Aðalstræti 7, Bragagata 29A, Dofraborgir 15, Einarsnes 33, Hafnarstræti 1-3, Kaplaskjólsvegur 57A, Stuðlaháls 1, Hverafold 58, Hvammsgerði 8, Lautarvegur 18, Sólheimar 19-21, Hábær 41, Skógarás 13, Svarthamrar 27-70, Elliðavatn, Nauthólsvegur, Lóðarumsókn fyrir leikskóla, Skólagarðar,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

341. fundur 2011
Ár 2011, föstudaginn 11. mars kl. 10:30, hélt skipulagsstjóri Reykjavíkur 341. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Margrét Þormar, Jóhannes S. Kjarval, Bragi Bergsson, Lilja Grétarsdóttir, Björn Ingi Edvardsson og Margrét Leifsdóttir. Ritari var Helga Björk Laxdal
Þetta gerðist:

1.11 Aðalstræti 7, borð utandyra
Á fundi skipulagsstjóra 4. mars 2011 var lagt fram bréf frá afgreiðslufundi byggingarfulltrúa frá 1. mars 2011 þar sem sótt er um leyfi fyrir útiveitingum fyrir 30 gesti á Aðalstræti og Vallarstræti við hús á lóð nr. 7 við Aðalstræti. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 7. mars 2011.
Gjald kr. 8.000

