Álagrandi 6, Borgartún 34-36, Grundarstígur 15B, Laugavegur 59, Lokastígur 28A, Skógarhlíð 20, Vatnsstígur 10 og 12, Bykoreitur, reitur 1.138, Geirsgata/Kalkofnsvegur, Hlíðarendi 20-26, Reitur 1.174.0, Landsbankareitur, Kambsvegur 18, Kringlumýrarbraut frá Miklubraut að Bústaðavegi, Miklabraut, breikkun frá Kringlumýrarbraut að Grensásvegi, Laufásvegur 10, Nethylur 2, Skipholt 21, Tryggvagata 18-18c, Grensásvegur 1, Haukdælabraut 1, Haukdælabraut 16, Lyngháls 4, Ystasel 37, Ásendi 17, Fiskislóð 43, Friggjarbrunnur 18, Spítalastígur 8, Vesturgata 30, Fegrunarviðurkenningar 2017, Geldinganes, grjótnám, Kjalarnes, Fitjakot, Smiðshöfði 9, Öskjuhlíð, Perlan,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

620. fundur 2017
Embættisafgreiðslufundur skipulagsfulltrúa Reykjavíkur samkvæmt viðauka 2.4 við samþykkt um stjórn Reykjavíkurborgar. Ár 2017, föstudaginn 10. febrúar kl. 09:30, hélt skipulagsfulltrúa Reykjavíkur 620. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson og Marta Grettisdóttir. Eftirtaldir embættismenn kynntu mál á fundinum: Jón Kjartan Ágústsson, Margrét Þormar, Lilja Grétarsdóttir og Björn Ingi Edvardsson. Ritari var Erna Hrönn Geirsdóttir
Þetta gerðist:

1.17 Álagrandi 6, breyting á deiliskipulagi
Á embættisafgreiðslufundi skipulagsfulltrúa 11. nóvember 2016 var lagt fram erindi ASK Arkitekta ehf., mótt. 31. október 2016, varðandi breytingu á deiliskipulagi vegna lóðarinnar nr. 6 við Álagranda. Í breytingunni felst að bæta við nýjum byggingarreit á lóð fyrir hús sem nýtt verður sem vinnuherbergi/tómstundaherbergi, samkvæmt uppdr. ASK Arkitekta ehf., dags. 28. október 2016. Erindinu var vísað til umsagnar verkefnisstjóra.
Frestað.
Umsækjandi hafi samband við embætti skipulagsfulltrúa.
2.17 Borgartún 34-36, breyting á deiliskipulagi
Á embættisafgreiðslufundi skipulagsfulltrúa 9. desember 2016 var lögð fram umsókn Björns Skaptasonar, mótt. 25. nóvember 2016, varðandi breytingu á deiliskipulagi lóðarinnar nr. 34-36 við Borgartún. Í breytingunni felst að lóðin er stækkuð til suðurs og vesturs, heimiluð er fjölgun íbúða en sett kvöð um verslunarrými á 1. hæð við Sóltún, bílastæði verða flest neðanjarðar, heimilt verður að hækka hluta húsanna, auka nýtingarhlutfall og rífa öll húsin á lóðunum, samkvæmt uppdr. Atelier Arkitekta slf., dags. 11. nóvember 2016. Einnig er lögð fram greinargerð Mannvits um hljóðvist, dags. 9. september 2016. Erindinu var vísað til meðferðar hjá verkefnisstjóra og er nú lagt fram að nýju.

Kynna formanni umhverfis- og skipulagsráðs.
3.17 Grundarstígur 15B, (fsp) kvistir
Á embættisafgreiðslufundi skipulagsfulltrúa 3. febrúar 2017 var lögð fram fyrirspurn Kristjáns Hrafns Bergsveinssonar, mótt. 11. janúar 2017, varðandi breytingu og stækkun á kvistum hússins á lóð nr. 15B við Grundarstíg, samkvæmt uppdrætti Páls V. Bjarnasonar ódags. Einnig er lögð fram umsögn Minjastofnunar Íslands, dags. 18. janúar 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 10. febrúar 2017.

