðlaugsson taki sæti Mörtu sem varamaður í ráðinu.


Umsókn nr. 130261
15. Umhverfis- og skipulagsráð, vélknúinn þvottabúnaður
Umhverfis- og skipulagsráð óskar eftir því að þar sem framkvæmdir eru taldar meiriháttar að mati byggingarfulltrúa, skuli þess óskað við samþykkt byggingaráforms, að vélknúin þvottabúnaður verði til staðar á byggingarstað sem tryggi að vörubifreiðar og aðrar þungavinnuvélar verði þrifnar áður en þær yfirgefa byggingarstað. Samráð skal haft við byggingarfulltrúa um staðsetningu búnaðarins.
Umhverfis- og skipulagsráð felur embætti byggingarfulltrúa að tryggja framgang málsins.
Umsókn nr. 130260
16. Strætóskýli /AFA, nýjar staðsetningar
Kynntar staðsetningar strætóskýla við Borgartún 16A og Hringbraut 31 auk viðaukasamninga við samning um götugögn við AFA JCDecaux vegna þessara skýla.

Pálmi Freyr Randversson verkfnastjóri tekur sæti á fundinum og kynnir.

Samþykkt
Umsókn nr. 130107
17. Reykjanesfólkvangur, fundargerð og ársreikningur
Lögð fram fundargerð Reykjanesfólkvangs dags. 3. október 2013.


Umsókn nr. 130441 (08.1)
511096-2789 Brettafélag Reykjavíkur
Pósthólf 444 121 Reykjavík
18. Heiðmörk, rampur fyrir hjólabretti og línuskauta, styrkumsókn
Á fundi skipulagsfulltrúa 20. september 2013 var lagt fram bréf borgarstjóra dags. 30. júlí 2013 vegna afgreiðslu borgarráðs 11. s.m. á styrkumsókn Brettafélags Reykjavíkur dags. 18. júní sl. vegna byggingar lítils fjölnota ramps í Heiðmörk fyrir hjólabretti og línuskauta. Borgarráð samþykkti að vísa erindinu til meðferðar umhverfis- og skipulagsráðs.

Björn Ingi Edvardsson verkefnastjóri tekur sæti á fundinum og kynnir.

Frestað.
Umsókn nr. 130224
530269-7609 Reykjavíkurborg
Ráðhúsinu 101 Reykjavík
19. Forvarnarstefna Reykjavíkurborgar 2013-2017, tillaga
Lagt fram bréf velferðarsviðs dags. 26. ágúst 2013 vegna afgreiðslu fundar velferðarráðs þann 22. ágúst s.l. um að vísa tillögu að forvarnarstefnu Reykjavíkurborgar 2013-2017 til umsagnar hjá fagráðum borgarinnar, jafnframt er óskað eftir því að fagsvið borgarinnar taki strax mið af þessum drögum af forvarnarstefnu við gerð starfs- og fjárhagsáætlana 2014. Óskað er eftir að umsögn umhverfis- og skipulagsráðs berist fyrir 16. september 2013.

Umhverfis-og skipulagsráð fagnar forvarnarstefnu Reykjavíkurborgar og mun hafa hana til hliðsjónar við skipulag borgarinnar og mótun hins manngerða umhverfis. Margir samverkandi þættir hafa áhrif á umgjörð hins daglega lífs og líðan borgarbúa. Opið og aðlaðandi borgarskipulag með skynsamlegri nýtingu skapar líflegan, heilnæman og öruggan borgarbrag.
Umsókn nr. 130418 (01.13.65)
470912-0650 Festir ehf.
Kjalarvogi 7-15 104 Reykjavík
20. Garðastræti 21, málskot
Lagt fram málskot Heimis Sigurðssonar framkvæmdastjóra fasteignafélagsins Festis ehf. dags. 20. ágúst 2013 vegna neikvæðrar afgreiðslu skipulagsfulltrúa frá 28. júní 2013 varðandi hækkun hússins á lóðinni nr. 21 við Garðastræti.

Margrét Þormar verkefnastjóri tekur sæti á fundinum og kynnir.

Umhverfis- og skipulagsráðs gerir ekki athugasemd við að fyrirspyrjandi láti vinna deiliskipulag af svæðinu í samræmi við tillögu C, á eigin kostnað.

Fulltrúi Vinstri grænna Sóley Tómasdóttir óskar bókað:" Fulltrúi Vinstri grænna getur ekki fallist á hækkun hússins, enda hefur það mikil áhrif á götumynd og umhverfi gamalla og fallegra húsa á þessum mikilvæga stað í borginni".


