Samtún 42, Selásskóli, Selásbraut 109, Kjartansgata 2 og 4, Reitur 1.180.3, Breiðhöfði 11A, Jónsgeisli 95, Bugðulækur 17, Fossvogur, staðgreinireitir 1.849-1.871., Teigahverfi norðan Sundlaugavegar, Úlfarsbraut 16, Sogavegur 73-75, Suðurlandsbraut 14, Vesturberg 78, Almannadalur 25-29, Í landi Fitjakots 125677, Hólmsheiði, Fisfélag Reykjavíkur, Laugarnestangi 70, Listasafn Sigurjóns Ólafssonar, Nauthólsvegur 50, Austurbæjarskóli, Brávallagata 8, Hallgrímstorg 3 / Hnitbjörg, Háskóli Íslands, Kaplaskjól, Sjafnargata 11,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

327. fundur 2010
Ár 2010, föstudaginn 19. nóvember kl. 10:10 var haldinn 327. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:

1.10 Samtún 42, (fsp) steyptur veggur við lóðamörk
Á fundi skipulagsstjóra 13. ágúst 2010 var lagt fram erindi frá afgreiðslufundi byggingarfulltrúa frá 10. ágúst 2010 þar sem spurt er hvort leyfi fengist til að byggja 180 cm háan steinsteyptan vegg á lóðarmörkum sem snúa að Nóatúni á lóð nr. 42 við Samtún. Erindinu var vísað til umsagnar gatna- og eignaumsýslu og umferðardeildar Framkvæmdasviðs. Á fundi skipulagsstjóra 29. október sl. var ítrekað óskað eftir umsögnunum. Erindið nú lagt fram að nýju.
Vísað til umsagnar hjá umhverfis- og samgöngusviði.
2.10 Selásskóli, Selásbraut 109, breyting á deiliskipulagi vegna boltagerðis
Lögð fram umsókn Framkvæmda- og eignasviðs Reykjavíkur, dags. 18. nóvember 2010 varðandi breytingu á deiliskipulagi Suður-Selás vegna lóðarinnar nr. 109 við Selásbraut. Í breytingunni felst að gert er ráð fyrir boltagerði við Selásskóla samkvæmt uppdrætti dags. 17. nóvember 2010.
Vísað til skipulagsráðs.
3.10 Kjartansgata 2 og 4, tölvupóstur vegna bílastæða
Lagt fram tölvubréf lóðarhafa Kjartansgötu 2 og 4 dags. 12. nóvember 2010 varðandi bílastæði í götunni.

Erindið varðar ekki skipulagsmál og er framsent Bílastæðasjóði til afgreiðslu, 2. mgr. 7. gr. stjórnsýslulaga nr. 37/1997.
4.10 Reitur 1.180.3, Aðalskipulag Reykjavíkur 2001-2024, lagfæring
Á fundi skipulagsstjóra 12. nóvember 2010 var lögð fram eftir kynningu fyrir hagsmunaaðilum, tillaga Skipulags- og byggingarsviðs að leiðréttingu á villu á gildandi aðalskipulagsuppdrætti er varðar landnotkun reits 1.180.3. Vegna mistaka í prentun uppdráttar er reiturinn sem afmarkast af Bergstaðastræti til vesturs, Óðinsgötu til austurs og miðborgarsvæði til norðurs merktur sem athafnasvæði en á að vera íbúðarsvæði. Breyting og leiðrétting var kynnt fyrir hagsmunaaðilum á reitnum með bréfi dags. 21. október 2010. Athugasemdarbréf barst frá Lex lögmannsstofu dags. 3. nóvember 2010. Erindinu var vísað til afgreiðslu hjá lögfræði og stjórnsýslu og er nú lagt fram að nýju ásamt bréfi skipulags- og byggingarsviðs til Umhverfisráðuneytisins dags. 19. nóvember 2010 ásamt viðauka. Einnig er lagt fram bréf skipulags- og byggingarsviðs til Lex lögmannsstofu dags. 19. nóvember 2010.
Vísað til skipulagsráðs.
5.10 Breiðhöfði 11A, útiskýli
Lagt fram erindi frá afgreiðslufundi byggingarfulltrúa frá 16. nóvember 2010 þar sem sótt er um leyfi til byggja opið skýli úr stáli við hlið á atvinnuhúsnæðinu á lóð nr. 11A við Breiðhöfða.
Stærð skýlis sem er B rými er : XX ferm., og rúmm.
Gjald kr. 7.700 kr.

