Akurgerði 33, Borgartún 34-36, Bryggjuhverfi við Grafarvog, Einarsnes 28, Óðinsgata 5, Ránargata 4A, Reynimelur 60, Snorrabraut 27-29, Stuðlaháls 2, Arnarnesvegur - 3 áfangi, Kjalarnes, Vallá, Ásvegur 16, Bankastræti 3, Nesvegur 65, Norðurbrún 2, Bragagata 33, Kirkjuteigur 16, Blesugróf 30, Borgartún 24, Klettagarðar 9, Laugardalur - austurhluti, Skútuvogur 5 og 7-9, Ármúli 5, Faxafen 8, Freyjugata 16, Hjallavegur 40, Steinslétta, Túngata 3, Þengilsbás 8, Þórsgata 20, Selásbraut 98, Ystibær 9, Lambhagavegur 8, Langholtsvegur 131, Mógilsá og Kollafjörður, Salthamrar 6, Skarfagarðar 6-8, Stórholt 33,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

893. fundur 2022
Ár 2022, föstudaginn 18. nóvember kl. 09:10, hélt skipulagsfulltrúi Reykjavíkur 893. embættisafgreiðslufund sinn til afgreiðslu mála án staðfestingar umhverfis- og skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Borghildur Sölvey Sturludóttir og Helena Stefánsdóttir. Eftirtaldir embættismenn kynntu mál á fundinum: Sigríður Maack, Björn Ingi Edvardsson, Olga Guðrún B Sigfúsdóttir, Hrafnhildur Sverrisdóttir, Sigríður Lára Gunnarsdóttir, Brynja Kemp Guðnadóttir, Þórður Már Sigfússon og Ingvar Jón Bates Gíslason. Ritari var Erna Hrönn Geirsdóttir.
Þetta gerðist:

1.22 Akurgerði 33, breytt notkun bílskúr - tattoo
Lagt fram erindi frá afgreiðslufundi byggingarfulltrúa frá 15. nóvember 2022 þar sem sótt er um leyfi til þess að breyta notkun bílskúrs, mhl.02, í atvinnuhúsnæði og innrétta húðflúrsstofu við raðhús, mhl.01, á lóð nr. 33 við Akurgerði.


Samþykkt að grenndarkynna framlagða byggingarleyfisumsókn fyrir hagsmunaaðilum að Akurgerði 25, 27, 29, 31, 39 og 41.
Vakin er athygli á að greiða þarf fyrir grenndarkynningu áður en kynning fer fram samkv. 8.1. gr. gjaldskrá skipulagsfulltrúa nr. 1051/2022.

2.22 Borgartún 34-36, Niðurrif
Lagt fram erindi frá afgreiðslufundi byggingarfulltrúa frá 15. nóvember 2022 þar sem sótt er um leyfi til að rífa verkstæðis- og iðnaðarbyggingar vegna uppbyggingar á lóð nr. 34-36 við Borgartún. Einnig er lögð fram umsögn skipulagsfulltrúa dags. 18.nóvember 2022.



Neikvætt, sbr. umsögn skipulagsfulltrúa dags. 18. nóvember 2022.
3.22 Bryggjuhverfi við Grafarvog, breyting á deiliskipulagi vegna Tangarbryggju 6-8, 10, 12 og 12A og Naustabryggju 17-19 og 31-33
Að lokinni grenndarkynningu er lögð fram að nýju tillaga umhverfis- og skipulagssviðs að breytingu á deiliskipulagi Bryggjuhverfis vegna lóðarinnar nr. 31-33 við Naustabryggju. Í breytingunni sem lögð er til felst að komið er fyrir bílastæði fyrir hreyfihamlaða á lóð. Tillagan var grenndarkynnt frá 7. mars 2022 til og með 4. apríl 2022. Eftirtaldir aðilar sendu athugasemdir: Baldur Ólafsson dags. 1. apríl 2022, Jónína R. Einarsdóttir dags. 1. apríl 2022, Ólafur Helgi Móberg Ólafsson dags. 3. apríl 2022, Haukur Bragason dags. 4. apríl 2022, Iris Edda Nowenstein dags. 4. apríl 2022, Arna Kristjánsdóttir og Benedikt Óskarsson f.h. húsfélags Naustabryggju 31-33 dags. 4. apríl 2022 og Björn Jón Bragason f.h. Lóðafélagsins Naustabryggju 21-29 og 41-57 dags. 30. mars 2022. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 1. apríl 2022 og er nú lagt fram að nýju.

