Klettasvæði, Skarfabakki, Sigtún 40, Efstasund 91, Fannafold 120-122, Flókagata 58, Lokastígur 2, Laugavegur 100, Safamýri 15, Sogavegur 130, Sólvallagata 27, Templarasund 3, Ægisíða 102, Vitastígur 20, Ásvallagata 48, Laugavegur 74, Faxaskjól 26, Norðurgarður 1, Suðurgata 18, Njálsgata 53, 55 og 57, Laugavegur 20-20A, Reykjavegur við Suðurlandsbraut, Fossaleynir 1, Egilshöll, Rafstöðvarvegur 9 og 9A, Öskjuhlíð, Keiluhöll,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

379. fundur 2012
Ár 2012, föstudaginn 20. janúar kl. 10:20, hélt skipulagsstjóri Reykjavíkur 379. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Margrét Leifsdóttir, Valný Aðalsteinsdóttir, Margrét Þormar, Björn Axelsson og Lilja Grétarsdóttir. Ritari var Einar Örn Thorlacius.
Þetta gerðist:

1.12 Klettasvæði, Skarfabakki, framkvæmdaleyfi 2. áfanga Skarfabakka
Lögð fram umsókn Faxaflóahafna sf. dags. 27. október 2011 um framkvæmdaleyfi fyrir byggingu 2. áfanga Skarfabakka í Sundahöfn, um 200 m. lengingu á núverandi viðlegubakka til austurs.
Vísað til skipulagsráðs.
2.12 Sigtún 40, breyting á aðalskipulagi Reykjavíkur 2001-2024
Lagt fram erindi Varmárbyggðar ehf. dags. 19. janúar 2012 varðandi breytingu á Aðalskipulagi Reykjavíkur 2001-2024 vegna lóðarinnar nr. 40 við Sigtún. Í breytingunni felst breyting á landnotkunn og áætlun að uppbyggingu fyrir allt að 80 íbúðum.

Kynna formanni skipulagsráðs.
3.12 Efstasund 91, breyting v/eignaskipta
Lagt fram bréf frá afgreiðslufundi byggingarfulltrúa frá 17. janúar 2012 þar sem sótt er um samþykki á áður gerðri íbúð í kjallara og reyndarteikningum af húsinu og fyrir ósamþykktum geymsluskúr á lóðinni nr. 91 við Efstasund.
Bréf frá hönnuði dags. 21. febrúar 2011 og íbúðarskoðun frá 7. febrúar 2008 þinglýst afsal dags 9. nóvember 1966 og frá 27. janúar 2011 og samþykki eigenda Skipasund 84 og Efstasund 89 og 93 fylgja erindinu.
Stærð: Geymsluskúr 8,6 ferm., 26,2 rúmm.
Gjald kr. 8.000 + 2.096
Samþykkt að grenndarkynna framlagða tillögu fyrir hagsmunaaðilum að Efstasundi 89 og 93 og Skipasundi 82 og 84.