Frestað.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.
6.10 Jónsgeisli 95, bréf
Lagt fram bréf lóðarhafa dags. 15. nóvember 2010 varðandi aðkomu og lóðarfrágang á lóðinni nr. 95 við Jónsgeisla.
Erindið varðar ekki skipulagsmál og er framsent byggingarfulltrúanum í Reykjavík ásamt Framkvæmda- og eignasviði Reykjavíkur til afgreiðslu, 2. mgr. 7. gr. stjórnsýslulaga nr. 37/1997.
7.10 Bugðulækur 17, þaksvalir
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 12. október 2010 þar sem sótt er um leyfi til að endurnýja handrið úr járni og timbri, sbr. fyrirspurn BN040778, á þaki bílskúrs sem tilheyrir íbúð 01 í fjölbýlishúsi á lóð nr. 17 við Bugðulæk. Kynning stóð frá 20. október 2010 til og með 17. nóvember 2010. Eftirtaldir aðilar sendu athugasemd: Húsfélagið Rauðalæk 18 dags. móttekið 1. nóvember 2010. Einnig er lögð fram umsögn skipulagsstjóra dags. 18. nóvember 2010.
Meðfylgjandi er samþykki meðeigenda dags. 3. júní 2010 við teikn. dags. 28. maí 2010 Gjald kr. 7.700
Vísað til skipulagsráðs.
8.10 Fossvogur, staðgreinireitir 1.849-1.871., tillaga að deiliskipulagi, endurskoðun
Lögð fram tillaga VA arkitekta að deiliskipulagi Fossvogshverfis dags. 1. nóvember 2010 ásamt forsögn skipulags- og byggingarsviðs Reykjavíkur dags. í maí 2009. Deiliskipulagssvæðið afmarkast af staðgreinireitum 1.849-1.871, Fossvogsdal, Eyrarlandi, Bústaðavegi og Stjörnugróf. Forkynning stóð til og með 18. september 2009 og eru lagðar fram athugasemdir sem bárust við kynningunni. Einnig eru lögð fram minnisblöð VA arkitekta dags. 2. desember 2009 og minnisblað skipulags- og byggingarsviðs Reykjavíkur dags. 17. desember 2009.

Vísað til skipulagsráðs.
9.10 Teigahverfi norðan Sundlaugavegar, deiliskipulag
Að lokinni hagsmunaaðilakynningu er lögð fram að nýju tillaga að deiliskipulagi Teigahverfis norðan Sundlaugavegar dags. 22. október 2010. Einnig er lögð fram Húsakönnun Minjasafns Reykjavíkur skýrsla nr. 150 dags. 2009, endurskoðað varðveislumat Minjasafns Reykjavíkur vegna Bjargs dags. 23. febrúar 2010 og samantekt verkefnisstjóra dags. 6. ágúst 2010 varðandi ábendingar úr hagsmunaaðilakynningu.

Vísað til skipulagsráðs.
10.10 Úlfarsbraut 16, (fsp) stækkun
Á fundi skipulagsstjóra 8. október 2010 var lögð fram fyrirspurn Kristjáns Rafnssonar dags. 17. september 2010 varðandi stækkun á lóðinni nr. 16 við Úlfarsbraut ásamt stækkun á byggingarreit samkvæmt meðfylgjandi skissu. Erindinu var frestað og er nú lagt fram að nýju ásamt tillögu um breyttan byggingarreit dags. 18. nóvember 2010.

Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi, vegna stækkunar á byggingarreit, á eigin kostnað. Tillagan verður grenndarkynnt þegar hún berst.
Ekki er fallist á tillögu fyrirspyrjanda um stækkun lóðar.
11.10 Sogavegur 73-75, (fsp) uppbygging
Lögð fram fyrirspurn Ingvars Ingvarssonar dags. 3. nóvember 2010 varðandi uppbyggingu á lóðinni nr. 75 við Sogaveg. Einnig er lögð fram umsögn skipulagsstjóra dags. 15. nóvember 2010. Einnig er lögð fram umsögn skipulagsstjóra dags. 12. nóvember 2010.

Umsögn skipulagsstjóra samþykkt.
12.10 Suðurlandsbraut 14, (fsp) bílastæðamál
Á fundi skipulagsstjóra 12. nóvember 2010 var lögð fram fyrirspurn Reginn ehf. dags. 9. nóvember 2010 varðandi bílastæði á lóðinni nr. 14 við Suðurlandsbraut. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 15. nóvember 2010.
Umsögn skipulagstjóra samþykkt.
13.10 Vesturberg 78, (fsp) bílastæði
Lögð fram fyrirspurn Húsfélagsins Vesturbergi 78 varðandi fjölgun bílastæða á lóð hússins nr. 78 við Vesturberg samkvæmt meðfylgjandi skissu.
Neikvætt. Samræmist ekki gildandi deiliskipulagi svæðisins.
14.10 Almannadalur 25-29, nr. 25 stækkun á gerði
Á fundi skipulagsstjóra 12. nóvember 2010 var lagt fram bréf frá afgreiðslufundi byggingarfulltrúa frá 9. nóvember 2010 þar sem sótt er um leyfi til að stækka gerði um 1,5 metra til norðausturs við hesthús nr. 25, þar sem reiðstígur sem átti að vera hefur verið lagður af vegna hæðarmunar í lóð nr. 25 - 29 við Almannadal. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 18. nóvember 2010.
Tölvupóstur um samþykki frá Hestamannafélaginu Fáki dags. 5. nóvember 2010 fylgir.
Gjald kr. 7.700
Frestað.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað með vísan til niðurstöðu í umsögn skipulagsstjóra.
15.10 Í landi Fitjakots 125677, (fsp) bílaplan og skýli
Lagt fram bréf frá afgreiðslufundi byggingarfulltrúa frá 26. október 2010 þar sem spurt er hvernig skrá skuli óuppfyllta sökkla í mhl. 1 og hvort steypa megi bílaplan og skýli undir því sem mhl. 02 við einbýlishús í Perluhvammi í landi Fitjakots, landnúmer 125677. Einnig er lögð fram umsögn skipulagsstjóra dags. 19. nóvember 2010.

