Sætún 1, Suðurgata 14, Urðarstígsreitir, Fossagata 3, Alþingisreitur, Lækjargata MR, Miðborgin, Skúlagata 13, Tryggvagata 22, Skúlagata 12-16, Fossvogsdalur, Fossvogsdalur, miðlunartjarnir, Traðarland 1, Víkingur, Vesturbær - Íþrótta og tómstundastarf, Víðidalur, Fákur, Barmahlíð 54, Grensásvegur 11, Kleifarvegur 11, Sundagarðar 4-6, Hólmsheiði, Fisfélag Reykjavíkur, Græni trefillinn Útmörk höfuðborgarsvæðisins, Gamla höfnin, Almannavarnir,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

241. fundur 2009
Ár 2009, föstudaginn 23. janúar kl. 11:10, hélt skipulagsstjóri Reykjavíkur 241. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12-14, 2. hæð Stardal. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Margrét Þormar Jóhannes Kjarval, Bragi Bergsson, Þórarinn Þórarinsson, Björn Axelsson og Haraldur Sigurðsson. Ritari var Helga Björk Laxdal.
Þetta gerðist:

1.09 Sætún 1, veltiskilti á lóð
Lögð fram umsókn Húsfélagsins Sætúni 1 dags. 8. janúar 2009 þar sem sótt er um leyfi fyrir veltiskilti á norðvesturhluta lóðarinna að Sætúni 1. Gert er ráð fyrir að á skiltaflötum sem vísa í þrjár áttir verði birtar auglýsingar sem tengjast starfsemi á lóð ásamt almennum auglýsingum. Meðfylgjandi eru uppdrættir dags. 7. janúar 2009. Einnig lögð fram umsögn skipulagsstjóra dags. 20. janúar 2009.
Synjað með vísan til umsagnar skipulagsstjóra.
2.09 Suðurgata 14, (fsp) breyting á íbúðarhúsi í skóla
Lagt fram erindi frá afgreiðslufundi byggingarfulltrúa frá 20. janúar 2009 þar sem spurt er hvort breyta megi íbúðarhúsi í skóla Hjallastefnunar á lóð nr. 14 við Suðurgötu. Meðfylgjandi er afstöðumynd og grunnmyndir og bréf frá arkitekt.
Ekki eru gerðar athugasemdir við erindið með hefðbundnum fyrirvörum um mögulegar útlitsbreytingar á húsi og lóð.
3.09 Urðarstígsreitir, tillaga að deiliskipulagi. Reitir 1.186.0 og 1.186.4
Lögð er fram tillaga Arkitekta Gunnars og Reynis sf. að deiliskipulagi Urðarstígsreita, reitir 1.186.0 og 1.186.4, dags. 15. janúar 2009. Einnig er lögð fram forsögn skipulagsstjóra dags. í nóvember 2007 og athugasemdir við forkynningu frá Sigurði Áss Grétarssyni, Braga L. Haukssyni, Rúnari Ingimarssyni og Birna Eggertsdóttur.
Frestað.
4.09 Fossagata 3, breyting á deiliskipulagi
Á fundi skipulagsstjóra 28. nóvember 2008 var lagt fram erindi Gísla Jónssonar dags. 21. nóvember 2008 varðandi breytingu á deiliskipulagi lóðarinnar nr. 3 við Fossagötu. Í breytingunni felst að byggja við húsið samk. meðfylgjandi uppdrætti Zeppelin arkitekta dags. 29. október 2008. Tillagan var grenndarkynnt frá 9. desember 2008 til og með 21. janúar 2009. Eftirtaldir aðilar sendu inn athugasemdir: Dóra Hafsteinsdóttir og Sigurður Ingi Margeirsson dags. 14. janúar 2009. Einnig er lögð fram umsögn skipulagsstjóra dags. 23. janúar 2008.
Vísað til skipulagsráðs.
