Brekkustígur 14B, Elliðavatn, Skólagarðar, Bjarmaland 18-24, Háskóli Íslands, Vísindagarðar, Heiðargerði 98, Hólmgarður 53, Austurstræti 12, Baldursgata 16, Barónsstígur 47, Heilsuverndarstöðin, Grettisgata 2A, Hlyngerði 3, Höfðabakki 1, Laugavegur 46A, Mýrargata 26, Sjafnargata 4, Tryggvagata 22, Borgartún 35-37, Sóltún 2-4, Álfheimar 50-54, Haukdælabraut 98, Hólaberg 84, Nýr Landspítali við Hringbraut, Aðalskipulag Reykjavíkur,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

347. fundur 2011
Ár 2011, föstudaginn 29. apríl kl. 10:05, hélt skipulagsstjóri Reykjavíkur 347. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Björn Ingi Edvardsson, Bragi Bergsson, Jóhannes Kjarval, Lilja Grétarsdóttir, Ágústa Sveinbjörnsdóttir, Margrét Leifsdóttir og Haraldur Sigurðsson. Ritari var Helga Björk Laxdal.
Þetta gerðist:

1.11 Brekkustígur 14B, (fsp) nýting svæðis
Lögð fram fyrirspurn Páls Kr. Svanssonar dags. 20. apríl 2011 varðandi nýtingu á lóðinni nr. 14B við Brekkustíg.
Vísað til umsagnar umhverfis- og samgöngusviðs Reykjavíkur.
2.11 Elliðavatn, afmörkun lóðar
Á fundi skipulagsstjóra 11. mars 2011 var lagt fram bréf byggingarfulltrúa dags. 28. febrúar 2011 ásamt bréfi Orkuveitu Reykjavíkur dags. 18. febrúar 2011 varðandi skráningu lóðar fyrir véla- og verkfærageymslu Skógræktarfélags Reykjavíkur við Elliðavatn. Erindinu var frestað og er nú lagt fram að nýju.
Vísað til skipulagsráðs.
3.11 Skólagarðar, (fsp) breytt notkun
Á fundi skipulagsstjóra 1. apríl 2011 var lögð fram fyrirspurn Framkvæmda- og eignasviðs dags. 17. febrúar 2011 varðandi breytta notkun á húsunum sem standa við skólagarðana við Logafold 106b, Holtaveg 32 og Bjarmaland. Í stað aðstöðu fyrir skólagarða yrði húsnæðið nýtt fyrir dagforeldra. Einnig lögð fram samantekt skipulagsstjóra dags. 10. mars 2011 og tölvupóstur hverfisráðs Háaleitis og Bústaðahverfis dags. 30. mars 2011 og hverfisráðs Laugardals dags. 31. mars 2011. Samþykkt var að framlengja frest til að skila inn umsögn til 15. apríl 2011 og er erindið nú lagt fram að nýju ásamt umsögn hverfisráðs Laugardals dags. 7. apríl 2011, umsögn Háaleitis- og Bústaðahverfis dags. 11. apríl 2011 og bókun hverfisráðs Grafarvogs dags. 12. apríl 2011.
Vísað til skipulagsráðs.
4.11 Bjarmaland 18-24, nr. 20 - skjólveggur, sundlaug, geymsla
Lagt fram bréf frá afgreiðslufundi byggingarfulltrúa frá 19. apríl 2011 þar sem sótt er um leyfi til að gera sundlaug og byggja steypta skjólveggi á vesturhluta lóðar, einnig að byggja geymsluhús á lóð einbýlishússins nr. 20 á lóð nr. 18-24 við Bjarmaland.
Erindi fylgir samþykki meðlóðarhafa dags. 11. apríl 2011.
Geymsla: 25,1 ferm., 61,1 rúmm.
Gjald kr. 8.000 + 4.888
Geymslusmáhýsi samræmist ekki gildandi deiliskipulagi en að öðru leyti eru ekki gerðar skipulagslegar athugasemd við erindið. Lagfæra þarf uppdrætti áður en málið er samþykkt.
5.11 Háskóli Íslands, Vísindagarðar, breyting á deiliskipulagi HÍ
Að lokinni auglýsingu er lagt fram að nýju erindi Ask Arkitekta dags. 11. desember 2009 f.h. Vísindagarða Háskóla Íslands ehf. vegna breytinga á deiliskipulagi Háskóla Íslands vegna Vísindagarða. Í breytingunni felst m.a. að lóðinni er skipt upp í sjö lóðir fyrir Vísindagarða, Stúdentagarða og spennistöð Orkuveitu Reykjavíkur samkvæmt uppdrætti Ask Arkitekta dags. 23. mars 2010 ásamt greinargerð og skilmálum dags. 29. mars 2010. Einnig voru lagðir fram minnispunktar skipulags- og byggingarsviðs dags. 9. júní 2010 af kynningarfundi vegna málsins sem haldinn var þann 3. júní sl. og bréf frá stúdentaráði Háskóla Íslands dags. 14. apríl 2011 þar sem lýst er yfir mikilli ánægju með deiliskipulagið. Tillagan var auglýst frá 16. mars til og með 2. maí 2011.
