Grænlandsleið 25, Skeifan 9, Klapparstígur 44, Sjafnargata 11, Baldursgata 18, Bárugata 23, Flókagata 58, Laugavegur 139, Nesvegur 70, Óðinsgata 15, Rafstöðvarvegur 41, Stallasel 7, Suðurlandsv v/Norlb., Reykjavíkurflugvöllur, Flugfélag Íslands, Fossvogsdalur, Kjalarnes, Vallá, Lestartenging við Keflavíkurflugvöll, Öskjuhlíð, Keiluhöll,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

380. fundur 2012
Ár 2012, mánudaginn 30. janúar kl. 10:25, hélt skipulagsstjóri Reykjavíkur 380. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Lilja Grétarsdóttir, Margrét Þormar, Valný Aðalsteinsdóttir og Björn Ingi Edvardsson. Ritari var Einar Örn Thorlacius.
Þetta gerðist:

1.12 Grænlandsleið 25, (fsp) sólskáli
Lögð fram fyrirspurn Úlfs Árnasonar dags. 25. janúar 2012 varðandi byggingu sólskála á lóðinni nr. 25 við Grænlandsleið, samkvæmt uppdrætti Vektor, hönnun og ráðgjöf ehf. dags. 23. janúar 2012. Einnig er lögð fram umsögn skipulagsstjóra dags. 30. janúar 2012.
Jákvætt með vísan til þeirra skilyrða sem fram koma í umsögn skipulagsstjóra dags. 30. janúar 2012.
2.12 Skeifan 9, breyting á deiliskipulagi vegna viðbyggingar
Að lokinni grenndarkynningu er lagt fram að nýju erindi Höldurs ehf. dags. 28. nóvember 2011 varðandi breytingu á deiliskipulagi Skeifu/Fen vegna lóðarinnar nr. 9 við Skeifuna. Í breytingunni felst stækkun húss fyrir nýja viðbyggingu, skv. uppdrætti Aðalsteins Júlíussonar dags. 24. nóvember 2011. Tillagan var grenndarkynnt frá 2. janúar 2012 til og með 23. janúar 2012. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
3.12 Klapparstígur 44, (fsp) búðargluggi
Lagt fram bréf frá afgreiðslufundi byggingarfulltrúa frá 24. janúar 2012 þar sem spurt er hvort leyfi fengist til að færa gluggana út og breyta gluggum hússins á lóð nr. 44 við Klapparstíg.
Vísað til umsagnar hjá verkefnisstjóra.
4.12 Sjafnargata 11, málskot
Lagt fram málskot Gísla Gestssonar f.h. eigenda Sjafnargötu 11 vegna neikvæðrar afgreiðslu skipulagsstjóra frá 19. ágúst 2012 varðandi hækkun útbyggingar á vesturhlið hússins á lóðinni nr. 11 við Sjafnargötu.
Vísað til skipulagsráðs.
5.12 Baldursgata 18, (fsp) stækkun á viðbyggingu
Lagt fram bréf frá afgreiðslufundi byggingarfulltrúa frá 24. janúar 2012 þar sem spurt er hvort leyfi fengist til að byggja 4 metra út frá 1. og 2. hæð hússins á lóð nr. 18 við Baldursgötu.
Skissa af 2. hæð eftir breytingu fylgir.
Vísað til umsagnar hjá verkefnisstjóra.
6.12 Bárugata 23, (fsp) viðbygging
Lögð fram fyrirspurn Rafns Guðmundssonar dags. 25. janúar 2012 varðandi viðbyggingu við húsið á lóðinni nr. 23 við Bárugötu, samkvæmt meðfylgjandi teikningu ódags.
Vísað til umsagnar hjá verkefnisstjóra.
