Borgartún 8-16A, Haðaland 9-15, Skipholt 33, Hraunberg 5, Brautarholt 16, Mýrargata 21 og 23, Reykjavíkurvegur 31, Vesturgata 64, Hlemmur, reitur 1.240, Umferðarskipulag, Fálkagata 13A, Furugerði 4, Laugavegur 50, Vífilsgata 21, Haðarstígur 12 og 14, Bjargarstígur 17, Drafnarstígur 3, Egilsgata 32, Hvammsgerði 14, Hvammsgerði 14, Skútuvogur 2, Bæjarflöt 19, Hagamelur 35, Hlíðarendi - Reitir G, H og I, Laugavegur 20B, Skógarvegur 2, Fiskislóð - Hjólastígur, Gufunes - skemmtigarður, Háaleitisbraut frá Bústaðavegi að Fossvogsvegi, Malarhöfði 10, Silfurslétta 2, Borgarlína - Steinahlíð að Katrínartúni, Fossháls 13-15, Grensásvegur 8 og Eirhöfði 13 og 15,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

853. fundur 2022
Ár 2022, föstudaginn 21. janúar kl. 09:05, hélt skipulagsfulltrúi Reykjavíkur 853. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Borghildur Sölvey Sturludóttir og Helena Stefánsdóttir. Eftirtaldir embættismenn kynntu mál á fundinum: Lilja Grétarsdóttir, Ingvar Jón Bates Gíslason, Sólveig Sigurðardóttir, Birkir Ingibjartsson, Sigríður Lára Gunnarsdóttir, Hildur Gunnarsdóttir, Björn Ingi Edvardsson og Ólafur Melsted. Ritari var Erna Hrönn Geirsdóttir. Þetta gerðist:
Þetta gerðist:

1.22 Borgartún 8-16A, (fsp) notkun afgangsrýmis og bygging stiga- og lyftuhúss auk loftunarstokks
Lagðar fram fyrirspurnir Höfðatorgs ehf. dags. 11. janúar 2022 um annars vegar að taka í notkun afgangsrými neðanjarðar sem varð til á milli bílakjallara BK6, á lóð nr. 8-16A við Borgartún, og akstursrampa að bílakjallara, samkvæmt bréfi PK Arkitekta ehf. dags. 10. janúar 2021 og uppdr. dags. 23. júní 2015 (3. stk.), og hins vegar hvort gera þurfi sérstakan byggingarreit vegna byggingu stiga- og lyftuhúss upp úr kjallara BK7, á lóð nr. 8-16A, við Borgartún auk loftunarstokks, samkvæmt bréfi PK arkitekta ehf. dags. 10. janúar 2021 og uppdr. dags. 13. apríl 2021 (1. stk.) og ódags. (3. stk.).

Vísað til umsagnar verkefnisstjóra.
2.22 Haðaland 9-15, (fsp) stækkun á bílskúr og breyting á notkun
Á embættisafgreiðslufundi skipulagsfulltrúa 14. janúar 2022 var lögð fram fyrirspurn Ragnheiðar Aradóttur dags. 22. október 2021 um stækkun bílskúrs að Haðalandi 9, lóð nr. 9-15 við Haðaland, ásamt breytingu á notkun skúrsins í íbúðarherbergi, samkvæmt uppdr. THG Arkitekta ehf. dags. 21. október 2021. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 21. janúar 2022.

Umsögn skipulagsfulltrúa, dags. 21. janúar 2022, samþykkt.
3.22 Skipholt 33, (fsp) hækkun bakhúss
Lögð fram fyrirspurn Hebu Hertervig dags. 12. nóvember 2021 um hækkun bakhúss á lóð nr. 33 við Skipholt um eina hæð, og auk þess að hluta til um tvær hæðir svo hægt sé að tengja stigahús við efstu hæð framhúss, samkvæmt uppdr. VA arkitekta ehf. dags. 12. nóvember 2021.
Vísað til umsagnar verkefnisstjóra.
4.22 Hraunberg 5, (fsp) skipting lóðar
Lögð fram fyrirspurn Guðrúnar Stefánsdóttur dags. 18. janúar 2022 um skiptingu lóðarinnar nr. 5 við Hraunberg í tvær lóðir.