Ekki eru gerðar skipulagslegar athugasemdir við útiveitingar með þeim takmörkunum sem fram koma í umsögn skipulagsstjóra.
2.11 Bragagata 29A, (fsp) færa innistiga út
Á fundi skipulagsstjóra 4. mars 2011 var lagt fram bréf frá afgreiðslufundi byggingarfulltrúa frá 1. mars 2011 þar sem spurt er hvort leyft yrði að byggja útitröppur við bakhlið þríbýlishúss á lóð nr. 29A við Bragagötu. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 7. mars 2011.
Ekki eru gerðar skipulagslegar athugasemdir við erindið með þeim skilyrðum sem fram koma í umsögn skipulagsstjóra.
3.11 Dofraborgir 15, málskot
Lagt fram málskot Joseph Lemacks eiganda Dofraborga 15 dags. 8. mars 2011 vegna neikvæðrar afgreiðslu skipulagsstjóra frá 11. febrúar 2011 varðandi breytingu á deiliskipulagi reits 2.344.4 vegna lóðarinnar nr. 15 við Dofraborgir á þann hátt að stækkun á kjallara sem byggður var út fyrir byggingarreit í óleyfi fáist samþykkt ásamt því að leggja niður bílageymslu og færa sorptunnur.
Vísað til skipulagsráðs.
4.11 Einarsnes 33, (fsp) stækkun húss og bygging bílskúrs
Á fundi skipulagsstjóra 25. febrúar 2011 var lögð fram fyrirspurn Jóns Brynjólfssonar dags. 22. febrúar 2011 ásamt bréfi dags. 18. janúar 2011 varðandi stækkun á íbúðarhúsnæði og byggingu bílskúrs. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 10. mars 2011.
Ekki eru gerðar athugasemdir við erindið með vísan til umsagnar skipulagsstjóra. Byggingarleyfisumsókn verður grenndarkynnt þegar hún berst.
5.11 Hafnarstræti 1-3, (fsp) skilrúm á útisvæði
Lagt fram bréf frá afgreiðslufundi byggingarfulltrúa frá 8. mars 2011 þar sem spurt er hvort leyft yrði að koma fyrir skilveggjum til að afmarka útiveitingasvæði eins og sýnt er á meðfylgjandi teikningum af húsi á lóð nr. 1-3 við Hafnarstræti.
Vísað til umsagnar hjá verkefnisstjóra svæðisins.
6.11 Kaplaskjólsvegur 57A, (fsp) bílastæðamál
Á fundi skipulagsstjóra 4. mars 2011 var lögð fram fyrirspurn Ólafs Gunnarssonar dags. 25. febrúar 2011 varðandi fyrirkomulag og fjölgun bílastæða á lóðinni nr. 57A við Kaplaskjólsveg. Fyrirspurninni var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 10. mars 2011.
Neikvætt með vísan til umsagnar skipulagsstjóra.
7.11 Stuðlaháls 1, málskot vegna SN110072
Lagt fram málskot Gests Ólafssonar, dags. 9. mars 2011, vegna neikvæðrar afgreiðslu embættisfundar skipulagsstjóra frá 25. febrúar 2011 á fyrirspurn um færslu á hreinsistöð á lóð nr. 1 við Stuðlaháls samkvæmt uppdrætti Skipulags- arkitekta- og verfræðistofunnar ehf. dags. 15. febrúar 2011.
Vísað til skipulagsráðs.
8.11 Hverafold 58, breyting á deiliskipulagi
Á fundi skipulagsstjóra 25. febrúar 2011 var lagt fram erindi Bjarkar Pálsdóttur dags. 22. febrúar 2011 varðandi breytingu á deiliskipulagi Foldahverfis, 1. áfanga vegna lóðarinnar nr. 58 við Hverafold. Í breytingunni felst að byggður verður garðskáli við vesturhlið hússins, gróðurhús í suðvestur horni lóðar og frístandandi gufubað norðanmegin, samkvæmt uppdrætti Skyggni frábært sf. dags. 8. febrúar 2011. Erindinu var vísað til meðferðar hjá verkefnisstjóra svæðisins og er nú lagt fram að nýju.
Samþykkt að grenndarkynna framlagða tillögu fyrir hagsmunaaðilum að Hverafold 40, 42, 56, 60, 78 og 80.
9.11 Hvammsgerði 8, svalaskýli
Lagt fram bréf frá afgreiðslufundi byggingarfulltrúa frá 8. mars 2011 þar sem sótt er um leyfi til að byggja svalaskýli úr stálstyrktum prófílum með tvöföldu einangrunargleri og einangrandi plötum á milli svala á 1. og 2. hæð á íbúðarhúsi á lóð nr. 8 við Hvammsgerði.
Bréf frá hönnuði dags. 1. mars. 2011, bréf frá úrskurðarnefnd skipulags- og byggingarmála dags. 27. janúar 2011 fylgir erindinu.
Stærðir 11,2 ferm., 29,7 rúmm.
Gjald kr. 8.000 + 2.376
Ekki eru gerðar skipulagslegar athugasemdir við erindið. Samræmist deiliskipulagi.
10.11 Lautarvegur 18, breyting á deiliskipulagi
Að lokinni auglýsingu er lagt fram að nýju erindi Önnu M. Hauksdóttur f.h. Ás styrktarfélags dags. 30. nóvember 2010 varðandi breytingu á deiliskipulagi neðan Sléttuvegar vegna lóðar Ás styrktarfélags. Í breytingunni felst að stytta byggingarreit að sunnan, stækka byggingarreit til vesturs og fjölgun íbúa og bílastæða, samkvæmt uppdrætti dags. 22. nóvember 2010. Erindið var auglýst frá 14. janúar 2011 til og með 25. febrúar 2011. Engar athugasemdir bárust.
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
11.11 Sólheimar 19-21, 19 - færanlegar kennslustofur
Lagt fram bréf frá afgreiðslufundi byggingarfulltrúa frá 1. febrúar 2011 þar sem sótt er um leyfi til að flytja tvær lausar kennslustofur frá Norðlingaskóla og setja niður á lóð leikskólans Sunnuhlíðar á lóð nr. 19 við Sólheima.
Jafnframt er erindi BN042464 dregin til baka.
Gjald kr. 8.000
Samþykkt að grenndarkynna framlagða umsókn fyrir hagsmunaaðilum að Sólheimum 17a, 21, 21b, 23 og 23a.
12.11 Hábær 41, breyting á deiliskipulagi
Á fundi skipulagsstjóra 4. mars 2011 var lagt fram erindi Stefáns Thors dags. 1. mars 2011 varðandi breytingu á deiliskipulagi Árbæjar vegna lóðarinnar nr. 41 við Hábæ. Í breytingunni felst að byggingarreitur er stækkaður, samkvæmt uppdrætti Studio strik ehf. dags. 28. febrúar 2011. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 10. mars 2011.
Umsögn skipulagsstjóra samþykkt.
Frestað.
13.11 Skógarás 13, (fsp) byggja opið skýli fyrir inngang
Lagt fram bréf frá afgreiðslufundi byggingarfulltrúa frá 8. mars 2011 þar sem spurt er hvort leyfi fengist til að byggja opið anddyri við inngang íbúðar 0201 sem snýr í norðaustur á fjölbýlishúsinu á lóð nr. 13 við Skógarás.
Ekki eru gerðar athugasemdir við erindið. Samræmist deiliskipulagi.
14.11 Svarthamrar 27-70, (fsp) nr. 29 svalir
Lagt fram bréf frá afgreiðslufundi byggingarfulltrúa frá 8. mars 2011 þar sem spurt er hvort leyfi fengist til að dýpka svalir um 50 cm á fjölbýlishúsinu nr. 27 og 29 á lóð nr. 27-70 við Svarthamra.
Vísað til umsagnar hjá verkefnisstjóra svæðisins.
15.11 Elliðavatn, afmörkun lóðar
Á fundi skipulagsstjóra 4. mars 2011 var lagt fram bréf byggingarfulltrúa dags. 28. febrúar 2011 ásamt bréfi Orkuveitu Reykjavíkur dags. 18. febrúar 2011 varðandi skráningu lóðar fyrir véla- og verkfærageymslu Skógræktarfélags Reykjavíkur við Elliðavatn. Erindinu var vísað til meðferðar hjá verkefnisstjóra svæðisins og er nú lagt fram að nýju.
Frestað.
16.11 Nauthólsvegur, (fsp) pylsuvagn
Á fundi skipulagsstjóra 21. janúar 2011 var lögð fram fyrirspurn Axels Inga Jónssonar dags. 19. janúar 2011 varðandi staðsetningu pylsuvagns við Nauthólsveg. Fyrirspurninni var frestað og er nú lögð fram að nýju ásamt umsögn skipulagsstjóra dags. 11. mars 2011.
Neikvætt með vísan til umsagnar skipulagsstjóra.
17.11 Lóðarumsókn fyrir leikskóla, bréf
Lagt fram bréf Örnu Hrannar Aradóttur og Konráðs Gylfasonar dags. 8. febrúar 2011 varðandi lóð fyrir einkarekinn leikskóla.
Samþykkt að framsenda erindið Leikskólasviði til afgreiðslu.
18.11 Skólagarðar, breytt notkun
Á fundi skipulagsstjóra 4. mars 2011 var lögð fram fyrirspurn Framkvæmda- og eignasviðs dags. 17. febrúar 2011 varðandi breytta notkun á húsunum sem standa við skólagarðana við Logafold 106b, Holtaveg 32 og Bjarmaland. Í stað aðstöðu fyrir skólagarða yrði húsnæðið nýtt fyrir dagforeldra. Fyrirspurninni var vísað til umsagnar hjá verkefnisstjóra svæðisins og er nú lagt fram að nýju ásamt samantekt skipulagsstjóra dags. 10. mars 2011.
Vísað til umsagnar hjá hverfaráði Laugardals og Háaleiti ásamt hverfaráði Grafarvogs. Óskað er eftir því að umsögnin berist skipulags- og byggingarsviði fyrir 1. apríl nk.