Langagerði 74, Mosgerði 1, Ásvallagata 21, Grandagarður 1-13, Grundarstígur 10, Háskóli Íslands, Laufásvegur 68, Laufásvegur 68, Laugavegur 12, Laugavegur 46B, Laugavegur 50, Laugavegur 60A, Smáragata 13, Spítalastígur 2a, Veltusund 3B, Kjalarnes, Kjalarnes, Móar, Árvað 1, Ægisgarður, Mýrargötusvæði, Almannadalur 17-23, Gufunes við Sorpuveg, Ingólfstorg, Mógilsá, landspilda 125736, Þórðarsveigur 32-36,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

243. fundur 2009
Ár 2009, föstudaginn 6. febrúar kl. 11:10 hélt skipulagsstjóri Reykjavíkur 243. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn hjá skipulagsstjóra í Borgartúni 12-14, 2. hæð Stardal. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Þórarinn Þórarinsson, Margrét Þormar, Bragi Bergsson, Jóhannes S. Kjarval, Lilja Grétarsdóttir, Ágústa Sveinbjörnsdóttir og Björn Axelsson. Ritari var Helga Björk Laxda
Þetta gerðist:

1.09 Langagerði 74, stækkun einbýlish.
Lagt fram erindi frá afgreiðslufundi byggingarfulltrúa frá 3. febrúar 2009 þar sem sótt er um leyfi til að byggja við úr steinsteypu og tengja bílskúr íbúðarhúsi, sameina matshluta 01 og 02, stækka svalir á austurhlið og byggja timburverönd við einbýlishús á lóð nr. 74 við Langagerði.
Stærðir stækkun: 91,6 ferm., 267,6 rúmm.
Gjald kr. 7.700 + 20.605

Samþykkt að grenndarkynna framlagða umsókn fyrir hagsmunaaðilum að Langagerði 66, 68, 70, 72, 76, 88, 90 og 92.
2.09 Mosgerði 1, (fsp) gróðurhús
Lagt fram erindi frá afgreiðslufundi byggingarfulltrúa frá 3. febrúar 2009 þar sem spurt er hvort leyft yrði að byggja gróðurhús aftan við einbýlishúsið á lóð nr. 1 við Mosgerði.
Ekki eru gerðar athugasemdir við erindið. Byggingarleyfisumsókn verður grenndarkynnt þegar hún berst. Samþykki lóðarhafa að Mosgerði 3 skal fylgja með umsókn um byggingarleyfi.
3.09 Ásvallagata 21, endurnýja byggingaleyfi nr 033899 uppr. 7.11.2006
Lagt fram erindi frá afgreiðslufundi byggingarfulltrúa frá 3. febrúar 2009 þar sem sótt er um leyfi til að endurnýja byggingaleyfi BN033899 dags. 7. nóv. 2006 um að gera þaksvalir og aðkomurými úr gleri til að komast uppá svalirnar á húsinu á lóðinni nr. 21 við Ásvallagötu. Einnig er sótt um leyfi fyrir áður gerðum breytingum innanhúss og endurnýjun á byggingarleyfi frá 25. ágúst 1998 vegna byggingar áhaldaskúrs, skv uppdr. Ragnars Birgissonar, dags. 16. nóvember 1997.
Málinu fylgir eignaskiptayfirlýsing til yfirferðar dags. 11. maí 2006 og afsal vegna séreignar í kjallara innfært 3. desember 1993.
Málinu fylgja einnig undirritaðir uppdrættir með samþykki eigenda Ásvallagötu 19 nema eiganda 01 0101 og 01 0201, allra eigenda Ásvallagötu 21, Blómvallagötu 10 og Blómvallagötu 10A.
Stærð: Stækkun 2,2 ferm., 1,6 rúmm.
Gjald kr. 7.700 + 123
Samþykkt að grenndarkynna framlagða umsókn fyrir hagsmunaaðilum að Ásvallagötu 19 og 23, þegar samþykki allra meðeigenda liggur fyrir.
