Bragagata 26A, Bragagata 35 og Freyjugata 16, Jaðarleiti 2-8, Laufásvegur 81, Spítalastígur 8, Úlfarsárdalur, Árbæjarsafn, Lambhagavegur 8 og 10, Rafstöðvarvegur 7-9, Austurstræti 17, Bæjarflöt 9-11 og Gylfaflöt 15-17, Framnesvegur 40, 42 og 42a, Fríkirkjuvegur 11, Veltusund 3B, Köllunarklettsvegur 6, Þórsgata 17A, Drápuhlíð 9, Hólmasund 4-20, Hraunteigur 3, Lækjargata 10 og 12, Vonarstræti 4-4b og Skólabrú 2, Vatnagarðar 28, Vættaborgir 31, Bankastræti 14, Bankastræti 14, Flugvöllur 106748, Selásbraut 98, Skeifan 7, Vogahverfi v/ Gnoðarvogur 44, Fjölnisvegur 16, Háaleitisbraut 68, Mýrargata 26, Óðinsgata 9, Ránargata 21, Skólavörðustígur 24, Skútuvogur 2, Týsgata 3, Seltjarnarnes, Laugavegur 107,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

611. fundur 2016
Ár 2016, föstudaginn 25. nóvember kl. 09:28, hélt skipulagsfulltrúi Reykjavíkur 611. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsson og Marta Grettisdóttir Eftirtaldir embættismenn kynntu mál á fundinum: Borghildur S. Sturludóttir, Björn Ingi Edvardsson, Hildur Gunnarsdóttir, Margrét Þormar, Lilja Grétarsdóttir og Halldóra Hrólfsdóttir. Ritari var Harri Ormarsson
Þetta gerðist:

1.16 Bragagata 26A, Endurnýjun - BN035456
Lagt fram erindi frá afgreiðslufundi byggingarfulltrúa frá 22. nóvember 2016 þar sem sótt er um leyfi til að byggja nýjar svalir á suðvesturgafli, koma fyrir þaksvölum og skjólgirðingu ofan á geymsluskúr og reisa skjólvegg á lóðamörkum við raðhús á lóðinni nr. 26A við Bragagötu.
Sjá erindi BN035456 sem samþykkt var 29. ágúst 2007. Meðfylgjandi er samþykki meðeiganda dags. 23. maí 2014 og samþykki nágranna á nr. 24 og 26 dags. 23. maí 2014. Gjald kr 9.500

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Bragagötu 24, 26 og 28 Haðarstíg 2, 4, 6, og 10
Vakin er athygli á að greiða þarf fyrir grenndarkynningu áður en kynning fer fram samkv. 8.1.gr. gjaldskrá skipulagsfulltrúa nr. 1111/2014.

2.16 Bragagata 35 og Freyjugata 16, deiliskipulag
Lögð fram umsókn Sigurðar Hallgrímssonar, mótt. 15. nóvember 2016, um að rífa núverandi einnar hæðar hús á lóðunum nr. 35 við Bragagötu og 16 við Freyjugötu og byggja tveggja hæðar hús í þeirra stað, samkvæmt tillögu Arkþings ehf., dags. 14. nóvember 2016.

Vísað til umsagnar verkefnisstjóra.
3.16 Jaðarleiti 2-8, Fjölbýlishús
Lagt fram erindi frá afgreiðslufundi byggingarfulltrúa frá 22. nóvember 2016 þar sem sótt er um leyfi til að byggja 71 íbúð í fjórum fjölbýlishúsum á sameiginlegum bílakjallara með 44 stæðum á reit C við Jaðarleiti.
Gjald kr. 10.100

Ekki eru gerðar skipulagslegar athugasemdir við erindið.
4.16 Laufásvegur 81, (fsp) viðbygging fyrir fundarsal
Lögð fram fyrirspurn Páls V. Bjarnasonar arkitekts f.h. Kennarasambands Íslands, dags. 31. maí 2016, varðandi viðbyggingu fyrir fundarsal undir bílastæði á lóð Kennarasambands Íslands að Laufásvegi 81. Bílastæðin yrðu ofan á viðbyggingunni en hún yrði niðurgrafin að hluta.