Jákvætt með vísan til umsagnar skipulagsfulltrúa dags. 10. febrúar 2017.
4.17 Laugavegur 59, Breyting á veitingastað. Br. á erindi BN051424
Lagt fram erindi frá afgreiðslufundi byggingarfulltrúa frá 7. febrúar 2017 þar sem sótt er um leyfi til að breyta veitingastað úr flokki II í flokk III fyrir 105 gesti í íbúðar- og atvinnuhúsi á lóð nr. 59 við Laugaveg.
Erindi fylgir húsaleigusamningur dags. 9. janúar 2017, brunahönnun frá EFLU dags. 10. júlí 2016 og skýringar á gróðurrýmum og bréf um hljóðvistaskýrslu frá hönnuði dags. 31. janúar 2017. Gjald kr. 11.000

Vísað til umsagnar verkefnisstjóra.
5.17 Lokastígur 28A, breyting á aðalskipulagi Reykjavíkur 2010-2030
Lögð fram umsókn Hauks Björgvinssonar, mótt. 26. janúar 2017, varðandi breytingu á aðalskipulagi Reykjavíkur 2010-2030 vegna lóðarinnar nr. 28A við Lokastíg. Í breytingunni felst að heimilt verður að reka gististað í flokki II í húsinu.

Vísað til meðferðar hjá verkefnisstjóra.
6.17 Skógarhlíð 20, breyting á deiliskipulagi
Á embættisafgreiðslufundi skipulagsfulltrúa 27. janúar 2017 var lögð fram umsókn Teiknistofunnar Óðinstorgi HH ehf., mótt. 25. nóvember 2016, varðandi breytingu á deiliskipulagi Skógarhlíðar vegna lóðarinnar nr. 20 við Skógarhlíð. Í breytingunni felst stækkun á byggingarreit hússins til vesturs, samkvæmt uppdr. Teiknistofunnar Óðinstorgi HH ehf., dags. 22. nóvember 2016. Erindinu var frestað og er nú lagt fram að nýju.
Vísað til umhverfis-og skipulagsráðs

Umsækjanda er bent á að komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1193/2016.


7.17 Vatnsstígur 10 og 12, (fsp) aukið byggingarmagn
Lögð fram fyrispurn Arkitekta Laugavegi 164 ehf., mótt. 31. janúar 2017, um heimild til að auka byggingarmagn á lóðunum Vatnsstígur 10A og Vatnsstígur 12 skv. tillögu, dags. 27. janúar 2017.

Vísað til meðferðar hjá verkefnisstjóra.
8.17 Bykoreitur, reitur 1.138, breyting á deiliskipulagi
Að lokinni auglýsingu er lögð fram að nýju umsókn Plúsarkitekta, dags. 3. júní 2016 varðandi breytingu á deiliskipulagi Bykoreits, reitur 1.138. Helstu breytingar eru að skilgreina fjölda íbúða samkvæmt AR 2010-30, skilgreina landnotkun í samræmi við stefnu í AR 2010-30 um aðalgötur ásamt hækkun á hæðarkvóta, skv. uppdr. Plúsarkitekta, dags. 14. nóvember 2016. Tillagan var auglýst frá 7. desember 2016 til og með 6. febrúar 2017. Eftirtaldir aðilar sendu athugasemdir: Skólaráð Vesturbæjarskóla, dags. 20. janúar 2017, Heiða Kristín Helgadóttir fulltrúi foreldra, dags. 20. janúar 2017, Guðmundur Ingi Guðbrandsson, dags. 23. janúar 2017, Ingi Elvar Árnason, dags. 23. janúar 2017, Kristinn Baldursson, dags. 23. janúar 2017, Alina Dubik og Zbigniew Dubik, dags. 23. janúar 2017, íbúasamtök Vesturbæjar, dags. 23. janúar 2017, húsfélag Sólvallagata 80-84 ásamt viðhengi 2, dags. 23. janúar 2017, Björn S. Stefánsson, dags. 23. janúar 2017 og Elísabet Jökulsdóttir, dags. 23. janúar 2017, Björn S. Stefánsson, dags. 24. janúar 2017. Einnig er lagður fram tölvupóstur frá Elísubetar Jökulsdóttur, dags. 22. janúar 2017 og 6. febrúar 2017, þar sem óskað er eftir frekari framlengingu á athugasemdarfresti.