Umsókn nr. 130370 (01.80.5)
500300-2130 Landspítali
Eiríksgötu 5 101 Reykjavík
530269-7609 Reykjavíkurborg
Ráðhúsinu 101 Reykjavík
21. Grensásvegur 62, lóðarafmörkun
Lagt fram bréf borgarstjóra f.h. borgarráðs, dags. 24. júlí 2013 ásamt erindi framkvæmdastjóra rekstrarsviðs Landspítala, dags. 8. júlí 2013 varðandi lóðarafmörkun Grensásdeildar Landspítala. Einnig er lögð fram umsögn skipulagsfulltrúa dags. 4. október 2013.

Guðlaug Erna Jónsdóttir verkefnastjóri tekur sæti á fundinum og kynnir.

Umsögn skipulagsfulltrúa samþykkt.
Umsókn nr. 130240
22. Umhverfis- og skipulagsráð, fyrirspurn fulltrúa Sjálfstæðisflokksins varðandi starfsemi gróðrarstöðva
Á fundi umhverfis- og skipulagsráðs 18. september 2013 var lögð fram eftirfarandi fyrirspurn fulltrúa Sjálfstæðisflokksins Júlíusar Vífils Ingvarssonar, Gísla Marteins Baldurssonar og Hildar Sverrisdóttur: "Starfsemi gróðrarstöðva hefur verið hluti af fjölbreyttu atvinnulífi borgarinnar. Almennur áhugi á garðrækt styður mikilvægi þess að skapa gróðrarstöðvum aðstæður í borgarlandinu til þess að byggja upp sinn rekstur og þjóna borgarbúum. Bent skal á að eitt af þekktustu fyrirækjum á þessu sviði í Reykjavík er á lóð þar sem leigusamningur rennur út eftir fá ár. Það er því mikilvægt að tryggja því fyrirtæki viðunandi úrlausn til framtíðar. Einnig verður að skapa tækifæri fyrir önnur fyrirtæki sem vilja hasla sér völl á þessu sviði. Hvaða svæði innan borgarmarkanna koma til álita fyrir þennan atvinnurekstur? " Einnig er lögð fram umsögn umhverfis- og skipulagssviðs dags. 7. október 2013.


Umsókn nr. 130210
530269-7609 Reykjavíkurborg
Ráðhúsinu 101 Reykjavík
23. Betri Reykjavík, breyta nafninu á höfða (t.d. Bíldshöfða) í Svarthöfða
Lögð fram efsta hugmynd júlímánaðar úr flokknum skipulagsmál "Breyta nafninu á höfða (t.d. Bíldshöfða) í Svarthöfða" sem tekið var af samráðsvefnum Betri Reykjavík þann 31. júlí 2013 ásamt samantekt af umræðum og rökum.

Vísað til umsagnar götunafnanefndar
Umsókn nr. 130213
530269-7609 Reykjavíkurborg
Ráðhúsinu 101 Reykjavík
24. Betri Reykjavík, stækkun á bílastæðinu við Fálkaborg - Borg
Lögð fram efsta hugmynd júlímánaðar úr flokknum framkvæmdir "Stækkun á bílastæðinu við Fálkaborg - Borg" sem tekið var af samráðsvefnum Betri Reykjavík þann 31. júlí 2013 ásamt samantekt af umræðum og rökum. Einnig er lögð fram umsögn umhverfis- og skipulagssviðs dags. 27. september 2013.

Umsögn umhverfis- og skipulagssviðs, framkvæmdir dags. 27. september 2013 samþykkt.
Umsókn nr. 130250
530269-7609 Reykjavíkurborg
Ráðhúsinu 101 Reykjavík
25. Betri Reykjavík, umbætur á skólalóð Ölduselsskóla
Lögð fram efsta hugmynd septembermánaðar úr flokknum framkvæmdir "umbætur á skólalóð Ölduselsskóla" sem tekið var af samráðsvefnum Betri Reykjavík þann 30. september 2013 ásamt samantekt af umræðum og rökum.

Vísað til umsagnar umhverfis- og skipulagssviðs, framkvæmdir.
Umsókn nr. 130251
530269-7609 Reykjavíkurborg
Ráðhúsinu 101 Reykjavík
26. Betri Reykjavík, að Skólavörðustígur verði göngugata
Lögð fram næst efsta hugmynd septembermánaðar úr flokknum samgöngur "að Skólavörðustígur verði göngugata" sem tekið var af samráðsvefnum Betri Reykjavík þann 30. september 2013 ásamt samantekt af umræðum og rökum. Einnig er lögð fram umsögn umhverfis- og skipulagssviðs dags. 8. október 2013.

