Hléskógar, Aragata 15, Blönduhlíð 25, Úthlíð 14, Melgerði 1, Sigluvogur 4, Leirulækur 6, Sólheimar 19-21, Álfheimar 2-6, Baughús 10, Fannafold 63, Logafold 49, Gerðarbrunnur 15, Urðarbrunnur 130-134 Skyggnisbraut 20-30, Tunguvegur 19, Tangabryggja 14-16, Ásvallagata 58, Bergstaðastræti 18, Bergstaðastræti 20, Sjafnargata 11, Sólvallagata 27, Skúlagata 4, Túngata 41, Skáldastígur, Sorpa bs., Áfengisveitingastaðir,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

310. fundur 2010
Ár 2010, föstudaginn 16. júlí kl. 09:30 var haldinn 310. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:

1.10 Hléskógar, gestabílastæði
Lagt fram bréf framkvæmda- og eignasviðs, dags. 12. júlí 2010, varðandi skilgreiningu á gestabílastæðum við Hléskóga. Einnig lögð fram umsögn skipulagsstjóra dags. 16. júlí 2010.
Umsögn skipulagsstjóra samþykkt.
2.10 Aragata 15, breyting inni og úti
Lagt fram erindi frá afgreiðslufundi byggingarfulltrúa frá 13. júlí 2010 þar sem sótt er um leyfi til að breyta inni og úti, sem að hluta eru áður gerðar framkvæmdir, endurnýja húðun á útveggjum, fjarlægja steypta plötu yfir stofu og byggja sperruþak, stækka op milli stofu og gangs og byggja arinn, bæta við glugga á þvottahús 1. hæðar, flytja inntök heimlagna, koma fyrir glerskýli á svölum, breyta skyggni yfir aðalinngangi og setja garðhurð á suðurhlið einbýlishússins á lóð nr. 15 við Aragötu.
Bréf frá hönnuði dags. 5. júní 2010 og 18. júní fylgja.
Stækkun: svalaskýli á 1.hæð 2,18 ferm., 17.17 rúmm.
Gjald kr. 7.700 + 7.700 +1.322
Samþykkt að grenndarkynna framlagt erindi fyrir hagsmunaaðilum að Aragötu 13 og Oddagötu 14 og 16.
3.10 Blönduhlíð 25, bílageymsla
Að lokinni grenndarkynningu er lagt fram bréf frá afgreiðslufundi byggingarfulltrúa frá 1. júní 2010 þar sem sótt er um leyfi til að byggja steinsteypta bílgeymslu við fjölbýlishúsið á lóð nr. 25 við Blönduhlíð. Einnig fylgir jákvæð fsp. dags. 7. nóvember 2006 og 10. mars 2009 ásamt útskrift úr gerðabók embættisafgreiðslufundar skipulagsstjóra frá 12. mars 2010 og minnisblað skipulagsstjóra dags. 12. mars 2010. Grenndarkynning stóð yfir frá 9. júní til og með 8. júlí 2010. Engar athugasemdir bárust.
Erindi fylgir samþykki meðeigenda dags. 8. febrúar 2010.
Stækkun: 35 ferm., 115,4 rúmm.
Gjald kr. 7.700 + 8.886
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
4.10 Úthlíð 14, stækka svalir og fl.
Að lokinni grenndarkynningu er lagt fram bréf frá afgreiðslufundi byggingarfulltrúa frá 1. júní 2010 þar sem sótt er um leyfi til að stækka svalir á 1. og 2. hæð, byggja þaksvalir á 3. hæð og opna úr kjallara út í garð í fjölbýlishúsi á lóð nr. 14 við Úthlíð. Erindið var grenndarkynnt frá 9. júní til og með 8. júlí 2010. Engar athugasemdir bárust.
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
5.10 Melgerði 1, breyting á deiliskipulagi
Lögð fram umsókn Magnúsar Jenssonar, dags. 16. júlí 2010, um breytingu á deiliskipulagi Melgerði-Sogavegur vegna stækkunar lóðar nr. 1 við Melgerði skv. uppdrætti, dags. 15. júlí 2010.