Vísað til umsagnar verkefnisstjóra.
5.22 Brautarholt 16, (fsp) fjölgun íbúða og inndregin 5. hæð
Lögð fram fyrirspurn Arnars Þórs Jónssonar dags. 3. september 2021 ásamt bréfi dags. 30. ágúst 2021 um fjölgun íbúða í húsinu á lóð nr. 16 við Brautarholt úr 16 íbúðum í 33 íbúðir og hafa inndregna 5. hæð eins og er við Brautarholt 18 og 20, samkvæmt tillögu Arkís arkitekta ehf. dags. 20. ágúst 2021. Einnig er lögð fram umsögn skipulagsfulltrúa dags. 1. október 2021. Erindið er nú lagt fram að nýju ásamt uppfærðri tillögu Arkís arkitekta ehf. dags. 20. desember 2021 (tillaga II, dags. 20. desember 2021) að breytingu á núverandi atvinnuhúsnæði í íbúðarhúsnæði með 20 íbúðum í stað 33 íbúða (tillaga l), hafa inndregna 5. hæð ásamt frekari útfærslu inngarðs í porti. Í uppfærðri tillögu er gert ráð fyrir mögulegri útfærslu íbúða ofan á núverandi spennistöð Veitna ohf. við Traðarholt. Áfram er gert er ráð fyrir þjónusturýmum á jarðhæð við götuhliðar. Einnig er lögð fram umsögn skipulagsfulltrúa dags. 21. janúar 2022.

Umsögn skipulagsfulltrúa, dags. 21. janúar 2022, samþykkt.
6.22 Mýrargata 21 og 23, breyting á deiliskipulagi
Lögð fram tillaga umhverfis- og skipulagssviðs, skipulagsfulltrúa, að breytingu á deiliskipulagi Nýlendureits vegna Mýrargötu 21 og 23. Í breytingunni felst að sameina lóðirnar í eina lóð. Nýtingarhlutfall lóðar breytist lítillega þar sem tengigangur neðanjarðar er talinn með í fermetrum bygginganna. Byggingarmagn helst óbreytt sem og stærð og umfang bygginganna sem helst óbreytt. Við sameiningu lóðanna verða fjögur bílastæði á lóðinni, þar af eitt fyrir hreyfihamlaða, samkvæmt uppdr. Arkiteó, dags. 20. janúar 2022.

Vísað til skipulags- og samgönguráðs.

Vakin er athygli á að greiða þarf fyrir óveruleg breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga og þarf að greiða skv. 8.2. gr. gjaldskrá skipulagsfulltrúa nr. 1551/2021, áður en breytingin er auglýst í B- deild Stjórnartíðinda.
7.22 Reykjavíkurvegur 31, skipting lóðar
Lögð fram umsókn Arons Inga Óskarssonar dags. 18. mars 2022 um skiptingu lóðarinnar Reykjavíkurvegur 31 í tvær lóðir nr. 31 og 31B. Einnig er lagt fram, bréf Landupplýsingadeildar dags. 20. janúar 2022, breytingablað umhverfis- og skipulagssviðs dags. 20. janúar 2022, lóðauppdráttur dags. 20. janúar 2022, afsalsbréf dags. 24. október 1964 og skiptasamningur dags. 8. júní 1989.

Vísað til skipulags- og samgönguráðs.

Vakin er athygli á að greiða skv. 8.2. gr. gjaldskrá skipulagsfulltrúa nr. 1551/2021, áður en lóðaruppdrætti er þinglýst.
8.22 Vesturgata 64, (fsp) uppbygging
Lögð fram fyrirspurn THG Arkitekta ehf. dags. 10. janúar 2022 um uppbyggingu á lóð nr. 64 við Vesturgötu, samkvæmt uppdr. THG Arkitekta ehf. ódags. Einnig er lagt fram yfirlit yfir íbúðaskiptingu ódags.