Vísað til umsagnar verkefnisstjóra.
5.16 Spítalastígur 8, breyting á deiliskipulagi
Á embættisafgreiðslufundi skipulagsfulltrúa 11. nóvember 2016 var lögð fram umsókn Ásmundar Jóhannssonar, mótt. 27. október 2016, varðandi breytingu á deiliskipulagi reits 1.184.1 vegna lóðarinnar nr. 8 við Spítalastíg. Í breytingunni felst að stækka 2. hæð hússins að gafli spítalastígs 10 og hækka framhús um eina hæð þannig að framhús verði 3. hæðir, hækka bakbyggingu að gafli Bergstaðastætis 17B um eina hæð þannig að bakbygging verði 2. hæðir og nota hluta þaks bakbyggingar sem flóttaleið og til útivistar., samkvæmt uppdr. Arko., dags. 20. október 2016. Erindinu var frestað og er nú lagt fram að nýju.

Vísað til umhverfis-og skipulagsráðs.
Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1111/2014.
6.16 Úlfarsárdalur, lýsing
Að lokinni kynningu er lögð fram fram að nýju drög að lýsingu umhverfis- og skipulagssviðs, dags.27. maí 2016, vegna uppbyggingar og stækkunar Úlfarsárdalshverfis sem kallar á heildarendurskoðun á deiliskipulagi hverfisins. Í lýsingunni felst m.a. fjölgun íbúða, gert er ráð fyrir að núverandi hverfi stækki til austurs og til norðurs í átt að Leirtjörn. Stefnt er að því að heildaríbúðafjöldi í Úlfarsárdal verði um 1.400 íbúðir. Megin markmið skipulagstillögunnar er að hún taka mið af stefnumörkun í Aðalskipulagi Reykjavíkur 2010-2030, ný byggð falli vel að núverandi byggð og tryggt verði útsýni frá nýjum íbúðum. Leggja skal áherslu á skjólmyndun fyrir ríkjandi vindáttum með nýrri byggð. Einnig er lögð fram umsögn Skipulagsstofnunar, dags. 26. ágúst 2016. Kynning stóð til og með 23.nóvember 2016. Eftirtaldir aðilar sendu inn athugasemdir/ábendingar vegna lýsingar: Kristinn Traustason f.h. íbúasamtaka Úlfarsárdals, ódags., Kristján Smárason, dags. 9. nóvember 2016, Guðbrandur Benediktsson, dags. 9. desember 2016, Björg-Kofoed Hansen og Þórður Jónsson, dags. 17. nóvember 2016, Steinunn Haraldsdóttir, dags. 21. nóvember 2016, Gunnar Ólafsson, dags, 21. nóvember 2016, Haukur Guðjónsson og Kristinn Þór Geirsson f.h. Bílheima ehf., dags. 22. nóvember 2016, Arney Einarsdóttir, dags. 22. nóvember 2016, Kristín Björg Konráðsdóttir og Sigfús Ólafsson, dags. 22. nóvember 2016, Jónína Sif Eyþórsdóttir, Hanna Björk Kristinsdóttir og Helgi Vattnes eigendur gistiskálans að Akurholti og hestaleigunnar Reiðhús, dags. 23. nóvember 2016, Guðmundur Pétursson og Freyja Eiríksdóttir íbúar við Urðarbrunn 82 ásamt gögnum, dags, 23. nóvember 2016 og Freyr Gústavsson ásamt skipulagshugmynd, dags. 24. nóvember 2016.

Vísað til meðferðar hjá verkefnisstjóra.
7.16 Árbæjarsafn, (fsp) fjölgun bílastæða fyrir hreyfihamlaða
Lögð fram fyrirspurn Jökuls Pálmars Jónssonar, mótt. 21. nóvember 2016, um að fjölga bílastæðum fyrir hreyfihamlaða við Árbæjarsafn, samkvæmt skýringaruppdr., dags. 21. nóvember 2016.

Vísað til meðferðar hjá verkefnisstjóra.
8.16 Lambhagavegur 8 og 10, (fsp) breyting á deiliskipulagi
Á embættisafgreiðslufundi skipulagsfulltrúa 17. nóvember 2016 var lögð fram fyrirspurn skrifstofu eigna og atvinnuþróunar, mótt. 10. nóvember 2016, varðandi breytingu á deiliskipulagi við Vesturlandsveg, Hallar, vegna lóðanna nr. 8 og 10 við Lambhagaveg sem felst í sameiningu og stækkun lóðanna. Fyrirspurninni var vísað til meðferðar hjá verkefnisstjóra og er nú lögð fram að nýju. Einnig lögð fram umsögn skipulagsfulltrúa dags. 24. nóvember 2016.