Lagður fram tölvupóstur Jóns Sch. Thorsteinssonar dags. 20. apríl 2011 þar sem óskað er eftir að frestur til athugasemda verði framlengdur.
Samþykkt að framlengja frest til að gera athugasemdir til 10. maí nk.
6.11 Heiðargerði 98, bílskúr, hækkun á þaki, bislag
Lagt fram bréf frá afgreiðslufundi byggingarfulltrúa frá 19. apríl 2011 þar sem sótt er um leyfi til að hækka þak um 50 sm, koma fyrir anddyri og byggja steinsteyptan bílskúr á lóð nr. 98 við Heiðargerði.
Erindi fylgir fsp. BN041221.
Stækkun: 15,0 ferm., 42,7 rúmm.
Stærð bílskúrs: 28,1 ferm., 82,0 rúmm.
Gjald kr. 7.700 + 7.700 + 3.370
Bílskúr samræmist ekki gildandi deiliskipulagi, vegghæð skal vera að hámarki 2,5 m og hámarksmænishæð 3,8 m frá gólfi undir efstu klæðningu. Að öðru leyti eru ekki gerðar skipulagslegar athugasemd við erindið. Lagfæra þarf uppdrætti áður en málið er samþykkt.
7.11 Hólmgarður 53, breyta bílskúr í íbúð
Lagt fram bréf frá afgreiðslufundi byggingarfulltrúa frá 19. apríl 2011 þar sem sótt er um leyfi til að breyta innbyggðum bílskúr, geymslu og húsbóndaherbergi í hluta af almennri íbúð 0101 á 1. hæð í húsi á lóð nr. 53 við Hólmgarð.
Umsögn burðarvirkishönnuðar fylgir dags. 11. apríl 2011.
Stærðir: Íbúð 0101 134,2 ferm. og Íbúð 0201 162,2 ferm.
Gjald kr. 7.700 + 8.000
Ekki eru gerðar skipulagslegar athugasemdir við erindið.
8.11 Austurstræti 12, breyting inni/úti
Á fundi skipulagsstjóra 15. apríl 2011 var lagt fram bréf frá afgreiðslufundi byggingarfulltrúa frá 5. apríl 2011 þar sem sótt er um breyttan gestafjölda innanhúss og um leyfi fyrir útiveitingum bæði við Austurstræti og Vallarstræti í veitingastað á 1. hæð í húsi á lóð nr. 12 við Austurstræti. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 12. apríl 2011. Lagt fram að nýju ásamt upplýsingum umsækjenda varðandi útlit húsgagna og umsögn skipulagsstjóra dags. 27. apríl 2011.
Ekki eru gerðar athugasemdir við erindið með vísan til umsagnar skipulagsstjóra.
9.11 Baldursgata 16, svalir 0301
Lagt fram bréf frá afgreiðslufundi byggingarfulltrúa frá 19. apríl 2011 þar sem sótt er um leyfi til að byggja svalir á suðurhlið þakhæðar og samræma glugga á fjölbýlishúsinu á lóð nr. 16 við Baldursgötu.
Erindi fylgir samþykki meðeigenda dags. 14. janúar 2011.
Gjald kr. 8.000
Samþykkt að grenndarkynna framlagða tillögu fyrir hagsmunaaðilum að Baldursgötu 14 og 18.
10.11 Barónsstígur 47, Heilsuverndarstöðin, (fsp) bílastæði
Lögð fram fyrirspurn Álftavatns ehf. dags. 26. apríl 2011 um gerð bráðabirgðabílastæðis á lóð nr. 47 við Barónsstíg. Bílastæðið yrði á reit sem sýndur er sem bílakjallari á samþykktu deiliskipulagi.
Kynna formanni skipulagsráðs.
11.11 Grettisgata 2A, (fsp) breyta í íbúða/gistihótel
Á fundi skipulagsstjóra 15. apríl 2011 var lagt fram bréf frá afgreiðslufundi byggingarfulltrúa frá 12. apríl 2011 þar sem spurt er hvort breyta megi iðnaðar-, verslunar-, lager- og íbúðarhúsnæðinu á horni Klapparstígs og Grettisgötu í íbúða/gistiheimili á lóðinni nr. 2A við Grettisgötu. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 27. apríl 2011.