Vísað til umsagnar verkefnisstjóra.
9.22 Hlemmur, reitur 1.240, Umferðarskipulag, breyting á deiliskipulagi
Lögð fram tillaga umhverfis- og skipulagssviðs að breytingu á deiliskipulagi Hlemmur og nágrenni, deiliskipulag stgr. 1.240, Hlemmur og nágrenni og Hlemmur, umferðarskipulag, sem samþykkt var 19. mars 2020 í borgarráði og tók gildi við birtingu auglýsingar í B deild Stjórnartíðinda þann 7. apríl 2020. Í breytingunni felst að greinargerð deiliskipulagsins er uppfærð í samræmi við þessa breytingartillögu og fyrri breytingu, dags. 25. janúar 2021. Deiliskipulagið er samræmt við nýsamþykkt Aðalskipulag Reykjavíkur 2040. Lóðarmörkum Laugavegs nr. 107 er breytt þannig að lóðin nær eingöngu utan um núverandi hús (Hlemmur mathöll) ásamt byggingarreit A (viðbygging). Þremur nýjum lóðum er bætt inn á torgsvæðið, tvær lóðir utan um byggingarreiti C og D auk þess að stofnuð er lóð fyrir dreifistöð rafveitu við Þverholt. Byggingareitir C og D, þar með lóðir þeirra, færðir í sundur. Bætt er við byggingareitum fyrir sorpskýli á borgarlandi og sérskilmálum um nýtingu. Byggingarreitur E fyrir djúpgáma er felldur út. Reitur undir hjólaskýli, H, á norðurhluta Rauðarárstíg stækkaður. Skerpt er á sérskilmálum byggingareita og nú lóða til að endurspegla frekar tillögu hönnuða Hlemmtorgs. Sérrými almenningssamgangna og hjólastígum á Hverfisgötu er hliðrað lítillega til að koma lóðum betur fyrir. Breyttir skilmálar fyrir setsvæði og svið. Reitur biðstöðvarsvæðis almenningssamgangna breytt í byggingareit og reitur stækkaður til austurs. Bætt er við frekari upplýsingum um stöðu fornleifa á svæðinu. Byggingareit R+H við Þverholt breytt í reit R2 fyrir veitumannvirki og tæknibúnað og ný lóð, Laugavegur nr. 122, stofnuð undir reitinn. Bætt er við byggingareit fyrir almenningssalerni norðan við Hlemm, Laugaveg nr. 107. Bætt er við umfjöllun um samræmi við frumdragaskýrslu Borgarlínu lotu 1 samkvæmt uppdr. Yrki arkitekta ehf. dags. 18. janúar 2022. Einnig er lögð fram greinargerð Yrki arkitekta ehf. dags. 18. janúar 2022 og hönnunarleiðbeiningar Dagný Land Design ehf. dags. janúar 2022.

Vísað til skipulags- og samgönguráðs.
10.22 Fálkagata 13A, (fsp) glerrými
Á embættisafgreiðslufundi skipulagsfulltrúa 14. janúar 2022 var lögð fram fyrirspurn Huldu Ingibjargar Skúladóttur dags. 11. nóvember 2022 um að gera ca. 6 fm. glerrými í porti lóðarinnar nr. 13A við Fálkagötu, samkvæmt tillögu/skissu ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 21. janúar 2022.

Umsögn skipulagsfulltrúa, dags. 21. janúar 2022, samþykkt.
11.22 Furugerði 4, (fsp) breyta einbýlishúsi í þrjár íbúðir.
Lögð fram fyrirspurn Jakobs Emils Líndals dags. 13. október 2022 ásamt bréfi dags. 13. janúar 2022 um að breyta einbýlishúsi á lóð nr. 4 við Furugerði í þrjár sjálfstæðar íbúðir.
Vísað til umsagnar verkefnisstjóra.
12.22 Laugavegur 50, Viðbygging við port
Á embættisafgreiðslufundi skipulagsfulltrúa 14. janúar 2022 var lagt fram erindi frá afgreiðslufundi byggingarfulltrúa frá 11. janúar 2022 þar sem sótt er um leyfi til að breyta erindi BN058582 þannig að vinnustofa á jarðhæð er stækkuð til suðvesturs í húsi á lóð nr. 50 við Laugaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 21. janúar 2022.
Erindi fylgir bréf hönnuðar dags. 29. desember 2021 og yfirlit breytinga. Stækkun: 7,9 ferm., 22,1 rúmm. Eftir stækkun, A-rými: 255,6 ferm., 788,8 rúmm. B-rými: 10,6 ferm. Samtals: 266,2 ferm. Gjald kr. 12.600

