Aragata 3, Borgargerði 9, Jöldugróf 8, Suðurgata 100, Suðurlandsvegur og Breiðholtsbraut, Bárugata 14, Brautarholt 18 og 20, Nýlendugata 14, Bergþórugata 15, Rökkvatjörn 10-16, Suðurlandsbraut 34/Ármúli 31, Borgartún 6, Hverfisgata 52, Stórholt 25, Teigagerði 5, Lautarvegur 20 og 22, Miðbakki, Geirsgata 11, 13 og 15, Kvosin, Landsímareitur, Elliðaárdalur, Hólmsland, Jöfursbás 5 og 7, Rauðavatn, Álfsnes, Njálsgata 60, Víðimelur 29, Seltjarnarnes, Seltjarnarnes, Hafnarfjörður, aðalskipulag,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

796. fundur 2020
Ár 2020, föstudaginn 6. nóvember kl. 09:30, hélt skipulagsfulltrúi Reykjavíkur 796. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Helena Stefánsdóttir. Eftirtaldir embættismenn kynntu mál á fundinum: Hulda Einarsdóttir, Ingvar Jón Bates Gíslason, Hrafnhildur Sverrisdóttir, Sólveig Sigurðardóttir, Birkir Ingibjartsson, Haukur Hafliði Nínuson, Lilja Grétarsdóttir, Björn Ingi Edvardsson, Ólafur Melsted og Hildur Gunnarsdóttir. Ritarar voru Harri Ormarsson og Erna Hrönn Geirsdóttir.
Þetta gerðist:

1.20 Aragata 3, (fsp) stækkun á kjallara hússins og setja svalir
Á embættisafgreiðslufundi skipulagsfulltrúa 30. október 2020 var lögð fram fyrirspurn Áslaugar Geirsdóttur dags. 20. október 2020 ásamt bréfi dags. 19. október 2020 um stækkun á kjallara á suðaustur horni hússins á lóð nr. 3 við Aragötu og setja svalir, samkvæmt uppdr. Glámu/Kím ehf. dags. 8. október 2020. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 6. nóvember 2020.

Umsögn skipulagsfulltrúa dags. 6. nóvember 2020 samþykkt.
2.20 Borgargerði 9, (fsp) breyting á deiliskipulagi
Lögð fram fyrirspurn Grímu arkitekta ehf. dags. 8. október 2020 ásamt bréfi dags. 8. október 2020 um breytingu á deiliskipulagi Sogavegar - Rauðagerðis vegna lóðarinnar nr. 9 við Borgargerði sem felst í færslu og stækkun á byggingarreit fyrir bílskúr, samkvæmt skissu á yfirlitsmynd og mæliblaði.

Vísað til umsagnar verkefnisstjóra.
3.20 Jöldugróf 8, (fsp) stækkun húss
Á embættisafgreiðslufundi skipulagsfulltrúa 30. október 2020 var lögð fram fyrirspurn Aðalsteins Atla Guðmundssonar dags. 14. október 2020 um stækkun hússins á lóðinni nr. 8 við Jöldugróf sem felst í að gera 16,5 m2 viðbyggingu á tveimur hæðum við húsið, samkvæmt tillögu ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 6. nóvember 2020.

Neikvætt, með vísan til umsagnar skipulagsfulltrúa dags. 6. nóvember 2020.

4.20 Suðurgata 100, (fsp) þaksvalir á bílskúr
Lögð fram fyrirspurn Hilmars Arnarssonar dags. 2. nóvember 2020 um að setja þaksvalir á bílskúr á lóð nr. 100 við Suðurgötu. Einnig er lögð fram hugmynd að þaksvölum og ljósmyndir. Jafnframt er lögð fram umsögn skipulagsfulltrúa dags. 6. nóvember 2020.


Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað, sbr. umsögn skipulagsfulltrúa dags. 6. nóvember 2020. Tillagan verður grenndarkynnt þegar hún berst.
5.20 Suðurlandsvegur og Breiðholtsbraut, (fsp) skilti
Lögð fram fyrirspurn Íþróttafélagsins Fylkis dags. 25. ágúst 2020 ásamt greinargerð ódags. um að setja skilti við hringtorg þar sem Suðurlandsvegur og Breiðholtsbraut mætast.