Umsögn skipulagsfulltrúa dags. 24. nóvember 2016 samþykkt.
9.16 Rafstöðvarvegur 7-9, Breyting inni - nýir gluggar, hurðir o.fl.
Á embættisafgreiðslufundi skipulagsfulltrúa 11. nóvember 2016 var lagt fram erindi frá afgreiðslufundi byggingarfulltrúa frá 8. nóvember 2016 þar sem sótt er um leyfi fyrir innri breytingum og ytri sem eru þær helstar að stækkað er milligólf, nýr flóttastigi, ný hurð og iðnaðarhurð er lokuð í mhl 01 í húsinu á lóð nr. 7 - 9 við Rafstöðvarveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 24. nóvember 2016..
Stækkun vegna milligólfs: 419,8 ferm. Gjald kr. 10.100

Neikvætt, með vísan til umsagnar skipulagsfulltrúa dags. 24. nóvember 2016.
10.16 61">Austurstræti 17, (fsp) stækkun 6. hæðar til suðurs
Lögð fram fyrirspurn THG arkitekta ehf., mótt. 15. nóvember 2016, um að stækka 6. hæð hússins á lóð nr. 17 við Austurstræti til suðurs þar sem í dag eru svalir. Einnig er lögð fram greinargerð THG arkitekta ehf., dags. 15. nóvember 2016. Einnig er lögð fram greinargerð THG arkitekta ehf., dags. 15. nóvember 2016.

Vísað til umsagnar verkefnisstjóra.
11.16 Bæjarflöt 9-11 og Gylfaflöt 15-17, breyting á deiliskipulagi
Að lokinni auglýsingu er lögð fram umsókn skrifstofu eigna og atvinnuþróunar, mótt. 29. ágúst 2016, varðandi breytingu á deiliskipulagi Gylfaflatar vegna lóðanna nr. 9-11 við Bæjarflöt og 15-17 við Gylfaflöt. Í breytingunni felst að byggt verði athafnahúsnæði á lóðunum þar sem áður var gert ráð fyrir bílastæði fyrir stóra bíla. Þá er gert ráð fyrir göngustíg meðfram lóðunum á milli Bæjarflatar og Gylfaflatar, samkvæmt uppdr. Landslags ehf., mótt. 6. júlí 2016. Tillagan var auglýst frá 29. september til og með 10. nóvember 2016. Erindinu var vísað til meðferðar hjá verkefnisstjóra á embættisafgreiðslufundi skipulagsfulltrúa 17. nóvember 2016 og er nú lagt fram að nýju.
Vísað til umhverfis-og skipulagsráðs
12.16 Framnesvegur 40, 42 og 42a, breyting á deiliskipulagi
Að lokinni auglýsingu er lögð fram að nýju umsókn Arkþings, dags. 1. júlí 2016 um breytingu á deiliskipulagi Sólvallagötureits vegna lóðanna nr. 40, 42 og 42a við Framnesveg skv. uppdrætti, dags. 30. júní 2016. Breytingin gengur út á aukið byggingarmagn. Einnig er lögð fram umsögn Minjastofnunar Íslands, dags. 7. janúar 2016. Tillagan var auglýst frá 29. september 2016 til og með 11. nóvember 2016. Eftirtaldir aðilar sendu athugasemdir: Atli Þór Jóhannsson f.h. Húsfélagsins að Framnesvegi 44, dags. 30. október 2016 og Ásgeir Baldursson, dags. 11. nóvember 2016. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 17. nóvember 2016 og er nú lagt fram að nýju.