Vísað til umsagnar verkefnisstjóra.
Ekki er hægt að verða við beiðni um framlengdan athugasemdarfrest.
9.17 Geirsgata/Kalkofnsvegur, framkvæmdaleyfi
Lögð fram umsókn skrifstofu framkvæmda- og viðhalds, mótt. 2. febrúar 2017, um framkvæmdaleyfi sem felst í stærstum hluta að breyta núverandi gatnamótum þannig að Lækjargata og Kalkofnsvegur verða ein heild en Geirsgata kemur þvert á Kalkofnsveg, samkvæmt teikningum Landmótunar, dags. 20 janúar 2017.

Vísað til umsagnar verkefnisstjóra.
10.17 Hlíðarendi 20-26, breyting á deiliskipulagi Hlíðarenda
Lögð fram umsókn Sigurðar Hallgrímssonar, mótt. 27. janúar 2017, um breytingu á deiliskipulagi Hlíðarenda vegna fjölgunar íbúða á lóð nr. 20-26 við Hlíðarenda, skv. uppdrætti Arkþings, dags. 27. janúar 2017.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
11.17 Reitur 1.174.0, Landsbankareitur, breyting á deiliskipulagi
Lögð fram fyrirspurn T.ark Arkitekta ehf., mótt. 25. janúar 2017, um að breyta deiliskipulagi reits 1.174.0, Landsbankareits, vegna lóðanna nr. 88A, 92 og 94-96 við Hverfisgötu sem felst í að lóð Hverfisgötu 92 stækkar og lóð Hverfisgötu 94-96 minnkar á móti, bindandi byggingarlína bakgarðsmegin er fjarlægð við lóðarmörk Hverfisgötu 92 og Hverfisgötu 94-96, samskonar bindandi byggingarlína er stytt milli Hverfisgötu 88A og 92, stækkaðir eru byggingarreitir á lóð Hverfisgötu 88, byggingarreitur á Hverfisgötu 92 (bakhús) stækkar um 1 metra til vesturs, göngukvöð um inngarð er fjarlægð og sérafnotareitur norðan bakhúss Hverfisgötu 92 afnumin, samkvæmt uppdr. T.ark Arkitekta ehf., dags. 25. janúar 2017. Einnig er lögð fram tillaga Batterísins arkitekta ehf., dags. 15. janúar 2017.

Vísað til umsagnar hjá verkefnisstjóra.
12.17 Kambsvegur 18, (fsp) skipta fasteigninni 01 0102 í tvær eignir
Á embættisafgreiðslufundi skipulagsfulltrúa 3. febrúar 2017 var lögð fram fyrirspurn Byggingarfélagsins Ögur ehf., mótt. 24. janúar 2017, um að skipta fasteigninni 01 0102 í tvær eignir. Fyrirspurninni var vísað til meðferðar hjá verkefnisstjóra og er nú lögð fram að nýju, ásamt umsögn skipulagsfulltrúa dags. 3. febrúar 2017.

Neikvætt með vísan til umsagnar skipulagsfulltrúa dags. 3. febrúar 2017
13.17 Kringlumýrarbraut frá Miklubraut að Bústaðavegi, deiliskipulag
Lögð fram tillaga Landmótunar, dags. 31. janúar 2017, að deiliskipulagi Kringlumýrarbraut frá Miklubraut að Bústaðavegi. Deiliskipulagið nær yfir Kringlumýrarbraut og nærumhverfi hennar, frá Miklubraut að frárein upp á Bústaðaveg. Í tillögunni felst að komið er fyrir forgangsleið fyrir almenningssamgöngur í norður- og suðurátt ásamt því að skilgreina hjóla- og gönguleið og hljóðvegg meðfram lóðum við Stigahlíð. Einnig er lagður fram skýringaruppdráttur og hljóðvistarskýrsla dags. 3. febrúar 2017.
Vísað til umhverfis-og skipulagsráðs


14.17 Miklabraut, breikkun frá Kringlumýrarbraut að Grensásvegi, breyting á deiliskipulagi
Lögð fram tillaga Landslags, dags. 3. febrúar 2017, að breytingu á deiliskipulaginu Miklabraut, breikkun frá Kringlumýrarbraut að Grensásvegi. Afmörkun á deiliskipulaginu er breytt þar sem það mætir nýju deiliskipulagi fyrir Kringlumýrarbraut frá Miklubraut að Bústaðavegi. Mörk deiliskipulagsins þar sem þau ná inn á Kringlumýrarbraut til suðurs færast að gatnamótum Kringlumýrarbrautar og Miklubrautar.