Vísað til umsagnar verkefnisstjóra.
6.20 Bárugata 14, Breyta og hækka mæni og útveggi
Á embættisafgreiðslufundi skipulagsfulltrúa 25. september 2020 var lagt fram erindi frá afgreiðslufundi byggingarfulltrúa frá 22. september 2020 þar sem sótt er um leyfi til að breyta og hækka mæni og útveggi á þakrými þannig að fáist portbyggð hæð í risi í húsi á lóð nr. 14 við Bárugötu. Einnig er lögð fram umsögn Minjastofnunar Íslands dags. 6. október 2020. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 6. nóvember 2020.
Stækkun: xx,x ferm., xx,x rúmm. Gjald kr. 11.200

Umsögn skipulagsfulltrúa dags. 6. nóvember 2020 samþykkt.
7.20 Brautarholt 18 og 20, lóðabreyting
Lagður fram lóðauppdráttur umhverfis- og skipulagssviðs dags. 5. nóvember 2020 og breytingarblað umhverfis- og skipulagssviðs dags. 5. nóvember 2020 vegna minkunnar og sameiningar lóðanna Brautarholts 18 og 20.

Vísað til skipulags- og samgönguráðs.
Vakin er athygli á að greiða þarf fyrir málsmeðferð skv. 3. mgr. 44. gr. skipulagslaga og þarf að greiða skv. 8.2. gr. gjaldskrá skipulagsfulltrúa nr. 1231/2018, áður en breytingin er auglýst í B- deild Stjórnartíðinda.


8.20 Nýlendugata 14, (fsp) breyting á deiliskipulagi
Á fundi skipulagsfulltrúa 16. október 2020 var lögð fram fyrirspurn THG Arkitekta ehf. dags. 7. október 2020 ásamt bréfi dags. 7. október 2020 um breytingu á deiliskipulagi Nýlendureits vegna lóðarinnar nr. 14. við Nýlendugötu sem felst í endurbótum og breytingum á þaki og útliti hússins ásamt hækkun á neðri hluta hússins, samkvæmt tillögu THG Arkitekta ehf. dags. 7. október 2020. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 6. nóvember 2020.

Umsögn skipulagsfulltrúa dags. 6. nóvember 2020 samþykkt.
9.20 Bergþórugata 15, (fsp) fjölgun íbúða
Lögð fram fyrirspurn Björns Valdimarssonar dags. 29. september 2020 um fjölgun íbúða í húsinu á lóð nr. 15 við Bergþórugötu um eina sem felst í að skipta íbúð merkt 0201 í tvær íbúðir.
Vísað til umsagnar verkefnisstjóra.
10.20 Rökkvatjörn 10-16, breyting á deiliskipulagi
Á embættisafgreiðslufundi skipulagsfulltrúa 23. október 2020 var lögð fram umsókn Einars Ólafssonar dags. 7. október 2020 varðandi breytingu á deiliskipulagi Úlfarsárdals vegna lóðarinnar nr. 10-16 við Rökkvatjörn. Í breytingunni felst að fækka einingum úr 4 einingum í 3 einingar og halda sama byggingarmagni og lóðarstærð, fækkun bílastæða um tvö á lóðinni úr 8 bílastæðum í 6 bílastæði, samkvæmt uppdr. Arkiteó ódags. Erindinu var vísað til meðferðar hjá verkefnisstjóra og er nú lagt fram að nýju.

Vísað til skipulags- og samgönguráðs.
Vakin er athygli á að erindið fellur undir lið 8.2 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018.
11.20 Suðurlandsbraut 34/Ármúli 31, (fsp) starfrækja skóla
Lögð fram fyrirspurn Reita - skrifstofa ehf. og Myndlistarskólans í Reykjavík dags. 13. október 2020 ásamt bréfi ASK Arkitekta ehf. dags. 12. október 2020 um að starfrækja skóla í húsnæðinu að Suðurlandsbraut 34/Ármúla 31, samkvæmt uppdr. ASK Arkitekta ehf. dags. 12. október 2020. Einnig er lagt fram minnisblað um brunatæknilegar lausnir vegna Myndlistarskólans í Reykjavík dags. 30. júní 2020 og húsakönnun Úrbanistan dags. dags. árið 2019.