Vísað til umhverfis-og skipulagsráðs
13.16 Fríkirkjuvegur 11, Breyting á aðgengi
Að lokinni grenndarkynningu er lagt fram erindi frá afgreiðslufundi byggingarfulltrúa frá 30. ágúst 2016 þar sem sótt er um leyfi til að breyta áður samþykktu erindi BN049604 sem felst í breytingu á aðgengi að kjallara við sunnanvert húsið á lóð nr. 11 við Fríkirkjuveg. Erindi var grenndarkynnt frá 18. október til og með 15. nóvember 2016. Eftirtaldir aðilar sendu athugasemdir: Sigrún Valdimarsdóttir, Valdimar Helgason og H. Walter Schmitz, dags. 12. nóvember 2016. Einnig er lögð fram umsögn skipulagsfulltrúa dags. 24. nóvember 2016.
Sjá ennfremur erindi BN050726. Bréf hönnuða um ábyrgðasvið dags. 05.08.2016 fylgir erindi. Gjald kr. 10.100

Vísað til umhverfis-og skipulagsráðs.
14.16 Veltusund 3B, breyting á deiliskipulagi
Lögð fram umsókn Arkís arkitekta ehf., dags. 3. nóvember 2016, varðandi breytingu á deiliskipulagi Kvosarinnar vegna lóðarinnar nr. 3B við Veltusund. Í breytingunni felst að afmarkaður er nýr byggingarreitur í porti á 1., 2. og 3. hæð auk kjallara, samkvæmt uppdr. Arkís arkitekta ehf., dags. 29. september 2016.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.


15.16 Köllunarklettsvegur 6, (fsp) breyting á deiliskipulagi
Lögð fram fyrirspurn Conis ehf. dags. 8. nóvember 2016 um uppbyggingu á lóðinni nr. 6 við Köllunarklettsveg, samkvæmt uppdr. Conís ehf., dags. 25. október 2016. Einnig er lögð fram greinargerð Júlíusar Benburg, dags. 8. nóvember 2016.

Vísað til umsagnar verkefnisstjóra.
16.16 Þórsgata 17A, (fsp) breyting á deiliskipulagi
Lögð fram fyrirspurn Arnar Sigurðssonar, mótt. 9. nóvember 2016, varðandi breytingu á deiliskipulagi Lokastígsreits 3 vegna lóðarinnar nr. 17A við Þórsgötu sem felst í að setja kvisti á húsið til norðurs og suður og svalir til suðurs.
Vísað til umsagnar verkefnisstjóra.
17.16 Drápuhlíð 9, (fsp) bílskúr
Lögð fram fyrirspurn Þorsteins H. Guðbjörnssonar og Jóhönnu Vigdísar Arnardóttur, mótt. 15. nóvember 2016, varðandi byggingu bílskúrs á lóð nr. 9 við Drápuhlíð.

Vísað til umsagnar verkefnisstjóra.
18.16 >Hólmasund 4-20, (fsp) breyting á deiliskipulagi
Lögð fram fyrirspurn Hólmasunds 4-20, húsfélag, mótt. 10. nóvember 2016, varðandi breytingu á deiliskipulagi Þróttarsvæðis vegna lóðarinnar nr. 4-20 við Hólmaslóð sem felst í afmörkun lóðar fyrir 18 bílskúra meðfram húsagötunni að norðanverðu.

Vísað til umsagnar verkefnisstjóra.
19.16 Hraunteigur 3, breyting á deiliskipulagi
Lögð fram umsókn Guðrúnar Rögnu Yngvadóttur, mótt. 17. nóvember 2016, varðandi breytingu á deiliskipulagi Teigahverfis vegna lóðarinnar nr. 3 við Hraunteig. Í breytingunni felst að hækka nýtingarhlutfall lóðarinnar og stækka byggingarreit til vesturs og sameina við bílgeymslu, setja svalir á þak bílgeymslu o.fl., samkvæmt uppdr. Ask Arkitekta ehf., dags. 14. nóvember 2016.

Vísað til meðferðar verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.