Umsögn skipulagsfulltrúa, dags. 21. janúar 2022, samþykkt.
13.22 Vífilsgata 21, Stækka glugga í kjallara
Á embættisafgreiðslufundi skipulagsfulltrúa 11. júní 2021 var lagt fram erindi frá afgreiðslufundi byggingarfulltrúa frá 8. júní 2021 þar sem sótt er um leyfi til þess að síkka stofuglugga á suðurhlið, grafa frá og gera verönd fyrir kjallaraíbúð 0001 í íbúðarhúsi á lóð nr. 21 við Vífilsgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 30. júní 2021. Erindi er lagt fram að nýju ásamt tölvupósti Péturs Bjarna Magnússonar og Ragnhildar Erlu Bjarnadóttur dags. 17. janúar 2022.
Erindi fylgir ódagsett samþykki eigenda húss nr. 23, mæliblað 1.243.1 útgefið í maí 1949 og yfirlit breytinga á A3 afriti af aðalteikningum samþykktum 3. júni 2008. Gjald kr. 12.100

Vísað til umsagnar verkefnisstjóra.
14.22 Haðarstígur 12 og 14, (fsp) hækkun húss o.fl.
Á embættisafgreiðslufundi skipulagsfulltrúa 15. nóvember 2021 var lögð fram fyrirspurn Trípólí ehf. dags. 8. nóvember 2021 um hækkun á þaki og mænir hússins á lóðunum nr. 12 og 14 við Haðarstíg svo koma megi fyrir herbergjum undir súð, breytingu á fyrirkomulagi 1. hæða hússins og lækkun á kjallaragólfi svo hægt sé að nýta hann sem geymslur og vinnuherbergi annars vegar og sjálfstæða íbúð hins vegar, samkvæmt drögum að aðaluppdráttum Trípólí ehf. dags. 3. nóvember 2021. Einnig er lögð fram sniðteikning dags. 20. janúar 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 21. janúar 2022.

Umsögn skipulagsfulltrúa, dags. 21. janúar 2022, samþykkt.
15.22 Bjargarstígur 17, Viðbygging, kvistur, breytingar
Á embættisafgreiðslufundi skipulagsfulltrúa 14. janúar 2022 var lagt fram erindi frá afgreiðslufundi byggingarfulltrúa frá 11. janúar 2022 þar sem sótt er um leyfi fyrir fyrirhuguðum viðgerðum og breytingum, þ.e. anddyri á suðurhlið er hækkað og komið fyrir stiga, kvistur settur á norðurhlið með aðgengi út á þak til norðurs, múrhúðin verði fjarlægð af veggjum og gaflar klæddir listasúð á húsi á lóð nr. 17 við Bjargarstíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 21. janúar 2022.
Stækkun : xx,x ferm., xx,x rúmm. Erindi fylgir yfirlit breytinga hönnuðar dags. 1. desember 2021 og umsögn Minjastofnunar Íslands dags. 22. desember 2021. Gjald kr.12.100

Umsögn skipulagsfulltrúa, dags. 21. janúar 2022, samþykkt.
16.22 Drafnarstígur 3, Gera upp og byggja við Drafnarstíg
Á embættisafgreiðslufundi skipulagsfulltrúa 14. janúar 2022 var lagt fram erindi frá afgreiðslufundi byggingarfulltrúa frá 11. janúar 2022 þar sem sótt er um leyfi til að byggja viðbyggingu til austurs ásamt því að breyta innra skipulagi í einbýlishúsi á lóð nr. 3 við Drafnarstíg. Erindinu var vísað til meðferðar hjá verkefnisstjóra og er nú lagt fram að nýju.
Stækkun: 70,2 ferm., 224,5 rúmm. Eftir stækkun: 215,4 ferm., 563 rúmm. Erindi fylgir umsögn Minjastofnunar Íslands dags. 27. júlí 2021. Útskrift úr gerðabók embættisafgreiðslufundar skipulagsfulltrúa frá 10. desember 2021 fylgir erindi, ásamt umsögn skipulagsfulltrúa dags. 10. nóvember 2021. Einnig fylgir bréf skipulagsfulltrúa dags. 13. desember 2021. Gjald kr. 12.100

Samþykkt að grenndarkynna framlagða tillögu fyrir hagsmunaaðilum að Ránargötu 45, Bræðraborgarstígur 5, 10 og 10a.