Ekki eru gerðar skipulagslegar athugasemdir við erindið.
12.20 Borgartún 6, (fsp) breyting á notkun efstu hæðar hússins
Á embættisafgreiðslufundi skipulagsfulltrúa 30. október 2020 var lögð fram fyrirspurn Richards Ólafs Briem dags. 26. október 2020 um breytingu á notkun efstu hæðar hússins á lóð nr. 6 við Borgartún úr skrifstofum í íbúðir. Einnig eru lagðar fram tillögur að annars vegar 4 íbúðum á efstu hæð og hins vegar 6 íbúðum. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 6. nóvember 2020.

Umsögn skipulagsfulltrúa dags. 6. nóvember 2020 samþykkt.
13.20 Hverfisgata 52, (fsp) svalir
Á embættisafgreiðslufundi skipulagsfulltrúa 30. september 2020 var lögð fram fyrirspurn frá Hebu Hertervig dags. 22. október 2020 ásamt bréfi dags. 22. október 2020 um að setja svalir á suðurhlið hússins á lóð nr. 52 við Hverfisgötu, samkvæmt uppdr. VA Arkitekta ehf., ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 6. nóvember 2020.

Umsögn skipulagsfulltrúa dags. 6. nóvember 2020 samþykkt.
14.20 Stórholt 25, (fsp) fjölgun bílastæða
Lögð fram fyrirspurn Margrétar Óskarsdóttur dags. 24. október 2020 um að fjölga bílastæðum á lóð nr. 25 við Stórholt um tvö, samkvæmt tillögu ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 4. nóvember 2020.

Neikvætt, með vísan til umsagnar skipulagsfulltrúa dags. 4. nóvember 2020.
15.20 Teigagerði 5, (fsp) breyting/stækkun á anddyri
Lögð fram fyrirspurn Mulazim Ustundag dags. 2. september 2020 um breytingu/stækkun á anddyri hússins á lóð nr. 5 við Teigagerði.

Vísað til umsagnar verkefnisstjóra.
16.20 Lautarvegur 20 og 22, breyting á deiliskipulagi
Á embættisafgreiðslufundi skipulagsfulltrúa 23. október 2020 var lögð er fram umsókn Yrki arkitekta ehf. dags 15. október 2020 varðandi breytingu á deiliskipulagi neðan Sléttuvegar vegna lóðanna nr. 20 og 22 við Lautarveg. Í breytingunni felst að stækka byggingareit, hæðarkóta og skilgreiningu á sérafnotafleti neðri hæðar, samkvæmt uppdr. Yrki arkitekta ehf. dags 14. október 2020. Erindinu var vísað til meðferðar hjá verkefnisstjóra og er nú lagt fram að nýju.

Vísað til skipulags- og samgönguráðs.
17.20 Miðbakki, Geirsgata 11, 13 og 15, (fsp) reisa fjölnotabyggingu
Á embættisafgreiðslufundi skipulagsfulltrúa 5. júní 2020 var lögð fram fyrirspurn Yrki arkitekta dags. 13 maí 2020 ásamt greinargerð dags. 7. maí 2020 um mögulega uppbyggingu á lóðum nr. 11, 13 og 15 við Geirsgötu sem felur í sér að reisa fjölnotabyggingu á Miðbakkanum, samkvæmt tillögu Yrki Arkitekta dags. 21 febrúar 2020. Fyrirspurninni var vísað til umsagnar Faxaflóahafna og er nú lögð fram að nýju ásamt umsögn Faxaflóahafna sf. dags. 27. október 2020 og umsögn skipulagsfulltrúa dags. 30. október 2020.