4.09 Grandagarður 1-13, breyting á deiliskipulagi
Lagt fram bréf Skipulagsstofnunar dags. 30. janúar 2009 þar sem gerð er athugasemd við birtingu erindis í B-deild Stjórnartíðinda.
Vísað til meðferðar hjá verkefnisstjóra íbúðarsvæðis vesturbæjar.
5.09 Grundarstígur 10, (fsp) breyting inni og úti
Lagt fram erindi frá afgreiðslufundi byggingarfulltrúa frá 3. febrúar 2009 þar sem spurt er hvort byggja megi sal við kjallara einbýlishúss á lóð nr. 10 við Grundarstíg og breyta nýtingu þessa fyrrum íbúðarhúss Hannesar Hafstein í blandaða atvinnustarfsemi.
Bréf frá hönnuði dags 26.jan. 2009
Vísað til skipulagsráðs.
6.09 Háskóli Íslands, deiliskipulag vestan Suðurgötu
Að lokinni auglýsingu er lögð fram að nýju umsókn Háskóla Íslands dags. 25. nóvember 2008 varðandi breytingu á deiliskipulagi Háskóla Íslands vestan Suðurgötu. Í breytingunni felst að á reit A3 verður hámarksbyggingarmagn aukið, nýtingarhlutfall á lóð hækkað og hámarkshæð byggingar aukin auk þess sem gert er ráð fyrir þakgarði á húsið með tilheyrandi útgangi samkv. meðfylgjandi uppdrætti Teiknistofu arkitekta Gylfa Guðjónssonar og félaga ehf. dags. 15. nóvember 2008. Tillagan var auglýst frá 19. desember 2008 til og með 5. febrúar 2009. Einnig er lagt fram bréf Teiknistofu Gylfa Guðjónssonar og félaga dags. 2. febrúar 2009. Athugsemd barst frá: Kristínu Björg Helgadóttur, dags., 5. febrúar 2009 f.h. húsfélagsins að Birkimel 8, 8A og 8B.
Vísað til umsagnar hjá verkefnisstjóra vesturbæjar.
7.09 Laufásvegur 68, breyting úti, heit pottur, hæðarlegða
Lagt fram erindi frá afgreiðslufundi byggingarfulltrúa frá 3. febrúar 2009 þar sem sótt er um leyfi til að breyta hæðarlegu í suðvesturhorni lóðar, færa heitan pott í garði og bæta gönguhurð á bílgeymslu einbýlishúss á lóð nr. 68 við Laufásveg.
Meðfylgjandi er umboð frá Vegvísi, Helga Hrafni Hilmarssyni til Stefáns Hilmars Hilmarssonar vegna umsóknar um byggingarleyfi.
Gjald kr. 7.700
Frestað.
8.09 Laufásvegur 68, (fsp) geymslurými undir svölum
Lögð fram fyrirspurn Kjartans Rafnssonar f.h. Vegvísis, dags. 30. janúar 2009, varðandi geymslurými undir svölum á húsi nr. 68 við Laufásveg.
Frestað.
9.09 Laugavegur 12, vísað til byggingarfulltrúa
Að lokinni grenndarkynningu er lögð fram að nýju byggingarleyfisumsókn BN037678 frá Laugabergi hf. þar sem sótt er um leyfi til að setja upp tvo veggi með hurðum til að mynda 21,2 ferm. lokað port með þaki úr segldúk að þremur fjórðuhluta milli húsana á lóð nr. 1 við Bergstaðarstræti (sbr. fyrirspurn nr. BN37445) og Laugavegar 12. hurðirnar eru ekki læsanlegar og eru 1,0 meter á breidd til að tryggja flóttaleiðir úr portinu á lóðinni nr. 12 við Laugaveg. Lagt fram bréf eiganda Laugavegar 12b dags. 7. febrúar 2008 , bréf byggingarfulltrúa til borgarráðs dags. 7. febrúar 2008 og bréf borgarráðs dags. 22. febrúar 2008 þar sem samþykkt er að vísa málinu að nýju til meðferðar byggingarfulltrúa. Jafnframt lagt fram bréf Tryggva Þórhallssonar hdl. dags. 21. mai 2008, umsögn lögfræði- og stjórnsýslu dags. 8. júlí 2008, bréf borgarráðs dags. 7. ágúst 2008 og tölvupóstur Tryggva Þórhallssonar hdl. dags. 26. ágúst 2008. Tillagan var grenndarkynnt frá 11. desember 2008 til og með 14. janúar 2009. Eftirtaldir aðilar sendu inn athugasemdir: Magnús Þráinsson f.h. Laugavegs 12b ehf., dags. 14. janúar 2009 og bréf Tryggva Þórhallssonar dags. 3. febrúar 2009, f.h. eigenda að Laugavegi 12/Bergstaðastræti 1. Einnig lögð fram umsögn skipulagsstjóra dags. 16. janúar 2009.