Vísað til umhverfis-og skipulagsráðs
15.17 Laufásvegur 10, (fsp) rekstur gististaðar í flokki II
Lögð fram fyrirspurn LMB lögmanna slf., mótt. 1. febrúar 2017, varðandi rekstur gististaðar í flokki II í kjallara hússins á lóð nr. 10 við Laufásveg. Einnig er lagt fram bréf LMB lögmanna slf., dags. 24. janúar 2017.

Vísað til umsagnar verkefnisstjóra.
16.17 Nethylur 2, staðsetning ökutækjaleigu
Á embættisafgreiðslufundi skipulagsfulltrúa 27. janúar 2017 var lagt fram bréf Samgöngustofu, dags. 26. janúar 2017, þar sem óskað er eftir umsögn skipulagsfulltrúa á umsókn Bjarka Páls Ágústssonar f.h. Storkuberg ehf. um að reka ökutækjaleigu að Nethyl 2. Sótt er um leyfi fyrir 8 ökutækjum í útleigu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 8. febrúar 2017.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 8. febrúar 2017.
17.17 Skipholt 21, (fsp) rekstur gististaðar á jarðhæð
Lögð fram fyrirspurn Arkís arkitekta ehf., mótt. 23. janúar 2017, um að reka gististað í austari hluta jarðhæðar hússins á lóð nr. 21 við Skipholt.

Vísað til umsagnar verkefnisstjóra.
18.17 Tryggvagata 18-18c, skilmálabreyting vegna gistiheimilis
Lagt fram erindi Þormóðs Sveinssonar, mótt. 31. janúar 2017, varðandi skilmálabreytingu dags. 7. febrúar 2017 vegna gistiheimilis að Tryggvagötu 18.

Vísað til umhverfis-og skipulagsráðs

Vakin er athygli á að komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1193/2016.


19.17 Grensásvegur 1, breyting á deiliskipulagi
Á embættisafgreiðslufundi skipulagsfulltrúa 3. febrúar 2017 var lögð fram umsókn Sigurðar Einarssonar, mótt. 25. janúar 2017, varðandi breytingu á deiliskipulagi fyrir lóðina nr. 1 við Grensásveg. Í breytingunni felst að byggingarreitur inndreginnar þakhæðar stækkar og ekki er lengur skilyrt að þakhæð sé tæknirými, samkvæmt uppdr. Batterísins arkitekta ehf., dags. 19. janúar 2017. Erindinu var vísað til meðferðar hjá verkefnisstjóra og er nú lagt fram að nýju.
Vísað til umhverfis-og skipulagsráðs

Vakin er athygli á að komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1193/2016.
20.17 Haukdælabraut 1, (fsp) breyta einbýlishúsi í parhús
Lögð fram fyrirspurn Guðmundar Gunnlaugssonar, mótt. 18. janúar 2017, um að breyta einbýlishúsi á lóð nr. 1 við Haukdælabraut í Parhús, samkvæmt teikningu Guðmundar Gunnlaugssonar, dags. 15. janúar 2017. Einnig er lagt fram bréf Guðmundar Gunnlaugssonar, dags. 16. janúar 2017.

Vísað til umsagnar verkefnisstjóra.
21.17 Haukdælabraut 16, (fsp) tveggja hæða hús og færsla á bílastæði
Lögð fram fyrirspurn Einars Garðarssonar, mótt. 6. febrúar 2017, um að húsið á lóð nr. 16 við Haukdælabraut verði tvær fullar hæðir, ekki stallað, og færa bílastæði til vesturs.