Byggingarleyfisumsókn verður grenndarkynnt þegar umsækjandi hefur greitt fyrir grenndarkynninguna, sbr. 8.1. gr. í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.
17.22 Egilsgata 32, Breytingar - BN055255
Lagt fram erindi frá afgreiðslufundi byggingarfulltrúa frá 18. janúar 2022 þar sem sótt er um leyfi til að breyta erindi BN055255 þannig að bílskúr er breikkaður til vesturs og lengdur um tvo metra til suðurs ásamt því að gerðir eru á hann gluggar og gönguhurðir á suður- og vesturhlið lóð nr. 32 við Egilsgötu.
Stækkun: xx ferm., xx rúmm. Gjald kr. 12.100

Vísað til umsagnar verkefnisstjóra.
18.22 Hvammsgerði 14, Niðurrif - bílgeymsla
Á embættisafgreiðslufundi skipulagsfulltrúa 14. janúar 2022 var lagt fram erindi frá afgreiðslufundi byggingarfulltrúa frá 11. janúar 2022 þar sem sótt er um leyfi fyrir niðurrifi á bílskúr, matshluta 70 sem byggður var 1965, í stað bílgeymslu stendur til að að reisa stakstæða vinnustofu, mhl.02, sjá erindi BN060392, í norður horni lóðar við húsi á lóð nr. 14 við Hvammsgerði. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 21. janúar 2022.
Niðurrif er: -26,5 ferm., ~ -68,1 rúmm. Gjald kr.12.100

Umsögn skipulagsfulltrúa, dags. 21. janúar 2022, samþykkt.
19.22 Hvammsgerði 14, Vinnurými í stað bílageymslu
Á embættisafgreiðslufundi skipulagsfulltrúa 14. janúar 2022 var lagt fram erindi frá afgreiðslufundi byggingarfulltrúa frá 11. janúar 2022 þar sem sótt er um leyfi fyrir að byggja stakstæða vinnustofu í stað bílgeymslu sem stendur til að rífa undir erindi BN060417, vinnustofan mhl.02, verði úr járnbentri steinsteypu, breyttu þakformi og ögn stærri í umfangi, staðsett í norður horni lóðar við húsi á lóð nr. 14 við Hvammsgerði. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 21. janúar 2022.
Stærð: 27. 3 ferm., 88.8 rúmm. Gjald kr.12.100


Umsögn skipulagsfulltrúa, dags. 21. janúar 2022, samþykkt.
20.22 Skútuvogur 2, staðsetning ökutækjaleigu
Á embættisafgreiðslufundi skipulagsfulltrúa 7. janúar 2022 var lagt fram bréf Samgöngustofu dags. 5. janúar 2022 þar sem óskað er eftir umsögn vegna umsóknar Eyþórs Haukssonar f.h. FAR ehf. um að reka ökutækjaleigu að Skútuvogi 2. Sótt er um leyfi fyrir 2 ökutækjum í útleigu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 21. janúar 2022.

Umsögn skipulagsfulltrúa, dags. 21. janúar 2022, samþykkt.
21.22 Bæjarflöt 19, Stoðveggir, bílastæði o.fl.
Lagt fram erindi frá afgreiðslufundi byggingarfulltrúa frá 18. janúar 2022 þar sem sótt er um leyfi til að breyta erindi, BN059285, þannig að frágangi lóðar er breytt, stoðveggir settir á milli húsa, bílastæðum fjölgað um 5 stæði, stiga er breytt og gluggum, auk þess sem eignum er fjölgað úr 6 í 7 einingar fyrir hvert hús og stærðir í skráningartöflu fyrir hvern mhl. aukast fyrir hús A, B og C á lóð nr. 19 við Bæjarflöt.
Stækkun XX ferm., XX rúmm. Gjald kr.12.600


Vísað til umsagnar verkefnisstjóra.
22.22 Hagamelur 35, (fsp) bílskúr
Lögð fram fyrirspurn Þórlaugar Einarsdóttur dags. 19. janúar 2022 um byggingu bílskúrs á lóð nr. 35 við Hagamel að sömu stærð og lögun eins og sýnt er á teikningu, dags. í október 1959, sem samþykkt var á fundi byggingarnefndar 29. október 1959.