4.12 Fannafold 120-122, (fsp) stækkun laufskála
Lögð fram fyrirspurn Sigurðar Ófeigssonar dags. 16. janúar 2012 varðandi stækkun laufskála á lóðinni nr. 120 við Fannafold.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst. Samþykki meðlóðarhafa þarf að liggja fyrir.
5.12 Flókagata 58, (fsp) skipta um kvist
Lagt fram bréf frá afgreiðslufundi byggingarfulltrúa frá 17. janúar 2012 þar sem spurt er hvort leyft yrði að fjarlægja tvo kvisti á norðurhlið og byggja í þeirra stað stærri steinsteyptan kvist og nýjar stálsvalir á vesturgafli fjölbýlishúss á lóð nr. 58 við Flókagötu.
Vísað til umsagnar hjá verkefnisstjóra.
6.12 Lokastígur 2, tímabundin opnun á milli lóða
Lagt fram bréf frá afgreiðslufundi byggingarfulltrúa frá 17. janúar 2012 þar sem sótt er um leyfi til að opna tímabundið yfir lóðamörk Þórsgötu 1 (Týsgötu 5) og Lokastígs 2 með tengibyggingu og stækka með endurinnréttingu og breytingum hótel Óðinsvé á lóð nr. 1 við Þórsgötu og 2 við Lokastíg.
Stækkun xx ferm., xx rúmm.
Gjald kr. 8.500 + xx
Neikvætt. Samræmist ekki deiliskipulagi.
7.12 Laugavegur 100, veitingastaður í fl. 1
Lagt fram bréf frá afgreiðslufundi byggingarfulltrúa frá 17. janúar 2012 þar sem sótt er um leyfi til að innrétta veitingastað í flokki I, tegund veitingastofa, á 1. hæð í húsi á lóð nr. 100 við Laugaveg.
Gjald kr. 8.500
Ekki eru gerðar skipulaglegar athugasemdir við erindið.
8.12 Safamýri 15, (fsp) viðbygging
Á fundi skipulagsstjóra 13. janúar 2012 var lagt fram bréf frá afgreiðslufundi byggingarfulltrúa frá 10. janúar 2012 þar sem spurt er hvort leyft yrði að stækka hús til norðurs eins og sýnt er á meðfylgjandi teikningu af þríbýlishúsi á lóð nr. 15 við Safamýri. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsstjóra dags. 17. janúar 2012
Neikvætt, með vísan til umsagnar skipulagsstjóra dags.17. janúar 2012
9.12 Sogavegur 130, breyting á deiliskipulagi
Að lokinni grenndarkynningu er lagt fram að nýju erindi Kristrúnar Árnadóttur dags. 1. desember 2011 varðandi breytingu á deiliskipulagi Sogavegar vegna lóðarinnar nr. 130 við Sogaveg. Í breytingunni felst aukning á nýtingarhlutfalli, samkvæmt uppdrætti Inni og úti arkitekta dags. 25. nóvember 2011. Tillagan var grenndarkynnt frá 16. desember 2011 til og með 17. janúar 2012. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar
10.12 Sólvallagata 27, (fsp) breyta geymsluhúsnæði í íbúð
Lögð fram fyrirspurn Jóns Hákonar Hjaltalín dags. 16. janúar 2012 um hvort breyta megi geymsluhúsnæði í íbúð á lóð nr. 27 við Sólvallagötu, skv. meðfylgjandi skissu.

Neikvætt. Uppfyllir ekki ákvæði byggingareglugerðar
11.12 Templarasund 3, (fsp) innri breyting v. veitingastaðar
Lagt fram bréf frá afgreiðslufundi byggingarfulltrúa frá 17. janúar 2012 þar sem spurt er hvort innrétta megi veitingastað í flokki II í kjallara húss á lóð nr. 3 við Templarasund.
Ekki eru gerðar skipulaglegar athugasemdir við erindið.
12.12 Ægisíða 102, gámar á plani
Lagt fram bréf frá afgreiðslufundi byggingarfulltrúa frá 17. janúar 2012 þar sem sótt er um leyfi til að staðsetja fimm 40 feta geymslugáma austanmegin við eldsneytisstöð, verkstæði og veitingasölu á lóð nr. 102 við Ægisíðu.
Stærðir xx ferm., xx rúmm.
Gjald kr. 8.500
Neikvætt. Samræmist ekki deiliskipulagi.
13.12 Vitastígur 20, (fsp) bílastæði
Lagt fram bréf frá afgreiðslufundi byggingarfulltrúa frá 17. janúar 2012 þar sem spurt er hvort leyft yrði að útbúa bílastæði eins og sýnt er á meðfylgjandi skissum af fjölbýlishúsi á lóð nr. 20 við Vitastíg.
Neikvætt. Samræmist ekki deiliskipulagi.
14.12 Ásvallagata 48, (fsp) niðurrif og nýbygging
Lögð fram fyrirspurn Arkþing f.h. Canis Minor ehf. dags. 20. janúar 2012 um að rífa núverandi húsnæði og byggja nýtt á lóðinni nr. 48 við Ásvallagötu, samkvæmt meðfylgjandi tillögu Arkþing dags. janúar 2012.
Kynna formanni skipulagsráðs.
15.12 Laugavegur 74, málskot
Lagt fram málskot Orra Árnasonar f.h. lóðarhafa dags. 10. janúar 2012 vegna neikvæðrar afgreiðslu skipulagsstjóra frá 23. september 2011 varðandi stækkun gistiheimilis á lóð nr. 74 við Laugaveg. Einnig er lagt fram samþykki fimm nágranna að Grettisgötu 55B, 57B og Laugavegi 76B mótt. 16. janúar 2012.
Vísað til skipulagsráðs.
16.12 Faxaskjól 26, viðbygging og kvistur
Lagt fram bréf frá afgreiðslufundi byggingarfulltrúa frá 17. janúar 2012 þar sem sótt er um leyfi til að byggja nýjan bílskúr, byggja við og fjölga kvistum að norðan og sunnan við íbúðarhúsið á lóð nr. 26 við Faxaskjól.
Stækkun: xx ferm., xx rúmm.
Gjald kr. 8.500 + xx
Samþykkt að grenndarkynna framlagða tillögu fyrir hagsmunaaðilum að Sörlaskjóli 15, 17 og 19 og Faxaskjóli 24.
17.12 Norðurgarður 1, stækkun á matshluta 02
Lagt fram bréf frá afgreiðslufundi byggingarfulltrúa frá 17. janúar 2011 þar sem sótt er um leyfi til að byggja viðbyggingu sem nota á sem kæligeymslu á austurhlið bráðabirgðaskýlisins mhl. 02 á lóð nr. 1 við Norðurgarð.
Bréf frá hafnarstjóra dags. 4. janúar 2012 fylgir.
Stækkun: 141,5 ferm., 838,3 rúmm.
Gjald kr. 8.500 + 71.256
Ekki eru gerðar athugasemdir við erindið.
18.12 Suðurgata 18, (fsp) bílastæði á lóð
Lögð fram fyrirspurn Davíðs Pitt f.h. íbúa Suðurgötu 18 dags. 1. desember 2011 um möguleika á að koma fyrir bílastæðum á lóðinni skv. skissum.
Kynna formanni skipulagsráðs.
19.12 Njálsgata 53, 55 og 57, breyting á deiliskipulagi
Að lokinni grenndarkynningu er lagt fram að nýju erindi Leiguíbúða ehf. dags. 7. desember 2011 varðandi breytingu á deiliskipulagi Njálsgötureitar 1.190.1 vegna lóðanna nr. 53, 55 og 57. Í breytingunni felst sameining lóðanna, lækkun gólfkóta aðkomuhæðar, stækkun á byggingarreit fyrir svalagang og lyftu o.fl., samkvæmt uppdrætti Zeppelin arkitekta dags. 7. desember 2011. Tillagan var grenndarkynnt frá 16. desember 2011 til og með 17. janúar 2012. Eftirtaldir aðilar sendu inn athugasemdir: Steinunn María Jónsdóttir dags. 16. janúar 2012 og Guðrún S. Middleton dags. 17. janúar 2012.
Vísað til skipulagsráðs.
20.12 Laugavegur 20-20A, (fsp) staðsetning sorps
Á fundi skipulagsstjóra 9. desember 2011 var lögð fram fyrirspurn Laugaverks ehf. dags. 8. desember 2011 varðandi staðsetningu sorps í borgarlandi við lóðina nr. 20-20A við Laugaveg. Fyrirspurninni var frestað og er nú lögð fram að nýju ásamt umsögn skipulagsstjóra dags. 18. janúar 2012.

