Austurstræti 6, Bergstaðastræti 16-20, Spítalastígur 6b, Einarsnes 42a, Laugavegur 12B, Mjóstræti 6, Reitur 1.174.3 Stjörnubíósreitur, Skólavörðustígur 21A, Grjótháls 1-3 og Grjótháls 5, Rofabær 7-9, Rofabær 32, Lokastígsreitir 2, 3 og 4, Elliðaárdalur, Rauðagerði 66, Álftamýri 16-22, Gylfaflöt 9, Ármúli 3, Ásgarður 18-24, Úlfarsárdalur, Bíldshöfði 20, Brekknaás 5,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

279. fundur 2009
Ár 2009, föstudaginn 6. nóvember kl. 10:45, hélt skipulagsstjóri Reykjavíkur 279. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Margrét Þormar, Lilja Grétarsdóttir, Örn Þór Halldórsson, Björn Ingi Edvardsson, Guðfinna Ósk Erlingsdóttir og Gunnhildur S Gunnarsdóttir. Ritari var Helga Björk Laxdal
Þetta gerðist:

1.09 Austurstræti 6, (fsp) breyting á deiliskipulagi
Lögð fram fyrirspurn Lindarvatns ehf. dags. 27. október 2009 varðandi breytingu á deiliskipulagi Kvosarinnar vegna lóðarinnar nr. 6 við Austurstræti. Í breytingunni felst að stækka húsið til suðurs að lóðarmörkum og byggja við norðurhlið að hluta og setja kvisti á 6. hæð.
Vísað til umsagnar hjá verkefnisstjóra svæðisins.
2.09 Bergstaðastræti 16-20, Spítalastígur 6b, breyting á deiliskipulagi Bergstaðastrætisreits
Að lokinni auglýsingu er lögð fram að nýju umsókn Krads f.h. Lauga ehf., dags. 18. mars 2009 um breytingu á deiliskipulagi Bergstaðastrætisreits vegna lóðanna nr. 16,18 og 20 við Bergstaðastræti og lóðarinnar nr. 6B við Spítalastíg samkvæmt uppdrætti Krads, dags. 8 júní 2009 . Í breytingunni felst að breyta heimild til að hafa hótelíbúðir. Einnig lagt fram samkomulag BHB byggingarfélags og Festar frá 18. des. 2008 og bókun húsafriðunarnefndar frá 15. maí 2008. Tillagan var auglýst frá 26. júni til og með 28. október 2009. Eftirtaldir aðilar sendu inn athugasemdir: Regína Eiríksdóttir dags. 26. júní, Egill Þórðarson og Sara McMahon dags. 5. ágúst 2009, Hilmir Víglundsson og Jón Rafn Antonsson fh. ORO ehf. dags. 6. ágúst 2009, Ingibjörg Friðriksdóttir dags. 5. ágúst 2009, og Bryndís Jónsdóttir, Baldur Björnsson, Einar Árnason, Kári Halldór, Stefán Þór Steindórsson, dags. 3. ágúst og 2. sept. 2009, Ingibjörg Stefánssdóttir, dags. 7. ágúst 2009, íbúasamtök miðborgar dags. 29. júlí 2009. Þóra Andrésdóttir, dags. 6. sept. 2009, Katrín Fjeldsted, dags. 7. sept. 2009, Vésteinn Valgarðsson, dags. 8. sept. 2009.
Kynna formanni skipulagsráðs.
3.09 Einarsnes 42a, (fsp) breyting á lóð
Á fundi skipulagsstjóra 30. október 2009 var lögð fram fyrirspurn lóðarhafa dags. 23. október 2009 varðandi sölu af hluta lóðarinnar nr. 42a við Einarsnes til Einarsnes 44a. Erindinu var frestað og er nú lagt fram að nýju ásamt umsögn skipulagsstjóra dags. 5. nóvember 2009.
Neikvætt með vísan til umsagnar skipulagsstjóra.
4.09 Laugavegur 12B, (fsp) verslun og veitingahús
Lagt fram erindi frá afgreiðslufundi byggingarfulltrúa frá 3. nóvember 2009 þar sem spurt er hvort leyfi fengist til að opna verslun og veitingahús í ótilgreindum flokki í húsi á lóð nr. 12b við Laugaveg. Einnig er lögð fram umsögn skipulagsstjóra. dags. 5. nóvember 2009.
Neikvætt með vísan til umsagnar skipulagsstjóra.
5.09 Mjóstræti 6, Garðastræti 17A, sameining lóða
Lagt fram bréf JP lögmanna f.h. eigenda húseignarinnar að Garðastræti 17, dags. 29. okt. 2009, þar sem farið er fram á að afturkölluð verði samþykki skipulagsráðs á sameiningu lóða nr. 6 við Mjóstræti og nr. 17A við Garðastræti ásamt því að deiliskipulagi Grjótaþorps verði breytt.
Vísað til umsagnar hjá lögfræði og stjórnsýslu.