Vísað til umhverfis-og skipulagsráðs til afgreiðslu.
4.22 Einarsnes 28, (fsp) hækkun húss og bílastæði
Lögð fram fyrirspurn Charles Mackey, dags 21. september 2022, um hækkun hússins á lóð nr. 28 við Einarsnes um eina hæð eða hækka þak hússins ásamt því að gera tvö bílastæði á vesturhluta lóðarinnar. Einnig eru lagðar fram skissur á yfirlitsmyndum, dags. 20. september 2022.

Vísað til umsagnar verkefnisstjóra.
5.22 Óðinsgata 5, Breytingar - svalir og innra skipulag.
Lagt fram erindi frá afgreiðslufundi byggingarfulltrúa frá 15. nóvember 2022 þar sem sótt er um leyfi til að breyta brunalýsingu og koma fyrir nýjum svölum, 0207, á norðurhlið húss á lóð nr. 5 við Óðinsgötu. Einnig er lögð fram umsögn Minjastofnunar Íslands dags 31. október 2022.
Ekki eru gerðar skipulagslegar athugasemdir við erindið.
6.22 Ránargata 4A, Breytingar - hótelbygging í Flokki IV, teg. A. 62 gestir í 29 herb.
Lagt fram erindi frá afgreiðslufundi byggingarfulltrúa frá 15. nóvember 2022 þar sem sótt er um leyfi til að breyta innra skipulagi hótels í flokki IV, teg. a, hótel, 29 gistiherbergi eftir breytingu fyrir 62 gesti, þ.e. innra skipulagi allra hæða, fækkað um eitt gistiherbergi á 4. hæð, bætt starfsmannaaðstaða, fjölgað snyrtingum, bætt við líkamsræktarherbergi og sauna, breytingar gerðar á brunatæknilegum atriðum, svalahandrið þaksvala hækkað á húsi á lóð nr. 4A við Ránargötu.

Ekki eru gerðar skipulagslegar athugasemdir við erindið.
7.22 Reynimelur 60, (fsp) þaksvalir
Lögð fram fyrirspurn Katrínar Halldórsdóttur dags. 30. júní 2022 um að setja þaksvalir á bílskúr á lóð nr. 60 við Reynimel. Einnig er lögð fram yfirlitsmynd ásamt ljósmyndum.

Vísað til umsagnar verkefnisstjóra.
8.22 Snorrabraut 27-29, (fsp) uppskipting lóðar o.fl.
Lögð fram fyrirspurn Jeannot A Tsirenge, dags. 4. nóvember 2022, ásamt bréfi dags. 3. nóvember 2022 þar sem spurt er um fyrirhugaða stækkun hússins að Snorrabraut 27 og uppskiptingu lóðarinnar nr. 27-29 við Snorrabraut. Einnig er lagður fram uppdr. Vinnustofunnar Þverár ehf. dags. 6. júlí 2004, br. 28. september 2004.
Vísað til umsagnar verkefnisstjóra.
9.22 Stuðlaháls 2, Stækka vöruskemmu 3 - mhl.05
Lagt fram erindi frá afgreiðslufundi byggingarfulltrúa frá 15. nóvember 2022 þar sem sótt er um leyfi til stækka vöruskemmu, matshluta nr. 05 til suðurs, notkun rýmis verði vöruhús/lager, undirstöður og botnplata staðsteypt, burðarvirki veggja og þaks er stálgrind með stálklæðningu og innihiti skal vera 18°c í húsi á lóð nr. 2 við Stuðlaháls. Einnig er lögð fram umsögn skipulagsfulltrúa dags. 18. nóvember 2022.
Umsögn skipulagsfulltrúa, dags. 18. nóvember, samþykkt.
10.22 Arnarnesvegur - 3 áfangi, framkvæmdaleyfi
Á embættisafgreiðslufundi skipulagsfulltrúa 14. júlí 2022 var lögð fram umsókn Vegagerðarinnar dags. 1. júlí 2022 um framkvæmdaleyfi vegna 3. áfanga Arnarnesvegar sem liggur á milli Rjúpnavegar og Breiðholtsbrautar. Einnig eru lagðar fram yfirlitsmyndir og snið Verkís dags. 14. og 31. mars 2022 og dags. í maí 2022. Einnig er lögð fram umsögn Orkuveitu Reykjavíkur dags. 27. apríl 2020, umsögn Jóhannesar Sturlaugssonar líffræðings hjá Laxfiskum dags. 4. október 2021, umsögn Hafrannsóknarstofnunar dags. 5. maí 2022, umsögn Fiskistofu dags. 19. maí 2022. Erindinu var vísað til umsagnar verkefnisstjóra og er nú lagt fram að nýju ásamt sameiginlegri greinargerð Kópavogsbæjar og Reykjavíkurborgar dags. 10. nóvember 2022.