Ekki eru gerðar skipulagslegar athugasemdir við erindið með vísan til umsagnar skipulagsstjóra.
12.11 Hlyngerði 3, breyting á deiliskipulagi
Á fundi skipulagsstjóra dags. 15. apríl 2011 var lagt fram erindi Bjarkar Sigurðardóttur dags. 14. apríl 2011 varðandi breytingu á deiliskipulagi reits 1.806/807 vegna lóðarinnar nr. 3 við Hlyngerði. Í breytingunni felst að breyta byggingarreit og byggingarmagni ásamt fjölgun bílastæða úr tveimur í fjögur, samkvæmt uppdrætti GP arkitekta ehf. dags. 13. apríl 2011. Einnig er lögð fram umsögn skipulagsstjóra dags. 15. apríl 2011. Erindinu var frestað og er nú lagt fram að nýju ásamt lagfærðum uppdrætti dags. 28. apríl 2011.
Samþykkt að grenndarkynna framlagða tillögu fyrir hagsmunaaðilum að Hlyngerði 1 og 5 ásamt Furugerði 2, 4 og 6.
13.11 Höfðabakki 1, breyting á deiliskipulagi
Að lokinni grenndarkynningu er lagt fram að nýju erindi Nexus arkitekta dags. 15. febrúar 2011 varðandi breytingu á deiliskipulagi Ártúnshöfða eystri vegna lóðarinnar nr. 1 við Höfðabakka. Í breytingunni felst að byggingarreitur er stækkaður fyrir mögulega skemmubyggingu í austurátt, samkvæmt uppdrætti Nexus arkitekta dags. 14. febrúar 2011, breyttur 11. mars 2011. Tillagan var grenndarkynnt frá 16. mars til og með 13. apríl 2011. Eftirtaldir aðilar sendu inn athugasemdir: Hjálmar Hlöðversson dags. 12. apríl 2011. Erindinu var frestað á fundi skipulagsstjóra 15. apríl 2011 og er nú lagt fram að nýju.
Vísað til skipulagsráðs.
14.11 Laugavegur 46A, rífa skúra, byggja íbúð
Lagt fram bréf frá afgreiðslufundi byggingarfulltrúa frá 19. apríl 2011 þar sem sótt er um leyfi til að rífa skúra, byggja í þeirra stað litla íbúð, byggja geymslur á lóð, setja kvisti og svalir á íbúðarhúsið og breyta skipulagi hússins á lóð nr. 46A við Laugaveg.
Erindi fylgir umsögn Minjasafns Reykjavíkur dags. 1. apríl 2011, lóðamerkjalýsing frá 17. júní 1926, Lóðablað frá lóðaskrárritara, þinglýst afsal dags. 24. desember 1932, samkomulag um umferðarrétt dags. 10. maí 1958, eigendaskrá lóðarinnar og umsögn Húsafriðunarnefndar ríkisins dags. 23. mars 2011. Ennfremur samþykki eigenda Laugavegs 46, Frakkastígs 11, Laugavegs 44 og 46B.
Niðurrif: 33,5 ferm., 79,7 rúmm.
Stækkun: 61,2 ferm., 182,8 rúmm.
Stærðir eftir stækkun: 181 ferm., 511 rúmm.
Gjald kr. 8.000 + 14.624
Neikvætt. Samræmist ekki gildandi deiliskipulagi svæðisins.
15.11 Mýrargata 26, (fsp) breyting á deiliskipulagi
Á fundi skipulagsstjóra 15. apríl 2011 var lögð fram fyrirspurn Glámu Kím dags. 11. apríl 2011 varðandi breytingu á deiliskipulagi reits 1.116 og 1.115.3, Slippa- og Ellingsenreits vegna lóðarinnar nr. 26 við Mýrargötu. Í breytingunni felst að íbúðareiningum er fjölgað, umfang byggingarinnar er breytt, íbúðir eru minnkaðar og fleira, samkvæmt uppdr. Gláma Kím dags. 7. apríl 2011. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju.
Kynna formanni skipulagsráðs.
16.11 Sjafnargata 4, (fsp) bílskúr
Á fundi skipulagsstjóra 15. apríl 2011 var lagt fram bréf frá afgreiðslufundi byggingarfulltrúa frá 12. apríl 2011 þar sem spurt er hvort leyfi fengist til að byggja bílskúr á lóð nr. 4 við Sjafnargötu. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 19. apríl 2011.
Ekki eru gerðar skipulagslegar athugasemdir við erindið með vísan til umsagnar skipulagsstjóra.