Neikvætt með vísan til umsagnar skipulagsstjóra.
16.10 Hólmsheiði, Fisfélag Reykjavíkur, deiliskipulag athafnasvæðis Fisfélagsins
Á fundi skipulagsstjóra 29. október 2010 var lögð fram umsókn Fisfélags Reykjavíkur dags. 18. janúar 2008 um deiliskipulag athafnasvæðis Fisfélagsins á Hólmsheiði skv. uppdrætti Skapa og Skerpa arkitekta dags. 6. mars 2009. Í tillögunni er gert ráð fyrir tímabundinni afmörkun svæðis fyrir starfsemi Fisfélags Reykjavíkur. Um er að ræða þrískipt svæði, flugbrautir og æfingaaðstaða fyrir vélknúin fis, svæði fyrir bílastæði og flugskýli og svæði fyrir félagsheimili og útivist. Samhljóða tillaga var áður auglýst frá 13. febrúar 2008 til og með 28. mars 2008. Einnig er lagt fram bréf frá Skipulagsstofnun dags. 16. júní 2008, eldri athugasemdir vegna fyrri auglýsingar: Orkuveita Reykjavíkur dags. 30. janúar, Fjáreigendafélag Reykjavíkur dags. 17. mars, hestamannafélagið Fákur dags. 25. mars, Flugmálastjórn Íslands dags. 26. mars, Lögmál f.h. Græðis dags. 26. mars og Þórir Einarsson Skaftahlíð 38 dags. 27. mars 2008. Einnig lögð fram umsögn umhverfisstjóra skipulags- og byggingarsviðs dags. 15. apríl 2008, bréf Skipulagsstofnunar dags. 6. ágúst 2008, umsagnir Flugmálastjórnar Íslands dags. 29. júlí og 23. október 2008. Jafnframt eru lagðar fram athugasemdir sem bárust við auglýsingu sem stóð yfir frá 8. maí 2009 til og með 22. júní 2009. Eftirtaldir aðilar sendu athugasemdir: Orkuveita Reykjavíkur dags. 8. maí, Sigurjón Fjeldsted og Ragnheiður Fjeldsted dags 7. júní, Lögmál f.h. Græðis félags landeigenda dags. 19. júní, Árni Ingason dags. 19. júní, Þórir Einarsson dags. 21. júní, Kristín Harðardóttir og Hörður Jónsson dags 25. júní, Þóri J. Einarssyni og Guðbjarna Eggertssyni hdl. dags. 2. júlí 2009 og Helga Kristjánsdóttir, f.h. 4 landeigenda dags. 6. júlí 2009. Einnig er lögð fram umsögn skipulagsstjóra dags. 17. ágúst 2009. Á fundi skipulagsstjóra þann 3. september 2010 var samþykkt að endurbirta auglýsingu og í framhaldi að framlengja frest til að gera athugasemdir til og með 22. október 2010. Eftirtaldir aðilar sendu athugasemdir: Vignir Bjarnason dags. 10. september 2010, Kristín Harðardóttir f.h Harðar Jónssonar dags. 16. október 2010, Kristín Björg Kristjánsdóttir f.h. landeigenda við Mýrarskyggni, dags. 22. október, Þórir Einarsson f.h. eiganda lands númer 113435 dags. 22. október 2010 og Landeigendafélagið Græðir dags. 20. október 2010. Erindinu var vísað til umsagnar hjá verkefnisstjóra svæðisins og er nú lagt fram að nýju.

Vísað til skipulagsráðs.
17.10 Laugarnestangi 70, Listasafn Sigurjóns Ólafssonar, lóðarúthlutun
Á fundi skipulagsstjóra 5. nóvember 2010 var lagt fram bréf Ívars Pálssonar f.h. Landslaga dags. 1. nóvember 2010 varðandi úthlutun lóðar á Laugarnestanga fyrir starfsemi Listasafns Sigurjóns Ólafssonar. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 19. nóvember 2010.
Umsögn skipulagsstjóra samþykkt.
18.10 Nauthólsvegur 50, breytingar á hóteli
Lagt fram erindi frá afgreiðslufundi byggingarfulltrúa frá 16. nóvember 2010 þar sem sótt er um leyfi til að breyta og endurnýja í kjallara svæði sem tengist sundlaugarrými, 1. hæð ráðstefnu- og veitingasölum, stækkun anddyri við inngang, stækka útipall á vesturhlið og setja álrimla utan á austur útvegg á Hótel Loftleiðir á lóð nr. 50 við Nauthólsveg.
Stækkun: 6,4 ferm., XX rúmm.
Gjald kr. 7.700

Ekki eru gerðar skipulagslegar athugasemdir við erindið.
19.10 Austurbæjarskóli, bréf foreldrafélagsins, aðveitustöð Orkuveitu Reykjavíkur
Lagt fram bréf Foreldrafélags Austurbæjarskóla dags. 15. nóvember 2010 varðandi öryggi barna á skólalóðinni vegna aðveitustöðvar Orkuveitu Reykjavíkur.