Samþykkt að gefa út framkvæmdaleyfi með vísan til greinargerðar Reykjavíkurborgar og Kópavogs, dags.10. nóvember 2022. Vísað til skrifstofu stjórnsýslu og gæða til útgáfu framkvæmdaleyfis.
Vakin er athygli á að greiða þarf fyrir útgáfu framkvæmdaleyfis skv. gr. 5.4 í gjaldskrá skipulagsfulltrúa nr. 1051/2022.

11.22 Kjalarnes, Vallá, bréf íbúaráðs Kjalarness
Lagt fram bréf íbúaráðs Kjalarness dags. 11. nóvember 2022 vegna eftirfarandi bókunar íbúaráðsins um áætlanir um framleiðsluaukningu Stjörnueggja að Vallá: Íbúaráð Kjalarness óskar þess að ef kæmi til umsóknar Stjörnueggja á breytingu deiliskipulags Við Vallá til umhverfis- og skipulagssviðs í tengslum við framleiðsluaukningu að slík umsókn fari í hefðbundið auglýsingaferli.

Lagt fram bréf íbúaráðs dags. 11. nóvember 2022.
12.22 Ásvegur 16, breyting á deiliskipulagi
Á embættisafgreiðslufundi skipulagsfulltrúa 3. nóvember 2022 var lögð fram umsókn Kristins Ragnarssonar og Ásthildar Björgvinsdóttur dags. 26. október 2022, um breytingu á deiliskipulagi fyrir Sundin, reitir 1.3 og 1.4 vegna lóðarinnar nr. 16 við Ásveg. Í breytingunni sem lögð er til felst að byggja við húsið til norðurs einnar hæðar anddyri með risþaki (kvisti í þaki hússins) sem er einnig látið ganga yfir útitröppur til skjóls, samkvæmt uppdr. KRark dags. 20. október 2022. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Ásvegi 15 og 17, Hjallavegi 15 og 17 og Langholtsvegi 22, 24, 26 og 28.

Vakin er athygli á að greiða þarf fyrir grenndarkynningu áður en kynning fer fram samkv. 7. 6. gr., sbr. 12. gr. gjaldskrá skipulagsfulltrúa nr. 1051/2022.

13.22 Bankastræti 3, ósk um uppbyggingaráform
Lagt fram bréf Herbertsprents dags. 10. mars 2021 þar sem óskað er eftir heimild til uppbyggingar. Einnig eru lögð fram bréf Herbertsprents dags. 25. janúar 2022 (tvö samhljóða bréf), 23. febrúar 2022 og 26. apríl 2022.

Vísað til meðferðar hjá verkefnisstjóra.
14.22 Nesvegur 65, Viðbygging
Lagt fram erindi frá afgreiðslufundi byggingarfulltrúa frá 15. nóvember 2022 þar sem sótt er um leyfi til að byggja viðbyggingu, steyptan kjallara og timburhæð á suðurhlið einbýlishúss á lóð nr. 65 við Nesveg.
Erindi fylgir samþykki eigenda Sörlaskjóls 88 og 94 og Nesvegar 63 og 67 áritað á uppdrætti sem dagsettir eru 24. júní 2022. Einnig er lögð fram umsögn skipulagsfulltrúa dags. 20. október 2022.


Samþykkt að grenndarkynna framlagða byggingarleyfisumsókn fyrir hagsmunaaðilum að Nesvegi 63 og 67 og Sörlaskjóli 88, 92 og 94 þegar uppfærðir uppdrættir berast embætti skipulagsfulltrúa sbr. umsögn skipulagsfulltrúa dags. 20. október 2022.
Vakin er athygli á að greiða þarf fyrir grenndarkynningu áður en kynning fer fram samkv. 8.1. gr. gjaldskrá skipulagsfulltrúa nr. 1051/2022.