6.09 Reitur 1.174.3 Stjörnubíósreitur, (fsp) aðgengi að baklóðum á reit
Lögð fram fyrirspurn Eddu Þórsdóttur, dags. 2. nóv. 2009, varðandi aðgengi að baklóðum á reit 1.174.3, Stjörnubíósreit.
Vísað til umsagnar hjá verkefnisstjóra svæðisins.
7.09 Skólavörðustígur 21A, (fsp) skyndibitastaður
Lagt fram erindi frá afgreiðslufundi byggingarfulltrúa frá 3. nóvember 2009 þar sem spurt er hvort leyfi fengist til að opna skyndibitastað í ótilgreindum flokki þar sem hægt verður að kaupa aðkeyptan mat sem verður hitaður upp á staðnum, einnig er ætlað að reka staðinn sem gallerí og hafa opnunartíma frá kl: 11 til 21:00 í húsinu á lóð nr. 21a við Skólavörðustíg. Einnig er lögð fram umsögn skipulagsstjóra dags. 5. nóvember 2009.
Ekki eru gerðar athugasemdir við erindið með vísan til umsagnar skipulagsstjóra.
8.09 Grjótháls 1-3 og Grjótháls 5, breyting á deiliskipulagi vegna tengibrúar
Að lokinni grenndarkynningu er lögð fram að nýju umsókn Tark f.h. Össurar ehf., dags. 16. sept. 2009, um breytingu á deiliskipulagi Hálsahverfis vegna tengingar húsanna að Grjóthálsi 1-3 og 5 með glerbrú á 2. hæð skv. uppdrætti, dags. 15. sept. 2009.Tillagan var grenndarkynnt frá 28. september til og með 26. október 2009. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
9.09 Rofabær 7-9, breyting á deiliskipulagi, Árbær-Selás, v/ Rofabær 7-9
Á fundi skipulagsstjóra 12. desember 2008 var lögð fram umsókn plan 21 ehf f.h. Sigþórs J. Sigþórssonar, dags 12.12. 2008 ásamt uppdrætti dags 19.11.2008 varðandi breytingu á deiliskipulagi lóðarinnar nr. 7-9 við Rofabæ.
Í breytingunni felst að heimil uppbygging á lóðinni verði íbúðarhúsnæði í stað atvinnuhúsnæðis um er að ræða 4. hæða fölbýlishús með allt að 20 íbúðum. Erindinu var frestað og er nú lagt fram að nýju ásamt viðbótargögnum lóðarhafa mótt. 11 júní 2009 og tillögu að nýjum skilmálum fyrir lóðina, mótt. 30. okt. 2009.
Vísað til umsagnar hjá verkefnisstjóra svæðisins.
10.09 Rofabær 32, nýtt safnaðarheimili
Lagt fram erindi frá afgreiðslufundi byggingarfulltrúa frá 3. nóvember 2009 þar sem sótt erum leyfi til að byggja safnaðarheimili úr steinsteypu á þrem hæðum við Árbæjarkirkju á lóð nr. 32 við Rofabæ.
Meðfylgjandi er bréf burðarvirkjahönnuðar dags. 19. okt. 2009.Stækkun 997,7 ferm., 3.893,4 rúmm.Gjald kr. 7.700 + 299.792
Ekki eru gerðar athugasemdir við erindið. Samræmist deiliskipulagi.
11.09 Lokastígsreitir 2, 3 og 4, deiliskipulag
Að lokinni auglýsingu er lögð fram að nýju tillaga Dennis og Hjördísar ehf. að deiliskipulagi Lokastígsreita dags. í maí 2009. Tillagan var auglýst frá 7. september til og með 19. október 2009. Eftirtaldir aðilar sendu inn athugasemdir: Sigurður H. Þorsteinsson dags. 16. október, íbúasamtök miðborgar dags. 16. október, Ásgeir Guðjónsson og Loftur Ásgeirsson, dags. 18. október, Lilja Gunnarsdóttir og Eyjólfur I. Ásgeirsson dags. 18. október, Friðþjófur Árnason og Líney Símonardóttir, dags. 18. október, Anna D. Steinþórsdóttir, dags. 18. október, Þórólfur Antonsson, dags. 19. október, Dýrleif Bjarnadóttir, dags. 19. október, Bjarni R. Bjarnason, dags. 19. október, Jóhann Gunnar Jónsson dags. 19. október og Zeppelín arkitektar dags. 19. október 2009. Einng lagt fram bréf Hverfisráðs miðborgar dags. 23. september 2009.
Frestað.
12.09 Elliðaárdalur, breytt deiliskipulag vegna lóða Orkuveitunnar
Lögð fram umsókn Orkuveitu Reykjavíkur, dags. 5. nóv. 2009, um breytingu á deiliskipulagi Elliðaárdals vegna lóða fyrir borholuhús Orkuveitunnar í dalnum. Einnig lagt fram bréf Landslags ehf., dags. 4. nóv. 2009 ásamt uppdrætti.