5.09 Alþingisreitur, breyting á deiliskipulagi
Að lokinni auglýsingu er lögð fram að nýju umsókn Alþingis dags. 22. október 2008 varðandi breytingu á deiliskipulagi Alþingisreits. Í breytingunni felst að færa götuhlið nýbyggingar Kirkjustrætis 6 út í sömu línu og eldri hús. Einnig er sótt um að rýmka byggingarreit fyrir göngubrú samkv. meðfylgjandi uppdrætti Batterísins dags. 22. október 2008. Tillagan var auglýst frá 3. desember til og með 19. janúar 2009. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
6.09 Lækjargata MR, (fsp) byggja skólahús
Á fundi skipulagsstjóra 9. janúar 2008 var lagt fram erindi frá afgreiðslufundi byggingarfulltrúa frá 6. janúar 2009 þar sem spurt er hvort leyft yrði að byggja skólahúsnæði eins og sýnt er á meðfylgjandi teikningum á baklóð MR nr. 7 við Lækjargötu og yfir á lóðir nr. 2, 2B, 4 og 4B við Amtmannsstíg. Erindinu var vísað til meðferðar hjá verkefnisstjóra miðborgar og er nú lagt fram að nýju.
Erindi fylgir yfirlýsing VSI dags. 22. desember 2008

Ekki eru gerðar athugasemdir við erindið, samræmist deiliskipulagi. Gerðir eru hefðbundnir fyrirvarar um stærðir og nýtingarhlutfall samkvæmt byggingarleyfisumsókn.
7.09 Miðborgin, frágangur og yfirborð svæða
Kynntar hugmyndir um frágang og yfirborð framkvæmdasvæða í miðborginni.
Kynnt.
8.09 Skúlagata 13, breyting á deiliskipulagi
Að lokinni auglýsingu er lögð fram að nýju umsókn Nýborgar ehf fasteignafélags dags. 11. nóvember 2008 varðandi breytingu á deiliskipulagi vegna lóðarinnar nr. 13 við Skúlagötu. Í breytingunni felst stækkun á byggingarreit til austurs og suðurs, einnig er sótt um vöruaðkomu af Sæbraut samkvæmt meðfylgjandi uppdrætti Gunnlaugs Ó. Johnson dags. 26. ágúst 2008. Einnig er lögð fram eldri umsögn lögfræði og stjórnsýslu dags. 10. júní 2008. Tillagan var auglýst frá 3. desember til og með 19. janúar 2009. Eftirtaldir aðilar sendu inn athugasemdir: Gísli Alfreðsson, Klapparstíg 1, dags. 18. janúar 2009.
Vísað til umsagnar hjá verkefnisstjóra miðborgar.
9.09 Tryggvagata 22, reyndarteikning
Lagt fram erindi frá afgreiðslufundi byggingarfulltrúa frá 20. janúar 2009 þar sem sótt er um leyfi fyrir reyndarteikningum af tjaldþaki (markísu) yfir svölum veitingahúss á lóð nr. 22 við Tryggvagötu.
Gjald kr. 7.300
Ekki eru gerðar athugasemdir við erindið.
10.09 Skúlagata 12-16, sjónlína niður Frakkastíg
Lagt fram bréf Jon Kjell Seljeseth og Elínar Ebbu Ásmundsdóttur, dags. 22. desember 2008, varðandi skerðingu á sjónlínu frá Skólavörðuholti niður Frakkasígs vegna fyrirhugaðs háhýsis að Skúlagötu 12-16
Vísað til umsagnar verkefnisstjóra miðborgar.
11.09 Fossvogsdalur, deiliskipulag v/stíga
Lagt fram erindi Umhverfis- og samgöngusviðs ódags. móttekið 19. janúar 2009 að deiliskipulagi í Fossvogsdal vegna stíga. Í tillögunni er gert ráð fyrir hjólastíg frá Kringlumýrarbraut að Reykjanesbraut samk. meðfylgjandi uppdrætti Landmótunar dags. 7. janúar 2009. Einnig lagt fram bréf umhverfis-og samgöngusviðs dags. 14. janúar 2009.