17.11 Tryggvagata 22, breyta inni og gera verönd
Lagt fram bréf frá afgreiðslufundi byggingarfulltrúa frá 19. apríl 2011 þar sem sótt er um leyfi til að breyta innra fyrirkomulagi, fækka gestum úr 430 í 310 og til að gera inndregna verönd, sem lokað yrði með hurðum og járnhliði þegar staðurinn er lokaður, fyrir framan inngang veitingahúss á lóð nr. 22 við Tryggvagötu.
Gjald kr. 8.000
Ekki eru gerðar skipulagslegar athugasemdir við erindið.
18.11 Borgartún 35-37, breyting á deiliskipulagi
Lagt fram erindi Hlutdeildar, deild vinnudeilusjóðs dags. 20. apríl 2011 varðandi breytingu á deiliskipulagi Borgartúns, reitir 1.217 - 1.219 vegna lóðarinnar nr. 35-37 við Borgartún. Í breytingunni felst að lóðinni er skipt í tvær lóðir ásamt breytingu á byggingarmagni, samkvæmt uppdr. GP-arkitekta ehf. dags. 20. apríl 2011.
Frestað.
Lagfæra þarf uppdrætti áður en unnt er að taka afstöðu til málsins.
19.11 Sóltún 2-4, (fsp) breyting á deiliskipulagi
Lögð fram fyrirspurn Öldungar hf. dags. 18. apríl 2011 varðandi breytingu á deiliskipulagi Ármannsreits vegna lóðarinnar nr. 2-4 við Sóltún. Í breytingunni felst aukning á byggingarmagni ásamt breytingu á bílastæðum, samkvæmt uppdrætti Nexus arkitekta dags. 14. apríl 2011.
Vísað til umsagnar hjá verkefnisstjóra svæðisins.
20.11 Álfheimar 50-54, (fsp) bílskýli
Lögð fram fyrirspurn Jóhanns Bergs Þorgeirssonar dags. 26. apríl 2011 varðandi neðanjarðar bílskýli á lóðinni nr. 50-54 við Álfheima.
Vísað til umsagnar hjá verkefnisstjóra svæðisins.
21.11 Haukdælabraut 98, (fsp) hæð húss
Lögð fram fyrirspurn Sylvíu G. Walthersdóttur dags. 18. apríl 2011 varðandi fyrirhugaða hæð húss á lóð nr. 98 við Haukdælabraut.
Frestað.
22.11 Hólaberg 84, Fjölbýlishús 49 íbúðir
Lagt fram bréf frá afgreiðslufundi byggingarfulltrúa frá 15. mars 2011 þar sem sótt er um leyfi til að byggja steinsteypt fjölbýlishús með 49 þjónustuíbúðum fyrir aldraða, þrjár til fjórar hæðir með bílgeymslu á jarðhæð fyrir 37 bíla á lóð nr. 84 við Hólaberg.
Stærð mhl. 01: Bílgeymsla 1.247,4 ferm., rampur 178,7 ferm.
Mhl.01 samtals 1.247,4 ferm., 3.679,9 rúmm.Mhl. 02 íbúðir: 1. hæð íbúðir 922,3 ferm., 2. hæð íbúðir 1.644,4 ferm., 3. hæð 1.197,7 ferm., 4. hæð 421,6 ferm.B-rými 1.439,6 ferm.Mhl. 02 samtals: 4.186 ferm., 13.702,3 rúmm.
Gjald kr. 8.000 + 1.390.576
Frestað.
23.11 Nýr Landspítali við Hringbraut, lýsing, nýtt deiliskipulag
Lögð fram umsókn Spital ehf. dags. 13 september 2010, lýsing Spital vegna Landspítala við Hringbraut dags. 25. janúar 2011, drög að endurskoðaðu varðveislumati dags. 2. febrúar 2011 ásamt umsögnum hagsmunaaðila og umsögn Skipulagsstofnunar dags. 2. mars 2011 ásamt fornleifskráningu Minjasafns Reykjavíkur móttekin í mars 2011.
Einnig er lögð fram tillaga að deiliskipulagi Landsspítala við Hringbraut dags. 11. apríl 2011 og drög að greinargerð og skilmálum dags. 5. apríl 2011 ásamt minnisblaði dags. 12. apríl 2011. Einnig er lagt fram bréf Spital til skipulagsráðs dags. 28. apríl 2011.
Vísað til skipulagsráðs.
24.11 Aðalskipulag Reykjavíkur, lýsing vegna yfirstandandi aðalskipulagsvinnu
Lagt fram bréf Skipulagsstofnunar dags. 13. apríl 2011 varðandi verklag við gerð lýsingar vegna yfirstandandi aðalskipulagsvinnu. Einnig lögð fram samantekt skipulags- og byggingarsviðs Reykjavíkur á stöðu vinnu og samráðsferli dags. 29. apríl 2011 ásamt viðauka.
Samantekt skipulags- og byggingarsviðs samþykkt.