Frestað.
6.10 Sigluvogur 4, (fsp) sambyggð bílgeymsla
Lagt fram erindi frá afgreiðslufundi byggingarfulltrúa frá 13. júlí 2010 þar sem spurt er hvort reisa megi sambyggða bílgeymslu milli húsanna á lóðum nr. 4 og 6 við Sigluvog.
Ekki er gerð athugasemd við erindið. Byggingarleyfisumsókn verður grenndarkynnt berist hún. Samþykki lóðarhafa liggi fyrir við afgreiðslu málsins.
7.10 Leirulækur 6, breyting á deiliskipulagi
Lögð fram umsókn Framkvæmda- og eignasviðs Reykjavíkur, dags. 15. júlí 2010, um breytingu á deiliskipulagi Dalbrautarreits vegna lóðar nr. 6 við Leirulæk skv. uppdrætti, dags. s.d. Breytingin gengur út á að koma fyrir byggingarreit fyrir færanlegar stofur á lóð leikskólans.
Samþykkt að grenndarkynna framlagða tillögu fyrir hagsmunaaðilum að Bugðulæk 22- 44, jafnar tölur, og Dalbraut 12.
8.10 Sólheimar 19-21, breyting á deiliskipulagi
Lögð fram umsókn Framkvæmda- og eignasviðs Reykjavíkur, dags. 15. júlí 2010, um breytingu á deiliskipulagi Sólheima vegna lóðar nr. 19-21 við Sólheima skv. uppdrætti, dags. s.d. Breytingin gengur út á að koma fyrir lausum stofum á lóð leikskólans.
Samþykkt að grenndarkynna framlagða tillögu fyrir hagsmunaaðilum að Sólheimum 17 og 17a.
9.10 Álfheimar 2-6, (fsp) nr 2. bæta við hæð
Á fundi skipulagsstjóra 2. júlí 2010 var lagt fram bréf frá afgreiðslufundi byggingarfulltrúa frá 29. júní 2010 þar sem spurt er hvort byggja megi aðra hæð ofan á suðurálmu verslunarhússins á lóð nr. 2 við Álfheima. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 15. júlí 2010.
Ekki er gerð athugasemd við erindið. Byggingarleyfisumsókn verður grenndarkynnt berist hún.
Samþykki lóðarhafa liggi við afgreiðslu málsins.
10.10 Baughús 10, (fsp) breyting á deiliskipulagi
Lögð fram fyrirspurn lóðarhafa dags. 12. júlí 2010 um breytingu á deiliskipulagi vegna stækkunar aukaíbúðar að Baughúsi 10. Meðfylgjandi eru uppdrættir Lúðvíks Davíðs Björnssonar dags. 27. ágúst 2008.
Vísað til meðferðar hjá verkefnisstjóra svæðisins.
11.10 Fannafold 63, setja glugga á gafla og fl.
Sótt er um leyfi til að setja glugga á gafla og nýta þar með geymslur á neðri hæð sem íveruherbergi í parhúsinu á lóð nr. 63 við Fannafold.
Gjald kr. 7.700Sótt er um leyfi til að setja glugga á gafla og nýta þar með geymslur á neðri hæð sem íveruherbergi í parhúsinu á lóð nr. 63 við Fannafold.
Gjald kr. 7.700
Ekki eru gerðar athugasemdir við að skilmálum verði breytt fyrir lóðina svo hægt sé að heimila nýtingu á kjallarýmum. Tillagan verður grenndarkynnt berist hún.