20.16 Lækjargata 10 og 12, Vonarstræti 4-4b og Skólabrú 2, breyting á deiliskipulagi
Að lokinni auglýsingu er lögð fram að nýju umsókn Íslandshótels hf. dags. 20. júní 2016 varðandi breytingu á deiliskipulagi vegna Lækjargötu 10 og 12, Vonarstræti 4-4b og Skólabrú 2 samkv. uppdr. Glámu Kím arkit. dags. 15. september 2016. Í breytingunni felst að dregið er lítillega úr byggingarmagni ofanjarðar, húshlutar eru í við grennri, byggingarreitur jarðhæðar minnkað og garðrými í porti stækkar. Byggingahlutar næst Lækjargötu 10 og Vonarstræti 4 lækka um eina hæð en byggingarhluti næst Kirkjutorgi 6 hækkar. Sett eru skilyrði um uppbrot útveggjar að Lækjargötu í 4 einingar og gerð er grein fyrir varðveislu og frágangi fornminja. Einnig er lagt fram minnisblað Glámu Kím, dags. 5. júlí 2016. Tillagan var auglýst frá 7. október til og með 18. nóvember 2016. Eftirtaldir aðilar sendu athugasemdir: Hilmar Gunnarsson, dags. 16. nóvember 2016, Ólafur Torfason, Þröstur Ólafsson og Þorsteinn Bergsson f.h. lóðareigenda, dags. 16. nóvember 2016, Þóra Andrésdóttir, dags. 18. nóvember 2016, Jónas Örn Jónasson hdl. f.h. Þórsgarðs ehf. og eiganda Kirkjutorgs 6A, dags. 18. nóvember 2016 og Kolbeinn Karl Kristinsson, dags. 19. nóvember 2016.


Vísað til umsagnar verkefnisstjóra.
21.16 Vatnagarðar 28, (fsp) breyting á deiliskipulagi
Á embættisafgreiðslufundi skipulagsfulltrúa 17. nóvember 2016 var lögð fram fyrirspurn XCO, Guðmundur Sigtryggson, dags. 7. nóvember 2016 varðandi breytingu á deiliskipulagi lóðarinnar nr. 28 við Vatnagarða sem felst í stækkun lóðarinnar og auknu byggingarmagni. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 24.nóvember 2016..

Neikvætt, með vísan til umsagnar skipulagsfulltrúa dags. 24. nóvember 2016.
22.16 Vættaborgir 31, Stækka eldhús og reyndarteikning fyrir neðri hæð
Á embættisafgreiðslufundi skipulagsfulltrúa 17. nóvember 2016 var lagt fram erindi frá afgreiðslufundi byggingarfulltrúa frá 15. nóvember 2016 þar sem sótt er um leyfi til að stækka eldhús til suðurs á inngönguhæð einbýlishússins á lóð nr. 31 við Vættaborgir. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 24. nóvember 2016..
Umsögn burðarvirkishönnuðar dags. 7. nóv. 2016 og samþykki lóðarhafa aðliggjandi lóða dags. 26. okt. 2016 fylgir. Stækkun : 7,7 ferm., 17,7 rúmm. Gjald kr. 10.100

Neikvætt, með vísan til umsagnar skipulagsfulltrúa dags. 24. nóvember 2016.
23.16 Bankastræti 14, Byggja yfir svalir - 4,hæð
Lagt fram erindi frá afgreiðslufundi byggingarfulltrúa frá 22. nóvember 2016 þar sem sótt er um leyfi til að byggja yfir svalir á 4. hæð til suðurs í fjöleignarhúsi á lóð nr. 14 við Bankastræti.
Stækkun A-rými x ferm., x rúmm.
Lögð er fram umsögn skipulagsfulltrúa dags. 18.11.2011 við fsp BN0110410.
Samþykki meðeigenda dags. 01.10.2016 fylgir erindi. Bréf arkitekts dags. 14.11.2016 fylgir erindi. Gjald kr. 10.100

Vísað til umsagnar verkefnisstjóra.
24.16 Bankastræti 14, breyting á deiliskipulagi
Lögð fram umsókn GP-arkitekt ehf. dags. 18. nóvember 2016 þar sem óskað er eftir breytingu á deiliskipulagi vegna lóðarinnar nr. 14 við Bankastræti. Í breytingunni felst að byggingarreitur er stækkaður til suðurs, samkvæmt uppdr. GP-arkitekta ehf. dags. 18. nóvember 2016. Meðfylgjandi er samþykki eigenda að Bankastræti 14 og Skólavörðustíg 2.

Vísað til meðferðar verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.