Vísað til meðferðar hjá verkefnisstjóra svæðisins.
13.09 Rauðagerði 66, ný verönd, útigeymsla
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 20. október 2009 þar sem sótt er um leyfi til að innrétta óuppfyllt kjallararými, til að koma fyrir nýjum gluggum á suðaustur- og norðvesturhlið 1. hæðar, breyta glugga í hurð á 2. hæð, byggja verönd með steyptum skjólveggjum og koma fyrir setlaug við einbýlishúsið á lóð nr. 66 við Rauðagerði.
Erindi fylgir yfirlýsing burðarvirkishönnuðar dags, 13. október 2009 og bréf hönnuðar varðandi stærð og byggingareit dags. 15. október 2009. Grenndarkynningin stóð frá 29. október til og með 26. nóvember 2009, en þar sem samþykki lóðarhafa að Rauðagerði 60 liggur fyrir er erindið lagt fram að nýju.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
14.09 Álftamýri 16-22, bílskúrar
Á fundi skipulagsstjóra 30. október 2009 var lögð fram orðsending borgarstjóra dags. 29. október 2009 varðandi fyrirspurn Bjarneyjar K. Ólafsdóttur dags. 27. október 2009 vegna bílskúra við húsið nr. 16-22 við Álftamýri. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 5. nóvember 2009.
Ekki eru gerðar athugasemdir við erindið með vísan til umsagnar skipulagsstjóra.
15.09 Gylfaflöt 9, reyndarteikingar
Lagt fram erindi frá afgreiðslufundi byggingarfulltrúa frá 3. nóvember 2009 þar sem sótt er um leyfi fyrir reyndarteikningum sem fela í sér að byggja áhaldaskýli utan um kælibúnað og breyta innra skipulag á 1. 2. og 3. hæð atvinnuhússins á lóð nr. 9 við Gylfaflöt.
Vísað til meðferðar hjá verkefnisstjóra svæðisins.
16.09 Ármúli 3, (fsp) uppbygging á lóð
Lögð fram fyrirspurn Ask arkitekta f.h. Landfesta fasteignafélags, dags. 29. október 2009, varðandi uppbyggingu á lóð nr. 3 við Ármúla skv. uppdrætti, dags. sept. 2009. Tillagan felur í sér að byggður verði "viðskiptagarður".
Kynna formanni skipulagsráðs.
17.09 Ásgarður 18-24, svalir á 2. hæð
Lagt fram erindi frá afgreiðslufundi byggingarfulltrúa frá 3. nóvember 2009 þar sem sótt er um leyfi til að koma fyrir svölum á suðurhlið 2. hæðar í íbúð 0204 mhl. 03, sbr. BN039585 dags. 21. apríl. 2009, á fjölbýlishúsinu nr. 22-24 á lóð nr. 18-24 við Ásgarð. Einnig er lögð fram umsögn skipulagsstjóra dags. 5. nóvember 2009.
Erindi fylgir samþykki sumra meðeigenda.
Gjald kr. 7.700
Ekki eru gerðar athugasemdir við erindið með þeim skilyrðum sem fram koma í umsögn skipulagsstjóra.
18.09 Úlfarsárdalur, endurskoðun deiliskipulags
Á fundi skipulagsstjóra 27. mars 2009 var lagt fram bréf Framkvæmda- og eignasviðs dags. 12. mars 2009 varðandi endurskoðun á deiliskipulagi Úlfarsárdals. Erindinu var vísað til meðferðar hjá verkefnastjóra Úlfarsárdals.
Kynna formanni skipulagsráðs.
19.09 Bíldshöfði 20, breyting á vörumóttöku og viðbygging
Lagt fram erindi frá afgreiðslufundi byggingarfulltrúa frá 3. nóvember 2009 þar sem sótt er um leyfi til að stækka og hólfa niður geymslur og koma fyrir vörumóttöku í kjallara á norðurhlið, undir palli 1. hæðar, koma fyrir vörumóttöku á palli 1. hæðar á norðurhlið í atvinnuhúsnæðinu á lóð nr. 20 við Bíldshöfða.
Ekki eru gerðar athugasemdir við erindið. Samræmist deiliskipulagi.
20.09 Brekknaás 5, (fsp) veitingasalur
Á fundi skipulagsstjóra 28. ágúst 2009 var lagt fram erindi frá afgreiðslufundi byggingarfulltrúa frá 21. júlí 2009 þar sem spurt er hvort starfrækja megi veitingastað í fl. III í sal á efri hæð reiðhallar í Víðidal á lóð nr. 5 við Brekknaás. Erindinu var vísað til umsagnar Hestamannafélagsins Fáks og er nú lagt fram að nýju ásamt umsögn Hestamannafélagsins Fáks dags. 25. október 2009.
Ekki eru gerðar athugasemdir við erindið með vísan til umsagnar Hestamannafélagsins Fáks.