Vísað til umsagnar verkefnisstjóra.
23.22 Hlíðarendi - Reitir G, H og I, breyting á deiliskipulagi
Að lokinni auglýsingu er lögð fram að nýju umsókn ASK Arkitekta dags. 1. júlí 2021 varðandi breytingu á deiliskipulagi Hlíðarenda vegna reita G, H og I. Í breytingunni felst að breyta lóðum G og H úr atvinnulóðum í íbúðalóðir, breyta opnu svæði til bráðabirgða í íbúðalóð,I, fjölga íbúðum og breyta bílastæðakröfum til samræmis við bíla- og hjólastæðastefnu Reykjavíkurborgar, samkvæmt uppdrætti ASK arkitekta ehf. dags. 24. júní 2021. Einnig er lagt fram samgöngumat Eflu dags. 1. október 2021. Tillagan var auglýst frá 1. desember 2021 til og með 12. janúar 2022. Eftirtaldir sendu athugasemdir: Ágúst Hilmarsson dags. 2. desember 2021, Eyþór Andri Einarsson dags. 3. desember 2021, Gunnar Steinn Aðalsteinsson dags. 11. desember 2021, Guðrún Georgsdóttir dags. 6. janúar 2022, Kristín Björg Knútsdóttir dags. 6. janúar 2022, Anna Borgþórsdóttir Olsen og Pétur K. Hilmarsson dags. 10. janúar 2022, Reynir Hans Reynisson dags. 11. janúar 2022, Rósa Ólöf Ólafíudóttir dags. 11. janúar 2022, Jón Þór Ólason hrl. f.h. fasteignaeigendur á byggingarreit E við Hlíðarenda dags. 11. janúar 2022, Sigfríður Sigurðardóttir, Sigurður Haukur Magnússon, Gunnhildur Einarsdóttir og Örn Sveinsson dags. 12. janúar 2022. Einnig er lögð fram umsögn Veitna ohf. dags. 12. janúar 2022 og Umsögn fulltrúa í Íbúaráði Miðborgar og Hlíða dags. 13. janúar 2022. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 14. janúar 2022 og er nú lagt fram að nýju.
Vísað til skipulags og samgönguráðs.
24.22 Laugavegur 20B, breyting á deiliskipulagi
Á embættisafgreiðslufundi skipulagsfulltrúa 14. janúar 2022 var lögð fram umsókn Páls V Bjarnasonar dags. 4. janúar 2022 varðandi breytingu á deiliskipulagi reits 1.171.5, Laugavegs- og Skólavörðustígsreitir, vegna lóðarinnar nr. 20B við Laugaveg. Í breytingunni felst stækkun á byggingarreit lóðarinnar fyrir einnar hæðar viðbyggingu við vesturhlið hússins fram að klapparstíg með þaksvölum, samkvæmt uppdr. P ARK teiknistofu sf. dags. 30. desember 2021. Einnig er lögð fram umsögn Minjastofnunar Íslands dags. 20. október 2021. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu fyrir hagsmunaaðilum að Laugavegi 20, 20a og 22 og Klapparstíg 33, 35 og 38.

Erindið verður grenndarkynnt þegar umsækjandi hefur greitt fyrir grenndarkynningu sbr. 7.6. gr., sjá gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.
25.22 Skógarvegur 2, breyting á deiliskipulagi
Lögð fram umsókn Guðmundar Gunnlaugssonar dags. 12. janúar 2022 varðandi breytingu á deiliskipulagi neðan Sléttuvegar vegna lóðarinnar nr. 2 við Skógarveg. Í breytingunni felst að heimilt er að setja svalalokanir á efstu hæð hússins, samkvæmt uppdr. Guðmundar Gunnlaugssonar arkitekts dags. 21. desember 2021, við breytinguna hækkar nýtingarhlutfall lóðarinnar.

Samþykkt að grenndarkynna framlagða tillögu fyrir hagsmunaaðilum að Sléttuvegi 25-27 og Skógarvegi 12, 12a, 14 og 16.