12.10 Logafold 49, breyting á deiliskipulagi
Að lokinni grenndarkynningu er lagt fram erindi VA Arkitekta dags. 10. júní 2010 að breytingu á deiliskipulagi Foldahverfis, áfanga 6 vegna lóðarinnar nr. 49 við Logafold. Í breytingunni felst að útgrafinn kjallari er tekinn í notkun sem hluti íbúðar, samkvæmt uppdrætti VA Arkitekta dags. 23. júní 2010. Einnig lagt fram bréf VA Arkitekta, dags. 24. júní 2010. Grenndarkynning stóð frá 7. júlí til og með 5. ágúst 2010. Þar sem samþykki allra hagsmunaaðila liggur fyrir er erindið nú lagt fram að nýju.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
13.10 Gerðarbrunnur 15, niðurfelling á bílgeymslu
Lögð fram orðsending skrifstofu borgarstjóra R10070021 til framkvæmda- og eignasviðs, dags. 7. júlí 2010, vegna framkvæmda á lóð nr. 15 við Gerðarbrunn. Einnig lagt fram minnisblað skipulags- og byggingasviðs, dags.14. júlí 2010 vegna málsins
Minnisblað skipulags- og byggingarsviðs samþykkt.
14.10 Urðarbrunnur 130-134 Skyggnisbraut 20-30, breyting á deiliskipulagi
Að lokinni auglýsingu er lögð fram að nýju tillaga VA arkitekta að breytingu á deiliskipulagi Hallar Hamrahlíðarlönd og suðurhlíðar Úlfarsfells Hverfi 4 vegna lóðanna Urðarbrunns 130-134 og Skyggnisbrautar 20-30 mótt. 26. apríl 2010. Í breytingunni er gerð tillaga að því að skipta lóðinni í þrennt, fjölga íbúðum auk þess sem byggingarreitur fyrir bílageymslu er felldur niður að hluta. Tillagan var auglýst frá 31. maí til og með 12. júlí 2010. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
15.10 Tunguvegur 19, breyting á deiliskipulagi
Að lokinni auglýsingu er lagt fram að nýju erindi Sæmundar Pálssonar og Ólafíu Magnúsdóttur, mótt. 8. desember 2009, varðandi breytingu á deiliskipulagi Sogavegar vegna lóðarinnar nr. 19 við Tunguveg. Í breytingunni felst m.a. að gera byggingarreit á norðurhluta lóðarinnar auk byggingarreits fyrir svalir, færa tvö bílastæði sem eru við götu inn á lóð og fleira samkvæmt uppdrætti Arkhús ehf., dags. 12. apríl 2010. Auglýsing stóð yfir frá 19. maí 2010 til og með 1. júlí 2010. Eftirtaldir aðilar gerðu athugasemdir: Kári Pálsson og Guðrún M. Ólafsdóttir dags. 6. júní 2010.
Vísað til umsagnar verkefnastjóra.
17.10 Tangabryggja 14-16, bílasala
Lagt fram bréf Ingibjargar Tómasdóttur dags. 18. maí 2010 vegna bílasölu á lóð nr. 14-16 við Tangabryggju. Einnig lagt fram bréf forstjóra Björgunar dags. 22. júní 2010 ásamt bréfi formanns íbúasamtaka Bryggjuhverfis dags. 16. júní 2010.
Vísað til umsagnar lögfræði- og stjórnsýslu.
18.10 Ásvallagata 58, (fsp) loka svölum
Lagt fram bréf frá afgreiðslufundi byggingarfulltrúa frá 6. júlí 2010 þar sem spurt er hvort loka megi svölum á 2. hæð í einbýlishúsi á lóð nr. 58 við Ásvallagötu.
Með vísan til rammaskilmála af Jóhannstúni er ekki gerð athugasemd við erindið. Vísað er til skilmála A og B þar sem sagt er að byggja megi yfir svalir en taka verð tillit til stíls hússins. Grenndarkynna þarf byggingarleyfisumsókn berist hún.
19.10 Bergstaðastræti 18, (fsp) flutningshús
Lögð fram fyrirspurn Krads f.h. Laugar ehf., dags. 9. júlí 2010 um flutning hússins að Hverfisgötu 28 á lóðina númer 18 við Bergstaðastræti.
Vísað til skipulagsráðs.
20.10 Bergstaðastræti 20, (fsp) stækkun útskots
Lögð fram fyrirspurn Krads f.h. Laugar ehf., dags. 9. júlí 2010, um stækkun útskots á vesturhlið hússins nr. 20 við Bergstaðastræti skv. uppdrætti, dags. 2. nóv. 2009.