15.22 Norðurbrún 2, breyting á deiliskipulagi
Lögð fram umsókn Landssambands slökkviliðs- og sjúkraflutningamanna, dags. 28. október 2022, um breytingu á deiliskipulagi Norðurbrúnar vegna lóðarinnar nr. 2 við Norðurbrún Í breytingunni sem lögð er gerð textabreyting vegna notkunar á 1. hæð, samkvæmt uppdr. THG arkitekta dags. 4. júní 2018, síðast br. 19. október 2022.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Norðurbrún 1,4, 12 og 14 og Austurbrún 4.

Vakin er athygli á að greiða þarf fyrir grenndarkynningu áður en kynning fer fram samkv. 7. 6. gr. gjaldskrá skipulagsfulltrúa nr. 1051/2022.

16.22 Bragagata 33, Franskar svalir
Lagt fram erindi frá afgreiðslufundi byggingarfulltrúa frá 15. nóvember 2022 þar sem sótt er um leyfi til að setja franskar svalir á suðurhlið 2. hæðar húss á lóð nr. 33 við Bragagötu.


Ekki eru gerðar skipulagslegar athugasemdir við erindið.
17.22 Kirkjuteigur 16, (fsp) byggja bílskúr og rífa garðskýli
Á embættisafgreiðslufundi skipulagsfulltrúa 10. nóvember 2022 var lögð fram fyrirspurn Snorra ehf. og Ólafs Guðmundssonar, dags. 2. nóvember 2022, um að byggja bílskúr og rífa garðskýli á lóð nr. 16 við Kirkjuteig. Einnig lögð fram ofanvarpsmynd ódags. og ljósmynd ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 18. nóvember 2022.

Umsögn skipulagsfulltrúa, dags. 18. nóvember 2022, samþykkt.
18.22 Blesugróf 30, málskot
Lagt fram málskot Dagbjarts H. Guðmundssonar dags. 14. nóvember 2022 vegna neikvæðra afgreiðslna skipulagsfulltrúa frá 15. september 2022 og 3. nóvember 2022. Einnig er lagðar fram umsagnir skipulagsfulltrúa dags. 15. september 2022 og 3. nóvember 2022.

Vísað til umhverfis- og skipulagsráðs til afgreiðslu.
19.22 Borgartún 24, Breytingar á mhl.05 - BN057713
Á embættisafgreiðslufundi skipulagsfulltrúa 10. nóvember 2022 var lagt fram erindi frá afgreiðslufundi byggingarfulltrúa frá 8. nóvember 2022 þar sem sótt er um leyfi til að breyta erindi BN057713, þ.e. bætt er við svölum/þaksvölum við íbúð 05-0702, innra skipulagi kjallara og 1. hæð breytt að hluta, inngangshurð sorpgeymslu færð, uppbygging byggingarhluta í byggingarlýsingu, skráning og eignarhald geymslna auk breytinga á klæðningu að hluta á húsi í matshluta nr. 5 á lóð nr. 24 við Borgartún. Erindinu var vísað til umsagnar verkefnisstjóra og er nú lagt fram að nýju ásamt tölvupósti byggingarfulltrúa dags. 14. nóvember 2022 þar sem umsagnarbeiðni er dregin til baka.

Umsagnarbeiðni dregin til baka, sbr. tölvupóst byggingarfulltrúa dags. 14. nóvember 2022.
20.22 Klettagarðar 9, (fsp) breyting á deiliskipulagi
Lögð fram fyrirspurn Péturs Jónssonar, dags. 7. nóvember 2022, ásamt bréfi dags. 7. nóvember 2022 um breytingu á deiliskipulagi Klettasvæðis vegna lóðarinnar nr. 9 við Klettagarða sem felst í stækkun lóðar.

Vísað til umsagnar verkefnisstjóra.
21.22 Laugardalur - austurhluti, beiðni um umsögn - MSS22110131
Lagt fram bréf Mannréttinda- og lýðræðisskrifstofu dags. 16. nóvember 2022 vegna afgreiðslu íbúaráðs Laugardals frá fundi sínum 14. nóvember um að vísa erindi íbúa dags. 12. október 2022 um smáhýsi í Laugardal til umsagnar velferðarsviðs og umhverfis- og skipulagssviðs.

Vísað til umsagnar verkefnisstjóra.
22.22 Skútuvogur 5 og 7-9, breyting á deiliskipulagi
Lögð fram umsókn Indro Indriða Candi og Reitir - iðnaður ehf. dags. 7. nóvember 2022, varðandi breytingu á deiliskipulagi Skútuvogur austur vegna lóðanna nr. 5 og 7-9 við Skútuvog. Í breytingunni sem lögð er til felst annars vegar að minnka tengibyggingu milli húshluta 5 og 7 en bæta þar við stigahúsi og hins vegar að stækka tengibyggingu milli húshluta 7 og 9, samkvæmt uppdr. VA arkitekta dags. 7. nóvember 2022. Einnig lagt fram bréf hönnuða dags. 5. október 2022.