Vísað til umsagnar verkefnisstjóra.
22.17 Lyngháls 4, breyting á deiliskipulagi
Lögð fram umsókn PK dM arkitekta ehf., mótt. 23. janúar 2017, varðandi breytingu á deiliskipulagi Hálsahverfis vegna lóðarinnar nr. 4 við Lyngháls. Í breytingunni felst að byggingarreitur 5. hæðar stækkar út í útmörk 4. hæðar núverandi húss ásamt því að hann stækkar til suðurs, hámarkshæð útveggja og þaks 5. hæðar hækkar um 1,3 metra, lyftuhús og lagnaskökt mega ná 2 metra upp fyrir hámarkshæð 5. hæðar, nýtingarhlutfall ofanjarðar er hækkað ásamt því að áfram er nýtt heimild í kafla 2.7 til að auka nýtingarhlutfall sem nemur bílageymslum neðanjarðar, neðanjarðargeymslum og tæknirýmum á lóðinni, heimilt er að byggja skyggni á norðurhlið byggingar allt að 2 metra út fyrir byggingarreit og bílastæðaskilmálar eru endurskoðaðir, samkvæmt uppdr. PK dM arkitekta ehf., dags. 23. janúar 2017. Einnig er lögð fram greinargerð, dags. 23. janúar 2017.

Vísað til umhverfis-og skipulagsráðs.
Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1193/2016.
23.17 Ystasel 37, (fsp) stækkun lóðar
Lögð fram fyrirspurn Gests Ólafssonar, mótt. 5. janúar 2016, varðandi stækkun lóðarinnar nr. 37 við Ystasel um ca. 4,5 metra til austurs, samkvæmt tillögu, ódags.

Vísað til umsagnar verkefnisstjóra.
24.17 Ásendi 17, Breyta glugga í hurð.
Lagt fram erindi frá afgreiðslufundi byggingarfulltrúa frá 7. febrúar 2017 þar sem sótt er um leyfi til að koma fyrir hurð út úr sökkulrými í kjallara á suðurhlið einbýlishúss á lóð nr. 17 við Ásenda.
Gjald kr. 11.000

Vísað til umsagnar verkefnisstjóra.
25.17 Fiskislóð 43, (fsp) breyttur byggingarreitur, hækkun
Lögð fram fyrirspurn Plúsarkitekta ehf., mótt. 31. janúar 2017 um að breyta leyfilegri hámarkshæð mannvirkja á lóð nr. 43 við Fiskislóð úr 12 metrum, samkvæmt gildandi deiliskipulagi, í 17 metra ásamt breytingu á byggingarreit, samkvæmt tillögu Plúsarkitekta ehf., dags. 31. janúar 2017.
Vísað til umsagnar verkefnisstjóra.
26.17 Friggjarbrunnur 18, Stækka þaksvalir. Br. v/lokaúttektar á BN048703
Lagt fram erindi frá afgreiðslufundi byggingarfulltrúa frá 7. febrúar 2017 þar sem sótt er um leyfi til að stækka þaksvalir íbúðar á efstu hæð, sjá erindi BN048703, fjölbýlishúss á lóð nr. 18 við Friggjarbrunn.
Erindi fylgir samþykki meðeigenda dags. 30. janúar 2017. Gjald kr. 10.100

Vísað til umsagnar verkefnisstjóra.
27.17 Spítalastígur 8, breyting á deiliskipulagi
Lögð fram umsókn Ásmundar Jóhannssonar, mótt. 27. október 2016, varðandi breytingu á deiliskipulagi reits 1.184.1 vegna lóðarinnar nr. 8 við Spítalastíg. Í breytingunni felst að stækka 2. hæð hússins að gafli spítalastígs 10 og hækka framhús um eina hæð þannig að framhús verði 3. hæðir, hækka bakbyggingu að gafli Bergstaðastætis 17B um eina hæð þannig að bakbygging verði 2. hæðir og nota hluta þaks bakbyggingar sem flóttaleið og til útivistar., samkvæmt uppdr. Arko., dags. 25. nóvember 2016. Einnig er lagður fram tölvupóstur Kára Halldórs f.h. íbúa Bergstaðastrætisreits, dags. 3. febrúar 2017, þar sem óskað er eftir framlengingu á athugasemdarfresti.

Samþykkt að framlengja athugasemdarfrest til 23. febrúar 2017.
28.17 Vesturgata 30, breyting á deiliskipulagi
Lögð fram umsókn Grímu arkitekta ehf., mótt. 24. janúar 2017, varðandi breytingu á deiliskipulagi Nýlendureits vegna lóðarinnar nr. 30 við Vesturgötu. Í breytingunni felst hækkun á nýtingarhlutfalli og gera nýja byggingarreiti, fjölgun íbúða úr 3 í 6, niðurrif á viðbyggingu við íbúðarhús og niðurfelling á heimild um hækkun þess, verndun þakhúss og verndun tveggja trjáa á lóðinni, samkvæmt uppdr. Grímu arkitekta ehf., dags. 24. janúar 2017.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
29.17 08">Fegrunarviðurkenningar 2017, skipan fulltrúa
Skipan fulltrúa í vinnuhóp sem gerir tillögu að fegrunarviðurkenningum fyrir lóðir fjölbýlishúsa og fyrirtækja/stofnana og vegna endurbóta á eldri húsum árið 2017.