Vísað til skipulagsráðs.
10.09 Laugavegur 46B, (fsp) skipta í 2 íbúðir
Lagt fram erindi frá afgreiðslufundi byggingarfulltrúa frá 3. febrúar 2009 þar sem spurt er hvort skipta megi í tvær íbúðir einbýlishúsinu á lóð nr. 46B við Laugaveg.
Ekki eru gerðar athugasemdir við erindið. Samræmist deiliskipulagi. Sækja skal um byggingarleyfi.
11.09 Laugavegur 50, breyting á deiliskipulagi
Á fundi skipulagsstjóra 19. desember 2008 var lögð fram umsókn Zeppelin arkitekta f.h. Ell-50 ehf., dags. 18. des. 2008 um breytingu á deiliskipulagi lóðarinnar nr. 50 við Laugaveg skv. uppdrætti, dags. 16. des. 2008. Í breytingunni felst aukning á byggingarmagni. Erindinu var frestað þar sem lagfæra þarf uppdrætti. Erindið nú lagt fram að nýju ásamt umsögn Húsafriðunarnefndar dags. 25. nóvember 2008 og nýjum uppdrætti dags. 2. febrúar 2009.
Vísað til skipulagsráðs.
12.09 Laugavegur 60A, viðbygging á baklóð
Lagt fram erindi frá afgreiðslufundi byggingarfulltrúa frá 3. febrúar 2009 þar sem sótt er um leyfi fyrir salerni í viðbyggingu úr timbri og léttan eldvarnarvegg á mörkum lóðar, gasgeymslu utanhúss á jarðhæð, sjónvarpsmóttökudisk og útloftunarháf frá eldhúsi upp úr þaki við veitingahús á lóð nr. 60A við Laugaveg.
Meðfylgjandi er samþykki eigenda húss á lóð nr. 60A dags. 21.1.2009 og samþykki meðlóðarhafa á Laugavegi 60 um aðgengi að lóð dags. 21.1.2009 og bréf frá byggingarfulltrúa varðandi óleyfisframkvæmd dags. 19. janúar 2009. Sömuleiðis er meðfylgjandi samþykki eigenda Lagavegs 60 og 60A vegna framkvæmda við Laugaveg 60A dags. 27.1.2009 og svarbréf B.R.A.S.S ehf dags. 30. janúar 2009.
Stærðir stækkunar xx ferm., xx rúmm.
Gjald kr. 7.700 + xxx
Neikvætt. Samræmist ekki gildandi deiliskipulagi.
13.09 Smáragata 13, breyting á deiliskipulagi
Lagt fram bréf Skipulagsstofnunar dags. 30. janúar 2009 þar sem óskað er eftir umsögn Minjasafns Reykjavíkur, Árbæjarsafns, um erindið.
Vísað til meðferðar hjá verkefnisstjóra miðborgar.
14.09 Spítalastígur 2a, (fsp) rishæð
Lögð fram fyrirspurn Trausta Ólafssonar, dags. 29. janúar 2009, um að reisa rishæð á hús nr. 2a við Spítalastíg.