Leiðrétt bókun frá 23.október 2020.
Rétt bókun er: Neikvætt, með vísan til umsagnar skipulagsfulltrúa dags. 30. október 2020.
18.20 Kvosin, Landsímareitur, breyting á deiliskipulagi
Lögð fram umsókn THG Arkitekta ehf. dags. 28. október 2020 varðandi breytingu á deiliskipulagi Kvosarinnar, Landsímareits. Í breytingunni felst að heimildum fyrir gerð kjallara og nýtingu efri hæða aðlægt Vallarstræti er breytt að hluta til, einnig er bætt við byggingareit fyrir sólstofu á 5. hæð samkvæmt uppdr. THG Arkitekta ehf. dags. 20. október 2020.

Vísað til skipulags- og samgönguráðs.
Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. sbr. gr. 12 í gjaldskrá vegna kostnaðar við skipulagsvinnu nr. 1231/2018.
19.20 Elliðaárdalur, deiliskipulag
Að lokinni auglýsingu er lögð fram að nýju tillaga umhverfis- og skipulagssviðs Reykjavíkurborgar að deiliskipulagi fyrir borgargarðinn í Elliðaárdal. Skipulagið byggir á grunni eldra deiliskipulags sem var samþykkt árið 1994 sem fellt er úr gildi. Í tillögunni eru afmörkuð og skilgreind hverfisverndarsvæði í dalnum, gerð grein fyrir helstu göngu- og hjólastígum ásamt nýjum þverunum yfir Elliðaárnar og skilgreind helstu útivistar- og áningarstaðir, samkvæmt uppdr. Landslags. ehf. dags. 10. febrúar 2020 síðast br. 4. nóvember 2020. Einnig er lögð fram greinargerð Landslags ehf. um forsendur deiliskipulags dags. 10. febrúar 2020 br. 4. nóvember 2020, greinargerð Landslags ehf. um stefnumörkun og skilmála dags. 10. febrúar 2020 br. 4. nóvember 2020, skýringarmynd Landslags ehf. dags. 10. janúar 2020 og drög Borgarsögusafns Reykjavíkur að varðveislumati og húsaskrá fyrir Elliðaárdalinn. Einnig er lagður fram tölvupóstur stjórnar Hollvinasamtakanna dags. 19. mars 2020 og bréf Halldórs Páls Gíslasonar f.h. Hollvinasamtaka Elliðaárdals dags. 21. apríl 2020. Tillagan var auglýst frá 16. mars 2020 til og með 18. maí 2020. Eftirtaldir sendu inn athugasemdir/umsögn: Jón Þór Ólason f.h. Stangveiðifélags Reykjavíkur dags. 9. nóvember 2019, Bjarni V. Guðmundsson dags. 18. mars 2020, Vegagerðin dags. 19. mars 2020 og 19. maí 2020, Hörður Guðjónsson f.h. íþróttafélagsins Fylkis dags. 22. apríl 2020, Umhverfisstofnun dags. 22. apríl 2020, Hlín Sverrisdóttir dags. 7. maí 2020, Hestamannafélagið Fákur dags. 12. maí 2020, skrifstofa samgöngustjóra og borgarhönnunar dags. 14. maí 2020, Sædís Þorleifsdóttir dags. 17. maí 2020, Gunnar H. Guðmundsson dags. 18. maí 2020, Orkuveita Reykjavíkur dags. 18. maí 2020, Veitur dags. 18. maí 2020, Snorri Gunnarssondags. 18. maí 2020, Ólafur Haraldsson f.h. Frisbígolffélags Reykjavíkur og Íslenska frisbígolfsambandsins dags. 18. maí 2020, Halldór Páll Gíslason f.h. Hollvinasamtaka Elliðaárdalsins dags. 18. maí 2020, Jósep Valur Guðlaugsson dags. 19. maí 2020, íbúaráð Árbæjar og Norðlingaholts dags. 19. maí 2020, Minjastofnun Íslands dags. 4. júní 2020 og íbúaráð Breiðholts dags. 16. júní 2020. Einnig er lögð fram fornleifaskrá og húsakönnun Borgarsögusafns Reykjavíkur, skýrsla nr. 203, dags. 2020 og umsögn Minjastofnunar Íslands dags. 27. október 2020. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 25. maí 2020 og er nú lagt fram að nýju.
Vísað til skipulags- og samgönguráðs.
20.20 Hólmsland, (fsp) stækkun húss (loka skyggni)
Lögð fram fyrirspurn Björns Björnssonar dags. 2. nóvember 2020 ásamt bréfi/skissu dags. 30. október 2020 um að stækka hús (loka skyggni) að Hólmsland, lnr. 113490. Einnig er lagður fram aðaluppdr. Friðriks Ólafssonar dags. 1. maí 2018.