Vísað til skipulagsráðs.
12.09 Fossvogsdalur, miðlunartjarnir, breyting á deiliskipulagi
Lagður fram uppdráttur Landmótunar dags. 16. desember 2008 vegna niðurfellingar á hluta deiliskipulags Fossvogsdalur miðlunartjarnir.
Vísað til skipulagsráðs.
13.09 Traðarland 1, Víkingur, bílastæði breyting á deiliskipulagi
Lögð fram tillaga THG arkitekta dags. 22. janúar 2009 að breytingu á deiliskipulagi Traðarland 1, athafnasvæði Víkings. Í breytingunni felst breyting á afmörkun deiliskipulagssvæðisins.
Vísað til skipulagsráðs.
14.09 Vesturbær - Íþrótta og tómstundastarf, aðstaða fyrir körfuknattleik
Lögð fram greinargerð áhugamanna um körfuknattleik, dags. í maí 2006, um útikörfuknattleiksvelli í Vesturbænum
Vísað til skoðunar í samstarfsnefnd KR og Reykjavíkurborgar.
15.09 Víðidalur, Fákur, breyting á deiliskipulagi
Að lokinni auglýsingu er lögð fram að nýju tillaga Landslags ehf., dags. 6. júní 2008 að breytingu á deiliskipulagi athafnasvæðis hestamannafélagsins Fáks í Víðidal. Tillagan var auglýst frá 23. október til og með 4. desember 2008. Einnig er lögð fram umsögn Umhverfis- og samgöngusviðs dags. 22. október 2008 þar sem gerðar eru athugasemdir við tillöguna. Athugasemdir bárust frá: Jóni Valgeirssyni, Melbæ 12, dags. 25. nóv., 2008, Veiðimálastofnun dags. 25. nóv,. 2008, Ágúst Úlfar Sigurðsson, Lágabergi 3, dags. 30. nóv., 2008, Þórólfi Jónssyni f.h. ráðgjafahóps um málefni Elliðaáa, dags. 3. des. 2008, Stangaveiðifélagi Reykjavíkur, dags. mótt. 4.desember 2008, Versus lögm. f.h. Hallgerðar Hauksdóttur, dags. 4. des. 2008. Umsögn Umhverfis- og samgönguráðs dags. 14. janúar 2009.
Vísað til umsagnar Umhverfisstofnunar.
16.09 Barmahlíð 54, brú, þaksvalir
Lagt fram erindi frá afgreiðslufundi byggingarfulltrúa frá 13. janúar 2009 þar sem sótt er um leyfi fyrir áður gerðu opi í svalahandrið, til að gera brú af svölum íbúðar 01-0101 yfir á þak bílskúrs, gerð þaksvala sem afmarkaðar eru með blómakerjum úr timbri, og til að gera stiga af bílskúrsþaki niður í garð við fjölbýlishúsið á lóð nr. 54 við Barmahlíð. Erindi þessu var synjað 15. júlí 2008 en er nú tekið upp aftur eftir niðurstöðu úrskurðarnefndar um skipulags- og byggingamál.
Sbr. fyrirspurn BN038364 dags. 10. júní 2008.
Útskrift úr gerðabók embættisafgreiðslufundar skipulagsstjóra frá 4. júlí 2008 fylgir erindinu.
Erindi fylgir einnig bréf umsækjanda þar sem farið er fram á endurupptöku máls dags. 12. desember 2008 og samþykki meðeigenda í Barmahlíð 54 og 56.
Gjald kr. 7.300
Með vísan til þess að frestur til að gera athugasemdir misritaðist í útsendu kynningarbréfi er nú samþykkt að endurtaka grenndarkynningu á framlagðri umsókn fyrir hagsmunaðilum að Mávahlíð 43, 45 og 47 ásamt Barmahlíð 50, 52 og 56.