Vísað til meðferðar hjá verkefnisstjóra.
23.22 Ármúli 5, (fsp) breyting á notkun 1. hæð og kjallara
Lögð fram fyrirspurn Vals Sveinssonar f.h. Alva Capital, dags. 1. nóvember 2022, um breytingu á notkun 1. hæðar og kjallara hússins á lóð nr. 5 við Ármúla þannig að hægt sé að nýta hluta rýma á hæðunum fyrir rekstur gististaðar. Einnig lagðir fram uppdr. Guðrúnar Atladóttur innanhússhönnuðar dags. í september 2022.

Vísað til umsagnar verkefnisstjóra.
24.22 Faxafen 8, (fsp) skilti
Á embættisafgreiðslufundi skipulagsfulltrúa 3. nóvember 2022 var lögð fram fyrirspurn Arnarins Hjóls ehf., dags. 18. október 2022, um að skipta út núverandi flettiskilti fyrir stærri LED skjá á lóð nr. 8 við Faxafen. Einnig er lögð fram ljósmynd ódags. Fyrirspurninni var vísað til umsagnar verkefnisstjóra og er nú lögð fram að nýju.

Ekki eru gerðar athugasemdir við erindið. Samræmist 3.6. gr. í samþykkt um skilti í Reykjavík.
25.22 Freyjugata 16, Hækkun húss um eina hæð
Lagt fram erindi frá afgreiðslufundi byggingarfulltrúa frá 15. nóvember 2022 þar sem sótt er um leyfi til að hækka um eina hæð, byggja kvisti og innrétta fjórar íbúðir í húsi á lóð nr. 16 við Freyjugötu.


Samþykkt að grenndarkynna framlagða tillögu fyrir hagsmunaaðilum að Bragagötu 33 og 35 og Baldursgötu 28 og 30.
Vakin er athygli á að greiða þarf fyrir grenndarkynningu áður en kynning fer fram samkv. 8.1. gr. gjaldskrá skipulagsfulltrúa nr. 1051/2022.
26.22 Hjallavegur 40, (fsp) breyting á deiliskipulagi
Lögð fram fyrirspurn Hjalta Brynjarssonar, dags. 3. nóvember 2022, um breytingu á deiliskipulagi Sundanna, reita 1.3 og 1.4 vegna lóðarinnar nr. 40 við Hjallaveg sem felst í stækkun hússins, viðbyggingu, samkvæmt tillögu Nordic dags. 2. nóvember 2022.

Vísað til umsagnar verkefnisstjóra.
27.22 Steinslétta, (fsp) hætt verði við vegaframkvæmd
Lögð fram fyrirspurn Íslenska gámafélagsins ehf., dags. 8. nóvember 2022, um að hætt verði við vegaframkvæmdir við Steinsléttu.
Vísað til umsagnar verkefnisstjóra.
28.22 Túngata 3, (fsp) kvistir og svalir
Lögð fram fyrirspurn Trípólí ehf., dags. 13. september 2022, um að setja kvisti og flóttasvalir á rishæð hússins á lóð nr. 3 við Túngötu, samkvæmt tillögu Trípólí arkitekta dags. 13. september 2022.

Vísað til umsagnar verkefnisstjóra.
29.22 Þengilsbás 8, (fsp) breyting á deiliskipulagi
Lögð fram fyrirspurn GF 2 ehf., dags. 9. nóvember 2022, ásamt bréfi dags, 9. nóvember 2022 um breytingu á deiliskipulagi Gufuness 1. áfanga vegna lóðarinnar nr. 8 við Þengilsbás 8 sem felst í breyttu byggðamynstri á Klettasvæði og að koma fyrir samfelldri byggð í stað bílastæðaplans austan við kvikmyndaver, samkvæmt tillögu JVST dags. 9. nóvember 2022.

Vísað til umsagnar verkefnisstjóra.
30.22 Þórsgata 20, (fsp) breyting á notkun
Á embættisafgreiðslufundi skipulagsfulltrúa 20. október 2022 var lögð fram fyrirspurn Friðriks Ármanns Guðmundssonar dags. 5. september 2022 um breytingu á notkun rýmis merkt 0102 í húsinu á lóð nr. 20 við Þórsgötu úr vinnustofu í íbúð. Einnig er lögð fram umsögn Minjastofnunar Íslands dags. 1. september 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 18. nóvember 2022.