7.12 Flókagata 58, (fsp) skipta um kvist
Á fundi skipulagsstjóra 20. janúar 2012 var lagt fram bréf frá afgreiðslufundi byggingarfulltrúa frá 17. janúar 2012 þar sem spurt er hvort leyft yrði að fjarlægja tvo kvisti á norðurhlið og byggja í þeirra stað stærri steinsteyptan kvist og nýjar stálsvalir á vesturgafli fjölbýlishúss á lóð nr. 58 við Flókagötu. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsstjóra dags. 25.janúar 2012
Jákvætt með vísan til þeirra skilyrða sem fram koma í umsögn skipulagsstjóra dags.25. janúar 2012
8.12 Laugavegur 139, breytingar inni - úti
Lagt fram bréf frá afgreiðslufundi byggingarfulltrúa frá 24. janúar 2012 þar sem sótt er um leyfi til að innrétta fimm íbúðir, stækka bílskúr, byggja nýjar svalir á 2. hæð norðurhliðar og gera svalalokun á 1. og 2. hæð, loka inngangi frá Laugavegi, byggja nýjar tröppur á bakhlið, lækka lóð og gera fjögur bílastæði við fjölbýlishús á lóð nr. 139 við Laugaveg.
Gjald kr. 8.500
Vísað til umsagnar hjá verkefnisstjóra.
9.12 Nesvegur 70, stækkun bílageymslu
Lagt fram bréf frá afgreiðslufundi byggingarfulltrúa frá 24. janúar 2012 þar sem sótt er um samþykki á reyndarteikningum þar sem kemur fram stækkun á bílgeymslu frá áður samþykktu erindi BN034221 á lóð nr. 70 við Nesveg.
Bréf frá byggingafulltrúa um óleyfisframkvæmd dags. 7. desember 2011 fylgir .
Stækkun frá áður samþykktu erindi er: 4,0 ferm., 10,2 rúmm.
Gjald kr. 8.500 + 867
Samþykkt að grenndarkynna framlagða tillögu fyrir hagsmunaaðilum að Granaskjóli 19 og 21
10.12 Óðinsgata 15, bílastæði
Lagt fram bréf frá afgreiðslufundi byggingarfulltrúa frá 24. janúar 2012 þar sem sótt er um leyfi til að bæta við þriðja bílastæðinu á baklóð fjölbýlishúss á lóð nr. 15 við Óðinsgötu.
Gjald kr. 8.500
Vísað til umsagnar hjá verkefnisstjóra.
11.12 Rafstöðvarvegur 41, (fsp) endurbygging og stækkun
Á fundi skipulagsstjóra 6. janúar 2012 var lögð fram fyrirspurn Elísabetar Hannam dags. 3. janúar 2012 varðandi endurbyggingu og stækkun hússins á lóðinni nr. 41 við Rafstöðvarveg. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsstjóra dags. 18. janúar 2012
Neikvætt, með vísan til umsagnar skipulagsstjóra dags.18. janúar 2012
12.12 Stallasel 7, (fsp) stækka bílskúr
Lagt fram bréf frá afgreiðslufundi byggingarfulltrúa frá 24. janúar 2012 þar sem spurt er hvort leyft yrði að stækka til austurs og norðurs bílgeymslu einbýlishúss á lóð nr. 7 við Stallasel.
Ekki eru gerðar athugasemdir við erindið. Samræmist deiliskipulagsskilmálum Seljahverfis dags. 17.desember 1974
13.12 Suðurlandsv v/Norlb., (fsp) breyta skráningu
Lagt fram bréf frá afgreiðslufundi byggingarfulltrúa frá 24. janúar 2012 þar sem spurt er hvort leyft yrði að breyta í "íbúð", skráningu sumarhúss með landnúmer 112522 á lóðinni Suðurlandsv. v/Norðlingabraut.
Neikvætt. Samræmist ekki landnotkun í aðalskipulagi Reykjavíkur
14.12 Reykjavíkurflugvöllur, Flugfélag Íslands, (fsp) breyting á byggingarmagni
Lögð fram fyrirspurn Flugfélags Íslands dags. 25. mars 2011 varðandi endurbætur og viðbygginu flugstöðvar Flugfélags Ísland á Reykjavíkurflugvelli, samkvæmt tillögu Kurtogpí dags. 25. mars 2011.