Umsögn umhverfis- og skipulagssviðs, samgöngur dags. 8. október 2013 samþykkt.
Umsókn nr. 130252
530269-7609 Reykjavíkurborg
Ráðhúsinu 101 Reykjavík
27. Betri Reykjavík, næturvagnar Strætó
Lögð fram þriðja efsta hugmynd septembermánaðar úr flokknum samgöngur "næturvagnar Strætó" sem tekið var af samráðsvefnum Betri Reykjavík þann 30. september 2013 ásamt samantekt af umræðum og rökum.

Frestað.
Umsókn nr. 130254
530269-7609 Reykjavíkurborg
Ráðhúsinu 101 Reykjavík
28. Betri Reykjavík, Frakkastígur sem vistgata og mannlífsparadís
Lögð fram efsta hugmynd septembermánaðar úr flokknum skipulag "Frakkastígur sem vistgata og mannlífsparadís" sem tekið var af samráðsvefnum Betri Reykjavík þann 30. september 2013 ásamt samantekt af umræðum og rökum.

Vísað til umsagnar umhverfis- og skipulagssviðs, skipulagsfulltrúa.
Umsókn nr. 130255
530269-7609 Reykjavíkurborg
Ráðhúsinu 101 Reykjavík
29. Betri Reykjavík, ruslafötur við stoppistöðvar strætó
Lögð fram fjórða efsta hugmynd septembermánaðar úr flokknum umhverfismál "ruslafötur við stoppistöðvar strætó" sem tekið var af samráðsvefnum Betri Reykjavík þann 30. september 2013 ásamt samantekt af umræðum og rökum.

Vísað til umsagnar umhverfis- og skipulagssviðs, umhverfisgæða
Umsókn nr. 130256
530269-7609 Reykjavíkurborg
Ráðhúsinu 101 Reykjavík
30. Betri Reykjavík, sekta fólk sem tekur ekki upp skítinn eftir hundana sína
Lögð fram fimmta efsta hugmynd septembermánaðar úr flokknum umhverfismál "sekta fólk sem tekur ekki upp skítinn eftir hundana sína" sem tekið var af samráðsvefnum Betri Reykjavík þann 30. september 2013 ásamt samantekt af umræðum og rökum.

Vísað til umsagnar umhverfis- og skipulagssviðs, umhverfisgæða
Umsókn nr. 130257
530269-7609 Reykjavíkurborg
Ráðhúsinu 101 Reykjavík
31. Betri Reykjavík, gosbrunnur - hluta ársins
Lögð fram efsta hugmynd septembermánaðar úr flokknum ýmislegt "gosbrunnur - hluta ársins " sem tekið var af samráðsvefnum Betri Reykjavík þann 30. september 2013 ásamt samantekt af umræðum og rökum.

Vísað til umsagnar umhverfis- og skipulagssviðs, skipulagsfulltrúa.
Umsókn nr. 120514
540169-6249 Félagsstofnun stúdenta
Háskólatorgi Sæmundar 101 Reykjavík
32. Rauðarárholt v/ Brautarholt 7, breyting á deiliskipulagi
Lagt fram bréf borgarstjóra dags. 2. október 2013 um samþykkt borgarstjórnar dags. 1. október 2013 á auglýstu deiliskipulagi. Umhverfis- og skipulagsráði er einnig falið að fara í sérstaka skoðun og mótun aðgerða vegna bílastæða í nágrenni nýrra stúdentagarða.

Vísað til meðferðar samgöngustjóra umhverfis- og skipulagssviðs og Bílastæðasjóðs.
Umsókn nr. 120514
540169-6249 Félagsstofnun stúdenta
Háskólatorgi Sæmundar 101 Reykjavík
33. Rauðarárholt v/ Brautarholt 7, breyting á deiliskipulagi
Lagt fram bréf borgarstjóra dags. 2. október 2013 um samþykkt borgarstjórnar dags. 1. október 2013 á deiliskipulagi fyrir Rauðarárholt v/Brautarholt 7.


Umsókn nr. 120499 (01.16.12)
701211-0140 Úrskurðarnefnd umhverfis/auðlin
Skuggasundi 3 101 Reykjavík
34. Suðurgata 18, kæra, umsögn, úrskurður
Lagt fram bréf úrskurðarnefndar umhverfis- og auðlindamála dags. 31. október 2012 ásamt kæru dags. 29. október 2012 þar sem kærð er synjun um leyfi fyrir gerð bílastæða á lóðinni nr. 18 við Suðurgötu. Einnig lögð fram umsögn lögfræði og stjórnsýslu dags. 15. nóvember 2012. Lagður fram úrskurður úrskurðarnefndar umhverfis- og auðlindamála frá 27. september 2013. Úrskurðarorð: felld er úr gildi ákvörðun borgarráðs frá 4. október 2012 um að synja umsókn um leyfi fyrir gerð bílastæða á lóðinni nr. 18 við Suðurgötu.

Harri Ormarsson lögfr. tekur sæti á fundinum og kynnir.