Umsögn skipulagsstjóra samþykkt.
21.12 Reykjavegur við Suðurlandsbraut, undirgöng
Lagt fram bréf samgöngustjóra dags. 16. janúar 2012 vegna undirgangna undir Reykjaveg skammt frá gatnamótum við Suðurlandsbraut. Framkvæmdin er hluti úrbóta á göngu- og hjólastíg meðfram Suðurlandsbraut/Laugavegi frá Sæbraut að Hlemmi.
Vísað til skipulagsráðs.
22.12 Fossaleynir 1, Egilshöll, (fsp) gámar og skýli
Lögð fram fyrirspurn Alark arkitekta ehf. dags. 11. janúar 2012 um hvort breyta þurfi deiliskipulagi vegna fyrirhugaða staðsetningu á gámum og skýlum á lóðinni nr. 1 við Fossaleyni.
Verkefnisstjóra falið að svara erindinu.
23.12 Rafstöðvarvegur 9 og 9A, Breyting á deiliskipulagi
Lögð fram tillaga Landslags dags. 19. janúar 2012 að breytingu á deiliskipulagi Elliðaárvogur, Rafstöðvarsvæði. Í breytingunni felst breytt notkun lóðar og lóðarmarka og núverandi bílastæði færð inn á lóð, samkvæmt uppdrætti dags. 19. janúar 2012.
Vísað til skipulagsráðs.
24.12 Öskjuhlíð, Keiluhöll, (fsp) nýbygging og hækkun
Lögð fram fyrirspurn Keiluhallarinnar ehf. dags. 16. janúar 2012 varðandi byggingu hótels vestan meginn við Keiluhöllina ásamt hækkun Keiluhallarinnar um eina hæð, samkvæmt tillögu GP-arkitekta ehf. dags. janúar 2012.
Vísað til umsagnar hjá verkefnisstjóra.