25.16 Flugvöllur 106748, Nauthólsvegur 58b - Skrifstofu gámaeiningar
Lagt fram erindi frá afgreiðslufundi byggingarfulltrúa frá 22. nóvember 2016 þar sem sótt er um leyfi til að koma fyrir tíu sambyggðum skrifstofugámum, sem mynda mhl. 10 framan við Flugskýli 1 á lóðinni Flugvöllur 106748.
Lögð er fram umsögn skipulagsfulltrúa dags. 23. júní 2016. Gjald kr. 10.100

Vísað til umsagnar verkefnisstjóra.
26.16 Selásbraut 98, (fsp) breyting á deiliskipulagi
Lögð fram fyrirspurn Erlings Magnússonar, mótt. 18. nóvember 2016 um m.a. nýtingarhlutfall lóðarinnar nr. 98 við Selásbraut, stækkun 2. hæðar til jafns við jarðhæð, hækkun hússins og stækkun og aukningu á byggingarmagni lóðarinnar. Einnig lögð fram umsögn skipulagsfulltrúa dags. 25. nóvember 2016.

Umsögn skipulagsfulltrúa dags. 25. nóvember 2016 samþykkt.
27.16 Skeifan 7, Jógastudió - 3.hæð
Lagt fram erindi frá afgreiðslufundi byggingarfulltrúa frá 22. nóvember 2016 þar sem sótt er um leyfi til að innrétta jógastúdíó í skrifstofurými, salur er skilinn frá móttöku og búningsaðstöðu, nýjar lagnir á 3. hæð og til að koma fyrir flóttasvölum og stiga niður á þak 1. hæðar húsi á lóð nr. 7 við Skeifuna.
Gjald kr. 10.100


Vísað til umsagnar verkefnisstjóra.
28.16 Vogahverfi v/ Gnoðarvogur 44, nr. 44 - breyting á deiliskipulagi
Á embættisafgreiðslufundi skipulagsfulltrúa 30. september 2016 var lögð fram umsókn Björns Leóssonar, mótt. 14. september 2016, varðandi breytingu á deiliskipulagi Vogahverfis vegna hússins nr. 44 á lóð nr. 44-46 við Gnoðarvog. Í breytingunni felst að heimila gististað í flokki II á 2. hæð hússins, samkvæmt uppdr. Teiknilist ehf., dags. 3. nóvember 2016. Erindinu var vísað til meðferðar hjá verkefnisstjóra og er nú lagt fram að nýju.

Vísað til umhverfis-og skipulagsráðs.
Vakin er athygli á að erindið fellur undir lið 7.6 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
29.16 Fjölnisvegur 16, (fsp) garðhýsi/sólskáli
Lögð fram fyrirspurn Andrésar Magnússonar, mótt. 15. nóvember 2016, varðandi byggingu garðhýsi/sólskála upp við bílskúr á lóð nr. 16 við Fjölnisveg.

Vísað til umsagnar verkefnisstjóra.
30.16 Háaleitisbraut 68, (fsp) stækkun á byggingarreit
Lögð fram fyrirspurn Kristjáns Bjarnasonar, mótt. 2. nóvember 2016, um að stækka byggingarreit lóðarinnar nr. 68 við Háaleitisbraut, samkvæmt uppdr. ARK-AUST, dags. 1. nóvember 2016 .

Vísað til umsagnar verkefnisstjóra.
31.16 Mýrargata 26, rekstrarleyfi - áskorun um að breyta eða draga til baka neikvæða umsögn
Lagður fram tölvupóstur skrifstofu borgarstjórnar, dags. 17. nóvember 2016, þar sem óskað er eftir umsögn skipulagsfulltrúa á erindi Lex lögmannsstofu, dags. 31. október 2016, um að breyta eða draga til baka neikvæða umsögn um rekstrarleyfi fyrir gististað í flokki II að Mýrargötu 26, Dokka Apartments.

Vísað til umsagnar skrifstofu sviðsstjóra.
32.16 Óðinsgata 9, landnotkun og rekstur gististaðar í flokki II
Lagður fram tölvupóstur Gróu Bjargar Baldvinsdóttur hdl. hjá Landslögum, dags. 15. nóvember 2016, varðandi landnotkun lóðarinnar nr. 9 við Óðinsgötu og rekstur gististaðar í flokki II í húsinu.