Vísað til umhverfis-og skipulagsráðs
30.17 Geldinganes, grjótnám, bókun áheyrnarfulltrúa Framsóknar og flugvallarvina og hverfisráðs Grafarvogs
Á embættisafgreiðslufundi skipulagsfulltrúa 22. desember 2016 var lögð fram fundargerð hverfisráðs Grafarvogs frá 13. desember 2016 vegna eftirfarandi bókunar áheyrnarfulltrúa Framsóknar og flugvallarvina (liður nr. 2 í fundargerð): "Geldinganesið væri best að byggja upp sem hverfahluta við Grafarvoginn enda á við hálfan Grafarvoginn að stærð. Nú þegar þörf er á fleirum íbúðum og húsnæðum fyrir uppalda Grafarvogsbúa, s.s. minni og stærri rað- og parhús fyrir fjölskyldur sem hafa hafið sína fyrstu fjölskylduuppbyggingu í fjölbýlishúsum hverfisins og eru nú komin í þá fjölskyldustærð að stærri húsnæði þurfi til. Grjótnám úr miðju mögulegu framtíðar íbúðahverfi er ekki endilega það besta fyrir framtíð Geldinganessins. Eftirfarandi bókun var gerð af hverfisráði Grafarvogs: "Hverfisráð Grafarvogs óskar eftir upplýsingum um framtíðaráform um Geldinganes, grjótnám og hugsanlega íbúðabyggð." Einnig lögð fram umsögn skrifstofu eigna og atvinnuþróunar, dags. 27. janúar 2017.

Kynna formanni umhverfis- og skipulagsráðs.
31.17 Kjalarnes, Fitjakot, (fsp) uppbygging
Á embættisafgreiðslufundi skipulagsfulltrúa 3. febrúar 2017 var lögð fram fyrirspurn Freys Frankssonar, mótt. 25. janúar 2017, varðandi uppbyggingarmöguleika í landi Fitjakots á Kjalarnesi. Einnig er lagt fram bréf Úti og inni arkitekta sf., dags. 28. október 2016. Fyrirspurninni var vísað til meðferðar hjá verkefnisstjóra og er nú lögð fram að nýju ásamt umsögn skipulagsfulltrúa, dags. 10. febrúar 2017.

Umsögn skipulagsfulltrúa samþykkt, dags. 10. febrúar 2017.
32.17 Smiðshöfði 9, beiðni um endurskoðun á umsögn
Lagt fram bréf Samgöngustofu, dags. 9. febrúar 2017, ásamt bréfi Guðmundar Karls Gautasonar f.h. Northern Lights Car rental, ódags. þar sem óskað er eftir endurskoðun á umsögn um staðsetningu fyrir rekstur bílaleigu að Smiðshöfða 9. Fjöldi ökutækja sem sótt er um mun fækka úr 53 ökutækjum niður í 30 ökutæki.
Umsögn skipulagsfulltrúa samþykkt, dags. 10. febrúar 2017.

33.17 Öskjuhlíð, Perlan, breyting á deiliskipulagi
Lögð fram umsókn Landmótunar fh.lóðarhafa mótt. 7. febrúar 2017, varðandi breytingu á deiliskipulagi Öskjuhlíðar vegna lóðar Perlunnar nr. 1 við Varmahlíð. Í breytingunni felst að gera byggingarreit fyrir nýtt mannvirki norðan við Perluna sem er að mestu neðanjarðar og tengist núverandi byggingu, breyta staðsetningu á nýjum heitaveitutanki o.fl., samkvæmt uppdr. Landmótunar sf., dags. 6. febrúar 2017. Einnig er lögð fram greinargerð Landmótunar sf., dags. 7. febrúar 2017.

Kynna formanni umhverfis- og skipulagsráðs.