Umsögn skipulagsfulltrúa, dags. 18. nóvember 2022, samþykkt.
31.22 Selásbraut 98, (fsp) lóðarstækkun, djúpgámar og bílastæði
Lögð fram fyrirspurn Plúsarkitekta ehf., dags. 27. október 2022, um m.a. stækkun lóðarinnar nr. 98 við Selásbraut, staðsetningu djúpgáma og fyrirkomulag bílastæða, samkvæmt tillögu Plúsarkitekta ehf., dags. 27. september 2022.

Vísað til umsagnar verkefnisstjóra.
32.22 Ystibær 9, Skyggni sbr. BN060765
Lagt fram erindi frá afgreiðslufundi byggingarfulltrúa frá 15. nóvember 2022 þar sem sótt er um leyfi til að breyta erindi BN060765 þannig að komið er fyrir skyggni milli bílageymslu og íbúðarhús á lóð nr. 9 við Ystabæ.

Vísað til umsagnar verkefnisstjóra.
33.22 Lambhagavegur 8, (fsp) uppbygging atvinnuhúsnæðis
Á embættisafgreiðslufundi skipulagsfulltrúa 10. nóvember 2022 var lögð fram fyrirspurn Jóns Davíðs Ásgeirssonar, dags. 19. október 2022, um uppbyggingu á atvinnuhúsnæði á lóð nr. 8 við Lambhagaveg, uppdr. JDA ehf. ódags. Fyrirspurninni var vísað til umsagnar verkefnisstjóra og er nú lögð fram að nýju.
Ekki eru gerðar athugasemdir við erindið.
34.22 Langholtsvegur 131, (fsp) breyting á deiliskipulagi
Lögð fram fyrirspurn Jóns Eyjólfs Jónssonar dags. 8. september 2022 um breytingu á deiliskipulagi Vogahverfis vegna lóðarinnar nr. 131 við Langholtsveg sem felst í niðurrifi hússins á lóð og byggingu nýs húss þess í stað innan samþykkts byggingarreits með hækkun á nýtingarhlutfalli, samkvæmt tillögu Trípólí dags. 1. september 2022.

Vísað til umsagnar verkefnisstjóra.
35.22 Mógilsá og Kollafjörður, breyting á deiliskipulagi
Lögð fram tillaga umhverfis- og skipulagssviðs að breytingu á deiliskipulagi Mógilsár-Kollafjarðar vegna lóðarinnar Mógilsá-Kollafjarðar. Í breytingunni sem lögð er til felst að núverandi lóð sem er skilgreind sem frístundalóð (sumarhúsalóð) er breytt í íbúðarlóð, samkvæmt uppdr. Landmótunar dags. 15. nóvember 2022.

Vísað til umhverfis- og skipulagsráðs til afgreiðslu.
36.22 Salthamrar 6, (fsp) stækkun húss
Lögð fram fyrirspurn Ásmundar Guðnasonar og Ólínu Jónsdóttur, dags. 3. nóvember 2022, ásamt bréfi, dags. 29. október 2022, um stækkun hússins á lóð nr. 6 við Salthamra, samkvæmt skissum ódags.

Vísað til umsagnar verkefnisstjóra.
37.22 Skarfagarðar 6-8, breyting á deiliskipulagi
Lögð fram umsókn Faxaflóahafna sf., dags. 14. nóvember 2022, ásamt bréfi, dags. 11. nóvember 2022, varðandi breytingu á deiliskipulagi Skarfabakka, Klettavæði vegna lóðarinnar nr. 6-8 við Skarfagarða. Í breytingunni sem lögð er til felst sameining lóðanna nr. 6, 8 og 10 við Skarfagarða, samkvæmt uppdr. Arkís arkitekta 22. mars 2022.

Vísað til meðferðar hjá verkefnisstjóra.
38.22 Stórholt 33, (fsp) bílskúr
Lögð fram fyrirspurn Inga Garðars Friðrikssonar dags. 31. ágúst 2022 um að setja bílskúr á lóð nr. 33 við við Stórholt, samkvæmt uppdr. Mannvirkjahönnunar dags. 31. ágúst 2022. Einnig er lögð fram umsögn skipulagsfulltrúa dags. 18. nóvember 2022.

Umsögn skipulagsfulltrúa, dags. 18. nóvember 2022, samþykkt.