Vísað til umsagnar skrifstofu sviðsstjóra.
33.16 Ránargata 21, Skipta í þrjár eignir - svalir
Lagt fram erindi frá afgreiðslufundi byggingarfulltrúa frá 22. nóvember 2016 þar sem sótt er um leyfi til að skipta fjölbýlishúsi í þrjár íbúðir og byggja svalir á suðurhlið sama húss á lóð nr. 21 við Ránargötu.
Erindi fylgir þinglýst samkomulag um afnotarétt á lóð milli húsa dags. 10. nóvember 1947, brunavirðing dags. 1. mars 1943 og samþykki sumra lóðarhafa Bárugötu 22, Ránargötu 19 og Ránargötu 23 og allra lóðarhafa Stýrimannastígs 7. Gjald kr. 10.100

Vísað til umsagnar verkefnisstjóra.
34.16 93">Skólavörðustígur 24, rekstrarleyfi - fyrirhuguð synjun
Lagður fram tölvupóstur skrifstofu borgarstjórnar, dags. 17. nóvember 2016, þar sem óskað er eftir umsögn skipulagsfulltrúa á erindi Lögmannshlíðar lögmannsþjónustu til sýslumannsins á höfuðborgarsvæðinu, dags. 17. nóvember 2016, þar sem mótmælt er fyrirhuguð synjun á rekstrarleyfi gististaðar í flokki II að Skólavörðustíg 24. Einnig er lagt fram bréf Sýslumannsins á höfuðborgarsvæðinu til Blue North ehf., dags. 3. nóvember 2016. Jafnframt er lögð fram umsögn skrifstofu sviðsstjóra, dags. 23. nóvember 2016.

Umsögn skrifstofu sviðsstjóra dags. 23. nóvember 2016 samþykkt.
35.16 Skútuvogur 2, (fsp) breyting á aðalskipulagi, matvöruverslun
Á embættisafgreiðslufundi skipulagsfulltrúa 11. nóvember 2016 var lögð fram fyrirspurn ASK arkitekta ehf., mótt. 1. nóvember 2016, um rekstur matvöruverslunar í húsinu á lóð nr. 2 við Skútuvog. Einnig er lagt fram bréf ASK Arkitekta ehf., dags. 1. nóvember 2016. Fyrirspurninni var vísað til meðferðar verkefnisstjóra og er nú lögð fram að nýju. Einnig lögð fram umsögn skipulagsfulltrúa dags. 25. nóvember 2016.

Neikvætt, með vísan til umsagnar skipulagsfulltrúa dags. 25. nóvember 2016.
36.16 Týsgata 3, (fsp) breyting á notkun
Lögð fram fyrirspurn Stefáns Boga Stefánssonar, mótt. 25. október 2016, um að breyta notkun rýmis 0101 í húsinu á lóð nr. 3 við Týsgötu úr íbúðarhúsnæði í atvinnuhúsnæði.

Vísað til umsagnar verkefnisstjóra.
38.16 Seltjarnarnes, aðalskipulag 2016-2033
Lagt fram erindi byggingarfulltrúa Seltjarnarness, dags. 21. nóvember 2016 ásamt tillögu að endurskoðuðu aðalskipulagi Seltjarnarnesbæjar 2015-2033, dags. 31. október 2016. Tillagan er í auglýsingu með frest til að gera athugasemdir til 31. desember 2016.

Vísað til meðferðar deildarstjóra aðalskipulags.
39.16 Laugavegur 107, Breyta Hlemmi í matarmarkað
Á embættisafgreiðslufundi skipulagsfulltrúa 4. nóvember 2016 var lagt fram erindi frá afgreiðslufundi byggingarfulltrúa frá 1. nóvember 2016 þar sem sótt er um leyfi til breytinga innanhúss fyrir Hlemm matarmarkað í strætóbiðstöð á lóð nr. 107 við Laugaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 11. nóvember 2016. Einnig er lögð fram lagfærð umsögn skipulagsfulltrúa, dags. 25. nóvember 2016.
Útskrift úr gerðabók embættisafgreiðslufundar skipulagsfulltrúa frá 4. mars 2016 fylgir erindi BN050623, ásamt umsögn skipulagsfulltrúa dags. 3. mars 2016. Einnig greinargerð Mannvits frá 26.7. 2016, hljóðvistarskýrsla Eflu dags. 27.7. 2016, brunahönnun Eflu dags. 26.7. 2016, sem og gátlisti, bréf arkitekts dags. 25.10. 2016 og skema yfir fyrirtæki, tímasetning, áhöld, tæki og hráefni. Gjald kr. 10.100

Umsögn skipulagsfulltrúa dags. 25. nóvember 2016 samþykkt.