Vísað til umsagnar verkefnisstjóra.
21.20 Jöfursbás 5 og 7, breyting á deiliskipulagi
Á embættisafgreiðslufundi skipulagsfulltrúa 30. október 2020 var lögð fram umsókn Helga Mars Hallgrímssonar dags. 21. október 2020 varðandi breytingu á deiliskipulagi Gufuness, áfangi 1, vegna lóðanna nr. 5 og 7 við Jöfursbás. Í breytingunni felst að lóðir stækka, byggingarmagn eykst, hámarksfjöldi íbúða verður skilgreindur, stærðir svalaganga og lágmarks salarhæð verði ekki takmörkuð umfram kvaðir byggingarreglugerðar, fallið verður frá skilmálum um að efstu hæðir þurfi að vera inndregnar og þess í stað verður heimilt að hafa húsin stölluð og að heimilt verði að svalir og útskot nái 2 m út fyrir byggingarreit nema að götu, samkvæmt uppdr. Arkþing/Nordic ehf. dags. 19. október 2020. Einnig er lagt fram samþykki lóðarhafa aðliggjandi lóða dags. 18 og 30. september 2020. Erindinu var vísað til meðferðar hjá verkefnisstjóra og er nú lagt fram að nýju.

Vísað til skipulags- og samgönguráðs.
Vakin er athygli á að erindið fellur undir lið 7.5 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018.
22.20 Rauðavatn, framkvæmdaleyfi
Á embættisafgreiðslufundi skipulagsfulltrúa 30. október 2020 var lögð fram umsókn skrifstofu framkvæmda og viðhalds dags. 23. október 2020 um framkvæmdaleyfi vegna fullnaðarfrágangs á göngu- og reiðstíg við Rauðavatn ásamt fullnaðarfrágangs á stíglýsingu meðfram göngu- og reiðstígum. Einnig er lagt fram teikningasett VSÓ ráðgjafar dags. í október 2020. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 6. nóvember 2020.

Samþykkt að gefa út framkvæmdaleyfi með vísan til umsagnar skipulagsfulltrúa dags. 6. nóvember 2020. Vísað til skrifstofu sviðsstjóra til útgáfu framkvæmdaleyfis. Vakin er athygli á að greiða þarf fyrir útgáfu framkvæmdaleyfis skv. gr. 5.2 í gjaldskrá skipulagsfulltrúa nr. 1231/2018.
23.20 Álfsnes, ósk um umsögn vegna endurnýjunar starfsleyfis
Lagt fram erindi Heilbrigðiseftirlits Reykjavíkur dags. 3. nóvember 2020 þar sem óskað er eftir umsögn skipulagsfulltrúa vegna endurnýjunar á starfsleyfi fyrir skotvöll félagsins í Álfsnesi. Óskað er eftir umsögn um hvort starfsemin samræmist skipulagi og hvort fyrirhugaðar séu breytingar á skipulagi sem gætu komið í veg fyrir endurnýjun starfsleyfis í 12 ár.
Vísað til umsagnar verkefnisstjóra.
24.20 Njálsgata 60, breyting á deiliskipulagi
Lögð fram umsókn Sigurðar Hallgrímssonar dags. 30. október 2020 varðandi breytingu á deiliskipulagi reits 1.190.3, Njálsgötureits, vegna lóðarinnar nr. 60 við Njálsgötu. Í breytingunni felst að ekki verður kjallari undir húsinu, hámarksfjöldi íbúða verður 8, bygging á eystri hluta reits verður 4 hæðir og ris, bygging á vestari hluta reits verður 3 hæðir og ris, inngangur verður frá sundi milli Njálsgötu 60 og 58, svalir mega ná 1,6 m út fyrir byggingarreit til suðurs og lyftuhús má ganga upp úr þaki, samkvæmt uppdr. Arkþing/Nordic ehf. dags. 30. október 2020.