Kynna formanni skipulagsráðs.
20.10 Brávallagata 8, svalir
Lagt fram erindi frá afgreiðslufundi byggingarfulltrúa frá 16. nóvember 2010 þar sem sótt er um leyfi til þess að byggja svalir úr stáli og timbri við suðausturhlið 1. 2. og 3. hæðar fjölbýlishússins á lóð nr. 8 við Brávallagötu. sbr. umsókn BN036240 sem fallin er úr gildi.
Samþykkt að grenndarkynna framlagða umsókn fyrir hagsmunaaðilum að Brávallagötu 6 og 10.
21.10 Hallgrímstorg 3 / Hnitbjörg, (fsp) viðbygging
Lögð fram fyrirspurn Listasafns Einars Jónssonar dags. 18. nóvember 2010 varðandi leyfi til að byggja viðbyggingu við húsið nr. 3 við Hallgrímstorg Hnitbjörg samkvæmt tillögu Studio Granda dags. í september 2010. Einnig er lagt fram bréf Borgarminjavarðar dags. 4. nóvember 2010 og bréf Húsafriðunarnefndar dags. 12. nóvember 2010.

Kynna formanni skipulagsráðs.
22.10 Háskóli Íslands, deiliskipulag vestan Suðurgötu, Árnastofnun
Að lokinni auglýsingu lögð fram að nýju umsókn Háskóla Íslands dags. 25. nóvember 2008 varðandi breytingu á deiliskipulagi Háskóla Íslands vestan Suðurgötu. Í breytingunni felst að á reit A3 verður hámarksbyggingarmagn aukið, nýtingarhlutfall á lóð hækkað og hámarkshæð byggingar aukin auk þess sem gert er ráð fyrir þakgarði á húsið með tilheyrandi útgangi samkv. meðfylgjandi uppdrætti Teiknistofu arkitekta Gylfa Guðjónssonar og félaga ehf. dags. 15. nóvember 2008. Tillagan var auglýst frá 19. desember 2008 til og með 5. febrúar 2009. Athugasemd barst frá: Kristínu Björg Helgadóttur dags. 5. febrúar 2009 f.h. húsfélagsins að Birkimel 8, 8A og 8B. Einnig er lagt fram bréf fulltrúa Háskóla Íslands, Félagsstofnun stúdenta og Þjóðminjasafns Íslands dags. 17. febrúar 2009 þar sem fram kemur samþykki ofantalda aðila við auglýsta breytingu á deiliskipulagi og bréf Teiknistofu Gylfa Guðjónssonar og félaga dags. 2. febrúar 2009. Erindinu var vísað til umsagnar verkefnisstjóra vesturbæjar og umhverfis- og samgöngusviðs vegna athugasemda um umferðarmál og er nú lagt fram að nýju ásamt umsögn skipulagsstjóra dags. 27. febrúar 2009 og umsögn umhverfis- og samgöngusviðs dags. 26. febrúar 2009. jafnframt er lagt fram bréf Háskóla Íslands dags. 10. mars 2009 ásamt drögum af samgöngustefnu HÍ vegna bílastæðamála og fleira.
Vísað til skipulagsráðs.
23.10 Kaplaskjól, breyting á deiliskipulagi
Lagt fram bréf Skipulagsstofnunar dags. 10. nóvember 2010 þar sem gerð er athugasemd við birtingu auglýsingar í B-deild Stjórnartíðinda.

Vísað til meðferðar hjá verkefnisstjóra svæðisins.
24.10 Sjafnargata 11, (fsp) viðbygging
Á fundi skipulagsstjóra 12. nóvember 2010 var lagt fram bréf frá afgreiðslufundi byggingarfulltrúa frá 9. nóvember 2010 þar sem spurt er hvort byggja megi anddyri til austurs, annað til vesturs, yfir svalir með flötu þaki, nýjan inngang í kjallara að utan og lækka gólf þar í einbýlishúsi á lóð nr. 11 við Sjafnargötu. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 18. nóvember 2010.
Meðfylgjandi er svar skipulagsstjóra dags. 23. ágúst 2010 við fyrirspurn.

Ekki eru gerðar athugasemdir við erindið með þeim skilyrðum sem fram koma í umsögn skipulagsstjóra. Byggingarleyfisumsókn verður grenndarkynnt þegar hún berst.