Ekki eru gerðar athugasemdir við erindið. Sækja skal um byggingarleyfi þar sem samþykki allra meðlóðarhafa fylgir með.
15.09 Veltusund 3B, breyting inni í veitingahús
Lagt fram erindi frá afgreiðslufundi byggingarfulltrúa frá 3. febrúar 2009 þar sem sótt er leyfi um að innrétta skyndibitastað í stað verslunar í atvinnuhúsi á lóð nr. 3B við Veltusund.
Gjald kr. 7.700
Vísað til umsagnar hjá verkefnisstjóra miðborgar.
16.09 Kjalarnes, málefni hestamanna
Lögð fram orðsending skrifstofu borgarstjóra, dags. 23. janúar 2009 ásamt erindi hestamannanefndar Íbúasamtaka Kjalarness frá maí 2008.
Vísað til meðferðar umhverfisstjóra.
17.09 Kjalarnes, Móar, sameining lóða
Lögð fram tillaga Guðmundar Teits Gústafssonar dags. 5. febrúar 2009 varðandi sameiningu lóða í landi Móa á Kjalarnesi samkv. meðfylgjandi uppdrætti.
Vísað til umsagnar hjá verkefnisstjóra Kjalarness.
18.09 Árvað 1, breyting á deiliskipulagi
Lagt fram bréf Skipulagsstofnunar dags. 29. janúar 2009 þar sem gerð er athugasemd við birtingu erindis í B-deild Stjórnartíðinda.
Vísað til meðferðar hjá verkefnisstjóra Norðlingaholts.
19.09 Ægisgarður, Mýrargötusvæði, (fsp) hótel, Slippa- Ellingsenreitur lóð R-15
Á fundi skipulagsráðs 17. sesember 2008 var lagt fram bréf Faxaflóahafna dags. 15. desember 2008 ásamt lóðaumsókn ABZ-A dags. 8. desember 2008 ásamt greinargerð og uppdráttum dags. 8. desember 2008. Erindinu var vísað til umfjöllunar í stýrihópi vegna hugmyndasamkeppni um þróun og framtíð skipulagssvæðis Gömlu hafnarinnar frá D-reit og Ingólfsgarði í austri að Eyjargarði í vestri. Erindinu var jafnframt vísað til umsagnar skipulagsstjóra og er nú lagt fram að nýju.
Kynnt.
20.09 Almannadalur 17-23, (fsp) bílastæðamál
Lögð fram fyrirspurn Bjarna Jónssonar, dags. 4. feb. 2008 varðandi bílastæðamál á hesthúsalóðum í Almannadal.
Ekki er tekin afstaða til erindisins. Varðar ekki skipulag.
21.09 Gufunes við Sorpuveg, geymsla efnis á borgarlandi
Lögð fram umsókn Eyþórs Guðjónssonar f.h. Fjöreflis, dags. 20. janúar 2009, um leyfi til geymslu og vinnslu efnis á borgarlandi við Sorpuveg til 18 mánaða.
Vísað til umsagnar umhverfisstjóra skipulags- og byggingarsviðs.
22.09 Ingólfstorg, (fsp) breyting á deiliskipulagi 2009
Lagðar fram ódagsettar skissur Arkitektur.is, að breytingum á deiliskipulagi Ingólfstorgs.
Kynna formanni skipulagsráðs.
23.09 Mógilsá, landspilda 125736, (fsp) sumarhús
Lögð fram fyrirspurn Ólafs Axelssonar ark., dags. 29. janúar 2009, um byggingu sumarhúss á landspildu 125736 í landi Mógilsár skv. uppdrætti, dags. í janúar 2009.
Vísað til umsagnar hjá umhverfisstjóra skipulags- og byggingarsviðs.
24.09 Þórðarsveigur 32-36, stækkun lóðar
Lögð fram umsókn Tark, dags. 27. janúar 2009, um stækkun lóðar nr. 32-36 við Þórðarsveig skv. uppdrætti, dags. 27. janúar 2009.
Vísað til umsagnar hjá verkefnisstjóra Grafarholts.