Samþykkt að grenndarkynna framlagða tillögu fyrir hagsmunaaðilum að Njálsgötu 53-57, 58, 58B, 59, 62 og 64 Bergþórugötu 37, 41, 43-45 og Barónsstíg 24, 28 og 30.
Vakin er athygli á að greiða þarf fyrir grenndarkynningu áður en kynning fer fram samkv. 7. 6.gr. gjaldskrá skipulagsfulltrúa nr. 1231/2018.

25.20 Víðimelur 29, Breyting - úti og inni - fimm sjálfstæðar íbúðir.
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 22. september 2020 þar sem sótt er um leyfi til að breyta innra skipulagi og gera fimm sjálfstæðar íbúðir í húsinu, fjarlægja reykháf sem snýr að götuhlið, stækka svalir, síkka glugga í kjallara og setja nýja kvisti og þakglugga á hús á lóð nr. 29 við Víðimel. Erindi var grenndarkynnt frá 6. október 2020 til og með 3. nóvember 2020. Engar athugasemdir bárust. Einnig er lagður fram tölvupóstur Guðnýjar Jónasdóttur dags. 6. október 2020 og Sigrúnar Helgadóttur dags. 30. október 2020 þar sem ekki eru gerðar athugasemdir við tillöguna.
Erindi fylgir yfirlit breytinga á útliti hússins, bréf Minjastofnunar dags. 2. júlí 2020 og skýrsla um íbúðaskoðun dags. 16. september 2020. Útskrift úr gerðabók embættisafgreiðslufundar skipulagsfulltrúa frá 4. september 2020 fylgir erindi, ásamt umsögn skipulagsfulltrúa dags. 4. september 2020. Einnig fylgir bréf skipulagsfulltrúa dags. 8. september 2020. Gjald kr. 11.200

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

26.20 Seltjarnarnes, lýsing vegna breytingu á aðal- og deiliskipulagi - verslun og þjónusta í Ráðagerði
Lagt fram erindi Seltjarnarnesbæjar, dags. 2. nóvember 2020, þar sem kynnt er lýsing, dags. 16. október 2020, fyrir breytingu á Aðalskipulagi Seltjarnarnesbæjar 2015-2033 og á deiliskipulagi Vestursvæðis vegna verslunar og þjónustu í Ráðagerði. Frestur til að skila inn athugasemdum eða ábendingum er til og með 13. nóvember 2020.

Vísað til umsagnar deildarstjóra aðalskipulags.
27.20 Seltjarnarnes, lýsing vegna breytingu á aðalskipulagi og gerð nýs deiliskipulags - leikskóli við Suðurströnd.
Lagt fram erindi Seltjarnarnesbæjar, dags. 2. nóvember 2020, þar sem kynnt er lýsing, dags. 19. október 2020, fyrir breytingu á Aðalskipulagi Seltjarnarnesbæjar 2015-2033 og gerð nýs deiliskipulags vegna leikskóla við Suðurströnd. Frestur til að skila inn athugasemdum eða ábendingum er til og með 13. nóvember 2020.

Vísað til umsagnar deildarstjóra aðalskipulags
28.20 Hafnarfjörður, aðalskipulag, skipulagslýsing
Lagt fram bréf Hafnarfjarðarbæjar dags. 3. nóvember 2020 þar sem óskað er eftir umsögn á skipulagslýsingu vegna endurskoðunar á aðalskipulagi Hafnarfjarðar 2013-2025.

Vísað til umsagnar deildarstjóra aðalskipulags