17.09 Grensásvegur 11, breyting á deiliskipulagi Skeifan-Fenin
Að lokinni grenndarkynningu er lögð fram að nýju umsókn Sætrar ehf. dags. 4. desember 2008 varðandi breytingu á deiliskipulaginu Skeifan-Fenin vegna lóðarinnar Grensásvegur 11. Í breytingunni felst að fá leyfi fyrir neðri bílastæðakjallara auknu byggingarmagni því tengdu, breyttu skipulagi bílastæða og stækkun á byggingarreit samkv. meðfylgjandi uppdrætti T. ark dags. 18. nóvember 2008. Einnig lagt fram Samþykki lóðarhafa að Grensásvegi 9, dags. 12.12.2008. Tillagan var grenndarkynnt frá 17. desember 2008 til og með 21. janúar 2009. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
18.09 Kleifarvegur 11, (fsp) bílskúr við hús
Lagt fram erindi frá afgreiðslufundi byggingarfulltrúa frá 20. janúar 2009 þar sem spurt er hvort leyft yrði að byggja bílskúr eins og sýnt er á meðfylgjandi skissum af íbúðarhúsinu á lóð nr. 11 við Kleifarveg.
Ekki eru gerðar athugasemdir við erindið. Byggingarleyfisumsókn verður grenndarkynnt þegar hún berst.
19.09 Sundagarðar 4-6, (fsp) 4-8 stækkun byggingareits
Á fundi skipulagsstjóra 19. desember 2008 var lagt fram erindi frá afgreiðslufundi byggingarfulltrúa frá 16. desember 2008 þar sem spurt er hvort leyfi fáist til að stækka byggingareit til suðurs um átta metra á lóð nr 4-8 við Sundagarða. (4-8 er ekki ein lóð, 4- 6 er ein lóð og síðan nr. 8). Erindinu var vísað til meðferðar hjá verkefnistjóra svæðisins og er nú lagt fram að nýju ásamt tölvubréfi Marteins Magnússonar dags. 22. janúar 2009 þar sem erindið er afturkallað.
Erindið fellt niður með vísan til bréfs umsækjanda.
20.09 Hólmsheiði, Fisfélag Reykjavíkur, breyting á Aðalskipulagi Reykjavíkur 2001-2024
Lögð fram tillaga Skipulags- og byggingarsviðs dags. janúar 2009 að breytingu á Aðalskipulagi Reykjavíkur 2001-2024 vegna aðstöðu fisflugs á Hólmsheiði samkv. meðfylgjandi uppdrætti dags. janúar 2009. Einnig lögð fram umhverfisskýrsla dags. janúar 2009.
Vísað til skipulagsráðs.
21.09 Græni trefillinn Útmörk höfuðborgarsvæðisins, Svæðisskipulag höfuðborgarsvæðisins.2001-2024
Lögð fram að lokinni kynningu drög skipulags- og byggingarsviðs dags. í september 2008 að óverulegri breytingu á svæðisskipulagi höfuðborgarsvæðisins. Einnig lögð fram bréf Mosfellsbæjar dags. 29. október 2008, Hafnarfjarðarbæjar dags. 10. nóvember 2008, Kjósarhrepps dags. 10. nóvember 2008, Kópavogsbæjar dags. 21. nóvember 2008 og Seltjarnarnesbæjar dags. 10. desember 2008.

Vísað til skipulagsráðs.
22.09 Gamla höfnin, bréf Faxaflóahafna
Lagt fram bréf Faxaflóahafna dags. 19. janúar 2008 þar sem óskað er eftir afstöðu skipulagsráðs um að hluti skipulagsreit Tónlista-og ráðstefnuhússins verði innna þess svæðis sem hugmyndasamkeppni um framtíðarskipulag Gömlu Hafnarinnar tekur til.

24.09 Almannavarnir, áhættumat fyrir höfuðborgarsvæðið
Lagt fram bréf slökkviliðsstjóra, dags. 22. des. 2008, varðandi áhættumat fyrir höfuðborgarsvæðið en það felur í sér úttekt á helstu áhættum sem steðja að íbúum, eignum og umhverfi.
Vísað til skipulagsráðs.