Vísað til skipulagsráðs.
21.10 Sjafnargata 11, (fsp) breytingar á húsi
Lögð fram fyrirspurn Eddu Þórarinsdóttur, dags. 8. júlí 2010, varðandi ýmsar breytingar á húseigninni Sjafnargata 11. Einnig lagður fram tölvupóstur dags. 16. júlí 2010 þar sem óskað er eftir að draga fyrirspurnina til baka.
Fyrirspurnin dregin til baka samkvæmt tölvupósti dags. 16. júlí 2010.
22.10 Sólvallagata 27, breyta notkun húsnæðis
Lagt fram erindi frá afgreiðslufundi byggingarfulltrúa frá 13. júlí 2010 þar sem sótt er um leyfi til að innrétta tvær íbúðir sbr. fyrirspurn BN040050 í verslunarhúsnæði á 1. hæð í húsi á lóð nr. 27 við Sólvallagötu.
Gjald kr. 7.700
Ekki eru gerðar skipulagslegar athugasemdir við erindið. Samþykki allra meðlóðarhafa liggi fyrir við afgreiðlsu málsins.
24.10 Skúlagata 4, (fsp) hækkun húss
Lögð fram fyrirspurn Sigríðar Magnúsdóttur f.h. Sjávarútvegshússins dags. 6. júlí 2010 um breytingu á deiliskipulagi Stjórnarráðsreits vegna hækkunar á skrifstofuálmu í húsi nr. 4 við Skúlagötu um eina hæð.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt berist hún.
25.10 Túngata 41, stækka bílskúr ofl.
Lagt fram erindi frá afgreiðslufundi byggingarfulltrúa frá 13. júlí 2010 þar sem sótt er um leyfi til að stækka bílskúr og tengja við íbúðarhúsið, klæða eldri hluta veggjar sem snýr að húsi nr. 43 með ímúr með hraunáferð, liggjandi tréklæðning með einangrun á garðhliðum og koma fyrir útihurðum á norðvestur hlið bílskúrsins á lóð nr. 41 við Túngötu.
Jákvæð fyrirspurn BN040958 dags. 9. ferbrúar 2010 ásamt umsögn skipulagsstjóra frá 28. janúar 2010 fylgir erindi. Einnig fylgir samþykki eigenda Túngötu nr. 39 dags. 8. júní 2010 og íbúa nr. 43 dags 8. júní.2010. Sömuleiðis samþykki burðarvirkishönnuðar.
Stækkun: 16,7 ferm., 44,6 rúmm.
Gjald kr. 7.700 + 7.700 + 3.434

Samþykkt að grenndarkynna framlagða tillögu fyrir hagsmunaaðilum að Túngötu 39 og 43
26.10 Skáldastígur, bréf
Lögð fram orðsending borgarstjóra ásamt bréfi Kristins E. Hrafnssonar dags. 8. október 2009 varðandi Skáldastíg í Grjótaþorpi.
Vísað til umsagnar skrifstofustjóra Framkvæmda- og eignasviðs.
27.10 Sorpa bs., stefnumótun
Lögð fram orðsending skrifstofu borgarstjórnar R10070002, dags. 6. júlí 2010, ásamt bréfi framkvæmdastjóra Sorpu bs. frá 29. f.m. um stefnumótun Sorpu. Erindinu er vísað f.h. borgarráðs til meðferðar skipulagsráðs og umhverfis- og samgönguráðs.
Vísað til skipulagsráðs.
28.10 Áfengisveitingastaðir, staðsetning og opnunartími, tillaga stýrihóps
Lagt fram bréf borgarstjóra, dags. 9. júní 2010 vegna samþykktar borgarráðs 27. f.m. að óska eftir umsögnum hagsmunaaðila um tillögu stýrihóps um staðsetningu og opnunartíma áfengisveitingastaða, dags. 25. maí 2010.
Vísað til umsagnar lögfræði- og stjórnsýslu.