Kynna formanni skipulagsráðs.
15.12 Fossvogsdalur, sundlaug
Lagt fram bréf borgarstjóra, dags. 20. janúar 2012, vegna samþykktar borgarráðs að vísa svohljóðandi tillögu til meðferðar stýrishóps um endurskoðun aðalskipulags: Lagt er til að borgarráð lýsi yfir vilja sínum til þess að tryggja, í gegnum aðalskipulag Reykjavíkur, möguleika á sundlaug í Fossvogsdal. Sundlaugin yrði byggð í samvinnu við Kópavogsbæ. Haft verði að leiðarljósi að sundlaugin raski ekki gildi Fossvogsdals sem útivistarsvæðis og náttúruperlu. Hönnun sundlaugarinnar skal taka mið af umhverfinu og uppfylla staðla um vistvæna hönnun og leggja áherslu á aðgengi að lauginni með vistvænar samgöngur að leiðarljósi. Viljayfirlýsing þessi er gerð í trausti þess að vilji Kópavogs standi til hins sama og sveitarfélögin skipti jafnt með sér kostnaði, komi til verkefnisins. Greinargerð fylgir tillögunni.
Jafnframt lögð fram drög að viljayfirlýsingu Reykjavíkurborgar og Kópavogsbæjar um að gert verði ráð fyrir byggingu Fossvogslaugar í Fossvogi á aðalskipulagi beggja sveitarfélaganna.
Vísað til meðferðar stýrihóps um endurskoðun Aðalskipulags Reykjavíkur.
16.12 Kjalarnes, Vallá, vatnsból
Lagt fram tölvubréf Heilbrigðiseftirlits Reykjavíkur dags. 24. janúar 2012 varðandi afmörkun verndarsvæðis vatnsbólsins að Vallá á Kjalarnesi.
Vísað til umsagnar verkefnisstjóra aðalskipulags.
17.12 Lestartenging við Keflavíkurflugvöll,
Lagt fram bréf borgarstjóra, dags. 20. janúar 2012, vegna samþykktar borgarráðs að vísa svohljóðandi tillögu til meðferðar stýrishóps um endurskoðun aðalskipulags: Lagt er til að borgarráð lýsi yfir vilja sínum til þess að tryggja möguleika á lestartengingu milli Keflavíkurflugvallar og höfuðborgarsvæðisins í gegnum aðalskipulag Reykjavíkur og svæðisskipulag höfuðborgarsvæðisins. Viljayfirlýsing þessi verði gerð í trausti þess að vilji annarra sveitarfélaga á höfuðborgarsvæðinu og á Suðurnesjum standi til hins sama. Lagt er til að sameiginlegum hópi fulltrúa sveitarfélaga verði falið að greina í skipulagi mögulega kosti á legu slíkrar brautar. Hópurinn ljúki verki sínu á yfirstandandi ári. Greinargerð fylgir tillögunni.
Jafnframt lögð fram drög að viljayfirlýsingu sveitarfélaga höfuðborgarsvæðisins og Suðurnesja um lestarkerfi milli Reykjavíkur og Keflavíkurflugvallar.
Vísað til meðferðar stýrihóps um endurskoðun Aðalskipulags Reykjavíkur
18.12 Öskjuhlíð, Keiluhöll, (fsp) nýbygging og hækkun
Á fundi skipulagsstjóra 20. janúar 2012 var lögð fram fyrirspurn Keiluhallarinnar ehf. dags. 16. janúar 2012 varðandi byggingu hótels vestan meginn við Keiluhöllina ásamt hækkun Keiluhallarinnar um eina hæð, samkvæmt tillögu GP-arkitekta ehf. dags. janúar 2012.
Kynna formanni skipulagsráðs.