Erindið verður grenndarkynnt þegar umsækjandi hefur greitt fyrir grenndarkynningu sbr. 7.6. gr., sjá gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.
26.22 Fiskislóð - Hjólastígur, framkvæmdaleyfi
Á embættisafgreiðslufundi skipulagsfulltrúa 7. janúar 2022 var lögð fram umsókn skrifstofu framkvæmda og viðhalds dags. 17. desember 2021 um framkvæmdaleyfi fyrir gerð hjólastígs meðfram Fiskislóð. Einnig er lagt fram teikningahefti Faxaflóahafna sf. dags. í september 2021 og yfirlitsmynd Mannvits dags. 20. september 2021. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 21. janúar 2022.

Umsögn skipulagsfulltrúa, dags. 21. janúar 2022, samþykkt.
27.22 Gufunes - skemmtigarður, Reyndarteikningar - mhl.11 og mhl.12
Lagt fram erindi frá afgreiðslufundi byggingarfulltrúa frá 18. janúar 2022 þar sem sótt er um leyfi fyrir áður gerðum breytingum og uppbyggingu síðustu ára svo sem gerð gistihúsa innan reits nr. U51 á lóð L108942 við Gufunes.
Stækkun er: xx,x ferm., xx,x rúmm. Erindi fylgir bréf hönnuðar dags. 13. desember 2021, umboð eiganda Skemmtigarðsins ehf. dags. 13. desember 2021 og afrit umsagnar vegna rekstrarleyfis dags. 10. nóvember 2021. Erindi fylgir bréf hönnuðar dags. 13. febrúar 2022, afrit leyfisbréfs rekstrarleyfis dags. 23. september 2016, afrit afnotasamnings dags. 14. mars 2018 og samantekt á raunástandi dags. 11. janúar 2022. Gjald kr.12.100

Vísað til umsagnar verkefnisstjóra.
28.22 Háaleitisbraut frá Bústaðavegi að Fossvogsvegi, framkvæmdaleyfi
Lögð fram umsókn skrifstofu framkvæmda og viðhalds dags. 17. janúar 2022 um gerð göngu- og hjólastígs meðfram Háaleitisbraut frá Bústaðavegi að Fossvogsvegi, samkvæmt teikningahefti VSÓ ráðgjafar dags. í júlí 2021.

Vísað til umsagnar verkefnisstjóra.
29.22 Malarhöfði 10, ósk um umsögn vegna endurnýjunar á starfsleyfi
Á embættisafgreiðslufundi skipulagsfulltrúa 14. janúar 2022 var lagt fram erindi Heilbrigðiseftirlits Reykjavíkur dags. 10. janúar 2022 þar sem óskað er eftir umsögn skipulagsfulltrúa vegna umsóknar Steypustöðvarinnar um endurnýjun á starfsleyfi fyrir starfsemina að Malarhöfða 10. Óskað er eftir umsögn um hvort breytingar á skipulagi leyfi endurnýjun starfsleyfis til skamms tíma, og þá hversu langan tíma. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 21. janúar 2022.

Umsögn skipulagsfulltrúa, dags. 21. janúar 2022, samþykkt.
30.22 Silfurslétta 2, Sótt um byggl. fyrir 2ja hæða staðsteypt atvinnuhúsnæði.
Lagt fram erindi frá afgreiðslufundi byggingarfulltrúa frá 18. janúar 2022 þar sem sótt er um leyfi til þess að byggja tveggja hæða steinsteypt atvinnuhúsnæði með geymslum á neðri hæð og skrifstofum með tilheyrandi stoðrýmum á efri hæð sem jafnframt er fyrsti áfangi, mhl.01, uppbyggingar á lóð nr. 2 við Silfursléttu. Einnig er lögð fram umsögn skipulagsfulltrúa dags. 21. janúar 2022.
Stærðir: 1.259.4 ferm., 4.508,4 rúmm. Erindi fylgir lóðauppdráttur 34.534.1 dags. 14.07.2021 og hæðablað 34.534.1- B1 dags í júní 2021. Útskrift úr gerðabók embættisafgreiðslufundar skipulagsfulltrúa frá 3. desember 2021 fylgir erindi, ásamt umsögn skipulagsfulltrúa dags. 3. nóvember 2021. Einnig fylgir bréf skipulagsfulltrúa dags. 6. desember 2021. Gjald kr. 12.100

Umsögn skipulagsfulltrúa, dags. 21. janúar 2022, samþykkt.
31.22 Borgarlína - Steinahlíð að Katrínartúni, skipulagslýsing
Að lokinni kynningu er lögð fram að nýju skipulagslýsing fyrir borgarlínu frá Steinahlíð að Katrínartúni. Í lýsingunni felast megin áherslur/atriði í gerð deiliskipulags fyrir göturými borgarlínunnar í samræmi við fyrstu framkvæmdalotu borgarlínunnar. Lýsingin var kynnt frá 22. nóvember til 15. desember 2021. Eftirtaldir sendu athugasemdir/ábendingu: Gísli Vilhjálmsson f.h. Kjálka ehf. dags. 9. desember 2021, Egill Jóhann Ingvason og Jón Guðmundsson dags. 14. desember 2021, Fortis lögmannsstofa f.h. eiganda Suðurlandsbrautar 26 dags. 15. desember 2021, Bjarni Pálsson f.h. Mænir Reykjavík ehf. dags. 15. desember 2021, Bjarni Pálsson f.h. LHF ehf. dags. 15. desember 2021, skrifstofa umhverfisgæða dags. 28. desember 2021 og Reitir fasteignafélag dags. 6. janúar 2022. Einnig er lögð fram umsögn stjórnar íbúasamtaka Laugardals dags. 15. desember 2021, umsögn Veitna dags. 15. desember 2021, umsögn Minjastofnunar Íslands dags. 17. desember 2021 og umsögn Skipulagsstofnunar dags. 17. janúar 2022. Erindinu var vísað til meðferðar hjá verkefnisstjóra á embættisafgreiðslufundi skipulagsfulltrúa 17. desember 2021 og er nú lagt fram að nýju.

Vísað til skipulags- og samgönguráðs.
32.22 Fossháls 13-15, breyting á deiliskipulagi
Að lokinni grenndarkynningu er lögð fram að nýju umsókn Kjartans Hafsteins Rafnssonar dags. 1. október 2021 varðandi breytingu á deiliskipulagi Hálsahverfis vegna lóðarinnar nr. 13-15 við Fossháls. Í breytingunni felst stækkun á byggingarreit lóðarinnar fyrir einnar hæðar viðbyggingu. Um er að ræða lagerhúsnæði við austurhluta lóðarinnar. Kjallari verður undir viðbyggingunni og bætt verður við innkeyrslu á lóð vegna aðgengi að kjallara, samkvæmt uppdr. K.J. ARK elf. dags. 28. september 2021. Tillagan var grenndarkynnt frá 10. nóvember 2021 til og með 8. desember 2021. Eftirtaldir sendu athugasemdir: Finnbogi Geirsson f.h. Stjörnublikks ehf. dags. 26. nóvember 2021 og Kristín Lára Helgadóttir f.h. Hávarðsstaða ehf. dags. 7. desember 2021. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 10. desember 2021 og er nú lagt fram að nýju.

Vísað til skipulags- og samgönguráðs.
33.22 Grensásvegur 8 og Eirhöfði 13 og 15, starfsemi Ísteka ehf.
Á embættisafgreiðslufundi skipulagsfulltrúa 17. desember 2021 var lagt fram erindi Umhverfisstofnunar dags. 14. apríl 2021 um hvort starfsemi Ísteka ehf. að Grensásvegi 8 og Eirhöfða 13 og 15 samræmist skipulagi. Einnig er lögð fram tilkynning Ísteka ehf. til Skipulagsstofnunar til ákvörðunar um matsskyldu dags. 23. mars 2021. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 7. maí 2021. Lagt fram að nýju ásamt bréfi Umhverfisstofnunar dags. 15. desember 2021 þar sem óskað er eftir ítarlegri skýringum. Einnig er lagt fram bréf Ístaka dags. 22. desember 2021. Erindinu var vísað til umsagnar deildarstjóra aðalskipulags og er nú lagt fram að nýju ásamt umsögn deildarstjóra aðalskipulags dags. 21. janúar 2022.

Umsögn deildarstjóra aðalskipulags, dags. 21. janúar 2022, samþykkt.